ནམ་མཁའ་དུག་དང་ལྷན་ཅིག་པ། །ཐམས་ཅད་རྐང་འོག་རྡོ་རྗེ་ཡིས། །གར་གྱི་སྦྱོར་བས་བསྣུན་པར་བྱ། །རྡོ་རྗེ་བསྡིགས་པའི་སྦྱོར་བ་ཡིས། །རྡོ་རྗེ་ཁུ་ཚུར་གྱིས་ནི་བསྣུན། །བསྣུན་པས་འཁྲུལ་འཁོར་ཐམས་ཅད་ནི། །གདོན་མི་ཟ་བར་ལྟུང་བར་འགྱུར། །ཉི་མ་དང་ནི་རྡོར་འཛིན་ཡང་། །དཔལ་ལྡན་གྱིས་བསྣུན་གཡོ་འགྱུར་ན། །ཕལ་པའི་འཁྲུལ་འཁོར་སྨོས་ཅི་དགོས…

དང་། །པུ་ནར་ན་བ་ཁྱབ་འཇུག་གནོན། །དེ་དག་རྣམས་ལས་བདུག་པ་བྱ། །རླུང་གི་འཁྲུལ་འཁོར་བཟློག་པར་འགྱུར། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་འཁྲུལ་འཁོར་འཇོམས་པ་རྒྱལ་བ་ཞེས་བྱ་བའི་ལེའུ་སྟེ་ཉི་ཤུ་གཉིས་པའོ།། །།དེ་ནས་རྡོ་རྗེ་ཁྲོ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །…

བུའི་ཡོན་ཏན་དང་ལྡན་པ་ལ་སྔགས་འགྲུབ་པ་གསང་བ་བཤད་པར་བྱའོ། །རིག་པ་འཛིན་པས་ཞི་བ་དང་། རྒྱས་པ་དང་། མངོན་སྤྱོད་དང་། དབང་དུ་བྱ་བ་དང་། གསོད་པ་དང་། བསྐྲད་པ་རྣམས་བསྒྲུབ་པའི་དོན་དུ་གནས་ཡོངས་སུ་གཟུང་བར་བྱའོ། །དེ་ལ་རེ་ཞིག་གནས་སུ་གྱུར་པ་ནི་རིའི་རྩེ་མོ་དང་། ཤིང་གཅིག་པ་དང་། དུར་ཁྲོད་དང་། རིང་བསྲེལ་ཅན་གྱི་མཆོད་རྟེན་རྣ…

གས་བཅོམ་ལྡན་འདས་སྤྱན་དང་ལྷན་ཅིག་པ་མཆོད་དེ། སྣ་མའི་མེ་ཏོག་ལ་བརྒྱད་བརྒྱ་ཡོངས་སུ་བཟླས་ལ་ཕྱོགས་བཞིར་གཏོར་ཏེ། ཇི་སྲིད་གཉིད་མ་བྱུང་བ་དེ་སྲིད་ཀྱི་བར་དུ་བཟླ་བར་བྱའོ། །ངེས་པར་གསུང་བར་འགྱུར་རོ། །དེ་ནས་ཐེ་ཙོམ་མེད་པར་སླར་ཡང་སྔར་བཤད་པའི་ཆོ་ག་བཞིན་དུ་གསང་སྔགས་ཆེན་པོ་འབུམ་ཕྲག་གསུམ་དང་སྟོང་ཕྲག་བརྒྱད་བཟླ་བར་བྱའོ། །ད…

དེར་མེ་བཟང་པོར་གྱུར་ན་དེ་ནས་ལས་འགྲུབ་པར་འགྱུར་རོ། །ཐོག་མཁོ་ནར་སྔགས་ཀྱིས་ལྷ་སྤྱན་དྲངས་ཏེ་ཕྱིས་བཅིང་བར་བྱའོ། །ཐོག་མར་དེ་ལྟར་མ་བྱས་ན་རིག་པ་འགྲུབ་པར་མི་འགྱུར་རོ། །སྤྱན་དྲངས་ནས་དྲིའི་ཆུས་གང་བའི་སྣོད་དུ་མེ་ཏོག་དཀར་པོ་དང་ལྡན་པ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཕྱོགས་ཏེ། གསང་སྔགས་བརྒྱད་བརྒྱ་བགྲང་བར་བྱའོ།…

བཞི་གཡས་བསྐོར་དུ་བསྐོར་བ་ལ་བཞག་སྟེ་གསུམ་གྱིས་དགབ་བོ། །ཨ་ཤྭཏྠའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན་གྱི་གྲིབ་མས་མ་ཕོག་པ་དང་། ལྷའི་ཁང་པས་མ་ཕོག་པ་དང་། དུར་ཁྲོད་དུ་སྐྱེས་པ་རྣམས་ཀྱི་ཨ་ཤྭཏྠའི་ལོ་མ་ཡོངས་སུ་གཟུང་བར་མི་བྱའོ། །དེ་དག་ལས་གཞན་གནས་བསྔགས་པའི་ཨ་ཤྭཏྠའི་ཤིང་གི་ལོ་མ་རྩེ་མོ་དཀར་པོ་…

ལ་རྫས་ཀྱི་དབུས་སུ་བཅུག་པས་རྫས་བརྟན་པར་འགྱུར་རོ། །གཞན་དུ་ན་དངོས་གྲུབ་འཕྲོག་པར་འགྱུར་རོ། །གལ་ཏེ་རིག་པ་འཛིན་པས་གསང་སྔགས་གྲུབ་པར་མ་གྱུར་ན་རིག་པ་འཛིན་པ་དེས་འདི་ལྟར་བྱ་སྟེ། རྒྱ་མཚོ་ཆེན་པོར་འབབ་པའི་ཆུ་བོའི་འགྲམ་དུ་རྟེན་ཅིང་འབྲེལ་པར་འབྱུང་བའི་སྙིང་པོ་ཅན་གྱི་མཆོད་རྟེན་ཁྲུ་གང་པ་བརྒྱད་བརྒྱ་བྱས་ལ་མཆོད་རྟེན་རེ་ར…

པདྨ་དང་། དུང་དང་། ལྕགས་ཀྱུ་དང་། སྤྱི་བླུགས་ལ་སོགས་པ་རྣམས་ལ་རྐང་པས་བརྫི་བར་མི་བྱའོ། །ས་ལ་བྲིས་པ་ལ་ཡང་དེ་བཞིན་དུ་བྱའོ། །འདི་ལྟར་རྡོ་རྗེ་འཆང་བའི་རྡོ་རྗེ་དང་། ཁྱབ་འཇུག་གི་འཁོར་ལོ་དང་། ལྷ་ཆེན་པོའི་རྩེ་གསུམ་དང་། གཤིན་རྗེའི་དབྱུག་གུ་དང་། ཆུ་ལྷའི་ཞགས་པ་དང་། གཞོན་ནུའི་མདུང་ཐུང་དང་། སྟོབས་ཤའི་དབྱུག་ཐོ་དང་། བྱ…

རྨི་ལམ་ལྟ་བུར་གསང་སྔགས་གང་འདོད་པ་ཡིད་ལ་སེམས་ཤིང་བཟླ་བར་བྱའོ། །གཞན་དུ་ན་ལོག་པར་འདྲེན་པ་རྣམས་ཞུགས་པར་གྱུར་ནས་རིག་པའི་ལྷ་མངོན་དུ་མི་འགྱུར་རོ། །གཞན་གྱི་གོས་ལ་རེག་པར་མི་བྱ་ཞིང་བགོ་བ་གསུམ་བྱས་ཏེ། གཅིག་གྱོན་ལ་ཁྲུས་བྱའོ། །གཉིས་པས་བཟླ་བར་བྱའོ། །གསུམ་པས་མཚན་མོ་གྱོན་པར་བྱའོ། །སྐྱིལ་ཀྲུང་གིས་གནས་ཏེ་རིག་པའི་ལྷའི…

དམ་པ་རྙེད་པ་ཡིས། །བསྟན་བཅོས་ལས་ནི་ངེས་བཞིན་པའི། །ཕྱོགས་ཀྱི་ཆ་ནི་རབ་བཤད་བྱ། །ཤར་ན་ནྱ་གྲོ་དྷ་ཡི་ཤིང་། །དབང་ལྡན་དུ་ནི་པ་ལཀྵ། །ལྷོ་རུ་ཡང་ནི་ཨ་ཤྭཏྠ། །ནུབ་ཏུ་དེ་བཞིན་པ་ལཀྵ། །བྱང་དུ་ལྗོན་ཤིང་མ་དུ་ཀ །གནས་རྣམས་སུ་ནི་གདོན་མི་ཟ། །གང་དག་ཏུ་ནི་ཤིང་མེད་ན། །དེ་ལ་ཡང་ནི་མཚན་བཟང་པོ། །ཤར་ན་གཞན་པའི་ལུས་གཅིག་སྟེ། །ལྷོ་ར…

ཀྱི་ཡང་མཚན་ཉིད་ནི། །བསྟན་པ་འདི་ལ་ཐེ་ཚོམ་མེད། །འདི་ལྟར་ཤེས་པའི་མཁས་པ་ཡིས། །ཕྱོགས་ཀྱི་འཁྲུལ་འཁོར་མཚོན་པར་བྱ། །སྔོན་བཞིན་ལེགས་པར་ཤེས་པ་ཡིས། །རྫས་རྣམས་ཀྱང་ནི་བློ་ལྡན་གྱིས། །དེ་འདྲའི་ཕྱོགས་སུ་འཁོད་ནས་ནི། །དེ་ཡིས་ལམ་ནི་བལྟ་བར་བྱ། །གཉིས་པ་ཡི་ནི་ལམ་གྱུར་པ། །འཁྲུལ་འཁོར་མེད་པས་བརྟག་མི་དགོས། །གསུམ་པ་ཡང་ནི་ཤེས་…

ནག་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཛོམ་པ་ལ་འཁྲུལ་འཁོར་ཐམས་ཅད་གྲོལ་བར་འགྱུར་རོ། །དགུན་ཟླ་ཐ་ཆུངས་ཀྱི་ནག་པོའི་བཅུ་བཞི་ལ་ཕུར་བུ་དང་སྐར་མ་གྲོ་བཞིན་ལ་བུ་ག་ཐམས་ཅད་ཀྱི་འཁྲུལ་འཁོར་མེད་པར་འགྱུར་རོ། །དགུན་ཟླ་ཐ་ཆུངས་ཀྱི་དཀར་པོའི་བཅུ་བཞི་ལ་ཕུར་བུའི་ཉེ་མ་དང་སྐར་མ་རྒྱལ་འཛོམ་པ་ན་འཁྲུལ་འཁོར་མ་ལུས་པ་གྲོལ་…

རྒྱ་གར་སྐད་དུ། ཨཱཪྱ་བིདྱཱ་ཨུཏྟ་མ་མ་ཧཱ་ཏནྟྲ། བོད་སྐད་དུ། འཕགས་པ་རིག་པ་མཆོག་གི་རྒྱུད་ཆེན་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བྱང་ཆུབ་སེམས་དཔའ་སེམས་ད…

ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་འབྱུང་པོའི་བདག་པོ་དབང་ལྡན་འབྱུང་པོ་བྱེ་བ་ཕྲག་དུ་མས་བསྐོར་ནས་འཁོར་དེ་ཉིད་དུ་འདུས་པར་གྱུར་ཏེ། བཅོམ་ལྡན་འདས་ཀྱི་ཞབས་དང་ཕྱག་ན་རྡོ་རྗེ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །དེ་ནས་གདོལ་པའི་རྒྱལ་པོ་ཕུར་བུ་གསུམ་པ་ཡང་འཁོར་དེ་ཉིད་དུ…

མོད་ཀྱི། །བཅོམ་ལྡན་འདས་གང་དག་རིག་པ་མཆོག་འདིའི་དོན་འདོན་པ་དང་། འཆང་བ་དང་། མཆོད་པ་བགྱིད་པ་དེ་དག་ནི་བདག་གི་དམ་ཚིག་འཚལ་བ་ལགས། བདག་གི་དཀྱིལ་འཁོར་དུ་ཞུགས་པ་ལགས་པས་བཅོམ་ལྡན་འདས་ཀྱིས་གནང་བ་མཛད་དུ་གསོལ། དེ་ནས་བཅོམ་ལྡན་འདས་ལ་གནོད་སྦྱིན་གྱི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་ཡི་གེ་བ…

སུ་ཀློག་པ་དང་། མཆོད་པར་བགྱིད་པ་དང་། སྒྲུབ་པའི་རིག་སྔགས་འཆང་དེའི་བརྩོན་པ་བསྐྱེད་པར་བགྱིའོ། །བཀའ་སྩལ་པ།རིགས་ཀྱི་བུ་དག་དེ་དེ་བཞིན་ཏེ། དེ་དེ་བཞིན་ནོ། །དེ་ནས་རིག་པའི་རྒྱལ་པོའི་ལས་ནི་འདི་ལགས་ཏེ། སྲད་བུའམ་ཐལ་བའམ་ཆུ་ལ་ལན་ཅིག་བརྗོད་པས་བསྲུང་བར་འགྱུར་རོ། །རིག་སྔགས་བཅད་ན་མཚོན་རྣོན་པོ་ལ་ལན་གཉིས་བརྗོད་དེ་རྩྭ་ཀུ་…

གྲིའམ། མེ་ལོང་གིས་སོ། །མར་གྱི་ངོ་ཞག་བཅུ་བཞི་ནས་ལག་ན་རྡོ་རྗེའི་མདུན་དུ་ཞག་གསུམ་སྨྱུང་བར་བྱས་ལ་ལན་བརྒྱད་སྟོང་བཟླས་བརྗོད་བགྱིའོ། །དེ་ནས་བཅོམ་ལྡན་འདས་ལག་ན་རྡོ་རྗེས་དམ་པ་སྩོལ་བར་འགྱུར་ཏེ། དེའི་འོག་ཏུ་དུག་གསོ་བ་ལ་སོགས་པ་དང་ལས་གཞན་རྣམས་ཀྱང་བགྱིའོ། །གལ་ཏེ་མཁའ་འགྲོ་མ་རྣམས་ཤིན་ཏུ་བཅད་པར་འཚལ་ན་དེ་ནས་ལག་ན་རྡོ་ར…

ནམས་ཀྱང་འཇིག་གོ། །སྲོག་ཀྱང་འཇིག་གོ། །རིག་སྔགས་འཆང་དེའི་ཚེ་ཅི་ཙམ་པར་གསང་སྔགས་རྣམས་མི་འགྲུབ་བོ། །སླར་གསོ་བར་བགྱི་ནམ་ལ་ཏའི་མེ་ཏོག་མར་ལ་སྨྱུགས་པའི་སྦྱིན་སྲེག་བགྱི་བ་ལན་ཉི་ཤུ་རྩ་གཅིག་ལག་ན་རྡོ་རྗེའི་མདུན་དུ་སྦྱིན་སྲེག་བགྱིས་ན་རིག་པ་འགྲུབ་བོ། །ལས་འདི་དག་ནི་མ་བསྒྲུབས་ཀྱང་བགྱིད་དོ། །ཅི་སྟེ་བགྱིད་འཚལ་ན་རི་ལ་འ…

རོ། །གང་གི་ཚེ་ཕ་རོལ་འབྲོས་པར་བགྱིད་འཚལ་ན་ཕུབ་མ་ལས་ལན་བརྒྱད་སྟོང་སྦྱིན་སྲེག་བྱའོ། །སོ་ཕག་གིས་ཀྱང་འཕངས་ན་འབྲོས་པར་འགྱུར་རོ། །མར་གྱི་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨ་རྐའི་ཞུགས་བུས་ལ་རྩྭ་དཱུར་བའི་ལོ་མ་ཅན་བརྒྱད་སྟོང་སྦྱིན་སྲེག་བགྱིས་ན་ཏི་ན་ར་གཅིག་རྙེད་པར་འགྱུར་རོ། །མར་གྱི་ངོ་ཞག་བཅུ་བ…

གླགས་མི་རྙེད་ཀྱི་ལག་ན་རྡོ་རྗེས་དེའི་མགོ་འགེམས་སོ། །བཅོམ་ལྡན་འདས་ཀྱི་སྤྱན་སྔ་འམ། ཕྱོགས་གཙང་མར་མཆོད་པ་བགྱིས་ཏེ་རྩྭ་ཀུ་ཤའི་མདུང་རྩེ་གསུམ་པ་ཐོགས་ལ་ཡུངས་ཀར་དང་། ཞོ་དང་། སྦྲང་རྩི་དང་མར་བསྲེགས་པ་སྦྱིན་བླུགས་ལན་ཉི་ཤུ་རྩ་གཅིག་སྦྱིན་སྲེག་བགྱི་ཞིང་ཉིན་བདུན་དུས་གསུམ་དུ་གཅེར་བུར་སྐྲ་བཤིག་ལ་བགྱིས་ན་ནོར་སྕོལ་བར་བག…