དཔའི་ཚོགས་འདི་ལ་ཐུགས་བརྩེ་བའི་སླད་དུ་དེ་བཀའ་སྩལ་དུ་གསོལ། རྡོ་རྗེ་བསྒྱིངས་པ་ཆེན་པོ་འཇིག་རྟེན་མཐའ་ཡས་པའི་དབང་ཕྱུག་གི་རྒྱལ་པོ་ལག་ན་རྡོ་རྗེས་དེ་སྐད་ཞུས་པ་དང་། དེ་ནས་དེའི་ཚེ་བཅོམ་ལྡན་འདས་ཀྱིས་མཚན་དཔལ་གྱི་བེའུ་ཆེན་པོ་ལས་མཐོན་ཀ་ཆེན་པོ་དང་། བཻ་ཌཱུཪྱ་ལྟ་བུ་འོད་ཟེར་ནོར་བུ་རིན་པོ་ཆེ་ཆེན་པོ་སྐར་མདོག་ལྟ་བུའི་འོད…

དང་། གསང་བ་མཐའ་ཡས་དཀྲིགས་ཕྲག་བྱེ་བ་དང་ལྡན་པའི་མདོ་སྡེའི་དབང་པོའི་རྒྱལ་པོ་དེ་གདུལ་དཀའ་བ་རྣམས་འདུལ་བ་དང་། ཐམས་ཅད་མཁྱེན་པའི་ཡེ་ཤེས་བསྟན་པའི་ཕྱིར་དེ་བཞིན་གཤེགས་པའི་འཁོར་དམ་ཚིག་ཅན་འདུས་པའི་དཀྱིལ་འཁོར་དུ་བཤད་དོ། །རྟོགས་པ་དྲི་མ་མེད་པ་དེ་ཚུན་ཆད་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་སྒྲོན་མ་ཆེན་པོའི་འོད་ཟེར་དེ…

བསྐལ་པ་བཟང་པོ་ལ་འཇིག་རྟེན་གྱི་ཁམས་མི་མཇེད་འདི་ཉིད་དུ་སངས་རྒྱས་ཀྱི་མཛད་པ་བྱེད་དེ། བསྐལ་པ་བཟང་པོའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་པ་ཐམས་ཅད་ལ་དེ་བཞིན་དུ་མཐར་གྱིས་ཐབས་འདིས་བསྟན་པ་ལ་བྱ་བ་བྱས་ནས་མངོན་པར་རྫོགས་པར་སངས་རྒྱས་ཏེ།རྡོ་རྗེའི་རྩལ་གྱིས་འགྲོ་བ་ཞེས་བྱ་བའི་དེ་བཞིན་གཤེགས…

དེའི་འོག་ཏུ་ཞག་གསུམ་སྨྱུང་བ་བགྱིས་ལ། གནས་བཞིར་བསྙེན་བཀུར་བྱེད་པ་བཞི་བཞག་གོ། །ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །རི་མོའི་སྐུ་གཟུགས་ཀྱི་སྤྱན་སྔར་རྩྭ་ཀུ་ཤ་སྦམས་པའི་སྟེང་དུ་འདུག་ལ། མཆོད་པ་རྒྱ་ཆེར་བགྱིས་ལ་གཏོར་མ་ཡང་ཤིན་ཏུ་རྒྱ་ཆེར་བགྱིའོ། །ལྕེ་བོག་གི་བདུག་པས་བདུག་གོ། །རི་མོའི་སྐུ་གཟུགས་ཀྱི་སྤྱན་སྔར་ཨརྐའ…

ལ་ཤིང་ཨ་ཤྭཏྠའི་ལོ་མ་བདུན་གྱི་སྟེང་དུ་བཞག་ལ་འབར་གྱི་བར་དུ་བཟླས་བརྗོད་བགྱིའོ། །འབར་ནས་ས་གཡོ་བར་འགྱུར་རོ། །རིག་སྔགས་འཆང་ཐམས་ཅད་སྐྲག་པར་འགྱུར་རོ། །དེས་བླངས་པ་ཙམ་གྱིས་སྐྲ་ལྕང་ལོར་འཁྱིལ་བར་འགྱུར་རོ། །ལོ་བཅུ་དྲུག་ལོན་པ་ལྟ་བུར་འགྱུར་རོ། །མདོག་ཉི་མ་ཤར་བ་བཞིན་དུ་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བར་འག…

ཤིང་སྐྲའི་སྲད་བུ་དང་བཅས་པ་ཅིག་བཞག་གོ། །བྱམ་བུ་གྱི་ལྷོ་ཕྱོགས་སུ་རྡོ་རྗེ་བྲིའོ། །ལྷ་རྣམས་ཀྱང་མཚོན་ཆ་དང་བཅས་པར་བགྱིས་ཏེ། དྲག་པོ་ཡི་ནི་མདུང་རྩེ་གསུམ་པ་བྲིའོ། །གཞོན་ནུ་ཡི་ནི་མདུང་ཐུང་ངོ་། །མ་མོ་རྣམས་ནི་མཆེ་བ་འོ། །ཁྱབ་འཇུག་གི་ནི་འཁོར་ལོའོ། །ཟླ་བ་དང་ནི་ཉི་མའི་གཞུའོ། །ཚངས་པའི་རིལ་བ་སྤྱི་བླུགས་སོ། །གཤིན་རྗེ་…

བསྐོར་ནས་ནམ་འོངས་ཀྱི་བར་དུ་བཟླས་བརྗོད་བགྱིའོ། །འོངས་ནས་གཡོག་འཁོར་དབུལ་ལོ། །རལ་གྲི་དེ་གཡོག་འཁོར་ལ་བཞག་ན་བུད་མེད་དེ་ཆུང་མར་འགྱུར་རོ། །གལ་ཏེ་འཚལ་ན་བུད་མེད་དེ་དག་ཀྱང་ཆུང་མར་འགྱུར་རོ། །གལ་ཏེ་མི་འཚལ་ན་གཡོག་འཁོར་རྣམས་ལ་སྩལ་ཏོ། །གཡོག་འཁོར་རྣམས་དང་ལྷན་ཅིག་ཏུ་ནམ་མཁའ་ལ་མཆིའོ། །འོག་ཏུ་ཡང་དཔག་ཚད་སྟོང་དུ་ཡང་འཆིའོ…

གྲུལ་བུམ་ཡང་རུང་སྟེ། དབབ་པ་བྱས་པ་དེ་ལ་གང་གིས་རྫས་ཁྱེར་བ་དེས་ང་ལ་སླར་བྱིན་ཅིག་དང་ཕུང་བར་མི་བྱའོ་ཞེས་བརྗོད་པར་བྱའོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ། ཟངས་པོ་ཆེ་བཙུགས་ལ་འབྲུ་མར་བླུགས་ཏེ་བསྐོལ་ལ་རིག་པའི་རྒྱལ་པོ་བཟླས་བརྗོད་བྱས་ན་རིག་སྔགས་འཆང་གྲུབ་པ་ཡང་རུང་། གང་ཡིན་པ་དེ་དེར་འོང་ཞིང་འོང…

སྨྲས་སོ། །ཁྱོད་ཉོན་ཅིག་གང་དག་དམ་ཚིག་མི་ཤེས་པར་ངའི་རིག་པའི་ཆོ་ག་རྒྱས་པར་ཀློག་པ་དེ་དག་ཁྱེར་ཅིག །གང་དག་གཅིག་གི་ལྷག་མ་གཅིག་ཟ་བ་དང་། ལྷ་ལ་ཕུལ་བའི་དྲི་དང་། བདུག་པ་དང་། མེ་ཏོག་ལ་སྤྱོད་པ་དེ་དག་ཁྱེར་ཅིག །གང་དག་ངའི་དམ་ཚིག་ཤེས་པ་དང་། ཆོ་ག་རྒྱས་པ་ལས་བྱུང་བ་བཞིན་དུ་སྤོང་བར་བྱེད་པ་དང་། གང་དག་རིག་པ་མཆོག་རྡོ་རྗེའི་…

དང་རི་མོའི་སྐུ་གཟུགས་འགུལ་ཞིང་ཧ་ཧ་ཞེས་བྱ་བའི་སྒྲ་གྲག་སྟེ། དེ་ལ་ཡང་འཇིགས་པར་མི་བྱའོ། །ཡང་ལན་བརྒྱ་སྟོང་སྦྱིན་སྲེག་བྱས་ན་དེ་ནས་མི་མི་སྡུག་པ་ཞིག་འོང་སྟེ། དེ་ལ་ཡང་འཇིགས་པར་མི་བྱའོ། །རྡོ་རྗེ་བཞད་མས་སྨྲར་བཅུག་ན་དེ་ཅི་ཞེས་སྨྲས་སོ། །དེས་ལག་ན་རྡོ་རྗེའི་མདུན་དུ་གང་སྨྲས་པ་དེ་དྲན་པར་བགྱིས་ལ་དེ་བཞིན་གྱིས་ཤིག་ཅེས་…

གཅིག་སྨྱུང་བ་བགྱིས་ཏེ། །དུར་ཁྲོད་དུ་མཆིས་ལ་མགལ་བ་བླངས་ཏེ། །དྲི་དང་། མེ་ཏོག་དང་བདུག་པས་བརྒྱན་པ་བགྱིས་ལ་རིག་པ་དཔག་ཏུ་མ་མཆིས་པར་བཟླས་བརྗོད་བགྱིས་ན་དགུང་ཕྱེད་ཀྱི་དུས་ན་ལོག་འདྲེན་རྣམས་མཆི་སྟེ། །དེ་དག་ལ་རྡོ་རྗེ་ལྟེ་བས་དྲི་སྩལ་བར་བགྱིའོ། །མེ་ཁ་ལས་མེ་ཏོག་སྩལ་བར་བགྱིའོ། །རྡོ་རྗེ་བཞད་མས་སྨྲར་སྩལ་ཏེ། །འདི་སྐད་…

སྔགས་འཆང་གིས་ནོར་བསྒྲུབ་པ་དང་། ལས་བྱང་བར་བགྱི་བར་འཚལ་ན་བ་ལང་གི་ལྷས་སུ་མཆིས་ལ་མར་གྱི་ངོ་ཞག་བརྒྱད་ནས་བརྩམས་ཏེ་ཟས་སུ་འོ་སྐྱོ་འཚལ་ཞིང་འབུམ་བཟླས་བརྗོད་བགྱིས་ན་རིག་པའི་རྒྱལ་པོ་ཚངས་པའི་གདུགས་ཀྱི་གུང་ལ་ཅེ་སྤྱང་མོ་སྒྲ་འབྱིན་ཏེ། སྒྲ་ལན་ལྔ་བརྒྱ་འབྱིན་ཏོ། །དེ་ནས་དངོས་གྲུབ་ཏུ་འགྱུར་ཏེ་ཏི་ན་ར་སྟོང་རྙེད་ཅིང་ལས་ཀྱང…

ནས་བརྩམས་ལ་འཕགས་པ་ལག་ན་རྡོ་རྗེའི་མདུན་དུ་ནང་པར་རིག་པ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །གདུགས་ཀྱི་གུང་ལ་ཡང་དེ་བཞིན་དུ་བགྱིའོ། །ཕྱེ་མ་རེད་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དེ་ལྟར་དགུང་བདུན་དུ་བགྱིས་ན་བདུན་པའི་གདུགས་ལ་ཏི་ན་ར་སྦྱིན་པར་བགྱིད་དོ། །ཅི་ནུས་ཀྱིས་མཆོད་པར་བགྱིའོ། །ཟས་སུ་འོ་སྐྱོ་འཐུང་བར་བ…

གོད་པས་ཤིང་ནྱ་གྲོ་དྷ་དཀྲིས་ལ་རྩྭ་ཀུ་ཤ་སྦམས་པའི་སྟེང་དུ་མཆིས་ཤིང་། རིག་པའི་རྒྱལ་པོ་བརྒྱད་སྟོང་བཟླས་བརྗོད་བགྱིས་ན་དེ་ནས་ཤིང་ནྱ་གྲོ་དྷ་ལས་འོད་ཟེར་ཅིག་བྱུང་སྟེ། དེས་རིག་སྔགས་འཆང་ལ་བསྐོར་བ་བགྱིས་ནས་སྤྱི་བོར་ནུབ་པར་འགྱུར་རོ། །དེ་ནས་རིག་སྔགས་འཆང་གིས་རས་ལ་བཏགས་ཏེ། དེ་བཞིན་གཤེགས་པ་ཐམས་ཅད་དང་། ལག་ན་རྡོ་རྗེ་ལ་…

གཏོར་མའི་ཆོ་ག་རྒྱ་ཆེར་བགྱིས་ལ་མཚན་གྱི་སྟེང་དུ་ཞབས་གཡོན་པ་བཞག་སྟེ། རིག་སྔགས་བརྒྱད་སྟོང་བཟླས་བརྗོད་བགྱིས་ན་དེ་ནས་མཚན་ལས་འོད་ཟེར་ཅིག་བྱུང་སྟེ། དེས་རིག་སྔགས་འཆང་ལ་བསྐོར་བ་བགྱིས་ནས་མགོ་བོར་ནུབ་པར་འགྱུར་ཏེ། དེ་ནས་སྐྲ་ལྕང་ལོར་འཁྱིལ་ཞིང་གདུགས་ཤར་བ་ལྟ་བུའི་མདོག་ཅན་གྱི་རིག་སྔགས་འཆང་དུ་འགྱུར་རོ། །ཡིད་ཀྱིས་གར་འ…

པའི་ཐལ་བའམ། སྲད་བུའམ། ཆུས་ནི་བཀྲུ་བར་བགྱིའོ། །གྲོགས་བསྲུང་ན་སྤྱི་བོར་མདུད་པ་དོར་རོ། །ལན་གསུམ་བཟླས་བརྗོད་བགྱིས་པས་ཡུལ་འཁོར་བསྲུང་ངོ་། །གསེག་མ་ལ་ལན་བདུན་བཟླས་བརྗོད་བགྱིས་པ་ཆབ་ཏུ་སྩལ་བས་ཆུ་སྲིན་ཀུམ་བི་ར་དང་།ཆུ་སྲིན་བཅིང་ངོ་། །ཡལ་གས་ནི་རིམས་ནད་གསོ་བར་བགྱིའོ། །ཆབ་བམ་རྩྭ་ཀུ་ཤས་ནི་དུག་ལས་གསོ་བར་བགྱིའོ། །བག…

ཞེས་བགྱིས་ཏེ་ཆབ་ཏུ་དོར་ན་གྲུ་མི་འགུལ་བར་བགྱིས་པར་འགྱུར་རོ། །མར་གྱི་ངོ་ཞག་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ། འབྱུང་པོའི་གཏོར་མ་སྩལ་ཏེ། ལྷོ་ཕྱོགས་ཀྱི་ངོས་ལ་ཤུ་དག་བརྒྱ་སྟོང་སྦྱིན་སྲེག་བགྱིས་ན་ཏི་ན་ར་གསུམ་རྙེད་དོ། །ཤུ་དག་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སོ་ཕྲག་ཏུ་སྩལ་ན་ཤགས…

འོག་ལོགས་སུ་རིག་སྔགས་འཆང་གིས་ཤིང་ས་ལ་སེར་པོ་ལས་སྒྲོམ་བུ་བགྱིས་ཏེ། སྒྲོམ་བུ་དེར་ལིག་བུ་མིག་སྩལ་ལ། དྲོ་བར་གྱུར་པ་དང་དུ་བ་འཐུལ་བ་དང་འབར་བའི་བར་དུ་བཟླས་བརྗོད་བགྱིའོ། །དྲོ་བར་གྱུར་ན་དབང་དུ་འགྱུར་རོ། །དུ་བ་འཐུལ་ན་མི་སྣང་བར་འགྱུར་རོ། །འབར་ན་ནམ་མཁའ་ལ་མཆི་བར་འགྱུར་རོ། །མདོག་གདུགས་ཤར་བ་འདྲ་བར་འགྱུར་རོ། །ལོ་བད…

སྣང་བར་གྱུར་ན་གྲུབ་པ་རྣམས་ཀྱི་སྤྱོད་ཡུལ་དུ་མི་འགྱུར་རོ། །ལོ་སྟོང་ཐུབ་པར་འགྱུར་རོ། །འབར་ན་ནམ་མཁའ་ལ་མཆི་བར་འགྱུར་ཏེ། དཔག་ཚད་སྟོང་ཚུན་ཆད་མཐོང་ཞིང་སྒྲ་ཡང་ཐོས་སོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །ལག་ན་རྡོ་རྗེ་གྲུབ་པར་འགྱུར་རོ། །ཆུ་ལ་ལན་བདུན་བཟླས་བརྗོད་བགྱིས་པས་གར་བགྱིད་དུ་སྩལ་ཏེ་ལན་གསུམ་བཟླས་བརྗོད་བགྱི…

དུ་ཞུགས་ཏེ། །ཀུ་མུ་དའི་མེ་ཏོག་རྒྱས་པ་འབུམ་ཕུལ་ན་དེ་ནས་རིག་སྔགས་འཆང་ལ་ཆུའི་ནང་དུ་ཀླུས་རེག་པར་བགྱིད་དེ་དེ་ལ་འཇིགས་པར་མི་བགྱིའོ། །དེ་ནས་བཅོམ་ལྡན་འདས་རིག་པའི་མཆོག་འགྲུབ་པར་འགྱུར་ཏེ། དེ་གྲུབ་པས་ཆོ་ག་རྒྱས་པ་ཐམས་ཅད་གྲུབ་པར་འགྱུར་རོ། །རིག་པའི་མཆོག་གི་སྙིང་པོའི་ཆོ་ག་རྒྱས་པ་རྫོགས་སོ།། །།དེ་ནས་བཅོམ་ལྡན་འདས་ལ་ཕ…