ངོས་ལ་གཟུགས་བྲིས་ལ་མོ་མཚན་གྱི་སྟེང་དུ་མཛུབ་མོ་བཞག་སྟེ། ལན་བརྒྱད་བརྒྱ་བཟླས་བརྗོད་བྱས་ན་དབང་དུ་འགྱུར་རོ། །སྤྲ་ཚིལ་ལས་གཟུགས་བྱས་ཏེ་ལྡེན་པ་གཡས་པར་བཞག་ལ་ལན་བརྒྱད་བརྒྱ་བཟླས་བརྗོད་བྱས་ན་དབང་དུ་འགྱུར་རོ། །གིའུ་ཝང་དང་ཤུ་དག་དང་དུང་གི་ལྟེ་བ་དང་རྒྱ་སྤོས་རྣམས་བསྲེས་ཏེ་བཏགས་ལ་རིག་པ་ལན་བརྒྱ་སྟོང་བཟླས་བརྗོད་བྱས་ཏེ་…

བཀལ་བའི་སྐུད་པ་བརྐྱང་ནས་བླངས་ཏེ་ལག་ན་རྡོ་རྗེའི་མདུན་དུ་ཉིས་ཁུགས་དང་བཞི་ཁུགས་བྱས་པ་བཞག་ལ་བཟླས་བརྗོད་བྱས་ཏེ་གཅིག་ལ་གཅིག་འཁྲིལ་ན་དགོངས་པ་འགྲུབ་པར་འགྱུར་རོ། །གི་ཝང་སྒྲུབ་པར་འདོད་པས་ཉི་མ་བདུན་དུ་ཟས་སུ་འོ་སྐྱོ་འཐུང་ཞིང་ཡར་གྱི་ངོ་ཚེས་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ། ལག་ན་རྡོ་རྗེ་ལ་མཆོད་པ་རྒྱ་ཆེར་བྱས་ལ…

འདས་གང་དག་སེམས་ཅན་རྣམས་ཀྱི་དོན་གྱི་སླད་དུ་གསང་སྔགས་འདི་ལྟ་བུ་གསུངས་པ་ནི་ངོ་མཚར་ཏོ་ཞེས་གསོལ་ནས་འཁོར་ཐམས་ཅད་ངོ་མཚར་དུ་གྱུར་ཏོ། །སངས་རྒྱས་ཀྱི་སྤྱན་གྱི་ཆོ་ག་རྫོགས་སོ།། །།དེ་ནས་འབྱུང་པོའི་བདག་པོ་དབང་ལྡན་གྱིས་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མ…

ནས་ཐག་བུ་ལ་སྐྱོང་ནུ་ལ་བ་ཀོ་ཙམ་བྱས་ཏེ། མཆོད་པ་ཆེན་པོ་བྱས་ནས་དུར་ཁྲོད་ཀྱི་སོལ་བ་བླངས་ཏེ། དེ་ནས་རིག་སྔགས་འཆང་གིས་སོལ་བ་མིའི་ཐོད་པའི་ནང་དུ་བཞག་ལ་ལག་པས་མནན་ཏེ་དུད་པར་འཐུལ་བར་གྱུར་གྱི་བར་དུ་རིག་སྔགས་བཟླས་བརྗོད་བྱས་ནས་བླངས་ཏེ་ཐིག་ལེ་བྱས་ན་ལུས་མི་སྣང་བར་འགྱུར་ཞིང་། བསམས་པས་ཀྱང་ཁ་ཟས་འབྱུང་བར་བྱེད་དེ་ཚེ་ལོ་སྟ…

པོའི་གཡོག་རྣམས་ཀྱིས་ཉིན་གཅིག་བཞིན་ཏི་ན་ར་བཅུ་གཉིས་དང་གོས་ཕྲུགས་བཅུ་གཉིས་སྦྱིན་པར་བགྱིད་ཅིང་། སྔོན་མ་བྱུང་བའི་བུད་མེད་ཀྱང་ཁྲིད་དེ་འོང་བར་འགྱུར་རོ། །དབང་ཕྱུག་ཆེན་པོའི་ཆོ་ག་རྫོགས་སོ།། །།དེ་ནས་མ་ཐང་གི་རྒྱལ་པོ་ཕུར་བུ་གསུམ་པས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་བདག་གིས་ཀྱང་སེམས་ཅན་ཐམས་ཅད་ཀྱི…

གྱི་འདབ་མ་རྒྱ་སྐྱེགས་ཀྱིས་ཁ་དོག་བསྒྱུར་བ་སྲེད་མེད་ཀྱི་བུའི་ཆུང་མ་ལ་ཕུལ་བ་ལས་མར་མེའི་སྙིང་པོ་བྱས་ཏེ་མར་མེ་སྦར་ལ་ཀ་ར་བཱི་རའི་མེ་ཏོག་ཁབ་ཀྱིས་བཙུགས་ཏེ་བརྒྱ་སྟོང་སྦྱིན་སྲེག་བྱས་ན་ཡང་དབང་དུ་འགྱུར་རོ། །ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་ཨ་ཏི་མུཀྟ་ཀའི་མེ་ཏོག་བརྒྱ་སྟོང་གིས་དཀའ་བཟློག་མའི་མོ་མཚན་ལ་བས…

བིགྷྣཱཾ་ཀ་རི་ཤྱ་ཏེ། མོ་ཧ་ནི་མོ་ཧ་ནི། ན་ཡ་ཏི་ན་ཡ། མཱ་ལི་ནི་བི་ཤྭེ་ཤྭ་རེ། ཨ་མོ་གྷེ་ན་མ་སྭཱ་ཧཱ། རིག་སྔགས་འདི་དྲན་པ་ཙམ་གྱིས་རིག་པ་མཆོག་སྒྲུབ་པའི་རིག་སྔགས་འཆང་དེ་ལ་བདག་ཅག་མ་མོ་བདུན་གྱིས་དཔག་ཚད་གཅིག་གི་བར་དུ་བསྲུང་བར་བགྱི། ཡང་དག་པར་སོ་སོར་བསྐྱབ་པར་བགྱིའོ། །རིག་སྔགས་ཀྱི་ལས་རྣམས་འབྱུང་སྟེ་རས་སར་པ་ལ་སྦྱིན་དང…

བཏབ་ན་ལོ་ཐོག་མེད་པར་འགྱུར་རོ། །ཆང་མ་རུང་བར་བགྱི་ན་འོ་མའི་སྲེག་བླུགས་ལ་ལན་ཉི་ཤུ་རྩ་གཅིག་སྦྱིན་སྲེག་བྱས་ན་ཆང་མ་རུང་བར་འགྱུར་རོ། །དགྲ་ལུས་མི་སྡུག་པར་བྱ་ན་ལམ་གྱི་སུམ་མདོར་སྐྱུ་རུ་རའི་ཤིང་གིས་མེ་སྦར་ཏེ། དགྲའི་མིང་ནས་སྨོས་ཤིང་དུག་གིས་ལན་བརྒྱ་སྟོང་སྦྱིན་སྲེག་བྱས་ན་དགྲའི་ལུས་ལ་མི་གཙང་བའི་དྲི་མནམ་པར་འགྱུར་རོ…

པར་སེམས་པར་འགྱུར་རོ། །གང་དག་བྱང་ཆུབ་སེམས་དཔའ་རྣམས་ཀྱི་ཚུལ་ལས་ཕྱི་རོལ་ཏུ་གྱུར་ཅིང་འདོད་དོ་ཅོག་ཟ་བ་དང་། དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པར་ཆོ་ག་རྒྱས་པ་འདི་སྒྲུབ་པ་དེ་དག་ནི་ལག་ན་རྡོ་རྗེ་འཛིན་གྱི་རྡོ་རྗེས་བཤིག་པར་འགྱུར་རོ། །ལྷ་ཐམས་ཅད་ཀྱང་མ་དད་པའི་སེམས་སུ་འགྱུར་རོ། །ལོག་འདྲེན་རྣམས་ཀྱང་གླགས་བལ…

ཁཱ་ན། ཁཱ་ད་ཁཱ་ད་ཁཱ་ད་ཁཱ་ད། ཁཱ་ཧི་ཁཱ་ཧི་ཁཱ་ཧི་ཁཱ་ཧི། ཏིཥྛ་ཏིཥྛ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྞ་གྲིཧྞ། བནྡྷ་བནྡྷ། གརྫྫ་གརྫྫ། ཏརྫྫ་རརྫྫ། བི་སྥོ་ཊ་ཡ་བི་སྥོ་ཊ་ཡ། བྷ་ག་བཱ་ན་ཨ་མྲྀ་ཏ་ཀུཎྜ་ལི། མཱུརྟཱནྟཱ་ཌ་ཡ། བཛྲེ་ཎ་སརྦ་བིགྷྣཱཾ་བི་ནཱ་ཡཱ་ཀནྣི་བཱ་ར་ཡ་མ་ཧཱ་ག་ཎ་པ་ཏི། ཛཱི་བི་ཏཱནྟ་ཀཱ་རཱ་ཡ། ཧཱུྃ་ཧཱུྃ་ཕཊ་ཕཊ་ཕཊ། ཨོྃ…

ཏིཥྛ་ཏིཥྛ། བནྡྷ་བནྡྷ་སྭཱ་ཧཱ། ཁྲོ་བོ་བདུད་རྩི་ཐབ་སྦྱོར་གྱི་གསང་སྔགས་བཞི་པའོ། །དེ་ནས་འདི་དག་གི་སྙིང་པོ་དོན་ཡོད་པ་གང་འདོན་པ་དང་། བཟླས་བརྗོད་བྱས་ཤིང་བསྒྲུབས་ན་བདག་གི་གསང་སྔགས་ཐམས་ཅད་བཏོན་ཅིང་བཟླས་བརྗོད་བགྱིས་པ་དང་བསྒྲུབས་པར་གྱུར་པ་དེ་བཤད་པར་འཚལ་ལོ། །དེ་ལ་འདི་ནི་བདག་གི་སྙིང་པོ་ལགས་སོ། །ཨོྃ་ཨ་མྲྀ་ཏེ་ཧཱུྃ་…

ཟིན་ཀྱང་རིག་སྔགས་འཛིན་ན་དེ་ལ་ཐམས་ཅད་འགྲུབ་པར་འགྱུར་རོ། །གང་ངའི་གསང་སྔགས་འཛིན་པ་ནི་བཟའ་བ་མ་ཡིན་པ་ཟ་ཞིང་བྱ་བ་མ་ཡིན་པ་བྱེད་དུ་ཟིན་ཀྱང་དེ་ལ་གང་གིས་ལོག་འདྲེན་རྣམས་གླགས་ཚོལ་བ་བརྟུན་ཏེ་འཁོད་པར་མི་འགྱུར་བའི་གསང་སྔགས་བདེ་བ་བསྟན་པར་བྱའོ། །རིག་སྔགས་འཆང་གྲུབ་པ་ན་གང་དུ་ལོག་འདྲེན་རྣམས་ཀྱིས་གླགས་རྙེད་པར་མི་འགྱུར་བ…

ལོག་འདྲེན་ཆུ་ལྟར་གཡོ་བ་ཞེས་བྱ་བ་དེ་དག་ནི་ཆུ་ན་གནས་ཏེ། རིག་སྔགས་འཆང་ཁྲུས་བྱེད་པ་ན་འཛིན་པར་བྱེད་དོ། །དེ་དག་ནི་མཚན་མ་འབྱུང་སྟེ་སེམས་འཁྲུག་པར་བྱེད་དེ། འདོད་པ་ལ་ལྷུར་སེམས་པ་དང་བྲུ་བས་གཟིར་ཅིང་ཁ་ཟས་ལ་མངོན་པར་ཆགས་པ་དང་འཇིགས་པའི་སེམས་སྐྱེ་བར་འགྱུར་རོ། །དེ་བས་ན་རིག་སྔགས་འཆང་གིས་བདུད་རྩི་ཐབ་སྦྱོར་དྲན་པར་བྱ་སྟ…

འདི་སྐད་དུ་བདག་མིང་འདི་ཞེས་བྱ་བས་རིག་སྔགས་ཆེ་གེ་མོ་ཞེས་བྱ་བ་བསྒྲུབ་ཀྱིས་ཁྱེད་ཡིད་དགའ་བར་གྱིས་ཤིག་ཅེས་ཀྱང་སྨྲོས་ཤིག །དུས་ཐམས་ཅད་དུ་དེ་སྐད་སྨྲས་ནས་དེས་ལོག་འདྲེན་རྣམས་དགའ་ཞིང་མགུ་ལ་ཡིད་དགའ་བར་གྱུར་ཏེ་དངོས་གྲུབ་སྦྱིན་པར་བྱེད་ཅིང་སེམས་ཀྱང་དང་བར་འགྱུར་རོ། །གྲུབ་པའི་ཚེ་ཡང་ནང་པར་ཉི་མ་ལོགས་སུ་ཁ་བལྟས་ལ་ཐལ་མོ་…

ཕུལ་ན། ལྷ་དེ་དག་སེམས་དང་བ་མེད་ཅིང་རྒྱབ་ཀྱིས་ཕྱོགས་པར་འགྱུར་ཏེ། ལོག་འདྲེན་དེ་རྣམས་མཐོང་བས་འཕང་བར་འགྱུར་ཞིང་རིག་སྔགས་འཆང་ལ་འགྲུབ་པར་མི་འགྱུར་རོ། །དེ་བས་ན་རིག་སྔགས་འཆང་གིས་ཐོག་མ་ཉིད་དུ་ཁྲོ་བོའི་བཟླས་བརྗོད་བྱེད་བཞིན་དུ་དྲི་བླང་བར་བྱའོ། །དེས་ན་ལོག་འདྲེན་དེ་དག་འབྱེར་ཏེ་རྨས་པར་ཡང་འགྱུར་རོ། །དེ་ནས་ལྷ་དེ་དག་…

བྱ་བ་རྣམས་ཀྱི་མཚན་ཉིད་རྫོགས་སོ།། །།བཅོམ་ལྡན་འདས་གང་སུ་ལོག་འདྲེན་རྣམས་འཛིན་པར་འགྱུར་བ་དང་། གང་དུ་རིག་སྔགས་འཆང་རྣམས་ཀྱིས་དངོས་གྲུབ་འགྲུབ་པར་འགྱུར་བའི་ལོག་འདྲེན་རྣམས་ཀྱི་གནས་བདག་གིས་བཤད་ལགས་སོ། །བཅོམ་ལྡན་འདས་ལོག་འདྲེན་ཐམས་ཅད་ཀྱི་སྲོག་མཐར་ཐུག་པར་བགྱི་བའི་ལས་འདི་ཡང་བཤད་པར་འཚལ་ལོ། །སྒྲུབ་པའི་ཚེ་རིག་སྔགས་འ…

མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་ཀ་ར་བཱི་རའི་མེ་ཏོག་དུས་གསུམ་དུ་བརྒྱ་རྩ་བརྒྱད་ཞག་བདུན་གྱི་བར་དུ་སྦྱིན་སྲེག་བྱས་ན་ཁྲག་འཛག་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ཏེ་ཀ་ར་བཱི་རའི་མེ་ཏོག་དཀར་པོ་སྟོང་རྩ་བརྒྱད་ཕུལ་ན་ཞི་བར་འགྱུར་རོ། །དེ་ནས་སྐྱེས་པ་དང་བུད་མེད་དབང་དུ་བྱ་བར་འདོད་ནམ་ད…

འགྱུར་ཏེ། གང་ལ་མཛུབ་མོས་བསྡིགས་པ་དེ་དབང་དུ་འགྱུར་རོ། །དེ་ནས་གཏེར་དབྱུང་བར་འདོད་ན་མེའི་སྦྱིན་སྲེག་གི་ཐབ་ཏུ་ལྕགས་བཞག་པ་བླངས་པ་ལས་རྡོ་རྗེ་བྱས་ལ་རྡོ་རྗེ་དེ་བལ་ནག་གི་སྐུད་པས་དཀྲིས་ཏེ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ནས་ལག་ན་རྡོ་རྗེའི་མདུན་དུ་རྡོ་རྗེ་དེ་ལ་ལན་བརྒྱ་བཟླས་བརྗོད་བྱས་ན་དེའི་ཚེ་འགྲུབ་པ…

འདས་བདུད་རྩི་ཐབ་སྦྱོར་གང་གིས་ལོག་འདྲེན་རྣམས་ཀྱི་གསང་བའི་གནས་འདི་དག་བཤད་པ་ནི་བརྩོན་འགྲུས་དང་མཐུ་དང་ཕ་རོལ་གནོན་པ་ཆེ་བ་ལགས་སོ། །བདག་གིས་ཀྱང་དེ་བཞིན་གཤེགས་པ་ལ་རིག་སྔགས་རྣམས་ཀྱི་དངོས་གྲུབ་རྣམས་ཀྱི་སླད་དུ་གང་གིས་རིག་སྔགས་རྣམས་གྲུབ་པ་དང་གང་གིས་མི་འགྲུབ་པ་ཡོངས་སུ་ཞུ་བར་འཚལ་ལོ། །དེ་ནས་བཅོམ་ལྡན་འདས་ཀྱིས་ཚངས་པ…

འགྲུབ་པར་མི་འགྱུར་བ་ངས་མདོར་བསྟན་པ་ཡིན་ནོ། །དེ་ནས་མི་མཇེད་ཀྱི་བདག་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་བཅོམ་ལྡན་འདས་རྣམས་དེ་ལྟར་སེམས་ཅན་དག་བདེ་བླག་ཏུ་འགྲུབ་པར་བགྱི་བའི་གནས་རྣམས་སྟོན་པ་ཐུགས་རྗེ་ཆེ་བ་ལགས་སོ། །དེ་ནས་བཅོམ་ལྡན་འདས་ཀྱིས་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ་གང་ད…