འདི་དྲན་པ་ཙམ་གྱིས་ལོག་འདྲེན་རྣམས་ལས་ཐར་བར་འགྱུར་རོ། །འདི་དག་གི་ལས་རྣམས་འབྱུང་སྟེ། །བསྲུང་བ་ནི་ལན་བདུན་བཟླས་བརྗོད་བྱས་པའི་སྐུད་པས་བྱའོ། །མཚམས་གཅད་པ་དང་དུག་བཅིང་བ་ནི་ལན་བརྒྱ་རྩ་བརྒྱད་བཟླས་བརྗོད་བྱས་པའི་ཆུས་བྱའོ། །དུག་ལས་གསོ་བ་ནི་ཡལ་གས་བྱའོ། །རྒྱ་གཞོམ་པ་ནི་ཆུས་བྱའོ། དབབ་པ་ནི་གུ་གུལ་གྱིས་བདུག་པའམ་ཆུས་བྱ…

འདོད་ན་ལག་ན་རྡོ་རྗེའི་མདུན་དུ་ཏིལ་དང་ཐལ་བའི་སྦྱིན་སྲེག་བརྒྱ་རྩ་བརྒྱད་བྱས་ན་གདོན་གྱི་རིགས་འཇིག་པར་འགྱུར་རོ། །གདོན་མདོངས་པར་བྱ་ན་ཞིམ་ཐིག་ལེའི་ལོ་མའི་སྦྱིན་སྲེག་བརྒྱ་རྩ་བརྒྱད་བྱས་ན་མདོངས་པར་འགྱུར་རོ། །ཡུངས་ཀར་དང་གི་ཝང་བཏགས་ཏེ་འཕགས་པ་ལག་ན་རྡོ་རྗེའི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱས་ན་སླར་ཤགས་འགྱེད…

ཤོད་ཅིག །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་དང་ལག་ན་རྡོ་རྗེའི་ཞབས་གཉིས་ལ་ཕྱག་འཚལ་ནས་ཚིག་མཐུན་པར་གསང་སྔགས་བཤད་པ། ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཏད་ཡ་ཐཱ། ཨུ་གྲཱ་ཡ་སྭཱ་ཧཱ། ཨ་ཏི་ཨུ་གྲཱ་ཡ་སྭཱ་ཧཱ། ཨུ་གྲ་པྲི་ཡཱ་ཡ་སྭཱ་ཧཱ། ཨ་ཏི་ཨུ་གྲ་བི་ཡཱ་ཡ་སྭཱ་ཧཱ། ཨུ་གྲཱ་ཀྲོ་དྷ་ནཱ་ཡ་སྭཱ་ཧ…

བྱིས་པ་གདོན་གྱིས་ཟིན་པ་རྣམས་ལ་བཟླས་བརྗོད་བྱས་པའི་ཚོན་སྣ་ལྔའི་སྐུད་པས་ཀྱང་གཏོང་བར་འགྱུར་རོ། །བདག་བསྲུང་ན་ལན་གསུམ་བཟླས་བརྗོད་བྱས་པའི་ཐལ་བས་བྱའོ། །ཕ་རོལ་བསྲུང་ན་ལན་བདུན་བཟླས་བརྗོད་བྱས་པའི་སྐུད་པས་བྱའོ། །མཚམས་བཅད་ན་ལན་གསུམ་བཟླས་བརྗོད་བྱས་པའི་གསེག་མས་བྱའོ། །སྦྲུལ་བསྐྲད་ན་ལན་གསུམ་བཟླས་བརྗོད་བྱས་པའི་ཆུ་དང་…

བླངས་ཏེ་ཆུས་བཀང་ནས་རིག་སྔགས་འཆང་གིས་ཕྱེ་མ་རེད་ན་ལེ་ཤམ་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། བུམ་པ་དེ་དག་གི་ནང་དུ་བླུགས་ན་བུམ་པ་དེ་དག་འཕག་ཅིང་ལུད་པར་གྱུར་ན་རིག་སྔགས་འཆང་གིས་རིག་སྔགས་འགྲུབ་པར་ཤེས་པར་བྱའོ། །དེ་སྟེ་མི་འགྲུབ་ན་ནི་འཕག་པར་མི་བྱེད་དོ། །རིག་སྔགས་འཆང་རིག་སྔགས་སྒྲུབ་པ་ན་ཞག་གཅིག་སྨྱུང་བར…

དཔོན་མ་སྣ་ཆད་མ་ཞེས་བྱ་བ་རྫུ་འཕྲུལ་ཆེ་ཞིང་མཐུ་ཆེ་བ་ཞིག་ཡོད་དེ། སྣ་ཆད་མ་དེ་ནི་བགེགས་ཆེན་པོར་བྱེད་པ་ཡིན་ནོ། །དེ་ཡང་དེས་གསང་སྔགས་ཀྱིས་བཟློག་པར་མི་ནུས་ཏེ། །དེ་འོང་བ་དང་སྐར་མདའ་ལྟུང་བར་སྟོན་ཅིང་སྤྱུགས་པ་ཡང་ལེན་ཏེ། སྣ་ཆད་མ་དེས་དཀྱིལ་འཁོར་གྱི་མཚམས་སེང་ལྡེང་གི་ཕུར་བུས་བཏབ་པ་ནི་མོ་མཚན་གྱིས་འབྱིན་པར་བྱེད་དོ། །…

དང་། ལ་ལ་ཁྱི་མགོ་ཅན་དག་དང་། ལ་ལ་གླང་པོ་ཆེའི་མགོ་ཅན་དག་དང་། ལ་ལ་སེང་གེའི་མགོ་ཅན་ལྟ་བུའི་བགེགས་ཀྱི་རྣམ་པ་དག་ཏུ་སྣང་སྟེ། ལ་ལ་ནི་བྲག་འཕེན་པར་བྱེད། ལ་ལ་ནི་འབྱུང་པོའི་འཁྲུལ་འཁོར་སྟོན་ཅིང་འཇིགས་པའི་སྒྲ་སྐད་དག་ཀྱང་འབྱིན་ཏེ། སྐར་མདའ་བརྒྱ་དག་ཀྱང་ཁ་ནས་འབྱིན་པར་བྱེད་དོ། །དེ་ལ་རིག་སྔགས་འཆང་གིས་མེའི་ཕྱོགས་ཀྱི་གཟུ…

ལ་ལན་བདུན་བསྔགས་པའི་ཡུངས་ཀར་གྱིས་བསྣུན་ན་བགེགས་རྣམས་མེད་པར་འགྱུར་རོ། །དངོས་གྲུབ་ཆེན་པོ་སྒྲུབ་པ་ན་རླུང་གི་ཕྱོགས་ཀྱི་རྒྱལ་པོའི་གཡོག་གནོད་སྦྱིན་རྫུ་འཕྲུལ་ཆེན་པོ་དྲུག་ཁྲིའི་བདག་པོ་ཞིག་ཡོད་དེ་ཚུབ་མ་གཅིག་པ་ཞེས་བྱ་བ་དེ་ཡང་རིག་སྔགས་འཆང་དེ་ལ་འཇིང་གི་ཐུན་ལ་བགེགས་བྱེད་དོ། །ཚུབ་མ་གཅིག་པ་དེ་ཡང་འདོད་དགུར་བསྒྱུར་བ…

མོ་རྒྱལ་བ་མོ་ཞེས་བྱ་བ་ཞིག་ཡོད་དེ་རྒྱལ་བ་མོ་དེ་ཡང་སྲོད་ལ་བགེགས་བྱེད་དོ། །ཐོག་ཏུ་འོང་ལ་ཁོག་སྐམ་འདོར་བར་བྱེད་ཅིང་ཕ་གུ་འཕེན་པར་བྱེད་དོ། །དེ་ལ་རིག་སྔགས་འཆང་གིས་ཆུའི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཡུངས་ཀར་གྱིས་བསྣུན་ན་མེད་པར་འགྱུར་རོ། །རྒྱལ་པོ་དེའི་གཡོག་ཀླུ་མོ་སོ་བརྩེགས་ཞེས་བྱ་བ་མཐུ་ཆེ་ཞིང་རྫུ་འཕྲུལ་…

ལྡེང་གི་ཕུར་བུ་སོར་བཞི་པ་ཚོན་སྣ་ལྔའི་སྐུད་པས་དཀྲིས་པ། བགེགས་ཐམས་ཅད་ཀྱི་གནས་སུ་རྐང་པ་གཡོན་པས་མནན་ན་བགེགས་ཐམས་ཅད་བཅོམ་པ་དང་རེངས་པར་བྱས་པར་འགྱུར་རོ། །ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བརྒྱད་དམ་བཅུ་བཞི་ལ་དབང་ཕྱུག་ཆེན་པོའི་གནས་སུ་སོང་སྟེ། འབྱུང་པོའི་གཏོར་མ་ཡང་བྱིན་ལ་རིག་སྔགས་ལན་བརྒྱད་བརྒྱ་བཟླས་བརྗོད་བྱ…

བརྩོན་འགྲུས་དང་ནི་མཐུ་བསྐྱེད་ཕྱིར། །བདེ་ཞིང་རྒྱ་མཚོ་ཆེན་པོ་ནི། །གཤེད་བྱེད་དག་ནི་དབྱུང་བར་བརྩམས། །ཐུབ་པ་དེ་དག་རྨོངས་པ་སྟེ། །ཕན་པ་བྱས་ན་སྟོབས་ཀྱིས་རྒྱགས། །ང་རྒྱལ་འདིས་ནི་འཇིག་རྟེན་ན། །རིང་པོར་མི་ཐོགས་ཐེ་ཚོམ་མེད། །དེ་ནས་དྲང་སྲོང་ལྷར་བཅས་རྣམས། །ཅ་ཅོའི་སྒྲ་ནི་ར་བ་འདོན་ཅིང་། །རྩོམ་པ་ཆེན་པོ་སྐད་ཅིག་ཏུ། །འཇ…

དག་སོང་བར་གྱུར། །དེ་ནས་སྐྲག་ནས་གདོན་དེ་དག །ཐམས་ཅད་བརྡུངས་ཏེ་སེམས་སྟོར་ཅིང་། །རྡོ་རྗེ་ནག་མོས་འཇིགས་གཟིར་བས། །སྐྱབས་ཀྱང་རྙེད་པར་མ་གྱུར་ཏེ། །རྡོ་རྗེ་སྒྲོགས་ཀྱིས་འཕམ་བྱས་ཤིང་། །རྡོ་རྗེ་ཅན་གྱི་ཡུལ་དུ་བཅོམ། །དེ་ནས་དེ་དག་ཡིད་ཀྱིས་སུ། །དེ་བཞིན་གཤེགས་ལ་སྐྱབས་སུ་སོང་། །དཀོན་མཆོག་གསུམ་གྱིས་མཛེས་བྱས་ཤིང་། །ཐམས་…

གང་དག་རྟག་ཏུ་བརྫུན་སྨྲ་དང་། །དྲིན་དུ་མི་གཟོ་གཙང་སྦྲ་མེད། །བྱང་ཆུབ་སེམས་ནི་རབ་ཉམས་པ། །སྐྱེ་བོ་དེ་དག་རྟག་ཏུ་ལོང་། །ཉ་དང་ཤ་སོགས་ཟ་བ་དང་། །མི་བྱ་བ་དག་བྱེད་པ་དང་། །རྐང་པས་ཕྱག་རྒྱ་རྫི་བྱེད་པ། །སྐྱེ་བོ་དེ་དག་བླང་བར་གྱིས། །ཅི་སྟེ་གསོན་པར་འདོད་ན་ནི། །གང་དག་བདེན་པའི་ཚིག་སྨྲ་དང་། །དྲིན་དུ་གཟོ་ཞིང་ངེས་པར་གནས། །…

ཡུམ་ཡང་ཡིད་ལ་བཞག་ནས་ནི། །དངོས་གྲུབ་མཆོག་ནི་བསྒྲུབ་པར་བྱ། །ལས་འདི་དག་ཀྱང་བྱས་ནས་ནི། །དངོས་གྲུབ་མཆོག་འགྱུར་ཤེས་པར་བྱ། །གང་གིས་ཉིན་མོ་ཡང་རུང་སྟེ། ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་དྲི་དང་མེ་ཏོག་དང་། །བདུག་པ་ཕུལ་ནས། །བ་སེར་མོའི་ལྕི་བ་ས་ལ་མ་ལྷུང་བས་ལྷ་མོའི་གཟུགས་བྱས་ཏེ། ལག་པ་གཡས་པར་རྡོ་རྗེ་ཐོ…

དེ་ནས་རིག་སྔགས་འཆང་གིས་རིག་སྔགས་ཀྱི་རིགས་འགྲུབ་པ་དང་། ཆོ་ག་རྒྱས་པ་འགྲུབ་པར་ཤེས་པར་བྱ་སྟེ། དེ་ནས་ལས་བརྩམ་པར་བྱའོ། །ཡིད་ལ་བསམས་ཏེ་ཕུར་བུ་གསུམ་པས་བཤད་པའི་ཆོ་ག་རྒྱས་པ་དང་། ལག་ན་རྡོ་རྗེས་བཤད་པ་བསྒྲུབ་པར་བྱའོ། །རྣ་བར་བཤིབས་ཏེ་བཟླས་བརྗོད་བྱས་ན་དངོས་གྲུབ་ཀྱི་མཆོག་སྟོན་པར་འགྱུར་ཏེ། ནུབ་ཀར་ལག་ན་རྡོ་རྗེ་ལ་མཆོད…

ལོགས་སུ་རྡོ་རྗེ་སྡེ་དང་གཙུག་ནས་བྱུང་རྩེ་ཞིང་འདུག་པར་བྲི་སྟེ། རྡོ་རྗེ་སྡེ་ནི་གསེར་གྱི་མདོག་ཅན་ལ་རྒྱན་ཐམས་ཅད་ཀྱིས་བརྒྱན་པར་བྱའོ། །གཙུག་ནས་བྱུང་གི་མདོག་དམར་ལ་མིག་གསུམ་ཡོད་པ་གླང་པོ་ཆེའི་པགས་པའི་སྨད་གཡོགས་ཅན་ཀླུའི་རྒྱལ་པོ་ནོར་རྒྱས་ཀྱི་སེ་རལ་ཀར་ཐོགས་ལ་རྒྱན་སྣ་ཚོགས་ཀྱིས་བརྒྱན་པར་བྱའོ། །ཁྱད་པར་དུ་རྡོ་རྗེ་སྡ…

ལྷག་མ་དག་ཀྱང་འགྲུབ་པར་འགྱུར་རོ། །ཅི་སྟེ་དབང་ཕྱུག་ཆེན་པོའི་ཆོ་ག་རྒྱས་པར་བསྒྲུབ་པར་འདོད་ན་རིག་སྔགས་འཆང་དེས་མེ་ཏོག་དམར་པོ་སྟོང་རྩ་བརྒྱད་བཟླས་བརྗོད་ལན་རེ་རེ་དང་སྦྱར་ཏེ། དབང་ཕྱུག་ཆེན་པོ་ལ་བསྣུན་ན་དེའི་ཡང་དངོས་གྲུབ་རྣམ་པ་གསུམ་དུ་འགྱུར་ཏེ། དབང་ཕྱུག་ཆེན་པོའི་ཆོ་ག་རྒྱས་པ་ཡང་འགྲུབ་པར་འགྱུར་རོ། །ཅི་སྟེ་ཕུར་བུ་…

ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྐྱེ་བོ་ཕྱི་མ་རྣམས་དང་། །སེམས་ཅན་བསོད་ནམས་ཆུང་ངུ་རྣམས་ཀྱི་སླད་དུ་རིག་སྔགས་ཀྱི་རྒྱལ་པོ་དང་། །ལྷ་ཐམས་ཅད་ཀྱི་ཆོ་ག་ཕྱི་མ་རྒྱས་པར་བཤད་པར་འཚལ་ན་དེ་བཞིན་གཤེགས་པས་གནང་བར་མཛད་དུ་གསོལ། །བཅོམ་ལྡན་འདས་ཀྱིས་གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།…

ཀྱིས་དམ་པའམ་རྡོ་རྗེ་སྩོལ་བར་མཛད་དེ། རྡོ་རྗེ་དེ་ལག་ན་ཐོགས་པས་ལག་ན་རྡོ་རྗེ་དང་མཐུ་སྟོབས་མཉམ་པར་འགྱུར་ཏེ། ཐམས་ཅད་དུ་ཡང་ཐོགས་པ་མེད་པར་འགྲོ་བར་འགྱུར་རོ། །མིག་བཙུམས་པའི་ཡུད་ཙམ་གྱིས་ཀྱང་འོག་མིན་གྱི་གནས་སུ་འགྲོ་བར་འགྱུར་ཞིང་བསྐལ་པར་གནས་པར་འགྱུར་ཏེ། རིག་སྔགས་འཆང་ཐམས་ཅད་ཀྱང་དེས་བསྒོ་བ་བཞིན་བྱེད་པར་འགྱུར་རོ། །…

ཤིང་ལག་ན་རྡོ་རྗེ་ལ་ཡང་མཆོད་པ་བྱས་ན་དེའི་འོག་ཏུ་ལས་བརྩམ་པར་བྱའོ། །དེ་ནས་མིའི་གཙོ་བོ་དབང་དུ་བྱ་བར་འདོད་ན་འཕགས་པ་ལག་ན་རྡོ་རྗེའི་མདུན་དུ་དཀྱིལ་འཁོར་སྐྱོང་ནུལ་གྱིས་བྱུགས་ལ་ཞག་བདུན་གྱི་བར་དུ་དུས་གསུམ་དུ་དྲི་དང་། མེ་ཏོག་དང་། ལྷ་བཤོས་ཕུལ་ནས་བྱང་ཆུབ་ཀྱི་ཤིང་གི་བུད་ཤིང་གིས་མེ་སྦར་ལ་འབྲས་ཡོས་ཀྱི་འོ་ཐུག་གིས་སྦྱ…