ལྕི་བས་ལེགས་པར་སྦྱང་། །ཀུ་ཤ་དག་ཀྱང་གདིང་བར་བྱ། །མཉམ་པའི་དབུས་ཀྱི་དཀྱིལ་དག་ཏུ། །དཀྱིལ་འཁོར་བྱེད་པ་འདུག་ནས་ནི། །ཕྱོགས་མཚམས་སྟེང་དང་ཐད་ཀར་ཡང་། །ཁོ་ར་ཁོར་ཡུག་བལྟ་བར་བྱ། །བསྲུང་ཞིང་ཡིད་དགའ་དྲི་དག་གིས། །ཁྲུས་བྱས་ཞག་གསུམ་སྨྱུང་བར་བྱ། །སྦོས་དང་ལྡན་པའི་རི་བཞིན་དུ། །སྤོས་ཀྱིས་ཕྱོགས་ཀུན་རྒྱས་པར་བྱ། །ཐིག་སྐུད་ག…

ཁོ་ར་ཁོར་ཡུག་དྲང་བར་བྱ། །ཐིག་དྲངས་དེ་ཡི་སྟེང་དག་ཏུ། །ཐིག་ནི་སྙོམས་པར་ལེགས་པར་བྲི། །རིག་སྔགས་རྡོ་རྗེ་ལྕགས་ཀྱུ་མ། །རྨད་དུ་བྱུང་བ་དེ་ཉིད་བརྗོད། །ཐུབ་ཆེན་གནས་པར་གྱུར་པ་ཡི། །ཁོར་ཡུག་བྲག་ནི་རྒྱ་ཆེ་བ། །རང་འབྱུང་གིས་ནི་བསྟན་པ་བཞིན། །བློ་ཅན་དག་གིས་ཟླུམ་པོར་བྱ། །ཐུང་སྦོམ་ལ་སོགས་སྐྱོན་བྲལ་ཞིང་། །ཐིག་ནི་ལེགས་ཤི…

རྟེན་གསུམ་དག་གི། །འཇིགས་བྱེད་དྲག་པོ་ཡིན་པར་ངེས། །དེ་ཉིད་ངོ་མཚར་བྱེ་བ་སྙེད། །ཡ་མཚན་རྣམས་ཀྱང་སྟོན་པ་ཡིན། །གཅིག་པུ་རྡོ་རྗེ་གཉིས་ལྡན་པ། །དེ་ཉིད་ཀྱི་ནི་དྲུང་དག་ཏུ། །དཀྱིལ་འཁོར་རྣམ་པ་བཞི་བོ་དག །བྱིན་གྱིས་བརླབས་པའི་ཆོ་ག་བྱ། །བདེན་དང་གཏོར་བ་རྒྱ་ཆེ་བ། །ཏིང་འཛིན་ཞི་བ་ཡ་མཚན་ལྡན། །ཡང་ན་གང་གིས་འདི་དག་ཀུན། །ཐུབ་པ…

པར་བསྟན། །ལག་ན་རྡོ་རྗེའི་དཀྱིལ་འཁོར་ཐམས་ཅད་ཀྱི་རྒྱལ་པོ་ལས་གནས་གཉིས་པ་རྫོགས་སོ།། །།རིག་སྔགས་རྡོ་རྗེ་ལྕགས་ཀྱུ་མ། །རྨད་དུ་བྱུང་བ་དེ་དྲན་ཞིང་། །གཡོན་ཕྱོགས་དག་ཏུ་གོ་རིམས་བཞིན། །ལྷ་རྣམས་ཀྱང་ནི་དགོད་པར་བྱ། །ཆུ་ལྷའི་ཕྱོགས་ཀྱི་སྒོ་དག་ནི། །ཀཱརྵཱ་པ་ཎ་བརྒྱད་དག་གི། །འགྲོན་བུ་རྣམས་ནི་ཤར་ནུབ་ཏུ། །མཉམ་ཞིང་མཛེས་པར་ད…

རི་དགས་ཤིག །ནང་དུ་མ་ཆུ་བཙུགས་ཕྱོགས་གཅིག་གནས། །དེ་ནང་ཁྱུ་མཆོག་འགྲོ་བར་བྱ། །རླུང་ལྷའི་ཕྱོགས་ཀྱི་གནས་གཅིག་ཏུ། །བདེ་བྱེད་ལྷ་མོ་ཁྱུ་མཆོག་དང་། །དེ་བཞིན་ར་དང་བུམ་རྣ་གཉིས། །གྲོང་ཁྱེར་གྱི་ནི་སྒོ་སྲུང་གཞག །ཀླུང་གི་གཡས་རོལ་འགྲམ་དག་ཏུ། །རིག་སྔགས་ཆེན་པོ་བུ་སྨད་བཅས། །དབང་ལྡན་ཕྱོགས་སུ་གཞག་བྱ་སྟེ། །དཀྱིལ་འཁོར་བདུན་…

དང། །གཞན་ཡང་ས་སྟེང་གནས་རྣམས་གཞག །རྡོ་རྗེའི་མངའ་བདག་དགྱེས་པ་ཡི། །གཞན་གྱི་རིགས་སྔགས་མཆོག་འཆིང་བ། །རབ་ཏུ་གསལ་ཞིང་འབར་བ་དེ། །དབུས་དེར་མཁས་པས་གཞག་པར་བྱ། །དེ་ནས་རྡོ་རྗེ་འཛིན་ཆེན་རྗེ། །ཉི་ཤུ་པར་ནི་གཞག་པར་བྱ། །གང་ན་རྡོ་རྗེ་འཛིན་གནས་ཏེ། །མིང་ནི་རྡོ་རྗེ་ཕོ་བྲང་ཡིན། །ཉི་ཤུ་གཅིག་པའི་བྱང་ཕྱོགས་སུ། །ཀུ་བེ་ར་ནི་ཚོ…

རྫོང་གི་འཕགས་མ་དོན་གྲུབ་པ། །དུར་ཁྲོད་གནས་ན་དྲག་མོ་ནི། །བདེན་བྲལ་ཕྱོགས་སུ་གཞག་བྱ་ཞིང་། །མ་ཡང་དྲུང་དུ་གཞག་པར་བྱ། །ཕྱོགས་ཀྱི་ལྷ་ནི་བྱེ་བ་རྣམས། །དབང་ལྡན་ཕྱོགས་སུ་དགོད་པར་བྱ། །ལོག་འདྲེན་དྲག་པོ་ཆེན་པོ་ཡང་། །དཀྱིལ་འཁོར་དུ་ནི་ལེགས་པར་དགོད། །རླུང་ལྷའི་ཕྱོགས་སུ་མཁའ་ལྡིང་གཞག །དེ་ནས་དང་པོ་སྐྱོང་བ་ཡི། །རྫོང་གི་འ…

འཇིག་རྟེན་སྐྱོང་། །དཔལ་ལྡན་འཇིག་རྟེན་ཆོས་སྤངས་པ། །ལག་ན་རྡོ་རྗེ་འཛིན་པ་ཡི། །དབང་ལྡན་བྱང་གི་ཕྱོགས་སུ་གཞག །དེ་བཞིན་ལྕང་ལོ་ཅན་དག་ཏུ། །ནོར་སྦྱིན་ཚོགས་དང་བཅས་པར་བྲི། །ཀླུ་རྣམས་མ་ནི་སུ་རུ་ས། །རླུང་ལྷའི་ཕྱོགས་སུ་གནས་པར་བྱ། །དེ་དག་བུ་དང་བཅས་པར་ནི། །དེ་ཡི་དྲུང་དུ་དགོད་པར་བཤད། །མཁའ་ལྡིང་རྣམ་པར་འདུད་པའི་བུ། །མཐ…

ཏུ་མཐོང་ལྷ་དབང་ལྡན་དུ། །སྲིད་རྩེ་དེ་ཡི་ཕ་རོལ་དགོད། །དེ་བཞིན་དཀའ་ཟློག་བྱང་ཕྱོགས་གཞག །དྲུག་པ་དག་ཀྱང་འདས་པ་ཡིན། །བང་རིམ་དག་ནི་བདུན་པ་ལ། །རྡོ་རྗེ་ཤུགས་ཀྱིས་རྡོ་རྗེ་འཆང་། །སོང་ནས་ཁྲུ་ཡི་གཙོ་བོ་ནི། །རྒྱ་མཚོ་ཆེན་པོ་རྨད་བྱུང་གཞག །བྱང་ཕྱོགས་བྱ་བ་ཟིན་ནས་ནི། །གྲགས་ཤིང་བསོད་ནམས་ཆེ་བ་ཡི། །འཕྲུལ་དགའ་བ་ཡི་ལྷ་ཆེན་ར…

ཐུབ་པ་ཆེན་པོ་ལེགས་པར་བཞུགས། །ཆོས་ཀྱི་ཆུ་ཀླུང་ཆེན་པོའི་མཆོག །དེ་ཡི་ཞལ་ནས་ཀུན་ཏུ་འབབ། །རྨད་དུ་བྱུང་བར་འབབ་པ་སྟེ། །བདག་གིས་ཁ་ནི་སྟོང་ཕྲག་རྣམས། །སྟོང་སྙེད་ཀྱིས་ནི་བརྗོད་པ་འམ། །ཁོང་དུ་ཆུད་པར་ནུས་མི་འགྱུར། །དེ་ནི་རྒྱས་པར་འགེངས་པ་དང་། །ཡེ་ཤེས་ཕ་མཐའ་བླ་ན་མེད། །ཤིན་ཏུ་རྨད་བྱུང་གསང་བར་བཤད། །ཚིག་ལྡན་གྱི་ནི་ལྷ་…

ལྷ་རྣམས་ཐམས་ཅད་མངོན་པར་དགའ། །དེ་ཉིད་ལ་ནི་རིག་སྔགས་གྲུབ་པའི་ཚོགས་ཀུན་བརྟེན། །གནས་རྣམས་གསུམ་པ་འདི་ནི་ལྷ་ཡི་གནས་ཡིན་ཏེ། །རྡོ་རྗེ་འཛིན་པ་ང་ཡི་དགོངས་པ་བཞིན་དུ་རྫོགས། །དེ་ནས་དམ་ཚིག་མཁྱེན་པས་དཀྱིལ་འཁོར་རྒྱལ་པོ་ཡི། །གསང་བ་གང་དང་གང་གསུངས་དགའ་རྒྱས་བདག་གིས་བཤད། །ལག་ན་རྡོ་རྗེའི་དཀྱིལ་འཁོར་ཆེན་པོ་དཀྱིལ་འཁོར་ཐམས་…

བཞིན་ཤར་གྱི་ལུས་འཕགས་ཀྱང་། །ཤར་ཕྱོགས་སུ་ནི་གཞག་པར་བྱ། །ཡུལ་རྣམས་དང་ནི་རི་དག་གིས། །ཀུན་ཏུ་རབ་ཏུ་རྒྱས་པར་གནས། །དེ་ནས་གནས་བརྟན་ཆོས་སྐྱོང་བ། །བཅུ་གཉིས་དག་དང་ལྷན་ཅིག་ཏུ། །སྒྲ་གཅན་འཛིན་ཞེས་གྲགས་པ་སྟེ། །སངས་རྒྱས་སྲས་ནི་མངོན་སུམ་གནས། །གནོད་སྦྱིན་ལྷ་མིན་ལྟོ་འཕྱེ་རྣམས། །ཉིན་མཚན་དུ་ནི་དེར་སོང་ནས། །དྲི་དང་ཕྲེང་…

གཞག །ནས་དང་གྲོ་དང་མོན་སྲན་གྲེའུ། །སཱ་ལུ་དང་ནི་ཏིལ་འབྲུ་རྣམས། །སྣོད་སར་དག་གི་ནང་དུ་གཞག །ཡང་ན་གཞན་དུ་དེ་བཞིན་གཞག །ཧྭགས་དང་ཁ་རས་གང་བ་དང་། །བཏུང་བ་བསིལ་ཞིང་ཞིམ་པ་དག །སྣོད་སར་དག་གི་ནང་དག་ཏུ། །བཞག་ནས་རབ་ཏུ་དབུལ་བར་བྱ། །དེས་ན་སུ་ལའང་འཚེ་མི་འགྱུར། །དགའ་བའི་སེམས་ཀྱིས་ཟ་འདོད་ལ། །ཁ་ཟས་དག་ཀྱང་སྦྱིན་པར་བྱ། །དེ་ན…

ཐོག་ཐོག་མ། །དེ་བཞིན་རྡོ་རྗེ་ཁུ་ཚུར་མ། །རྡོ་རྗེ་ཐུབ་དཀའ་ཕོ་ཉ་མ། །ཆེན་མོ་བཅུ་དང་དྲུག་ཅུ་བཞི། །དང་པོ་བློ་གྲོས་རྡོ་རྗེ་མ། །གཉིས་པ་རྡོ་རྗེ་དྲིལ་བུ་མ། །གསུམ་པ་རྡོ་རྗེ་ནག་མོ་དང་། །བཞི་པ་གཞན་གྱིས་མི་ཐུབ་པ། །ལྔ་པ་རྡོ་རྗེ་རོལ་པ་དང་། །དྲུག་པ་ཡང་ནི་རྒོད་བག་ཅན། །བདུན་པ་རྡོ་རྗེ་ཤུགས་ཡིན་ཏེ། །བརྒྱད་པ་རྡོ་རྗེ་ཉི་མ་…

ནི་བརྗོད་པ་ཡིན། །རྡོ་རྗེ་འཛིན་པའི་ཕྱག་རྒྱ་ནི། །དྲིལ་བུར་བཅས་པས་དྲན་བྱེད་བརྗོད། །ལག་པ་གཉིས་ཀ་བླ་འོག་སྦྱར། །མཐེའུ་ཆུང་མཐེ་བོ་སྦྲེལ་བྱ་ཞིང་། །བདུད་རྩིའི་ཆུ་ནི་བླུག་པར་བྱ། །གོས་གཙང་བགོས་ཤིང་རབ་བསྡམས་པ། །སྐྲ་བཤིག་པ་ལ་ངུ་འབོད་ཆེ། །མི་བཟད་རྣམས་ནི་བསྒོ་བར་བྱ། །འདི་ནི་ངུ་འབོད་ཆེན་པོ་སྟེ། །འཁྲུག་ཅིང་སྡུག་བསྔལ…

དང་། །དཀྱིལ་འཁོར་གང་དང་གང་མཐོང་བ། །དེ་དང་དེ་ལ་བདེ་བར་མཆོད། །དེ་ནས་ཐམས་ཅད་མཐོང་ནས་ཀྱང་། །ཡོན་གྱི་བུམ་པར་དབུལ་བར་བྱ། །བློ་ཅན་གྱིས་ནི་མཚན་ཡང་བཟུང་། །དམ་པ་གཞན་ཡང་བདག་གིས་བཤད། །རྡོ་རྗེ་སྟངས་ཐབས་འགྲོ་བ་དང་། །གད་མོ་བཅས་པར་བསྒྱུར་བ་དང་། །གཡོན་པས་ཀྱང་ནི་བརྡབ་པར་བྱ། །སེང་གེའི་སྒྲ་སྒྲོགས་འགྱིང་བ་དང་། །མཛུབ་མོས…

དམ་ཚིག་བཤད་པ་ལས་གནས་བཞི་པ་རྫོགས་སོ།། །།དེ་ནས་རྡོ་རྗེ་ལྕགས་ཀྱུ་མ། །རྡོ་རྗེ་ཡི་ནི་རིགས་ཀྱི་ཡུམ། །བསྒྲུབ་པ་ཡི་ནི་དོན་རྣམས་ཀུན། །སྒྲུབ་པ་བྱེད་པ་གང་ཡིན་བཤད། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མ་སྟེ་བཛྲ་དྷ་ར་བཛྲ་པཱ་ཎི་བཛྲཱ་ཡ། ན་མཿསུ་བཛྲཱ་ཡ། ན་མོ་བཛྲ་དཱུ་ཏ་ཡེ། ན་མོ་བཛྲ་ཤཱ་ན་ཡེ…

ཡ་སརྦ་སརྦེ་ཤངྐུ་རུ་ཀུ་རུ། བ་ཀི་མེ་ཀ་ཏ་ཡ། མི་ལི་མི་ལི། ཙི་ལི་ཙི་ལི། ཙུ་ལུ་ཙུ་ལུ། པྲི་ཡཾ་པྲི་ཡེ་ན། ས་ར་ས་ར། ཀ་ར་ཀ་ར། ཙ་ར་ཙ་ར། བི་རི་བི་རི། བི་མི་ཡ་ཤཾ་ཡ་ཤེ་ན། ལ་བྷ་ལ་བྷ། ཀི་རི་ཀི་རི། མི་ཏི་མི་ཏི། ལོ་ཀེ། ར་མ་ར་མ། ར་ཏི་ཀ་རི་བྷི་ཏི་ཀ་རི། མ་མ་སུ་ཁ་ཀ་རི། ནིར་བྷྲི་ཏི་ཀ་ར། ཀིངྐ་རི་ཀིངྐ་རི། ཀ་ར་མ་རི། བི་ཏི་བི་…

འཁོར་དང་ལྡན་པར་བྱས་ན་ནི། །གཅིག་པུ་འཇིག་རྟེན་གསུམ་མཆོག་དང་། །རྣམ་པ་གསུམ་དུ་འགྱུར་བར་བཤད། །དེ་དག་ཐམས་ཅད་ཁྱད་པར་དུ། །སྟོབས་དང་ལྡན་པར་སྐྱེ་བོས་བརྗོད། །མདོར་ན་ཡུམ་འདི་ཐམས་ཅད་ཀྱི། །མཆོག་གི་དམ་པར་བཤད་པ་ཡིན། །དེ་དག་བསྒྲུབས་པའི་དུས་དང་ནི། །ཐ་མལ་དུས་སུ་རྟག་ཏུ་ཡང་། །ཇི་སྐད་བཤད་པ་དེ་བཞིན་དུ། །རིག་སྔགས་འདི་ནི་སྦ…

དེ་ཉིད་ཤེས། །ཡང་ན་དངོས་གྲུབ་འདོད་པ་ཡིས། །ཆོ་ག་བཞིན་དུ་ཀུན་བྱས་ན། །སྒྲུབ་པ་པོས་ནི་ཐམས་ཅད་འཐོབ། །ལྷ་འམ་ལྷ་མ་ཡིན་རྣམས་དང་། །གནོད་སྦྱིན་ཡང་ན་རིག་སྔགས་འཆང་། །གཞན་ཡང་གང་དག་སུ་ཡང་རུང་། །འགལ་བར་བྱེད་པ་གང་ཡང་མེད། །སངས་རྒྱས་ཤ་ར་དྭ་ཏིའི་བུ། །རྡོ་རྗེ་འཛིན་པ་ཆེན་པོ་དང་། །རིག་སྔགས་བདག་གི་བླ་མ་ལ། །ཅི་སྟེ་མཆོག་ཏུ་ད…