དབང་བསྐུར་གཙོ་བོ་ཐོབ་པས་ནི། །བྱ་བ་བྱས་པའི་བློ་ཆེན་གྱིས། །གཞན་ཡང་རབ་དགས་འདི་སྐད་དུ། །སྨྲ་ཞིང་མཇུག་ནི་རྫོགས་པར་བྱ། །དེང་དུ་བདག་ཚེ་འབྲས་བུ་ཡོད། །བདག་གི་གསོན་པར་འབྲས་བུར་བཅས། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་པོར་བདག་གྱུར་ཏོ། །སྦྱིན་སྲེག་གིས་ནི་རྫོགས་བྱ་ཞིང་། །དགེ་འདུན་ལ་ནི་སྟོན་མོ་དྲང་། །དེ…

གལ་ཏེ་ཁུ་བ་ནག་པོར་མཐོང་། །དེ་ཚེ་ཟླ་བ་དྲུག་ན་འཆི། །དམར་པོས་ནད་ཀྱིས་འདེབས་པར་སྟོན། །མིག་ལས་རྟག་ཏུ་འཛག་པ་དང་། །གཟུགས་མཐོང་བ་ཡང་རྣམ་འཕྲུལ་དང་། །མེ་ལོང་ངམ་ནི་ཆུར་གང་ཞིག །རང་གི་གྲིབ་མ་མ་མཐོང་དང་། །མཚན་མོའི་ཚེ་ན་དབང་པོའི་གཞུ། །ཉིན་པར་སྐར་མའི་དཀྱིལ་འཁོར་མཐོང་། །སྤྲིན་མེད་པར་ནི་ལྷོ་ཕྱོགས་སུ། །བརྟེན་པའི་གློག་…

ལྷོ་ཕྱོགས་འགྲོ་བར་ནི། །གང་གིས་རྨི་ལམ་མཐར་མཐོང་ན། །བུད་མེད་གང་ཞིག་གོས་གནག་ཅིང་། །མདོག་གནག་མི་ནི་འདོད་སྤྱོད་པ། །དེ་ནི་དུས་མཚན་ཡིན་ཞེས་བྱ། །གཤིན་རྗེའི་ལྟོ་བར་འགྲོ་བར་འགྱུར། །བྱ་རྒོད་ཅེ་སྤྱང་ཁྱི་དང་ཁྭ། །དྲེད་དང་ཡི་དགས་ཤ་ཟ་ཡིས། །ཟ་བར་རྨི་ལམ་མཐོང་ན་ནི། །ལོ་གཅིག་ན་ནི་ངེས་པར་འཆི། །གོས་ནི་དམར་པོས་གཡོགས་པ་དང་…

ཁམས་བདེ་འགྲོ་སྟེ། །ཐིག་ལེ་ལས་ནི་གཟུགས་ཅན་ལུས། །སྟེང་ནས་གཟུགས་མེད་ཁམས་སུ་སྟེ། །དེ་ནི་བདེ་བར་འགྲོ་བྱེད་པའོ། །སྣ་ལས་གནོད་སྦྱིན་རྣམས་སུ་འགྱུར། །རྣ་བ་ལས་ནི་མིའམ་ཅི། །ལྷ་མོ་གལ་ཏེ་མིག་ལས་ནི། །མི་ཡི་རྒྱལ་པོར་འགྱུར་བ་ཡིན། །ཁ་ཡི་སྒོ་ལས་ཡི་དགས་རྣམས། །གཅི་ལས་དེ་བཞིན་དུད་འགྲོའོ། །བཤང་ལམ་ནས་ནི་དམྱལ་བར་འགྲོ། །གྲོལ…

ནུབ་ཀྱི་བ་ལང་སྤྱོད། །གླིང་ནི་གསུམ་པོ་དེ་དག་རྣམས། །འབྲས་བུའི་ས་པར་ཡང་དག་གནས། །འཛམ་བུའི་གླིང་དུ་ལེགས་སྐྱེས་པ། །དངོས་གྲུབ་ས་པར་ཤེས་པར་བྱ། །གླིང་གསུམ་པོར་ནི་སྐྱེ་བ་ཡི། །འབྲས་བུ་འབྱུང་བའི་བསོད་ནམས་གནས། །འཛམ་བུའི་གླིང་པས་གྲོལ་བ་དང་། །དངོས་གྲུབ་ཉིད་ནི་སྒྲུབ་པ་སྟེ། །དེ་དག་སྔོན་གྱི་སངས་རྒྱས་ཀྱིས། །གསུངས་པའི་…

སུ་བྱས། །ཕྱག་རྒྱ་ལྔས་ནི་རྣམ་པར་བརྒྱན། །ཤེས་རབ་ཐབས་བདག་རྣལ་འབྱོར་པས། །ཧེ་རུ་ཀ་དཔལ་རྣམ་པར་བསྒོམ། །ཀུན་ཏུ་བཟང་པོའི་སྤྱོད་པ་ཡིས། །ཡིད་ནི་བདེ་བར་གནས་པར་བྱ། །གྲོང་དུ་མཚན་མོ་གཅིག་གནས་ཤིང་། །གྲོང་ཁྱེར་དུ་ནི་ལྔར་གནས་བྱ། །ཡིད་དང་རྗེས་མཐུན་སྦྱོར་བ་ཡིས། །ས་ཡི་སྟེང་དུ་གནས་པར་བྱ། །ཡང་ན་རླུང་ཞེས་བྱ་བ་ཡི། །སྤྱོད་པ་…

རྣམ་པར་མི་རྟོག་རང་བཞིན་གྱིས། །འདིར་ནི་འགྲུབ་འགྱུར་ཐེ་ཚོམ་མེད། །གསུམ་པོ་དེ་དག་ནང་ནས་ནི། །གང་འདོད་བརྟུལ་ཞུགས་ལ་བརྟེན་ནས། །ཅུང་ཟད་ནུས་པ་རབ་ཐོབ་ནས། །ཇི་ལྟར་འདོད་པའི་སྤྱོད་པ་སྤྱད། །ལུས་ནི་སྦྱིན་པར་བྱིན་ནས་སུ། །ཕྱི་ནས་སྤྱོད་པ་ཡང་དག་བརྩམ། །སྤྱོད་པས་རྒྱུ་བའི་རྣལ་འབྱོར་པ། །ངེས་པར་དྲི་མ་མེད་འགྱུར་བ། །འདི་ལ་འཁ…

རྣམས། །བརྒྱན་ཅིང་ས་ནི་ཡོངས་སུ་གཟུང་། །སྐུ་གཟུགས་སམ་ནི་གླེགས་བམ་མམ། །བྲིས་སྐུ་ཡོངས་སུ་རྫོགས་པ་རྣམས། །མདུན་རོལ་དུ་ནི་གཞག་པར་བྱ། །དཀྱིལ་འཁོར་འཁོར་ལོ་ནམ་མཁར་གནས། །ཉེར་སྤྱོད་ལྔ་ཡིས་ཡང་དག་མཆོད། །ས་མ་ཡ་སྟྭཾ་ས་མ་ཡ་ཧོ། །ལན་གསུམ་དུ་ནི་བརྗོད་པར་བྱ། །ཇི་ལྟར་རྫོགས་པའི་སངས་རྒྱས་ཀུན། །དགའ་ལྡན་ཡང་དག་བཞུགས་ནས་ནི། །ལ…

བསོད་ནམས་ཕྱིར་ནི་བྱ་བ་སྟེ། །རྣམ་རྟོག་མེད་པའི་རང་བཞིན་གྱིས། །རབ་གནས་ལྷ་ནི་བཞུགས་པ་ཡིན། །འཇིག་རྟེན་སྐྱོང་བའི་ལྷ་ལ་སོགས། །གང་ཚེ་རྟག་ཏུ་གནས་གྱུར་པ། །མཆོད་དང་མཆོད་བྱ་མཉམ་ལྡན་པར། །དེ་ཚེ་ལྷ་ཡང་ཡང་དག་བཞུགས། །འདི་ནི་ལྷ་རྣམས་རབ་ཏུ་གནས་པའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།དེ་ནས་མེ་ཡི་ལས་སོགས་པའི། །མཚན་ཉི…

དཔངས་ཚད་བྱ། །ཞི་ལ་ཟླུམ་པོའི་རྣམ་པ་སྟེ། །ཤར་བལྟས་ཁ་དོག་དཀར་པོར་འགྱུར། །རྒྱས་པ་ལ་ནི་གྲུ་བཞི་སྟེ། །བྱང་དུ་བལྟས་པས་སེར་པོས་བྱ། །བསྐྲད་དང་མངོན་པར་སྤྱོད་པ་ལ། །ཟླ་བ་ཕྱེད་པ་ནུབ་བལྟས་བྱ། །དབྱེ་དང་གསད་པའི་ལས་ལ་ནི། །ཟུར་གསུམ་ལྷོར་ནི་བལྟས་ཏེ་བྱ། །དབང་དང་དགུག་དང་དབྱེ་བ་གསུམ། །ཁ་དོག་དམར་པོ་ཟུར་གསུམ་པའོ། །མནན་དང་ར…

གཟར་བཟུང་། །ཨགྣ་ཡེ་སྭཱ་ཧཱ་ཞེས་པས། དགང་བླུགས་བདུན་ནམ་གསུམ་བྱིན་ན། །དེ་ནས་མེ་ནི་ཚིམ་གྱུར་པས། །མི་འཇིགས་པ་ནི་ཆེན་པོ་སྟོན། །མེ་ཏོག་སོ་རྩི་ན་བཟའ་སོགས། །བསྟོད་པས་ཀྱང་ནི་མཉེས་བྱ་སྟེ། །དེ་ནས་འཐོར་འཐུང་བྱིན་ནས་ནི། །མེ་ནི་ཡང་དག་གནས་པར་བསམ། །ཨོཾ་བོ་དྷི་བྲཱི་ཀྵཱ་ཡ་སྭཱ་ཧཱ། ཨ་ཤྭཏ་ཐ་ཡིའོ། །ཨོཾ་བཛྲ་ལ་ཏཱ་ཡ་སྭཱ་ཧཱ། བླག…

འཁོར་མཆོག་ནི་གཤེགས་སུ་གསོལ། །འཇིག་རྟེན་སྦྱིན་སྲེག་ཡང་དག་རྫོགས། །གལ་ཏེ་འཇིག་རྟེན་འདས་སྦྱིན་སྲེག །ཉིན་མོ་འཇིག་རྟེན་སྦྱིན་སྲེག་སྟེ། །དེ་བཞིན་མཚན་མོ་འཇིག་རྟེན་འདས། །རྣལ་འབྱོར་རྣལ་འབྱོར་མ་རྣམས་འདུས། །བཟའ་དང་བཏུང་བའི་ཁྱད་པར་དང་། །ཅ་ཅོའི་སྒྲ་ཡི་སྤྲོ་བ་ཆེ། །གླུ་དང་གར་གྱི་དགའ་བདེ་བ། །རང་གི་ལྷ་ཡི་རྣལ་འབྱོར་གྱ…

སྙན། །ཤིན་ཏུ་ཟབ་པའི་སྒྲ་སྙན་པའི། །མེ་མཐོང་བདེ་བ་འབྱུང་བར་བྱེད། །དཔལ་བེའུ་གདུགས་དང་དུང་ལྟ་བུ། །གང་ཞིག་རྩེ་གསུམ་བུམ་པའི་དབྱིབས། །རྒྱལ་མཚན་རྔ་ཡབ་རྡོ་རྗེ་བཟང། །གཡུང་དྲུང་རྟ་དང་གླང་པོའི་དབྱིབས། །སྒྲ་མེད་གཡས་སུ་འཁྱིལ་པ་དང་། །མེ་ལྕེ་གཅིག་འབར་དོན་ཆེར་སྟེར། །འདི་དག་དགེ་བ་ཕུན་སུམ་ཚོགས། །ཚེ་དང་ནད་མེད་རབ་སྟེར་བ…

ཏིལ་གྱིས་སྡིག་པ་འཇོམས་རིག་བྱ། །སོ་བས་ནོར་དང་འབྲུ་རྣམས་འགུགས། །མཱ་ཥས་སྟོབས་ནི་ཆེན་པོར་བྱེད། །ནས་ཀྱིས་རླུང་གི་ཤུགས་རབ་སྟེར། །དཱུར་བས་ཚེ་ནི་འཕེལ་བར་བྱེད། །གྲོ་ཡིས་ནད་ནི་འཇོམས་པར་བྱེད། །འོ་མ་སྦྲང་རྩིས་ཤེས་རབ་འཕེལ། །ལག་པན་གྱིས་ནི་བདེ་ཀུན་སྟེར། །མེས་ནི་འདོད་དོན་དངོས་གྲུབ་སྟེ། །།རབ་འདོད་ལྷས་ནི་གྲོལ་བར་སྩོལ།…

པར་བཅུག་སྟེ་ཆུ་བོ་ལ་བསྐུར་ན་ཆར་འབེབས་པར་འགྱུར་རོ། །ཆར་དབབ་པའི་གོ་ཆའོ། །ༀ་ག་ག་ཨ་རི་ག་ག་སྭཱ་ཧཱ། སྔགས་འདིས་གདོང་བཀྲུས་ཏེ། རྡོ་བ་ལ་ལན་བདུན་བཟླས་པ་བྱས་ན་སུ་ཡང་རུང་བའི་སྒོའི་བུ་གར་བཅུག་ན་ཁ་བཅིང་བ་བྱེད་པར་འགྱུར་རོ། །ༀ་མཱུ་ཀཱ་སྟིཥྛནྟི་མཱུ་ཀཱ་གཙྪནྟི་མུ་ཀཱཿཀཱ་དྷྱནྟི་ལཱཾ་ག་བཾ། མཱུ་ཀཱ་ནཱཾ་མཱུ་ཏྲ་པུ་རི་ཥེ་ཎ། དེ་བ་དཏྟ…

བུ་བདུན་དུ་བྱས་ཏེ། ལག་པ་ལ་བཅིངས་ན་རིམས་འཇོམས་པར་འགྱུར་རོ། །ཨ་པཱ་མརྒའི་རྩ་བ་བཅིངས་ན་རིམས་ཉིན་བཞི་པ་འཇོམས་པར་འགྱུར་རོ། །ཤིང་སཔྟ་པརྞ་བླངས་ཏེ། སྒོ་རྩའམ་ལམ་དུ་སྦས་ན་ཆང་རྣམ་པར་ཉམས་པར་འགྱུར་ཏེ། བཏོན་ན་ནི་གྲོལ་བར་འགྱུར་རོ། །ཨོཾ་ནམ་ཤྩཎྜཱཾ་ཀུ་ཤ་ཀུ་ལུ་ཀུ་ལུ་སྭཱ་ཧཱ། ཕུག་རོན་གྱི་བྲུན་དང་། ལྷམ་བུ་ཆུ་གཤེར་དང་། སྟོ…

སུ་མཎྜལ་ཉེ་བར་བྱུགས་ཏེ། གྲོ་གའི་འདབ་མ་ལ་ལྷས་བྱིན་གྱི་མིང་དང་སྤེལ་བ་བྲིས་ལ་ཟན་གྱི་གོང་བུའི་དབུས་སུ་བཅུག་སྟེ། བྱ་རོག་ལ་བྱིན་ན་བསྐྲད་པར་འགྱུར་རོ། །རྫ་མཁན་གྱི་ལག་པ་ཕྱིས་པའི་འཇིམ་པ་ལ་སྣོད་བྱས་ཏེ། སྟོང་རྩ་བརྒྱད་ཡོངས་སུ་བཟླས་ནས། དབུགས་མི་འབྱིན་པར་ཆུའི་ནང་དུ་གཞག་ན་གྲོང་བརྟན་པར་འགྱུར་རོ། །དེ་ནས་དགྲ་གསད་པར་འད…

རའི་མེ་ཏོག་གཉིས། །དེ་བཞིན་དུ་ནི་ཙནྡན་གཉིས། །རུ་རྟ་ཤིང་ཚ་ཡུང་བ་སེར། །མེ་ཏོག་ཤིང་དང་ཡུང་བ་གནག །དེ་བཞིན་དུ་ནི་ཨུཏྤལ་གསུམ། །པདྨའི་གེ་སར་དེ་བཞིན་ཏེ། །པྲི་ཡང་ཀུ་དང་མེ་ཏོག་བརྒྱ། །དེ་བཞིན་དོན་གྲུབ་དཀར་པོ་དང་། །ནི་ར་གུཎྜི་དང་འབྱུང་པོའི་སྒྲ། །གིའུ་ཝང་གེ་སར་ཚ་བ་གསུམ། །དེ་བཞིན་ཆུ་ཡི་ས་བོན་ཏེ། །ལྡོང་རོས་དང་ནི་འབ…

པ་ལ་མཆིལ་མས་བསྐུས་ན་དུག་མེད་པར་འགྱུར་རོ། །རྟག་ཏུ་བཅངས་ན་སེང་གེ་དང་སྟག་དང་དོམ་ལ་སོགས་པ་ནགས་ཀྱི་བདག་པོ་རྣམས་དང་། སྡིག་པ་དང་རྟ་བླ་མོ་ལ་སོགས་པ་དང་། གདོན་ཐམས་ཅད་ལས་ཡོངས་སུ་ཐར་བར་འགྱུར་ཏེ། ཐམས་ཅད་དུ་བསྲུང་བའི་མཆོག་དང་སྐྱེ་བོ་ཐམས་ཅད་ལ་སྡུག་པ་དང་སྐལ་བ་བཟང་པོར་འགྱུར་རོ། །འདི་ནི་ལས་རབ་འབྱམ་གྱི་སྨན་གྱི་རབ་ཏུ་ས…

བའི་རླུང་ནི་རྒྱུ་བ་ན། །ཟླ་བའི་རྒྱུ་བ་བཏུང་བར་བྱ། །ཉི་མའི་རླུང་ནི་རྒྱུ་བ་ན། །ཉི་མས་ཉི་མ་བཏུང་བར་བྱ། །རྫས་འདི་དག་ནི་མཉམ་སྦྱར་བྱས། །རྟག་ཏུ་སྣར་ནི་བླུགས་པར་བྱ། །ཟླ་བ་དྲུག་ཏུ་སྦྱར་བྱས་ན། །རྟག་པའི་ཚེ་ནི་འཕེལ་བར་འགྱུར། །སྣ་སྒོ་གཡོན་དུ་རབ་བླུགས་ན། །ལས་ནི་ཡོངས་སུ་དག་གྱུར་པས། །ཡར་ངོ་ཟླ་བ་ཇི་བཞིན་དུ། །ནད་ཀུན་མ…