དོན་མཛད་ཕྱིར་ནི་ཆར་སྤྲིན་དགོད། །ནང་དང་གསང་བ་དེ་བཞིན་ནོ། །དེ་བཞིན་མཐར་ཐུག་བཞི་པ་ཡང་། །སྙན་ནས་བརྒྱུད་པ་ཤེས་པར་བྱ། །དེ་ནས་ནང་དུ་གཞལ་ཡས་ཁང་། །བྷྲུྃ་ལས་འཁོར་ལོ་རྩིབས་བརྒྱད་དེ། །རྩིབས་བརྒྱད་རྣམ་ཤེས་བརྒྱད་ཀྱི་དངོས། །ཡོངས་སུ་གྱུར་པས་རྣམ་སྣང་སྐུ། །ཕྱི་ནས་བལྟས་པས་ནང་དུ་གསལ། །དེ་བཞིན་ནང་ནས་ཕྱི་རུ་སྟེ། །ཐམས་ཅད་…

དངོས་གྲུབ་འདི་ནི་ཁྱད་པར་འཕགས། །དེ་ནས་བཟླས་པའམ་བསྒོམ་པ་ནི། །དབང་པོ་རབ་འབྲིང་ཐ་མའི་སྟེ། །རབ་ཀྱིས་ཡོངས་སུ་རྫོགས་པ་ཡི། །བསྒོམ་པའམ་བཟླས་པ་བྱ་བར་གསུངས། །འབྲིང་གིས་གཙོ་བོ་ཡབ་ཡུམ་ཡིན། །ཐ་མས་དབུ་མའི་སྤྱན་ལ་འཇུག །དབུ་མའི་སྤྱན་ལ་བརྟན་གྱུར་ནས། །སུམ་ཅུ་རྩ་བདུན་རྫོགས་པར་སྒོམ། །འབྲིང་པོ་ཡིས་ཀྱང་དེ་བཞིན་ཏེ། །གནས་པ་…

མ་ཚང་བ་ལས་མ་ཡིན་ཏེ། །འབྲུ་ཉམས་པ་ལས་མྱུ་གུ་མེད། །རྒྱུ་མེད་པ་ལས་མ་ཡིན་ཏེ། །ནམ་མཁའི་མེ་ཏོག་ལས་ནི་དྲི། །རྒྱུ་དེ་རྐྱེན་མེད་པ་ལས་མིན། །ནགས་སྲེག་མེ་ལ་རླུང་མེད་བཞིན། །དེ་ལྟར་ཡན་ལག་བཞི་ལྡན་པའི། །ལས་དང་པོ་ཡིས་རྣམ་རྟོག་སྤང་། །ལྷ་ཡི་རྣལ་འབྱོར་ལ་གནས་པས། །བསྐྱེད་པ་ཞེས་ནི་གསུངས་པ་ཡིན། །ཕྱི་དང་ནང་དུ་དུ་མའི་ཆ། །དེ་ཡ…

རྣམ་སྣང་ལ་སོགས་ལ། །བརྙས་པ་རྟོག་གེ་སྐམ་པོ་ཡིན། །དེས་ན་ལྟ་སྤྱོད་ཟུང་དུ་འཇུག །གླང་ཆེན་བཞེངས་ཀྱང་མཉམ་པར་བཞེངས། །གླང་ཆེན་བཞུགས་ཀྱང་མཉམ་པར་བཞུགས། །རྡོ་རྗེ་སྙིང་པོས་ཡང་ཞུས་པ། །བདུད་རྩི་ཞེས་པ་ཇི་ལྟར་ལགས། །དེ་ཡི་སྤྱོད་པ་ཇི་ལྟར་ལགས། །དེ་ཡི་ཡོན་ཏན་ཇི་ལྟར་འབྱུང་། །རྒྱན་ལ་སོགས་པའི་དོན་རྣམས་ཀུན། །གཙོ་བོས་བདག་ལ་བཤ…

འོག་གི་དྲུག་པ་རྒྱུ་བ་ཡིན། །འདི་ནི་གསང་བའི་བདུད་རྩི་སྟེ། །སྐྲ་དཀར་གཉེར་མ་འཆི་བ་སྤོང་། །སྤྱོད་པའི་རྣལ་འབྱོར་རྣམ་པ་གཉིས། །གང་ཟག་མཆོག་དང་ལས་དང་པོ། །བསྐྱེད་པའི་རིམ་པར་ལེགས་གནས་ཤིང་། །རིགས་སུ་འཛིན་པ་སྤང་བའི་ཕྱིར། །ཕྱི་ཡི་དྲུག་པའི་བདུད་རྩི་སྦྱིན། །ལས་དང་པོ་ལ་ཕྱི་ནང་གཉིས། །འདི་ཡི་ནུས་པའང་དུ་མ་སྟེ། །སྐྲ་དཀར་…

སྔོན་དུ་སོང་བ་ཡིས། །ལྔ་པ་ཡོངས་སུ་རྫོགས་པ་བསྒོམ། །དཔེར་ན་ཟངས་ཀྱི་དངོས་པོ་ལ། །གསེར་འགྱུར་རྩི་ཡི་ནུས་པ་ཡིས། །ཟངས་ཉིད་གསེར་དུ་གྱུར་པ་སྟེ། །ཟངས་ལས་མ་གཏོགས་གསེར་ཉིད་དང་། །ལྔ་པ་ལས་གཞན་དྲུག་པ་ནི། །སངས་རྒྱས་ཀྱིས་ཀྱང་མ་གསུངས་སོ། །ལོ་དང་ཟླ་བ་ཟླ་བ་ཕྱེད། །ཉིན་ཞག་དུས་དྲུག་དུས་གཉིས་ལ། །སྐད་ཅིག་རེ་ཙམ་དྲུག་ལ་འབྱུང་།…

གནས་ཡིན་ཏེ། །སོར་བརྒྱད་གསང་བ་བདེ་སྐྱོང་གནས། །རྣལ་འབྱོར་ཕ་དང་རྣལ་འབྱོར་མའི། །ལུས་ཀྱི་རྟེན་གྱི་བྱེ་བྲག་ལས། །སོར་མོ་བཞི་བཅུ་བརྒྱད་ཉིད་ལས། །བརྒྱད་ནི་གསང་བའི་འཁོར་ལོའི་གནས། །བཞི་བཅུ་ལ་ནི་འཁོར་ལོ་གཞན། །བླ་མའི་ཞལ་ནས་ཤེས་པར་བྱ། །ཐམས་ཅད་སྒལ་ཚིགས་དབྱུག་གུ་སྟེ། །ཕྱི་དང་ནང་དུ་མཁས་པས་བརྟག །འཁོར་ལོ་ལ་ཡང་རྣམ་པ་གཉི…

བརྒྱད་ལས་གཡས་གཡོན་ཆ་གཉིས་ཆ། །བཅུ་དྲུག་གྲངས་སུ་སྦས་པ་ཡིན། །བརྒྱད་ལས་གཡས་གཡོན་སྟེང་འོག་བཞི། །སུམ་ཅུ་རྩ་གཉིས་གྲངས་སུ་སྦས། །བརྒྱད་ལས་གཡས་གཡོན་སྟེང་འོག་བཞི། །མཚམས་བཞི་དང་ནི་བརྒྱད་ཀྱི་ཆ། །དྲུག་ཅུ་རྩ་བཞི་གྲངས་སུ་སྦས། །ཚངས་མདོའི་མེ་ནི་མེ་ལ་སྦས། །སྙིང་ག་ཆོས་ཀྱི་འཁོར་ལོ་རུ། །ཆོས་ཀུན་རིག་པས་རིག་པ་སྦས། །དྲུག་ཅུ…

ཕྱི་ཡི་སྟོང་ཕྲག་བདུན་ཅུ་གཉིས། །ཤ་ལ་གནས་ནས་ཚིལ་བུ་སྐྱེད། །ནང་གི་བརྒྱ་དང་ཉི་ཤུ་ནི། །ཚིལ་ལ་གནས་ནས་རྐང་སྐྱེད་པའོ། །གསང་བ་སུམ་ཅུ་རྩ་གཉིས་ནི། །རུས་པར་གནས་ཤིང་ག་པུར་སྐྱེད། །དེ་ཁོ་ན་ཡི་རྩ་གསུམ་ནི། །གསང་བར་གནས་ཤིང་བདེ་བ་བསྐྱེད། །ཁང་པ་སྟོང་ཕྲག་བདུན་ཅུ་གཉིས། །ཁང་པ་རེ་ལ་ཁང་པ་འབུམ། །ཁང་པ་དེར་གནས་སྲིན་བུའི་རིགས། …

འབྱོར་ཏེ། །གཡས་གཡོན་དགོངས་པ་ཤེས་པར་བྱ། །དེ་ནས་ཞུ་བའི་རྣལ་འབྱོར་ཡང་། །མཉམ་པའི་རླུང་དང་གཏུམ་མོའི་མེས། །ཡེ་ཤེས་བཞི་ཡི་ངོ་བོར་གྱུར། །ཆ་གཅིག་མི་བསྐྱོད་རྣམ་སྣང་སྟེ། །ཤ་ཟའི་མཁའ་འགྲོ་མཉམ་པ་ཉིད། །ཆ་གཅིག་བྱ་བ་ནན་ཏན་ཏེ། །སྲིན་བུ་ལས་ཀྱི་མཁའ་འགྲོ་མཆོད། །ཆ་གཅིག་རླུང་དང་མཁྲིས་པ་སྟེ། །མཁྲིས་པས་བད་ཀན་ལ་སོགས་པ། །བླ་མ…

དཀྱིལ་ན་ཙ་ན་ཀ་ཡི་ཚད། །དེ་ཡི་དབུས་སུ་ཐིག་ལེ་ཡུངས་ཀར་ཚད། །སྔགས་ཕྲེང་བ་སྤུའི་ཉག་མ་ཙམ་གྱིས་ནི། །གཡོན་བསྐོར་གཡས་བསྐོར་དབྱངས་གསལ་སྦྲུལ་ལྟར་འཁྱིལ། །དེ་དག་ཐིག་ལེའི་རྣལ་འབྱོར་ཏེ། །འདི་ལ་སེམས་ནི་བརྟན་འགྱུར་ནས། །དེ་ནས་ཕྲ་མོའི་རྣལ་འབྱོར་བསྒོམ། །ཟླ་བ་ཨཱ་ལི་ཀཱ་ལི་ལ། །ཨཱ་ལི་ཉི་མ་ལ་ཐིམ་ནས། །ཉི་མ་ཞབས་བསྐྱེད་ལ་ཐིམ་བས…

ཉི་མ་ཟླ་བ་ལྟ་བུར་ཟུང་དུ་འཇུག །ཉི་མ་ཟླ་བ་ལྟ་བུར་ཟུང་འཇུག་ཀྱང་། །སྒྲ་གཅན་ལྟ་བུར་གཉིས་སུ་མེད་པའོ། །རྡོ་རྗེ་སྙིང་པོས་ཡང་གསོལ་པ། །སྐར་མའི་ཚོགས་ནི་ཇི་ལྟ་བུ། །ཟུང་དུ་འཇུག་པ་ཇི་ལྟ་བུ། །གཉིས་སུ་མེད་པ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སུམ་ཅུ་རྩ་བདུན་ནི། །རྒྱུ་ཡི་ཁྱད་པར་སྤྲོས་པའོ། །སྐུ་གསུམ་དང་ན…

འདར་བ་ལ་སོགས་པ། །བླ་མའི་ཞལ་ནས་ཤེས་པར་བྱ། །དེ་ནས་གསང་བ་གསུམ་པ་ཡང་། །ཤེས་རབ་ཡེ་ཤེས་འབྲེལ་བ་སྟེ། །དགའ་བ་བཞི་ཡི་མཚན་ཉིད་ཀྱང་། །གཞང་ལམ་གཡའ་ཞིང་བ་སྤུ་ལྡང་། །ལུས་འདར་དགའ་བའི་ངོ་བོ་ཡིན། །གསང་བ་རྡོ་རྗེ་རྩ་ལམ་ནས། །བྱང་ཆུབ་སེམས་རྒྱུ་བདེ་བ་སྙམ། །མཆོག་དགའ་ཡི་ནི་ངོ་བོ་སྟེ། །རྡོ་རྗེ་པདྨ་འགགས་པ་སྙམ། །ལྷན་ཅིག་སྐྱེས་…

བྱེ་བྲག་དང་། །གཞན་ཡང་མོས་པའི་བྱེ་བྲག་དང་། །ཆོས་ཚུལ་དུ་མའི་བྱེ་བྲག་གིས། །སྣ་ཚོགས་དུ་མར་གསུངས་པ་ཡིན། །དབང་གསུམ་བགྲོད་པའི་རྣལ་འབྱོར་པ། །དགེ་སློང་ཆེན་པོར་གསུངས་པ་སྟེ། །འདི་ཡི་ཐམས་ཅད་བྱ་བར་གསུངས། །རྡོ་རྗེ་སྙིང་པོས་ཡང་གསོལ་པ། །དགེ་སློང་དབང་གསུམ་ཇི་ལྟར་ལགས། །དེ་ཡི་བྱ་བ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་…

མ་གསུངས་ཏེ། །དཔེར་ན་རྡོ་ལས་ཟངས་སུ་འགྱུར། །ཟངས་ལས་གསེར་གྱི་རྣམ་པར་རོལ། །ཟངས་ཀྱི་དུས་ན་རྡོ་མེད་དོ། །གསེར་དུ་གྱུར་པས་རྡོ་མི་སྣང་། །རིག་འཛིན་ཉིད་ཀྱི་དགེ་སློང་ལ། །སོ་སོར་ཐར་དང་བྱང་ཆུབ་སེམས། །གཉིས་པོ་གནས་པ་ཉིད་དུ་ནི། །སངས་རྒྱས་ཀྱིས་ཀྱང་མ་གསུངས་སོ། །དེ་ནས་གསང་བ་བཞི་པོ་ཡང་། །བཞི་པའི་དབང་དང་འབྲེལ་བ་སྟེ། །རྟག…

ཡི་འཁོར་ལོའི་དོན་མ་རྟོགས། །ལྕགས་གྲི་སོར་ནི་བཅུ་དྲུག་པ། །འཛེག་པ་རུ་ནི་ང་ཡིས་བཤད། །གབ་པའི་གསང་བ་མ་རྟོགས་པར། །སྦས་པ་མི་དམིགས་རྣམ་གསུམ་གྱིས། །ཐུར་དུ་སེམས་ཅན་དམྱལ་བར་སྐྱེ། །ཤིང་རྟའི་འཁོར་ལོ་འཁོར་བ་ལྟར། །ལས་ཀྱི་རྣམ་པར་སྨིན་པས་འཁོར། །ཤེས་པས་རང་གི་རང་རིག་དང་། །རང་རིག་བདེ་བ་གང་འདོད་དང་། །རང་རིག་སྒྱུ་མར་གང་འད…

རྒྱ་གར་སྐད་དུ། ཤྲཱི་ཙཀྲ་སྃ་བ་ར་གུ་ཧྱ་ཨ་ཙིནྟ་རནྟྲ་རཱ་ཛ། བོད་སྐད་དུ། དཔལ་འཁོར་ལོ་སྡོམ་པ་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་བཞུགས་ས…

དེ་ཉིད་ཆོས་ནི་བསམ་མི་ཁྱབ། །ཨ་ནི་ཡི་གེ་དམ་པ་སྟེ། །ཁོང་ནས་འབྱུང་བ་སྐྱེ་བ་མེད། །སྐྱེ་བ་ཀུན་གྱི་རྒྱུར་གྱུར་པ། །ཡི་གེ་དམ་པ་བསམ་མི་ཁྱབ། །ཕྲག་བྱུང་ཁྲུས་དང་གཙང་སྦྲ་དང་། །རྒྱན་ཆ་གཅེར་བུ་ཐལ་གོས་སོགས། །ཆང་དང་བདུད་རྩི་ཤ་དང་ཡང་། །མ་དང་སྲིང་མོ་བུ་མོ་སོགས། །རོལ་པའི་སྤྱོད་པ་བསམ་མི་ཁྱབ། །ང་ཡིས་གདུལ་བའི་སེམས་ཅན་ལ། །མ…

ལ་སོགས་ཉི་ཁྲི་དང་། །ཆིག་སྟོང་རྩ་བ་ཉེ་བ་དང་། །ཞེ་སྡང་ལ་སོགས་དེ་བཞིན་ཏེ། །ཉོན་མོངས་དབྱེ་བ་རྒྱས་པའོ། །ཀུན་ནས་ཉོན་མོངས་རྣམ་པར་བྱང་། །འདོད་ཆགས་ཆེ་དང་སྦྱིན་པ་སོགས། །རྒྱུ་ཡི་དབྱེ་བ་རྒྱས་པའོ། །སེམས་དང་ནམ་མཁའ་ཡེ་ཤེས་དང་། །སངས་རྒྱས་འོད་གསལ་ཟུང་འཇུག་སོགས། །རང་རིག་དབྱེ་བ་རྒྱས་པའོ། །བློས་བརྟགས་མཚན་མར་སྣང་བ་དང་། …

དེ་ཉིད་རིག་ཅིང་ངེས་པའོ། །ཀུན་ནས་ཉོན་མོངས་རྣམ་པར་བྱང་། །གཟུང་འཛིན་ཐབས་དང་ཤེས་རབ་སྟེ། །བསམ་གྱིས་མི་ཁྱབ་གཉིས་པའོ། །ལུས་ངག་སེམས་ཀྱི་རང་བཞིན་ལས། །རྣམ་ཐར་སྟོང་དང་མཚན་མ་མེད། །སྨོན་པ་མེད་དང་སྐུ་གསུང་ཐུགས། །བསམ་གྱིས་མི་ཁྱབ་གསུམ་པའོ། །བྱམས་དང་སྙིང་རྗེ་དགའ་བཏང་སྙོམས། །ས་ཆུ་མེ་རླུང་རང་བཞིན་ལས། །བཞི་ཡི་གྲངས་སུ་ང…