འབྱུང་། །དེའི་ཕྱི་རོལ་ཆོས་ཐམས་ཅད་ཀྱི་བདག་ཉིད་ནི་བཅོམ་ལྡན་འདས་དཔལ་ཡེ་ཤེས་ཐིག་ལེའོ། །དེ་ལ་དང་པོ་རྣམ་པ་དང་བཅས་པའི་དཀྱིལ་འཁོར་གྱི་འཁོར་ལོའི་བསྐྱེད་པ་བསྒོམ་པ་དང་། སྔགས་དང་བཟླས་པ་དང་། སྦྱིན་སྲེག་དང་མཆོད་སྦྱིན་དང་། གཏོར་མ་དང་མཆོད་པ་དང་། གནས་ཀྱི་བརྗོད་པ་དང་། དབང་བསྐུར་གྱི་རིམ་པ་དེ་དག་བཤད་དོ། །དཔལ་ཡེ་ཤེས་ཐིག…

བཅད་སྐྱེད་མ་དང་། ཁོང་ཆུད་མ་དང་། ཚེ་མ་སྟེ། དེ་དག་ནི་རྩ་སུམ་ཅུ་རྩ་གཅིག་སྟེ། སྟེང་དང་འོག་ཏུ་འཕོ་བ་གཉིས་ཀྱི་ཟླ་བ་དང་ཉི་མ་གཟས་ཟིན་པའི་དུས་སུ་ཚིགས་རྒྱས་པའོ། །དེ་ནས་དབང་གི་རིམ་པ་བཤད་དེ། ཇི་ལྟ་ཡི་ནི་གོ་རིམས་སུ། །དབང་བསྐུར་མཆོག་ནི་རྙེད་པ་གང་། །ཐམས་ཅད་དུ་ནི་ནུས་པར་འགྱུར། །ཡོན་ཏན་ཚུལ་ཁྲིམས་ལྡན་པའི་བུ། །བླ་མས་ད…

ཤེས་རབ་རྣམ་པ་གཉིས་སུ་དབྱེ། །བསྐྱེད་དང་རྫོགས་པའི་བྱེ་བྲག་གོ། །ཤེས་རབ་བརྒྱད་གཉིས་ལོ་དང་ལྡན། །སྤྱན་རིངས་ཆ་ལ་མཁས་པ་དང་། །ཡན་ལག་ཙནྡན་སར་པའི་དྲི། །ཤིན་ཏུ་འཇམ་པའི་ཁུ་བས་ཚིམ། །གཟུགས་བཟང་སྔོ་ལ་སྐལ་ལྡན་མ། །འོ་འཛིན་མཁྲང་ཞིང་འཇམ་ལ་མཐོ། །བསམ་གཏན་སྔགས་ལ་དད་ཅིང་ཞི། །དབང་བསྐུར་དང་ལྡན་ཐུགས་རྗེ་གྲུབ། །དེ་ལྟའི་རབ་གྲགས…

སོ་གཞན་མ་ཡིན། །བསོད་ནམས་ཐམས་ཅད་ཀྱི་ནི་གནས། །སངས་རྒྱས་བྱང་ཆུབ་སེམས་དཔའ་དང་། །ཚངས་པ་བརྒྱ་བྱིན་ཁྱབ་འཇུག་ལྷ། །དེ་ཀུན་གྱིས་ནི་བདག་མཆོད་འོས། །མ་གྲགས་ཀྱང་ནི་གྲགས་གཟུགས་ཡིན། །དེ་ལྟར་ཤེས་ནས་སྒྲུབ་པ་པོས། །འབད་པ་ཡིས་ནི་མཆོད་པར་བྱ། །བླ་མའི་ཞལ་སྔ་མཆོད་བྱས་ན། །ཅི་འདོད་པ་ཡི་འབྲས་བུ་རྙེད། །རྒྱུད་ཀྱི་དོན་ནམ་དབང་གི་ད…

གཡོན་གཉིས་ན་ཐོད་པ་དང་དབྱུག་པའོ། །ལྷོ་ཕྱོགས་ཀྱི་རྩིབས་ལ་ཤེས་རབ་མཐར་བྱེད་དཀར་པོ་གཡས་ཀྱི་ཞལ་དམར་བ། གཡོན་སྔོ་བ། ཕྱག་གཡས་པ་གཉིས་ཀྱིས་དབྱུག་པ་དང་རལ་གྲི། །ཕྱག་གཡོན་པ་གཉིས་ན་མཚོན་རྩེ་གཅིག་པ་དང་མགོ་བོའོ། །ནུབ་ཏུ་པདྨ་མཐར་བྱེད་དམར་པོ་ཞལ་གཡས་དཀར་ཞིང་གཡོན་སྔོན་པོ། གཡས་དང་གཡོན་གྱི་ཕྱག་བཞི་ན་རལ་གྲི་དང་། འཁོར་ལོ་དང…

འོད་ཀྱི་ཤེས་རབ་མ་ལ་འཁྱུད་པའོ། །འདོད་པའི་རྒྱལ་པོ་ལ་སོགས་པ་ནི་འཇིག་རྟེན་སྐྱོང་བ་བརྒྱད་ཀྱི་སྟེང་དུའོ། །གཙུག་ཏོར་འཁོར་ལོས་སྒྱུར་བ་དང་སུམ་བྷའི་རྒྱལ་པོ་ནི་ཟླ་བ་དང་ཉི་མའི་སྟེང་དུ་ཤེས་པར་བྱའོ། །འདིའི་འཁོར་ལོའི་ལྟེ་བ་གྲུ་གསུམ་གྱི་གཟུགས་ཏེ་རི་བོང་ཅན་དཀར་པོའི་འོད་ཆོས་ཀྱི་འབྱུང་གནས་སོ། །དེའི་དབུས་སུ་སྔར་བསྟན་པའ…

བཀྲམ། །མེ་ཏོག་གིས་ནི་ཆལ་པར་དགྲམ། །ཆུ་ངོགས་ཡང་ན་ཐང་སྟོང་དུ། །རྡོ་རྗེ་སྐུད་པ་ཡིས་ནི་བསྐོར། །མིག་མཛེས་རྡོ་རྗེ་གཞོན་ནུ་མ། །ཟླ་བ་ཉི་མས་པདྨ་ཁེངས། །ལང་ཚོ་གསར་ལ་རེག་བྱ་འཇམ། །དང་པོ་མཁས་པས་འཇུག་པར་བྱ། །སྔགས་ཀྱི་གནས་སུ་ལུགས་ཇི་བཞིན། །ལེགས་དགྱེས་ཤིན་ཏུ་སྦྱོར་བར་བྱ། །དེ་ཡི་སྦྱོར་བས་གང་ཞིག་འབྱུང་། །ཁ་དང་ས་སོགས་མཆ…

ལྔ་པའི་གཉིས་པ་དང་། །གསུམ་པའི་དང་པོ་དང་ལྡན་པ། །མཐར་ནི་སྭཱ་ཧཱ་ལྡན་པ་སྟེ། །སྙིང་པོའི་སྔགས་ནི་རྨད་བྱུང་མཆོག། དང་པོ་རུ་ནི་གཟུགས་ཀྱི་མཆོག། འདབ་མ་གཉིས་པའི་བཞི་པའོ། །འོག་ཏུ་རེ་ཕ་ཡང་དག་ལྡན། །དབྱངས་ཀྱི་ཡི་གེ་བཞི་པས་སྦྱར། །རིག་པའི་རྒྱལ་པོའི་ཡི་གེ་མཆོག། ཐིག་ལེ་ཡིས་ནི་མགོ་བོ་མནན། །དེ་རང་དུ་ནི་ཉེ་བར་གནས། །ཐམས་ཅད་…

ཡིན། །ཉེ་བའི་སྙིང་པོ་སྔགས་ཆེན་པོ། །ཐམས་ཅད་སྔགས་ཀྱི་བདག་པོ་མཆོག། ཨོཾ་ཤྲཱི་མ་ཧཱ་ཀཱ་རུ་ཎ་ཀྲུ་ཏ། མ་ཧཱ་བེ་བེ་ད། སྥཱ་ར་ཎ་མ་ཧཱ་ཀལྤཱ་ནྟཱགྣེ། སམ་པྲ་བྷ་ཛ་ཡ་བི་ཛ་ཡ། ཨཊྚཱཊྚ་ཧཱ་ས། མ་ཧཱ་གྷོ་ར་གྷོ་རེ་ཤྭ་ར་མ་ཧཱ་བཱི་ར་བཱི་རེ་ཤྭ་ར་མ་ཧཱ་རུ་དྷི་རཱཾ་ཏྲ་མཱ་ལ་དྷ་ར། སཽ་མ་སཱུརྱ་ཨགྣི་ལོ་ཙ་ན། ཨཱ་ཀཱ་ཤོ་ད་ར། མ་ཧཱ་སཱ་གར་ཀོགྒེ། ཧ…

ཀྱཱུ་ཀྱཱུ། ཁྱཱུ་ཁྱཱུ། ཐྭཱི་ཐྭཱི། ་། པྲྃ་པྲྃ། ངྱཱུ་ངྱཱུ། ཙྱཱུ་ཙྱཱུ། ཊུྃ་ཊུྃ། སྭཾ་སྭཾ། ཚྱཱུ་ཚྱཱུ། རྔྷཱ་རྔྷཱ། ངྱི་ངྱི། ཌྭཱི་ཌྭཱི། ཀུྃ་ཀུྃ། འཁོར་ལོའི་སྔགས་ནི་སྔགས་ཆེན་པོ། །དཔའ་བོ་རྣམས་ཀྱི་སྙིང་པོ་མཆོག། ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨྃ་ཨཿདཔའ་བོའི་ཡན་ལག་མ་སྙིང་སྔགས། །ལྷ་ཡི་དབང་ཕྱུག་བདག་གིས་…

ནི། །ལེགས་དགྱེས་མ་སོགས་ལྷ་མོ་ཀུན། །ཀཱ་ལི་ཡེ་ཤེས་ཡིག་མཆོག་སྦྱིན། །ཕྱི་དང་ནང་དུ་བྱ་བའོ། །མཆོད་སྦྱིན་བྱས་ན་སྦྱིན་པ་ཆེ། །འབྲས་བུ་བཀྲ་ཤིས་ལྡན་པ་སྐྱེ། །སེམས་ཅན་རྣམས་ཀྱིས་བྱེ་བྲག་ཏུ། །སྣ་ཚོགས་ཐབས་ནི་རབ་ཏུ་བཤད། །ཁ་ཅིག་རྣམས་ལ་འདུལ་བའི་ཐབས། །ཁ་ཅིག་རྣམས་ལ་མདོ་སྡེའོ། །ལ་ལ་ཕ་རོལ་ཕྱིན་པའི་ལམ། །ཁ་ཅིག་ལ་ནི་སྔགས་ཀྱི…

པ་ཡི་ལྔ་པས་སོ། །དྲུག་པ་ཡི་ནི་ཐིམ་པ་འབྱུང་། །བཅུ་དྲུག་པ་ཡི་དྲུག་པས་སོ། །བདུན་པ་ཡི་ནི་རབ་མཆོད་དབང་། །མར་ངོ་ཡི་ནི་བརྒྱད་པ་དང་། །དབྱངས་ཡིག་བརྒྱད་པོས་མཆོད་པར་བྱ། །དགུ་པ་ཡི་ནི་ལོངས་སྤྱོད་འབྱུང་། །བཅུ་དྲུག་པ་ཡི་དགུ་པས་སོ། །བཅུ་པ་ཡི་ནི་ཐིམ་པ་འབྱུང་། །དབྱངས་ཡིག་གི་ནི་བཅུ་པས་སོ། །བཅུ་གཅིག་པ་ཡི་དབང་ཡིན་ཏེ། །བཅ…

ཀྱང་སླ་བ་མ་ཡིན་ནོ། །དཔལ་ཡེ་ཤེས་ཐིག་ལེ་ལས་མཆོད་པའི་ཆོ་ག་ཞེས་བྱ་བའི་ལེའུ་སྟེ་བདུན་པའོ།། །།དེ་ནས་ཡང་ནི་བཤད་བྱ་བ། །སྦྱིན་སྲེག་སྡིག་པ་འཇིག་བྱེད་པ། །ཞི་བ་དང་ནི་རྒྱས་པ་དང་། །དེ་བཞིན་དབང་དང་དྲག་པོའོ། །ཞི་བའི་ཧོམ་ཁུང་ཟླུམ་པོ་སྟེ། །རྒྱས་པ་ཡི་ནི་གྲུ་བཞིའོ། །དབང་ནི་གཞུ་ཡི་རྣམ་པ་བཞིན། །དྲག་པོ་ཡི་ནི་གྲུ་གསུམ་མོ། …

གྲུབ་བྱ། །སྒྲུབ་པའི་དབང་པོ་ཡོན་ཏན་ལྡན། །སྔགས་དང་རྒྱུད་ཀྱི་ཐོས་པ་ཆེ། །སྔགས་ཀྱི་བཟླས་ལ་གཅིག་ཏུ་མོས། །ཡིད་མི་འཕྲོགས་ཤིང་གསལ་བའོ། །ཐིག་ལེ་ཚུལ་ནི་ཡེ་ཤེས་ཆེ། །བྱེ་བྲག་ཤེས་པ་རིན་ཆེན་རིགས། །རིགས་ལྔའི་གཞོན་ནུ་མ་ཡི་ལྔ། །ཡི་དགའི་ཁུ་བ་ཡིས་ནི་ཚིམ། །སྤྱན་རིངས་མ་དང་དག་པ་མ། །འོ་འཛིན་སྲ་ཞིང་འཇམ་ལ་མཐོ། །སྦྱིན་སྲེག་གན…

དྲི་དང་། ལྷ་བཤོས་དང་། མདའ་དང་དར་ལ་སོགས་པ་དང་ལྡན་པ་དང་། མེ་ཐབ་ཀྱི་དཀྱིལ་འཁོར་གྱི་ཕྱོགས་མཚམས་ཀྱི་བྱེ་བྲག་ཏུ་བུམ་པ་ཀུན་ལ་སྨན་སྣ་ཚོགས་དང་། ཁ་རྒྱན་གྱིས་བརྒྱན་ཅིང་དྲི་ཞིམ་པའི་ཆུས་ལྟོ་བ་བཀང་ལ། དར་སྣ་ཚོགས་ཀྱིས་མགྲིན་པ་བརྒྱན་པའོ། །ཞི་བ་ལ་སོགས་པའི་ལས་ཐམས་ཅད་ལ་བྱའོ། །རྒྱས་པ་ལ་ནི་གསེར་གྱི་འོད། །ཐམས་ཅད་ཀུན་གྱིས་…

ག་རུ། །ལྟེ་བ་པདྨ་ཡིས་ནི་བརྒྱན། །ཆུ་སྲིན་ཁ་ནས་བྱུང་བ་ཡི། །རྩེ་དགུ་པ་ཡི་རྡོ་རྗེ་ཡིས། །དགང་གཟར་གྱི་ནི་མཐའ་རུ་ལྡན། །བླུགས་གཟར་བ་ཡི་མིག་དང་འདྲ། །ཡང་ན་དེ་ནི་པདྨས་སོ། །ནང་གི་གཏིང་རིང་གསལ་བ་དང་། །ཧ་ཅང་རིང་དང་ཐུང་མ་ཡིན། །རྡོ་རྗེ་ཕྲ་མོས་ནང་དུ་བརྒྱན། །མར་ཞུའི་སྣོད་ནི་ཟླུམ་པོར་གྲགས། །ལྟེ་བ་རིང་ཞིང་དྲི་མ་མེད། །ར…

ཡིན། །གཞན་ནི་སྣ་ཚོགས་མཆོག་བྱེ་བྲག། ཉ་དང་ཤ་ལ་སོགས་པར་ལྡན། །མི་འཚེ་བ་དང་སྐྱོན་ཀུན་བྲལ། །སྡིག་པ་མེད་དང་མ་བསླངས་པའོ། །ཆང་ནི་ཆེན་པོ་དང་ལྡན་པ། །གླུ་དང་རོལ་མོས་རབ་ཏུ་མཛེས། །སྒྲོན་མ་ལྔ་དང་བསྲེས་པས་ནི། །དེ་བཞིན་གཤེགས་པ་ལྔ་དང་ལྡན། །སྣ་ཚོགས་དབུས་སུ་ཡན་ལག་མཆོག། གང་བས་དཀྱིལ་འཁོར་མདུན་དུ་བཞག། ཇི་ལྟར་བླ་མ་མཆོད་དུས…

གལ་ཏེ་རེ་ཞིག་དེའི་དུས་སུ་རྣལ་འབྱོར་མས་བརྟག་པའི་དོན་གྱི་ཕྱིར་འོངས་ན་འཇིགས་པར་མི་བྱ་སྟེ། །སེང་གེ་ལྟ་བུའི་ཚུལ་གྱིས་ཡོངས་སུ་བརྟག་གོ། །དེ་ལྟར་ཡང་རྣལ་འབྱོར་མ་ཀུན་གཟུགས་སྣ་ཚོགས་པ་དང་། ཕྱག་རྒྱ་སྣ་ཚོགས་པ་དང་། སྐད་སྣ་ཚོགས་པ་རབ་ཏུ་བྱེད་དོ། །གང་གི་ཚེ་དང་པོར་རྒྱང་རིང་པོ་ནས་ཧ་ཧར་རྒོད་པ་དེའི་ཚེ་ཁམས་གསུམ་རྣམ་པར་རྒྱ…

ཚོགས་པའི་གཟུགས་བསྟན་པ་དེའི་ཚེ་འཁོར་ལོ་བཅུའི་སྔགས་བརྗོད་པར་བྱའོ། །གང་གི་ཚེ་ཡི་གེའི་དོན་བརྗོད་པ་དེའི་ཚེ་ཡི་གེས་ལན་བརྗོད་པར་བྱའོ། །གང་གི་ཚེ་ཕྱིར་བརྗོད་པ་དེའི་ཚེ་ཤའི་ལན་སྨྲ་བར་བྱའོ། །གང་གི་ཚེ་རྒྱལ་མཚན་ཞེས་སྨྲ་བ་དེའི་ཚེ་མཚན་ཞེས་སླར་བརྗོད་པར་བྱའོ། །གང་གི་ཚེ་པདྨ་བརྗོད་པ་དེའི་ཚེ་མངལ་ཞེས་བརྗོད་པར་བྱའོ། །གང་ག…

བརྗོད་དོ། །གང་གི་ཚེ་གཤོལ་ཞེས་བརྗོད་པ་དེའི་ཚེ་ཁྲག་ཅེས་སྨྲའོ། །གང་གི་ཚེ་གྲང་ཞེས་སྨྲ་བ་དེའི་ཚེ་ཁུ་བ་ཞེས་བརྗོད་དོ། །གང་གི་ཚེ་ཟླ་བ་ཞེས་བརྗོད་པ་དེའི་ཚེ་དགའ་བ་ཕྲད་ཅེས་སྨྲའོ། །གང་གི་ཚེ་པ་ལ་ཤ་ཞེས་བརྗོད་པ་དེའི་ཚེ་ངལ་ཞེས་སྨྲའོ། །གང་གི་ཚེ་སིན་དྷུ་བརྗོད་པ་དེའི་ཚེ་མི་ཁོམ་ཞེས་སྨྲའོ། །གཞན་ནི་རང་གི་ཡི་གེའི་རྩ་བའི་དོ…