སྨིན་མ་རབ་མཛེས་བའི་རྫི་མ་འདྲ། །ཡིད་འོང་དབྱིབས་མཐོ་ཤིན་ཏུ་མཛེས་པའི་ཤངས། །བལྟ་བས་མི་བཟོད་མཚན་དང་ལྡན་པའི་སྐུ། །སྐྱེ་དགུའི་ཡིད་ཀྱི་མུན་སེལ་ཁྱོད་ཞབས་འདུད། །ཧཱུྃ། ལྷོ་ནུབ་སྲིན་པོའི་གྲོང་ཁྱེར་ནས། །སངས་རྒྱས་སྟོང་གི་སྤྲུལ་པ་ཨོ་རྒྱན་སྐུ། །དད་པ་དམ་ཚིག་དབང་གིས་སྤྱན་འདྲེན་ན། །བདག་གིས་མཆོད་པ་མ་ལུས་འབུལ་ལགས་ཀྱིས། …

བཞུགས་པའི་དུས། རྗེ་གསུམ་ལྡན་གྱི་བླ་མ་རིན་པོ་ཆེ། །དཔལ་ལྡན་བླ་མའི་ཞབས་ལ་འདུད། །ཁ་རྩང་ཉི་མ་ཕྱི་མོའི་དུས། །འོད་སྟོང་ལ་ཁར་སོན་པ་དང༌། །དགོང་མོའི་དུས་ལ་བབ་པ་ན། །མིག་གི་རྫི་མའི་རྩེ་མོ་ན། །འཇའ་ཚོན་སྣ་ལྔ་མི་གསལ་ཙམ། །གྲངས་སུ་ལྔ་ཙམ་ཡལ་ནས་ཐལ། །དེ་དོན་ཅི་ཡིན་ཅང་མ་གསལ། །དེ་སྟེང་ཡི་དམ་རྒྱལ་པོ་ཡི། །ཕག་མོའི་བསྒྲུབ་མཆ…

ངོ༌། །ཡང་དེར་རྨ་སེ་སྟེང་མགོ་འོག་བར་བ་མི་ཆེན་ཁུ་དབོན་སོགས་ཀྱི་ཇ་འདྲེན་བླ་མ་བརྩོན་འགྲུས་རྒྱལ་མཚན་པ་རྣམས་ཀྱིས་ཕུལ་ཞིང༌། མྱུར་དུ་ཕེབས་པའི་གསོལ་བ་བཏབ། དེ་ནས་ཤར་ཀའི་གདུལ་བྱ་ལ་དགོངས་ནས། སྒར་བཏེགས་ནས་དབུས་གནམ་མདོར། ཐོང་ཆེན་དང་ཚེ་བའི་རྩོད་པ་རྣམས་ཞི་ནས་ཞལ་ད་དང་གནང་སྦྱིན་གྱི་སྒོ་ནས་འཇགས་པར་མཛད། དེར་རག་ཕྲོམ་བཞི…

པོ་ཆེན་པོ་རྣམ་ཐོས་སྲས་སོགས་ཞལ་གཟིགས། དེར་བྱི་བ་ལོའི་ལོ་གསར་མཛད་ནས་ཆོ་འཕྲུལ་ཆེན་པོའི་དུས་ཚེས་བཅུའི་ནུབ་མོ། བཅོམ་ལྡན་འདས་མ་རྣམ་འགྱུར་སྣ་ཚོགས་མཛད་པ་གཅིག་ཞལ་གཟིགས། དེར་བསྒོམ་ཆེན་ཡེ་ཤེས་དཔལ་མཇལ་ནས། སེམས་ཀྱི་འགྱུ་བ་ཕྲ་མོ་རྣམས་ཆད་ནས། མཚོ་ལ་དར་ཆགས་པ་བཞིན་དུ་སོང་བས་ངེས་ཤེས་ཚད་མེད་པ་གཅིག་སྐྱེས་སོ། །དེ་ནས་གསེར…

ནས་ཐམས་ཅད་ངེས་ཤེས་ཐོབ་པར་གྱུར། དེའི་ཕྱི་ནང་གི་འཁྲུག་རྩོད་ཆེན་པོ་རྣམས་དང་བཙོན་མང་པོ་བཙོན་གྱི་སྡུག་བསྔལ་ལས་ཐར་པའི་ཞལ་ད་དང་གནང་སྦྱིན་གྱི་སྒོ་ནས་བདེ་བར་མཛད། དེ་ནས་རྒྱུན་དུ་བླ་མ་བཀྲ་ཤིས་དཔལ་གྱིས་དཔག་རོགས་མཚོ་སྟེང་དུ་གདན་དྲངས་ནས། ཆོས་གསུང་པའི་དུས་ཉི་མ་མང་དུ་མེ་ཏོག་གི་ཆར་མང་དུ་བབ་པས་ཐམས་ཅད་དད་པར་གྱུར་ཏོ། །…

ལུང་དུ་ལན་གཉིས་སུ་གདན་འདྲེན་དང་ཇ་འདྲེན་ཕུལ། དེ་ལྟར་ཧོར་སེར་དང་བེ་རིའི་གདན་འདྲེན་སྔ་ཕྱིར་ནན་ཆེ་བ་ལ་བརྟེན་ཏེ། རྡོ་དང་དར་བཞིན་མཛད་ནས། རྨ་སྟོད་ར་རྒོད་མཐོན་པོ་ཉི་མ་རང་ཤར་ཟེར་བ། སློབ་དཔོན་ཆེན་པོ་པདྨས་བྱིན་གྱིས་རླབས་པའི་གནས་སུ་ཆགས་ཕེབས། སེང་གེ་མི་ལོག་གི་ཡོན་མཆོད་རྣམས་ཀྱིས་འབུལ་བ་ཞབས་ཏོག་ཕུན་སུམ་ཚོགས་པ་བྱས།…

ཧོར་རྣམས་ཀྱིས་མ་ཎི་དུང་ཕྱུར་དང༌། ཚེ་ཐར། ནང་ཁམས་ཀྱི་འཁྲུག་རྩོད་རྣམས་དང༌། ལོ་གཅིག་ལ་ཕྱི་ནང་གར་ཡང་དམག་མི་བྱེད་པའི་དམ་བཅའ་ཕུལ་ཞིང༌། དེ་རྣམས་མཇལ་བའི་རིང་ལ་ནམ་མཁའ་འཇའ་འོད་ཀྱིས་གང་ཞིང་གཟིམ་གུར་ལ་འཇའི་གུར་ཕུབ་ཅིང་མེ་ཏོག་གི་ཆར་བབ་པས། ཐམས་ཅད་མི་ཕྱེད་པའི་དད་པ་ཐོབ་ཅིང༌། མྱུར་དུ་མཇལ་བའི་སྨོན་ལམ་དང༌། མྱུར་དུ་ཕེབས…

གནང་སྦྱིན་གྱི་སྒོ་ནས་འཇགས་པར་མཛད་ནས། པག་ཡུལ་གསེར་ཤེ་ཐང་དུ་ཕེབས། སྒོ་ལྡོང་གི་ཤག་ཤིག་ལོ་ཉི་ཤུ་རྩ་ལྔ། ཇག་ཕྲན་ལོ་གསུམ། རྐུན་མི་བྱེད་པ་སོགས་ཀྱི་དམ་བཅའ་ཕུལ་ཞིང༌། ངོ་བེར་ཕེབས་ནས་རས་བུད་དང༌། གླང་ལོའི་ལོ་གསར་མཛད། ལྷ་སྒང་དུ་ཕྱི་ལོགས་ཐག་རིང་ནས་ཕྱག་ནས་མཛད་པས། ལྷ་ཁང་གི་རྟེན་གཙོ་ལ་ཕྱག་ནས་བཅུ་ཕྲག་ཙམ་ཟུག །བཅུ་གཅིག་…

ཞིག་གིས་མཐོང༌། འགའ་ཞིག་གིས་མ་མཐོང་བ་བྱུང༌། ར་ཏི་དགའ་ལྡན་གླིང་དུ་མཁན་སློབ་དགེ་འདུན་རྣམས་ཀྱིས། སེར་འཕྲེང་མཛད་པའི་དུས། བཀའ་བརྒྱུད་བླ་མ་རྣམས་དང༌། ཡེ་ཤེས་ཀྱི་མགོན་པོ་ཕྱག་དྲུག་པ་འཁོར་བཅས་གཟིགས། ཀརྨ་པ་རིམ་པ་གཉིས་ཀྱི་རྩ་བའི་སློབ་མ་གུས་ལྡན། མགོ་ཐོམ་ཆོས་གྲགས་ཀྱིས་དར་རྩེ་མདོར་གདན་འདྲེན་གྱི་སྐད་བྱས་ནས། མི་ཆེན་ག…

དག་བསྔོ་བ་རིན་པོ་ཆེ་བླ་ན་མེད་པས་རྒྱས་གདབ། དེར་རིན་པོ་ཆེའི་ཁྲི་ཤིན་ཏུ་མཐོ་བའི་དབུས་སུ་དྲུང་ནས་ན་བཟའ་བཞུགས་གདན་སེར་པོ་འོད་ཟེར་འབར་བ་དང་བཅས་པའི་ཐུབ་པར་ཡུན་རིང་དུ་སློབ་དཔོན་བསོད་ནམས་རྩེ་བས་ཞལ་མཇལ། དེ་ཉིད་དུ་ཞག་གསུམ་གྱི་ཐོ་རངས་ཁར་སློབ་དཔོན་བསོད་ནམས་རྩེ་བས་བླ་མའི་རྣལ་འབྱོར་བསྒོམ་ནས་མཉམ་པར་བཞག་པའི་དུས། ཁོང…

ལོངས་སྤྱོད་དྲན་པ་ཙམ་གྱིས་རེ་རེ་ལ་ཡང་ལོངས་སྤྱོད་དུ་རུང་བ་འབྱུང་ཞིང༌། ཉམས་སྣང་གོང་དུ་ཕེལ་ཞིང༌། བྱིན་རླབས་ཀྱིས་བོག་ཐོན་པར་བྱུང་ཞིང༌། ངེས་ཤེས་ཚད་མེད་པ་ཐོབ་བོ། །གངས་ཆུའི་འགྲམ་དུ་ཆོས་གསུང་བ། ལྕགས་ཟམ་པའི་མི་ཆེན་གྱི་ཁང་ཐོག་ཏུ་ཐོས་ཤིང༌། དྲུང་ནས་སྤྱན་རས་གཟིགས་ནམ་མཁའ་གང་བར་ཞལ་གཟིགས། དེར་གྲོང་གི་ཕྱི་ལོགས་རྒྱང་ར…

གྱུར་ཏོ། །སླར་ཡང་ར་ཏི་དགའ་ལྡན་གླིང་དུ་ཕེབས་ནས། མཁན་སློབ་དགེ་འདུན་རྣམས་ཀྱིས་ཀུན་ཏུ་བཟང་པོའི་མཆོད་སྤྲིན་ལྟ་བུས་མཆོད་ཅིང༌། མཁན་སློབ་དགེ་འདུན་རྣམས་ལ། ཆོས་ཀྱི་འཁོར་ལོ་རྒྱ་ཆེན་པོ་སྐོར་ཞིང༌། དེར་ཐུགས་དམ་ལ་བཞུགས་པའི་དུས། འོད་གསལ་ཕྱག་རྒྱ་ཆེན་པོའི་གསལ་ཆ། སྤྲོས་བྲལ་ནམ་མཁའ་ལྟ་བུ་དང༌། མེ་ཏོག་ལ་སོགས། ཡི་དམ་གྱི་བས…

བབ། རྫ་ཀྲ་རིན་ཆེན་སྒང་དུ་ལྷ་ཁང་ནང་ན་ཕྱག་ནས་མང་དུ་ཟུག །འབོང་གྷའི་ལྷ་ཁང་ནང་དུ་ཕྱག་ནས་ནམ་མཁར་འདུག་ཅིང་ཟུག་པ། ར་སོ་ཁ་བཞིའི་ལྷ་ཁང་རྣམས་ཀྱི་ཕྱི་ལོགས་ནས་ཕྱག་ནས་མཛད་པས། ནང་དུ་མང་དུ་ཟུག་པ། བྱམ་སར་དུ་མེ་ཏོག་གི་ཆར་བབ་ཅིང་ལྷ་ཁང་དུ་ཕྱག་ནས་ཟུག །ཡུལ་ཀློང་དུ་མེ་ཏོག་གི་ཆར་བབ་ཅིང༌། ནམ་མཁའ་འཇའ་འོད་ཀྱིས་གང་བ། ལྷོ་མགོ་ར…

ཀྱིས་མགོ་བྱས། གསེར་ཡིག་པ་སོང་བ་རྣམས། འཇང་ནག་ར་བར་སླེབ་པའི་དུས། རྒྱའི་རྟག་ཞིང་ཐམས་ཅད་དང་མི་སྡེ་ཐམས་ཅད་ཀྱིས། འཇའི་གུར་གྱི་ནང་དུ་འཇའ་ཁ་དོག་སྣ་ཚོགས་ཟླུམ་པོར་ཡོད་པ། སྤྲིན་ཁ་དོག་སྣ་ཚོགས་ཀྱི་སྟེང་དུ་སྣང་ཞིང༌། གཞན་ཡང་འབྲས་མཛོད་གཉེར་པ་སོགས། ཁྲི་དཔོན་ལྔ་དྲུག་གཅིག་ལ། ནུབ་གཅིག་ལ་དུས་མཚུངས་པར། དེ་ཀ་ཁྱད་པར་ཅན་བཟུ…

སྟག་ལོའི་ལོ་གསར་མཛད་པའི་དུས་སུ། མེ་ཏོག་གི་ཆར་ཞག་མང་དུ་བབ། དེ་ཕྱོགས་ཀྱི་ལྷ་སྡེ་མི་སྡེ་རྣམས་ཤིན་ཏུ་དད་པར་གྱུར། དེར་ལྷ་ཁང་གི་ཕྱི་ལོགས་ནས། ཕྱག་ནས་མཛད་པ་ནང་དུ་ཕྱིན། དེའི་གཞི་བདག་སྔོ་གཟི་མཛོ་ལ་དགེ་བསྙེན་གྱི་སྡོམ་པ་གནང་ཞིང༌། རྡོ་རྗེ་བོད་ཁམས་སྐྱོང་དུ་མིང་བཏག །དེ་ནས་སྐྱ་ཁེང་གཞི་མདོ་ནས། ཨཱརྱ་ཀུན་དགའ་རྒྱལ་མཚན་…

མཇལ། སླར་ཡང་ཀ་བཞི་གླིང་དུ་ཕྱགས་ཕེབས་ཤིང༌། མཁན་སློབ་དགེ་འདུན་དང་བཅས་པ། ཆོས་དང་ཟང་ཟིང་གིས་ཚིམས་པར་མཛད། དེ་ལྟར་རབ་སྒང་གི་གདུལ་བྱ་རྣམས་སྨིན་པར་མཛད་ནས། ཛཱ་ལནྡྷ་ར་ནས་སྟག་ལོ་བཟླ་བ་བཅུ་པའི་ཚེས་བཅུ་གསུམ་གྱི་ཉིན། གདན་ས་ཆེན་པོ་དཔལ་གྱི་གནས་སྒོ་བས་དྲངས། བུམ་འབོར་སྒང་དུ་སྒར་གྱོག་པའི་དུས། ནམ་མཁའ་འཇའ་དང་འོད་ཀྱིས་གང…

མཛད་པའི་དུས། ནམ་མཁའ་འཇའ་དང་འོད་ཀྱིས་གང་བ་བྱུང༌། དེར་བདེ་ཆེན་སྟེང་དུ་ཀརྨ་བླ་མའི་དབུ་རྒྱན་དང༌། འབྲུག་གཟིགས། དགེ་བསྙེན་གྱི་ཐང་སྐུ་རྣམས་ལ་ཕྱག་ནས་མང་དུ་ཟུག །ཀརྨའི་བླ་མ་ཐུགས་རྗེ་འོད་ཟེར་གྱིས། རྗེའི་དྲུང་ནས། བཅོམ་ལྡན་འདས་རྒྱལ་བ་རྒྱ་མཚོ་བྱང་ཆུབ་སེམས་དཔའ་དུ་མས་སྐོར་བ་ལ། ལྷའི་བུ་སྐྲ་སྐེད་པར་སླེབས་པ་དང༌། མེ་ཏོ…

གདུང་རྒྱུད་རྒྱལ་བུ་དབང་བས་དབུ་མཛད། ཧོར་ཀླུ་མོ་བུ་གསུམ་ལ། ཐང་པའི་དཔོན་ཁྲོ་བོ་རྒྱལ། ཁྲོ་བོ་དབང་ཕྱུག །ག་འུན་ཧོར། གྲི་པའི་དཔོན་ཨ་ནུ་རྒྱལ་རྣམས་ཀྱིས། འབོལ་རྒན་གྱི་ཀློག་པ། ཆིབས་པ་དྲང་ཅན། གོས་ཆེན་ཐོན་ཏི་གྲང་ཅན། བེ་རིའི་ཁྲི་དཔོན་ཁག་གསུམ། སེངྒེ་མི་ལོག་གི། ཕུར་པ་མཐར་སོགས་ཀྱིས་གསེར་རྔུལ། མུ་ཏིག་མང་དུ་བསྐུར་ནས། …

ཚང༌། ཚེ་མ་རྣམས་ཀྱི་ལྷ་ཁང་ནང་དུ་ཕྱག་ནས་མང་དུ་ཕྱིན། ལྷ་རྣམས་ལ་ཟུག །ནམ་མཁའ་འཇའ་དང་འོད་ཀྱིས་གང་ཞིང༌། མེ་ཏོག་གི་ཆར་བབ། ལྷ་སྡེ་མི་སྡེ་ཐམས་ཅད་ཐར་པའི་ས་བོན་ཐེབས་པར་མཛད། གདན་ས་ཆེན་པོ་དཔལ་གྱི་གནས་སྒོའི་མཁན་ནང་རྣམས་ཀྱིས་གདན་དྲངས་པའི་ལམ། འབྲའི་འགལ་སྟོད་དུ། ཡེ་ཤེས་རྒྱལ་མཚན་གྱི་ལྷ་ཁང་ནང་དུ། རྟེན་རྣམས་ལ་ཕྱག་ནས་མང་…

ནང་སོ་བསོད་ནམས་རྒྱལ་མཚན། སྲི་དཀར་སངས་རྒྱས་བློ་གྲོས་ལ་སོགས། མཁན་ནང་རྣམས་ཀྱིས་ནང་ན་གདན་དྲངས་ནས། བྱང་ཆུབ་འབོས་སུ་ཕྱགས་ཕེབས། རིན་པོ་ཆེ་ཀརྨ་པཀྵིའི་སྐུ་འདྲ་གསུང་བྱོན་ལ་སོགས་རྟེན་གསུམ་རྣམས་ལ་གསེར་ཆབ་གསོལ་བ། ན་བཟའ། སྙན་དར་གསོལ་བ། དཀར་མེ་གསོལ་བ་སོགས། མཆོད་སྤྲིན་རྒྱ་མཚོ་ལྟ་བུས་མཆོད་པར་མཛད་ཅིང༌། རྟེན་གསུམ་རྣམས…