ཀྱང་སྔོན་གྱི་ཕྱི་མོ་ཁུངས་ཐུབ་དག་ལ་གཏུགས་ནས་བཅུག་སྟེ་ཚང་བར་བྱས་པ་ཨ་ཡཾ་བུདྡྷ་ཤཱ་ས་ནོ་ད་ཡཱ་ཡ་ཧི་ཏ་བྷ་ཝ་ཏུ་ཧེ་ཏུཾ། མངྒ་ལཾ།། །།གཅིག་ཞུས་དག །

རྒྱལ་བའི་དབང་པོ་དབང་ཕྱུག་རྡོ་རྗེའི་རྣམ་པར་ཐར་པ་ཕན་བདེའི་གཏེར་ཆེན་ཞེས་བྱ་བ་བཞུགས་སོ། །

མཐུན་པའི་སྨོན་ལམ་དགེ་ཚོགས་རྨད་བྱུང་བའི། །བསྐལ་བཟང་མི་མཇེད་ཞིང་འདིར་དུས་གསུམ་གྱི། །འགྲོ་ལ་ཡང་དག་ལམ་སྟོན་རྫོགས་སངས་རྒྱས། །སྟོང་ལས་དྲུག་པ་སེངྒེ་ཞེས་བྱ་ཉིད། །སྲིད་ལས་གྲོལ་ཡང་སྲིད་པར་སྐྱེ་བ་ཡི། །རྣམ་པར་འཕྲུལ་པས་སྟོན་པ་བཅོམ་ལྡན་འདས། །ཤཱཀྱའི་བསྟན་འདིར་ཀརྨ་པར་གྲགས་པའི། །མཚན་མངའ་རྒྱལ་སྲས་ཚུལ་འཛིན་དེར་ཕྱག་འཚལ…

ལྷུན་གྱིས་གྲུབ་པར་མཛད་པ་ལས། །དགུ་པ་རྗེ་བཙུན་དབང་ཕྱུག་རྡོ་རྗེ་ཞེས། །མཐོང་ཐོས་དྲན་རེག་འབྲེལ་ཚད་དོན་ལྡན་དེའི། །རྣམ་པར་ཐར་པ་བསྟན་དང་འགྲོ་བ་ཡི། །ཕན་བདེའི་གསོས་གྱུར་ཕ་མཐའ་ཡས་པ་ལས། །ཐུན་མོང་གདུལ་བྱའི་སྣང་ངོ་དག་པའི་མཁར། །མཛད་པའི་ཉི་འོད་ཇི་ལྟར་ཤར་བའི་རབས། །དམ་པའི་གསུང་གིས་བསྐུལ་བཞིན་ཅུང་ཟད་བརྗོད། །དེ་ཡང་རྒྱལ…

རྣམས་ཀུན་ཏུ་རྣམ་འཕྲུལ་སྣ་ཚོགས་འགྱེད། །དུས་གསུམ་རྒྱལ་བ་ཀུན་གྱི་ཕྲིན་ལས་པ། །ཀརྨ་པ་ཞེས་ཉི་ཟླ་ལྟར་གསལ་བ། །ཞེས་ཞལ་གྱིས་འཆེས་པར་མཛད་པ་བཞིན་དུ་འདས་པའི་དུས་གྱི་བསྐལ་པ་གྲངས་མེད་པ་ནས་བྱང་ཆུབ་མཆོག་གི་སྤངས་པ་དང་ཡེ་ཤེས་ཡོངས་སུ་རྫོགས་ཤིང་ཕ་མཐར་ཕྱིན་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་རྣམ་པ…

བྱ་མ་ལུས་པ་ས་ལེར་མཁྱེན་པ་ལ་སོགས་པ་སྤྲུལ་པའི་སྐུ་རྒྱལ་བ་མ་ལུས་པའི་ཕྲིན་ལས་ཀྱི་སྤྱི་གཟུགས་རིམ་པར་བྱོན་པ་ལས། ཀརྨ་པའི་མཚན་དང་ཞྭ་ནག་གི་ཅོད་པན་འཛིན་པ་བརྒྱད་པ་བདག་ཅག་གི་རིགས་ཀྱི་བདག་པོ་དཔལ་ཆོས་གྲུབ་གྲགས་པ་ཕྱོགས་ཐམས་ཅད་ལས་དུས་ཀུན་ཏུ་སྣ་ཚོགས་པ་རྣམ་པར་རྒྱལ་བ་མི་བསྐྱོད་བཟང་པོ་རྡོ་རྗེ་དགའ་བའི་དབྱངས་ཞེས་བྱ་བ་དེ་…

མངའ་བའི་ཐུགས་རྗེ་ཆེན་པོས་སླར་ཡང་སྤྲུལ་པའི་སྐུ་ཕྱི་མའི་མཛད་པ་ཇི་ལྟར་བསྟན་པ་ནི། སྔོན་རྗེ་ཉིད་དགུང་ལོ་ཉེར་བརྒྱད་པའི་དུས་ཀོང་པོར་བཞུགས་པའི་ཚེ། ང་སྐྱེ་བ་འདི་ཡི་འོག་རོལ་ཏུ། །ཏྲེ་ཤོད་གངས་ཀྱི་རྭ་བའི་སྟོད། །དཔལ་འཇིག་རྟེན་དབང་ཕྱུག་རང་བྱོན་དྲུང༌། །ཆུ་སྒྲ་བཅས་དམ་ཆོས་ཉན་པ་ཡོད། །ས་དེ་དང་ཧ་ཅང་མི་རིང་བར། །སྐྱེ་བ་ལེ…

དཀར་བུས་པའི་སྐད་ཀྱིས་ཕྱོགས་ཐམས་ཅད་དུ་ཁྱབ་པ་དང༌། ནམ་མཁར་འཕུར་ནས་ཁྲོམ་ཆེན་པོ་ལ་ཡིག་ ༦ དྲུག་བསྐུལ་བ་སོགས་དགེ་བའི་མཚན་ལྟས་དུ་མ་དང༌། ཡབ་ཀྱི་རྨི་ལམ་དུའང་སེང་གེའི་ཕྲུག་གུ་སྔོན་པོ་པང་དུ་བླངས་པ་སོགས་བྱུང་ཞིང༌། ལྷུམས་སུ་ཞུགས་པ་ནས་གྲོང་གི་ནང་དུ་འཇའ་འོད་ཟུག་ཅིང་མེ་ཏོག་གི་ཆར་འབབ་པ་དང་དྲི་བཟང་གི་ངད་ལྡང་བ། ཁང་པའི་…

བདུན་གྱི་ཉི་ཤར་ལྷག་པ་ལྷ་མཚམས་ཀྱི་འགྲུབ་སྦྱོར་དང་ལྡན་པའི་ཚེ་མངལ་གྱི་དྲི་མས་མ་གོས་པར་བལྟམས་ཏེ། བལྟམས་མ་ཐག་ཕྱག་གཉིས་ཀྱིས་ཞལ་རས་ལན་གསུམ་ཕྱིས་ནས་སྤྱན་མི་འཛུམ་པར་གཟིགས་ཏེ་ང་ནི་ཀརྨ་པ་ཡིན་ནོ་ཞེས་གསུངས་ཤིང༌། ཞག་གསུམ་གྱི་བར་དུ་སྐྱིལ་༧མོ་ཀྲུང་གཅིག་གིས་བཞུགས། དེར་ཡབ་ཀྱིས་མཇལ་བས་བཞད་མོ་མཛད་ཅིང་བཞེངས་ནས་ཨོཾ་ཨཱཿཧཱ…

སྐྱིལ་ཀྲུང་དང་ཕྱག་མཉམ་གཞག་མཛད། སྤྱན་ནམ་མཁར་གཟིགས་ནས་བཞུགས་པའི་དབུ་ཐོག་ཏུ་འོད་དཀར་པོ་ཕུབ་ཙམ་ཞིག་འཁོར་བ་མཐོང༌། འཁྲུངས་ནས་ཞག་བཅུ་ལྷག་ལོན་པ་ན་ཡུམ་གྱིས་ནམ་མཁའ་རྒྱལ་པོ་ཞེས་པའི་མཚན་གསོལ། ཞག་བཅོ་བརྒྱད་ཙམ་ནས་གཞན་ལ་མ་བརྟེན་པར་འབྱོན་བཞུད་མཛད་ཐུབ་པ་བྱུང༌། སྔོན་རྗེ་གོང་མ་ཀོང་པོར་བཞུགས་སྐབས་ནས་ལྕགས་མོ་ནང་སོ་ཆོས་ས…

ཐོབ་ཅིང༌། ཇ་ཞུས་དང་མཇལ་རྟེན་རྣམས་ལ་དགྱེས་པའི་ཚུལ་གྱིས་བཞད་མོ་མཛད། དེ་ནས་རེ་ཞིག་གྲོང་ལྟག་བླ་མ་གྲགས་པའི་དགོན་པར་སྤྱན་དྲངས་ཏེ་བཞུགས་པ་ལས་ཟླ་ངོ་གསུམ་བཞེས་པའི་ཐོག་ལྕགས་མོའི་དགོན་ལྷུན་པོ་རྩེར་གདན་འདྲེན་ཞུས་པའི་ཚེ་ཡུལ་ལྷ་གཞི་བདག་རྣམས་ཀྱིས་ཡུལ་ཁམས་གང་བའི་བསུ་བ་དང་རོལ་མོ་ལ་སོགས་པའི་མཆོད་པ་འབུལ་བར་སྐྱེ་བོ་འགའ…

སློང་ཉིས་སྦྲེལ་གནང་བ་དང༌། སྒར་ཆེན་ནས་རྗེ་བླ་མ་ཐམས་ཅད་མཁྱེན་པ་རིན་པོ་ཆེའི་ཞལ་སྔ་ནས་ཀྱིས་དགེ་སློང་བླ་མ་རྒྱལ་མཚན་སོགས་གནང་བ་རྣམས་ཀྱིས་ཀྱང་མཇལ་ཏེ་སྒར་ནས་ཕུལ་བའི་བཀྲ་ཤིས་ཁ་ཐགས་དང༌། རྗེ་གོང་མའི་གསོལ་ཁྱེམ་དངུལ་ཐུར་ཕྱག་ཏུ་བཏང་བ་དགྱེས་པའི་ཚུལ་གྱིས་བཞེས། དེ་ནས་རིམ་གྱིས་འཛམ་ཐང་ཆོས་རྗེ། བཞག་བླ་མ། ར་ཏི་ནས་ཀརྨ་རབ…

གྱི་ན་བཟའ་དང་དབུ་ཞྭ་ཞྭ་ནག་རྒྱུན་བཞེས། གསོལ་སྤྱད་ཕྱག་ཐམ་སོགས་ཉེར་མཁོ་འབུལ་བ་དང་ཞབས་འབྲིང་དུ་སྦྲུལ་ལོ་ཟླ་བ་དྲུག་པར་རྫོངས་སྟ་གནང་བ་རྣམས་སླེབ་ཏུ་ཉེ་བ་ན། གཞན་གྱིས་གླེང་བརྗོད་མེད་པར་ཤང་ཀར་བ་གསུངས་ནས་ཕྱག་༡༠མཛུབ་ལ་ཞག་གྲངས་བརྩི་བའི་ཚུལ་མཛད་པ་དང༌། ཡང་ཉིན་ཅིག་ཧ་ཅང་གསལ་པོ་མིན་ཙམ་དུ་ཞྭ་དམར་པ་གསུངས་པ་སོགས་བང་ཆེན་…

བརྟགས་པའི་དད་མོས་ཆེས་ཆེར་འཕེལ་བ་དང༌། ཐ་མལ་བ་ཀུན་གྱིས་ཀྱང་ཞལ་མཐོང་བ་ཙམ་གྱིས་དད་པ་ཐོབ་ཅིང་གསོལ་བ་རྩེ་གཅིག་ཏུ་འདེབས། ཟླ་ངོ་བཞི་བཞེས་པ་ནས་བྲིས་སྐུ་སོགས་ལ་ཕྱག་ནས་ཞུས་པའི་ཚེ་ཨོཾ་ཨཱཿཧཱུྃ། ཞེས་དང༌། བསྔོ་བ་ཞུས་པའི་ཚེ་སངས་རྒྱས་ཐོབ་པར་གྱུར་ཅིག་གསུངས་པས་ཐམས་ཅད་ངོ་མཚར་དུ་གྱུར་ཅིང༌། ཟླ་བ་དྲུག་ནས་ཚེམས་ཀྱང་གསལ་བོར་…

མཛོ་མོ་ཞར་མ་གཅིག་ཕུལ་བྱུང་བ་སོགས་ཆེད་དུ་མ་ཞུས་པར་ཐོལ་རྒྱག་ཏུ་གསུངས་པ་དང༌། གལ་ཆེ་བའི་རིགས་ལ་ལུང་བསྟན་ཞུས་པ་རྣམས་ལ་ཇི་ལྟར་གསུངས་པ་བཞིན་ཐོག་ཏུ་བབ་པས་གསུང་ལ་ངེས་ཤེས་འདྲོངས། ཡང་ཉིན་ཅིག་སི་ཏུ་པ་གསུང་བ་ན་དེ་འཕྲལ་དུ་སྔ་མགྱོགས་ཀྱི་བང་ཆེན་འབྱོར་ཞིང་དེ་རྗེས་དྲུང་པ་ཉིད་ཀྱང་ཕེབས་ཏེ་འབུལ་བ་མཛད་ཅིང༌། དབུ་ཞྭ་ཞྭ་ནག་…

གྲགས་རྒྱ་མཚོའི་ཕྱག་དྲིལ་གཟིགས་ཕུལ་ནས་འདི་རྗེ་མི་བསྐྱོད་རྡོ་རྗེ་དང་ཆོས་གྲགས་རྒྱ་མཚོ་སུའི་ཕྱག་དྲིལ་རེད་ཞུས་པས་ཆོས་གྲགས་རྒྱ་མཚོའི་རེད་གསུངས་པ་དང༌། ཕྱག་ཕྲེང་གི་སྤོས་ཤེལ་རྗེ་གོང་མའི་ཡིན་པ་དང་རི་བོ་ཆེ་ཆོས་རྗེའི་ཡིན་པ་གཉིས་ལ་ཉིད་ཀྱི་ཕྱག་ཕྲེང་གང་རེད་ཞུས་པ་ལ་ཡང་ངོས་འཛིན་གནང་བས་ཐུགས་ཡིད་ལྷག་པར་ཆེས། དེ་ནས་ལུག་…

ལུག་ལོ་ཟླ་བ་དྲུག་པའི་ནང་དུ་ཡང་རི་བ་དཔོན་སློབ་ཞབས་དྲུང་དུ་འབྱོར་བའི་སྒར་ལ་གཟིགས་པར་རི་ངོས་སུ་ཕེབས་པའི་ཚེ་རྡོ་ལ་ཞབས་རྗེས་བྱོན། ཁོང་རྣམས་ཀྱིས་འབུལ་བ་དང་ཞུ་ཡིག་རྟེན་བཅས་རྣམས་ཕུལ་བ་ན། རིན་པོ་ཆེ་དཔའ་བོའི་ཞུ་ཡིག་ཕྱག་ཏུ་བཞེས་ནས་སྐུ་འཕྲག་ཏུ་བཅུག །བླ་མ་དང་དགེ་འདུན་འགའ་རེ་ལ་མིང་ནས་འབོད་པ་དང་ངོས་འཛིན་མཛད། ལྕགས་…

ཕྱོགས་སུ་འདེགས་གྲབས་མཛད་པ་དང་འགྲིག་འདུག་ཟེར། ཡང་ཉིན་གཅིག་དེ་རིང་གཏམ་སྙན་པོ་ཡོང་བ་ཡོད་གསུངས་པ་ན། སྔ་སོར་གྱི་བང་ཆེན་གཉིས་འཁོར་ནས་བཞུགས་སྒར་འབྲི་ཆུ་ཁར་ཕེབས་ཡོད་ཚུལ་ཞུས་པས་ཤིན་ཏུ་དགྱེས་ ༡༣ པར་གྱུར། དེ་སྐབས་འཇང་རྒྱལ་པོའི་ཏི་ཤྲི་བྱང་ཆུབ་བཤེས་གཉེན་གྱིས་གཙོས་པའི་སྤོ་འབོར་དང༌། སྤུང་རི་ནང་སོ་ཡབ་སྲས་སོགས་འབའ་ལ…

མཆོག་བདག་ཅག་སྐུ་འཁོར་ཉུང་བསྡུས་དང་བཅས་པས་ཕྱག་འབུལ་ལ་ཕེབས་ཏེ། རྗེ་བླ་མ་ཉིད་ཀྱི་གསུང་ལས། ཕལ་པ་རྣམས་ལ་བྱ་བ་ལྟ་བུའི་བརྟག་པ་ལ་སོགས་པ་ནི་ཕལ་ཆེར་གཞན་དབང་གི་མཐུ་དང་འགའ་ཞིག་མི་མ་ཡིན་པ་ལ་སོགས་པས་རྒྱུད་སྐུལ་བ་དང༌། འགའ་ཞིག་ལས་དབང་གིས་སྐྱེ་བ་དྲན་པའི་གང་ཟག་རྣམས་ལ་ཡིན་གྱི། ཚུར་མཐོང་གི་བློའི་ར་བ་ལས་བརྒལ་བ་བསམ་གྱིས་…