ཨོཾ་སྭཱ་སྟི། མཐའ་བཞིའི་སྤྲོས་པ་ལས་གྲོལ་བ། །གཉིས་མེད་ཡེ་ཤེས་བདེ་ཆེན་དངོས། །བླ་མ་རྡོ་རྗེ་ཅན་ཞབས་འདུད། །གདམས་ངག་ མདོ་ཙམ་བཤད་པར་བྱ། །རྙེད་དཀའི་མི་ལུས་ཐོབ་དུས་སུ། །དོན་ཡོད་ཀྱི་ཐབས་ལ་འབད་པར་འཚལ། །མཚན་ལྡན་རྗེ་དང་མཇལ་དུས་འདིར། །མོས་གུས་རྒྱུན་ཆད་མེད་པར་འཚལ། །གདམས་ངག་ཟབ་མོ་ཐོབ་དུས་འདིར། །རྩེ་གཅིག་ཏུ་འབད་པས་ཉམ…

འཁོར་བར་འཁྱམས། །རང་སེམས་ཀྱིས་རང་ཉིད་བཅིངས་ཚུལ་ལ། །བསམ་བཞིན་དུ་སྙིང་རྗེ་འབད་མེད་དུ་འཆར། །བྱམས་སྙིང་རྗེའི་རང་ངོ་བལྟས་པའི་ཚེ། །སྙིང་རྗེ་བྱ་རྗེ་བྱེད་དབྱིངས་སུ་ཡལ། །དབྱིངས་དེ་ལས་སྙིང་རྗེར་ལམ་ལམ་པ། །དམིགས་མེད་ཀྱི་སྙིང་རྗེ་ཆོས་ཀྱི་མཆོག །གཞི་ལམ་འབྲས་བུའི་ཆོས་ཐམས་ཅད། །གདོད་ནས་སྐྱེ་བ་མེད་པ་ལ། །བློས་བྱས་ཀྱི་བཅ…

ཞེས་བྱ་བས། །རྩེ་གཅིག་ཏུ་སྒྲུབ་པ་ལ་གཞོལ་བ་ཡི། །མདོ་ཁམས་པ་ཤེས་རབ་དཔལ་ལ་གདམས་པའོ།། །།དགེའོ། །

ཨོཾ་སྭཱ་སྟི། བླ་མ་རྣམས་ལ་ཕྱག་འཚལ་ལོ། །བུ་སྣང་བ་སེམས་ལ་ཁྱད་པར་མེད། །གང་ཤར་བཟོ་བཅོས་མེད་པར་ཞོག །སྙིང་རྗེ་དང་སྟོང་ཉིད་འགྲོ་ལྡོག་གཅིག །སྙིང་རྗེ་འཛིན་པར་མ་ཤོར་ཞིང༌། །སྟོང་ཉིད་ཆད་སྟོང་དུ་མ་ལུས་པའི། །ཟུང་འཇུག་ཉམས་ལེན་གལ་རེ་ཆེ། །ལས་འབྲས་ཀྱི་བླང་དོར་ཕྱིན་ཅི་ལོག །ཅིས་ཀྱང་དགོས་མེད་ཀྱི་ངེས་འབྱུང་སྟོར། །གཞན་ཕན་མ…

ན་མོ་གུ་རུ། ཕ་གཅིག་ཆོག་རྒྱལ་པོ་བླ་མ་ལ། །དུས་རྒྱུན་ཆད་མེད་པར་གསོལ་བ་འདེབས། །བདག་བུ་སློབ་ཀྱི་བློ་སྣ་ཆོས་ལ་བསྒྱུར། །སེམས་མཁའ་ཁྱབ་རྟོགས་པར་བྱིན་གྱིས་རློབས། །དུས་ད་རེས་མཐུན་ རྐྱེན་ཀུན་འཛོམ་ཞིང༌། །མཚན་ལྡན་རྗེ་དང་མཇལ་བ་དང༌། གདམས་ངག་ཟབ་དགུ་ཐོབ་དུས་འདིར། །དོན་མེད་དུ་མ་ལུས་པ་ཅིས་ཀྱང་འཚལ། །ལུས་ཤ་ཁྲག་འདུས་པའི་ཕ…

ཡུག་རྒྱུན་ཆགས་ཏེ། །བྱར་མེད་ལས་མེད་གལ་རེ་ཆེ། །དེ་ཡང་རྩོལ་མེད་ཀྱི་དྲན་པས་བཟུང༌། །མུན་ཐོམ་དུ་ལུས་ན་ཐེ་ལེ་ལེ། །འབྲས་བུ་རང་སེམས་སངས་རྒྱས་འདི། །གཞི་ཐོག་ཏུ་ཟོབ་སྟོང་ལམ་ལས་ཤིང༌། །རེ་དོགས་ཀྱི་གཡང་སར་མ་ལྷུང་པ། །ཐག་ཆོད་ཀྱི་ཤེས་པའི་ངེས་ཤེས་དགོས། །གང་སྣང་ཐམས་ཅད་ཆོས་སྐུ་ལ། །ཕྱོགས་འཛིན་གྱི་དབྱེ་བ་མེད་ལགས་མོད། །གཅམ…

ཨོཾ་སྭཱ་སྟི། འདུ་བྱེད་སྟོན་ཀའི་སྤྲིན་བཞིན་གཡོ་བ་དང༌། །ཚེ་སྲོག་ནམ་མཁའི་གློག་ལྟར་མི་བརྟན་ཞིང༌། །ལས་ནི་གྲིབ་མ་བཞིན་དུ་རྗེས་སུ་འགྲོ། །ལང་ཚོ་ལྡན་པའི་ལུས་ཀྱང་འཇིག་འགྱུར་བས། །འཇིག་རྟེན་འདི་དང་གཞན་དུ་ཕན་ངེས་པའི། །དགེ་བའི་ལས་ལ་རྩེ་གཅིག་འགྲུས་པར་འཚལ། །ལས་ནི་ཆུང་ཡང་འབྲས་བུ་རྒྱ་ཆེ་ན། །དགེ་སྡིག་ཆེན་པོ་བསགས་ལ་སྨོ…

ཚེ་རབས་ཀུན་ཏུ་སྡུག་བསྔལ་རྒྱུར་འགྱུར་བའི། །སྡིག་པས་ཚེ་འདིར་བདེ་ནའང་དེ་དང་འདྲ། །ཚེ་འདི་ཡུན་ཐུང་ལོ་ཟླ་འགའ་ཞིག་ཡིན། །འཇིག་རྟེན་ཕ་རོལ་ཚད་བཟུང་མེད་པའི་ཕྱིར། །སྐྱེ་བ་གཞན་དུ་སྡུག་བསྔལ་མི་འབྱུང་ཞིང༌། །དགེ་བའི་ཐབས་སུ་དགེ་སྡིག་བླང་དོར་བྱ། །ཚེ་འདིའི་གྲོགས་པོ་ཇི་ལྟར་བཟང་ཡང་འབྲལ། །དམ་ཆོས་སྒོམས་ན་ནམ་ཡང་འབྲལ་མི་སྲི…

ན་མོ་གུ་ར་ཝེ། མཚན་ལྡན་བླ་མ་རྗེ་ལ་འདུད། །དད་ལྡན་མོས་པའི་སློབ་མ་ལ། །དོན་ལྡན་གདམས་པ་ཅུང་ཟད་ ཙམ། །ཆོས་ལྡན་བྱ་བའི་ངང་ནས་བསྲིངས། །ངེས་མེད་འཇིག་རྟེན་གྱི་བྱ་བཞག་འདི། །རྨི་ལམ་དུས་ཀྱི་ལོངས་སྤྱོད་བཞིན། །བདེན་བདེན་འདྲ་ཡང་སྙིང་པོ་མེད། །བདེན་འཛིན་གྱི་ཞེན་པ་མི་འཚལ་ལོ། །རྙེད་དཀའ་མི་ལུས་ཀྱི་རིན་ཆེན་ལ། །དགེ་ལེགས་ཀྱི་…

གང་ཤར་ལ་དྲན་པའི་སོ་བས་ཟུང༌། །བྱར་མེད་ཀྱི་ངང་དུ་ལྷོད་ཀྱི་ཀློང༌། །རང་གྲོལ་གྱི་རྟོགས་པ་ནང་ནས་འཆར། །འགྲོ་དྲུག་དྲིན་ཅན་གྱི་ཕ་མ་ལ། །བྱམས་སྙིང་རྗེ་ཕྱོགས་དུས་མེད་པར་བསྒོམ། །རང་འདོད་ཀྱི་ངན་སེམས་ཤིག་གིས་བཤིག །ཕན་སེམས་བདེ་འབྱམ་གྱི་ངང་ལ་བཞག །མཛའ་བཤེས་ཀྱི་ཕྱི་རྗེས་མཐར་ཐུག་ཀྱང༌། །ཕྱི་ནས་དགེ་བ་ལ་འབད་པ་དཀོན། །གཞན་བ…

དབྱེར་མེད་དུ་གསོལ་བ་བཏབ། །རང་སེམས་དང་བླ་མ་དབྱེར་མེད་པ། །འདུ་འབྲལ་མེད་པར་རྟོགས་ཙ་ན། །མཐར་ཐུག་གི་རྟོགས་པ་ངང་གིས་འཆར།། །།ཞེས་པ་རྒྱལ་ཁམས་པ་ཏཱ་ར་ནཱ་ཐས། །དད་ལྡན་བདེ་སྐྱིད་དཔལ་འཛོམ་ལ་གདམས་པའོ། །དགེའོ། །

ཁོ་བོ་རྗེ་བཙུན་བླ་མ་ཡིས། །རྗེས་སུ་བཟུང་ལ་ཉེར་བརྟེན་ནས། །སྙན་པའི་ཚིག་ལ་མ་ལྟོས་པར། །མ་སྒྲིབས་གཉུག་མ་ཁོང་ནས་གསལ། ཁྱེད་ཀྱང་བླ་མ་རིན་ཆེན་ལ། །གུས་པས་གསོལ་བ་འདེབས་པར་ཞུ། །འདོད་དགུ་ཐམས་ཅད་ཆར་ལྟར་འབབ། །གེགས་དང་གོལ་ས་བར་ཆད་གསུམ། །ནམ་གཞུག་ཆད་ཁའི་སྤྲིན་ལྟར་དེངས། །ཡོན་ཏན་ཐམས་ཅད་རང་ཤར་འབྱུང༌། །ཐ་སྙད་ཚིག་གི་བརྗོད་…

ཆེན་པོའི་འཁྲུལ་འཁོར་ནི། །འདབ་ཆགས་མཁའ་ལྡིང་རྒྱལ་པོ་དེ། །མཁའ་ལ་འགྲོ་སྡོད་ཅི་བྱེད་ཀྱང༌། །ས་ལ་མི་བོག་རང་དབང་ཡོད། །སྤྱོད་ལམ་བྱ་བ་ཅི་བྱེད་ཀྱང༌། །འགྱུར་མེད་ཀློངས་སུ་གྱུར་པ་ན། །ཅི་བྱས་རང་ཤར་རང་གྲོལ་ཡིན། །ཉམས་རྟོགས་ལོངས་སྤྱོད་རྒྱ་ཆེར་སྤེལ། །ཧེ་རུ་ཀའི་འཁྲུལ་འཁོར་ནི། །ངེས་མེད་སྤྱོད་པ་སྐྱོང་བ་ཡང༌། །ཆལ་ཆོལ་ཙམ་ལ་…

༈ བླ་མ་རྣམས་ལ་གུས་པས་ཕྱག་འཚལ་ལོ། །གང་ལ་བདུད་བཞི་བཅོམ་པའི་དཔལ། །ཟས་གཙང་སྲས་ཀྱིས་འདི་སྐད་ཅེས། །བག་ཡོད་བདུད་རྩིའི་གནས་ཡིན་ཏེ། །བག་མེད་པ་ནི་འཆི་བའི་གནས། །དྲེགས་ལྡན་དབང་གིས་ཕྱུག་པ་ཡང༌། །མི་རྟག་གདོན་གྱིས་ཟིན་པ་ན། །མགོན་མེད་གྱུར་པའི་གནས་སྐབས་ལ། །ཆོས་ལས་གཞན་པའི་སྐྱབས་མ་མཆིས། །གང་ཞིག་འབྱོར་པར་ལྡན་པ་ལ། །ནོར་ད…

མེས་སོགས་ཀྱི་དྲིན་བསབ་ལའང༌། །དགེ་བ་རྒྱ་ཆེན་སྒྲུབ་པར་འཚལ། །བཀུར་འོས་བཀུར་བས་བདག་ཉིད་ལ། །བཀུར་བསྟི་རྒྱ་ཆེན་ཐོབ་པར་འགྱུར། །མཆོད་འོས་མཆོད་ཅིང་བསྟོད་འོས་བསྟོད། །གུས་དང་དྲིན་དུ་བཟོ་བའང་མཚུངས། །ཀུན་ལའང་བརྩེ་བར་རིགས་ལགས་ན། །རང་ལ་བརྟེན་པ་ལྟ་ཅི་སྨོས། །བདེ་འདོད་སྡུག་བསྔལ་སྤོང་འདོད་པར། །རང་གཞན་ཐམས་ཅད་མཚུངས་པར་ག…

ཆེན་སྒྲུབ་ལ་ཐུགས་མི་ཟློག །ཞིང་པ་ཚོང་པ་ལ་སོགས་བཞིན། །དུས་གཞན་ཞིག་ན་ལན་མང་དང༌། །འགྲུབ་པར་འགྱུར་བ་མ་ཡིན་ནམ། །འགལ་བགྱིད་གཅིག་ཀྱང་མངས་བའི་སྐྱོན། །ཕན་བགྱིད་བྱེད་པའང་མི་སྤང་ངོ༌། །བྲམ་པའི་རྡོ་བཞིན་འབད་པ་ཡིས། །བསལ་ཡང་གནོད་བྱེད་འཕེལ་བར་འགྱུར། །རིགས་དང་མི་རིགས་ཚར་བཅད་དང༌། །རྗེས་བཟུང་ནད་དང་ཟུངས་བཞིན་འཚལ། །གཟི་ལ…

༈ ཨོཾ་སྭཱ་སྟི། ཤིན་ཏུ་རྙེད་པར་དཀའ་བ་ནི། །མི་ལུས་ཤིང་རྟ་ལ་ཞོན་ནས། །ཐར་པའི་གྲོང་ཁྱེར་འཇུག་འདོད་པས། །ཤིན་ཏུ་འབད་པས་བརྩོན་པར་རིགས། །བརྩོན་འགྲུས་དཔུང་དང་བྲལ་བ་རྣམས། ། བར་ཆད་ཆོམ་པོས་བཅོམ་ཞིང་བརླག །འཁོར་བའི་ཟམ་སྟེགས་དལ་འབྱོར་འདི། །འཆི་བདག་ཆུ་བོས་མ་ཁྱེར་བ། །དེ་སྲིད་འབད་པ་ཅིས་མི་རྩོམ། །འབུམ་ཕྲག་དཔུང་གི་རྡུལ་…

རྒྱལ་མི་འཚལ་ཞིང༌། །གཞན་གྱི་ཕུན་ཚོགས་ལ་མི་སྡང༌། །ངན་པ་རྣམས་ལ་བརྙས་མི་བགྱིད། །མཆོད་དང་སྦྱིན་པ་རྒྱ་ཆེར་བཏང༌། །སློབ་དཔོན་གང་ལ་མཉེས་འགྱུར་བ། །དེ་ཡིས་བཀུར་བསྟི་མཆོད་པ་བྱ། །དགེ་བ་གང་བྱས་སེམས་ཅན་དང༌། །ལྷན་ཅིག་སངས་རྒྱས་རྒྱུ་རུ་བསྔོ། །ཆོས་ཚུལ་མུ་མཐའ་མ་མཆིས་པས། །མཐའ་དག་སུ་ཞིག་བརྗོད་པར་བྱེད། །གང་ལས་ཐབས་མཁས་ཐོབ་…

ཨོཾ་སྭཱ་སྟི། གང་ཞིག་སྲིད་ཞིའི་ཕུན་ཚོགས་བདུད་རྩིའི་འབྲས། །དལ་འབྱོར་དཔག་བསམ་ལྗོན་པའི་རྩེར་ཆགས་པ། །འདི་ལས་འདོད་དགུ་ཅི་ཡང་བླང་བར་རིགས། །གཞན་དུ་འདི་འདྲ་རྙེད་པ་བརྒྱ་ལ་ཞིག །ཧ་རི་ཙནྡན་དྲིས་རྒྱས་སུམ་རྩེན་ནགས། །ཅི་འདོད་དགའ་བས་རོལ་པའི་རྩེ་ས་ཡང༌། །དབང་མེད་བོར་ཏེ་ལོ་མ་རལ་གྲིའི་ཚལ། །བསྐལ་པར་བསྟེན་པ་འདི་ནི་ལས་ཀྱི་…

ཀརྨ་ཆོས་བཟང་ཞེས་བྱ་བ། །དེ་ལ་དམ་པའི་ཆོས་ལས་བརྩམས་པ་ཡི། །བཀའ་མཆིད་ཉུང་ངུ་ཙམ་ཞིག་སྨྲས་པ་ལགས།། །། མངྒལཾ་བིསྟཱ་ར་ཀུ་རུ། དགེའོ། །