མི་གྲག་པར་བྱས་སོ། །དེའི་དུས་སུ་སངས་རྒྱས་བཅོམ་ལྡན་འདས་ཀྱི་བསྟན་པ་འདི་འདྲ་ཡོང་བ་ཡང་འཕགས་པ་འཇམ་དཔལ་གྱིས་དགོངས་ཏེ་ཐུགས་མུག་སྐྱེས་ཏེ་འཇམ་དཔལ་ཐུགས་ཁྲོས་པ་ལས་ལས་ཀྱི་གཤིན་རྗེ་ཡ་མ་རཱ་ཛ་ཞེས་པའི་སྐུར་སྤྲུལ་ནས་དབུ་གསུམ་ཕྱག་དྲུག་གཡས་གསུམ་དགྲ་སྟ། གཡོན་གསུམ་གློ་སྙིང་བསྣམས་པ། སྐུ་སྨད་ལྕགས་ཀྱི་ཕུར་པ་ཟུར་གསུམ་པ་དཔལ་ད…

གྲངས་མཐའ་ཡས། འཁོར་ནི་གཤེད་ཆེན་སྡེ་དྲུག་པོར་མ་ཟད་ཡེ་ཤེས་ཀྱི་སྲུང་མ་དང་འཇིག་རྟེན་དྲེགས་པའི་ཚོགས་རྣམས་ཀྱིས་བཀའ་ཉན། གསུང་བསྟོད། འཕྲིན་ལས་སྒྲུབ་པར་བྱེད་པ་འདིའི་སྔོན་གྱི་དམ་ཚིག་དང་ལས་ཀྱི་ཆེ་བ་ལས་ནི་སངས་རྒྱས་སྟོང་རྩའི་སྤྱན་སྔར་སྲོག་སྙིང་ཕུལ་ནས་དམ་བཅས་པའི་མཐུས་ཕྱི་ནང་བན་བོན་གྱི་བྱད་མ་མཁན་པོ་གང་དང་འགྲས་ཀྱང་ལ…

པར་བུར་བཅུག་ནས་ནི། །བལ་ཡུལ་བུམ་ཐང་གཏེར་དུ་སྦས། །ཕྱི་རབས་དུས་ཀྱི་ཐ་མ་ལ། །ལས་ཅན་ཞིག་དང་འཕྲད་པར་ཤོག །ལས་ཅན་ཞིག་གིས་ཐོན་ནས་ཀྱང་། །གདུག་པའི་དགྲ་བགེགས་སྒྲོལ་བར་ཤོག །ཅེས་པ་ལྟར། སློབ་དཔོན་བལ་པོའི་རྒྱལ་པོས་གཤིན་རྗེ་ཟླ་གསང་ནག་པོའི་རྒྱུད་ལས་བཀོལ་ཏེ་ལྕགས་ཀྱི་པར་བུར་བཅུག་རྒྱ་རིམ་པ་གསུམ་གྱིས་བཏབ་ནས་གཞུང་ཡིག་རྣམས་…

བཞིན་མྱུལ། །ཐ་མར་བོད་ཡུལ་དབུས་སུ་སླེབས། །སངས་རྒྱས་བསྟན་པ་བསྲུང་དོན་དུ། །སྲོག་སེར་གཏད་གསུམ་ལ་སོགས་པའི། །ངན་སྔགས་ཡིག་སྣ་དཔག་མེད་ཞུས། །སངས་རྒྱས་བསྟན་པའི་བཙས་སུ་བཞག །ཁྱད་པར་སྙིང་ཐིག་སྐོར་མཛོད་ནས། ཁྲོ་ཆུ་ཁོལ་མའི་འགོམ་ཆོག་འདི། །བལ་ཡུལ་བུམ་ཐང་ཀེ་རུར་སྦས། །དུམ་པ་རྒྱ་ཡིས་གཏེར་ནས་བཏོན། །ཤ་བ་རྒྱུག་པའི་འཕྲོ་ལ་འ…

ལྕགས་མེ་འབར་གྱིས་གསན། དེ་ལ་སྣང་གསལ་བ་བཀྲ་ཤིས་རྒྱ་མཚོ་ཡབ་སྲས་རྣམས་ཀྱིས་གསན་པ་ལས་རིམ་པར་བརྒྱུད་དེ་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་དང་དཔལ་འགྲི་གུང་པ་དབུར་སྨྱོན་ཆོས་ཀྱི་གྲགས་པས་གསན་པའི་རྒྱུན་མ་ཆད་པ་ཡོད་ཅིང་མཆོག་སྤྲུལ་ལེགས་ལྡན་རྡོ་རྗེས་ཀྱང་ཚེ་བདག་ཡང་བཟློག་དང་ཁྲོ་ཆུའི་སྐོར་རྗེ་འབྲི་གུང་པར་གསན། ཆོས་ར…

དུ་གྲུབ་པའི་གནད་ཤེས་དགོས། སྒྲུབ་པ་ལའང་ལྷ་ཉེ་བར་བསྙེན་པ་ཉིད་གལ་ཆེ་བས་དེ་ལ་སྔོན་འགྲོ། དངོས་གཞི། རྗེས་ཀྱི་རིམ་པ་དང་གསུམ་གྱི་དང་པོ་ལ་ངེས་པའི་དོན་བདེ་བླག་ཏུ་འཇུག་པ་སོགས་ཡིག་ཆ་ཁུངས་བཙུན་གྱི་སྟེང་ནས་འཇམ་དཔལ་ཚེ་བདག་ཕྱག་རྒྱ་ཟིལ་གནོན་གྱི་དཀྱིལ་འཁོར་དུ་ལེགས་པར་སྨིན་ཅིང་། སྨན་སྡོང་ནག་པོའི་བྱིན་རླབས་དུག་གི་སྲོག་…

ཀྱང་རིགས་གསུམ་འདུས་པའི་ལས་ཀྱི་གཤིན་རྗེ་འདི་ཉིད་ཀྱི་བསྙེན་སྒྲུབ་ལས་གསུམ་དཀྱུས་གཅིག་ཏུ་བྱེད་པའི་དབང་དུ་བྱས་ནས་རྩ་ཚིག་བཞི་བཅུ་རྩ་དྲུག་གི་བཤད་བཀྲོལ་རིན་པོ་ཆེའི་གཏེར་མཛོད་ལས། དང་པོ་སྒྲུབ་པའི་ས་གསུམ་ནི། དུར་ཁྲོད། ནགས་ཁྲོད་ཤིན་ཏུ་འཇིགས་པའི་ས་ནི་དབེན་པའི་གནས་སོ། །དུར་ཁྲོད་དམ་ཞེས་པ་ནི་རོ་བསྲེགས་པའི་ས། དམེ་བྱ…

ལས་རབ་རྒྱ་མཚོར་གཟའ་སྐར་དུས་ཚེས་བཟང་བར་བཤད་པ་ལུགས་འདི་གའི་བཟང་བ་དེ་གཞན་དག་གི་ངན་འཚུབ་ལ་ངོས་འཛིན་དགོས་པ་ཕར་རི་ལ་བལྟོས་ནས་ཚུར་རི་དང་ཚུར་རི་ལ་བལྟོས་ནས་ཕར་རིར་འཇོག་པ་བཞིན་ཡིན་པས་གནས་དང་ཡོ་བྱད་འདུ་བྱས་ཤིང་། དུས་ཚོད་ཚེས་གྲངས་དང་བསྟུན་མཚམས་ཁང་དུ་འཇམ་དཔལ་ཕྱག་རྒྱ་ཟིལ་གནོན་དང་ལས་གཤིན་དུག་སྡོང་ནག་པོ་སོགས་ཀྱི་བྲ…

བས་གཏོར་ཆེན་ལ་སྟེགས་བུ་འབྲུབ་ཁུང་སོགས་དགོས་ཚུལ་རྗེ་འབྲི་གུང་པ་གསུང་བ་བླ་མ་གཉིས་ཀ་ཆོས་འདི་ལ་ནང་བྱན་ཆུད་པར་འདུག་པས་རྒྱས་བསྡུས་ཀྱི་ཁྱད་པར་ལས་མི་འགལ་ཞིང་གཤིན་རྗེ་སྡེ་དྲུག་ཕྱག་དྲུག་ཏུ་བཤད་པ་ཡིག་ཆུང་ཤོག་དྲིལ་ནས་བསྟན་པས་ལུགས་གཉིས་གང་བྱས་ཀྱང་མི་འཐད་པ་མེད་དམ་སྙམ། སྣང་གསལ་ཕྱོགས་སུ་རང་འདྲའི་སྤྲུལ་པ་ཟེར་བ་ཙམ་ལའ…

འོག་ཏུ་ཟན་གྲུ་གསུམ་ལོགས་མདུན་ལ་བསྟན་པའི་སྟེང་དུ་ཟུར་གསུམ་ཕུར་བུའི་དབལ་ལྟ་བུ་ཟུར་མདུན་ལ་བསྟན་པ་ལས་ཅུང་ཟད་ཆུང་བ་ཡུམ། དེ་ལས་ཆུང་བའི་སྡེ་དྲུག་སྟེ་བདུན་གྱིས་བསྐོར་བ་རྣམས་ཀྱི་དཀྱིལ་ནག་མཐའ་དམར་བར་མེ་རི་ཕྱག་མཚན་ས་བོན་སོགས་དཀར་དམར་གྱི་རྒྱན་སྤྲོད་ལེགས་པའི་མཐར་མཐེབ་སྐྱུས་བསྐོར་བར་རྩང་དམར་ཉེར་གཅིག་སྲིན་འགྲོས་སུ…

ཀྱང་སྔ་མ་ལས་ཆུང་བའི་འཛིན་གཏོར་དང་དེ་ལས་ཅུང་དམའ་བའི་གཏའ་གཏོར་བཤམས། འཛིན་གཏོར་ཞེས་པ་གསར་མའི་ཤན་ཤོར་སྙམ་པའི་ལོག་རྟོག་འབྱུང་སྲིད་ཀྱང་། ཁ་བྱང་གསལ་བའི་སྒྲོན་མེར། རྟེན་བཞེང་བ་དང་། སྲོག་འཁོར་བཅའ་བ་དང་། གྲི་ཕུར་གྱི་རྟེན་བཅའ་བ་དང་། གཏར་ཆེན་དང་། རྒྱུན་གྱི་འཛིན་གཏོར་བཅས་པའོ། །ཞེས་བཤད། ལོགས་ཤིག་ཏུ་ལྕགས་སམ་བྷནྡྷའ…

དགྲ་བགེགས་ཀྱི་བར་ཆད་སྤྱིར་ཞི་བའི་ཞར་སྒབ་འདྲེའི་གནོད་པ་ལའང་ཤུགས་ཀྱིས་ཕན་པར་སེམས་མོད་དིང་སང་ཕྱག་ལེན་དུ་མཛད་པ་ཉུང་བས་མ་བྱས་ཀྱང་འགལ་བ་མེད། གཉིས་པ་དངོས་གཞི་ནི། མཚམས་ཀྱི་སྔོན་དུ་ཆ་གསུམ་དང་གསེར་སྐྱེམས་བཏང་སྟེ་སྡེ་བརྒྱད་ཆ་མཉམ། དཀར་དམར་གྱི་གཏོར་མ་བསྔོ་བ་འདི་གའི་ལས་བྱང་ཚོར་བྱུང་བ་ལྟར་བགེགས་བསྐྲོད་དང་སྲུང་འཁོར…

ལྟར་སྤྲུལ་སྐུ་རྒྱུའི་ཏིང་ངེ་འཛིན་ཁྲོ་བོའི་ཚོགས་ཀྱི་རྟེན་བརྟེན་པ་རྣམས་འཆར་བྱེད་ཀྱི་རྒྱུ་ཡི་གེ་ཨེ་ལས་རིམ་གྱིས་འཕྲོས་པས། ཨེ་ལས་རབ་འཇིགས་ནམ་མཁའ་མཐའ་དབུས་མེད། །ཅེས་སོགས་ཚིག་རྐང་བདུན་གྱིས་བདག་མདུན་གཉིས་ཀའི་གཞི་རྟེན་གཅིག་ཏུ་བྱས་ཏེ། རྒྱུད་ལས་སྟོང་པའི་ངང་ལས་འཇིག་རྟེན་ཁམས། །གཤིན་རྗེ་དམྱལ་བའི་ཡུལ་དུ་བསམ། །འོག་…

དཔལ་གཙོ་འཁོར་རྣམས་ཀྱི་ཐུགས་ཀ་ནས་འོད་ཟེར་འཕྲོས་པས་བྱད་མ་ལྷ་སྲུང་དང་བཅས་པའི་སྙིང་གར་ཕོག །རྣམ་ཤེས་མར་མེ་ལྟ་བུར་གསལ་བ་དེ་འོད་ཟེར་ཕོག་པ་ཙམ་གྱིས་ཁོའི་ལྷ་སྲུང་འཁོར་བཅས་འཁོར་ས་མ་རྙེད་ནས་བྲོས་ཏེ་སྲུང་མས་མགོན་བྱེད་རྒྱུ་ལ་རང་གི་སྲུང་མ་ཁོའི་སྲུང་མའི་མལ་དུ་གནས་པས་ཁོའི་གཤེད་བྱེད་པར་བསྒོམས། དེའི་ཕྱི་རོལ་ཏུ་དུག་སྣ་…

ཕྲོམ་ཕྲོམ་འཕྲོ་བར་བསམ། དེའི་ཕྱི་རོལ་ཏུ་མཚོན་ཆ་སྣ་ཚོགས་ལས་གྲུབ་པའི་གུར་ཁང་། རྡོ་རྗེ། རལ་གྲི། ལྕགས་ཀྱུ། མདུང་རྩེ་གསུམ་པ། དགྲ་སྟ། ཞགས་པ། འཁོར་ལོ། གྲི་གུག །མདའ་ལ་སོགས་པ་མཚོན་ཆ་རྩེ་ཕྱིར་བསྟན་པའི་གུར། རྡོ་རྗེ་སྔོན་པོ། ནོར་བུ་སེར་པོ། པདྨ་དམར་པོ། སྣ་ཚོགས་རྡོ་རྗེ། གྲི་གུག །རྒྱ་གྲམ་གྱི་གུར་ཁང་བསྒོམ་མོ། །དེའི་…

དེའི་རྒྱབ་ཏུ་བཀའ་ལྷ་མ་སྲིན་སྡེ་བརྒྱད་མཚོན་ཆ་སྣ་ཚོགས་འཛིན་པའི་གུར་ཁང་། དེའི་རྒྱབ་ཏུ་མེ་ཆུ་རླབས་ཀྱི་རྦ་རླབས་འཕྱོ་བའི་གུར་ཁང་། དེའི་རྒྱབ་རླུང་ནག་འཚུབ་མའི་གུར་ཁང་སྤུ་གྲི་ལྟར་དུ་འཁྲུགས་པ། དེའི་རྒྱབ་ཏུ་ལྷ་དམག་ཉི་ཁྲི་ཆིག་སྟོང་གི་གུར་ཁང་། བསྐལ་པའི་མེ་ཆེན་པོ་ནི་ཀུན་ཏུ་སྒོང་རིལ་ཚུར་འབར་བ། གཟུགས་མེད་ནམ་མཁའི་རང…

གུར་རིམ་བཅུ་གསུམ་གྱི་བར་མཚམས་ཚོར་ཁྲོ་བོས་གཏམ་པ་དང་དགོངས་པ་གཅིག་པས་གུར་རིམ་བརྒྱད་པོའི་བར་ཐམས་ཅད་ཁྲོ་བོ་དཀར་ནག་གི་སྲུང་བཟློག་མཛད་པར་བསམས་པ་མིག་གི་ཤོག་དྲིལ། གུར་ཁང་གཞལ་ཡས་ཆེན་པོའི་ནང་ཉིད་དུ་ཞེས་སོགས་ཤློ་ཀ་གཉིས་ཀྱིས་གཞལ་ཡས་ཁང་དང་གདན་བསྐྱེད་ལྷ་བསྒོམ་པ་ནི་བདག་ཉིད་སྐད་ཅིག་རྫུས་སྐྱེས་རྡོ་རྗེའི་སྐུ། །ཞེས་པ་ན…

མིག་བགྲད། །རལ་པ་ཁམ་ནག་སྲིད་པའི་རྩེ་མོར་བསྙེག །ཕྱག་གཡས་དང་པོ་རལ་གྲིས་དགྲ་སྲོག་གཅོད། །འོག་མ་ལྕགས་ཀྱུས་དགྲ་བགེགས་བླ་སྲོག་འགུགས། །གཡོན་གྱི་དང་པོ་ཐོད་ཁྲག་ཡབ་ལ་སྟོབ། །འོག་མ་ལྕགས་སྒྲོག་གནོད་བྱེད་བླ་སེམས་འཆིང་། །ཞབས་གཉིས་ཡབ་ཀྱི་ལྟེ་བར་འཁྲིལ་སྦྱོར་ཚུལ། །རང་འོད་ལས་བྱུང་སྦས་པའི་ཚུལ་དུ་གསལ། །ཞེས་པ་འཇུག་ཅིང་གདུག…

ཡིན། སྙིང་གར་རྡོ་རྗེ་དཀར་པོའི་ལྟེ་བ་རུ་ཞེས་སོགས་རྐང་པ་དང་པོ་གསུམ་གྱི་དོན། ཤོག་དྲིལ་ལས། རང་གི་ཙིཏྟ་དུ་ལས་བྱས་པ་ཟུར་གསུམ་རྣོ་བའི་ངར་དང་ལྡན་པ་སྲ་ཞིང་མཁྲེགས་པ། དེའི་རྒྱབ་ཏུ་རྡོ་རྗེ་ལྟེ་བ་གཅིག་པ་སྟེང་འོག་ཕྱོགས་མཚམས་ཐམས་ཅད་དུ་རྩེ་མོ་འབུར་ཐབས་སུ་ཡོད་པ། ནང་འཇམ་པ་མར་དཀར་གྱི་ཞལ་བ་བྱས་པ་ལྟ་བུའི་ནང་དུ་སངས་རྒྱས་…

ཐུགས་སྲོག་ཧཱུཾ་མཐིང་ནག །ཅེས་སོགས་ཚིག་རྐང་དྲུག་གི་དོན། ཤོག་དྲིལ་ལས། སྲུང་བ་དྲུག་པོའི་དབུས་སུ་དུས་གསུམ་གྱི་རྒྱལ་བ་ཐམས་ཅད་ཀྱི་ངོ་བོ་ཧཱུཾ་མཐིང་ནག །དེ་ནས་འཇམ་དཔལ་གྱི་ཐུགས་ཀྱི་ངོ་བོ་ཡ་དམར་ནག །བསྲུང་བྱ་ཐམས་ཅད་ཀྱི་ངོ་བོ་ནི་དམར་པོ་འོད་དང་བཅས་པ། དེ་གསུམ་གྱི་མཐར་སྲུང་སྔགས་ཀྱིས་བསྐོར་བར་བསམ་ཞིང་། དུས་གསུམ་སངས་ར…