སྒོར་ཞུགས་ནས། །ཉན་བཤད་བསྒྲུབ་དབང་མེད་པ་ཡིས། །རང་དབང་མེད་པར་གཞན་དབང་བསྐུར། །ནོང་པོ་སྡར་མ་གདོལ་པ་བཞིན། །ཐོ་ཆོ་བཀའ་གཞུང་ཉམས་པར་བྱེད། །བར་ཆོད་གནོད་པ་ལྕེར་རྨོད་ལྟུང་། །ད་ཡང་འདུས་པའི་སྙིང་པོ་ཉོན། །དུག་དང་གཉན་གསོད་མནའ་ཟ་ཞིང་། །སྐུ་གསུང་ཐུགས་ཀྱི་དམ་ཉམས་ན། །འབྲས་བུ་སྨྱོ་འབོགས་ལྐུགས་པ་དང་། །ཕྱི་མ་རྡོ་རྗེ་དམྱལ…

གཞི་གནས་བག་ཆགས་རྣམ་པ་བཞི། །ལྟུང་རྐྱེན་འཕྲལ་འབྱུང་བག་ཆགས་ལྔས། །རང་དབང་མེད་པར་མངལ་དུ་འཇུག །དེ་རྒྱུ་ཉོན་མོངས་རྣམ་གསུམ་གྱིས། །ཀུན་གཞི་རྣམ་གསུམ་སྡུག་བསྔལ་འབྱུང་། །ཐར་ལམ་མི་ཐོབ་སྐྱེ་ཞིང་འཆི། །ད་ཡང་འདུས་པའི་སྙིང་པོ་ཉོན། །སེམས་ཅན་ཀུན་ལ་གནས་པ་ཡི། །ཀུན་གཞི་འཁོར་བའི་གཞི་ཡིན་ཡང་། །ཆོས་ཀྱི་སྐུ་ཡི་གཞི་ཉིད་མིན། །ད…

ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། འཁྲུལ་པ་ལྡོག་པའི་ཐབས་བསྟན་པའི་ལེའུ་སྟེ་བཅུ་གཅིག་པའོ།། །།འཁོར་གྱི་སྙིང་པོས་ཡང་གསོལ་པ། །ངེས་པའི་དོན་དང་མཐུན་པ་ཡི། །ཕྱི་ནང་དུས་མཉམ་བལྟ་བ་གང་། །ཆོས་སྐུ་ཉམས་སུ་བླང་ཐབས་དང་། །རིགས་གསང་མཐུན་འཇུག་ལ་བཟླ་བའི། །ངེས་དོན་སྤྱད་པ་ཇི་ལྟར་སྤྱད། །མཉམ་པའི་…

རྣལ་འབྱོར་ཆོས་དབྱིངས་ལ། །འཁྲུལ་པའི་རྟོག་པས་གཞི་མི་འགྱུར། །རྩོལ་བའི་སེམས་ལས་དབྱིངས་མི་བསྐྱོད། །རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། ངེས་པ་དོན་གྱི་ལྟ་བ་བསྟན་པའི་ལེའུ་སྟེ་བཅུ་གཉིས་པའོ།། །།ད་ཡང་རྡོ་རྗེ་སེམས་དཔའ་ཉོན། །རང་སེམས་ཆོས་སྐུ་ངོ་སྤྲད་ན། །ལུས་ཅན་ཀུན་གཞི་གཞི་ཆ་ལ། །…

པས། །ཚོགས་དྲུག་འགགས་ཀྱང་ཆོས་སྐུར་གསལ། །བྱ་ན་པ་ཏིའི་མིག་ཞགས་འདྲ། །འཇིགས་པ་འགལ་འདོད་མི་བཞིན་དུ། །ཉམས་མེད་རིག་པའི་དོན་འདི་ལ། །ནད་གཅོད་སྡུག་བསྔལ་ཅི་བྱུང་ཡང་། །གདམས་ངག་དྲན་པ་གཅེས་པར་གསུངས། །སངས་རྒྱས་སེམས་ཅན་གཉིས་ཀའི་གོང་། །རྟོགས་དང་འཁྲུལ་པའི་བྱེ་བྲག་གིས། །མུ་བཞི་ཡ་བརྒྱད་གཅིག་ཏུ་ཤེས། །གོལ་ས་རྡུལ་ཙམ་མི་འབྱ…

བླ་མེད་གོ་འཕང་མཆོག་བརྙེས་པའི། །བླ་མ་དུས་གསུམ་སངས་རྒྱས་དཔལ། །དཀྱིལ་འཁོར་སྒོར་ཞུགས་འབྲལ་མེད་ལྷ། །མན་ངག་རྒྱུད་དོན་རང་རིག་ལྷ། །རྩོལ་མེད་རྣལ་འབྱོར་མཁའ་འགྲོ་ལ། །ལུས་ངག་ཡིད་ཀྱིས་ཕྱག་འཚལ་ཏེ། །དགོངས་པ་དོན་གྱིས་བརླབས་པའི་ཕྱིར། །ཆེད་དུ་རྩོལ་བ་མི་དགོས་ཏེ། །ཕྱི་ཡི་མཆོད་གཏོར་གཏོང་བའི་ཚེ། །བྱིན་བརླབ་དྲུག་དང་སྨོན་ལ…

ལུང་ལྡན་རྐྱེན་གྱི་གདམས་ངག་གིས། །འབྱུང་བཞིའི་ལུས་དང་འབྲལ་མེད་ཤེས། །འཁྲུལ་པ་ལོག་པའི་རྟགས་བརྒྱད་གཉིས། །དེ་ལྡན་རྣལ་འབྱོར་གང་ཡང་རུང་། །སངས་རྒྱས་སྲས་ལ་རྒྱལ་བའི་ཐུགས། །རིག་འཛིན་གདུང་འཚོབ་སྤྲུལ་པའི་སྐུ། །ཡོན་ཏན་ནམ་མཁའི་མཐའ་དང་མཉམ། །རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། མན་ངག…

རྟོགས་པ་གསུམ་དུ་འདུས། །གང་ཡང་ཡིད་ལ་མ་བྱས་ན། །གོལ་མེད་ཆོས་སྐུ་ཤུགས་ལ་གནས། །ད་ཡང་འདུས་པའི་སྙིང་པོ་ཉོན། །ཡང་དག་དོན་གྱི་ཉིང་ཁུའི་དོན། །ཡེ་ནས་ཆོས་སྐུ་འབྲལ་མེད་དོན། །ཉམས་ཀྱི་རིམ་པ་ལྔ་ལྡན་པས། །རྟགས་ཆེན་གསུམ་གཉིས་ཤུགས་ལས་འབྱུང་། །དེ་ཚེ་བདུད་ཀྱི་སྤྱོད་ཡུལ་ནི། །བཞི་གསུམ་དྲུག་འབྱུང་ཟིལ་གནོན་ན། །ངེས་པ་དོན་གྱི་ར…

ཀྱང་། །སེམས་ལ་གསལ་པོར་ཡོད་པའི་ཕྱིར། །རིག་པའི་ཡེ་ཤེས་ཆོས་ཉིད་མཐོང་། །དུས་གསུམ་དག་ཏུ་སྐྱེ་འགགས་མེད། །མཚན་མར་མཐོང་བ་ཅི་ཡང་མེད། །རིན་ཆེན་འདམ་ཁུང་སྟོར་གྱུར་ཀྱང་། །དེ་ཡི་ཡོན་ཏན་མཁའ་ལ་འབྱུང་། །དེ་བཞིན་རང་སེམས་ངོ་བོ་ཉིད། །མངལ་དུ་རང་སེམས་བྱིང་གྱུར་ཀྱང་། །རང་བྱུང་གདོད་ནས་རང་གསལ་ཕྱིར། །ཡེ་ཤེས་ཆེན་པོ་རྒྱུན་མི་ཆ…

སེམས་ཅན་བསམ་པའི་ཁྱད་པར་ལས། །ཡིད་བཞིན་དབང་པོ་གང་འཐད་སྟོན། །རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། ཡོན་ཏན་གྱི་གདུལ་བྱ་བསྟན་པའི་ལེའུ་སྟེ་ཉེར་གཉིས་པའོ།། །།དེ་ནས་ཀུན་རིག་རྒྱལ་པོ་ཡིས། །འདུས་པའི་འཁོར་ནི་རྣམ་བཞི་ལ། །ངེས་པའི་དགོས་ཆེད་བཀའ་སྩལ་པ། །རང་རང་རྟོགས་པ་འདིར་སྨྲོས་ཤིག །ད…

ཀྱི་མཆོག །ད་ཡང་འདུས་པའི་སྙིང་བོ་ཉོན། །རྒྱལ་སྲས་སྤྲུལ་པ་ད་ཉོན་ཅིག །རང་སེམས་འགྱུར་མེད་རིག་པ་གསལ། །རེ་དོགས་མེད་པར་ལམ་དུ་རྟོགས། །དེ་སྐད་ཅེས་ནི་གསོལ་པ་དང་། །ཐུགས་ལ་དགོངས་ནས་བཀའ་སྩལ་པ། །ཤེས་པ་བློ་ཡི་ཁྱད་པར་ལས། །ཚིག་ཏུ་མཚོན་པ་སྣ་ཚོགས་ཀྱང་། །དོན་ལ་དབྱེར་མེད་ངོ་བོ་གཅིག །སངས་རྒྱས་དགོངས་པ་ཁྱོད་ཀྱིས་རྟོགས། །རྫོ…

རྒྱ་གར་སྐད་དུ། མ་ཧཱ་སནྟི་དྲྀཥྚཱ་ཏི་གརྦྷ། སརྦ་བུདྡྷཱ་ཤ་ཡ། ག་ག་ནོརྨྨི་བི་པུ་ལ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ལྟ་བའི་ཡང་སྙིང་། སངས་རྒྱས་ཐམས་ཅད་ཀྱི་དགོངས་པ། ནམ་མཁའ་ཀློང་ཡངས་ཀྱི་རྒྱུད་ཅེས་བྱ་བ། བཅོམ་ལྡན་འདས་རང་བྱུང་ངོ་བོ་ཉིད་ཀྱི་སྐུ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། །…

ཐུགས་དམ་དབང་གིས་བཞེངས་སུ་གསོལ། །དེ་སྐད་བསྐུལ་བ་མཁྱེན་གྱུར་ནས། །ངོ་བོ་ཉིད་ལས་གཟུགས་སྐུར་བཞེངས། །གཟུགས་སྐུ་རོལ་པའི་མཛད་སྤྱོད་ཀྱིས། །འོད་ཟེར་སྤྲོས་པས་ནམ་མཁའ་ཁྱབ། །ཐམས་ཅད་ཀུན་ཏུ་སྣང་མཛད་པས། །འཁོར་རྣམས་ངོ་མཚར་དུ་གྱུར་ནས། །རྩེ་གཅིག་ལུས་ངག་ཡིད་ཀྱིས་ཀྱང་། །རྣལ་འབྱོར་ཚོགས་ཀྱིས་ཕྱག་འཚལ་ནས། །བདེན་པའི་ཡིད་ཀྱིས་…

བཀའ་སྩལ་གསུངས་མ་ཐག །འཁོར་རྣམས་མ་དགའ་ཡིད་འདྲོགས་ཏེ། །དོན་ལ་ཐེ་ཚོམ་ཟ་གྱུར་ཏེ། །མྱ་ངན་ཡིད་ཀྱིས་ཟིན་གྱུར་ནས། །འཇིག་རྟེན་ཀུན་འགུལ་རབ་ཏུ་གཡོས། །ལྷ་མི་མི་མ་ཡིན་ལ་སོགས། །ཀུན་ཀྱང་སྐྲག་ཅིང་ཡ་ངར་གྱུར། །དེ་ནས་རྡོ་རྗེ་སེམས་དཔའ་ཡི། །ཐུགས་ཀྱིས་གཟིགས་ནས་དོན་རིག་པ། །འཁོར་རྣམས་ཞི་གནས་བསམ་གཏན་ལ། །ཞེན་པ་གསལ་བར་ཡིད་གཟིག…

བར། །རང་བཟོ་ཁ་ཚབས་བསྲེས་པ་ལ། །ཡིད་ཆེས་བྱེད་ཅིང་དམ་པར་འཛིན། །ལྟ་དམན་རྣམས་ཀྱི་ངོ་སྲུང་བྱེད། །དེ་ལྟ་བུ་ཡི་དུས་བྱུང་ཚེ། །དོན་བསྟན་སྐད་ཅིག་དེ་ཉིད་ལ། །རྒྱུད་ལུང་སངས་རྒྱས་སྐྲག་ཅིང་དངངས། །ཉན་ཐོས་མདོ་སྡེ་བརྒྱལ་ཅིང་འབོག །ལྷ་དང་ལྷ་མིན་སྲིན་པོའི་ཚོགས། །སྒྲོ་སྐུར་འདོགས་པའི་གང་ཟག་རྣམས། །གཏན་དུ་དམྱལ་བ་ཆེན་པོར་ལྟུང…

ཤུགས་ལ་འཆང་། །གོལ་མེད་ཡེ་ཤེས་ཆོས་ཉིད་ཀློང་། །ཐུགས་ཀྱི་འོད་ཟེར་སྟོང་གི་ཆ། །ཕྱོགས་བཅུ་ཀུན་ཏུ་རབ་སྤྲོས་པས། །འཁོར་རྣམས་སེམས་ལ་དོན་ཤར་ནས། །ཞི་གནས་ལ་ནི་ལྷག་མཐོང་དུ། །རྡུལ་ཙམ་དུ་ཡང་མ་བསྒོམས་པར། །ཕྲ་མོ་ཆ་ཙམ་རྟོགས་གྱུར་ནས། །དགའ་བའི་ཡིད་ཀྱིས་དོན་བསྟོད་པ། །འཁོར་བའི་ནད་འབྱིན་སྨན་པའི་མཆོག །རབ་མེད་སྒྲོལ་བ་ཆོས་ཀྱི…

པ་བཤད་དུ་གསོལ། །ཀུན་རིག་རྒྱལ་པོས་བཀའ་སྩལ་པ། །ཁྱོད་ཀྱིས་ཞུས་པ་ངས་བཤད་ཉོན། །ང་ཡི་ཡེ་ཤེས་ལྷུན་གྲུབ་ལ། །རེ་ཞིག་མོས་པ་དྲང་བའི་ཕྱིར། །སྤྱི་ཡི་མཚན་ཉིད་རྟོགས་པའི་ཐབས། །བརྡའ་ཙམ་མཚོན་ནས་ཞེན་གྲོལ་བའི། །རང་དོན་སེམས་ཀྱི་མོས་པ་ཡིས། །ཐེག་པ་ཀུན་ལ་ཐོས་བསམ་གནས། །དབེན་པའི་དགོན་པར་གང་བསྒོམ་པ། །རང་སེམས་དམུ་རྒོད་སྟོང་ཁམས…

རྣམས། །བཀའ་དང་མཐུན་པར་དོན་གོ་ནས། །རྡུལ་ཙམ་དུ་ཡང་མ་བསྒོམས་ཀྱང་། །སངས་རྒྱས་ས་ལ་སྨོས་ཅི་དགོས། །དེ་ཚེ་དད་ལྡན་འདི་ལ་འཇུག །འཁོར་འདས་མ་རེག་ཆོས་སྐུའི་དོན། །ལས་ཅན་ཀུན་ཀྱི་རྟོགས་དོན་ཆོས། །མན་ངག་རྫོགས་ཆེན་བསྟན་པ་འབྱུང་། །དེ་ཚེ་ང་ཡི་འཁོར་རྣམས་ཀྱིས། །ངེས་དོན་ལྟ་བ་འཆད་པ་ལ། །ལྟ་དམན་ཚུལ་འཆོས་སྡེ་པ་ནི། །སྔགས་པར་ཁས་འ…

ལེགས་བཞིན། །དོན་ལ་བརྩོན་འགྲུས་ཤིན་ཏུ་ཆེ། །དེ་ནི་སྣོད་ཀྱི་དམ་པའི་མཆོག །མན་ངག་ཡང་སྙིང་རྫོགས་པར་བསྟན། །དེ་དོན་ཤིན་ཏུ་བཙལ་དཀའི་ཕྱིར། །སྣོད་ལ་བརྟག་པ་ཤིན་ཏུ་གཅེས། །བཀའ་དང་མཐུན་པའི་དོན་འགྲུབ་ཕྱིར། །མ་བརྟགས་རང་འདོད་ཆོས་མི་འཆད། །རྫོགས་པ་ཆེན་པོ་ལྟ་བ་ཐམས་ཅད་ཀྱི་ཡང་སྙིང་། སངས་རྒྱས་ཐམས་ཅད་ཀྱི་དགོངས་པ། ནམ་མཁའ་ཀློ…

བར་ཞལ་གྱིས་བཞེས་པའི་ལེའུ་སྟེ་གཉིས་པའོ།། །།དེ་ནས་ཀུན་རིག་རྒྱལ་པོ་ཡིས། །དད་ལྡན་འདུས་པའི་འཁོར་རྣམས་ལ། །སེམས་ཀྱི་རྟོག་པ་བསལ་བའི་ཕྱིར། །ཆེད་དུ་བརྗོད་པའི་དོན་གསུངས་པ། །འཁོར་འདས་གཉིས་ཀྱི་གཞིར་གྱུར་པ། །ངོ་བོ་ཉིད་ཀྱི་སྐུ་མཆོག་ནི། །རང་བྱུང་ཡིན་ཕྱིར་ཐོག་མཐའ་མེད། །འདུས་མ་བྱས་ཀྱི་ནམ་མཁའ་འདྲ། །དེ་ཡང་འདུས་པའི་སྙིང…