གང་བསྒྲུབ་འདི་སྐབས་སྦྱར། །རླུང་སྩོགས་འབྱུང་བཞིའི་ལས་བཅོལ་འགྲུབ། །དཔེར་ན་ནོར་བུ་རིན་ཆེན་འདྲ། །འདི་ནི་གསང་བའི་འཁྲུལ་འཁོར་ཡིན། །ཞེས་བཀའ་སྩལ་ཏོ། །དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། བསད་མནན་རླུང་འཁོར་ཡོངས་རྫོགས་ཀྱི་ལེའུ་སྟེ་སོ་བརྒྱད་པའོ།། །།དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ…

སྲོག་སྔགས་བགྲང་། །དེ་ཚེ་དཔལ་བྱོན་ལུང་ཡང་སྟོན། །ནུས་པའི་རྩལ་རྫོགས་ལྷ་རྣམས་འཁོར། །སྲོག་སྙིང་བསྙེན་རྫོགས་གཟེར་མེད་ན། །ལྷ་དང་དམ་ཅན་འཁོར་མི་སྲིད། །དགོངས་པའི་གཟེར་ནི་ཞི་ཁྲོའི་ལྷ། །ཡོངས་རྫོགས་དཔལ་ཆེན་རང་སེམས་ལས། །གུད་ན་མེད་ཅིང་རུ་དྲ་ཡང་། །ལོགས་ན་མེད་དོ་རང་གི་སེམས། །སེམས་ཉིད་སྟོང་པ་ཆོས་ཀྱི་སྐུ། །གསལ་ལ་མ་འགག…

ཀྱི་བཟོ་མི་བཏུབ། །དེ་ཕྱིར་ལྷ་འདྲེ་གཅིག་བསྒྲུབ་ན། །ཁ་སྒྱུར་གང་ལ་ཞུགས་ཀྱང་གྲུབ། །དང་པོ་ཚེ་སྲིང་ཁ་སྒྱུར་ནི། །ཡེ་ཤེས་འཇིག་རྟེན་གང་ཡང་རུང་། །དེ་ཡི་བསྙེན་བསྒྲུབ་ཡོངས་རྫོགས་ནས། །དེ་ཉིད་གཞུང་བསྲང་མཐུན་རྫས་བཤམ། །ཁྱད་པར་བྷནྡྷ་མཚན་ལྡན་དུ། །ཚེ་ཆང་ཚེ་མར་རི་ལུ་བླུག །ཁ་ནི་ཚེ་ཟན་ཟླུམ་པོས་བཅད། །དེ་ལ་གཟུངས་ཐག་བཏགས་བྱ…

འུག་པ་སྨུག་པོའི་མིག །བྱི་ལའི་མིག་དང་ལུང་ཐང་དང་། །དེ་རྣམས་ར་དཀར་འོ་མས་སྦྲུ། །སྲོག་སྙིང་རྩ་བའི་སྔགས་དེ་དང་། །རྣོ་མཐོང་རྩ་བའི་སྔགས་སྦྲེལ་བཟླས། །ཨོཾ་མ་དྷ་མ་དྷ་ལ། ཙཀྵུ་ཙཀྵུ་པྲ་བེ་ཤ་ཕཊ། རྫས་དེ་མིག་ལ་བྱུགས་པ་ན། །སྲིད་པ་གསུམ་ཡང་མཐོང་བར་འགྱུར། །འབྱུང་པོ་འདུལ་བྱེད་ཁ་སྒྱུར་ནི། །ཡེ་ཤེས་འཇིག་རྟེན་གང་ཡང་རུང་། །དེ…

གསོལ་བྱ། །མི་དང་ནོར་འཕེལ་གོད་བསྲུང་འགྱུར། །སྦྱོར་བ་ནག་པོའི་ཁ་སྒྱུར་ནི། །ཡེ་ཤེས་འཇིག་རྟེན་གང་ཡང་རུང་། །དེ་ཡི་བསྙེན་བསྒྲུབ་ཡོངས་རྫོགས་ནས། །འདི་ཉིད་གཞུང་བསྲང་མཐུན་རྫས་བཤམ། །ཁྱད་པར་སྔགས་འདིས་རྒྱུན་ཏུ་བསྲུང་། །ཡང་སྙིང་རྩ་བའི་རྒྱུན་རྗེས་ལ། །དུག་འཇོམས་གསང་སྔགས་འདི་བརྒྱ་བཟླས། །ཨོཾ་བྷི་ཤ་གྷོ་ལིར་མི་ཡ་ཨུ་པེ་ས…

རྫོགས་ནས། །དེ་ཡི་གཞུང་བསྲང་མཐུན་རྫས་བཤམ། །ཁྱད་པར་འཕྱིང་དཀར་རས་དཀར་སྟེང་། །ནས་ཀྱི་གཡུང་དྲུང་བྲིས་བྱས་ནས། །པྲ་རྟེན་ཁྱེའུ་བུ་མོར་རུང་། །ཡུལ་ཆོས་མ་གོས་གཙང་མ་བཞག །སྲོག་སྙིང་རྩ་བའི་སྔགས་དེ་ལ། །པྲ་དབབ་སྔགས་འདི་སྦྲེལ་ལ་བཟླས། །མུ་ཤྲི་ཀུ་ཤྲི་པྲ་མ་དན་ཏི་བྷ་ག་སིདྡྷི་གྷར་ཁུག །ངའི་བུ་མོ་དགར་ཆུག་ཁོའི་བུ་མོ་སྨྱོར་ཆ…

བསྒྲུབ། །ཐེབས་དུས་ཐུན་དེ་དགྲ་ཡུལ་གཏོར། །སྐྱིན་ཐང་ཁྲག་ཏུ་འབབ་པར་འགྱུར། །གནམ་ལྕགས་ཐོག་འབེབས་ཁ་སྒྱུར་ནི། །ཡེ་ཤེས་འཇིག་རྟེན་གང་ཡང་རུང་། །དེ་ཡི་བསྙེན་བསྒྲུབ་ཡོངས་རྫོགས་ནས། །དེ་ཉིད་གཞུང་བསྲང་མཐུན་རྫས་བཤམ། །ཁྱད་པར་གསེར་དངུལ་ཐིག་པོ་དང་། །ཐོག་མདེ་ཉུང་དཀར་ཐུན་ལ་བྱ། །སྲོག་སྙིང་རྩ་བའི་སྔགས་དེ་དང་། །ཐོག་གི་དྲག་ས…

བསྙེན་བསྒྲུབ་ཡོངས་རྫོགས་ནས། །དེ་ཉིད་གཞུང་བསྲང་མཐུན་རྫས་བཤམ། །ཁྱད་པར་ཁྱི་ཕག་སྤྱང་ཐོད་དང་། །ཤ་ཟན་བྱ་ཡི་མཆུ་སྡེར་དང་། །རབས་ཆད་ནག་པོའི་ཐོད་པ་ལ། །དྲག་པོའི་མིང་རུས་ཡུལ་མཁར་དང་། །ནོར་རྫས་ཆེ་བྲན་ཐམས་ཅད་བྲུབ། །སྲོག་སྙིང་རྩ་བའི་སྔགས་དེ་ལ། །སེལ་སྔགས་འཕུང་བྱེད་འདི་སྦྲེལ་བཟླས། །ཙཀྲ་རཀྵ་ཚལ་པ་ཀྱི་ཁྱེར།རྩད་ཆོད་དྲུང…

གི་མལ་འོག་གྲུ་གསུམ་ནང་། །ཉ་བོ་དུག་ཁྲག་བྱུགས་ལ་བཞག །དོང་ཁ་རྒྱ་གྲམ་གཡམ་པས་བཅད། །དེ་སྟེང་རང་ཉིད་ལྷར་གསལ་འདུག །སྲོག་སྙིང་རྩ་བའི་སྔགས་དེ་ལ། །རྦོད་གཏོང་ཟློག་སྔགས་འདི་སྦྲེལ་བཟླས། །པ་ར་ཙཀྲ་ཧྲཱྀཿཤྟྲཱི་ཨ་པ་ན་ཡ། ཆེ་གེ་མོའི་རྦོད་ཟོར་སརྦ་བཟློག་བཟློག་ཡ་ཡ། བརྒྱ་རྩ་བརྒྱད་བཟླས་ལ་གཅིག་ཐུབ། །སྟོང་རྩ་བརྒྱད་ཀྱིས་དེ་ཐུབ་…

བསྲང་མཐུན་རྫས་བཤམ། །ཁྱད་པར་དམ་སྲི་མོ་ཡི་གཟུགས། །ལིངྒ་མིང་རུས་ལྡན་བྲིས་ནས། །རབས་ཆད་ཐོད་པའི་ཨག་ཙེར་བྲུབ། །སྲོག་སྙིང་རྩ་བའི་སྔགས་དེ་དང་། །དམ་སྲི་མནན་པའི་སྔགས་འདི་སྦྲེལ། །དགྲ་བགེགས་དམ་སྲི་ནྲྀ་ཏྲི་རྦད་ཐུམ། དྷ་ར་ཡ་དྷ་ར་ཡ། མཱ་ར་ཡ་མཱ་ར་ཡ་ནན། མཆོད་རྟེན་རྙིང་པའི་འོག་ཏུ་མནན། །དམ་སྲིའི་བར་ཆོད་རྒྱུན་ཆོད་འགྱུར། །…

ཁ་དོག །རྐྱེན་མེད་སྔར་བས་ཉམས་འགྱུར་དང་། །དྲི་ལོག་དྲི་མི་ཚོར་ཡང་རུང་། །མེ་མར་ཤི་དྲི་མི་ཚོར་འཆི། །མིག་བཙིར་འོད་མེད་རྣ་འབྲུག་མེད། །སྤྱི་བོའི་ཚ་འགྲིབ་ཞག་བདུན་ཡོལ། །སྲིན་ལག་ས་ནས་ཐེགས་ན་འཆི། །རྐྱེན་མེད་གློ་བུར་དུག་ལྔ་རགས། །ཆོས་བརྒྱད་ལྷག་པར་སྲེད་པ་དང་། །གར་བསྡད་སུ་དང་འགྲོགས་སྐྱོ་ཞིང་། །སྔར་དང་སྤྱོད་ལམ་གོ་ལོ…

ན་རུ་ཤམ་པ་འདུས་སརྦ་ཨ་ཡ་ཤ །གྷ་ཚ་གྷ་ཚ་ཕཊ། ཨ་ཀ་ནི་ནི་ཀ་ནི། ཨ་བྱི་ལམ་དྷ་ལི་མ་དྷ་ལི་ཡེ་སྭཱ་ཧཱ། བརྒྱའམ་སྟོང་དུ་བཟླས་ནས་ཀྱང་། །ལྷ་སྲིན་ཀུན་ལ་མིང་གིས་མཆོད། །རང་གི་ལོ་སྤར་དུས་ཀེག་ལ། །འདྲེ་ལྔ་སྡོད་པའི་ཕྱོགས་སུ་བསྐྱལ། །དེ་ལྟར་བྱས་ན་ཚེ་ཟད་ཀྱང་། །ལོ་གསུམ་ཤོལ་གྱིས་ཐེབས་པ་ཡིན། །དུས་མིན་འཆི་བསླུ་སྨོས་ཅི་དགོས། །ལུས་…

ནས་ཀྱང་། །སྔར་བཞིན་རླུང་འབྱིན་རིག་ཧཱུཾ་བསྡིམ། །དེ་འགྲུབ་བརྟན་ན་གྲོང་འཇུག་སྟེ། །རིགས་བཟང་རིག་གསལ་ན་གཞོན་ལ། །ནད་ངན་གྲི་ལྔར་མ་ཤི་བའི། །ཞག་གསུམ་ཚུན་ཆད་ཤི་རོ་བླང་། །དྲི་བཟངས་ཀྱིས་བཀྲུས་བརྒྱན་རྣམས་གདགས། །དཀྱིལ་འཁོར་དབུས་བཞག་ཚོགས་གཏོར་བྱ། །བགེགས་བསྐྲད་གསོལ་གདབ་འདུན་པ་གཞུག །ཉམས་ཅན་མཆེད་ཀྱིས་རོ་དེ་གཟུང་། །སྣ…

ཞེས་གསོལ་སྟོན་པས་བཀའ་སྩལ་པ། །བདུད་རྣམས་ཀུན་འཇོམས་ཡོན་ཏན་ལྡན། །བདེ་བར་གཤེགས་པའི་ཚུལ་བརྗོད་ན། །གཟུང་འཛིན་ཉོན་མོངས་མི་གནས་བདེ། །འབྲས་བུ་སར་གཤེགས་བདེ་བར་གཤེགས། །ཐམས་ཅད་ཀུན་ཁྱབ་སྐྱེ་འགག་མེད། །གཉིས་མེད་སྐུ་གསུང་ཐུགས་ཡིན་ཏེ། །གབ་སྦས་ངེས་གསང་དེས་ཤེས་ཤིང་། །མུ་བཞི་མཉམ་གྲོལ་སྙིང་པོའི་དོན། །སྤྲོས་དང་སྤྲོས་མེད་…

ཡོངས་སུ་རྫོགས་པར་བསྟན། །དགོས་ཆེད་དང་སྦྱར་མཚན་དོན་ནི། །བདུད་བཅོམ་དཔལ་ལྡན་སྐྱོན་གྲོལ་བས། །བཅོམ་ལྡན་གྲོལ་རྒྱུད་ཅེས་ཀྱང་བྱ། །ལམ་བདེ་འབྲས་བུའི་སར་གཤེགས་པས། །བདེ་གཤེགས་འདུས་པའི་རྒྱུད་དུ་གསུངས། །སྣང་སྟོང་གཉིས་མེད་གཉིས་སྣང་སྟོན། །སྐུ་གསུང་ཐུགས་ཀྱི་རྒྱུད་ཅེས་བྱ། །གབ་སྦས་སྤྲོས་བྲལ་དོན་གསལ་བས། །སྤྲོས་བྲལ་དོན་ག…

ཡོན་ཏན་སྣ་ཚོགས་འགྲོ་བ་འདུལ། །ཆེ་མཆོག་ཡབ་ཡུམ་རོལ་པའི་སྐུ་ལ་ཕྱག་འཚལ་བསྟོད། །ཧཱུཾ་ཆེ་མཆོག་སྐུ་ནི་གཤིན་རྗེ་གཤེད། །ཆེ་མཆོག་གསུང་ནི་རྟ་མགྲིན་དབང་། །ཆེ་མཆོག་ཐུགས་ནི་དཔལ་རྡོ་རྗེ། །ཆེ་མཆོག་ཡོན་ཏན་ཡོངས་རྫོགས་ཉིད། །ཆེ་མཆོག་ཕྲིན་ལས་ཀི་ལ་ཡཱ། །ཆེ་མཆོག་རྦོད་གཏོང་མ་མོའི་གཙོ། །ཆེ་མཆོག་རིག་འཛིན་ཐོད་པ་རྩལ། །ཆེ་མཆོག་ཕོ…

གླུ་བྲོ་འཁོར་གཉིས་བར་པ་ཡིས། །གཟུགས་ཁམས་བཅུ་བདུན་ཟིལ་གྱིས་གནོན། །གླུ་བྲོ་འཁོར་གསུམ་ཐ་མ་ཡིས། །འདོད་ཁམས་ཉི་ཤུ་ཟིལ་གྱིས་གནོན། །རྡོ་རྗེ་ཟིལ་གནོན་གླུ་བྲོ་ཡིས། །ལྷ་སྲིན་སྡེ་བརྒྱད་དབང་དུ་སྡུད། །དྲེགས་པའི་ཚོགས་རྣམས་འབུབ་ཅིང་རྒྱལ། །རྡོ་རྗེའི་འགྲོས་སྟབས་ཆེམས་སེ་ཆེམ། །ཁྲོ་བོའི་གར་སྟབས་ལོག་གེ་ལོག །བྲོ་ནི་དྲེགས་པ…

ཟླ་གསང་ནག་པོ་དྲེགས་པ་ཚར་གཅོད། རྒྱ་གར་སྐད་དུ། ཤྲཱི་ཙནྡྲ་གུ་ཧྱ་ཀཱ་ལ་ཏནྟྲ། བོད་སྐད་དུ། དཔལ་ཟླ་གསང་ནག་པོའི་རྒྱུད། འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མཱནྟ་ཀ །ལྷོ་ཕྱོགས་གཤིན་རྗེའི་གནས་དུར་ཁྲོད་ཆེན་པོ་གཏུམ་དྲག་ཚལ་ཞེས་བྱ་བ་ན། རྒྱ་ཁྱ…

པ་དང་། གཏུབ་ཅིང་འཚེད་པ་དང་། རོ་ལ་ལོངས་སྤྱོད་ཆེར་སྤྱོད་པ་དང་། དུར་ཁྲོད་ཀྱི་བཙས་པ་མནམ་པ་དང་། ཁྲག་དང་། རྣག་དང་། ཆུ་སེར་འཛག་པ་དང་། མི་གཙང་བ་འཛག་པ་དང་། དེ་ལྟ་བུའི་གནས་དེ་ན་སྟག་དང་། གཟིག་དང་། དོམ་དང་། དྲེད་དང་། བྱ་རོག་དང་། ཀང་ཀ་མཆུ་རིང་དང་། བྱན་ལག་གཤོག་རྡེབས་དང་། སྤྱང་ཀི་རྫི་རྣོན་དང་། ཅེ་སྤྱང་རོ་རྔམ་ཁྲ་དང…

ལ་སོགས་ཀླུ་ཡི་འཁོར་སྡེ་དང་། །ཡཀྴ་མགོ་དགུ་ལ་སོགས་གནོད་སྦྱིན་འཁོར་སྡེ་དང་། །སྟོང་གསུམ་ཀུན་ཉུལ་སྲིད་པ་ཁྲམ་འདེབས་ལ་སོགས་མ་མོའི་འཁོར་སྡེ་དང་། །ཧ་ནུ་བག་ཤ་ལ་སོགས་བདུད་ཀྱི་འཁོར་སྡེ་དང་། །ཤུ་བོ་སྲོག་ལེན་ལ་སོགས་བཙན་གྱི་འཁོར་སྡེ་དང་། །དཀར་པོ་སྙིང་འབྱིན་ལ་སོགས་སྲོག་བདག་འཁོར་སྡེ་དང་། །གཞན་ཡང་ལྷ་སྲིན་སྡེ་བརྒྱད་རང…