མེད་པས། །སེམས་ཙམ་ལྟ་བ་མ་ལུས་རྫོགས། །བདེན་གཉིས་ཁ་ཚོན་བཅད་དུ་མེད། །དབུ་མའི་ལྟ་བ་མ་ལུས་རྫོགས། །ཕྱི་རྒྱུད་སྡེ་གསུམ་རྫོགས་ལུགས་ནི། །ཕྱི་ལྟར་སྣང་བའི་རྣམ་པ་ལ། །ཕྱི་དག་ནང་དག་རྫས་དག་ལས། །ཀྲི་ཡའི་ལྟ་བ་མ་ལུས་རྫོགས། །མར་སྤྱོད་ཡར་བལྟའི་རྩིས་གདབ་མེད། །ཨུ་པ་ཡ་ཡི་ལྟ་བ་རྫོགས། །འདི་ལྟར་སྣང་བའི་ཡུལ་རྣམས་ལ། །ཆོ་འཕྲུལ་ལ…

ཅད་རྫོགས། །ལྟ་སྒོམ་སྤྱོད་འབྲས་སྐུ་དང་ཡེ་ཤེས་རྫོགས། །ས་ལམ་ཡེ་ཤེས་ཕྲ་རགས་མན་ངག་རྫོགས། །རྒྱུད་ལུང་མན་ངག་དམ་ཚིག་སྡོམ་པ་རྫོགས། །ལམ་ལྔ་ས་བཅུ་ཕ་རོལ་ཕྱིན་བཅུ་རྫོགས། །ཐམས་ཅད་རྫོགས་པའི་སྤྱི་ཏི་ཡོ་ག་ཡིན། །ལྷག་མ་མེད་པར་ཡོངས་སུ་རྫོགས། །འགྱུ་བ་མ་ཡིན་དྲང་པོར་རྫོགས། །ཞེས་གསུངས་སོ། །ཉི་ཟླ་འབར་བའི་རྒྱུད་ལས། རྫོགས་ལུག…

པ་འོད་གསལ་དམིགས་པ་མེད། །སྤྱོད་པ་བྱར་མེད་ཆགས་སྡང་མེད། །འབྲས་བུ་ཀ་དག་ཡིད་སྨོན་མེད། །གནད་གཅིག་གིས་ནི་གནད་རྣམས་ཐམས་ཅད་གྲོལ། །དོན་གཅིག་གིས་ནི་དོན་རྣམས་ཐམས་ཅད་གཏན་ལ་འབེབས། །བརྡའ་གཅིག་གིས་ནི་བརྡའ་རྣམས་ཐམས་ཅད་གྲོལ། །ཚིག་གཅིག་ཤེས་པས་ཐ་སྙད་མ་ལུས་ཤེས། །ཐེག་པ་གཅིག་གི་སྒོར་ཞུགས་རྟོགས་པ་ཡིས། །བརྒྱད་ཁྲི་བཞི་སྟོང་ར…

ཐེག་པ་སྤྱི་འགྲེལ་སྤྱི་ཏི་ཡོ་གའི་རྒྱུད། །ཆོས་སྒོ་བརྒྱད་ཁྲི་བཞི་སྟོང་གཉའ་གཅོག་པས། །རྫོགས་ཆེན་རྒྱལ་པོ་སྤྱི་ཏི་ཡོ་གར་ཟུང་། །ཐེག་པ་རྣམས་ཀྱི་དགུ་རྩེ་སྤྱི་རྒྱལ་འདི། །བློ་ཆེ་བློ་ཡངས་བློ་ཟབ་བློ་རྣོ་བ། །དད་མོས་བརྩོན་ལྡན་མ་ཆགས་སེར་སྣ་མེད། །ཉོན་མོངས་ཆུང་ཞིང་བྱང་ཆུབ་སྒྲུབ་ལ་གཏད། །དྲེགས་ཤིང་མཁས་འདོད་མུ་ཅོར་སྨྲ་བ་…

རྒྱ་གར་སྐད་དུ། སརྦ་བུདྡྷཱ་྅་ཤཱ་ཡ་སུ་ར་སཾ་གྲ་ཧ་གི་རི་ཀུ་ཊ་ཏནྟྲ། བོད་སྐད་དུ། སངས་རྒྱས་ཀུན་གྱི་དགོངས་པའི་བཅུད་བསྡུས་རི་བོ་བརྩེགས་པའི་རྒྱུད། དམ་པ་དང་པོའི་སངས་རྒྱས་ཀ་དག་རྣམ་པར་སྣང་བའི་སྐུ་ལ་ཕྱག་འཚལ་ལོ། །འདི་སྐད་བདག་གིས་རྟོགས་ཤིང་བཤད་པའི་དུས་གཅིག་ན། ཀུན་གཞི་མཁའ་ཀློང་རྣམ་པར་དག་པའི་གནས། རིན་པོ་ཆེ་འོད་སྣ་ཚོག…

འཕྲོ་འདུ་དང་འཕེལ་འགྲིབ་མེད་པའི་གནས་སོ། །གནས་དེ་ན་ཡེ་ཐོག་མའི་སངས་རྒྱས། ཀ་དག་དངོས་མེད་ཟང་ཀ་མི་སྣང་གསལ་བའི་རང་བཞིན་དུ་བཞུགས་སོ། །སྟོན་པ་དེ་ཉིད་ལས་མི་གཞན་རང་བྱུང་རང་དྭངས་ཀྱི་འཁོར་ལ། ཆོས་ཀྱི་དབྱིངས་ཀྱི་བསྟན་པ། ཡེ་མེད་མཚོན་མེད་བློ་འདས་ཐ་སྙད་མིང་ལས་འདས་པའི་ཐེག་པ། ངག་ཏུ་མི་གསུང་བྱིན་གྱིས་རླབས་ཀྱིས་གསུངས་སོ།…

རྗེས་འཇུག་ཕུན་སུམ་ཚོགས་པ་ལྔའོ། །དེའི་གདུང་གསོབ་ཕུན་སུམ་ཚོགས་པ་ལྔ་ནི། ཨུ་རྒྱན་གནས་སུ་དགའ་རབ་རྡོ་རྗེ་ཡིས། །འཇམ་དཔལ་བཤེས་གཉེན་ལ་སོགས་འཁོར་རྣམས་ལ། །རྒྱུད་སྡེ་སྤྱི་བཤད་རིག་འཛིན་རིག་པས་བརྒྱུད། །གདུང་གསོབ་ཕུན་སུམ་ཚོགས་པ་ལྔའོ། །ཡེ་ཐོག་སྟོན་པའི་རྗེས་འཇུག་གདུང་འཚོབ་པའོ། །དམ་པ་དང་པོའི་རྗེས་འཇུག་གདུང་འཚོབ་ནི། །…

ཡབ་ཡུམ་ལོངས་སྤྱོད་རྫོགས་པའི་འཁོར། །རིགས་དྲུག་སྡེ་བརྒྱད་འདོད་འདུས་སྤྲུལ་སྐུའི་འཁོར། །རང་རྒྱུད་འདྲེལ་དང་དོན་གྱིས་གཅིག །འདོད་པས་བསྡུས་པའི་འཁོར་རྣམས་ནི། །འཁོར་ནི་ཕུན་སུམ་ཚོགས་པར་བཤད། །ཆོས་དབྱིངས་རྣམ་པར་དག་པ་ཆོས་སྐུའི་གནས། །ཁྱད་པར་འོག་མིན་ལོངས་སྤྱོད་རྫོགས་པའི་གནས། །ཁང་བཟང་སྤྲུལ་པ་སྐུ་ཡི་གནས། །ཐམས་ཅད་སྡུད…

བརྡའ་ཡིས་ཇི་ལྟར་བཤད། །མ་བསྒྲུབས་འབྲས་བུ་ཇི་ལྟར་འཐོབ། །ཐེག་དགུའི་བལྟ་བསྒོམ་ཇི་ལྟར་ལགས། །དེ་ལས་སྤྱི་ཏི་གང་གིས་སྤགས། །སྤྱི་ཏི་ཡོ་གའི་དོན་རྟོགས་ནས། །གོལ་སྒྲིབ་འཁྲུལ་པ་ཡོད་དམ་མེད། །ཤེས་མེད་བློ་འདས་ལ་ཆེན་གང་དུ་བཟླ། །འཁོར་གྱིས་དོན་དྲིས་བཅོ་བརྒྱད་པོ། །སྟོན་པས་འཁོར་ལ་གནང་བར་ཞུ། །ཤིན་ཏུ་ཟབ་པར་བཀའ་སྩོལ་ཅིག །ཅེ…

བསམ་པ་མཁྱེན་མཆོག་གིས། །བསམ་པའི་ཁྱད་པར་ཇི་བཞིན་དུ། །བློ་དང་གང་མཐུན་ཐེག་པ་ཡིས། །བླ་མེད་འབྲས་བུ་ཐོབ་བྱའི་ཕྱིར། །སེམས་ཅན་རྣམས་དང་མོས་ཚོགས་འཁོར། །བྱང་ཆུབ་རང་ཆས་སངས་རྒྱས་གཅེར་མཐོང་བཤད། །འཁོར་རྣམས་མ་ཡེངས་གུས་པས་ཉོན། །ཨ་ཨ་ཏིཥྛ་བྷོ་ཡེ་དྷརྨ་དྷཱ་ཏུ་ཧྲྀ་ད་ཡ་མ་ཧཱ་སུ་ཁ་ཧོ། བྷ་ཏ་དྷརྨ་སརྦ་དྷཱ་ཏུ་ཐུ་ལ་ཧྲྀ་ད་ཡ་ཨ། སྔོ…

ཀ་དག་ངང་ལ་བྱེ་བྲག་མེད་ན་ཡང་། །རྩལ་གྱི་རིག་པ་བཤད་ཀྱིས་ཉོན། །སངས་རྒྱས་སེམས་ཅན་འཁོར་འདས་གཞི། །ཁྱབ་གཞི་གཡོ་གཞི་འབྱུང་གཞི་ནི། །ཀུན་གཞི་མཁའ་ཀློང་བརྡལ་ཁྱབ་ནི། །སངས་རྒྱས་སེམས་ཅན་འཁོར་འདས་གཞི། །དངོས་མེད་མཉམ་པའི་ཀློང་ན་ཀུན་འབྱུང་མཛོད་པོ་ཆེ། །རྩལ་ཟེར་སྣ་ཚོགས་འབྱུང་བའི་བང་མཛོད་ཡིན། །རྒྱ་མཚོ་ས་གསེར་བང་མཛོད་བཞིན།…

རི་བོ་བརྩེགས་པའི་རྒྱུད་ལས། ཡར་རྒྱས་མར་འཁྲུལ་བསྟན་པའི་ལེའུ་སྟེ་ལྔ་པའོ།། །།དེ་ནས་ངང་དྭངས་གསལ་དག་གིས། །ཡེ་ཐོག་ཀ་དག་སངས་རྒྱས་ལ། །དེ་གཉིས་སྐྱོན་དང་ཡོན་ཏན་ཇི་ལྟར་ལགས། །ཞེས་ཞུས་པ་ལས། སྟོན་པས་འཁོར་ལ་བཀའ་སྩལ་པ། །རྟོགས་ན་སྐྱོན་ཡོན་གཉིས་མེད་དེ། །མ་རྟོགས་བློ་ལ་སྐྱོན་ཡོན་བྱུང་། །སྐྱོན་གྱི་རྩ་བ་རླུང་གཡོས་ཡིན། །ཡེ…

མི་ལངས། །རྩ་བ་ཡིད་གཉིས་ང་བདག་ཞེ་འདོད་དུག་གསུམ་སྐྱོན་གྱི་རྩ་བ་ཡིན། །ཞེས་གསུངས་སོ། །རི་བོ་བརྩེགས་པའི་རྒྱུད་ལས། སྐྱོན་གྱི་རྩ་བ་བསྟན་པའི་ལེའུ་སྟེ་བདུན་པའོ།། །།དེ་ནས་ངང་དྭངས་གསལ་དག་གིས། །ཡེ་ཐོག་ཀ་དག་སངས་རྒྱས་ལ། །སྙིང་པོ་ཀ་དག་གང་གིས་རྟོགས། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །སྙིང་པོ་བཅུད་སྤུངས་གནད་ཆེན…

པའི་ཕྱིར། །མ་བྱས་རང་བྱུང་ཆོས་ཤིག་བཤད། །རྩོལ་བསྒྲུབ་ཆོས་རྣམས་ཡིད་སྨོན་ཡིན། །རྩོལ་མེད་བསྒྲུབ་མེད་ཆོས་ཤིག་བཤད། །ཞེ་འདོད་བསམ་དཔྱད་བློ་ཡི་ཆོས། །ཞེ་འདོད་བསམ་བྲལ་བློ་འདས་ཆོས་ཤིག་བཤད། །ཅེས་གསུངས་སོ། །རི་བོ་བརྩེགས་པའི་རྒྱུད་ལས། བྱར་མེད་བློ་འདས་བཤད་པའི་ལེའུ་སྟེ་དགུ་པའོ།། །།དེ་ནས་ངང་དྭངས་གསལ་དག་གིས། །ཡེ་ཐོག་ཀ་…

འདས་ཀྱང་། །བློ་དམན་རྟོགས་པ་སྐྱེ་ཕྱིར་བཤད། །ཆོས་ཉིད་རྣམ་པར་དག་པས་ན། །ཆོས་ཀུན་རང་བཞིན་རྣམ་དག་པ། །དེ་བཞིན་གཤེགས་པ་ཐམས་ཅད་ཀྱི། །ཐུགས་ཀྱི་ཡང་སྙིང་བཅུད་འདུས་འདི། །དགོངས་པའི་མདོ་རྣམས་གཅིག་བསྡུས་པ། །ཡེ་མེད་ཀ་དག་དངོས་མེད་ཀུན་བྱེད་ནི། །སྤྱོད་པ་ཐམས་ཅད་དང་བྲལ་བ། །མཐའ་དང་དབུས་ནི་མི་དམིགས་པ། །སྒྲོ་སྐུར་མེད་པ་བླང་…

དེ་ནས་འོད་གསལ་ངང་དྭངས་ཀྱིས། །ཡེ་ཐོག་ཀ་དག་སངས་རྒྱས་ལ། །དུས་གསུམ་སངས་རྒྱས་ཐམས་ཅད་ཀྱི། །ཐུགས་ཀྱི་ཡང་སྙིང་གསལ་བའི་བཅུད་འདུས་གསུང་དུ་གསོལ། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །དམ་པ་དང་པོའི་སངས་རྒྱས་འོད་མི་འགྱུར་བས་གསུངས་པ། ཆོས་ཀུན་རང་བཞིན་མེད་པ་ཉིད། །མྱ་ངན་འདས་ཤེས་དེ་ལ་བྱ། །སྟོང་ཉིད་རང་བཞིན་རྣམ་པར་…

སུ་རིག་པར་བྱའོ། །དེའི་ཕྱིར་ན་སངས་རྒྱས་ནི་བླ་དྭགས་སོ། །ཆོས་ནི་བླ་དྭགས་སོ། །དགེ་འདུན་ཡང་བླ་དྭགས་སོ། །དེ་བཞིན་དུ་དབྱིངས་དང་ཡེ་ཤེས་དང་། ཆོས་ཀྱི་སྐུ་དང་། སྐུ་ཐ་དད་པ་དང་། སེམས་ཅན་དུ་འཇིག་རྟེན་ལ་སོགས་པ་ཐམས་ཅད་དུ་བཏགས་ཤིང་ཆགས་པ་ཇི་སྙེད་པ་བླ་དྭགས་འབའ་ཞིག་ཏུ་རིག་པར་བྱའོ། །བླ་དྭགས་གང་ཡིན་པ་དེ་ནི་གློ་བུར་དུ་མིང…

ཀྱི་ཡང་སྙིང་བཀའ་སྩལ་པ། རང་བཞིན་གཅིག་པ་དང་། མ་གོས་པ་དང་། གོ་འབྱེད་པ་དང་། སྐྱེ་བ་མེད་པ་དང་། འཇིག་པ་མེད་པ་དང་། དབྱིབས་མེད་པ་དང་། ཁ་དོག་མེད་པ་དང་། འདུས་མ་བྱས་པ་དང་། གཟུང་བ་མེད་པ་དང་། འཛིན་པ་མེད་པ་དང་། མཐའ་དང་དབུས་མེད་པ་དང་། འཕེལ་བ་དང་འགྲིབ་པ་མེད་པ་དང་། འགྲོ་བ་དང་འོང་བ་མེད་པ་དང་། གཡོ་བ་དང་འགུལ་བ་མེད་པ་དང…

དེ་བཞིན་གཤེགས་པ་དུས་གསུམ་གྱི་སངས་རྒྱས་ཐམས་ཅད་ཀྱི་ཡང་སྙིང་དགོངས་པའི་བཅུད་བསྡུས་ནས་གསུངས་སོ། །དེ་ནས་དཔལ་རྡོ་རྗེ་སེམས་དཔས་ཐུགས་དགོངས་ཀྱི་བཅུད་བསྡུས་ནས་གསུངས་པ། བསམ་གྱིས་མི་ཁྱབ་ཆོས་འདི་རྣམས། །དེ་བཞིན་ཉིད་དུ་གཅིག་པས་ན། །གང་གིས་དེ་བཞིན་དེ་ཤེས་ན། །ཀུན་ལ་དབང་བསྐུར་ཐོབ་པ་ཡིན། །རྡོ་རྗེ་སེམས་དཔས་གསུངས་སོ། །སངས…

རྟོགས་པ་རྟོགས་པས་རྟོགས་པར་སྣང་། །སྤྱི་ལུས་དེར་སྣང་ཅི་ཡང་མེད། །ཅེས་གསུངས་སོ། །དྲི་མེད་རྣམ་དག་དགོངས་གསུངས་པ། །རང་བཞིན་ཀ་དག་མ་བཅོས་པས། །ཡོངས་ཀྱི་འོད་ལ་དེ་བཞིན་ཉིད། །ཀུན་གྱི་སྙིང་པོ་དེ་ཉིད་པས། །ཅིས་ཀྱང་མ་བསྒྲིབས་ནམ་མཁའ་ཆེ། །ཞེས་གསུངས་སོ། །ཞེན་མེད་ངང་དྭངས་བཅུད་གསུངས་པ། །སྟོང་པ་ཉིད་ཀྱི་སྙིང་པོ་ལ། །སྣ་ཚོགས…