གནས་བརྟན་འདུལ་བ་འཛིན་པ་མཁན་ཆེན་བྱམས་པ་རབ་བརྟན་གྱི་དྲུང་དུ་ཚིགས་སྔ་མ་དགེ་ཚུལ་གྱི་སྡོམ་པ་ལེགས་པར་བཞེས་པའི་བརྗེ་བ་རྣམ་པ་གསུམ་གྱི་སྐབས་མཚན་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོར་གསོལ། མགོན་པོ་ཁྲོ་བཅུའི་རྗེས་གནང་སོགས་ཆོས་རྣམ་གྲངས་མང་དུ་གསན། དེ་ནས་མ་འགྱངས་པར་འཇམ་མགོན་ས་སྐྱ་པའི་གཞུང་ལུགས་བྱེ་བའི་སྲ…

ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་ཆེན་བསོད་སྙོམས་པ། །ཤཱཀྱ་ཤཱིའི་གྲྭར་ནི་འབད་པས་ཞུགས། །ཞེས་པ་ལྟར་པཎ་ཆེན་ལུགས་ཀྱི་སྡོམ་རྒྱུན་ཁུངས་བཙུན་བཞེས་པ་ཡིན་ཞིང་མདོར་ན་ཐེག་པ་ཆེ་ཆུང་གི་ཉམས་བཞེས་མཐའ་དག་མཐར་ཕྱིན་པས་ཚར་ཆེན་གྱི་གསུང་མགུར་དུ། ཕྱི་ཚུལ་ཉན་ཐོས་ཀྱི་སྤྱོད་པས་ཚུལ་ཁྲིམས་སྲོག་བཞིན་དུ་བསྲུངས་ཤིང་། །ནང་དུ…

མཚམས་སྤྲིན་གོས་ཀྱི་འདབ་གཤོག་ཅན། །ངུར་ཁྱུ་ཕལ་ཆེར་དོན་མེད་ཅ་ཅོས་ངལ། །བློ་གསལ་གདམས་པའི་རྒྱ་མཚོ་དཔག་དཀའི་མཐའ། །མཁྱེན་བརྩེའི་རྫིངས་ཀྱིས་དབངཕྱུག་བརྒྱད་ལྡན་གླིང་། །བགྲོད་ནས་དངོས་གྲུབ་རིན་ཆེན་འདྲེན་པའི་ཁུར། །འདེགས་ནུས་སྙིང་སྟོབས་ཚུལ་ལ་ཁྱབ་འཇུག་ཞབས། །པད་འབྱུང་སླར་ཡང་གངས་ཅན་འགྲོ་བ་ལ། །རྗེས་བརྩེ་མཆོག་གི་སྤྲུལ་…

བཞི་དང་བཅས་པས་མངོན་སུམ་ལྟ་བུར་བསུ་བའི་གཟིགས་སྣང་བྱུང་བར་ཕྱག་ཕྱི་བ་གཡུལ་རྒྱལ་སོགས་ཀྱིས་བྱ་ནག་ཟུང་འབྲེལ་གྱིས་གཤོག་གར་དང་སྐད་སྙན་སྒྲོག་པ་འདི་མགོན་པོའི་ཕེབས་བསུར་འདུག་ཅེས་གླེང་བ་ཆོས་འཆད་ཉན་མཛད་པ་པོ་གཉིས་ཀའི་ཆེ་བར་མཆིས། ཚར་ཆེན་ཡབ་སྲས་ཀྱི་ཞབས་པད་ཡུན་རིང་དུ་བསྙེན་པས་ཟབ་ཆོས་ཀྱི་བདག་པོ་མཐུ་སྟོབས་ཀྱི་དབང་ཕྱུག…

འཚོ་ཞིང་གཞེས་པའི་རྟེན་འབྲེལ་དུ་སེམས་ལ། མདོར་ན་བཀའ་དྲིན་ཆེ་བའི་བླ་མ་ཞིག་ཏུ་མཛད་པས་ཞལ་གྱི་གསང་ཁྲིད་ཀྱི་ཡི་གེ་ལས། རྒྱལ་བ་ཀུན་དངོས་ཁྱབ་བདག་རྡོ་རྗེ་འཆང་། །རིགས་བརྒྱའི་འཁོར་ལོས་སྒྱུར་བའི་ཟློས་གར་གྱིས། །དེང་འདིར་སྐྱེ་རྒུའི་དོན་སླད་བཤེས་གཉེན་སྐུ། །ཕ་རྒོད་སྐུ་དྲིན་དབང་པོ་དགོན་གསར་བ། །མགོན་དེའི་གསུང་གི་གསང་བ་…

དུས་སུའང་སྐུ་གསུང་ཐུགས་ཀྱི་ཡོན་ཏན་ལ་ངེས་པ་རྙེད་པ་དུ་མས་བཀའ་ཆོས་ཞུས་པར་མ་ཟད་རབ་ཏུ་བྱུང་བ་ནས་བཟུང་དབང་འཁྲིད་ལུང་མན་ངག་གིས་མཐའ་ཀླས་པའི་གདུལ་བྱའི་རེ་བ་ཡོངས་སུ་བཀང་། ཆུ་འབྲུག་བཀའ་དྲིན་མཉམ་མེད་འབྲུའི་སྔགས་འཆང་ཆེན་པོའི་དྲུང་དུ་རྗེ་དམ་པ་འདི་ཉིད་དང་། ཆོས་རྗེ་བྱམས་པ་ཤཱཀྱ་བློ་གྲོས། ཆོས་རྗེ་ངག་དབང་པ། ཆོས་རྗེ་དཀ…

སྔར་ཚར་ཆེན་གྱིས་མཁན་ཆེན་བློ་གྲོས་ཆོས་འཕགས་ལ་རྗེ་མཁྱེན་བརྩེའི་དབང་ཕྱུག་མཇལ་ཐུབ་པ་གྱིས་གསུང་བ་ཕྱག་ཏུ་མ་ཁེལ་བའི་ངང་སྐུ་གཤེགས་པའི་གཤིས་བླ་མའི་བཀའ་བཞིན་མ་འགྲུབ་པའི་དམ་ཚིག་སྐོང་བྱེད་དུ་རྗེ་འདི་ཉིད་ཕེབས་དགོས་ཚུལ་ཞུས་པ་ལྟར་སྐྱེད་ཚལ་འོག་ཏུ་བྱོན། རྗེ་མཁྱེན་བརྩེའི་ཟིན་བྲིས་གཤེད་དམར་སྤྲོས་མེད་ཀྱི་འཁྲིད་ཡིག་དེ་ཚ…

ནུ་བློ་གྲོས་མཇལ་བར་གསང་ཆེན་སློབ་བཤད་ཀྱི་སྔགས་གྲ་ཡར་ཀླུངས་བཀྲ་ཤིས་ཆོས་སྡེར་ཕེབས། མཇལ་ཙམ་ནས་དཔོན་སློབ་སྔར་ནས་འདྲིས་པ་ལྟ་བུའི་ཐུགས་དགྱེས་ཤིང་གསུང་གླེང་འཕེལ་བར་མཛད། མཁན་རིན་པོ་ཆེར་ཚར་ཆེན་གྱིས་མཛད་པའི་ཀྱེ་རྡོར་མཎྜལ་སྒྲུབ་མཆོད་དང་རྗེ་ཉིད་ཀྱིས་མཛད་པའི་ཞལ་གྱི་གཏོར་སྐྱོང་གི་ལུང་། ཚེ་དབང་གྲུབ་རྒྱལ་མའི་དབང་ཕྱག…

མ་ཡིན་པའི་ཤུགས་དྲག་པས་ཧཱུྃ་གི་འཛབ་བསྐུལ་ཙམ་གྱི་ཚེ་མེ་ཏོག་གི་ཆར་དད་ལྡན་ཀུན་གྱི་མངོན་སུམ་མིག་གི་སྤྱོད་ཡུལ་དུ་གྱུར་ཅིང་། ཉི་མ་དམར་ཐག་ཆོད་སྐབས་ནམ་མཁའ་ལི་ཁྲི་ལྟ་བུ་ལ་འཇའ་ཁ་དོག་ལྔ་འཁྱིལ་བ་དང་དྲ་ཕྱེད་སོགས་མང་པོས་མཐོང་འདུག་པ། བཀའ་ལས་རྟགས་དེ་དག་ཨོ་རྒྱན་མཁྱེན་བརྩེའི་ཐུགས་རྗེའི་བྱིན་རླབས་ཡིན་སྙམ་པས་སླར་ཡང་དད་ག…

ཞིང་ཨོ་རྒྱན་ཆེན་པོའི་ལུང་གིས་ཟིན་པ་ཡིན་ཞེས་རྗེ་བླ་མ་ལྷག་པར་ཐུགས་གཙིགས་ཆེ་བ་ཡིན་འདུག །དེ་ནས་དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དང་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་ཁུ་དབོན་རྣམས་ཀྱིས་བྱིན་གྱིས་བརླབས་ཤིང་དམ་ཅན་སྲུང་མ་སྤྲིན་བཞིན་དུ་འདུ་བའི་རྩིས་དང་བསམ་གླིང་བདེ་བ་ཆེན་པོར་ཕེབས། དཔལ་ལྡན་བླ་མ་ད…

བྱོན་ནས་གསང་ཕུག་ཏུ་གནས་འབྲེལ་མཛད་དེ་རང་རིག་བླ་མའི་རང་ཞལ་མངོན་སུམ་དུ་གཟིགས་པའི་རྣལ་འབྱོར་ཟབ་མོའི་ཐུགས་དམ་དང་གནས་ཀྱི་ཚོགས་ཞིབ་པར་གཟིགས། བསམ་གཏན་གླིང་དང་བསམ་ཡས་རི་མཐིལ་ཚོར་བླ་མ་ཡི་དམ་གྱི་ཞལ་གཟིགས་ལུང་བསྟན་དབུགས་དབྱུང་མང་བ་བྱུང་ཚོད་དུ་གདའང་དམན་ཆ་བླངས་ཏེ་གསལ་བར་མི་གསུང་། རྒོད་དཀར་ལ་བརྒྱུད་ནཱ་ལནྡར་བྱོན་པའ…

བརྡ་ཆོས་སུ་སྣང་། དངོས་སུའང་བུད་མེད་རྒན་སོང་ལག་ན་འོ་མ་རྫ་ཕོར་ཕྱེད་ཙམ་དང་ལ་ཕུག་རྡོག་གཅིག་བཟུང་སྟེ་གཡོན་སྐོར་དུ་འོངས་པ་དང་ཞབས་སྐོར་གནང་བ་ཞལ་འཛོམ་པར་བུད་མེད་དེས་རྗེའི་ཞལ་ལ་ཅེར་གྱིས་བལྟ་ཞིང་འོ་མ་དང་ལ་ཕུག་ཕྱག་ཏུ་ཕུལ་ནས་སྒྲིམས་པོ་གློད་ཟེར་བ་གསན་པས་ཐུགས་ཀྱི་ཉམས་རྟོགས་ལ་བོགས་ཤིན་ཏུ་ཆེ་བ་ཐོན། བུད་མེད་དེ་གར་སོ…

བརྩེའི་དབང་ཕྱུག་ཡང་ཟབ་ཀྱི་ཆོས་བདག་ལུང་བསྟན་གྱིས་ཟིན་པའི་ཆོས་བཀའ་རྣམས་གསན་དགོས་རྒྱུར་ས་ཁད་འགྱངས་པའི་གངས་ཅན་བསྟན་འགྲོའི་ལེགས་བྱས་ཀྱི་སྣོད་དུ་མ་ཤོང་བའི་གཏེར་སྟོན་དང་གཏེར་སློབ་གཉིས་ཀ་སྐུ་ཚེ་མཐར་མ་ཕྱིན་པས་སྟབས་མ་འགྲིག་པ་རྗེས་ཀྱི་རྟེན་འབྲེལ་ལ་དགོངས་རྗེ་འདིས་འབྲི་གུང་རིན་པོ་ཆེའི་དྲུང་དུ་ཡང་ཟབ་ཀྱི་དབང་ལུང་ར…

བཞུགས་གནས་ཞོ་སྟོད་གཏེར་སྒྲོམ་དུ་ཕེབས་བཞེད་ཀྱང་ཁ་ཆར་ཆེས་པས་ལམ་གྱི་ཁྱད་ནས་སླར་མཇལ་བའི་རྟེན་འབྲེལ་མཛད་དེ་ཕྱིར་བྱོན་པའི་ཆིབས་ཐོག་གི་སྐུའི་གཡས་གཡོན་མདུན་རྒྱབ་ཚོར་བུ་མོ་དཀར་སེར་དམར་ལྗང་འདྲ་བྱུང་བའི་གཟིགས་སྣང་ནི་གནས་དེར་ཕེབས་མ་ཐུབ་པར་མ་དང་མཁའ་འགྲོ་ཅུང་ཟད་འཕྲེང་བ་དང་ཞབས་སྐྱེལ་གྱི་རྣམ་པར་འདུག །མེར་ཏེ་གཙང་པོ་…

འདུ་ས་བརྟོལ་ཙམ། །རྣམ་དག་བསླབ་གསུམ་བསྟན་པའི་རྒྱལ་མཚན་ཉིད། །ཆོས་དབྱིངས་མཚམས་སྤྲིན་ལུས་ཕྲའི་མངལ་ཞུགས་ཚེ། །མཁྱེན་བརྩེ་ནུས་ལྡན་བསོད་ནམས་ཆོས་འཕེལ་ཟླས། །གང་ཐུགས་ཨུཏྤལ་དཀར་པོ་ཅི་ཡང་བཞད། །འཇམ་དབྱངས་དབྱངས་ཅན་དགྱེས་པའི་ཀླུ་སྒྲུབ་རྗེ། །ཟབ་དོན་དོན་གསལ་བྱམས་པ་སྐལ་བཟང་ཞབས། །མཐུ་སྟོབས་སྟོབས་ལྡན་མཚན་འཆང་རིག་པ་འཛིན། …

ཀི་ཐ་མལ་ཚུལ། །བསྟན་ནས་ཚིག་དང་བརྡ་ཡིས་རྗེས་སུ་བཟུང་། །ཨོ་རྒྱན་ཐུགས་ཀྱི་ཐིགས་པ་རོ་བདའི་ཟས། །ལྷ་གཅིག་སྲས་དང་མཚུངས་པར་ལོངས་སྤྱོད་པའི། །ལས་སྨོན་རྟེན་ཅིང་འབྲེལ་འབྱུང་ལྡེ་མིག་དེས། །མཆོག་ཐུན་བཞེད་དགུ་ཚང་བའི་སྒྲོམ་བུ་ཕྱེ། །དབུ་རུའི་ཕྱོགས་འདིར་མཉམ་མེད་ཁའུ་པའི། །བསྟན་པའི་གདུགས་དཀར་བསྒྲེང་མཁས་བོད་མཁར་རྗེའི། །རྒ…

འོང་མ། །དུས་རིང་ནས་བསྐྱངས་པའི་མ་མ་དེས། །ང་རིགས་འཛིན་གྱི་གྲུབ་པ་སྟེར་བའི་བརྡ། །ཞེས་པ་དང་མཚུངས་པར་མངོན། གམ་པ་ལ་བརྒྱུད་མ་ཕམ་མགོན་པོ་ཀུན་མཁྱེན་བུ་སྟོན་ཞབས་ཀྱི་དབེན་གནས་ཞ་ལུ་རི་ཕུག་ཆོས་ཀྱི་ཕོ་བྲང་དུ་ཕེབས་ཏེ་བཞུགས་པ་མུ་ནས་ས་ཁྱི་ལོར་གནུབས་ཆོས་ལུང་དུ་ཨཥྚའི་བསྙེན་ཆེན་གནང་སྐབས་དཔལ་ཀྱེ་རྡོ་རྗེ་ལྷ་དགུའི་རྟེན་བར…

སུམ་དུ་རྗེས་སུ་བཟུང་ནས་ཞག་ཤས་ཀྱི་བར་མ་གནང་བའི་ངེས་པ་མི་འདུག་གོ །དེ་ནས་རི་ཕུག་ཏུ་ཕེབས་འདི་ལོ་ཧོར་ཟླ་བཅུ་གཉིས་པའི་ཉེར་ལྔ་ལ་མཁན་ཆེན་གཞོན་ནུ་བློ་གྲོས་གཟུགས་སྐུ་ཆོས་དབྱིངས་སུ་བསྡུས་པའི་ཚེ་འདར་དུ་ཚར་པ་རྡོ་རྗེ་འཆང་གི་གསེར་གདུང་སྐུ་དྲུང་དུ་མར་མེ་རྒྱུན་སྤར། ཁའུ་པའི་བསྟན་འཛིན་རྣམས་ལ་ཐུགས་དམ་འདོགས་རྟེན། དགོན་པ…

སེར་དམར་ལྗང་གི་བེར་བརྩེགས་མདང་རྒྱ་ནག་གི་ཐགས་ཞྭ་ནག་པོ་གྱོན། ལག་ནས་མ་ན་ཧོ་དང་གཡང་ཊིའུའི་སྤོས་ཕོར་ཐོགས་པའི་ལག་གཡས་གདན་འདྲེན་པའི་ཚུལ་བྱས་ཏེ་རྟ་པ་མང་པོ་བྱུང་བ་ཅི་ཡིན་ནམ་བསམ་པ་ཁོང་ཚོ་ཡོང་བའི་ལྟས་སུ་འདུག་གསུངས་ལ། དེ་ནི་དབུས་འགྱུར་སྨན་ལྗོངས་ཀྱི་དགའ་ཚལ་ཆེན་པོར་རྗེ་བཙུན་ཁའུ་པའི་ལུགས་འཛིན་གཙང་མ་འདི་ཁོ་ན་ལས་མ་མ…

འདུ་འཛི་ཆགས་སྡང་གི་གཡེང་བ་མི་དགོས་པའི་བས་མཐའི་དབེན་གནས་སུ་རྣལ་འབྱོར་དབང་ཕྱུག་དཔལ་ལྡན་ཆོས་སྐྱོང་དང་ནཱ་རོ་ཏ་པའི་གདམས་པ་ལ་བརྟེན་ནས་སྐུ་ཚེ་འདིར་ཟུང་འཇུག་བརྙེས་པ་ཞིག་མཛད་དགོངས་པ་ཁོ་ནར་ཐུགས་ལ་བཅགས་ནའང་བཀྲ་ཤིས་རྩེ་ཡོན་མཆོད་ཞུ་ནན་ཆེས་པ་དང་རྡོ་རྗེ་འཆང་ཚར་པ་ཆོས་རྗེའི་རིང་ལུགས་དྲི་མ་མེད་པ་སྲིད་མཐའི་བར་རྒྱས་ན་ད…