རླུང་དག་སྟེ་རྡོ་རྗེའི་ལུས་འགྲུབ་པ་དང༌། ཀུན་རྫོབ་ཀྱི་ཐིག་ལེ་ནི་ཆགས་པའི་འཕོ་བ་ཅན་ཡིན་ལ་ཇི་ཙམ་འཕོས་པ་དེ་ཙམ་དུ་ཚེའི་འདུ་བྱེད་བསྟུངས་ཤིང་ཆགས་བྲལ་འཕོ་མེད་དུ་བཞུ་བཏུལ་བྱས་པས་དྭངས་མ་སྟོབས་སུ་གྱུར་ཏེ་དོན་དམ་བྱང་ཆུབ་ཀྱི་སེམས་བརྟན་པས་འཆི་མེད་ཡེ་ཤེས་ཀྱི་སྐུ་འགྲུབ་པ་སོགས་རྒྱུ་མཚན་ཤིན་ཏུ་མང་མོད་ཀྱི་རྒྱས་པར་མ་སྤྲོ…

འབྱོར་ལ་སོགས་པ་ནི་ལན་གཅིག་ཙམ་དང་དུས་ཐུང་ངུས་འབྲས་བུ་ཆེན་པོ་འགྲུབ་པ་མ་ཡིན་ཀྱང་ཡང་དང་ཡང་དུ་ཉམས་སུ་བླངས་པས་འདོད་པའི་དོན་འགྲུབ་པར་འགྱུར་ཏེ། གུས་པ་ལ་སོགས་ཁྱད་པར་གྱིས། །རྒྱུན་ཏུ་བསྒོམ་པ་གང་གང་ཡིན། །འདོད་དང་མྱ་ངན་ལ་སོགས་པའི། །བློ་བཞིན་དེ་དེའི་གསལ་སྣང་འབྱུང༌། །ཞེས་གསུངས་པ་ལྟར་རོ། །བཅུ་གཉིས་པ་ནི། དེ་ལྟར་འཚོ་…

སྤྱོད་ནུས་པ་ཉིད་དོ། །གཉིས་པ་ནི། བསྐྱེད་རིམ་དང་བཟླས་པ་མཐར་ཕྱིན་པས་ལྷག་པའི་ལྷ་ཡིས་བྱིན་གྱིས་བརླབས་ཏེ་ཇི་ཙམ་འདོད་ཀྱི་བར་དུ་འཚོ་བ་འཕགས་པ་ཀླུ་སྒྲུབ་མི་ལོ་དྲུག་བརྒྱ་བཞུགས་པས་མཚོན་རྒྱ་བོད་ཀྱི་མཁས་གྲུབ་ཕལ་མོ་ཆེ་ལྟ་བུ་དང༌། རྩ་ཐིག་རླུང་གི་རྣལ་འབྱོར་གྱིས་དྭངས་མ་སྟོབས་སུ་གྱུར་ཏེ་འདོད་གཟུགས་གང་རུང་གི་རིག་པ་འཛིན་…

རྟེན་འདི་རིང་དུ་འཚོ་ལས་དོན་ཆེན་གང༌། །སྤང་བླང་ཤེས་ཤིང་ཐབས་ཀྱང་མ་འགག་ལ། །དེ་བློ་སྦྱོར་བའི་ལམ་ལ་མི་འཇུག་ན། །ཀིམ་པའི་འབྲས་བཞིན་དགོས་དུས་མི་བསྟངས་པས། །གྲོགས་དག་རྣམ་པར་རིག་པ་སུ་ཡིས་བརྐུས། །འཚོ་ཐབས་ཉི་ཟླའི་སྒྲོན་མེ་ཐོགས་བཞིན་ཏུ། །དེ་ནི་བཏང་སྙོམས་མལ་དུ་མི་མནལ་བར། །འཆི་བདག་མུན་རུམ་བསྐྲད་ནས་ས་སྟེང་དུ། །དོན་གཉ…

ཚེ་དཔག་མེད་གྲུབ་རྒྱལ་ལུགས་ཀྱི་ལོ་རྒྱུས་དབང་ཆོག་སྒྲུབ་ཐབས་དང་བཅས་པའི་སྐོར་རྣམས་བཞུགས་སོ།།

ཚེ་ཁྲིད་རིན་ཆེན་གཏེར་མཛོད་ལས། བརྒྱུད་པའི་ལོ་རྒྱུས་བཞུགས། བླ་མ་དང་མགོན་པོ་ཚེ་དཔག་ཏུ་མེད་པ་ལ་ཕྱག་འཚལ་ལོ། །ཚེ་སྒྲུབ་ཁྱད་པར་འཕགས་པ་འདིའི་ལོ་རྒྱུས་ནི། རས་ཆུང་རྡོ་རྗེ་གྲགས་པས་ཏེ་ཕུ་གསང་སྔགས་ཀྱི་སྡོང་པོའི་དྲུང་དུ། ཆོས་རྣམས་རྫོགས་པར་ཞུས་ནས་བོད་དུ་འབྱོན་པར་ཞུ་བ་བྱས་པའི་དུས་སུ། བླ་མའི་གསུང་གིས་དེ་རིང་ཚོང་དུས་…

སྲང་གང་གིས་ཆོས་ཞུ་བའི་ཆས་བྱས་ཏེ་དབང་ཞུས་ནས་ཟླ་བ་བདུན་དུ་བསྒོམས་པས། ལོ་བཞི་བཅུ་ཞེ་བཞི་སྐུ་ཚེ་བསྲིངས་པ་ཡིན་གསུངས། དེ་སྔ་བཞི་བཅུ་བཞེས་པ་ལ། དེ་ནས་དགུང་ལོ་བརྒྱད་ཅུ་རྩ་བཞིའི་བར་དུ་བཞུགས་པར་གདའ། དེ་ནས་ཏེ་ཕུ་པའི་དྲུང་དུ་ལོག་བྱོན་པ་དང༌། བླ་མའི་གསུང་ནས་གདམས་ངག་ངས་ཀྱང་ཤེས་ཏེ། མ་གཅིག་གྲུབ་པའི་རྒྱལ་མོ་ཚེ་རིང་བས་…

དགོན་ཆོས་རྗེ། ཐུགས་སྲས་སྤྱན་སྔ་རིན་ལྡན། ཀུན་མཁྱེན་ཟུར་ཕུག་ཆོས་རྗེ། དེས་བདག་ལའོ། །ཤངས་སྒོམ་རྒྱལ་མཚན་དཔལ་བཟང་པོས་ཡི་གེར་བཀོད་པའོ། །སརྦ་མངྒ་ལཾ།། ༈ །ཚེ་ཁྲིད་རིན་ཆེན་གཏེར་མཛོད་ལས་དབང་ཆོག་བཞུགས་སོ། །བླ་མ་དང་མགོན་པོ་ཚེ་དཔག་མེད་ལ་ཕྱག་འཚལ་ལོ། །ཚེའི་ཛཔ྄་ལ་བརྟེན་ནས་ཚེ་སྲིང་བ་ལ་གསུམ། སྔོན་འགྲོ། དངོས་གཞི། རྗེས་ས…

འདུས་ཧྲཱིཿལ་ཐིམ་པས། རང་ཉིད་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཞབས་རྡོ་རྗེ་སྐྱིལ་ཀྲུང་དུ་བཞུགས་པ། ཕྱག་གཉིས་མཉམ་བཞག་གི་སྟེང་ན་ཚེའི་བདུད་རྩིས་གང་བའི་བུམ་པ་བསྣམས་པ། རིན་པོ་ཆེའི་རྒྱན་གྱིས་བརྒྱན་པའི་གནས་གསུམ་དུ་ཡི་གེ་འབྲུ་གསུམ་བསྒོམ། སྙིང་གའི་ཧཱུྃ་ལས་འོད་འཕྲོས་པས། བདེ་བ་ཅན་ནས་ཚེ་དཔག་མེད་ཡེ་ཤེས་པ་…

ཚེའི་བདུད་རྩིས་ལུས་ཀྱི་ནང་ཐམས་ཅད་གང༌། འཆི་མེད་ཚེའི་དངོས་གྲུབ་ཐོབ་པར་བསམ་ཞིང༌། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་པ་ཅི་ནུས་བཟླའོ། །གཉིས་པ་ནི། ཚེ་ཟན་དང༌། ཚེ་ཆང་བཛྲ་ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་གོང་བཞིན་དུ་གཉིས་ཀ་ཚེ་དཔག་མེད་དུ་བསྐྱེད། དེ་ལ་ཡེ་ཤེས་པ་གཞུག དབང་བསྐུར། མཆོད་ཅིང་བསྟོད། ག…

འགྲོ་སེམས་བསྐྱེད་འབོགས་པ། དབང་བསྐུར་བ་དངོས་སོ། །དང་པོ་ནི་སྤྱི་དང་མཐུན་པར་བྱའོ། །གཉིས་པ་ནི། དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །…

ཅེས་ལན་གསུམ་གྱིས་གསོལ་བ་གདབ། དེ་ནས་སློབ་མའི་ཚེ་ཡར་བ་འགུགས་པ་ནི། སློབ་མའི་སྤྱི་བོར་པད་ཟླའི་སྟེང་དུ། ཚེ་དཔག་མེད་གོང་བཞིན་བསྒོམ་དུ་གཞུག སློབ་དཔོན་གྱིས་ཚེ་ཟན་སློབ་མའི་མགོ་ཐོག་ཏུ་བཞག་ལ་ཚེ་དཔག་མེད་དུ་བསྒོམ། དཔོན་སློབ་གཉིས་ཀས་འདི་བཞིན་དུ་བསྒོམ་སྟེ། ཚེ་དཔག་མེད་ཀྱི་ཐུགས་ཀའི་ཧཱུྃ་ལས་འོད་ཟེར་ལྕགས་ཀྱུའི་རྣམ་པ་ལ…

ཐམས་ཅད་འཆི་མེད་ཚེའི་བདུད་རྩིས་ཁེངས་ཏེ་ལུས་སྲ་ཞིང་བརྟན་པ་གཞོམ་གཞིག་མི་ནུས་པ་རི་རབ་དང་རྡོ་རྗེ་ལྟ་བུར་གྱུར་པར་བསམ། འཆི་མེད་ཚེའི་དངོས་གྲུབ་ཐོབ་པར་གྱུར་ཅིག་སོགས་དང༌། དེ་ཡིས་ཉེ་བར་བསྟན་པའི་སོགས་ཀྱི་བཀྲ་ཤིས་བརྗོད། ཡང་ཚེ་དཔག་མེད་ཀྱི་ཐུགས་ཀའི་ཧཱུྃ་ལས་འོད་ཟེར་འཕྲོས། ཆུའི་དཀྱིལ་འཁོར་ལ་སོགས་པའི་ཆུ་ཐམས་ཅད་ལ་ཕོག …

རྡོ་རྗེ། སེམས་ཐུགས་རྡོ་རྗེར་གྱུར་པས་འཆི་མེད་ཚེའི་དངོས་གྲུབ་ཐོབ་པར་བསམ། སྦྱིན་པ་གཏོང་ཞིང་སོགས་ཀྱི་བཀྲ་ཤིས་བརྗོད། ཡང་ཚེ་དཔག་མེད་ཀྱི་དཔྲལ་བའི་ཨོཾ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་དཔྲལ་བར་ཐིམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཚན་དང་དཔེ་བྱད་ལ་སོགས་པ་སྐུའི་ཡོན་ཏན་ཐམས་ཅད་འོད་ཟེ…

གསུང་རྡོ་རྗེ། ཡིད་སངས་རྒྱས་ཐམས་ཅད་ཀྱི་ཐུགས་རྡོ་རྗེར་གྱུར་པར་བསམ། ལུས་ངག་ཡིད་གསུམ་འཆི་མེད་ཚེའི་དངོས་གྲུབ་ཐོབ་པར་བསམ། ཉིན་མོ་བདེ་ལེགས་སོགས་ཀྱི་བཀྲ་ཤིས་བརྗོད། དེ་ནས་ཚེ་ཟན་གྱི་ཚེ་དཔག་མེད་སློབ་མའི་སྤྱི་བོ་ནས་བསྟིམས་ལ། ཚེ་ཟན་དང་ཚེ་ཆང་སྦྱིན། སློབ་མ་ཚེ་དཔག་མེད་དུ་གྱུར་པ་དཔོན་སློབ་གཉིས་ཀས་བསྒོམས་ལ། འཇིག་རྟེན…

ཟླ་བའི་དཀྱིལ་འཁོར་གྱི་སྟེང་དུ། རང་གི་སེམས་ཉིད་ཀྱི་ངོ་བོ་ཧྲཱིཿཡིག་དམར་པོ་རིང་ཆ་ཚེག་དྲག་དང་བཅས་པ་ལས་འོད་འཕྲོས། འཕགས་པ་མཆོད། སེམས་ཅན་གྱི་སྡིག་སྒྲིབ་སྦྱངས། ཚེ་དཔག་མེད་ཀྱི་གོ་འཕང་ལ་བཀོད། ཚུར་འདུས་ཧྲཱིཿལ་ཐིམ་དེ་ཡོངས་སུ་གྱུར་པ་ལས་བཅོམ་ལྡན་འདས་ཚེ་དཔག་མེད་སྐུ་མདོག་དམར་པོ། ཞལ་གཅིག་ཕྱག་གཉིས་པ་ཞབས་རྡོ་རྗེའི་སྐྱ…

ལོ་ཀེ། གནྡྷེ། ནཻ་ཝི་དྱ། ཤབྡའམ། སྐབས་འདིར། གཙང་ཞིང་ངམ། དྲི་མེད་ཡིད་དུ་འོང་བ་ཡི། །ཞེས་པའི་མཆོད་ཕྲེང་གིས་ཕུལ་ལ། དྲི་མེད་གཞོམ་གཞིག་བྲལ་བ་ཆོས་སྐུའི་ངང་ཉིད་ལས། །ཐུགས་རྗེ་ཆེན་པོས་འགྲོ་ལ་རྗེས་སུ་ཆགས་པའི་ཚུལ། །པདྨ་རཱ་གའི་མདངས་ལྡན་དྲི་མེད་འོད་འབར་བ། །སྐྱོབ་པ་མཚུངས་མེད་འོད་དཔག་མེད་ལ་ཕྱག་འཚལ་ལོ། །ཞེས་བསྟོད་དོ། …

ཆས་རབ་སྤྲས་པའི། །བཅོམ་ལྡན༴ །ཚད་མེད་འོད་ཟེར་སྐུ་ལས་རབ་འཕྲོས་པས། །རབ་འབྱམས་ཞིང་གི་མུན་པའི་སྨག་རུམ་སེལ། །ཆོས་ཀྱི་སྣང་བས་ཕན་བདེའི་ལམ་སྟོན་པའི། །བཅོམ་ལྡན༴ །གསུང་དབྱངས་རྒྱ་མཚོ་གདུལ་བྱའི་ཡིད་བཞིན་འཇུག །མ་རྟོགས་ལོག་རྟོག་ཕྱོགས་རྟོགས་འཁྲུལ་པ་སེལ། །བདེན་གཉིས་དོན་ལ་བློ་གྲོས་རྒྱས་མཛད་པའི། །ཚེ་དཔག་མེད་པའི་གསུང་ལ་…

སྨན་མཆོག་སྦྱར་དུ་གསོལ། །གཡོ་མེད་བརྟན་པ་སྣོད་ཀྱི་འཇིག་རྟེན་དང༌། །ས་ཆུ་མེ་རླུང་འབྱུང་བ་ཆེ་རྣམས་ཀྱི། །རོ་བཅུད་མ་ལུས་བདག་གི་དབང་གྱུར་ནས། །འཆི་མེད་ཚེ་ཡི་དངོས་གྲུབ་སྩལ་དུ་གསོལ། །འགྲོ་བ་ཀུན་གྱི་ཚེ་དང་བསོད་ནམས་དང༌། །འདོད་དགུ་མ་ལུས་བདག་གི་དབང་གྱུར་ནས། །ན་རྒ་འཆི་བའི་གནོད་པ་དང་བྲལ་བའི། །འཆི་མེད་ཚེ་ཡི་དངོས་གྲུབ…

མཁས་པའི་འབྲི་གུང་པ། །གཞན་དོན་མཐར་ཕྱིན་སྤྱན་སྔ་རིན་པོ་ཆེ། །གསོལ་བ༴ །དུས་གསུམ་སངས་རྒྱས་རྒྱལ་བ་ཡང་དགོན་པ། །རྒྱལ་བའི་རྒྱལ་ཚབ་སྤྱན་སྔ་རིན་ཆེན་ལྡན། །སྣང་སྲིད་ཆོས་སྐུར་རྟོགས་པའི་ཟུར་ཕུག་པ། །གསོལ་བ༴ །གྲུབ་པ་བྱེ་བའི་ཐིག་ལེ་འབའ་ར་བ། །ཉམས་རྟོགས་རོལ་པའི་གར་མཛད་རིན་ཆེན་འཕེལ། །དངོས་འཛིན་འཁྲུལ་པའི་མདུད་ཞིག་ཚུལ་རྒྱ…