པོར་འཁོར་ལོའི་རྩིབས་བར་ཁེལ་བའི་ཤར་དུ་གཉིས། ནུབ་ཏུ་གཉིས། ཕྱོགས་གཞན་དང་མཚམས་སུ་རེ་རེ་ཏེ་བཅུའོ། །དེའི་ཕྱི་རོལ་སོར་ཕྱེད་གསུམ་པའི་མུ་ཁྱུད་ཟླུམ་པོ། དེའི་ཕྱི་རོལ་སོར་གཉིས་པའི་མུ་ཁྱུད་ཟླུམ་པོ། དེའི་ཕྱི་རོལ་སོར་བཞི་པའི་མུ་ཁྱུད་ཟླུམ་པོ། དེའི་ཕྱི་རོལ་དུ་སོར་ཕྱེད་གཉིས་པའི་མུ་ཁྱུད་ཟླུམ་པོ་ཉིས་རིམ། དེའི་ཕྱི་རོལ་ས…

ལྡན་འདས་དེ་བཞིན་གཤེགས་པ་སོགས་ནས། གནོད་པ་ཐམས་ཅད་བཟློག་ཏུ་གསོལ་དང་སྤེལ་ཚིག་བཅས། བཅུ་པར་ཕྱོགས་མཚམས་བརྒྱད་རྡོ་རྗེ་འཕྲེད་དུ་བཞག་པའི་རྡོ་རྭ་དང་། ཤར་དང་བྱང་ཤར་གྱི་རྡོ་རྗེའི་བར་དུ་རྟེན་སྙིང་དང་། ཕུན་སུམ་ཚོགས་པ་ཞེས་བྲི་བས་མཚོན་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་བཅད་དང་། རྒྱལ་བར་བརྗོད་པའི་ཚིགས་བཅས་ཡིག་མགོ་ནང…

མདུན་གྱི་སྲུང་འཁོར་ལ་སྦྱོང་བ་དང་ཁྲུས་གསོལ་བྱ། དེ་ནས་བསྐྱེད་བཟླས་གསོལ་འདེབས་ཞལ་བསྒྱུར་བརྟན་བཞུགས་ཤིས་བརྗོད་བཅས་སོ། །རྗེས་ལ་ལག་ལེན་ལྟར་བལྟབས། ཚོན་སྐུད་ཀྱིས་དམ་དུ་བཅིངས། བསྲུང་བྱའམ། ཡུལ་གྱི་བདག་པོའི་ཁམས་དང་བསྟུན་པའི་དར་རས་ཀྱིས་དྲིལ། གསུམ་པ་ལས་སྦྱོར་ལ། ཡུལ་ཁམས་སྲུང་བ་རྒྱལ་མཚན་འཛུགས་པའི་ཆོ་ག་དང་། བསྒྲུབ་…

བྱུག རྩིབས་མཆན་བརྒྱད་མཐིང་གར་བྱས་པ་ལས་སྣ་གང་འཛོམ་བྱུག དེ་རྒྱབ་མུ་ཁྱུད་གཉིས་པ་ཙནྡན་དཀར་པོ་བྱུག དེ་རྒྱབ་རྩིབས་བཅུ་ལ་རང་སྔགས་བགྲངས་པའི་ཉུངས་དཀར་གྱི་ཕྱེ་མ་བྱུག རྩིབས་མཆན་ལ་གསུང་རབ་ཚིག་པའི་ཐལ་བ་བྱུག དེ་རྒྱབ་མུ་ཁྱུད་ལ་སྔགས་པ་ནུས་པ་ཅན་གྱི་ཕུར་པའི་དབལ་གྱི་ལྕགས་ཕྱེ་དང་། བྱ་རྒོད་ཀྱི་སྤུ་བྱུག དེ་རྒྱབ་མུ་ཁྱུད་ད…

གདུགས་དཀར་འཁོར་བཅས་བསྐྱེད། གནས་གསུམ་བྱིན་གྱིས་བརླབ། དེའི་སྟེང་གི་ནམ་མཁར་བྷྲཱུྃ་ལས་གཞལ་ཡས་ཁང་གདན་དང་བཅས་པ་བསྐྱེད་ལ། ཡེ་ཤེས་པ་སྤྱན་དྲངས་ནས་བཞུགས་སུ་གསོལ། མཆོད་བསྟོད་གཏོར་མ་ཕུལ། གཟུངས་ནས་འབྱུང་བས་གསོལ་བ་བཏབ་ལ། འཁོར་ལོ་ལ་བཀོད་པའི་སྔགས་རྣམས་ཇི་ཙམ་ནུས་པ་བཟླ། དེ་ནས་འཁོར་ལོའི་ལྷ་ལ་ཡང་མཆོད་ཅིང་བསྟོད་ལ། གཏོར་…

འཕྲུལ་ཞེས་པར་བྱའོ། །རྒྱལ་མཚན་འཛུགས་ན་ཡུལ་ཁམས་སྲུང་བའི་ཙཀྲ་ཉིད་སྙེ་མདོ་བའམ། མཁས་པ་ཛྙཱ་ན་སོགས་ཀྱི་ཡིག་ཆ་ལྟར་འཛུགས་སོ། །མངྒ་ལཾ། ༈ །དེ་ལྟར་སྙེ་མདོ་བའི་གཞུང་དང་། རྗེ་བླ་མའི་གསལ་བྱེད་ལེ་ཚན་དང་བཅས་པས་ཁོག་ཕུབ་སྤྱིར་བསྟན་ནས། བྱེ་བྲག་ལས་ལ་སྦྱོར་བའི་ལག་ལེན་དམིགས་བསལ་དུ་བཤད་པ་ལ། ཡུལ་ཁམས་དང་བསྒྲུབ་བྱ་སྲུང་བ་ཐུན་…

ཟླ་བ་རྡོ་རྗེ་འཛིན། །ཕྱག་རྒྱའི་ཚོགས་ལ་ཕྱག་འཚལ་ལོ། །ཞེས་བརྗོད་ནས་ཕྱག་ན་རྡོ་རྗེའི་ང་རྒྱལ་གྱིས་གཏོར་མ་དཀར་གཏོར་དམར་གཏོར་གཉིས་བསང་སྦྱང་། ཨོཾ་སརྦ་བིགྷྣཱན་ན་མཿས་མནྟ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ལན་གསུམ་གྱིས་བྱིན་གྱིས་བརླབས་ལ། སྤོས་བཟུང་ཐལ་མོ་སྦྱར་ལ་འདི་སྐད་ཅེས་བརྗོད་པར་བྱ་སྟེ། སངས་རྒྱས་ལ་ཕྱག་འཚལ་…

སངས་རྒྱས་རྣམ་པར་སྣང་མཛད་ལ༴ སངས་རྒྱས་སྤྱན་རྒྱས་པ་ཨུཏྤ་ལའི་བསུང་གི་ཏོག་གི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་གཞན་གྱིས་མི་ཐུབ་མ་ཞེས་བྱ་བ་ཕྱིར་ཟློག་མ་ཆེན་མོ་འདིས་འབྱུང་པོའི་གདོན་ཐམས་ཅད་ཚར་གཅོད་པ། གཞན་གྱི་རིགས་སྔགས་གཅོད་པ། དུས་མ་ཡིན་པར་འཆི་བ་ལས་ཟློག…

སྡིག་པའི་སེམས་དང་ལྡན་པ༴ སྡང་བ་དང་སྡང་བའི་སེམས་དང་ལྡན་པ༴ དྲག་ཤུལ་དང་དྲག་ཤུལ་གྱི་སེམས་དང་ལྡན་པ༴ གཞན་གྱི་སྲོག་འཕྲོག་པ་རྣམས་བདག་ལ་ཉོན་ཅིག རིག་སྔགས་ཆེན་མོ་འདི་བསྒྲུབ་པར་བྱའོ། །སྤོས་དང་མེ་ཏོག་དང་བདུག་པ་དང་གཏོར་མ་ཡང་སྦྱིན་ནོ། །གཏོར་མ་དང་མཆོད་པ་འདིས་མགུ་བར་གྱིས་ལ༴ བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམ…

ལྐོག་མའི་ལྷ་གོར་ན་བ་དང་། རྣ་བ༴ སོ༴ སྙིང༴ རྩིབས་ལོགས༴ རྒྱབ༴ ལྟོ་བ༴ རྐེད་པ༴ ཆུ་སོ༴ བརླ༴ རྗེ་ངར༴ ལག་པ༴ རྐང་པ༴ ཡན་ལག༴ ཉིང་ལག༴ རིམས་ནད་དང༴ ཤུ་བ་དང་། གཡན་པ་དང་། འབྲུམ་བུ་དང་། མཛེ་དང་། ཕོལ་མིག་དང་། གག་ལྷོག་དང་། བས་བལྡགས་དང་། མེ་དབལ་དང་། ལྷོག་པ་དང་། སྐེམ་པ་དང་། སྐྲག་པ་དང་། དབྱིག་དུག་དང་། དུག་སྦྱར་མ་དང་། བྱད…

བཅུ་པ། དེའི་ནང་དུ་མུ་ཁྱུད་ཟླུམ་པོ་ཉིས་རིམ། དེའི་ནང་དུ་འཁོར་ལོ་རྩིབས་བརྒྱད་ལ། དེའི་ནང་དུ་མུ་ཁྱུད་ཟླུམ་པོ། དེའི་ནང་དུ་པདྨ་འདབ་བརྒྱད་ལྟེ་བ་དང་བཅས་པ་མཚན་ཉིད་ཐམས་ཅད་དང་ལྡན་པ། དེའི་དབུས་ཀྱི་ཨོཾ་ཡོངས་སུ་གྱུར་པ་ལས་བཅོམ་ལྡན་འདས་མ་གཙུག་ཏོར་ནས་བྱུང་བའི་གདུགས་དཀར་མོ་ཅན་ནས་ཚར་གཅོད་པའི་ཚུལ་གྱིས་བཞུགས་པའོ་ཡི་བར་བྱ…

འཇིག་རྟེན་ན་དགྲ་བཅོམ་པ། རྒྱུན་དུ་ཞུགས་པ། ལན་ཅིག་ཕྱིར་འོང་བ། ཕྱིར་མི་འོང་བ། ཡང་དག་པར་སོང་བ། ཡང་དག་པར་ཞུགས་པ། ལྷའི་དྲང་སྲོང་དང་། རིག་སྔགས་འཆང་གྲུབ་པ་རྣམས་དང་། ཚངས་པ་དང་། དབང་པོ་དང་། ལེགས་ལྡན་ནག་པོ་ཆེན་པོ་མཆེད་གསུམ། ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆའི་རྒྱལ་པོ། འོད་དཔག་མེད། མི་འཁྲུགས་པ…

བཅོམ་ལྡན་ཤཱཀྱ་ཐུབ་པ་ཡིས། །སྲུང་ཞིང་སྐྱོབ་པའི་ལས་མཛད་ནས། །མ་མོ་ཐམས་ཅད་དབང་དུ་བསྡུས། །དེ་ཡི་སྤྱི་བོའི་གཙུག་ཏུ་ནུབ། །སྟོང་གསུམ་ཐམས་ཅད་སྤྱན་གྱིས་གཟིགས། །དེ་ལ་མིང་དང་མཚན་གསོལ་བ། །གཙུག་ཏོར་ནོར་བུའི་གདུགས་དཀར་མོ། །སྔོན་ཚེ་ཕྲིན་ལས་མཛད་པ་ལྟར། །མཆོད་པའི་གནས་འདིར་གཤེགས་སུ་གསོལ། །བཞེངས་ཤིག་བཞེངས་ཤིག་དབྱིངས་ནས་བ…

གྱི། །གཞལ་ཡས་ཕོ་བྲང་དམ་པ་འདིར། །ཐུགས་རྗེས་བརྩེར་དགོངས་བརྟན་པར་བཞུགས། །ཨོཾ་བཛྲ་ས་མཱ་ཡ་ཏིཥྛ་ཧཱུྃ། དེ་ཡང་ཕོ་བྲང་གི་དབུས་ཀྱི་ལྟེ་བར་པད་ཟླའི་གདན་ལ་གཙུག་ཏོར་ནས་བྱུང་བའི་གདུགས་དཀར་མོ་ཅན་ཞེས་པ་ནས། བཞུགས་པ། འདབ་མ་བརྒྱད་ཀྱི་ཤར་དུ་གཞན་གྱིས་མི་ཐུབ་མ་ནས། གདུང་བདུན། དེའི་ཕྱི་རོལ་དུ་པད་ཟླའི་གདན་ལ་ཤར་དུ་གཏུམ་ཆེན་མ་…

སུ་གསོལ། །དྲིལ་ཆེན་གསུང་སྙན་རྣམ་གྲོལ་ཚངས་པའི་དབྱངས། །བསམ་གཏན་དག་གིས་བསྟོད་དེ་གུས་མཆོད་ན། །ས་བཅུ་རིམ་གྱིས་བགྲོད་ཅིང་ཐོགས་མེད་ཅིང་། །ཚོགས་གཉིས་རྫོགས་ནས་ཆོས་ཀྱི་རྒྱལ་པོར་སྨོན། །མཛེས་སྡུག་ཡིད་འོང་གཟུགས་དང་སྙན་པའི་སྒྲ། །བསིལ་བྱེད་ཙནྡན་དྲི་དང་རོ་བརྒྱའི་ཟས། །མཉེན་འཁྲིལ་པཉྩ་ལི་ཀ་རེག་ན་བདེ། །རྣམ་ལྔའི་འདོན་ཡོ…

ཞལ་གཅིག་ཕྱག་གཉིས་ཆར་སྤྲིན་ལྟར་གནག་ཅིང་། །གཡས་པ་རྡོ་རྗེ་གཡོན་པ་སྡིགས་མཛུབ་མཛད། །གདོན་བགེགས་ཚར་གཅོད༴ །འདབ་གཞན་རིམ་པར་དེ་བཞིན་གཤེགས་པའི་གདུང་། །པདྨ་རྡོ་རྗེ་ནོར་བུ་གླང་པོའི་གདུང་། །གཞོན་ནུ་ཀླུ་ཡི་གདུང་རྣམས་སྤྲུལ་སྐུའི་ཆས། །མཚན་བཟང་དཔེ་བྱད་འབར་ལ༴ །ཤར་གྱི་པདྨའི་འདབ་མར་གཏུམ་ཆེན་མ། །ཞལ་གཅིག་ཕྱག་གཉིས་གངས་རིའ…

ཅིག་མ་ལ་ཕྱག་འཚལ་བསྟོད། །དཔལ་ལྡན་ནག་པོ་རྫུ་འཕྲུལ་ཅན། །ལེགས་ལྡན་ནག་པོ་སྲེད་མེད་བུ། །ཕྱག་རྒྱ་ཆེན་པོ་ལྔ་རྣམས་ཀྱི། །ཕྱག་བྱས་པ་ལ་ཕྱག༴ ལེགས་ལྡན་ནག་པོ་གྲོང་ཁྱེར་ནི། །སུམ་བརྩེགས་འཇིག་བྱེད་དུར་ཁྲོད་ན། །གནས་པ་མ་མོའི་ཚོགས་རྣམས་ཀྱིས། །ཕྱག་བྱས་པ་ལ༴ །ཀུན་ཀྱང་སྐུ་མདོག་མཐིང་ནག་སྟེ། །ཞལ་གཅིག་ཕྱག་གཉིས་གཡས་པ་ཡིས། །ཙནྡན…

པོ་དང་། །དམ་ཚིག་ཤེས་པའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །རྒྱལ་པོ་ཆེན་པོ་དཔལ་ལྡན་པ། །མརྒད་མདོག་ཅན་པི་ཝཾ་འཛིན། །དྲི་ཟའི་ཚོགས་ལ་དབང་བསྒྱུར་བ། །ཡུལ་འཁོར་སྲུང་ལ་ཕྱག་འཚལ་བསྟོད། །དཔའ་བོ་ཆེན་པོ་སྟོབས་པོ་ཆེ། །ཁ་དོག་སྔོན་པོ་རལ་གྲི་འཛིན། །གྲུལ་བུམ་ཚོགས་ལ་དབང་བསྒྱུར་བ། །འཕགས་སྐྱེས་པོ་ལ༴ །མངའ་བདག་ཆེན…

ནུབ་བྱང་རྩིབས་ལ་ཁྲོ་ཆེན་འདོད་པའི་རྒྱལ། །སྐུ་མདོག་དམར་ནག་ཤིན་ཏུ་རྔམས་པའི་ཞལ། །ཕྱག་གཡས་ལྕགས་ཀྱུ༴ །ནུབ་བྱང༴ །བྱང་ཕྱོགས་འཁོར་ལོར་ཁྲོ་རྒྱལ་བདུད་རྩི་འཁྱིལ། །སྐུ་མདོག་ལྗང་ནག་ཤིན་ཏུ་འཇིགས་པའི་ཞལ། །ཕྱག་གཡས་སྣ་ཚོགས་རྡོ་རྗེ་གཡོན་སྡིགས༴ །བྱང་ཕྱོགས༴ །བྱང་ཤར་རྩིབས་ལ་ཁྲོ་རྒྱལ་ཁམས་གསུམ་རྒྱལ། །སྐུ་མདོག་ནག་མོ་ཤིན་ཏུ་…

ཕན་ཡོན་ཇི་སྐད་བཀའ་སྩལ་པ་ཐམས་ཅད་སྦྱིན་པའི་བདག་པོ་འཁོར་དང་བཅས་པ་རྣམས་ལ་འགྲུབ་པར་བྱིན་གྱིས་བརླབ་ཏུ་གསོལ། ཞེས་པས་གསོལ་བ་གདབ། དེ་ནས་བཟླས་པའི་དམིགས་པ་ནི། མིང་སྤེལ་གྱི་ཡི་གེ་རྣམས་བསྲུང་བྱ་དགོན་གྲོང་ངམ་གང་ཟག་ལྟ་བུ་སྐབས་གང་ཡིན་དུ་བསྐྱེད། དགུག་གཞུག་བྱས་ཏེ་དངོས་སུ་མོས། བཟླས་པའི་སྐབས་རང་གི་ཐུགས་ཀ་ནས་འོད་ཟེར་སྤྲ…