འབྲས་བུའི་ཐེག་པའི་རྒྱུད་སྡེ་རིན་པོ་ཆེ་རྣམས་ནས་དུས་མིན་འཆི་བ་ལས་ལྡོག་ཅིང་རིང་འཚོའི་དངོས་གྲུབ་སྒྲུབ་པའི་ཐབས་ཚུལ་མང་དུ་གསུངས་ཀྱང༌། མདོར་བསྡུ་ན། སློབ་དཔོན་ངག་དབང་གྲགས་པས། ལུས་དང་ངག་གི་ལས་ཀྱི་ཕྱི། །བསམ་གཏན་ལས་ཀྱི་ནང་གི་ཡིན། །ནོར་བུ་སྨན་སྔགས་ཕྱི་ཡི་སྟེ། །རྣལ་འབྱོར་ནུས་པ་ནང་ཡིན་ནོ། །ཞེས་གསུངས་པ་ལྟར། ཕྱི་རོ…

བྲག་ལ་སོགས་པ་ཐ་མལ་གྱི་སྣང་བ་ཐམས་ཅད་དབྱིངས་སུ་ཐིམ་པའི་སྟོང་ཉིད་ཀྱི་ངང་ལས་བཻཌཱུརྻའི་ས་གཞི་ལ་གསེར་གྱི་མིག་མངས་རིས་སུ་བྲིས་པ། ཐ་གྲུ་ཡངས་ཤིང་རྒྱ་ཆེ་བ། མནན་ན་ནེམ་བྱེད་ཅིང༌། བཏེག་ན་སྤར་བྱེད་པ། རེག་ན་བདེ་བ་སྐྱེད་པ། སྟེང་ན་འཇའ་འོད་ཀྱི་གུར་ཁྱིམ་ཕུབ་ཅིང༌། མེ་ཏོག་གི་ཆར་འབེབས་པ་སྟེ་ཞིང་ཁམས་ཡོངས་སུ་དག་པའི་དབུས་སུ…

ཀྱི་ཁྲོད་རྣམས་སུ་ཡང་མཁའ་འགྲོ་ཆོས་སྐྱོང་ནོར་ལྷ་གྲུབ་པ་རིག་འཛིན་སོགས་སྐྱབས་གནས་སུ་འོས་སོ་ཅོག་ཐམས་ཅད་ཀྱང་སྤྲིན་ཕུང་གཏིབས་པ་ཙམ་བསྒོམ་པ་ནི་དགེ་འདུན་དཀོན་མཆོག་ཡིན། གཉིས་པ་ནི། དེ་རྣམས་ཀྱི་མདུན་ངོས་སུ་རང་ཉིད། གཡས་སུ་ཚེ་འདིའི་ཕ། གཡོན་དུ་མ། མདུན་དུ་དགྲ་འདྲེ། མཐའ་སྐོར་ཀུན་ཏུ་རིགས་དྲུག་བར་དོ་དང་བཅས་པའི་སེམས་ཅན་…

ཅན་ཐམས་ཅད་སྒོ་གསུམ་འཇུག་པ་གཅིག་ཏུ་དྲིལ་ཏེ་དུས་འདི་ནས་བཟུང་སྟེ་ཇི་སྲིད་སྤང་གཉེན་རོ་གཅིག་ཏུ་གྱུར་ཏེ་བསྐྱབ་བྱ་སྐྱོབ་བྱེད་དང་བྲལ་བར་མ་གྱུར་གྱི་བར་དུ་ཅི་མཛད་ཁྱེད་མཁྱེན་སྙམ་པས་བློ་ལིངས་ཀྱིས་བཀལ་ནས་རང་ཉིད་ཀྱིས་བྱང་དྲངས་ཏེ་སེམས་ཅན་ཐམས་ཅད་ཀྱིས་སྐྱབས་འགྲོ་གུ་དི་རི་རི་བྱེད་པར་བསམ་ཞིང་ཚིག་རྗེས་སུ་སེམས་ཧྲི་ལི་ལི…

པས་མཐའ་སྐོར་གྱི་ཆོས་སྐྱོང་སོགས་དགྱེས་བཞིན་འོད་དུ་ཞུ་ནས་དགེ་འདུན་ལ་ཐིམ། དེ་ཆོས་ལ། དེ་སངས་རྒྱས་ལ། དེ་ཡི་དམ་ལ། དེ་བརྒྱུད་པའི་བླ་མ་ལ། དེ་གཙོ་བོ་ལ་ཐིམ། དེ་ཡང་དབུའི་གཙུག་ཏོར་ནས་མར་འོད་དུ་ཞུ། དཔག་བསམ་གྱི་ཤིང་གི་རྩ་བ་ནས་ཡར་ཞུ་སྟེ་ཐུགས་ཀའི་ཐད་དུ་འོད་དམར་པོ་ཉི་མ་བྱེ་བའི་གཟི་བྱིན་ཅན་སྣུམ་ལ་འདྲིལ་བ་དམར་ལ་དངས་པ་…

དངོས་ལ་ལོངས་སྤྱོད། ལ་ལ་ནི་སྡུག་བསྔལ་གྱི་རྒྱུ་མི་དགེ་བ་རྔམས་པོ་ཆེ་ལ་ལོངས་སྤྱོད། མ་རིག་པའི་ལིང་ཐོག་གིས་མིག་ལྡོང༌། ཐར་པའི་རྟེན་གྱི་འཁར་བ་དང་བྲལ། དགེ་བའི་བཤེས་གཉེན་གྱི་དམིགས་བུས་མ་ཟིན། མཐོ་རིས་དང་ཐར་པའི་ལམ་ལ་རྡེག་འཆོས་ཤིང་ངན་སོང་གསུམ་གྱི་གཡང་ཁར་འགྲེམ་པ་འདི་རྣམས་སྙིང་རེ་རྗེ། སྙིང་རྗེའོ་བྱས་ནས་བཞག་པས་མི་ཕ…

གཉིས་པ་ཐུན་མོང་མ་ཡིན་པའི་སྔོན་འགྲོ་ལ་བསོད་ནམས་ཀྱི་ཚོགས་བསགས་པ་དང༌། ཡེ་ཤེས་ཀྱི་ཚོགས་བསགས་པ་གཉིས། དང་པོ་ལ་ཡུལ་དག་པ་ལ་བརྟེན་པ་དང༌། མ་དག་པ་ལ་བརྟེན་པ་གཉིས། དེའི་དང་པོ་ལ་ཚོགས་ཞིང་སྤྱན་དྲངས་པ་དང༌། ཚོགས་གསོག་པ་དངོས་སོ། །དང་པོ་ནི། རང་སྐད་ཅིག་གིས་རྗེ་བཙུན་མར་གསལ་བའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཏཱྃ་ཡ…

དང་རིན་པོ་ཆེའི་རྒྱན་གྱིས་སྤུད་བ་མང་པོར་སྤྲུལ་ཏེ། དེ་ཡང་ལྷ་མོ་དཀར་མོས་ཕྱག་ན་དུང་ཕོར་ཡན་ལག་བརྒྱད་ལྡན་གྱི་ཆུ་གཙང་མེ་ཏོག་དཀར་པོ་དང་བཅས་པས་གང་བ་ཐོགས་ཏེ་ཚོགས་ཞིང་རྣམས་ཀྱི་ཕྱག་ཏུ་འབུལ་བ་དང༌། ལྷ་མོ་དམར་མོས་དུང་ཕོར་དང་རིལ་བ་དང་བྱ་མ་བུམ་སོགས་དྲི་བཟང་གིས་སྦགས་པའི་ཆུས་བཀང་བ་ཐོགས་ཏེ་ཞབས་བསིལ་བ་དང༌། ཡང་ལྷ་མོ་དཀར་…

ནས་འབྱུང་བའི་རྒྱུན་བཤགས་ལན་གསུམ་བྱ། དེ་ཡང་དཀོན་མཆོག་གསུམ་ལ་བདག་སྐྱབས་མཆི། །ཞེས་པས་རྟེན་གྱི་སྟོབས་ཏེ་ཚོགས་ཞིང་རྣམས་སོ། །སྡིག་པ་ཐམས་ཅད་སོ་སོར་བཤགས། །ཞེས་པས་སྔར་བྱས་ཀྱི་སྡིག་པ་ལ་འགྱོད་པ་དྲག་པོ་སྐྱེས་པ་རྣམ་པར་སུན་འབྱིན་པའི་སྟོབས་དངོས་སུ་བསྟན་ལ། ཕྱིན་ཆད་སྲོག་ལ་བབས་ཀྱང་མི་བྱེད་སྙམ་དུ་སྡོམ་པ་གཉེན་པོ་ཀུན་ཏུ…

པ་ཚད་མེད་པ་རིས་སམ་ཕྱོགས་སུ་མ་ལྷུང་བ་བསྒོམ་པས་ན་ཚད་མེད་དམ། གནས་སྐབས་ཀྱི་འབྲས་བུ་གཟུགས་ཁམས་ཀྱི་ཚངས་པའམ། མཐར་ཐུག་གི་འབྲས་བུ་སངས་རྒྱས་ལ་ཚངས་པའི་སྒྲས་བཤད་པའང་འདི་ཉིད་བསྒོམ་པ་ལས་འབྱུང་བས་ན་ཚངས་པའི་གནས་ཞེས་བྱ་སྟེ། སྒོམ་པའི་ཚུལ་ནི། སེམས་ཅན་ཐམས་ཅད་ཡིད་ཡུལ་དུ་བྱས་ཏེ། འདི་རྣམས་བདེ་བ་དང་བདེ་བའི་རྒྱུ་དགེ་བ་བཅུ་ས…

འཇོག་པ་ནི་གནད་ཀྱི་དོན་ཏེ་འོག་ནས་འབྱུང་བའི་ལམ་ཐམས་ཅད་ཀྱང་རྨི་ལམ་སྒྱུ་མ་ལྟ་བུར་ཤེས་ནས་ཞེན་པ་རང་གྲོལ་དུ་འགྱུར་བ་དང༌། གོང་འོག་གི་ཐབས་ཀྱི་ཆ་ཐམས་ཅད་ཀྱང་ཤེས་རབ་དང་ཟུང་འབྲེལ་དུ་འགྱུར་བ་དང༌། སྟོང་ཉིད་ཀྱི་ངང་ལས་ལྷར་བཞེངས་པས་འབྲས་དུས་སུ་སྐུ་གཉིས་ཕྲིན་ལས་དང་བཅས་པ་འབད་མེད་ལྷུན་གྲུབ་ཏུ་རྫོགས་པའི་དགོས་པ་ཡོད་དོ།། ༈…

ཡན་ལག་གོ །སླར་ཡང་འོད་ཟེར་འཕྲོས་པས་དབང་ལྷ་སྤྱན་དྲངས་ནས་གསོལ་བ་གདབ། དབང་བསྐུར་ཞིང་རིགས་ཀྱི་བདག་པོའི་རྒྱས་བཏབ་སྟེ་དབང་ལྷ་རྣམས་ཀྱང་རིགས་བདག་ལ་ཐིམ་པར་བསམ་པ་ནི་སྒྲུབ་པ་ཆེན་པོའི་ཡན་ལག་གོ །དེ་ནས་རང་གི་སྙིང་གའི་ས་བོན་ལས་སྤྲུལ་པའི་ལྷ་མོ་རྣམས་ཀྱིས་རང་ཉིད་ལ་མཆོད་པར་བསམས་ལ་མཚན་སྔགས་སྔོན་དུ་འགྲོ་བའི་ཆུ་གཉིས་ཉེར་ས…

ནུས་པ། མཉེན་ལྕུག་དང་ལྡན་པའི་ཕྱག་གཉིས་ཀྱིས་གཡས་པ་པུས་མོའི་སྟེང་དུ་མཆོག་སྦྱིན་གྱི་ཕྱག་རྒྱ་དང༌། གཡོན་པས་ཨུཏྤལ་དཀར་པོའི་ཡུ་བ་མཐེབ་སྲིན་སྦྱར་བས་ཐུགས་ཀར་བཟུང་བའི་འདབ་མ་སྙན་གྱི་ཐད་ཀར་རྩ་བ་གཅིག་ལ་རྩེ་མོ་གསུམ་དུ་གྱེས་པའི་དབུས་ཀྱི་མེ་ཏོག་ད་ལྟར་གྱི་སངས་རྒྱས་རྣམས་མཚོན་པའི་བརྡར་ཁ་བྱེ་བ། གཡས་ཀྱི་མེ་ཏོག་འདས་པའི་སང…

རྩ་བ་ནས་བཻ་ཌཱུརྻའི་འཁྱུད་མོས་བསྡོམས་ཤིང་རྣ་ལྟག་གཉིས་སུ་ཨུཏྤལ་རྒྱས་པ་ལས་དར་དཔྱངས་འཕྱང་བ། སྙན་རྒྱན་ནི་རིན་པོ་ཆེའི་རྣ་ཀོར་ཟླུམ་པོ་ལ་ཕྲ་ཚོམ་གྱིས་མཛེས་པ། མགུལ་རྒྱན་ནི་གཡས་གཡོན་དབུས་གསུམ་དུ་རིན་པོ་ཆེའི་གཞུང་གསུམ་གྱི་བར་དྲྭ་བས་སྦྲེལ་བ་མགུལ་པར་འཁྱིལ་བའི་ཚུལ་དུ་ཡོད་པ། ཕྱག་གདུབ་ནི་རིན་པོ་ཆེའི་གཞུང་གསུམ་གྱི་བར…

ལོ་བསྒོམ་པ། རིགས་བདག་འཕོ་བ། སྲུང་འཁོར་བསྒོམ་པ། ཚེ་བཅུད་བསྡུ་བ། སྔགས་བཟླ་བའི་དམིགས་པ་རྣམས་ལས། དང་པོ་ནི། རང་ཉིད་རྗེ་བཙུན་མའི་སྐུ་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟ་བུར་གསལ་བའི་ཐུགས་ཀར་ཏེ་ནུ་མ་གཉིས་ཀྱི་བར་གྱི་ཐད་སྒལ་ཚིགས་ལ་ཉེ་བའི་གནས་དེར་རྒྱུ་ཟླ་བ་ལས་གྲུབ་པའི་ཆོས་ཀྱི་འཁོར་ལོ་དཀར་པོ་རྩིབས་བར…

ཞབས་རྡོ་རྗེའི་སྐྱིལ་ཀྲུང་གིས་བཞུགས་པ་ཞིག་ཏུ་གནས་པར་གྱུར་པར་བསམ། གསུམ་པ་ནི། རང་ཉིད་ཀྱི་ཕྱི་རོལ་ཏུ་འཁོར་ལོ་དཀར་པོ་སྦུབས་ཅན་ཞྭ་ཐེབས་ཁ་སྦྱར་བ་ལྟ་བུ། རྩེ་རིམ་གྱིས་རྣོ་བ། གཡས་སྐོར་དུ་འཁོར་བ་ལས་མེ་དཔུང་འབར་ཞིང་འཁྲུགས་པས་གདོན་བགེགས་ཐམས་ཅད་བྱ་སྒྲོ་མགར་གྱི་སོ་མལ་དུ་བབས་པ་ལྟར་གཞོབ་ཐུལ་ཐུལ་དུ་ཚིག་པར་བསམ། དེ་ནས་…

སྔགས་ཕྲེང་ལས་འོད་ཟེར་ལྗང་གུ་མརྒད་ཞུ་བའི་མདོག་ལྟ་བུ་འཕྲོས། ལུས་ཀྱི་ནང་ཐམས་ཅད་གང༌། མཆོག་དང་ཐུན་མོང་གི་དངོས་གྲུབ་ཐམས་ཅད་གཅིག་ཅར་དུ་འགྲུབ་པར་བྱས། བ་སྤུའི་བུ་ག་ནས་ཕྱིར་འཕྲོས། འོད་མཐིང་གའི་གུར་ཁང་གི་ཕྱི་རོལ་འདོམ་གང་ཙམ་དུ་འོད་ལྗང་གུའི་གུར་ཁང་དུ་གྱུར། ཕྲིན་ལས་ཐམས་ཅད་འགྲུབ་པར་བསམ། ཡང་སྔགས་ཕྲེང་ལས་འོད་ཟེར་མཆི…

གསུམ་རྡོ་རྗེ་གསུམ་གྱི་ངོ་བོར་རྒྱས་བཏབ་པར་འགྲོ་བས་ཤིན་ཏུ་ཟབ་ཅེས་གསུང་སྒྲོས་ཟིན་བྲིས་ཁ་ཅིག་ལས་འབྱུང་ངོ༌། །དེ་དག་བརྟན་པའི་ཕྱིར་ཐུགས་ཀའི་འཁོར་ལོ་དང༌། སྤྱི་བོའི་རིགས་བདག་ནས་འོད་མཆིན་ཁའི་བར་རིམ་བཞིན་གསལ་གདབ། ཡང་ཕྱི་རོལ་ནས་ཚུར་རིམ་བཞིན་གསལ་འདེབས་པ་སེམས་འཛིན་དང་ཆ་འདྲ་བའི་སྒོ་ནས་གསལ་སྣང་ཁྱད་པར་ཅན་མ་ཐོན་གྱི་བ…

ཐུགས་གཉིས་སུ་མེད་པའི་ཡེ་ཤེས་མཁྱེན་བརྩེ་ནུས་པའི་ཡོན་ཏན་རྣམས་དང་འཆི་མེད་ཚེ་ཡི་དངོས་གྲུབ་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ཏེ་ཕྱག་གི་བུམ་པའི་ནང་དུ་ཞུགས། དེ་ཉིད་གྱེན་དུ་འཕྱུར་ཞིང་ཁ་ནས་མར་ཞོམ་གྱིས་ལུད་པ་གཞན་དུ་བོ་ཟེག་མེད་པར་རང་གི་སྤྱི་བོ་ཚངས་པའི་བུ་ག་ནས་མར་ཞུགས། ལུས་ཀྱི་ནང་ཐམས་ཅད་མེར་གྱིས་ཁེངས། བདག་དང་…

བས། ནད་གདོན་སྡིག་སྒྲིབ་ཐམས་ཅད་དང་ཁྱད་པར་དུ་དུས་མ་ཡིན་པ་འཆི་བའི་རྒྱུ་ཚེ་རབས་གཞན་དུ་སྲོག་བཅད་པ་དང༌། ཚེ་ཐུང་བར་འགྱུར་བའི་རྒྱུ་གཞན་གྱི་འཚོ་བའི་རྐྱེན་འཕྲོག་པ་ལ་སོགས་པའི་ལས་ངན་ཐམས་ཅད་སྦྱངས། འཆི་བ་མེད་པ་ཚེ་ཡི་དངོས་གྲུབ་ཐོབ། བ་སྤུའི་བུ་ག་ཐམས་ཅད་ཀྱང་བདུད་རྩིའི་ཟིལ་པ་མུཀྟི་ཀའི་རྡོག་པའམ་སྐར་མའི་ཕྲེང་བ་ལྟ་བུ་ཁྲ…