པར་ཡོད་ན་ལས། གཞན་འདི་ནས་བཤད་པའི་རབ་འབྱོར་ཤེར་ཕྱིན་ཞུ་བ་པོའི་གྲས་སུ་ཡོད་པ་དེ་ཡིན་པར་བྱས་ན། ངེས་པར་ལྷ་བབས་ཀྱི་རྗེས་སུ་དགོས་པ་དང་། དེ་བཞིན་གཤེགས་པའི་སྙིང་པོའི་མདོའི་གླེང་གཞིར་ཚེ་དང་ལྡན་པ་ཀུན་དགའ་བོ་ལ་སོགས་པ་དགེ་སློང་འབུམ་དུ་ཚང་བ། ཞེས་པས་ཀུན་དགའ་བོ་འདུལ་བ་དང་མངོན་བྱུང་མཐུན་པར། གཞོན་ནུས་བླ་ན་མེད་པའི་ཡེ་ཤ…

ཚལ་རྣམས་ཁྱོན་གཅིག་ཏུ་ཡོད་པར་བཤད་ཅིང་། རི་དེའི་དབྱིབས་བྱ་རྒོད་ཀྱི་མགོ་བོ་འདྲ་བ་ཡོད་པས་བྱ་རྒོད་ཕུང་པོར་གྲགས་པའམ། དེར་སྟོན་པ་གཤེགས་པ་ན་བདུད་ཀྱིས་བྱ་རྒོད་ཀྱི་གཟུགས་སུ་སྤྲུལ་ནས་བཅོམ་ལྡན་འདས་ཀྱི་སྐུ་ཆོས་ཁྱེར་བ་སྟོན་པའི་མཐུས་དེ་ཉིད་དུ་བོར་བ་རྡོར་གྱུར་ནས་བཞི་རིམ་བྱས་ཏེ་ཆོས་གོས་ལྟ་བུར་འདུག་པས་བྱ་རྒོད་ཕུང་པོར…

སྣང་ཞེས་ཟེར། །འདི་ཡང་ཕྱེ་སྟེ་བཤད་ཀྱིས་ཉོན། །དངོས་པོའི་གནས་ལུགས་འཆད་པ་དང་། །སྐྱོན་ཡོན་བསྔགས་པ་རྣམ་གཉིས་ཡོད། །སྐྱོན་དང་ཡོན་ཏན་སྒྲོག་པ་ན། །སྙན་དངགས་མཁན་གྱི་ལུགས་བཞིན་དུ། །བྱ་རྒོད་ཕུང་པོའི་རི་ལ་ཡང་། །མཐོ་བ་ཟླུམ་པ་ལ་སོགས་བཤད། །ཅེས་བོད་ཡུལ་ན་ཐང་ཅུང་ཟད་ཡངས་པ་ལ་ཐང་ཆེན་པོའི་མིང་འདོགས་པ་བཞིན་དུ། མ་གྷ་དྷའི་ཡུལ་ག…

གྱི་ཁམས་འབར་བ་གཅིག་ཏུ་གྱུར་པ་དེའི་ས་ཕྱོགས་གང་ན་དེ་བཞིན་གཤེགས་པ་འཆག་གམ། བཞེངས་སམ། བཞུགས་སམ། མནལ་བའི་ས་ཕྱོགས་དེ་ལག་མཐིལ་ལྟར་མཉམ་པར་འགྱུར་བ་དང་། གྱོ་མོ་མེད་ཅིང་མཐོ་བའི་གཟུགས་སུ་འགྱུར་བ་དང་། ཡངས་ཤིང་མཉམ་པར་འགྱུར་བ་དང་། རྩྭ་ཕུན་སུམ་ཚོགས་པ་སྐྱེ་བར་འགྱུར་བ་དང་། ཆུ་ཡན་ལག་བརྒྱད་ལྡན་འབྱུང་བ་དང་། རབ་ཏུ་བསིལ་བའ…

སྦྱིན་གྱི་རྒྱལ་པོ་ས་ཡ་ཕྲག་གསུམ་དང་དྲུག་འབུམ། སྤོས་ཀྱི་གླང་པོའི་སྟོབས་དང་མཉམ་པའི་ཤུགས་ཅན་ལ་སོགས་པ་ནམ་མཁའ་ལྡིང་གི་རྒྱལ་པོ་ས་ཡ་ཕྲག་བཞི་དང་དགུ་འབུམ། དགའ་བའི་སྙིང་པོ་ལ་སོགས་པ་དྲི་ཟའི་རྒྱལ་པོ་ས་ཡ་ཕྲག་དྲུག་དང་བརྒྱད་འབུམ། ལེགས་མཐོང་ཡིད་འཕྲོག་ལ་སོགས་པ་མིའམ་ཅིའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ། འཇིགས་སུ་རུང…

རང་རང་གི་འཁོར་འབུམ་དང་བཅས་པ། བཏང་བཟུང་དང་བཏང་བཟུང་ཆེན་པོའི་ལྷ་འབུམ། གངས་རི་ལ་གནས་པའི་སྨན་གྱི་ལྷ་མོ་དུ་མ། སེང་གེའི་རྒྱལ་པོ་རིན་ཆེན་པདྨ་དང་། སྤོས་ཀྱི་གླང་པོའི་རྒྱལ་པོ་རི་བོ་རང་གི་འཁོར་འབུམ་དང་བཅས་པ་སྟེ་མདོར་ན་སྲོག་ཆགས་གང་ཇི་སྙེད་ཡོད་པ་འདུས་པའི་དབུས་སུ། སྐུ་ཡང་མང་ཞིང་གཟུགས་མང་བའི། །དེ་བཞིན་གཤེགས་པ་ཆོས་…

པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། གཞན་ཡང་ཁྲག་ཁྲིག་བརྒྱ་སྟོང་དུ་མ་ལ་ཆོ་འཕྲུལ་རྣམ་པ་གསུམ་གྱིས་ཐོག་མ་དང་བར་དང་ཐ་མར་དགེ་བ་ལ་སོགས་པ་དང་ལྡན་པ་ཕར་ཕྱིན་དྲུག་གི་ཆོས་སྔོན་གྱི་མཁས་པ་བུ་སྟོན་ལྟར་ན། ཤིན་ཏུ་རྒྱས་པའི་རྒྱས་པ་ཤོ་ལོ་ཀ་བྱེ་བ་ཕྲག་བརྒྱ་པ། རྒྱ…

པར་བྱེད་པ་ཡིན་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་སོ། །ཞེས་པའི་ཡུམ་དེ་ལ་བརྗོད་བྱ་མངོན་རྟོགས་བརྒྱད་དུ་ཕྱེ་མ་ཕྱེ་མཁས་པ་སྔ་མ་རྣམས་སྲས་ཡུམ་བཅུ་བདུན་དུ་མཛད་པས་འབུམ། ཉི་ཁྲི། ཁྲི་བརྒྱད་སྟོང་པ། ཤེས་རབ་ཁྲི་པ། བརྒྱད་སྟོང་པ། སྡུད་པ་རྣམས་ཡུམ་དུ་བགྲངས་པའི་ཡུམ་དྲུག །ཤེར་ཕྱིན་…

དུ་བཞུགས་པ་དེ་སྤྱན་འདྲེན་པ་པོ་འཇམ་དཔལ་རྩ་རྒྱུད་རབ་འབྱམས་སོ་དྲུག་པ་ལས། དེ་བཞིན་གཤེགས་པ་ང་འདས་ནས། །ལོ་ནི་བཞི་བརྒྱ་ལོན་པ་ན། །དགེ་སློང་ཀླུ་ཞེས་དེ་འབོད་འབྱུང་། །བསྟན་པ་ལ་ནི་དད་ཅིང་ཕན། །རབ་ཏུ་དགའ་བའི་ས་ཐོབ་པ། །ལོ་ནི་དྲུག་བརྒྱ་དག་ཏུ་འཚོ། །རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །ཅེས་དང་། འཕགས…

རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལྷོ་ཕྱོགས་ཀྱི་རྒྱུད་དང་བྱང་ཕྱོགས་ཀྱི་རྒྱུད་ན་ཕྱི་མའི་དུས་ཕྱི་མའི་ཚེ་ལྔ་བརྒྱ་ཐ་མ་ན་སངས་རྒྱས་ཀྱི་བྱ་བ་བྱེད་པར་འགྱུར་རོ། །ཞེས་གསུངས་པ་ལྟར་རྒྱུ་ཕ་རོལ་ཏུ་ཕྱིན་པ་མདོའི་ཕྱོགས་ཀྱི་ལམ་མཐར་ཐུག་པ་ཕར་ཕྱིན་དྲུག་གི་ནང་ནས་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལ་སྦས་དོན་མངོན་རྟོགས་ཀྱི་རིམ་པ…

གངས་ཅན་བོད་ཀྱི་ཡུལ་འདིར་སྐད་གཉིས་སྨྲ་བའི་དབང་པོ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའམ་འབུམ་ཇི་ལྟར་བསྒྱུར་བའི་ཚུལ་ལ། སྔོན་ཆོས་ཀྱི་རྒྱལ་པོ་སྲོང་བཙན་སྒམ་པོའི་དུས་རྒྱ་གར་གྱི་སློབ་དཔོན་ཀུ་ས་ར། བྲམ་ཟེ་ཤང་ཀ་ར། ཁ་ཆེ་ཏ་ནུ། བལ་པོ་ཤཱི་ལ་མཉྫུ། རྒྱ་ནག་ཧ་ཤང་མ་ཧཱ་དེ་བ་རྣམས་བོད་དུ་བྱོན། ལོ་ཙཱ་བ་ཐུ་…

གཞུང་གི་ས་ཁོངས་གཅོད་ཚུལ། དེ་ཇི་ལྟར་འཆད་ཚུལ། གཞུང་དོན་དངོས་བཤད་པ་དང་གསུམ། དང་པོ་ལ། མཆོད་བརྗོད་དང་དམ་བཅའ་སོང་བའི་རྗེས་སུ། ཤེས་རབ་ཕ་རོལ་ཕྱིན་པ་ནི། །ཞེས་སོགས་ཚིགས་བཅད་གཉིས་ཀྱིས་རྒྱས་པར་དགའ་བ་ལ་རྣམ་མཁྱེན། ལམ་ཤེས། གཞི་ཤེས་ཏེ་ཡུལ་མཁྱེན་པ་གསུམ། རྣམ་རྫོགས། རྩེ་སྦྱོར། མཐར་གྱིས་པ། སྐད་ཅིག་མ་བཅས་ལམ་སྦྱོར་བ་བཞི།…

པ་རྣམས་དང་ནི། །ཞེས་སོགས་ཚིགས་བཅད་གཉིས་ཀྱིས་གདམས་ངག །ཞར་བྱུང་གི་དོན། དབང་པོ་རྟུལ་དང་རྣོན་པོ་དག །ཅེས་སོགས་ཚིགས་བཅད་གཉིས་ཀྱིས་དགེ་འདུན་ཉི་ཤུ། དམིགས་པ་དང་ནི་རྣམ་པ་དང་ཞེས་པ་ནས། རྣམ་པ་ཀུན་ཏུ་ཡོངས་འཛིན་ཡིན། །ཞེས་པའི་བར་ཚིགས་བཅད་བཅུ་གཉིས་ཀྱིས་ཐེག་ཆེན་སྦྱོར་ལམ་བཞི། དེ་རེ་རེ་ལ་ཆུང་འབྲིང་ཆེན་པོ་གསུམ་གསུམ་དེ་རྗ…

གསུམ་རྣམ་དག །ཆེད་དུ་བྱ་བ། མངོན་ཤེས་དྲུག །རྣམ་མཁྱེན་ཉིད་ལ་འཇུག་པའི་སྒྲུབ་པའི་བར་འཇུག་པའི་བྱ་བ་རྣམ་གྲངས་དགུ། བརྩེ་དང་སྦྱིན་ལ་སོགས་པ་དྲུག་ནས། རིམ་པ་ཡིན་པར་ཤེས་པར་བྱ། །ཞེས་པའི་བར་ཚིགས་བཅད་གཉིས་ཀྱིས་བརྩེ་བ་སྙིང་རྗེ་ཆེན་པོའི་ཚོགས་སྒྲུབ་ནས། ཕར་ཕྱིན་དྲུག །ཞི་གནས། ལྷག་མཐོང་། ཟུང་དུ་འབྲེལ་བ། ཐབས་མཁས། ཡེ་ཤེས། …

མེད་པའི་ཆོས་ཀྱི་སྦྱིན་པ་དང་། རང་གང་དུ་སངས་རྒྱ་བའི་སངས་རྒྱས་ཀྱི་ཞིང་སྦྱོང་བ་དང་། འགྲོ་བས་ཕན་ལན་དུ་གནོད་པ་བྱེད་པ་ལ་ཡོངས་སུ་མི་སྐྱོ་བ་དང་། རང་དང་གཞན་ལ་ལྟོས་ནས་མི་དགེ་བའི་ཆོས་མི་བྱེད་པ་དང་ལྔ། ནགས་གནས་འདོད་ཆུང་ཆོག་ཤེས་དང་། ནས། མི་ཞུམ་པ་དང་ལྟ་བ་མེད། །ཅེས་པའི་བར་ཚིགས་བཅད་ཕྱེད་གཉིས་ཀྱིས་ས་བཞི་པའི་ཡོངས་སྦྱོང…

སྤངས་པ་དང་། སྦྱིན་པ་ལ་སྤྲོ་བའི་བརྩོན་འགྲུས་ལྷག་པས་སློང་བ་པོས་བསླངས་ན་སེམས་མི་ཞུམ་པ་དང་། སྦྱིན་པ་ལ་སེམས་རྩེ་གཅིག་པའི་བསམ་གཏན་ལྷག་པས་ཕྱི་ནང་གི་བདོག་པ་ཀུན་བཏང་ལ་འགྱོད་པའི་སེམས་སྤངས་པ་དང་། སྦྱིན་པའི་ཕན་ཡོན་རྟོགས་པའི་ཤེས་རབ་ལྷག་པས་དེའི་མཐར་རང་ཉིད་དབུལ་ཡང་སློང་བའི་སྐྱེ་བོ་མི་སྤོང་བ་སྟེ་ཕར་ཕྱིན་དྲུག་དང་དེའ…

ལ་སྨོན་ལམ་མཐའ་ཡས་པ་འགྲུབ་པ་དང་། སོ་སོ་ཡང་དག་རིག་པ་ཐོབ་པས་ལྷ་ལ་སོགས་པའི་སྐད་ཤེས་པ་དང་། ཆོས་སྟོན་པ་ལ་སྤོབས་པ་ཆུ་བོ་ལྟ་བུ་རྒྱུན་མི་ཆད་པ་དང་། བུད་མེད་སྒྱུ་འཕྲུལ་མ་ལྟ་བུའི་མངལ་དུ་སྐྱེ་བ་མཆོག་དང་། རྒྱལ་པོ་དང་བྲམ་ཟེའི་རིགས་མཆོག་དང་། བུ་རམ་ཤིང་པ་ལྟ་བུའི་རུས་མཆོག་དང་། ཕ་མ་ནས་བདུན་བརྒྱུད་བར་མ་ཆད་པའི་ཆོ་འབྲང་ད…

པས་སྤང་བྱ་ཟད་པ་དང་། རྟོགས་བྱའི་དོན་ཐམས་ཅད་ཐོས་པ་དང་། ཆོས་བཅུ་རྣམ་པ་ཐམས་ཅད་དུ་མངོན་སུམ་མཁྱེན་པའི་རྣམ་མཁྱེན་དང་། དེའི་ཁྱད་པར་གྱི་ལམ་རྡོ་རྗེ་ལྟ་བུའི་ཏིང་ངེ་འཛིན་ཏེ་ངེས་འབྱུང་སྒྲུབ་པ་བརྒྱད་རྣམས་བསྟན་ནས་སྐབས་དང་པོ་རྫོགས། སྐབས་གཉིས་པ་ལམ་ཤེས་ལ་ཆོས་བཅུ་གཅིག་ཡོད་པའི་དང་པོ་ནི། ལྷ་རྣམས་རུང་བར་བྱ་བའི་ཕྱིར། ནས། …

ཆུབ་འགྲུབ་པའི་ནུས་པ་དང་ལྡན་པ་དང་། རྟེན་བྱང་སེམས་སྒོམ་ལམ་པ་གང་དུ་བཞུགས་པའི་ས་ཕྱོགས་མཆོད་རྟེན་དུ་འགྱུར་བའི་བྱེད་པ་དང་དྲུག །ལམ་ཤེས་ཀྱི་ཆོས་དྲུག་པ་སྒོམ་ལམ་གྱི་མོས་པ་ནི། མོས་པ་རང་གི་དོན་དང་ནི། ནས། རྣམ་པ་ཉི་ཤུ་བདུན་དུ་འདོད། །ཅེས་པའི་བར་ཚིགས་བཅད་གཉིས་ཀྱིས་རྩ་བ་རང་དོན་མོས་པ་སྒོམ་ལམ། གཉིས་དོན་མོས་པ་སྒོམ་ལམ། …

ཆེན་པོ་མཐར་ཐུག་གི་ཡོན་ཏན་དང་འབྲེལ་བའི་སྒྲུབ་པ་སྒོམ་ལམ་དང་ལྔ། ལམ་ཤེས་ཀྱི་ཆོས་བཅུ་གཅིག་པ་རྣམ་དག་སྒོམ་ལམ་ནི། སངས་རྒྱས་བསྟེན་དང་སྦྱིན་སོགས་དང་། ནས། གཉེན་པོ་ཉིད་དུ་འདོད་པ་ཡིན། །ཞེས་པའི་བར་ཚིགས་བཅད་དྲུག་གིས་ས་བཅུའི་རྣམ་དག་སྒོམ་ལམ་བཅུའོ། །ཆུང་འབྲིང་ཆེན་པོ་སོགས་དགུ་རྣམས་སུ་བཤད་དེ་སྐབས་གཉིས་པ་རྫོགས། སྐབས་གསུ…