སོ་སོར་ཆགས་སྡང་གི་ཁ་འཛིན་དང་། དགེ་བའི་བཤེས་གཉེན་གཞན་ལའང་ཞལ་སྐུར་རིས་སུ་གཅོད་པ་སོགས་མི་མཛད་པར་ཐམས་ཅད་ལ་དག་སྣང་སྦྱོང་ཞིང་སྤེལ་བར་མཛད་ནའང་། ཆོས་ཀྱི་གནད་དགོངས་པས་རང་ཉིད་སྒྲུབ་རྒྱུད་ཀྱི་གནས་ལུགས་སྟོན་པའི་ཚུལ་རྣམས་ལ་ཐུགས་འགྲོ་ཞིང་། གཞི་ལམ་འབྲས་གསུམ་གྱི་གྲུབ་མཐའི་བཞག་མཚམས་ཀྱང་ཀུན་མཁྱེན་ཆོས་རྗེའི་ལུགས་ལས་གཞ…

ལས་བྱང་། ཚེ་དཔག་མེད་ཀྱི་ལས་བྱང་། དེའི་དབང་ཆོག་དང་བརྟན་བཞུགས་འབུལ་བའི་ཁྲིགས་རིམ། ཞལ་བཞི་པའི་བསྐང་བ་སོགས་སོ། །གཤིན་རྗེ་གཤེད་ཀྱི་སྐོར་ལ། ལས་བྱང་དང་། རྒྱུན་ཁྱེར་སྙིང་པོ་བསྡུས་པ། བསྙེན་ཡིག དཀྱིལ་ཆོག་མནན་སྲེག་འཕང་གསུམ་སོ་སོའི་མན་ངག ལག་ལེན་གསེར་ཐུར། ལས་གཤིན་གྱི་འཕྲིན་ལས་རྣམས་སོ། །གནམ་ལྕགས་བྲག་གི་གཏེར་གསར་ས…

ཡང་ཏིག མཁའ་འགྲོ་སྙིང་ཐིག་གི་གཞུང་ཁྲིད་རྣམས་ཚར་གསུམ་དང་། ཡང་ཐིག་གི་ལྷན་ཐབས་སྦྱར་བ་ཚར་གཉིས། རྡོར་སེམས་སྙིང་ཐིག་ཀུན་བཟང་དགོངས་འདུས། རྡོ་རྗེ་ཟམ་པ། དཀོན་ཅོག་སྤྱི་འདུས། ཕྱག་ཆེན་ལྔ་ལྡན་རྣམས་ཚར་རེ་དང་། བྱང་གཏེར་ཐུགས་རྗེ་ཆེན་པོ་དང་། ཡང་ཐིག་གཅེས་སྒྲོན། མ་གཅིག་གི་གཅོད་ཁྲིད་རྣམས་སོ་སོ་ནས་ཚར་གཉིས་རེ། གཏེར་གསར་གྱ…

རྟེན་གསུམ་གྱི་མགོན་པོར་གྲུབ་པ་དང་། གདུགས་ཐོགས་ཀྱི་སྐྱེས་ཆེན་གྲགས་འབར་དུ་གྱུར་པ་དང་། བརྒྱུད་འཛིན་ཐུགས་ཀྱི་སྲས་སུ་གྱུར་པ་དང་། སྐྱེ་བརྒྱུད་རིགས་དང་སྦྱངས་པས་ཆེ་བ་དང་། རིག་གནས་སྤྱི་བྱེ་བྲག་གིས་བརྒྱན་པ་དང་ལྔའོ། །དང་པོ་ནི། ཀུན་མཁྱེན་རྒྱལ་བའི་དབང་པོ་ཐམས་ཅད་མཁྱེན་པ་ཆེན་པོས་ཀྱང་སྨིན་གྲོལ་གདམས་པའི་བདུད་རྩི་མཐའ…

ཅེས་ལུང་བསྟན་པའི་ཕྱིར་རོ། །གཉིས་པ་ནི། རིགས་ཀྱི་གཅུང་པཎ་ཆེན་རྒྱལ་བའི་སྲས་པོ་བསྟན་པའི་ཉི་མ། རྗེ་དབོན་ཀུན་དགའ་ཚུལ་ཁྲིམས་རྒྱ་མཚོ། སྤྲུལ་པའི་སྐུ་གཞན་ཕན་དབང་པོ། ཐུ་སྟོན་འཇམ་དབྱངས་བསོད་ནམས་དཔལ་བཟང་། ཨོ་རྒྱན་རྣམ་རྒྱལ་རྡོ་རྗེ། སྙིང་ཕུ་བ་ཨོ་རྒྱན་སངས་རྒྱས་བསྟན་འཛིན། ཉང་སྟོན་ངག་དབང་ཆོས་འཕེལ། སོ་སྟོན་ཨོ་རྒྱན་དཔལ…

རོང་པ་རྫོགས་ཆེན་པ་སྙན་གྲགས་རྒྱ་མཚོ། ཁྲི་དཔོན་སྔགས་འཆང་མཐུ་སྟོབས་གྲགས་པ། ཟུར་འུག་བྱ་ལུང་པ་ཡབ་སྲས། ཟུར་ཡང་དབེན་པ་ཡབ་སྲས། འབྲོ་སྒྲོལ་མ་བ་མཆེད། ཟུར་ཆུ་མིག་པ་ཁུ་དབོན། སེ་བཀྲ་བཟང་པ། སེ་རྒྱ་མཁར་བ། ཀ་ཚལ་བ་དཀོན་ཅོག་ལྷུན་གྲུབ། སྒོ་མོ་བ་ཤཱཀྱ་རིན་ཆེན། སྤ་ལུང་པ་མདོ་སྔགས་ལེགས་བཤད། འབྲོམ་རྡོ་རྗེ་དབང་གྲགས། རྒྱ་སྟོན…

ཀྱི་བཀའ་དྲིན་མ་ནོད་པ་ནི་མེད་པ་ལྟ་བུ་ཡིན་ཞིང་། དཔལ་ཕྱོགས་ཐམས་ཅད་ལས་རྣམ་པར་རྒྱལ་བའི་གྲྭ་ཚང་ཆེན་མོ་ཕན་བདེ་ལེགས་བཤད་གླིང་པ་དང་། ཨོ་རྒྱན་སྨིན་གྲོལ་གླིང་པ་སོགས་འདུས་པའི་སྡེ་མང་པོ་ལའང་དབང་ལུང་མན་ངག་མཐའ་ཡས་པ་སྩལ་བ་དང་། གཞན་ཡང་སྡེ་སྣོད་འཛིན་པའི་མཁས་པ་དང་། ཚེ་བློས་བཏང་གི་གྲུབ་ཆེན། དད་པ་དང་ངེས་ཤེས་ཅན་གྱི་སློབ་…

ཏེ་ཟང་ཟིང་གི་ཡོ་བྱད་དུ་མའི་བཀུར་སྟིས་མཆོད་ཅིང་བསྟོད་པ་དང་། སྙན་པ་སྒྲོག་པ་ལ་སོགས་པའི་སྒོ་ནས་ཞབས་འདེགས་པ་ལ་བརྩོན་པར་བྱེད་པ་ཤ་སྟག་སྟེ་མང་དུ་བརྗོད་པས་ཅི་ཞིག་བྱ། མདོར་ན་ལྷ་དང་བཅས་པའི་འགྲོ་བ་ཐམས་ཅད་ཀྱི་ཕྱག་གི་གནས། མཆོད་པའི་ཞིང་དམ་པར་གྱུར་པ། བསྟན་འཛིན་མཁས་གྲུབ་ཀུན་གྱི་གཙུག་གི་ནོར་བུ། སྙན་པའི་བ་དན་ཅན། མཚན་བ…

བས། །དྲེགས་ལྡན་རལ་པ་ཀུན་ཀྱང་ཞབས་བརྟེན་དུ། །བུ་གར་ཉི་ཟེར་རྡུལ་བཞིན་འཇུག་པ་ཉིད། །བདག་ཀྱང་དད་གསུམ་དགེ་བའི་གླེགས་བུ་ལ། །རྨད་བྱུང་ཚོན་རིས་གསར་པའི་སྒྱུ་འཕྲུལ་གྱིས། །ངོ་མཚར་ཀུན་ཏུ་བཟང་པོའི་རྟོགས་བརྗོད་གཟུགས། །སྐལ་ལྡན་མིག་ལ་ཀུན་དགའི་དགའ་སྟོན་སྦྱིན། །དེ་ལྟར་ནའང་འཁོས་མེད་སྦྲང་བུ་ཡི། །གཤོག་རྩེ་བསྐྱོད་པས་མཁའ་ལ་…

བྱ་བ་འདི་ནི། རྗེ་ཉིད་ལ་མི་འཕྲོག་པའི་དད་གུས་དང་ལྡན་ཞིང་། བློ་གྲོས་དང་། སྙིང་རྗེ་དང་། བརྟུལ་ཕོད་པ་དང་། དེས་པ་དང་། གཏོང་བ་ལ་སོགས་པ་ཕུལ་དུ་ཕྱུང་བའི་ཡོན་ཏན་དུ་མས་མངོན་པར་མཐོ་བ་མིའི་དབང་པོ་ཁྲི་དཔོན་ཧེནྡུ་ཤྲཱི་ཀུན་དགའ་བསོད་ནམས་ལྷུན་གྲུབ་ཀྱིས་བཀའ་སྩལ་ནན་ཅན་བརྒྱུད་མར་ཕེབས་པ་ལྟར་ས་བོན་ཟིན་རིས་སུ་འཁོད་པ་དག་དང་…

གཏེར་ཆེན་ཆོས་ཀྱི་རྒྱལ་པོའི་རྣམ་ཐར་དད་པའི་ཤིང་རྟ་ཉིད་ཀྱི་འཕྲོས་ནས་བརྗོད་པ་དུམ་བུ་གཉིས་པ་བཞུགས་སོ། །ལོ་ཆེན་དྷརྨ་ཤྲཱི།

ཛྙེ ཡ ས རྦེ ཥཱཾ ཏ ཏྭ ཡ ཤྱཱི། །ཀཱ རུ ནཻ སྶཾ ས ཏྭཱ བི ཤུ དྡྷ། ། ཤེས་བྱ་ཀུན་གྱི་དེ་ཉིད་གཟིགས། །རྣམ་དག་ཐུགས་རྗེས་ལུས་ཅན་ཀུན། ། བཻ ན ཡཱ ཎཱཾ ཀ རྨོ བ ར དྷྲི ཀ྄ ཛྱེ ཥྛ ནི དྷྱུ ཏྟ ཪྱཾ པྲ ཎ མྱཾ། ། འདུལ་བའི་ཕྲིན་ལས་མཆོག་མངའ་བ། །གཏེར་ཆེན་བླ་མ་ལ་ཕྱག་འཚལ། །གང་ཞིག་མཁའ་ཁྱབ་བདེ་བར་གཤེགས་ཀུན་གྱི། །ཕུལ་བྱུང་མཁྱེན་པས་གཞལ་…

ཅན་གྱི་དུས་ན་འཆིང་གྲོལ་མེད་པའི་གནས་ལུགས་སེམས་རང་བཞིན་གྱིས་འོད་གསལ་བ་དེ་ཉིད་མེད་སྣང་གློ་བུར་གྱི་སྒྲིབ་པ་ཐམས་ཅད་དང་བྲལ་བའི་ངོ་བོ་ཉིད་ཀྱིས་སྤངས་ཐོབ་མེད་པའི་རང་བཞིན་མངོན་དུ་མཛད་པ་ལས། རྣམ་པ་སྒྲིབ་གཉིས་བག་ཆགས་དང་བཅས་པ་མཐའ་དག་སྤངས་པ་རྣམ་པར་གྲོལ་བའི་སྐུ་ནི་སྤོང་བ་ཆེན་པོ་དང་། ཤེས་བྱའི་དཀྱིལ་འཁོར་མ་ལུས་པ་མངོན…

སྲིད་ཀྱི་མཛད་པ་མདོ་ཙམ་ཞིག་རིས་མེད་བསྟན་པའི་སྦྱིན་པོ་ཡར་འབྲོག་ཁྲི་དཔོན་གྱི་གསུང་ངོར་ཁོ་བོ་ཅག་གིས་སྔར་སྤེལ་བ་ཉིད་དབང་རིགས་གྲུབ་པའི་ཁྱུ་མཆོག་པདྨ་རྒྱལ་མཚན་གྱིས་དྲི་མ་མེད་པའི་དད་གུས་ཆེན་པོས་ཀུན་ནས་སློང་སྟེ་གླ྄ེགས་བམ་གྲངས་མེད་པར་འཆར་བའི་ཕྱི་མོ་ཟད་པ་མེད་པའི་ཆོས་སྦྱིན་གྱི་པར་དུ་སྤེལ་བར་མཛད་ཅིང་། དེ་ཕྱིན་ནས་…

ཨེ་པའི་ཡིག་མཁན་རྣམས་ཀྱིས་བཀའ་འགྱུར་བཞེངས་པའི་ལས་འཕྲོ་དང་། ཞོ་ར་བ་རྣམས་ཀྱིས་བསི་ཐང་གྲུ་བཞི་མའི་བྲིས་བཀོད་ཇི་ལྟ་བའི་ཐུབ་ཆེན་གནས་བརྟན་བཅུ་དྲུག་དང་བཅས་པའི་ཐང་སྐུ་གྲ་ཚར་ཉི་ཤུ་རྩ་གཅིག་བཞེངས་པའི་སྐྱ་རིས་ཚུགས་པའི་ཞལ་བཀོད་མཛད། ས་ག་ཟླ་བའི་ཚེས་གཅིག་གི་སྔ་དྲོ་སྐུ་ཞང་ཚེ་དབང་མི་འགྱུར་རབ་བརྟན་གྱིས་སྟན་དཀར་དྲི་མ་མེ…

པའི་ལུང་ཕྲན་མང་པོ་དང་། གྲྭ་ཚང་ཆེན་མོའི་གྲྭ་པ་ངག་དབང་དཔལ་མགོན་ལ་རྒྱ་ཅན་གྱི་ཕྱག་རྡོར་དྲེགས་འདུལ་གྱི་དབང་དང་དམིགས་རིམ་གྱི་ཁྲིད། དམག་ཟོར་མའི་མདོས་ཆོག་གི་ལུང་རྣམས་མཛད་ཅིང་། སྤ་ལུང་སྤྲུལ་སྐུའི་ཞབས་བརྟན་འབུལ་མི་དང་། ཆུ་བཟང་ནས་ཡུམ་དྲུང་སྐུ་མཆེད་ཀྱིས་འཚམས་དྲིའི་ཞུ་འཕྲིན་གོས་དར་གྱི་འབུལ་བ་གྱ་ནོམ་པ། སྟག་རྩེ་ཞབ…

འགགས་པ་དང་། ཁྱད་པར་རྗེ་ཉིད་ནས་འཆི་བསླུ། བྱབ་བ ཀྲུ། དབང་བྱིན་རླབས་སོགས་མཛད་ཅིང་། དཔོན་ཚང་ཆོས་མཛད་ཀྱིས་སྨན་བཅོས་ཀྱང་དྲག་ཏུ་ཕུལ་བས་གདུང་བརྒྱུད་རིན་པོ་ཆེའི་སྐུ་ལ་འཕྲོད་ངོ་ཅུང་ཟད་བ ལྟས་པ་དང་། ཡུམ་ཉིད་གློ་བུར་དུ་སྙུང་དྲག་པོས་ཐེབས་ཏེ། བཅུ་དགུའི་ཉིན་དེར་བྱིན་རླབས་མཛད་དུ་ཕེབས་སྐབས་བཀའ་ལས། ཁ་སང་ནས་རྨི་ལྟས་སོག…

གཅིག་སྔ་མ་གཉིས་སྐུ་ཚེ་ཐུང་བ་ལྟར་སྣང་བའང་སྔར་དར་གླིང་དུ་བཞུགས་དུས་རྟེན་འབྲེལ་གྱི་སྒྲིག་ཐབས་ཤིག་ལ་དམ་སྲིའི་བར་གཅོད་ཀྱིས་གླགས་རྙེད་དེ་རྐྱེན་ཆེར་མེད་པར་ཐུགས་འུར་ནས་གཏེར་ཤོག་ཞུགས་ལ་འབུལ་བར་མཛད་པ་སོགས་རྐྱེན་འགས་རྟེན་འབྲེལ་གྱི་སྣ་ལོག་པ་ཡིན་པར་སྣང་ངོ་། །དེ་སྐབས་ཞབས་དྲུང་གདུང་བརྒྱུད་རིན་པོ་ཆེའི་སྙུང་གཞི་བདེ་…

སྡེ་གྲགས་ཆེ་བ་རྣམས་དང་། ལྷོ་ཁའི་དགོན་ཆེ་ཕྲ་ཕལ་ཆེ་བར་མང་ཇ་རྣམ་བཞག་བསྔོ་རྟེན་དང་བཅས་པ། གོང་མ་རྒྱལ་བའི་དབང་པོ་སོགས་སྐྱེས་བུ་དམ་པ་རྣམས་ཀྱི་སྤྱན་སྔར་བསྔོ་རྟེན། མཆིམས་ཕུ་དང་བསམ་ཡས་སོགས་སུ་བརྒྱ་མཆོད་ཀྱིས་མཚོན་གནས་ཆེན་ཀུན་ཏུ་སྙན་དར་དཀར་མེ་ཅོད་པན་ལ་སོགས་པའི་མཆོད་འབུལ། གྲྭ་ཕྱི་ནང་མོན་མཁར་རྣམས་ཀྱི་སྡེ་ཆེ་ཕྲ་ཕལ…

གཤེགས་རྫོངས་ཕུལ་དུ་བྱུང་བ་སྒྲུབ་པར་མཛད། དེ་དག་གི་སྐབས་སུ་གཙོ་བོར་གོང་ཞབས་ཡས་ཕྱིན་ནས་གྲུབ་རྒྱལ་གླིང་པ་མི་སྣར་གནང་བའི་གནང་ཆ་བཟང་ཞིང་སྤམ་མཐོ་བ་དང་། གཞན་ཡང་ཐུགས་འབྲེལ་ཅན་ཐམས་ཅད་ཀྱིས་ཀྱང་སྐུ་ཚིགས་གསོལ་བ་དང་གདུང་འབུལ་སྙེལ་ཇ་འབུལ་བ་སོགས་མང་དུ་བྱུང་ཞིང་། གྲུབ་རྒྱལ་གླིང་པར་གུར་དྲག་གི་དབང་དང་། ཁམས་པ་བླ་མ་ཆོས་…