ཀྱི་སྐུའི་གནས་ལས་བྱུང་བར་ཐལ། ཁྱོད་ཀྱི་སྐུའི་གནས་ཉི་ཤུ་ལས་བྱུང་བའི་ཕྱིར་ཏེ། འགྲེལ་ཆུང་ལས། བྱིན་པ་སྟ་ཟུར་དཀུ་སྐབས་དང་། །དཔུང་ལས་ཡ་ར་ཝ་ལ་བྱུང་། །ཕྱག་མཐིལ་ཐུགས་ཀ་མཛོད་སྤུ་དང་། །ཞབས་མཐིལ་གསང་གནས་ལས་རིམ་བཞིན། །ཤ་ཥ་ས་ཧཱ་ཀྵ་རྣམས་འཕྲོས། །སྤྱན་སྙན་ཚེམས་ཤངས་རྣམ་བཞི་ལས། །གཉིས་གཉིས་འཕྲོས་པས་ཨི་ཨཱི་དང་། །ཨུ་ཨཱུ་ཨ…

ཡི་གེར་ཞུགས། །ཞེས་བཤད་པའི་ཕྱིར། ཡང་། ཏིག་ནི་ཤེས་རབ་མིང་དུ་སྨྲ། ཡི་གེ་ཏིག་དེ་ཤེས་རབ་ཀྱི་མིང་ཡིན་པར་ཐལ། དེ་ལྟར་བཤད་པའི་ཕྱིར། འདོད་ན། ཡི་གེ་ཏིག་དེ་ཆོས་ཅན། ཁྱོད་ཤེས་རབ་ཀྱི་མིང་ཡིན་པར་ཐལ། དེ་ལྟར་བཤད་པའི་ཕྱིར། འདོད་ན། ཡི་གེ་ཏིག་དེ་ཆོས་ཅན། ཁྱོད་ཤེས་རབ་ཀྱི་མིང་མ་ཡིན་པར་ཐལ། ཚེག་ལ་ཏིག་ཅེས་བཤད་པའི་ཕྱིར་ཏེ། ཡོ་…

པའི་སྒོར་གྱུར་པས་ལམ་དང་འདྲ་བ་ཡིན་པའི་དོན་དང་ཐིག་ཡིན་པའི་དོན་ཡང་། བརྗོད་བྱའི་དོན་ཡང་དག་པ་དྲང་པོར་མཚོན་བྱེད་ཐིག་ཡིན་པར་ཡང་བཤད་པས་ཐིག་དང་ལམ་དོན་གཅིག་པར་བཤད་པ་སྟེ། གཟུགས་ཅན་སྙིང་པོས་ཞུས་པའི་མདོ་ལས། ཡི་གེ་བཞི་བཅུ་རྩ་གཉིས་ལམ། །མ་ནོར་དམ་པ་ཐིག་ཡིན་པས། །རྐང་ལམ་མཐིལ་ནས་ཡི་གེར་ཞུགས། །ཡི་གེའི་མགོ་ནི་ཐིག་ཅེས་བྱ།…

དྲི་བ་དྲུག་པ་ལེའུ་བཅོ་ལྔ་པའི་སྐོར་ལ། འཕྲོས་དོན་ཞིག་སྨོས་ནས་བརྗོད་པར་བྱ་སྟེ། དེ་ནས་དེ་བཞིན་གཤེགས་པ་ཆེ་བའི་རྡོ་རྗེ་བཀོད་པའི་སྒྱུ་འཕྲུལ་དྲྭ་བ་ལས། འཇིག་རྟེན་དྲུག་གི་ཕྱོགས་བཅུའི་སྲིད་པ་གསུམ་གྱི་བདག་པོ་འདུལ་བའི་ང་རྒྱལ་ཆེན་པོའི་གཟི་བརྗིད་སྟོན་པའི་ཕྱིར། ཞེས་སོགས་ཀྱི་གཞུང་འདི། དེ་ནས་དེ་བཞིན་གཤེགས་པ་ཐམས་ཅད་ཀྱ…

རྣམ་སྨིན་གྱི་འབྲས་བུས་དམྱལ་བ་དང་ཡི་དྭགས་སུ་སྐྱེས་ནས་བསྐལ་པ་ཆེན་པོ་སྟོང་ཕྲག་བཅུ་གཉིས་དང་བསྐལ་ཆེན་དྲུག་གི་བར་དུ་དམྱལ་བ་ཚ་གྲང་དང་ཡི་དྭགས་བཀྲེས་སྐོམ་གྱི་སྡུག་བསྔལ་ཉམས་སུ་མྱོང་བར་ཐལ། དེ་ལྟར་གཞུང་ལས་བཤད་པའི་ཕྱིར། དེ་ལྟར་བཤད་པ་ཚུལ་བསྟན་ཡིན་གྱི་དངོས་སུ་མ་མྱོང་ཟེར་ན། འོ་ན་རུ་ཏྲ་ཐར་པ་ནག་པོ་དེ་སྔོན་གྱི་དུས་སུ་…

བཤད་པའི་ཕྱིར། རྣམ་སྨིན་སྤྱད་པས་ཟད་དམ། གཉེན་པོས་ཟད། དང་པོ་ལྟར་ན། ཡང་དག་པའི་ལམ་དགོས་མེད་དུ་ཐལ། རྣམ་སྨིན་སྤྱད་པས་ཟད་པའི་ཕྱིར། འདོད་མི་ནུས་ཏེ། འདི་ཉིད་ལས། ཐོས་བསམ་སྒོམ་པའི་མཉམ་སྦྱོར་གྱིས། །རང་བྱུང་ཀུན་ངམ་ལྷུན་གྱིས་གྲུབ། །ཅེས་སོ། །གཉིས་པ་གཉེན་པོ་བསྟེན་པས་ཟད་ན། ངན་སོང་གསུམ་མི་ཁོམ་པའི་གནས་མ་ཡིན་པར་ཐལ། གཉེན…

ལམ་གོལ་ནས་ལས་ཀྱི་རུ་ཏྲར་སྐྱེས་པ་དེ། སྔོན་བསྐལ་པ་ཀུན་བཀོད་ཀྱི་དུས་སུ་དགེ་སློང་ཐུབ་དཀའ་གཞོན་ནུ་བསྟེན་པའི་སྟོབས་ཀྱིས། ཐུབ་དཀའ་གཞོན་ནུ་དེ་རྡོ་རྗེ་སེམས་དཔར་སངས་རྒྱས་པ་དང་། མཆེད་དན་ཕག་ས་བཅུའི་བྱང་སེམས་གསང་བདག་ཏུ་གྱུར་པའི་ཐུགས་རྗེ་ཡེ་ཤེས་ཀྱིས་གཟིགས་ནས་ཡུལ་དང་འཕྲད་པའི་ཐུགས་རྗེས་མངོན་སྤྱོད་དྲག་པོའི་ལས་ཀྱིས་བ…

ཕྱིར། གཉིས་པ་མ་གྲུབ་ན། དེ་ལྟར་མ་ཡིན་པར་ཐལ། སྲིན་པོ་ད་ཤ་གྲི་བ། ལྷ་ཚངས་པ། ཉི་མ། ལྷའི་བུ་ཟླ་བ། ལྷ་བེ་ཅོན། སྲིན་པོ་ཁྲག་མིག ལྷ་ཟ་བྱེད། ལྷ་དགའ་བྱེད་དབང་ཕྱུག ལྷ་སྟོབས་བཟང་། ལྷ་བྷྲིཾ་གི་རི་ཏི། འདོད་པའི་ལྷ། ནོར་སྲུང་། རླུང་ལྷ། ལྷ་གསོད་བྱེད། མེ་ལྷ། ས་བདག་ཕག་ཆེན། གཤིན་རྗེ་གན་བྱེད། ཚོགས་བདག་བི་ན་ཡ་ག ཀླུ་ཧང་ཕན། …

ཐོ་འཚམ་པའི་ལས་ནག་པོ་དེ་ཙམ་བྱེད་པ་མི་སྲིད་པར་ཐལ། ཁྱོད་རྣམ་པ་ཀུན་ཏུ་སེམས་ཅན་མཐའ་དག་ལ་བརྩེ་བ་ལྡན་པའི་ཕྱིར། སངས་རྒྱས་ཆོས་ཅན། ཁྱོད་རུ་ཏྲའི་རྣམ་པར་སྤྲུལ་པ་ལ་དགོས་པ་མེད་པར་ཐལ། ཁྱོད་རུ་ཏྲར་སྤྲུལ་ནས་སེམས་ཅན་ལ་ལས་ངན་གསོག་ཏུ་འཇུག་མི་དགོས་པའི་ཕྱིར། གཞན་ཡང་སྤྲུལ་པ་དང་རང་རྒྱུད་ཀྱི་མཚན་ཉིད་གང་ལ་བྱེད། སྐྱོན་གྱི་སྣང…

མ་དང་། འཁྲུགས་མོ་དང་ཞེས་སོགས་གསུངས་པའི་ཕྱིར་རོ། །ཡང་གོང་དུ་ཉི་ཤུ་རྩ་བརྒྱད་དངོས་སུ་སྦྱོར་བ་མ་མཛད། དཔལ་ཆེན་པོའི་སྐུ་ལ་བརྒྱད་དང་། རིགས་བཞི་ཧེ་རུ་ཀའི་སྐུ་ལ་ཕྱོགས་ཀྱི་ལྷག་མ་ལྔ་ལྔ་འཁྲིལ་བ་ཡིན་ཟེར་ན། འོ་ན་དཔལ་ཆེན་པོས་མོ་རྒྱུད་ཐམས་ཅད་དང་སྦྱོར་བ་མཛད་ནས་བཏུལ་བ་མ་ཡིན་པར་ཐལ། དམ་བཅའ་དེ་འཐད་པའི་ཕྱིར། འོ་ན་དཔལ་ཆེན…

ཁྱོད་རྣམས་ལ་དཔལ་ཆེན་པོས་དབང་མ་བསྐུར་བར་ཐལ། ཁྱོད་རྣམས་དཀྱིལ་འཁོར་གྱི་གནས་སུ་མ་བཀོད་པ་གང་ཞིག དབང་རྟགས་ཀྱང་མ་བཤད་པའི་ཕྱིར་ཏེ། ད་ལྟ་སྒྲུབ་ཐབས་སུ་ཡང་དབང་མོ་རྣམས་ལ་ལྕགས་ཀྱི་རྡོ་རྗེ་རྩེ་ལྔ་པ་རེ་རེས་དབུ་བརྒྱན་པའི་དབང་རྒྱ་ཡང་བཅའ་དགོས་ཤིང་། ཕོ་རྒྱུད་རྣམས་དབང་རྒྱ་བཅའ་བ་ཡང་མ་བཤད་པའི་ཕྱིར། གོང་དུ་མ་ཁྱབ། ཕོ་རྒྱུད…

ཕྱིན་ཅི་ལོག་བདག་ཏུ་བཟུང་བས་ཡིད་ཕྱིན་ཅི་ལོག་ཏུ་བསྒྱུར་བ་ལས་མ་ཏྲཾ་རུ་ཏྲ། ངག་ཕྱིན་ཅི་ལོག་ཏུ་བསྒྱུར་བ་ལ་ཁ་ཏྲཾ་ཀ་རུ་ཏྲ། ལུས་ཕྱིན་ཅི་ལོག་ཏུ་བསྒྱུར་བ་ཨ་ཀ་རུ་ཏྲ་དེ་རྣམ་པ་གསུམ་ཡིན། དེ་བསྒྲལ་ཚུལ་ནང་དུ་སྣང་གསུམ་བཅོམ་ནས་སངས་རྒྱས་པའི་ཚེ། ནང་གི་རྩ་མདུད་གྲོལ་བའི་རྟགས་སྣང་སྐྱེས་བུ་སངས་རྒྱས་པ་དེའི་སྣང་ངོར་བདུད་བཞི་བ…

པ་ངེས་དོན་འདིའི་སྐབས་སུ་འཐད་པའི་ཕྱིར་ཏེ། བཅོམ་ལྡན་འདས་ཀྱི་ཐུན་མོང་མ་ཡིན་པའི་གསང་བ་ཆེན་པོ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས། དེ་ནས་གཞན་ཡང་ཐམས་ཅད་མཁྱེན་པའི་ཕུན་སུམ་ཚོགས་པ་བཤད་པར་བྱ་སྟེ། འཇམ་དཔལ་ནི་རྒྱལ་པོ་ཟས་གཙང་མར་གྱུར་ཏོ། །འཇིག་རྟེན་དབང་ཕྱུག་ནི་ལྷ་མོ་སྒྱུ་འཕྲུལ་དུ་གྱུར་ཏོ། །དཔལ་ལྷ་མོ་ནི་གྲགས་འཛིན…

པོ་ཆེ་དང་འབྱུང་བ་ཀུན། །དེ་དག་རྫས་ཡོད་མ་ཡིན་ཏེ། །རང་སེམས་བསོད་རྣམས་བརྟན་པ་ཡིན། །ཞེས་པའི་གཞུང་འདི་ལ་འཕྲོས་པ་ཐལ། རྒྱུ་མཚན་དཔེར་ན་ལྷ་མ་ཡིན་གྱི་ཡུལ་ན་དཔག་བསམ་གྱི་ཤིང་དང་། མིའི་ཡུལ་ན་ཡིད་བཞིན་གྱི་ནོར་བུ་དང་། ལྷའི་ཡུལ་ན་རིན་པོ་ཆེའི་བུམ་པ་བཟང་པོ་དང་གསུམ་པོ་དེ་ལ་རང་རང་གི་དགོས་འདོད་འབྱུང་བ་ལྟར། རང་སེམས་བསོད་ན…

སོར་སྣང་། །ཞེས་གསུངས་པ་བཞིན་ནོ། །རྒྱས་པ་ལས། མ་རིག་པ་ཉིད་སྤང་དུ་མེད། །རིག་པ་ཡེ་ཤེས་སྒྲུབ་ཏུ་མེད། །ཅེས་བཤད་པས། ཞེ་སྡང་མེད་ན་རང་བྱུང་གི་ཡེ་ཤེས་གསལ་མི་ཐེབས། འདོད་ཆགས་མེད་ན་བདེ་བའི་ཡེ་ཤེས་རྒྱུད་ལ་མི་སྐྱེ། གཏི་མུག་མེད་ན་རྣམ་པར་མི་རྟོག་པའི་ངང་ལ་བློ་མི་གནས། ང་རྒྱལ་མེད་ན་ཆོས་ཉིད་དུ་ལ་མི་བཟླ། ཕྲག་དོག་མེད་ན་མཉ…

པ་དང་། ཁམས་གོང་མ་གཉིས་བསམ་གཏན་གྱི་དགའ་བ་ལ་སྤྱོད་པ་དང་། ས་དང་པོར་བདེན་པ་མཐོང་བའི་ཟག་མེད་ཀྱི་བདེ་བ་ལ་སྤྱོད་པ་དང་། འདིར་ནི་བསམ་གྱིས་མི་ཁྱབ་པའི་བདེ་བ་སྟེ། བླང་དོར་མེད་པའི་ཆོས་ཉིད་མཉམ་པ་ཉིད་ལ་ལོངས་སྤྱོད་པའི་དགའ་བའོ། །ལེའུ་བཞིར་བསྡུ་བ་འབྱུང་ལ། གཞན་ལ་མི་འབྱུང་བ་ཅི་ཞེས་པ། གཞི་དོན་གྱི་གནས་ལུགས་དེ་རྟོགས་བྱེད་…

ཐོབ་ཀྱི་བར་དུ་ནི་ཡུལ་དང་དུས་རྣམས་ཀྱང་སོ་སོར་བསྟན་པར་ངེས་པར་སྣང་ལ། སེམས་ལ་དབང་ཐོབ་ཕན་ཆད་ནི་ཡུལ་དང་དུས་ལ་ཅི་དགར་སྣང་ངོ་། །དེ་ལྟར་ཡང་དགོངས་པ་ངེས་འགྲེལ་ལས། སྔོན་གྱི་ལས་ཀྱི་སྒྲིབ་པ་སྦྱོང་བའི་ཚད་ངེས་པ་མེད་དེ། ཞེས་དང་། དྲི་མ་མེད་པར་གྲགས་པའི་མདོ་ལས་ཀྱང་། དུས་ཐུང་བར་འདོད་པ་རྣམས་ལ་བསྐལ་པ་མང་པོ་ཞག་བདུན་གྱིས་འད…

གདགས་པའི་རྒྱན་གཉིས། དཔྲལ་བར་ཐལ་ཆེན་གྱི་ཚོམ་བུ། སྨིན་མཚམས་སམ། འབུར་བཞི་ལ་རཀྟའི་ཐིག་ལེ། མགྲིན་པར་ཞག་གི་ཟོ་རིས་ཏེ་བྱུག་པའི་རྩི་གསུམ། གླང་ཆེན་གྱི་ཀོ་རློན་དང་ཞིང་ཆེན་གྱི་གཡང་གཞིའི་སྟོད་གཡོགས། སྟག་ལྤགས་ཀྱི་ཤམ་ཐབས་ཏེ་བགོ་བའི་གོས་གསུམ་རྣམས་སོ། །ཡང་ལུགས་གཅིག་ལ་དུར་ཁྲོད་ཀྱིས་ཆས་བརྒྱད་ནི། གདགས་པའི་རྒྱན་གཉིས། བ…

ཐོད་ཕྲེང་གསུམ། །ཕྲིན་ལས་ཕྱི་བཤོལ་མེད་པའི་ཐལ་ཆེན་དང་། །ཐུགས་རྗེ་ཆགས་པའི་རཀྟའི་ཐིག་ལེ་ཆེ། །དོན་དམ་གནས་ལུགས་བཅུད་ལྡན་ཞག་ཟོ་རིས། །བྱང་སེམས་དཀར་དམར་བརྟན་པའི་ཉི་ཟླའི་རྒྱན། །བསྣན་པའི་དཔལ་གྱི་ཆས་བཅུར་བཞེད་པའོ། །ཡང་ལུགས་གཅིག་ལ། བགོ་བ་ཀོ་རློན་གྱི་གོས་སྣ་ཚོགས་པ་སྟེ། ཐབས་མཁས་ཕྲིན་ལས་ཀྱི་གོས་ཞིང་གི་གཡང་གཞི། ཁྱབ་…

སྨྲས་པ། རྟོགས་དཀའི་གནས་ལ་དྲི་ཚིག་བདུན་གྱི་ལན། །ཀུན་ལན་ཐེབས་པ་སངས་འཕགས་ཁོ་ནའི་ཡུལ། །མི་ཤེས་མདུད་པ་རྡོ་རྗེའི་ཚིག་གིས་བཀྲོལ། །རྣམ་དཀར་དགེ་བ་བྱང་ཆེན་རྒྱུ་རུ་བསྔོ། །ཞེས་པ་འདི་ནི་རང་གི་ཉེ་བར་གནས་པ་གནས་ལྔ་སྨྲ་བ་དྭགས་པོ་ཨོ་རྒྱན་བློ་གསལ་གྱི་དྲི་ལན་དུ་སྨིན་གླིང་གྲྭ་པའི་ཐ་ཤལ་བ་དྷརྨ་ཀིརྟིས་རང་ལོ་རེ་གཅིག་པར་གནས་…