ཞག་གི་རྒྱ་མཚོའི་དཀྱིལ་ན་ཀེང་རུས་ཆེན་པོའི་རི་རབ་ཀྱི་སྟེང་འབར་བ་ཆེན་པོའི་ཀློང་དཀྱིལ་ན༑ ཞེས་པའི་དོན། དེ་ཡང་འཁོར་བ་མ་སྤངས་གནས་སུ་དག་པའི་བརྡར་བཟོད་པར་དཀའ་བའི་དུར་ཁྲོད་འབར་བའི་གཞལ་ཡས་ཁང་ཆེན་པོར་དགྱེས་ནས། འདོད་ཆགས་གནས་སུ་དག་པའི་ཕྱིར་མཁའ་རླུང་གི་དཀྱིལ་འཁོར་ལ་བརྟེན་པའི་ཁྲག་དང་ཞག་གི་རྒྱ་མཚོ་ཆགས་ཤིང་ཞིང་ཆེན་གྱ…

ཆེན་པོ་རྟག་པ་ཡིས། །དེ་བཞིན་གཤེགས་པའི་གསུང་རབ་ལས། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ལོག་པར་ལྟ་ལ་བརྩོན་པར་འགྱུར། །ལྟ་བ་ཤིན་ཏུ་ལོག་པ་ཡིས། །མནར་མེད་དམྱལ་བ་ཆེན་པོར་ལྟུང་། །ཞེས་སོ། །དེའི་རྣམ་སྨིན་གྱི་འབྲས་བུས་དམྱལ་བ་ཚ་གྲང་གི་གནས་སུ་བསྐལ་ཆེན་སྟོང་ཕྲག་བཅུ་གཉིས་དང་ཡི་དྭགས་ཀྱི་གནས་སུ་བས…

པ་ལས། ཞེས་སོགས་ཀྱི་དོན། དེ་ཡང་གདུལ་བྱ་གདུག་པ་ཅན་རྣམས་དྲག་ཤུལ་སྦྱོར་སྒྲོལ་གྱི་མཛད་པས་འདུལ་བའི་འཕྲིན་ལས་རྨད་དུ་བྱུང་བ་སྟེ། དེ་ཡང་སློབ་དཔོན་ཆེན་པོ་སྒེག་པ་རྡོ་རྗེའི་རྗེས་སུ་འབྲངས་ནས་དོན་བཅུ་བཞིའི་སྒོ་ནས་འཆད་པ་ལ། དང་པོ་ནི། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་བདག་པོ་ཉིད་གདུ…

ཆེམས་པ། ཤིག་པ། གཏོར་བ་སྟེ་རེ་རེ་ལའང་ཆུང་འབྲིང་ཆེ་གསུམ་དུ་ཕྱེ་བས་བཅོ་ལྔ་དང་། ནང་དུ་ལམ་པའི་སེམས་ལ་ཚོགས་སྦྱོར་ཏིང་འཛིན་ལྔར་གཡོ་ཐབས་གོམས་པའི་ཉམས་གསུམ་གྱིས་བོགས་ཐོན་པ་ནི་བྱིན་གྱིས་རླབས་ཀྱི་ཆོ་འཕྲུལ། དྲུག་པ་ནི། གཡོ་བ་ལ་སོགས་ལྟས་ཆེན་པོ་བཅོ་ལྔ་དང་། ཁྲོ་བོའི་སྤྲིན་ཚོགས་མི་ཟད་པའི་ཆོས་ཀུན་ཏུ་སྣང་བ་དེའི་ཚེ་ན་འཇ…

གིས་འདི་སྐད་དུ། ངེད་རྣམས་གདན་དུ་བཅིངས་པ་ལས་ཐོངས་ཐོངས། ཁྱེད་ཅག་སྙིང་རྗེའི་བདག་པོ་མ་ཡིན་ནམ། ཅི་བདག་ཅག་ལ་དེ་ལྟར་ཐོ་འཚམ་པར་བྱེད་དམ། ཞེས་ཟེར་ཞིང་གདུག་པའི་སེམས་ཀྱིས་ཁྲོས་ཤིང་རྔམ་པ་ན། བཅོམ་ལྡན་འདས་དགྱེས་པ་ཆེན་པོ་རིགས་ལྔའི་ཧེ་རུ་ཀ་ཉིད་སྒྲོལ་བྱེད་རྡོ་རྗེ་སྲིན་པོ་དབུ་དགུ་ཕྱག་བཅོ་བརྒྱད་ཞབས་བརྒྱད་དུ་གནས་པར་སྤྲུ…

ནི་ཡོངས་སུ་རྫོགས་པའི་དཀྱིལ་འཁོར་རོ། །བཅུ་གཅིག་པ་ནི། འབྱུང་པོའི་རྒྱལ་མོ་རྣམས་རིགས་ལྔའི་ཧེ་རུ་ཀར་སྣང་བ་ལ་ཡིད་ཤིན་ཏུ་ཆགས་པས་གཡོས་ནས། གཙོ་བོ་དཔལ་ཆེན་པོ་བཛྲ་ཧེ་རུ་ཀའི་སྐུ་བརྒྱད་དུ་སྣང་བ་ལ་ཕྱོགས་ཀྱི་གཙོ་མོ་སྲིན་མོ་ཆེན་མོ་མིའི་སྲིན་མོ་སོགས་བཞི་དང་། སྒོ་སྐྱོང་ནག་མོ་ཆེན་མོ་སོགས་བཞི་སྟེ་བརྒྱད་པོ་རྣམས་སོ་སོར་འ…

འཕྲུལ་གྱིས་སྤྲུལ་པའི་རུ་ཏྲ་བཏུལ་བ་དེའི་ཚེ་ན་འདུལ་ཐབས་བསམ་ཡས་ཐ་དད་པས་འཇིག་རྟེན་གྱི་དྲེགས་པ་ཅན་ཐམས་ཅད་དུས་གཅིག་ཏུ་བཏུལ་ཏེ། དེ་དག་ཤིན་ཏུ་འདར་ཞིང་བྲེད་པས་གནའ་བོར་ནས་ལུས་གདན་དུ་ཕུལ་ཞིང་མགྲིན་༼གཅིག་༽ དུ་འཁོར་མཆིས་བྲང་དང་། ཆུང་མ་དང་། མ་དང་། བུ་མོ་དང་། སྲིང་མོའི་ཚོགས་རྣམས་ཕུལ་ཞིང་དཀྱིལ་འཁོར་ཆེན་པོ་འདིི་མིང་…

ལན་ནི། ཐ་མལ་པའི་གཟུགས་དང་སྡུག་བསྔལ་མྱོང་བ་ལྟར་བསྟན་པས་སྡུག་བསྔལ་རང་མཚན་པ་མྱོང་བ་དང་ཐ་མལ་པ་ཡིན་པར་མ་ངེས་ཏེ། སེམས་ཅན་གྱི་དོན་དུ་དེ་བཞིན་གཤེགས་པའི་སྤྲུལ་པ་ཐ་མལ་པའི་གཟུགས་སུ་སྣང་བ་རྣམས་དང་། ཐབས་ལ་མཁས་པའི་མཛད་པས་དམྱལ་བའི་འཇིག་རྟེན་སྤྲུལ་ཏེ་བསྟན་པ་སོགས་ཀྱང་དེར་མ་ངེས་པ་བཞིན་ནོ། །འོ་ན་གང་ཡིན་སྙམ་ན། གསང་བདག་…

ཞེས་བཤད་པའི་ཕྱིར་རོ། །ཡང་འདིར་དབང་མོ་ཉེར་བརྒྱད་ལ་བུ་མོ་ཉི་ཤུ་ལས་མ་བྱུང་བས་ཉུང་བར་འགྱུར་རོ་སྙམ་ན། མ་ཡིན་ཏེ། དེ་ལྟ་ན། ཚོགས་དང་བཅས་པའི་དབང་དུ་ན་དབང་མོ་ཉེར་བརྒྱད་པོ་རེ་རེར་ཡང་ཉེར་བརྒྱད་རེ་རེ། བརྒྱ་ཕྲག་ལྔ་དང་བཅུ་ཕྲག་དྲུག་ཡོད་པ་ལ། དཀྱིལ་འཁོར་དུ་འགོད་པའི་ཚེ་ན་དེ་དག་ཐུགས་ཡེ་ཤེས་སུ་གཅིག་པའི་ཕྱིར་རིགས་རེ་རེར་…

བུ་ཞེས་བཤད་དོ། །ཞེས་སྤར་ཁབ་ཏུ་དྲངས་པ་ལྟར་རོ། །གཉིས་པ་གླེང་གཞིའི་ངོ་བོ་ལ་སྟོན་པ་དང་། འཁོར་དང་། གནས་དང་། ཆོས་དང་། དུས་ཏེ་ཕུན་སུམ་ཚོགས་པ་ལྔ་ལས། དང་པོ་སྟོན་པ་ཕུན་སུམ་ཚོགས་པ་ནི། ཐུབ་པ་ཆེན་པོ་བཅོམ་ལྡན་འདས་རེ་རེས། ཞེས་པས་བསྟན། དེ་ཡང་སྟོང་གསུམ་གྱི་སྟོང་ཆེན་པོ་རེ་རེར་ཐུབ་པ་རེ་རེས་དོན་མཛད་པ་སྟེ། ཤེར་ཕྱིན་ལྗགས…

ལས། ཇིི་ལྟར་བཻཌཱུར་ས་གཞི་གཙང་མ་ལ། །ལྷ་དབང་ལུས་ཀྱི་གཟུགས་བརྙན་སྣང་བ་ལྟར། །དེ་བཞིན་འགྲོ་སེམས་གཙང་མའི་ས་གཞི་ལ། །ཐུབ་པའི་དབང་པོའི་སྐུ་ཡི་གཟུགས་བརྙན་འཆར། །ཞེས་སོ། །གཉིས་པ་འཁོར་ཕུན་སུམ་ཚོགས་པ་ནི། འགྲོ་བ་ལྔའི་དོན་མཛད་དེ། ཞེས་པའི་གདུལ་བྱར་གྱུར་པའི་འགྲོ་བ་རིགས་བསྡུས་པས་ལྔ་སྟེ། དེ་ལ་ལྷ་མ་ཡིན་ནི་སྟོད་རིས་ལྷ་དང…

གོང་དུ་བཤད་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྤྲུལ་སྐུ་ཐུབ་པ་གཅིག་གི་འདུལ་ཞིང་དེ་འདྲ་བ་སྟོང་ལ་སྟོང་རྒྱུ་བཀོད་དང་པོ། དེ་སྟོང་ལ་སྟོང་རྒྱུ་བཀོད་གཉིས་པ། དེ་སྟོང་ལ་སྟོང་མཚམས་སྦྱོར་ཡོངས་སུ་དག་པ་ཞེས་བྱ་བ་ལོངས་སྐུའི་ཞིང་ཁམས་ཀྱི་ཚད་དུ་བླ་མ་གོང་མ་རྣམས་བཞེད་ཅིང་། དེ་ཡང་ཡིན་མོད་ཀྱི། འོན་ཀྱང་ཕལ་པ…

གླིང་བཞི་པ་བྱེ་བ་ཕྲག་བརྒྱ་ཀུན་ནའང་། དེ་བཞིན་གཤེགས་པ་བྱེ་བ་ཕྲག་བརྒྱ་དག་པ་སངས་རྒྱས་ཀྱི་གདན་ལ་བཞུགས་པ་སྣང་ངོ་། །ཞེས་དང་། འགྲེལ་ཆུང་ལས། དཔེར་ན་བར་སྣང་ཟླ་བ་གཅིག་ཤར་ན། །འཛམ་གླིང་ཆུ་རྣམས་ཀུན་ན་ཆུ་ཟླ་སྣང་། །ཆུ་གཅིག་ནང་གི་ནམ་མཁའི་ཟླ་བ་ཡང་། །འགྲོ་བ་སོ་སོ་རང་གི་མདུན་དུ་སྣང་། །དེ་བཞིན་སྤྲུལ་སྐུ་གཅིག་ལའང་གླིང་རྣ…

ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་མཛད་པ་ཆེན་པོ་བཅུ་གཉིས་ཏེ། དེ་ཡང་བདག་ཅག་གི་སྟོན་པ་འདི་ཉིད་ཐེག་པ་ཆུང་ངུ་པ་རྣམས་ཀྱི་སྣང་ངོར་སོ་སོ་སྐྱེ་བོ་འཆིང་བ་མཐའ་དག་གིས་བཅིངས་པ་ཞིག་གིས་ལམ་རིམ་གྱིས་བསྒོམ་པ་ལས་ཉན་ཐོས་པ་རྣམས་ཀྱི་ངོར་དགྲ་བཅོམ་པའི་འབྲས་བུ་དང་། རང་རྒྱལ་རྣམས་ཀྱི་ངོར་ཡིད་བཞིན་བད…

སྐྱེས་བུ་ལ་འདིའི་ཁུར་བདག་གིས་ཁུར་བར་ཞུས་པས། དེ་ཁྲོས་ཏེ་རང་རང་གི་ལས་ཀྱི་འབྲས་བུ་ལ་ཁྱོད་ཀྱིས་ཅི་བྱར་ཡོད་ཅེས་ལྕགས་ཀྱི་ཐོ་ལུམ་མགོ་ལ་བསྣུན་པས་ཚེ་འཕོས་ནས་ལྷར་སྐྱེས་ཏེ་བདེ་བ་དཔག་ཏུ་མེད་པ་ཉམས་སུ་མྱོང་ཞིང་དེ་ནས་ཤི་འཕོས་ནས་མིའི་འཇིག་རྟེན་དུ་རྫ་མཁན་གྱི་ཁྱེའུ་སྣང་བྱེད་དུ་གྱུར་ཏེ། དེ་བཞིན་གཤེགས་པ་ཤཱཀྱ་ཐུབ་པ་ཆེན་…

བརྒྱད་བརྒྱད་དེ་སུམ་ཅུ་སོ་གཉིས་ཀྱི་སྐུའི་རིམ་གྲོ་བསྒྲུབས་ཏེ་ཆེར་བརྟས་པར་གྱུར་ཏོ། །གཞོན་ནུའི་རོལ་རྩེད་དང་། ཁབ་དང་རྒྱལ་སྲིད་བཞེས་པའི་མཛད་པ་ནི། ཡིག་མཁན་ཀུན་གྱི་བཤེས་གཉེན་ལ་ཡི་གེ་བསླབ་སྟེ་ངོ་མཚར་གྱི་མཛད་པས་བྱིས་པ་སུམ་ཁྲི་ཉིས་སྟོང་ལ་སོགས་པ་བྱང་ཆུབ་ཏུ་སྨིན་པར་མཛད། དེ་ནས་ཞིང་ལས་ཀྱི་མཐའི་སྐྱེད་མོས་ཚལ་དུ་ཤིང་…

ཏན་ལ་དགོངས་ཏེ་རབ་ཏུ་བྱུང་བར་བཞེད་པ་ལ། ཕོ་བྲང་གི་སྒོ་བཞི་དམག་གིས་བསྲུངས་ནས། ཕྱིར་གཤེགས་སུ་མི་སྟེར་བ་ལས། དཀར་ཕྱོགས་ཀྱི་ལྷ་རྣམས་ཀྱིས་བཙུན་མོའི་ཚོགས་དང་གཞོན་ནུ་སྲུང་བར་བྱེད་པའི་ཤཱཀྱའི་ཚོགས་དང་། མདུན་ན་འདོན་རྣམས་མྱོས་པར་བྱས་ཏེ༑ བྱང་ཆུབ་སེམས་དཔས་སྲོད་ཀྱི་ཆ་ལ་གྲགས་འཛིན་མའི་ལྷུམས་སུ་སྲས་བཞག་ནས་ནམ་གུང་གི་ཆ་ལ…

ཕྱིར་སྨིན་མཚམས་ཀྱི་མཛོད་སྤུ་ནས་འོད་ཟེར་བཀྱེ་སྟེ་བྱང་ཆུབ་སེམས་དཔའ་མང་པོ་འཁོར་དུ་བསྡུས་ནས་བདུད་ཀྱི་གནས་མོག་མོག་པོ་བྱས་པ་དང་། བདུད་སྡིག་ཅན་གྱིས་བྱང་ཆུབ་སེམས་དཔའ་འཚང་རྒྱ་བར་ཤེས་ཏེ། རྡོ་རྗེ་གདན་དུ་འོངས་ཏེ་ཁྱོད་འཚང་རྒྱ་བའི་དུས་ལ་མ་བབས་སོ། །ཟེར་བ་ན། བྱང་ཆུབ་སེམས་དཔས། ངས་བསྐལ་བ་གྲངས་མེད་པར་ཚོགས་གཉིས་རྫོགས་པ…

ཆོ་འཕྲུལ་ཆེན་པོ་སྟོན་པ་དང་། ཞེས་པའི་དོན་ནི། སངས་རྒྱས་ནས་ཤིང་ཏཱ་ལ་བདུན་སྲིད་དུ་འཕགས་ཏེ། ལམ་གྱི་རྒྱུད་ནི་ཆད་དོ། །ཞེས་པ་ལ་སོགས་པ་ཆེད་དུ་བརྗོད་པ་ཆེད་དུ་བརྗོད་དོ༑ ༑ལྷ་རྣམས་ཀྱིས་མེ་ཏོག་གི་ཆར་པུས་ནུབ་ཙམ་གཏོར་ཏེ་མཆོད། ས་ཆེན་པོ་ནི་གཡོས། ཕྱོགས་བཅུའི་སངས་རྒྱས་ཀྱིས་ཆོས་ཀྱི་དགའ་བས་བཀུར། ཕྱག་བརྐྱངས་ཏེ་དབུགས་དབྱུང…

པོ་ཆེའི་ཁྲི་སྟོང་ཡོད་པའི་གསུམ་ལ་བསྐོར་བ་མཛད་ནས་བཞི་པའི་སྟེང་དུ་བཞུགས་ཏེ། ལྔ་སྡེ་བཟང་པོ་ལྷ་བརྒྱད་ཁྲི་དང་བཅས་པ་ལ་བདེན་པ་བཞིའི་ཆོས་ཀྱི་འཁོར་ལོ་བསྐོར་བས་བདེན་པ་མངོན་པར་རྟོགས་ཤིང་ལྔ་སྡེ་བཟང་པོས་དགྲ་བཅོམ་པའི་འབྲས་བུ་ཐོབ་བོ། །དེ་ནས་བྱ་རྒོད་ཕུང་པོ་ལ་མཚན་ཉིད་མེད་པ འི་ཆོས་ཀྱི་འཁོར་ལོ་བྱང་ཆུབ་སེམས་དཔའ་དང་ཉན་ཐོ…