བཤད་དེ། འདུལ་བ་ལུང་ལས། སྤྱན་ལྡན་སྐུ་གདུང་བྲེ་བོ་བརྒྱད་དག་ལས། །བདུན་ནི་འཛམ་བུ་གླིང་པས་མཆོད་པར་ཐོབ། །སྐྱེས་མཆོག་དེ་ཡི་བྲེ་བོ་གང་ཞིག་ནི། །གྲོང་ཁྱེར་སྒྲ་སྒྲོག་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །གཅིག་ནི་རྩ་གསུམ་ལྷ་ཡུལ་འཇིག་རྟེན་མཆེད། །གཉིས་པ་ཚིག་འཛིན་ཡིད་འོང་གྲོང་ཁྱེར་ན། །གསུམ་པ་ཀ་…

མངོན་པར་ཤེས་པ་སྟེ་དེས་འགྲོ་བ་འདུལ་བ། སེམས་ཅན་གང་ལ་གང་འདུལ་དུ་སྟོན་པའི་རྫུ་འཕྲུལ་གྱི་ཚོགས་ཀྱིས་འགྲོ་བའི་མོས་པ་དང་མཐུན་པར་ཀུན་ཏུ་དོན་སྤྱོད་པ་ནི་རྫུ་འཕྲུལ་གྱི་མངོན་པར་ཤེས་པས་འདུལ་བ། སྒྲིབ་གཉིས་བག་ཆགས་དང་བཅས་པ་དབྱིངས་སུ་དག་པའི་ཡེ་ཤེས་ཟག་པ་མེད་པས་མཐར་ཕྱིན་ཀུན་ཏུ་བཟང་པོའི་སྐུ་གསུང་ཐུགས་མི་ཟད་རྒྱན་གྱི་འཁོར…

འདུལ་ཕྱིར་ཁྲོ་ལ་ཁྲོར་སྟོན་པ། །ཐབས་ཀྱི་རྣམ་འདྲེན་དེ་ལ་ཕྱག་འཚལ་ལོ། །ཞེས་པ་ལྟར་རོ༑ ༑དེ་བཞིན་དུ་འགྲོ་བ་རྣམས་ཀྱི་སྐལ་བ་ཇི་ལྟར་ཡོད་པ་བཞིན་དུ་སོ་སོའི་སྐད་དང་མཐུན་པར་ཆོས་ཀྱི་གསུང་བསམ་གྱིས་མི་ཁྱབ་པར་སྒྲོག་པར་སྣང་བ་དང་ལྡན་པས་ནི་ནམ་མཁའི་མཐའ་ཀླས་པར་རྣམ་པར་འཕྲུལ་པ་བསམ་གྱིས་མི་ཁྱབ་པ་སྣ་ཚོགས་སུ་འཕྲོ་བ་གྲངས་མེད་པ་ད…

ནའི་སྒྲ་ལས་ཐེག་པ་སྟེ་གང་ལ་བརྟེན་ནས་བགྲོད་པས་ཕྱིན་ཅིང་སྐྱེལ་བའམ་འོག་ནས་གོང་དུ་འདེགས་པའི་དོན་གྱིས་ཐེག་པ་སྟེ། དེའང་འདིས་འདེགས་པས་ན་ཐེག་པ་སྟེ་བཞོན་པ་བཟང་པོ་ལྟ་བུ། འདི་འདེགས་པས་ན་ཐེག་པ་སྟེ་དེ་ལ་བརྟེན་ནས་འགྲོ་བའི་གང་ཟག འདིར་འདེགས་པས་ན་ཐེག་པ་སྟེ་རང་རང་གི་འདོད་བྱའི་འབྲས་བུ་སྟེ། སྡུད་པ་ལས། ཐེག་པ་འདི་ནི་མཁའ་འ…

སྟེ་ཐེག་པ་རིམ་དགུར་དབྱེ་བ་དང་། སོར་བཞག་ལྷ་མིའི་ཐེག་པ་གཉིས། ཕྱི་རོལ་པའི་སྡེ་ལྔ༑ ནང་པའི་རིམ་དགུ། འོད་གསལ་རྡོ་རྗེ་སྙིང་པོའི་ཐེག་པ་སྟེ་བཅུ་དྲུག་ཏུ་བཤད་པ་དང་། ལང་གཤེགས་ལས། ཇི་སྲིད་སེམས་ནི་འཇུག་པའི་བར། །ཐེག་པའི་མཐའ་ལ་ཐུག་པ་མེད། །ཅེས་བསམ་གྱིས་མི་ཁྱབ་པར་བཤད་པ་སྟེ། མདོར་ན་ཐམས་ཅད་བློའི་རིམ་པ་ལ་སྣང་བ་ཙམ་སྟེ། ད…

གཉིས་པ་ཉན་ཐོས་ཀྱི་ཐེག་པ་ལ་གཉིས་ཏེ། ངེས་ཚིག་དང་། དབྱེ་བའོ། །དང་པོ་ནི། ཤྲ་ཝ་ཀའི་སྒྲ་ལས་ཐོས་སྒྲོག་སྟེ་སྟོན་པ་ལ་ཆོས་ཉན་པ་གཞན་ལ་སྒྲོག་པར་མཚོན་པའོ། །དབྱེ་བ་ལ་གཞི་ལམ་འབྲས་གསུམ་ལས། གཞི་ཕུང་པོ་གཞན་ལ་གང་ཟག་གི་བདག་ང་དང་ང་ཡིར་འཛིན་པ་མེད་པ་དང་། དངོས་པོ་གཟུང་བའི་ཡུལ་རགས་པ་ཀུན་རྫོབ། རྡུལ་ཕྲན་ཆ་མེད་དོན་དམ། འཛིན་པ་ས…

བྱུང་དུ་རྒྱུད་ལ་སྐྱེས་ནས་བྱང་ཆུབ་མངོན་དུ་བྱེད་པའོ། །དེའང་ཚོགས་ན་སྤྱོད་པ་ཆེ་ཆུང་གཉིས་དང་། བསེ་རུ་ལྟར་གཅིག་པུར་གནས་པ་དང་གསུམ། དེའི་ཐེག་པ་ལ་དབྱེ་ན་གཞི་ལམ་འབྲས་གསུམ་ལས། གཞི་ནི་ཕྱི་ནང་གི་རྟེན་འབྲེལ་ལུགས་སུ་བྱུང་བས་འཁོར་བ་དང་། ལུགས་ལས་ལྡོག་པས་མྱ་ངན་ལས་འདས་པ་ཐོབ་པར་ཤེས་ན། གང་ཟག་གི་བདག་ཕྱི་གཟུང་བ་རང་བཞིན་མེ…

སྦྱོང་བའོ། །འབྲས་བུ་ནི་བཅུ་གཅིག་ཀུན་ཏུ་འོད་ཀྱི་ས་ལ་བདེན་པ་གཉིས་ཀྱིས་རབ་ཏུ་ཞུགས་ནས་དོན་གཉིས་ལྷུན་གྲུབ་ཏུ་བྱེད་པའོ། །དེ་ལ་བདེན་པ་གཉིས་ནི། ཀུན་རྫོབ་དང་། དོན་དམ་བདེན་པའོ། །ཀུན་རྫོབ་ནི་སྣང་སྲིད་འཁོར་འདས་ཀྱི་ཆོས་སྣ་ཚོགས་སུ་སྣང་བ་ཡིན་ལ༑ དོན་དམ་ནི་སེམས་ཀྱི་ཆོས་ཉིད་སྤྲོས་པ་ཐམས་ཅད་ཉེ་བར་ཞི་བ་བློ་བསམ་གྱི་ཡུལ་ལ…

རོལ་ཕྱིན་རྫོགས་པའི། །ས་བཅུ་རིམ་གྱིས་བགྲོད་པའི་རྣལ་འབྱོར་པ། །སངས་རྒྱས་སར་འགྲོ་གོ་འཕང་ཐོབ་པའི་ལམ། །བདེན་པ་གཉིས་ཀྱིས་རབ་ཏུ་ཐོབ་པར་གྱུར། །ཞེས་སོ། །ལྔ་པ་གསང་སྔགས་ཀྱི་ཐེག་པ་ལ་ཕྱི་ནང་གཉིས། ཕྱི་པ་ལ་ཡང་ཀྲྀ་ཡོག་སྡེ་གསུམ་ལས། དང་པོ་ལ། བྱ་བའི་རྒྱུད་ཀྱི་ངེས་ཚིག་ནི། ཀྲྀ་ཡ་སྟེ་ཁྲུས་དང་གཙང་སྦྲ་གཙོ་བོར་སྟོན་པས་བྱ་བའི…

པའོ། །འབྲས་བུ་ནི་མི་ཚེ་གསུམ་ནས་རིགས་ལྔ་སྟུག་པོ་བཀོད་པའི་ས་ཐོབ་པར་འདོད་པ་སྟེ༑ ཀུན་བྱེད་ལས། ཡོ་ག་སྟུག་པོ་བཀོད་འདོད་པ། །མི་ཚེ་གསུམ་ན་གྲོལ་བར་འདོད། །ཅེས་སོ། །གསང་སྔགས་ནང་པ་གསུམ་ལ། རྣལ་འབྱོར་ཕའི་རྒྱུད་ཀྱི་ངེས་ཚིག་ནི། མ་ཧཱ་ཡོ་གའི་སྒྲ་ལས་ཐབས་ཤེས་ཀྱི་རྣལ་འབྱོར་བསྐྱེད་པ་རླུང་གཙོ་བོར་བསྟེན་པས་གྲོལ་བར་བྱེད་པའོ…

ཐབས་ཆེན་འདི་དག་ཏུ། །རྒྱ་མཚོ་ཆེན་པོར་ཆུ་ཀླུང་ཀུན་འབབས་ལྟར། །རྣམ་ཐར་ཐེག་པ་བསམ་ཡས་མ་ལུས་འདུས། །ཞེས་སོ། །གཉིས་པ་ལ་གཉིས་ཏེ་གཉེན་པོ་ལ་དགོངས་ཏེ་དབྱེ་བ་དང་། དེ་དག་དབང་པོའི་བྱེ་བྲག་གིས་བསྡུ་བའོ། །དང་པོ་ནི། མ་རིག་པའི་རྣམ་པར་རྟོག་པས་ཉོན་མོངས་པ་སྟོང་ཕྲག་བརྒྱད་ཅུ་རྩ་བཞིའི་གཉེན་པོར་ཞེས་སོགས་ནས་གསུང་བར་འགྱུར་རོ། །…

གི་ཡལ་ག་ལོ་འདབ་མེ་ཏོག་འབྲས་བུ་དང་བཅས་པ་ལ་ལོངས་སྤྱད་པས་དུག་ནད་དྲག་པོའི་སྡུག་བསྔལ་གྱིས་མནར་ཞིང་སྲོག་འཚོ་བའི་སྐབས་མེད་དོ། །དཔེ་དེ་བཞིན་དུ་མ་རིག་པ་གཉིས་ཀྱིས་བསྐྱེད་པའི་ཉོན་མོངས་པའི་སྡོང་པོ་རྩ་བ་ལྔའི་ཡལ་འདབ་ཉེ་ཉོན་གྱི་མེ་ཏོག་འབྲས་བུ་དང་བཅས་པ་ལ། ཐ་མལ་ལྷ་མིའི་འཇིག་རྟེན་ཆོས་བརྒྱད་ལ་མངོན་པར་ཞེན་པ་རྣམས་ཀྱིས་ད…

ཞིང་། མ་རིག་པ་ལོག་ན་རྒ་ཤིའི་བར་དུ་འཁོར་བའི་འཁོར་ལོ་ལྡོག་པར་ཤེས་ནས། གང་ཟག་གི་བདག་དང་། ཕྱི་སྣང་བ་ཆོས་ཀྱི་བདག་ཕྱེད་པོ་མེད་པར་རྟོགས་པ་ནི་ནང་གི་རྟེན་ཅིང་འབྲེལ་པར་འབྱུང་བ་བསྒོམ་པས་ཆོས་ཀྱི་ཕྱེད་ཕྱི་ཡུལ་ལ་བདག་ཏུ་འཛིན་པའི་གཉེན་པོ་བྱེད་པས་ཉོན་མོངས་པ་འགེབས་པར་བྱེད་པ་རང་རྒྱལ་གྱི་ཐེག་པ་དང་། ཡང་འབངས་དེ་རྣམས་ཀྱི་ན…

དགའ་བའི་སེམས་ཀྱིས་གང་ལ་ཡང་མ་ལྟོས་པར་ཟོས་པས་ལང་ཚོ་རྒྱས་ཤིང་སྤུ་སྡུག་མདངས་དང་ལྡན་པར་འགྱུར་རོ། །དཔེ་དེ་བཞིན་དུ་ཀུན་རྫོབ་ཏུ་བཏགས་པའི་ཡོད་པར་འཛིན་པའང་ཟད་དེ་ལས་དང་ལས་ཀྱི་འབྲས་བུ་བདག་ཉིད་ཆེན་པོའི་རོལ་པར་རྟོགས་ནས་ཉོན་མོངས་པ་ལྔ་ཉིད་ཡེ་ཤེས་ལྔའི་རང་གདངས་སུ་ཤེས་པས་སྤང་གཉེན་མེད་པས་གོས་པར་མི་འགྱུར་བ་སྟེ་ཉོན་མོངས་…

པ་མ་ཡིན་པར་ཐལ། ཁྱོད་ཀྱི་དཀའ་བ་སྤྱོད་པའི་མཛད་པ་མི་སྟོན་པའི་ཕྱིར། དེ་ལྟར་མདོའི་ལུང་གིས་གྲུབ་པའི་ཕྱིར། གཞན་ཡང་དག་པའི་ཞིང་ན་ངེས་འབྱུང་དང་རོལ་རྩེད་མི་སྟོན་པའི་རྒྱལ་བ་མཐའ་ཡས་པ་དང་། ཞིང་ཁམས་འགའ་ཞིག་ཏུ་བདུད་ཀྱང་མེད་པས། དེ་འདུལ་མི་དགོས་པའི་ཕྱིར། དེ་དག་ཀྱང་ཐུབ་པ་མ་ཡིན་པར་ཐལ་བའི་ཕྱིར་རོ། །འགྲོ་འདུལ་གྱི་སྤྲུལ་པ…

དེ༑ ཐུགས་ཐིག་ལས། བརྗོད་བྱ་རང་བཞིན་གསང་བའི་རྒྱུད། །ཇི་བཞིན་ཉིད་དུ་བརྗོད་མེད་ངག །སྟོན་པས་རྒྱུད་དོན་ལམ་དང་ཚིག །འབྲེལ་པ་རིམ་པས་འཆོལ་འཁྲུགས་པ། །གླེང་གཞིའི་རྗེས་སུ་ངེས་པར་འགྲོ། །ཞེས་སོ། །གཉིས་པ་ངོ་བོ་ནི། འཁོར་གྱིས་ཞུས་པའི་དོན་སྟོན་པས་གནང་བའི་སྟོན་འཁོར་དྲིས་ལན་གྱི་རྐྱེན་ལས་བསྟན་པ་འབྱུང་མ་རག་པ་སྟེ། དེ་ལས། ས…

ཉི་ཟླ་བྱང་ཆུབ་སེམས་ཀྱི་རྒྱུ་བྱས་ཤིང་། ཡབ་ཡུམ་གྱི་ཉམས་སུ་སྟར་བའི་དོན་ཆེད་དུ་བརྗོད་པས་རྐྱེན་བྱས་པ་སྟེ། རྟོགས་པ་བརྗོད་པ་ལ། ཡབ་ཀྱི་ཐབས་ཀྱི་ཆ་བཟུང་ནས། ཡུམ་གྱི་ཤེས་རབ་ཀྱི་ཆ་བཟུང་ནས། ཐབས་ཤེས་གཉིས་མེད་ཀྱི་ཆ་བཟུང་ནས་དབང་བསྐུར་ཏེ་གླེང་བསླང་བའོ། །དང་པོ་ནི། ཨེ་མ་ཧོ། རྡོ་རྗེ་ཕུང་པོ་ནས། མཉེས་པར་གྱུར་ཏོ། །ཞེས་པའི་…

འགྱུར། །ཞེས་པ་རྙིང་མ་བ་རྣམས་ཀྱི་བླུན་ཚིག་སྟེ། སངས་རྒྱས་ཀྱིས་མ་གཟིགས་པའི་ཆོས་ཤིག་གང་ཡང་མ་མཆིས་སོ། །ཞེས་ཟེར་ཏེ། ཆོས་ཉིད་དེ་བཞིན་ཉིད་ཀྱི་དབྱིངས་དོན་དམ་པའི་བདེན་པ་དེ་ཡོད་མེད་རྟག་ཆད་སྤྲོས་པའི་མཐའ་ཐམས་ཅད་བྲལ་བའི་ཕྱིར་གཟིགས་དང་གཟིགས་བྱར་མ་གྲུབ་པའི་དོན་གོ་བར་བྱེད་པ་ཡིན་ཏེ། རྣམ་ངེས་ལས། ཐམས་ཅད་མཁྱེན་པས་གཟིགས་…

ཆོས་ཐམས་ཅད་ཡེ་ནས་སངས་རྒྱས་པས་དེ་འབྲས་བུ་གཞན་ནས་བཙལ་དུ་མེད་པར་རྟོགས་ཏེ༑ ལྷག་པ་དོན་དམ་པའི་བདེན་པ་མཐོང་བའོ། །དེ་ཡང་དགོངས་པ་ཐ་མི་དད་པའི་འཁོར་རྣམས་ཀྱིས་མཁྱེན་ཏོ་ཞེས་པའི་ཚིག་གིས་གསང་དབང་གི་ངེས་ཚིག་ཀྱང་གྲུབ་སྟེ། འཁོར་ཐུན་མོང་པ་རྣམས་ཀྱི་ཉི་ཟླ་གཉིས་སྲེས་ཀྱི་གསང་དབང་ཐོབ་པས་དོན་དམ་རྟོག་མེད་ཀྱི་ཡེ་ཤེས་རྒྱུད་ལ་ས…

སུ་ལེན་པའི་ཐབས་དང་། དེ་མཐར་ཕྱིན་པའི་འབྲས་བུ་ལ་ངམ་པའོ། །དེེ་དག་ནི་རྫོགས་པའི་སངས་རྒྱས་ཀུན་གྱི་ཐུགས་ཀྱི་གསང་བ་མཐར་ཐུག་པ་སྟེ་གཞི་འཆིང་གྲོལ་མེད་པར་ཡོན་ཏན་ལྷུན་གྱིས་གྲུབ་པ་འདི་ཕལ་གྱི་སྤྱོད་ཡུལ་དུ་མ་གྱུར་པའི་ཕྱིར་རོ། །དེ་ལྟར་རང་བཞིན་གྱིས་གྲུབ་པའི་གནས་ལུགས་དེ་ལ་དོན་དམ་པར་སྐྱེ་འགག་གནས་དམིགས་འགྲོ་འོང་མཚན་མའི་…