གྱི་སེར་སྦྲེངས་ལེགས་པར་བརྐྱང་སྟེ་མཆོག་ཏུ་ཤིས་པ་བརྗོད་པའི་མེ་ཏོག་གི་ཆར་ཆེན་པོ་བར་སྣང་ཁྱབ་པར་འབེབས་པ་དང་། དེ་ནུབ་མཆོད་རྟེན་གྱི་ཆོག་གྲྭ་པ་རྣམས་ཀྱིས་ཁ་སྐོང་གི་ཞི་བའི་བ སྲེག་བླུགས་མཛད་པ་སོགས་ཆོ་ག་ཆེས་ཤིན་ཏུ་རྒྱས་ཤིང་སྨིན་པར་གནང་། དེ་ཉིན་སྔ་དྲོ་བགེགས་སྐྲོད་པའི་ཚེ་རྡུལ་རླུང་དྲག་པོ་ལྡང་བ་དང་། ཁྲུས་ཀྱི་ཚེ་འཇ…

སུ་ཕེབས་པའི་ཞབས་ཏོག རྔ་ཤོན་གླུ་གཞས་པ་སོགས་རྩེད་འཇོའི་ཟློས་གར་བ་རྣམས་ལ་སོ་སོར་ཡིད་ཚིམ་པའི་གནང་སྦྱིན། ལྟད་མོ་ལ་འདུས་པའི་སྐྱེ་བོ་བདུན་སྟོང་བརྒལ་བར་ཁྲོམ་ཆང་བཟང་པོ་བཅས་རྒྱས་པར་སྩལ་པས་ཐམས་ཅད་རངས་པར་གྱུར་ཅིང་། ཉེར་བདུན་གྱི་ཉིན་མཆོག་དམན་མང་པོ་ལ་ཞལ་མཇལ་ཕྱག་དབང་བྱིན་རླབས་སོགས་བར་མེད་དུ་སྩལ་པས་སོ་སོའི་རེ་བ་གང་…

གནང་ཞིང་། དེ་ཉིན་ནས་བཟུང་ཞབས་དྲུང་མཆེད། སྤྲུལ་སྐུ་རྣམ་གཉིས་སོགས་བདག་ཅག་དོན་གཉེར་ཅན་བཅོ་ལྔ་སྐོར་ལ་བི་མ་སྙི ང་ཐིག་གི་བཀའ་ཁྲིད་ཀྱང་འཛུགས་པར་མཛད། བདུན་ལ་རབ་འབྱམས་པ་བློ་བཟང་བཀྲ་ཤིས་ལ་སྐུ་ཞབས་གྲྭ་ཚང་གི་ཞལ་འདོན་སྐོར་གྱི་ལུང་། དགུ་ལ་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་སྒྲུབ་སྐོར་སོགས་ཀྱི་བཀའ་ལུང་ཐོར་བུ་མ…

འབྱམས་པ་བློ་བཟང་བཀྲ་ཤིས་ལ་སྤྱི་སྒེར་ཐམས་ཅད་ནས་རྫོངས་པའི་གནང་སྐྱེས་བཟང་ཞིང་རྒྱ་ཆེ་བ་སྩལ་ནས་ཞལ་སྐྱེས་འཁོས་སུ་ཕེབས་པ་དང་བཅས་ཏེ་ཕྱིར་ཐེགས། བཅུ་བཞི་ལ་ཁང་གཅིག་མའི་མ་འདས་པའི་སྐྱབས་གནས་སུ་གྲྭ་ཚང་སྤྱན་དྲངས་པའི་ཚོགས་དབུར་ཞབས་པད་བསྐྱོད་ཅིང་། ཉེར་གཉིས་ལ་སྙིང་ཏིག་གི་ཁྲིད་ཞུ་མི་རྣམས་ལ་ཀ་དག་གི་ངོ་སྤྲོད་དང་། ཕྱི་ཉི…

དེ་དག་གིས་དགུང་ལོ་ང་གཅིག་བཞེས་པ་འཛིན་བྱེད་ཅེས་པ་མེ་ཕོ་བྱི་བའི་ལོ་ཧོར་ཟླ་དགུ་པའི་ཡར་ངོའི་ཚེས་བདུན་ཡན་ཆད་ཀྱི་མཛད་པ་མདོ་ཙམ་བརྗོད་པ་སྟེ། ད་དུང་ཡང་གདུལ་བར་བྱ་བའི་ཡུལ་མཁའ་ཁྱབ་ཀྱི་སེམས་ཅན་ཐམས་ཅད་རྗེ་བཙུན་དམ་པ་གང་གི་རྣམ་ཐར་རྒྱ་མཚོའི་རྗེས་སུ་ཞུགས་པ་ལས་བདག་ཉིད་ཆེན་པོའི་གོ་འཕང་མཆོག་ལ་འཁོད་པའི་ཐུགས་རྗེ་དང་སྨོན་…

བཤེས་གཉེན་ལ་མཆོག་ཏུ་གུས་པ་དང་ལྡན་པ་དཔང་རིགས་གྲུབ་པའི་དབང་པོ་པདྨ་རྒྱལ་མཚན་ལ་སོགས་པས་ཆེད་དུ་བསྐུལ་བའི་ངོར་གཅུང་ཀུན་དགའ་ཚུལ་ཁྲིམས་རྒྱ་མཚོས་ཕྱག་ཐོར་བཏབ་པའི་ས་བོན་ཟིན་རིས་དང་རང་གིས་མཐོང་ཐོས་སུ་གྱུར་པ་རྣམས་གུང་བསྒྲིགས་ཏེ་རྗེ་བླ་མ་མཆོག་གི་བཀའ་དྲིན་གྱིས་འཚོ་བ་སྨྱོས་ཀྱི་བན་ཆུང་དྷརྨ་ཤྲཱིས་འཛིན་བྱེད་ཀྱི་ལོ་སྟོན…

རིག་པ་འཛིན་པ་འགྱུར་མེད་རྡོ་རྗེའི་ཤིན་ཏུ་གསང་བ་ཉམས་སྣང་གི་རྟོགས་བརྗོད་སྒྱུ་འཕྲུལ་རྡོ་རྗེའི་རོལ་མོ་ཞེས་བྱ་བ་བཞུགས་སོ། །གཏེར་བདག་གླིང་པ་འགྱུར་མེད་རྡོ་རྗེ།

རིག་པ་འཛིན་པ་འགྱུར་མེད་རྡོ་རྗེའི་གནས་ལུགས་དེ་བཞིན་ཉིད་ཀྱི་རྟོགས་པ་བརྗོད་པ་སྒྱུ་འཕྲུལ་རྡོ་རྗེའི་རོལ་མོ་ཞེས་བྱ་བ་བཞུགས་སོ། ན་མོ་གུ་རུ་པདྨ་སམ་བྷ་ཝ་ཡེ། རིག་པ་འཛིན་པ་འགྱུར་མེད་རྡོ་རྗེའི་གནས་ལུགས་དེ་བཞིན་ཉིད་ཀྱི་རྟོགས་པ་བརྗོད་པ་སྒྱུ་འཕྲུལ་རྡོ་རྗེའི་རོལ་མོ་ཞེས་བྱ་བ། བླ་མ་ལ་ཕྱག་འཚལ་ལོ། །འགྱུར་མེད་དོན་དམ་མཁའ…

བདེ་གཤེགས་སྙིང་པོ་རང་བཞིན་འོད་གསལ་བ། །ཀ་དག་དང་པོའི་སངས་རྒྱས་རྡོ་རྗེ་འཆང་། །དེ་སོགས་དུ་མའི་སྒྲ་ཡིས་སྙན་༼བསྙད༽བྱའི་གཞི། །སྐྱེ་འགག་གཉིས་མེད་རྩ་བ་བྱང་ཆུབ་སེམས། །མ་འདྲེས་ཡོངས་རྫོགས་རིག་པའི་སྐྱེས་བུ་དེའི། །རྨད་བྱུང་མཛད་ཕྲིན་རྣམ་པར་བྱང་བའི་ཆོས། །ཡོངས་སུ་སྤེལ་དང་རྒྱལ་བ་ཐམས་ཅད་ཀྱི། །སྐུ་དང་ཡེ་ཤེས་ཡོན་ཏན་ཕྲིན…

མཁྱེན་ཆེ་དང་འགོས་ལོ་ཡི། །གསུང་རབ་མཐོང་ཚེ་རང་གིས་བྱས་སྙམ་དང་། །ཐོག་མའི་ཚིག་གིས་དེ་རྗེས་ཚིག་དོན་རྣམས། །རྩོལ་མེད་ཤུགས་འབྱུང་ར་རི་འཆར་བ་སྙམ། །ཕྱི་དུས་འཁོར་ལོ་ཐ་མ་ངེས་དོན་དུ། །ཐོགས་མེད་སྨྲ་བ་དེ་དང་བློ་ཆེན་པའི། །ལས་སྣང་འགའ་ཞིག་བག་ཆགས་སད་འདྲ་བ། །སྤྲུལ་པའི་རྣམ་རོལ་གཉིས་པ་ཡིན་པར་འཁུམས། །ཁྱད་པར་ཆ ོས་ཀྱི་གོ་ཆའ…

སྙམ་བགྱིད་མོད་དོན་སྤྱི་ཙམ། །རྣམ་རྟོག་འཕེལ་བའི་དབང་ལས་མ་གྱུར་ཏམ། །དེ་ཚེ་ཛོ་ཀི་སྔོ་སངས་ཐོར་ཚུགས་ཅན། །རུས་པའི་རྒྱན་ཅན་ཞིག་དང་མཛེས་སྡུག་གི །བུད་མེད་གཉིས་ཀྱིས་ཕལ་ཆེར་ཟླ་གྲོགས་ལྟར། །སྲི་ཞུའི་མེལ་ཚེ་བྱེད་པ་དངོས་སྣང་བཞིན། །ལོ་གསུམ་བར་དུ་བྱུང་མོད་དེ་རྗེས་ནས། །རེས་འབྱུང་རེས་མི་སྣང་མོད་ཉམ་ཐག་ཚེ། །ཤས་ཆེར་འབྱུང་…

མཐིང་ཞུན་ཐིག་ལེ་མཁའ་ཁྱབ་འདྲེས། །རྨི་ལམ་ཉིད་དུ་མཐོང་བ་མགོན་དེ་ཡིས། །བྱིན་བརླབས་སྔགས་ཀྱི་བརྡ་རུ་ཕྱིས་ནས་གོ། བཅུ་གཅིག་ལོ་ནང་ལྷ་མིའི་འདྲེན་པ་ཆེ། །ཐམས་ཅད་མཁྱེན་ཞབས་བཏུད་ཚེ་སྐྱིད་གྲོང་གི །འཕགས་པ་ཝ་ཏི་གནས་དེར་ཐོག་མ་རུ། །ཕེབས་དང་ལྷན་ཅིག་ཉིད་དུ་དུས་འགྲིག་ཚེ། །འཕགས་པའི་སྐུ་ཉིད་ཞི་འཛུམ་ཆགས་པའི་ཉམས། །མཚུངས་མེད་…

རིན་ཆེན་ཐེམ་སྐས་ཤིན་ཏུ་མཐོ་བའི་རྩེར། །བུད་མེད་མཛེས་མས་ཁྲིད་དེར་སོང་བ་ལས། །ཤིན་ཏུ་བཀོད་ལེགས་ཁྱོན་ཆེའི་ཁང་པ་ན། །བླ་མ་རྗེ་ཉིད་གཟི་བརྗིད་མཚུངས་མེད་སྐུའི། །མཐའ་སྐོར་གླེགས་བམ་མང་པོའི་བརྩིགས་རགས་དང་། །ལ་ལ་འགྱེལ་ནས་ཐང་མར་གདལ་བས་བསྐོར། །གུས་པས་བཏུད་ཚེ་འདི་རྣམས་བཀའ་གཏེར་གྱི། །ཟབ་ཆོས་ཡིན་ཡང་འགའ་ཞིག་འཁྲུགས་ནས་འ…

སྩལ་ནས། །བྱིན་བརླབས་དབུགས་དབྱུང་ནུབ་ཕྱོགས་མཁའ་དབྱིངས་སུ། །སྒྲ་དང་འོད་ཀྱི་སྣང་བ་མི་བཟད་པའི། །ངོ་མཚར་ཆོ་འཕྲུལ་ཆེན་པོས་གཤེགས་པ་མཐོང་། །སྐབས་ཤིག་ཨོ་རྒྱན་ཆེན་པོ་ཡབ་ཡུམ་གྱི། །སྤྲུལ་པའི་གར་གྱིས་ཐབས་ཤེས་དམ་རྫས་དང་། །ཟབ་གཏེར་ཁ་བྱང་གདམས་པའི་གཉེར་གཏད་པ། །རྨི་ལམ་ཉིད་དུ་གསལ་བར་མཐོང་གྱུར་ཅིང་། །སད་ཚེ་ཟག་མེད་དགའ་བ…

ཉིད་དུ་རོ་མཉམ་མོ། །མཛེས་བྱེད་སྣྲོན་ཟླའི་བཅུ་ལ་བྲག་དམར་གྱི། །གཡའ་མ་ལུང་ནས་ཐུགས་ཐིག་བླ་སྒྲུབ་སྐོར། །མྱོང་གྲོལ་དམ་རྫས་སྐུ་ཚབ་རྣམ་གཉིས་སོགས། །ཟབ་མོ་གཏེར་གྱི་དངོས་གྲུབ་དང་པོ་ཐོབ། །རང་ལོ་བཅུ་དགུ་ཆུ་སྟོད་ཅན་གྱི་བཅུར། །མཆིམས་ཕུའི་གནས་སུ་གུ་རུ་བསྙེན་པའི་ཚེ། །ཉེར་ལྔའི་ཐོ་རེངས་སྒྲུབ་རྫས་སྟེང་གི་མཁར། །གུ་རུའི་ས…

ང་ནི་རྣལ་འབྱོར་བདུད་འདུལ་དྲག་མོ་རྩལ། །བུ་ཁྱོད་རྟག་ཏུ་བྱིན་གྱིས་རློབ་པ་ཡིན། །ཞེས་གསུངས་བདག་གིས་གླེགས་བམ་ཞལ་ཕྱེ་ནས། །ཀློག་པར་བརྩམས་ཚེ་མི་བཟད་རླུང་ཤུགས་ཀྱིས། །ཕྱོགས་བཅུར་ཁྱེར་བའི་སྒྲ་གདངས་ཀཱི་ལ་ཡར། །སྒྲོག་པའི་ངང་ནས་བདག་ཀྱང་བྱང་ཤར་གྱི། །མཁའ་ལ་བྱ་བཞིན་བསྐྱོད་དེ་སོང་བའི་ལམ། །ཤ་རུས་གཅོང་རོང་ཁྲག་གི་འབབ་ཆུ་ཅ…

འབྲེལ་སྔ་ཕྱིའི་སྐྱེ་བ་འགའ། །ཐོགས་མེད་ཡིད་ཤེས་ཙམ་དུ་གསལ་བར་ཤར། །བཟང་པོའི་ལས་ཀྱི་འཕྲོ་ཡི་བག་ཆགས་འགའ། །རྒྱུ་རྐྱེན་རྟེན་འབྲེལ་དབང་གིས་སད་པ་སྙམ། །སྐབས་ཤིག་ཉམས་གྲིབ་རྐྱེན་གྱིས་ཡུན་རིང་པོར། །སྲོག་ལ་འབབ་འདྲའི་ནད་ཀྱིས་མནར་བའི་ཚེ། །མཁའ་འགྲོའི་བསྐང་བཤགས་སྒྲུབ་ཚེ་ཝཱ་ར་ཧི། །བདག་འཛིན་ཞེན་ངོར་མི་སྡུག་ཁྲོ་ཚུལ་དང་། …

ཕུང་སྟེང་། །མེ་ཏོག་ཆར་ཟིམ་འབེབས་བཞིན་སོན་པ་ཉིད། །ཉེ་བར་སླེབས་ཚེ་ཤེས་རབ་ཡུམ་གྱུར་དེས། །རིན་ཆེན་སོར་གདུབ་ནོར་བུའི་ཕྲ་ཚོམ་ཅན། །བདེ་ཆེན་ཡེ་ཤེས་བསྐྱེད་པའི་རྟེན་ཉིད་དུ། །བྱིན་པའི་མོད་ལ་ནོར་བུའི་བྲག་སྟེང་ན། །གནས་པས་བདུད་ལས་རྒྱལ་བའི་མཚན་མ་ནི། །རིན་ཆེན་འབར་བའི་ཏོག་ཅན་བཟུང་བའི་མོད། །ནམ་མཁར་ཨོ་རྒྱན་ཆེན་པོ་གཙོ་…

གོས་ཀྱིས་ལྷབ་ལྷུབ་གོས། །གཡོ་བས་མ་ཧཱ་སུ་ཁའི་བརྡ་ཐབས་བསྟན། །འཇམ་དཔལ་ཆོས་ཀྱི་ཁ་བྱང་ལག་ཏུ་སོན། །སྐབས་དེར་དུང་ཅན་རྡོ་རྗེ་རེག་བྱ་མའི། །ཀཱ་ཡ་སུ་ཁས་གཉུག་མའི་སེམས་ཀྱི་གཤིས། །འགྱུར་མེད་བདེ་བར་མཚོན་པའི་མེ་ལོང་བཞིན། །གསལ་བས་རང་ལུས་རྩ་ཡི་འཆིང་བྱེད་བཀྲོལ། །མེ་ལུག་ཁྲུམས་ཟླའི་བརྒྱད་ལ་ཤེལ་རི་ནས། །འཇམ་དཔལ་ཁྲོ་བོའི་ཟབ…

ཡིད་བཟང་གཞོན་ནུའི་ཚུལ། །ལེགས་བྲིས་མཛེས་མའི་འཁོར་གྱིས་བསྟེན་པ་ཅན། །མཁའ་ལ་ཡུད་ཀྱིིས་སྣང་བ་གསལ་མཐོང་ཞིང་། །ཡིད་ཀྱི་མེ་ལོང་ནང་དུ་འབྱུང་འགྱུར་གཟུགས། །གསལ་པོར་ཤར་བའི་གནས་ལུགས་ཕྱི་དུས་སུ། །མངོན་སུམ་གྲུབ་པ་ཚངས་པའི་རི་མོ་བཞིན། །སྟོན་དུས་ལྷ་ལྡན་གྲུ་འཛིན་རི་བོའི་སྤོར། །འཇིག་རྟེན་མགོན་པོ་རྣམ་འདྲེན་བླ་མའི་དྲུང་།…