གསུམ་སྒྲུབ་པར་བྱེད་པས་ན་སྒྲུབ་པའི་བཟླས་པ་དང་། དེ་ལས་གཞན་ཡང་གཉ ིས་པ་བདེ་ཆེན་གྱི་བཟླས་པ་བྱ་བ་ནི། དོ་ལི་ཞེས་འཁྱོགས་ཀྱི་བཟླས་པ་སྟེ། ཐུགས་ཀའི་ཧྲཱིཿལས་བཟླ་བྱའི་སྔགས་འཕྲེང་ཡབ་ཀྱི་ཞལ་ནས་འཐོན་ཏེ་ཡུམ་གྱི་ཞལ་དུ་ཞུགས་པ་པདྨ་ནས་རྡོ་རྗེའི་ལམ་བརྒྱུད་བྱང་ཆུབ་ཀྱི་སེམས་བདེ་བ་ཆེན་པོའི་ངོ་བོར་བྱུང་བ་ཐུགས་ཀའི་ཧྲཱིཿལ་ཐིམ་…

འཛིན་ཅིང་། སྐྱོ་ན་བཟླས་པའང་ཅི་རིགས་བྱས་ལ་དམིགས་མེད་ཀྱི་དབྱིངས་སུ་བསྡུ་བར་བྱ་སྟེ། དེ་ལྟ་བུའི་བསྒོམ་ལུགས་ཡང་ནས་ཡང་དུ་བསྐྱར་བས་ཐ་མལ་གྱི་སྣང་ཞེན་འགོག་ཅིང་རྫོགས་རིམ་གྱི་ཏིང་ངེ་འཛིན་སྐྱེ་བའི་གྲོགས་སུ་འགྱུར་བ་ཡིན་ལ། གང་ལྟར་ཡང་འོད་གསལ་དུ་བསྡུས་པ་ལས། མཐར་ཉལ་བ་ལས་ལྡང་བའམ་ཐུན་མཚམས་ཀྱི་སྤྱོད་ལམ་ལ་འཇུག་པ་ན། འོད་…

ཡན་ལག་སྟེ༔ ཞེས་པས་རིམ་པ་དང་པོ་བསྐྱེད་རིམ་བཤད་གྲུབ་ནས། ད་ནི་བསྐྱེད་རིམ་ལ་རྣམ་པར་རྟོག་པས་བཅོས་ཤིང་བཏགས་པའི་ལམ་ཞེས་བརྗོད་པ་དེ་ཡང་། གང་ལས་བཅོས་ཤིང་བཏགས་ཤེ་ན་གདགས་གཞི་རྫོགས་རིམ་ལས་བཏགས་པའི་ཕྱིར་ན་འདིར་རིམ་པ་གཉིས་པ་བསྐྱེད་རིམ་གྱི་མཚོན་དོན་རྫོགས་པའི་རིམ་པར་བཤད་པར་བྱ་བ་ཡིན་ཏེ། དེ་ལ་རྫོགས་པ་ནི་ལེགས་པར་སྦྱར་བ…

ཆེན་ཀུན་འདུས་པ། །མཁའ་འགྲོ་སྒྱུ་མ་བདེ་མཆོག་བདེ། །རྣལ་འབྱོར་ཟབ་མོ་སྐུ་གསུམ་རྫོགས། །ཞེས་ཟུང་འཇུག་གི་སྐུ་ལ་དེ་ཁོ་ན་ཉིད་ཀྱི་ལྷ་ཞེས་བྱ་ཞིང་། དེ་སྒྲུབ་བྱེད་ཀྱི་སྒྲུབ་ཐབས་ཀྱང་དེ་ཁོ་ན་ཉིད་ཅེས་མངོན་སུམ་པའི་ལྷའི་རྣལ་འབྱོར་དགོས་པ་ལ་དགོངས་ཏེ། དགྱེས་རྡོར་གྱི་རྒྱུད་ལས། བསམ་གཏན་ཉོན་མོངས་འཇིག་བྱེད་པ། །རྡོ་རྗེ་སྙིང་པ…

བཀོད་པ་ཐིག་ལེ་དག་བྱེད་ཐ་མར་དགེ་བ་ཐུགས་རྡོ་རྗེའི་རྣལ་འབྱོར་རོ། །དང་པོ་ལ་དྲུག །གང་གི་ཚེ་སྒོམ་པའི་དུས། ཇི་ལྟར་བསྒོམ་པའི་ཚུལ། མཐོང་བྱ་རྟགས་ཀྱི་འཆར་ཚུལ། མཐོང་བྱེད་མངོན་སུམ་རྟེན་དང་བཅས་པ། མ་གྲུབ་ན་སྤོགས་པའི་ཆོ་ག ཇི་ལྟར་ཤར་བའི་སྟོང་གཟུགས་ལ་བསམ་གཏན་གྱི་བསྐྱང་ཚུལ་ལོ། །དང་པོ་ནི། དུས་འཁོར་ལས་གཡས་རྒྱུ་སྡུད་རིམ་…

རྣམ་རྟོག་གི་བཞོན་པ་རླུང་འཆིང་བ་ལ་ལུས་ཀྱི་གནད་བཅིང་བ་གལ་ཆེའོ། །དེ་ཡང་རྐང་པ་རྡོ་རྗེ་སྐྱིལ་ཀྲུང་བཅས་པས་རོ་རྐྱང་གི་རྩ་རྐང་མཐིལ་གྱི་བར་དུ་ཡོད་པ་གཅེར་ཞིང་འདུད་པས་རྩ་དེར་རྒྱུ་བའི་རླུང་འགགས་ཏེ་སྨད་ཀྱི་རྩ་རྣམས་བཅིངས་པས་ཐུར་སེལ་གྱི་རླུང་འཆིང་ཐུབ། ལག་པ་གཉིས་རྡོ་རྗེ་ཁུ་ཚུར་མཐེ་བོས་སྲིན་ལག་གི་རྩ་བ་མནན་པ་རྐང་མཐིལ…

ཅད་ལ་རོ་རྐྱང་གི་ཡལ་ག་རེ་ཡོད་པའི་གཞན་རྣམས་ཕལ་པ་ཡིན་ལ། གཙོ་བོ་རྒྱལ་པོ་ལྟ་བུ་གསང་བའི་དབང་པོ་ལ་ཡོད་པ་དེས་བག་ཆགས་དང་རྣམ་ཤེས་མཐའ་དག་སྐྱེད། ལས་བྱེད་བློན་པོ་ལྟ་བུ་མིག་ལ་གནས་པས་ཕྱི་ཡུལ་གྱི་རྣམ་རྟོག་ཕལ་ཆེར་སྐྱེས། དེས་ན་མིག་གི་རྩ་མེ་ཏོག་ལྟ་བུ་དང་གསང་བའི་རྩ་འབྲུ་ཆགས་པ་ལྟ་བུ་ཡིན་པའི་གནད་ཀྱིས། ལས་བྱེད་བཅིངས་པས་གཙ…

ལུས་ལ་རྒྱན་དང་འདྲ་བར་སྲེལ་བྱེད་ན། །དོན་ཆེན་སྒྲུབ་ཕྱིར་ཡང་དག་བརྩོན་གྱུར་པ། །བདག་ལ་སྡུག་བསྔལ་ཅི་ཕྱིར་གནོད་བྱེད་ཡིན། །ཞེས་དང་། ཉ་པ་གདོལ་པ་ཞིང་པ་ལ་སོགས་པ། །རང་གི་འཚོ་བ་ཙམ་ཞིག་སེམས་པ་ཡང་། །གྲང་དང་ཚ་ལ་སོགས་པའི་གནོད་བཟོད་ན། །འགྲོ་བ་བདེ་ཕྱིར་བདག་ལྟ་ཅིས་མི་བཟོད། །ཅེས་གསུངས་པའི་དོན་རྣམས་ལེགས་པར་བསམས་ནས་སྲན་བས…

པས། ངག་མི་སྨྲ་ཞིང་། སེམས་གང་དུའང་མི་བསམ་པར་ཟབ་མོ་དམིགས་པ་མེད་པའི་ངང་ལ་འཇོག་པ་སྟེ། མི་གཡོ་གསུམ་ལྡན་གྱི་གནད་འདི་ལ། མགྱོགས་ཁྲིད་མ་ཡིན་པར་སྨིན་སློབ་ཀྱིས་ཁྲིད་པའི་ཚེ་ལུས་གནད་དང་ལྟ་སྟངས་མ་འབྱོངས་ཀྱི་བར་དེ་སྲིད་དུ་ཡུན་ཅི་རིགས་སུ་འབད་དེ་བསླབ་པར་བྱ་དགོས་པ་ཡིན་ཞིང་། ལུས་གནད་བཅས་ཟིན་མཚམས་ནས། སྔར་ལུས་ཀྱི་བྱ་བྱེ…

ཅིག་གིས་གསལ་འདེབས་པ་ཕྱག་ལེན་གྱི་རྒྱུན་ལ་ཡོད་པ་ལྟར་བསྒོམ་པར་བྱ་བ་ཡིན་ཏེ། ལུས་གནད་དང་ལྟ་སྟངས་བཤད་མ་ཐག་ལྟར་བཅས་ལ། སེམས་ཀྱི་གནད་ནི། རང་ལུས་ཐ་མལ་གྱི་སྣང་བ་འདི་ནམ་མཁའ་ལ་འཇའ་ཡལ་བ་ལྟར་སྦྱངས་ཏེ་རྣམ་པར་མི་རྟོག་པའི་ངང་ལས་རང་ལུས་ཕྱི་དབྱིབས་སྐད་ཅིག་གིས་ཐུགས་རྗེ་ཆེན་པོའི་སྐུ་འཇའ་ཚོན་ལྟར་དྭངས་གསལ་སྒྲིབ་ཐོགས་མེད་པའ…

བུར་འདྲིལ་བ་ལྟ་བུ་དང་ཕྲ་བའི་བརྡ་ཉིད་ཀྱི་ཕྱིར། དབྱིབས་ཐིག་ལེའི་རྣམ་པར་ཟླུམ་པ་དང་ཙ་ན་ཀའི་འབྲུ་ལྟར་ཕྲ་བར་བསྟན་ཅིང་། རགས་པའི་ལུས་སྐྱེད་སྡུད་གནས་པའི་རྟེན་གཙོ་བོར་ལྟེ་བའི་འཁོར་ལོ་ཡིན་པ་དང་། ལྟེ་བའི་རྩ་མདུད་གྲོལ་ན་སྙིང་ག་ལ་སོགས་པའང་འབད་མེད་དུ་གྲོལ་འགྲོ་བའི་ཕྱིར། ལྟེ་བའི་འཁོར་ལོར་བསྒོམ་ཞིང་དེ་ལ་དམིགས་པས་གནད…

ཡིས། །བསྒྲིམས་ཏེ་བླ་མའི་ལུང་ལ་གུས་འབད་ན། །ལྷན་ཅིག་སྐྱེས་པ་འབྱུང་བར་ཐེ་ཚོམ་མེད། །ཅེས་གསུངས་ཏེ། འདི་ལ་མ་བཅོས་པ་བུ་ཆུང་ལྟ་བུའི་གཞག་ཐབས་ཞེས་ཀྱང་ཟེར་རོ། །གཉིས་པ་རྩེ་གཅིག་གི་རྣལ་འབྱོར་ནི། དཔེ་སྤྲེའུ་སྒོ་གཅིག་ཏུ་བཏགས་པ་ལྟ་བུ་སྟེ། ཁང་པ་དཀར་ཁུང་མང་པོ་ཡོད་པར་སྤྲེའུ་གཅིག་བཞག་ན་དཀར་ཁུང་ཐམས་ཅད་དུ་ཉུག་ཉུག་བྱས་པས་…

བསྟེན་ནས་འཇོག་པ་སྟེ། ནམ་མཁའ་ཆེ་ལས། སྔར་རྗེས་མི་དཔྱད་འདས་པའི་འདུ་ཤེས་དོར། །ཕྱིས་སྔུན་མི་བསུ་ཡིད་ཀྱི་འབྲེལ་ཐག་བཅད། །བར་དུ་འཛིན་མེད་ནམ་མཁའི་ངང་ལ་བཞག །ཅེས་གསུངས་ཏེ། འདིས་རྟོག་པའི་འཆར་སྒོ་ཐམས་ཅད་རང་དག་ཏུ་བྱེད་པས་རང་གྲོལ་གྱི་རྣལ་འབྱོར་རམ། འཆར་སྒོ་ཐམས་ཅད་དབྱིངས་སུ་རོ་སྙོམས་པར་བྱེད་པས་རོ་གཅིག་གམ་རོ་མཉམ་གྱི་…

བྱུང་བ་སྟེ། ཁྱུང་ནམ་མཁའ་ལ་ལྡིང་བ་ལྟར་སེམས་སྤྲོ་བསྡུ་མེད་པར་འཇོག །ཆུ་རང་སོར་བཞག་ན་དྭངས་པ་ལྟར་སེམས་རྟོག་སྤྱོད་ཀྱིས་མ་དཀྲུགས་པར་བྱར་མེད་དུ་འཇོག རྫི་བོས་བ་ལང་སྐྱོང་བ་ལྟར་རང་བབས་སུ་གློད་ལ་འཇོག ཞུན་མར་གྱིས་ཁེངས་པའི་ཀོང་བུར་སྡོང་བུའི་རྩ་བ་བརྟན་ཅིང་རྩེ་གཉིས་སུ་མ་སོང་བ་ལ་སྒྲོན་མེ་སྦར་བས་མུན་པ་བསལ་ནས་ཁང་པ་འོད…

ཏེ། དེ་ནས་སྔར་བཞིན་སྤྲོས་མེད་ཀྱི་ངང་དུ་བཞག་པས་གནས་པར་འགྱུར་རོ། །གང་ལྟར་ཡང་། འདས་མ་འོང་གི་སྐྱེལ་བསུ། ད་ལྟར་གྱི་རིག་པ་ལའང་རྣམ་པར་དཔྱད་པའི་དཔྱད་སྒོམ་དང་། སྐྱེ་མེད་ཡིན། སྟོང་ཉིད་ཡིན་སྙམ་པ་སོགས་བློས་བཅད་ཀྱི་རྟོག་དཔྱོད་རྣམས་སྤངས་ནས་ཟབ་མོ་དམིགས་པ་མེད་པའི་དབྱིངས་སུ་སྔར་བཞིན་མཉམ་པར་གཞག་ལ་ཡང་ཡང་རྩེ་གཅིག་ཏུ་བས…

ངང་ལ་བཞག་པའི་ཚེ། གང་དུའང་མི་རྟོག་པས་ཞི་གནས་དང་གསལ་བས་ལྷག་མཐོང་སྟེ་ཟུང་དུ་འབྲེལ་བ་ཡིན་ནོ། །དེ་ལྟར་ཡང་། སྒྱུ་འཕྲུལ་ལམ་རིམ་ལས། མི་དམིགས་ཤིན་ཏུ་མི་དམིགས་དང་། །རྗེས་སུ་མི་དམིགས་རིམ་པ་ཡིས། །མི་གནས་མི་རྟོག་རློམ་སེམས་མེད། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཉིད་རང་གསལ་མི་གཡོ་བ། …

བཞག་པས། ལུས་ངག་ཡིད་གསུམ་གྱི་ཉམས་དང་མཐོང་ཉམས་རྨི་ཉམས་སོགས་ཇི་སྙེད་ཅིག་རང་ཤུགས་ལ་འབྱུང་སྟེ། དེ་ཐམས་ཅད་བྱུང་རྒྱལ་དུ་བསྐྱངས་པས་རང་ཤར་རང་གྲོལ་དུ་འགྲོ་བ་ཡིན་ནོ། །ཞེས་གདམས་ལ་ལུས་གནད་འགྲོལ་དུ་གཞུག་སྟེ། སྒོ་ཁང་དུ་དམ་པོ་ལ་བཅུག་ནས། ཁྲིད་བལྟ་ཡང་ཡང་བྱ་ཞིང་། གནད་དུ་མ་འབྱོར་བ་རྣམས་བཅོས། གེགས་སེལ་དང་ངོ་སྤྲོད་སོགས་ས…

སམ་རྣམ་རྟོག་ངལ་གསོས་པའི་ཉམས་ཞེས་བྱ། གསུམ་པ་ནི། དེ་གའི་ངང་ལ་རྒྱུན་མཐུད་དེ་བསྒོམས་པས། དཔེ་གཡོ་འགུལ་མང་པོ་བྱེད་མི་ནུས་པ་རྒན་པོའི་སྤྱོད་པའམ་སྦལ་པ་མཆོང་བ་ལྟར། ཕལ་ཆེར་རྟོག་མེད་དུ་གནས་པ་ལས་རེས་འགའ་རྟོག་པ་བན་བུན་ཙམ་རེ་འབྱུང་ཞིང་། རེས་འཕྲོ་ཆད་པ་ལ་བཟློག་པ་འབྱུང་སྟེ། གོམས་པའི་ཉམས་སམ་རྣམ་རྟོག་གི་ཐང་ཆད་པའི་ཉམས་ཟ…

འབྱུང་སྟེ། །ཞེས་པ་ལྟར་བསྒོམས་པའི་སྟོབས་ཀྱིས་སྒོ་གསུམ་ཤིན་སྦྱངས་ཐོབ་པས། ལུས་ཡང་ཞིང་བདེ་བ་དང་ངག་རླུང་འཇམ་ཞིང་དལ་ལ་རྒྱུ་བ་མི་ཚོར་སྙམ་བྱེད། སེམས་མི་རྟོག་པའི་ངང་དུ་ཐིམ་པ་སོགས་འབྱུང་བ་ཡིན་ནོ། །གཉིས་པ་ནི། དེ་བརྟན་ཐ་མལ་རྣམ་རྟོག་དང ༔ དབང་ཤེས་ནང་དུ་ལྡོག་ཉེའི་ལྟས༔ སྨིག་རྒྱུ་ལ་སོགས་རྟགས་ལྔ་འཆར༔ དེ་ཚེ་ཐིག་ལེའི་ར…

ལ་དམིགས་ཤིང་། སྟོང་གཟུགས་ཀྱི་སྣང་བ་སྔར་མ་ཐོབ་པ་གསར་དུ་ཐོབ་པའི་མཚན་ཉིད་ཅན་ལ་རྒྱུད་གཞན་ལས་སོར་སྡུད་ཀྱི་ཡན་ལག་ཅེས་གསུངས་པ་དང་དགོངས་པ་མཐུན་པ་ཡིན་ནོ། །དེ་ཡང་རོ་རྐྱང་གི་རྒྱུ་བ་ཅུང་ཟད་འགགས་ཏེ་ཁམས་ལྔའི་རླུང་དབུ་མར་འདུས་པའི་ལྟས་སུ་སྨིག་རྒྱུ་ལ་སོགས་པས་དུ་བ་དང་། མེ་ཁྱེར་དང་། མར་མེ་དང་། སྤྲིན་མེད་པའི་ནམ་མཁའི་སྣ…