བྱ་ཐམས་ཅད་གཞིག་ཅིང་འཇོམས་པར་བྱེད་པའི་སྟོབས་བཅུ་གང་ལ་མངའ་བའི་ཡེ་ཤེས་ཀྱི་སྐུ་བདེ་བར་གཤེགས་པ་ཐམས་ཅད་ཆོས་ཀྱི་དབྱིངས་ལས་གཟུགས་སྐུ་འགག་པ་མེད་པའི་ཆོ་འཕྲུལ་གྱི་རྣམ་པར་རོལ་པ་སྟོན་ཅིག་པའོ། །ཇི་ལྟར་ན། ལས་བརྒྱ་པ་ལས། རྒྱ་མཚོ་ཆུ་སྲིན་གནས་ཀྱི་རླབས། །དུས་ལས་ཡོལ་བར་འགྱུར་སྲིད་ཀྱི། །གདུལ་བར་བྱ་བའི་སྲས་རྣམས་ལ། །སངས་རྒ…

མ་རྣམས་རྟག་ཏུ་བཞུགས་ས་ཡིན་པས་གནས་དང་། གོ་ད་བ་རི། སཱ་མ་ཤྭ་རི། དེ་བི་ཀོ་ཊི། མཱ་ལ་ཝ་བཞི་ནི་དུས་རེས་འགའ་ཙམ་བཞུགས་ས་ཉེ་བའི་གནས་ཏེ། འདི་དག་སྔོན་ནམ་མཁའ་ལས་བྱུང་བའི་ལྷ་དང་དྲི་ཟ་བཞི་བཞིས་བཟུང་བས་མཁའ་སྤྱོད་ཀྱི་གནས་ཞེས་གྲགས་སོ། །ཀཱ་མ་རུ་པ་དང་། ཨོ་ཏྲེ་གཉིས་ནི་རྟག་ཏུ་ལོངས་སྤྱོད་པའི་ས་ཡིན་པས་ཞིང་དང་། ཏྲི་ཤ་ཀུ་དང་…

པ་ནས། ཉེ་བའི་དུར་ཁྲོད་ཆོས་ཀྱི་སྤྲིན། །ཞེས་པའི་བར་སྡོམ་པ་རྩ་རྒྱུད་དུ་གསུངས་པ་ལྟར་ས་བཅུ་བརྙེས་པར་བཤད་ཅིང་། གནས་སོགས་བཅུ་པོ་དེ་ལ་ཧེ་རུ་ཀའི་གནས་བཅུར་ཡང་གྲགས་ཏེ། ཀལྤོ་ལས། ཧེ་རུ་ཀ་ཡི་གནས་བཅུ་ནི། །གནས་དང་ཉེ་བའི་གནས་གཉིས་དང་། །ཡུལ་ནི་རོལ་པ་ཉ་ཡུལ་རོལ། །ཞིང་དང་ཉེ་བའི་ཞིང་དང་ནི། །འདུ་ས་ཉེ་བའི་འདུས་དང་། །ཚནྡོ་ཉ…

གཅིག་པའི་ཏིང་ངེ་འཛིན་གོམས་པའི་རྣམ་པར་འཕྲུལ་པ་བསམ་ཡས་པར་སྤྲུལ་པའི་ལྷ་དམ་ཚིག་སེམས་དཔའི་དཀྱིལ་འཁོར་དང་། རང་བཞིན་ཡེ་ཤེས་ཀྱི་དཀྱིལ་འཁོར་གཉིས་པོ་དེ་རང་སྣང་གི་ངོ་བོར་དབྱེར་མེད་པས་ན་རང་བཞིན་གྱི་དཀྱིལ་འཁོར་སྤྱན་དྲངས་པ་དེ་ཉིད་དམ་ཚིག་པར་དཔེ་ཆུ་ལ་ཆུ་བཞག་པ་ཇི་ལྟ་བ་བཞིན་དུ་གཉིས་སུ་མེད་པར་བསྟིམས་ཏེ་བཞུགས་སུ་གསོལ་བ…

སུ་མེད་པའི་ངང་དུ་དབྱེར་མེད་པའི་ལྷར་རྟོགས་པ་ཉིད་འདྲེས་པ་ནན་ཏན་གྱི་ཕྱག་ཅེས་བྱ་བ་རྣལ་འབྱོར་མཆོག་གི་ཕྱག་ཡིན་པས་འདིར་ཕྱག་མཆོད་ཟུར་དུ་མ་སྨོས་ཀྱང་ཆོག་མོད་ཀྱི། དེ་ལྟ་ནའང་འཇིག་རྟེན་སྲི་ཞུའི་ཚུལ་དུ་སྔགས་ཕྱི་པ་དང་སྒོ་བསྟུན་ཏེ་ཕྱག་མཆོད་ཕུལ་ནའང་སེམས་ཉིད་ཀྱི་རོལ་པ་ཙམ་དུ་ཐག་བཅད་དེ་གཉིས་སུ་མེད་པའི་ངོ་བོར་ཤེས་པར་བྱས…

འཕྲུལ་པ་ལས་བྱུང་བའི་ལོངས་སྤྱོད་ཆེན་པོ་རྒྱན་གྱི་རོལ་པ་ལ་མཆོད་པའི་སྤྲིན་གྱི་ཚོགས་རྒྱུན་མི་ཆད་པ་ལྷུན་གྱིས་གྲུབ་པ་སྟེ། དེ་ལ་ཕྱི་མཆོད་རྣམས་ནི། མཆོད་རྫས་ཐོགས་པའི་ལྷ་མོ་རྣམས་ཀྱིས་དབང་པོའི་གནས་རྣམས་ལ་ཕྱག་མཚན་གྱིས་མཆོད་ཅིང་མཐར་ལྷ་མོ་ཉིད་ཀྱང་གནས་དེ་དང་དེར་ཐིམ་པར་མོས་པ་སྟེ། དྭངས་བསིལ་མངར་བའི་ཞལ་སྐྱེམས་མཆོད་ཡོན…

ཅད་བདེ་སྟོང་དུ་འཆར་བའི་ཆོས་ཏེ། དེ་བས་ན་སོགས་ཁོངས་ནས་ཡིད་ཡུལ་ཆོས་དང་། དགའ་བ་བཅུ་དྲུག་གི་ཉམས་ཀྱི་འགྱུར་བ་ལྷ་མོའི་ཕྱག་རྒྱར་སྣང་བ་དག་གི་མཆོད་པའང་བསྡུའོ། །འདི་ནི་སྒྱུ་འཕྲུལ་ལམ་རིམ་དུ། གསང་བ་ནང་གི་འདོད་ཡོན་དང་། །ཞེས་འབྱུང་ངོ་། །ནང་མཆོད་ཐུན་མོང་བ་ནི། མཚོན་བྱེད་བཾ་གཙང་མ་ལ་རང་བྱུང་དུ་གནས་པའི་དམ་རྫས་སྤྲོས་པ་ལ…

བཛྲ་དང་པུཥྤེ་ནས་ཤཔྟའི་བར་དྲུག་ནི་སྔར་བཤད་གྲུབ་ཅིང་། ཨརྒྷཾ་པདྱཾ་སྟེ་ཆུ་གཉིས་ནི་མ་ནིང་གི་རྟགས་ཡིན་པས་སི་མུའི་རྗེས་སོ། །སརྦ་ནི་ཐམས་ཅད། པཱུ་ཛ་མཆོད་པ། ཧོཿནི་མཉེས་པའི་ས་བོན་ཏེ་དངོས་པོ་ཐམས་ཅད་མཆོད་པར་འབུལ་བས་མཉེས་པར་མཛོད་ཅེས་པའོ། །གཉིས་པ་ནང་མཆོད་ཁྱད་པར་བ་ལ། སྨན་གཏོར་རཀྟ་གསུམ་ལས། སྨན་མཆོད་ནི། འཁོར་འདས་ཀྱི་ཆ…

ལྔའི་ངོ་བོར་གྲུབ་པའི་དམ་ཚིག་གི་རྫས་ཆེན་པོ་འདི་ཉིད་ཇི་ལྟར་རཏྣའི་དབྱིག་ལས་དགོས་འདོད་འབྱུང་བ་ལྟར་མཆོག་དང་ཐུན་མོང་གི་དངོས་གྲུབ་མ་ལུས་པ་ཀུན་འབྱུང་བའི་སྒོར་འབུལ་གྱིས་བཞེས་སུ་གསོལ་ཅིག་པ་སྟེ། སྦས་དོན་དུ་བདུད་རྩི་ལྔ་ནི་ཕུང་ལྔའི་དྭངས་མ། ཤ་ལྔ་ནི་དབང་པོ་ལྔའི་དྭངས་མ་སྟེ། དེ་དག་འཛག་མེད་དུ་བཅིངས་པ་ལས་འཆི་མེད་གྲུབ་…

དུ་ཆགས་ཤིང་ཞེན་པའི་ཀུན་རྟོག་སྟེ། དེས་འཁོར་བ་འགྲུབ་པར་བྱེད་པས་ན་འཁོར་བ་རྩད་ནས་གཅོད་པའི་ཕྱིར་ཆགས་རྟོག་ཐམས་ཅད་ཁྲག་གི་རྣམ་པར་བསྡུས་ནས་ཆགས་མེད་བདེ་ཆེན་གྱི་ངང་དུ་བཅོམ་སྟེ་དྭངས་མའི་རྒྱ་མཚོར་བསྐྱིལ་བ་ནི་གསང་བ་མཁའ་ཀློང་རྣམ་པར་དག་པའི་རང་བཞིན་དུ་གྲུབ་པས་ན་འཁོར་བ་སྐྱེ་མེད་ཀྱི་དབྱིངས་སུ་གྲོལ་བའི་དམ་རྫས་ཆེན་པོ་འད…

བྱེད་པའོ། །སྒྲོལ་བའི་མཆོད་པ་ནི། བསྒྲལ་བྱ་བདག་ལྟའི་མཚན་ཉིད་ཅན་གྱི་ཉོན་མོངས་པ་གཟུང་འཛིན་སོ་སོར་ཞེན་པའི་རྟོག་པ་སྟེ། དེས་འཁོར་བར་འཆིང་ཞིང་གཉིས་མེད་ཀྱི་ཡེ་ཤེས་རྟོགས་པ་ལ་བར་དུ་གཅོད་པས་ན་དགྲའོ། །གང་གིས་ན། འཁོར་འདས་གཉིས་སུ་འཛིན་པའི་རྟོག་པ་དང་བྲལ་བའི་ཡེ་ཤེས་ཀྱི་མཚོན་ཆ་རྣོན་པོ་དེ་ཡིས་སོ། །གང་དུ་ན་ཐོག་མར་རང་གི…

དང་པོ་ལ་བཞི་སྟེ། གཙོ་བོ་ཡབ་ལ་བསྟོད་པ། ཡན་ལག་གི་ལྷ་ལ་བསྟོད་པ། ཡུམ་ལ་བསྟོད་པ། འཁོར་ལ་བསྟོད་པའོ། །དང་པོ་ལའང་། སྐུ་གསུམ་གྱི་བདག་ཉིད་དུ་བསྟོད་པ་དང་། སྐུ་གསུང་ཐུགས་སོ་སོ་ལ་བསྟོད་པའོ། །དང་པོ་ནི། ཧྲཱིཿནི་རིགས་ཀྱི་ས་བོན་གྱིས་འགོ་དྲང་བའོ། །དུས་གསུམ་ཤེས་བྱ་ཀུན་ལ་ཁྱབ་ཅིང་བརྡལ་བས་མཁའ་ལྟར་ཀུན་འགྲོའི་བདག་ཉིད་རང་བཞ…

ལོས་མཚན་དང་རུས་སྦལ་ཞབས། །ཕྱག་དང་ཞབས་སོར་དྲ་བས་འབྲེལ་བ་དང་། །ཕྱག་ནི་ཞབས་བཅས་འཇམ་ཞིང་གཞོན་ཤ་ཆགས། །འདི་ཡི་སྐུ་ནི་བདུན་དག་མཐོ་བ་དང་། །སོར་མོ་རིང་དང་རྟིང་ཡངས་སྐུ་ཆེ་དྲང་། །ཞབས་འབུར་མི་མངོན་སྤུ་ནི་གྱེན་དུ་ཕྱོགས། །བྱིན་པ་ཨེ་ཎྱ་ཡ་འདྲ་ཕྱག་རིང་མཛེས། །འདོམས་ཀྱི་སྦ་བ་སྦུབས་སུ་ནུབ་པའི་མཆོག །པགས་པ་གསེར་མདོག་པགས་པ…

དམར་དང་འབྲུག་གི་སྒྲ་ཉིད་དང་། །གསུང་མཉེན་འཇམ་དང་མཆེ་བ་ཟླུམ། །རྣོ་དང་དཀར་དང་མཉམ་པ་དང་། །བྱིན་གྱིས་ཕྲ་དང་ཤངས་མཐོ་དང་། །མཆོག་ཏུ་དག་པ་དག་དང་ནི། །སྤྱན་ཡངས་པ་དང་རྫི་མ་སྟུག །པདྨའི་འདབ་མ་འདྲ་བ་དང་། །སྨིན་ཚུགས་རིང་དང་འཇམ་པ་དང་། །སྣུམ་དང་སྤུ་ནི་མཉམ་པ་དང་། །ཕྱག་རིང་རྒྱས་དང་སྙན་མཉམ་དང་། །ཉམས་པ་རྣམ་པར་སྤངས་པ་དང་།…

ལྟ་བུ་དང་། ཀ་ལ་པིངྐ་ལྟ་བུ་དང་། འབྲུག་གི་དབྱངས་ལྟ་བུ་དང་། སྒྲ་བརྙན་ལྟ་བུའོ། །ལངྐའི་བདག་པོ། ཡན་ལག་ནི་འདི་ལྟ་སྟེ། འདུ་ཤེས་སྐྱེད་པ་དང་། རྣམ་པར་རིག་པ་དང་། མཉན་པར་འོས་པ་དང་། མི་མཐུན་པ་མེད་པ་དང་། ཤིན་ཏུ་ཟབ་པ་དང་། རྗེས་སུ་འབྱུང་བ་དང་། གང་གིས་མི་ཚུགས་པ་དང་། རྣ་བར་སྙན་པ་དང་། རྣམ་པར་མ་འཁྲུགས་པ་དང་། ཤིན་ཏུ་གསལ་…

འདྲེན་པའི་ཐབས་མཁས་ཀྱི་མཛད་པ་གཟུགས་སྐུའི་ཕྲིན་ལས་མི་འགག་པའི་ཐུགས་རྗེ་ལྷུན་གྱིས་གྲུབ་པ་ཅན་དུས་ནམ་ཡང་འགྱུར་བ་མེད་པས་རྟག་པའི་བདག་ཉིད་དེ། སྤངས་རྟོགས་ཀྱི་བསྡུས་པའི་ཡོན་ཏན་ཉན་རང་གི་སྤྱོད་ཡུལ་ལས་འདས་པ་ཐུགས་ཀྱི་གསང་བ་ལ་བསྟོད་པའོ། །གཉིས་པ་ལ་གཉིས་ལས། དང་པོ་རིགས་བདག་ལ་བསྟོད་པ་ནི། དེ་བཞིན་གཤེགས་པ་ཐམས་ཅད་ཀྱི་གསུང…

རྟ་མགོ་ལྗང་ཞུར་ཕྱུང་བས་རྟ་མཆོག་སྟེ། དོན་གཉིས་ཕུན་ཚོགས་མངའ་བས་སྲིད་ཞིའི་དཔལ་དུ་གྱུར་ཅིང་། རྟ་ཞལ་ལས་སྒྲ་སྐད་ཐམས་ཅད་པར་འཆར་བའི་ཆོས་དབྱངས་རྔམ་པའི་བཞད་སྒྲས་འཁོར་འདས་ཟིལ་གྱིས་གནོན་མཛད་ཁྱོད་ལ་བསྟོད་ཅེས་པའོ། །གསུམ་པ་ཡུམ་ལ་བསྟོད་པ་ནི། རྣམ་པར་རྟོག་པའི་ཆགས་རྟོག་གི་ཟུག་རྔུ་མ་ལུས་པ་དག་པས་ཆགས་མེད་བདེ་བ་ཆེན་པོ་མཆོ…

དང་། སྔགས་སྐྱེས་དང་། ལྷན་ཅིག་སྐྱེས་མའི་རིགས་ཀྱི་གྲངས་མེད་པའོ། །ཕྲ་མེན་མ་བཞི་ལ་བསྟོད་པ་ནི། སེམས་ཅན་རྣམས་བདེ་བ་དང་ཕྲད་ཅིང་སྡུག་བསྔལ་དང་འབྲལ་འདོད་སོགས་ཐུགས་རྗེའི་ངང་ལས་རང་བྱུང་བ་ཚད་མེད་པ་བཞིའི་དངོས་བཞི་ནི་ཁ་གདོང་མ་ལ་སོགས་པ་སྒོར་བཞུགས་པའི་ཕྲ་མེན་མ་བཞི་སྟེ། སྙིང་རྗེས་འགུགས། བྱམས་པས་འཆིང་། དགའ་བས་སྡོམ། བཏ…

བ་ལ་བསླབ་པའོ། །དང་པོ་ནི། མི་འཕྲོ་གསལ་དང་ཞེས་པས་སྐུ་ཡོངས་སུ་རྫོགས་པ་ཅིག་ཅར་གསལ་བཏབ་སྟེ་སེམས་འཛིན་པའམ། ཡང་ན་སྤྱི་བོའི་ནོར་བུ་ནས་གདན་གྱི་བར་སྐུ་དང་རྒྱན་གྱི་ཆ་ཤས་རེ་རེའི་རྣམ་པ་ལ་རིམ་པར་ཟིན་པས་སོ་སོའི་གསལ་སྣང་སྐྱེས་པ་དང་ཅིག་ཅར་གསལ་གདབ་སྟེ། གསལ་དྭངས་རྙོག་པ་མེད་པ་རྫིང་བུ་གཡོ་བ་མེད་པའི་ནང་དུ་གཟུགས་བརྙན་ཤར་བ…

པའི་གསལ་སྣང་དང་ང་རྒྱལ་སྦྲེལ་བའི་ཏིང་ངེ་འཛིན་ལ་མཉམ་པར་འཇོག་པ་ཡིན་ནོ། །བཞི་པ་ནི། དེ་ཉིད་སྒོམ་ཞེས་པས་ལྷའི་དེ་ཁོ་ན་ཉིད་ནི་བདེ་གསལ་སྟོང་པ་ཉིད་ཀྱི་ཡེ་ཤེས་ཏེ། ལྷ་ཡབ་ཡུམ་རྣམས་རྗེས་ཆགས་ཀྱིས་སྙོམས་པར་འཇུག་པའི་ཏིང་ངེ་འཛིན་བསྒོམས་པས་ཞུ་བདེ་དྲངས་ཏེ། ལུས་སེམས་བདེ་བར་ཤར་བའི་ངང་ལས་ལྷ་སྐུའི་རྣམ་པ་གསལ་ཞིང་། ང་རྒྱལ་ལྷ…