དབུས་སུ་འཁྲུགས་པ་ཐག་མི་རིང་། །གསེར་འོད་འཚེར་བའི་རྒྱལ་མཚན་ཡང་། །ཕལ་ཆེར་གཡའ་ཡིས་མོག་པོར་བྱས། །ཁོར་ཡུག་འཁྲིགས་པའི་ཆར་སྤྲིན་ཡང་། །འདི་ན་དུག་སེར་འབེབས་པར་བྱེད། །ཕན་པར་སྨྲ་བའི་གཏམ་ཆ་ཀུན། །མྱ་ངན་སྐྱེད་པའི་གཅོང་སྐད་ཡིན། །ད་དེ་འདི་ནས་མི་རིང་བར། །ཕན་པར་རེ་བའི་ས་བོན་ལས། །གནོད་པའི་ལོ་འབྲས་ཅི་ཡང་སྐྱེད། །གཤིན་རྗེ…

འཇུག་དང་། །བདག་ཉིད་རྗེས་སུ་འཇུག་རྣམས་ཀྱིས། །སྙན་པར་སྨྲ་དང་དོན་སྤྱོད་དང་། །དོན་མཐུན་ཉིད་དུ་འདོད་པ་ཡིན། །ཞེས་གསུངས་པ་ལྟར་སྦྱིན་པས་གདུལ་བྱ་འཁོར་དུ་མ་འདུས་པ་སྡུད། སྙན་པར་སྨྲ་བས་བློ་ཆོས་ལ་འདྲེན། དོན་སྤྱོད་པས་སོ་སོའི་བློའི་རིམ་པ་ལྟར་དམ་པའི་ཆོས་ལ་བཀྲི། དོན་མཐུན་པས་དེ་དག་དམ་པའི་ཆོས་ལ་འདྲེན་ཕྱིར་རང་ཡང་དོན་དེ…

སྐྱེས་ཀྱི་རྣལ་འབྱོར་དང་སྦྱར་ཏེ། དགྱེས་རྡོར་གྱི་དེ་བ་པི་ཙུ། བདེ་མཆོག་གི་ཡིག་བདུན། འཇིགས་བྱེད་ཀྱི་ཧྲཱིཿཥྚྲི། དུས་འཁོར་གྱི་རྣམ་བཅུ་དབང་ལྡན། སྣ་ཚོགས་ཡུམ་གྱི་ཕྲཻམ་བི་ཤྭ། དོང་སྤྲུགས་ཕྱག་རྒྱ་གཅིག་པའི་ཡིག་བརྒྱ་རྣམས་དང་། རེས་ཆོས་དབང་གི་ཚེ་དཔག་མེད་གོང་ཁུག་མ་རེ་ཡང་མཛད། གཞན་ཡང་འབྲུ་གསུམ་གྱི་འགོག་བཟླས་དང་། རྡོ་ར…

སོགས་དང་སྦྱར་བའི་འཇིམ་ས་སྤྱིན་པོ་ལ་པར་སྐུ། འོད་དཔག་མེད། ཚེ་དཔག་མེད། ཐུགས་རྗེ་ཆེན་པོ་ཕྱག་བཞི་པ། རྡོར་སེམས། སྒྲོལ་དཀར་རྣམས་ཀྱི་སྐུ་ལྔ་རེ། ཨོ་རྒྱན་རིན་པོ་ཆེའི་སྐུ་བཅུ། གུ་དྲགཐུགས་རྗེ་ཆེན་པོ་བདེ་གཤེགས་ཀུན་འདུས། སྒྲོལ་ལྗང་། རྒྱལ་བ་ལྔ་པ་ཆེན་པོའི་སྐུ་རྣམས་རེ་རེ། སཱཙྪ་ཆེ་བ་དྲི་མེད་ཀྱི་གཟུངས་ཅན་ལྔ་དང་། ཆུང་བ…

༈ བཞི་པ་དབང་བཞི་རྟོགས་པའི་ཉམས་མྱོང་ཐུགས་རྒྱུད་ལ་རིམ་པར་འཕེལ་བས་སྐལ་བ་དང་འཚམ་པའི་འགྲོ་དོན་མཛད་ཚུལ་ལ་བཞི་ལས། དང་པོ། བུམ་དབང་གི་རྟོགས་པའི་ཉམས་མྱོང་ཐུགས་རྒྱུད་ལ་འཕེལ་བས་གཙོ་བོར་སྐུའི་འགྲོ་དོན་མཛད་ཚུལ་ནི། དགུང་ལོ་བཅུ་པ་མྱོས་བྱེད་ཅེས་པ་ཤིང་མོ་ལུག་གི་ལོའི་སྟོན་ཡབ་རྗེ་གསང་བདག་ཆེན་པོ་ལ་བཀའ་བརྒྱད་བདེ་འདུས་ཀྱི…

ན། དགུང་ལོ་ཉེར་གཅིག་པ་མེ་སྟག་ཟླ་བ་དང་པོའི་འགོར་སྐྱི་ཤོད་དུ་ཐེགས་ཏེ། གྲུ་འཛིན་གྱི་ཕོ་བྲང་ཆེན་པོར་ལྷ་མིའི་སྟོན་པ་རྒྱལ་མཆོག་ལྔ་པ་ཆེན་པོའི་སྤྱན་སྔར་གཡའ་མ་ལུང་ནས་སྤྱན་དྲངས་པའི་གཏེར་རྫས་རྣམས་གཟིགས་འབུལ་མཛད་པ་ན་ཆགས་ཐོགས་མེད་པའི་ཡེ་ཤེས་ཀྱི་སྤྱན་གྱིས་ཟབ་གཏེར་རྣམ་དག་ཏུ་མཁྱེན་ཏེ། ཤིན་ཏུ་དགྱེས་པའི་བཀའ་ལུང་ལྟར་ག…

རླབས་དང་རྗེས་གནང་ཁ་ཤས་བཅས་ཞག་དགུའི་ཁོངས་སུ་རྫོགས་པར་འབུལ་བར་མཛད། དེ་སྐབས་སྙིང་ཐིག་གི་དབང་གི་དུས་སྤྲོས་བཅས་ཀྱི་དཀྱིལ་འཁོར་སྟེང་གི་ནམ་མཁར་འོད་ལྔའི་གུར་ཁྱིམ་ཡི་གེའི་འཁོར་ལོ་ཅན་རང་སྒྲ་སྒྲོག་པར་སྣང་བ་ལ་ཐུགས་རྩེ་གཅིག་ཏུ་འདྲེས་ཏེ། བདེ་སྟོང་རྣམ་པར་མི་རྟོག་པའི་ཏིང་ངེ་འཛིན་གྱི་ངང་དུ་འབྱམས་པ་གཞན་རྐྱེན་གྱི་བརྡས…

བྱ་སར་ཐེགས། དེ་དུས་བྱམས་གླིང་མཁན་པོ་ནུབ་སྒོ་སྟེང་པ་དང་འབེལ་གཏམ་མཛད་པས་སྤོབས་པ་བཅོམ། དེ་ནས་ཟླ་བ་ལྔ་པའི་ཚེས་ལྔ་ལ་གྲྭ་ཚང་གི་ཚོགས་འདུ་བཅའ་སྒྲིག་སོགས་གཏན་ལ་ཕེབས་ཏེ་རང་གཏེར་གབ་རྒྱ་ཅན་གྱི་ལུང་བྱང་ལས། ཁྱད་པར་གཡོ་རུ་གཙང་མའི་སར༔ འདི་ཉིད་སྒྲུབ་ཅིང་འཆད་པའི་སྡེ༔ ཚོམ་བུ་གཅིག་ཏུ་འདུས་པ་དག༔ བརྩོན་པས་བསྒྲུབ་ན་འགྲུབ་…

སྙན་པ་ཞིག་གིས། ཁྱོད་རང་དེར་འགྲོ་དོན་མེད། འདིར་ཤོག་ཟེར་བ་ལྟར་འཛེགས་ནས་ཕེབས་པས། ཕུག་པ་ཞིག་ཏུ་བུད་མེད་རས་དཀར་གྱི་གོས་དང་རུས་རྒྱན་ཅན་ཐོད་པ་བསྣམས་པ་ཞིག་བཞུགས་འདུག་པ་ལ། ཁྱེད་སུ་ཡིན་གསུངས་པས། དེ་ན་རེ། ཨེ་མ་ང་ནི་མཁའ་སྤྱོད་ཌཱ་ཀིའི་གཙོ། །ཤེས་རབ་སྒྱུ་འཕྲུལ་བདུད་འདུལ་དྲག་མོ་རྩལ། །པདྨའི་གཟུངས་མ་མཁར་ཆེན་བཟའ་རུ་གྲ…

མང་དུ་ཞུས་རྗེས་ཁྲུང་ཁྲུང་ལ་བཞོན་ནས་ནུབ་ཕྱོགས་སུ་སོང་བ་དང་། ཡང་སྐབས་ཤིག་ནམ་མཁའི་དབྱིངས་སུ་ཉི་མའི་དཀྱིལ་འཁོར་འདྲ་བ་དམར་ངམས་འོད་འཕྲོ་བའི་དབུས་སུ་གདོང་གི་བྱད་གསལ་བས། བསྟན་སྲིད་སྤྱི་དང་སྒོས་ཀྱི་ལུང་བསྟན་ཚིགས་སུ་བཅད་པའི་དབྱངས་ཀྱིས་གསལ་བར་བསྟན། ཟླ་བ་གསུམ་པའི་འགོར། གོང་ནས་རྫོངས་བའི་གནང་སྦྱིན་ཞབས་སྐྱེལ་བཅས་འ…

ལྟ་བུར་ཡུད་ཅིག་གསལ་བར་གཟིགས། དེ་ནས་ཧོར་ཟླ་དྲུག་པའི་འགོར་གོང་ཞབས་སུ་མཁའ་འགྲོ་ཆེན་མོའི་བྱིན་རླབས་དང་། ཡང་རྫོང་སྙིང་ཐིག་གི་དབང་ལེ་ཚན། མ་ཅིག་གི་གཅོད་ཁྲིད་དབང་ལུང་དང་བཅས་པ་འབུལ་བར་མཛད་ཅིང་། གྲྭ་གཙང་ཚོགས་ཆེན་དང་གོང་མའི་ཞབས་ཕྱི་ནང་མ། ཕ་བོང་ཁ་ཞལ་སྔ་ནས་སོགས་ལ་དབང་ལུང་མང་པོ་དང་། ལྷ་སར་སྡེ་སྲིད་བདག་མོར་བཅས་པར་…

ཤོག་སྩལ་བ་ལྟར་མགོ་ཟླའི་འགོར་ཕོ་བྲང་ཆེན་པོར་ཐེགས་ཏེ་གོང་ཞབས་མཇལ། དེ་ནས་ལྷ་སར་ཕེབས་ཏེ་སྡེ་སྲིད་རིན་པོ་ཆེར་རྐྱེན་སེལ་གྱི་དབང་བྱིན་རླབས་འཆི་བསླུ་གདོན་འགྲོལ་སོགས་མཛད་པས་མི་རིང་བར་སྐུ་དྭངས་ཤིང་། རྩེར་གོང་ཞབས་སུའང་གྲིབ་སེལ། གདོན་འགྲོལ། འཆི་བསླུ་སོགས་དང་གྲྭ་ཚང་ལ་མཁའ་འགྲོ་གྲིབ་སེལ། དཔའ་གྲོར་ཞྭ་ལུ་མཁན་རིན་པོ་…

རྡོ་ལེབ་དཀར་པོ་གྲུ་བཞི་པའི་ཁར་ཀྲིཥྞ་ས་རའི་པགས་པ་བཏིང་བའི་སྟན་ལ་ཆོས་རྒྱལ་སྲོང་བཙན་སྒམ་པོ་ཉིད་ཕྱག་གཡས་གཞོན་ནུ་མའི་དཔུང་པར་བཀལ་ཞིང་། གཡོན་སྦ་འཁར་བཟུང་བ། དེའི་གཡོན་ངོས་ཀྱི་བྲག་ཐེམ་ལ་འཛེགས་པའི་བྲག་གི་བྱ་སྐྱིབས་ཀྱི་མདུན་དུ་ལྗོན་ཤིང་སྡོང་པོའི་དྲུང་ན་བི་མ་ལ་མི་ཏྲ་རྒྱ་གར་པཎ་ཆེན་དང་། བཻ་རོ་ཙ་ན་བོད་བཙུན་གྱི་ཆས…

སྐབས། རྡོ་རྗེ་སློབ་དཔོན་ད་ལྟའི་སྐུའི་སྣང་བ་ཇི་ལྟ་བ་དྭངས་ཤེལ་གྱི་ངོས་འཇའ་ཚོན་ཤར་བ་ལྟ་བུའི་ནང་དུ་སློབ་དཔོན་ཆེན་པོ་ཟ་ཧོར་མའི་གཡས་སུ་ལྷ་ལྕམ་ལྷ་མོའི་ཆ་བྱད་དང་། གཡོན་དུ་མཁར་ཆེན་བཟའ་རྣལ་འབྱོར་མའི་ཆ་ལུགས་ཅན། མདུན་དུ་ལོ་ཆེན་བཻ་རོ་ཙ་ན་གསང་གོས་སྔོན་པོའི་སྟེང་དུ་ཆོས་གོས་དང་པཎ་ཞུ་དམར་པོའི་ལྡེམ་ཡར་སློག་ཕྱག་གཡས་སྡ…

འཕྲོས་པས་རྐྱེན་བྱས་མདུན་གྱི་བླ་མ་རྣམས་རང་གི་སྙིང་དབུས་སུ་འཇའ་ཤེལ་ལྟ་བུའི་ཁ་དོག་ལྔ་པ་སོར་གང་ཙམ་ཞིག་གསལ་སིང་ངེ་བའི་ཉམས་ཤར། ཞེས་དང་། གསེར་ཉའི་རྒྱ་ཅན་ཏུ། ཟུར་ཆེན་དང་གཏེར་བདག་གླིང་པ་གཉིས་ཀྱི་སྐུལ་ཚིག་སྐབས་ཞལ་དཀར་ཞིང་འཛུམ་པ་ཙམ་ལས་འདི་ཡིན་མ་བྱུང་། ཞེས་དང་། ཤྭ་ནའི་རྒྱ་ཅན་ཏུ། བྱ་གླང་སྦྲུལ་དང་ཁྱི་ལོ་པ། །བྱང་ད…

གྱི་ཁང་བཟང་བལྟ་བས་མི་ངོམས་པ་ན། གནོད་སྦྱིན་གྱི་དབང་པོ་འཁོར་དང་བཅས་པའི་ངོ་མཚར་བཀོད་པ་བསམ་གྱིས་མི་ཁྱབ་པ་གཟིགས་ནས། སླར་ཡང་ཤར་ཕྱོགས་ཀྱི་ནམ་མཁའ་ལ་འཕུར་ཏེ་སོང་བའི་སྒྲས་ཁོར་ཡུག་ཀུན་གཡོ་བ་སྙམ་བྱེད་པའི་རྐྱེན་གྱིས་ས་གཞིར་འཁོད་པའི་འགྲོ་བ་སྣ་ཚོགས་པས་རྗེ་ཉིད་རང་ལ་དད་གུས་ཆེན་པོས་མཆོད་བསྟོད་སྲི་ཞུ་འབུལ་བ་གཟིགས། དེ་…

འགའ་ལ་ཆོས་ཚུར་གསན་ཕར་གནང་སོགས་མཛད། དེ་དུས་གཟིགས་སྣང་གི་དོན་བཞིན་འཇོམས་བྱེད་ཀྱི་སྐུ་དང་ཡུལ་འཁོར་སྲུང་གི་སྐུ་བརྙན་ལ་གོང་མའི་ལུང་ལྟར་རབ་གནས་གནང་བའི་ཚེ། འཆི་བདག་ལས་ཀྱི་གཤིན་རྗེ་ཕོ་བརྒྱད་མོ་བརྒྱད་སོགས་དྲེགས་པའི་འཁོར་ཚོགས་དཔག་ཏུ་མེད་པས་བསྐོར་བ་དམག་གི་ཁྲོམ་ལྟ་བུར་ལྷགས་པ་ན། རྗེ་ཉིད་རིག་རྩལ་གཉེན་པོའི་ལྷ་དུས་…

དང་། ཆུན་འཕྱངས་མེ་ཏོག་གི་ཕྲེང་བ་རྣམས་ཀྱིས་བྲེས་པའི་བར་ཐམས་ཅད་རྔ་ཡབ་དང་དྲིལ་གཡེར་དཔྱངས་པ་ལས་སྒྲ་སྙན་པར་སྒྲོག་པ། ཉེ་འདབས་ཀྱི་ས་གཞི་ཐམས་ཅད་ཀྱང་ཁོད་སྙོམས་པ་ལ་མེ་ཏོག་སྣ་ཚོགས་ཀྱི་ཚལ་བཀྲ་བ་ལས་འོད་ཟེར་ཉི་མ་ལྟར་འབར་བས་ནམ་མཁའི་མདངས་འགྱུར་བ། བར་སྣང་འཁོར་ཡུག་ཐམས་ཅད་འཇའ་ཚོན་དང་ཆུ་འཛིན་གྱིས་མཛེས་པར་བྲེས་པ་ལས་མེ་ཏ…

རྫིང་། །ཐེག་མཆོག་འབྲས་བུ་སྨིན་པའི་ཚལ། །གངས་ཅན་ཡུལ་གྱི་ལྟེ་བ་ལས། །གཡོ་རུ་གཙང་མའི་ས་གཞི་ཡིན། །ཁྱོད་ཀྱི་རིང་ལུགས་རྒྱས་པར་འགྱུར། །ཞེས་སོགས་ལུང་བསྟན་དང་། གཞན་ཡང་ངེས་བཟུང་མེད་པའི་མཁའ་ཁྱབ་ཀྱི་ལྷ་ཚོགས་མང་པོས་ཤིས་པ་བརྗོད་པའི་ཚུལ་དང་། མཐར་དེ་ཐམས་ཅད་འཇའ་ཟེར་འོད་ལྔའི་གོང་བུར་ཞུ་ནས་ད་ལྟའི་གནས་གཞི་འདི་ཉིད་ཀྱི་ཐད་…

བར་ཤར། ས་འདྲ་བར་ཕེབས་སྐབས་ཐེམ་སྐས་ཀྱི་མཇུག་ཏུ་འགྱུར་མེད་ཀྱིས་ཆང་བུམ་གང་བ་ཁུར་ཡོང་བ་དང་ཐུགས་པས་ལ་ཉེ་བཟང་ཞིང་། སྐབས་འདི་ཚོར་བུད་མེད་ལོ་ཉི་ཤུ་སྐོར་འགྲོ་བ་མཛེས་ཆགས་ཀྱི་རྣམ་འགྱུར་ཅན་སྨིན་མཚམས་སུ་དགའ་འཁྱིལ་གྱི་རི་མོ་ཡོད་པ་ཞིག་གཟིགས་པ་རྣལ་འབྱོར་མའི་རིགས་ཅན་གྱི་མཁའ་འགྲོ་ཞིག་ཡིན་པར་འདུགགཟུགས་ཅན་གཟུགས་མེད་གང་…