མ་ཡིན་པ་རུང་ངོ་ཞེས་ཡོངས་སུ་སྟོན་ཅིང་ཀུན་དུ་སྤྱོད་རབ་ཏུ་སྤྱོད་ན་ཁྱོད་ཀྱིས་བཏང་སྙོམས་སུ་གཞག་གམ་ཞེས་སྨྲས་པ་དང་། དེ་ཅང་མི་སྨྲ་བར་འདུག་གོ །དེས་སྨྲས་པ། གནས་བརྟན་དེ་ནི་དེར་བས་ན་འདི་ཞུ་བར་བགྱི་སྟེ་གསེར་དངུལ་གྱིས་རུང་བར་བགྱིད་པ་རུང་ངམ། གསེར་དངུལ་གྱིས་རུང་བ་ཞེས་བྱ་བ་ཅི་ཡིན། གནས་བརྟན་འདི་ལྟར་ཡངས་པ་ཅན་གྱི་དགེ་ས…

ཅིག་དང་ངས་ཆོས་བཞིན་དུ་གྲོགས་བྱའོ་ཞེས་སྨྲས་པ་དང་། གནས་བརྟན་དེ་བཞིན་དུ་བགྱིའོ་ཞེས་ཚེ་དང་ལྡན་པ་གྲགས་པས་གནས་བརྟན་ཐམས་ཅད་འདོད་པ་ལས་མཉན་ནས་རབ་ཀྱི་མཐར་ཕྱིན་པའི་བསམ་གཏན་ལ་སྙོམས་པར་ཞུགས་ནས་རབ་ཏུ་གནས་སོ། །དེའི་ཚེ་གྲོང་ཁྱེར་ནོར་ཅན་ན་ཚེ་དང་ལྡན་པ་གནས་བརྟན་གཡོ་ལྡན་ཚེ་དང་ལྡན་པ་ཀུན་དགའ་བོ་དང་ལྷན་ཅིག་གནས་གནས་པ་དགྲ་བ…

དགའ་བོ་དང་ལྷན་ཅིག་གནས་གནས་པ་དགྲ་བཅོམ་པ་རྣམ་པར་ཐར་པ་བརྒྱད་སྒོམ་པ་ཞིག་གནས་སོ། །དེ་ནས་ཚེ་དང་ལྡན་པ་གྲགས་པས་ཚེ་དང་ལྡན་པ་ནོར་ཅན་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཚེ་དང་ལྡན་པ་ནོར་ཅན་ལ་འདི་སྐད་ཅེས་སྨྲས་སོ། །གནས་བརྟན་ཨ་ལ་ལ་ཞེས་རུང་བར་བགྱིད་པར་རུང་ངམ། ཚེ་དང་ལྡན་པ་ཨ་ལ་ལ་ཞེས་རུང་བ་ཅི་ཡིན། གནས་བརྟན་གྲོང་ཁྱེར་ཡ…

དེའི་ཚེ་མ་ཧེ་ལྡན་ན་ཚེ་དང་ལྡན་པ་ཡང་དག་སྐྱེས་གནས་ཏེ་དེས་དེ་ལ་ཡང་གཞི་བཅུ་པོ་རྒྱས་པར་བརྗོད་ནས་དེའི་རྐང་པ་གཉིས་ལ་ཡང་མགོ་བོས་ཕྱག་འཚལ་ཏེ་སོང་ནས་ལྷན་ཅིག་སྐྱེས་སུ་སོན་པ་དང་། དེའི་ཚེ་ལྷན་ཅིག་སྐྱེས་ན་ཚེ་དང་ལྡན་པ་ནམ་གྲུ་གནས་ཏེ། དེས་དེའི་རྐང་པ་གཉིས་ལ་ཡང་མགོ་བོས་ཕྱག་འཚལ་ཏེ་སྨྲས་པ། གནས་བརྟན་ཨ་ལ་ལ་ཞེས་བྱ་བ་རུང་བར་བ…

སློང་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཚེ་དང་ལྡན་པའི་མཁན་པོ་གར་སོང་ཞེས་དྲིས་སོ། །དེས་སྨྲས་པ། ཚེ་དང་ལྡན་པ་དེ་ཕྱོགས་ཚོལ་དུ་སོང་ངོ་། །ཚེ་དང་ལྡན་པ་དེ་ཅིའི་ཕྱིར་ཕྱོགས་ཚོལ་དུ་སོང་། ཚེ་དང་ལྡན་པ་དག་གནས་ནས་དབྱུང་བའི་ལས་བྱ་བའི་ཕྱིར་རོ། །ཚེ་དང་ལྡན་པ་ངེད་ཀྱིས་ཅི་ཞིག་བྱས་ན་དེས་ངེད་རྣམས་གནས་ནས་དབྱུང་བའི་ལས་བ…

གིས་བཟོད་པ་གསོལ་མི་ནུས་ཀྱི་དཀྲིས་བཞིན་དུ་འདུག་གོ །གཞན་ཞིག་གིས་སྨྲས་པ། དེ་འདི་ལྟར་དེ་དང་ལྷན་ཅིག་གནས་པའི་ཉེ་གནས་མང་པོ་ དེ་དག་ཇེ་ལྷུང་བཟེད་དང་ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དག་གིས་བསྡུས་ལ་ཕྱིས་གར་རིགས་པར་བྱའོ། །གཞན་ཞིག་གིས་བཟང་སྟེ་དེ་བཞིན་དུ་བྱའོ་ཞེས་སྨྲས་ནས། དེ་རྣམས་ཀྱིས་དེ་དག་ལ་ཁ་ཅིག་ལ་ནི་…

སྐལ་ལྡན་གྲོགས་ཀྱིས་རྣམ་པར་སྤངས། །དེ་ཡི་དོན་ནི་མི་འཕེལ་མར་གྱི་ངོ་ཡི་ཟླ་བ་བཞིན། །གང་གིས་དགོངས་པ་དེ་བཞིན་རིགས་བྱེད་བློ་ལྡན་མི་ཤོལ་བ། །ཚུལ་བཞིན་མ་ཡིན་པ་སྤངས་མཁས་པ་དེ་ནི་བདེ་བ་འཐོབ། །དེ་ནི་གྲགས་པ་སྐལ་ ལྡན་གྲོགས་པོ་རྣམས་ཀྱིས་སྤངས་མི་འགྱུར། །དེ་ཡི་དོན་ནི་འཕེལ་བ་ཡར་གྱི་ངོ་ཡི་ཟླ་བ་བཞིན། །དེ་ནས་ཚེ་དང་ལྡན་པ་གྲ…

དེ་དག་ལས་ནི་གཞན་ཞིག་འདིར་འོངས་ཏེ། །དབང་པོ་དུལ་ཞེས་བྱ་བ་སྒོ་ན་འདུག །དགེ་སློང་དག་གིས་སྨྲས་པ། དབང་པོ་དུལ་བ་ནི་གཞན་དག་ཀྱང་ཡོད་ན་ཁྱོད་སུ་ཡིན་སྨྲོས་ཤིག །དེས་ཡང་ཚིགས་སུ་བཅད་དེ་སྨྲས་པ། གང་དག་དམར་བུ་ཅན་ན་གནས་པ་ཡི། །དགེ་སྦྱོང་མང་དུ་ཐོས་པ་འདུལ་བ་འཛིན། །དེ་དག་ལས་ནི་གཞན་ཞིག་འདིར་འོངས་ཏེ། །ཐེ་ཚོམ་བཅད་ཅེས་བྱ་བ་སྒོ…

པོ་མདོ་སྡེ་ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག །འདུལ་བ་ལ་མི་སྣང་། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་འདི་རྣམས་ཀྱིས་རུང་བ་མ་ཡིན་པ་རུང་ངོ་ཞེས་ཡོངས་སུ་བསྒྲགས་ནས་ཀུན་དུ་སྤྱོད་རབ་ཏུ་སྤྱོད་དེ། དེ་དག་བདག་ཅག་གིས་དོར་བར་བགྱིའོ། །ཚེ་དང་ལྡན་པ་དག་དེ་ནི་དེར་བས་ཏེ་གཞན…

བར་བགྱིའོ། །ཚེ་དང་ལྡན་པ་དག་རྗེས་སུ་ཡི་རང་བས་རུང་བར་བྱེད་པ་རུང་ངམ། ཚེ་དང་ལྡན་པ་རྗེས་སུ་ཡི་རང་བས་རུང་བར་བྱེད་པ་ཞེས་བྱ་བ་ཅི་ཡིན་ཞེས་བྱ་བའི་བར་སྔ་མ་བཞིན་དུ་གཞི་བཅུ་པོ་རྒྱས་པར་བརྗོད་དོ། །དེ་དག་བདག་ཅག་གིས་དོར་བར་བྱའོ་ཞེས་དགྲ་བཅོམ་པ་བདུན་བརྒྱས་ཡང་དག་པར་བརྗོད་པས་བདུན་བརྒྱས་ཡང་དག་པར་བརྗོད་པ། བདུན་བརྒྱས་ཡང་དག…

རྣམས་ན་བཞུགས་པ་དང་། ཁྱད་པར་དུ་བསམ་ཡས་མཆིམས་ཕུ་ནས་དགས་ཆུང་བ་དང་། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པའི་ལུང་རྣམས་དཔེ་ཡོན་དང་འབད་རྩོལ་ཆེན་པོས་འཚལ་ཏེ། དེ་དག་ལ་གཏུགས་པས། ལུང་ཕྲན་ཚེགས་ཁ་ཅིག་ལ་མི་བཞུགས་པ། ཁ་ཅིག་ལ་བཞུགས་པ་རྣམས་ཀྱིས་བསྐངས་ནས་བསབས་པ་ནི་བམ་པོ་སུམ་བཅུ་རྩ་གསུམ་པའི་དབུ་སྨན་ཆེན་པོའི་གཏམ་རྒྱུད་ཀྱ…

བསྐངས་སོ། །དེ་ནས་བམ་པོ་ལྔ་བཅུ་པའི་མཇུག །ཀུན་དགའ་བོ་ལ་གདམས་པའི་སྐབས་ཀྱི། ཀུན་དགའ་བོ་དགེ་སློང་འདི་ལྟ་བུ་ནི་བདག་ཉིད་གླིང་དང་། བདག་ཉིད་སྐྱབས་དང་། ཆོས་ཀྱི་གླིང་དང་། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང་། སྐྱབས་གཞན་གྱིས་ནི་མ་ཡིན་ནོ་ཞེས་བྱ་བ་ནས་བམ་པོ་ལྔ་བཅུ་གཉིས་པའི་སྟོད།། །།བར་སྡོམ་ནི། ཙ་པ་ལ་དང་ཚེའ…

རྒྱ་གར་སྐད་དུ། བི་ན་ཡ་ཨུཏྟ་ར་གྲནྠ། བོད་སྐད་དུ། འདུལ་བ་གཞུང་བླ་མ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །སྡོམ་ལ། དུད་འགྲོ་གསུམ་དང་ལམ་གསུམ་དང་། །བུད་མེད་གཤེགས་དང་གཅོད་པ་དང་། །འཛིན་པ་དང་ནི་བལྟབ་པ་དང་། །སོ་དང་མོ་རེག་ཕག་མོ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦ…

འགྲོའི་སྐྱེ་གནས་སུ་གཏོགས་པ་དང་ལྷན་ཅིག་ཀྱང་རུང་སྟེ། དགེ་སློང་དེ་ཡང་ཕམ་པར་གྱུར་པ་ཡིན་གྱི། གནས་པར་མི་བྱའོ། །ཞེས་གསུངས་པ་གང་ལགས་པ། བཙུན་པ། རེ་ཞིག་དགེ་སློང་གིས་མིའི་བུད་མེད་གསང་སྔགས་དང་། སྨན་དག་གིས་དུད་འགྲོའི་སྐྱེ་གནས་པར་བསྒྱུར་ཏེ་དེ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་…

ཙམ་གྱིས་སོ། །ཇི་ཙམ་གྱིས་ན། བཤང་བའི་ལམ་དུ་བཅུག་པ་ཞེས་བགྱི། ཇི་ཙམ་དུ་བུ་གའི་སྦུབས་ལས་ནོར་བུ་འདའ་བར་བྱེད་པ་ཙམ་གྱིས་སོ། །ཇི་ཙམ་གྱིས་ན། གཅི་བའི་ལམ་དུ་བཅུག་པ་ཞེས་བགྱི། པགས་པའི་རིམ་པ་ལས་ནོར་བུ་འདའ་བར་བྱེད་པ་ཙམ་གྱིས་སོ། །བཙུན་པ། བུད་མེད་ཕྱེད་ཚལ་དུ་གཤེགས་པར་གྱུར་ལ། འདིའི་རྨའི་སྒོ་གསུམ་ཡང་ཉམས་པར་གྱུར་ལ། དགེ་ས…

དང་། །ཉམས་པ་གཉིས་དང་བར་ཆད་བཅས། །དྲུག་ཚན་དང་ནི་བཞི་ཚན་ནོ། །བཙུན་པ། རེ་ཞིག་དགེ་སློང་གིས། གཞན་གྱི་ཡན་ལག་སྐྱེས་སུ་འཛུད་ན། ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ། རེ་ཞིག་དགེ་སློང་གཅིག་སྤྱིལ་བུར་ཞུགས་པ་ལ་མི་ཚངས་པར་སྤྱོད་པའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། ཉེ་བར་འཁོར། འགྱུར་བ་ཡོད་དེ། དཔེར་ན…

རོ། །ལམ་ལ་ལམ་མ་ལགས་པར་འདུ་ཤེས་ཏེ་བཅུག་ན། ཅིར་འགྱུར་ལགས། མཐར་འགྱུར་རོ། །ལམ་ལ་ཐེ་ཚོམ་འཚལ་ཏེ་བཅུག་ན། ཅིར་འགྱུར་ལགས། མཐར་འགྱུར་རོ། །ལམ་མ་ལགས་པ་ལམ་མ་ལགས་པར་འདུ་ཤེས་ཏེ་བཅུག་ན། ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་མ་ལགས་པ་ལ་ལམ་དུ་འདུ་ཤེས་ཏེ་བཅུག་ན། ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་མ་ལགས་པ…

པོའོ། །རྐུ་བའོ། །ཞེས་ཟེར་ཞིང་གསོད་དམ། འཆིང་ངམ། སྤྱུག་ཀྱང་རུང་སྟེ། དགེ་སློང་མ་བྱིན་པ་ལེན་པ་དེ་ལྟ་བུ་ལེན་པ་དེ་ཡང་ཕམ་པར་གྱུར་བ་ཡིན་གྱི། གནས་པར་མི་བྱའོ། །ཞེས་གསུངས་པ་གང་ལགས་པ། བཙུན་པ། དགེ་སློང་གིས་བརྒྱད་བཅུ་པའི་ཚོགས་གཉི་གར་བདག་ཉིད་གཏོགས་པར་བགྲངས་ན། ཅིར་འགྱུར་ལགས། ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུ…

ལགས། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་སྦྱོར་བར་བགྱིས་ལ། བསྙེན་པར་རྫོགས་ཀར་བརྐུས་ན། ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན། ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཀར་བརྐུས་ན…

རོ། །བཙུན་པ། རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས། འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང་། དེར་ཤོ་གམ་ཅི་མཆིས་པ་ཁྱོད་ལ་འབུལ་ལོ། །ཞེས་བགྱིས་པ་ལས། དེ་དགེ་སློང་གིས་བཟླས་ན། ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ། རེ་ཞིག་ཚོང་པ…