དེ་ཐོག་མར་འགྲོ་བར་བྱ། ཐོག་མར་འགྲེང་བར་བྱ། ཐོག་མར་འདུག་པར་བྱ། འདུག་ནས་ཡང་སྐད་ཅིག་ཅང་མི་སྨྲ་བར་བྱ། དེ་ནས་བདག་ཉིད་ཀྱིས་ཆོས་སྨྲ་བར་བྱ། ཡང་ན་ནུས་པའི་དགེ་སློང་ལ་ཆོས་སྨྲོས་ཤིག་པར་བསྒོ་བར་བྱ། བདག་ཉིད་ཀྱིས་ཆོས་མ་སྨྲས་སམ། དགེ་སློང་ནུས་པ་ཡང་མ་བསྒོ་ན་འདས་པ་དང་བཅས་པར་འགྱུར་རོ། །དེ་སྟེ་འཁོད་པ་ལ་ཡང་བྲམ་ཟེ་དང་ཁྱིམ་…

མོས་པ་དང་། རིགས་པར་ལྡན་པ་དང་། འཁྲུག་པ་མ་ཡིན་པར་ཆོས་བཤད་པར་བྱ། ཇི་ལྟར་འཁོར་རྣམས་ལ་བྱམས་པའི་སེམས་དང་། རྗེས་སུ་བརྩེ་བའི་སེམས་སུ་གནས་པར་བྱ། རྙེད་པ་དང་བཀུར་སྟི་དང་གྲགས་པ་ནི་མ་ཡིན་ནོ། །ཆོས་འཆད་པའི་ཚེ་བདག་ཉིད་ལ་བསྟོད་པར་མི་བྱ། གཞན་ལ་སྨད་པར་ཡང་མི་བྱ་སྟེ། འདི་ནི་ཆོས་འཆད་པའི་བྱ་བ་ཞེས་བྱའོ། །ཆོས་འཆད་པའི་གནས་བར…

བརྟན་གྱིས་རྒན་རིམས་སུ་ཕྱག་བྱས་ནས་བདག་གི་སྟན་གང་ན་བར་འདུག་པར་བྱ། གནས་བརྟན་གཉིས་པོས་ཀྱང་དགེ་འདུན་གྱི་གནས་བརྟན་ལ་ཕྱག་བྱས་ནས་རང་གི་སྟན་གང་ན་བར་འདུག་པར་བྱ། དེ་བཞིན་དུ་གནས་བརྟན་གསུམ་པོ་དང་། བཞི་པོ་ནས་དགེ་སློང་གསར་བུའི་བར་དུ་སྟེ། རྒན་རིམས་སུ་ཕྱག་བྱས་ནས་རང་གི་སྟན་གང་ན་བར་འཁོད་པར་བྱའོ། །དེར་དགེ་སློང་གནས་བརྟན…

བརྡ་མ་ཚོར་ན་དྲུང་ན་འདུག་པ་ལ་བརྡ་བྱ། དྲུང་ན་འདུག་པས་ཀྱང་མ་ཚོར་ན་དགེ་སློང་གནས་བརྟན་གྱིས་དེར་ཅི་ནས་མི་འཁྲུལ་བའི་ཚུལ་དུ་སྦྲན་པར་བྱ། ཇི་ནས་ལེགས་པར་བགོས་པ་དང་། སྒྲ་ཆེར་མི་དབྱུང་བར་བྱའོ། །དགེ་སློང་གནས་བརྟན་གྱིས་འཁོར་གྱི་ནང་དུ་བརྟག་པར་བྱ་བ་ནི་ཅི་འཁོར་་་འདི་དག་ཆོས་བཞིན་དུ་བྱེད་དམ། འོན་ཏེ་ཆོས་བཞིན་མ་ཡིན། དེ་ས…

མ་ཡང་འབར་བར་འགྱུར། ཕྱི་མའི་སྐྱེ་བོ་རྣམས་ལའང་སྣང་བར་བྱས་པར་འགྱུར་རོ་སྙམ་ནས་ཡུལ་མཉམ་དཀའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་བཅོམ་ལྡན་འདས་གང་ན་བ་དེར་སོང་ནས་དྲུང་དུ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་སྟེ། ཡུལ་མཉམ་དཀའི་རྒྱལ་པོ་གཟུགས་ཅན་སྙིང་པོས་…

བཀའ་སྩལ་པ། རྗེས་སུ་གནང་གིས་སྟན་མཐོན་པོ་ཆོས་ཤིག །དེ་དག་གིས་མདོ་སྡེ་ཆེན་པོ་བསྡུས་ཤིང་སྨྲས་པ་དང་། ཐེ་ཚོམ་དུ་གྱུར་རྒྱས་པར་ཡང་མི་བྱེད་ལ་དེ་ཉིད་ཀྱིས་ཉི་མ་ཟད་པར་བྱེད་དེ། འཁོར་རྣམས་སྐྱོ་བར་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་གནང་གིས་དོན་གྱི་དབང་དུ་ཅི་བདེར་རྒྱས་པར་བྱོས་ཤིག །དེ་དག་མདོ་སྡེའི་ལས་དོན་ཉ…

སྒོ་ནས་རྙེད་པ་ཡང་མ་ཚོལ་ཅིག །ཆོས་འཚོང་ཞིང་འཚོ་བར་ཡང་མ་བྱེད་ཅིག །དེ་ནས་སྨྲ་བ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་དྲན་པར་བྱེད་པས་རྗེས་སུ་དྲན་པར་གྱིས་ཤིག །རྗེས་སུ་དྲན་པར་བྱེད་པའང་མེད་ནས་རིམ་གྱིས་སྨྲ་བར་གྱིས་ཤིག །ཚིགས་བཅད་དང་དབྱངས་སུ་སྦྱར་ཞིང་་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། བདག་ཉིད་ཀྱིས་ས…

རྣམས་སྨྲ་ཞིང་གཞན་ལ་བརྗོད་པར་མི་འདོད་པ་དེ་དག་གིས་ཇི་ལྟ་བུར་ཡིད་ལ་བྱ་བ་གྲུབ་པ་དེ་བཞིན་དུ་བསྒོམ་པར་བྱ། སྤྱོད་ལམ་བཞི་ལ་འཇུག་པར་བྱ། ཕན་ཚུན་དུ་མི་སྨྲ་བར་འཇུག་པ་ལ་རྒྱས་པར་བྱ་བ་ནི་འདི་ལྟ་སྟེ། ཀླུང་དགའ་ལྡན་གྱི་དགེ་སློང་རྣམས་ཇི་ལྟ་བ་བཞིན་དུ་བྱ་སྟེ། འདི་ནི་མི་སྨྲ་བའི་བྱ་བ་ཞེས་བྱའོ། །དབྱར་ཚུལ་དུ་འཇུག་པའི་བྱ་བ་ག…

བྱ་བ་ཞེས་བྱའོ། །དབྱར་ཚུལ་དུ་ཞུགས་པའི་བྱ་བ་གང་ཞེ་ན། དབྱར་ཚུལ་དུ་ཞུགས་པའི་དགེ་སློང་གིས་དོན་མེད་པའི་ཕྱིར་ཞག་གཅིག་ཀྱང་་་མཚམས་ཀྱི་ཕྱི་རོལ་དུ་འགྲོ་བར་མི་བྱ། དོན་ཅིག་ཡོད་པར་གྱུར་ན་དེས་ཞག་་་བདུན་ནམ། ཞག་བཞི་བཅུར་བྱིན་གྱིས་བརླབས་ལ་འགྲོ་བར་བྱ། དེ་ཡང་དོན་གྱི་ཕྱིར་ཏེ། དོན་གང་གི་ཕྱིར་ཞེ་ན། དགེ་སློང་གི་དོན་ནམ། དགེ…

དབྱར་ཚུལ་ན་གནས་པའི་བྱ་བ་གང་ཞེ་ན། དབྱར་ཚུལ་ན་གནས་པའི་དགེ་སློང་རྣམས་ཀྱིས་ལས་རྣམ་པ་གསུམ་བྱ་སྟེ། དབྱར་གང་དུ་གནས་པའི་གནས་ཁང་དེ་དག་གས་པ་དང་ཞིག་པའི་རྣམས་བཅོས་སུ་གཞུག་པར་བྱ། མཚན་རྟོག་པར་བྱ། མཚན་རྟོག་པར་བྱེད་དུ་གཞུག །གནས་དེར་གོས་གང་རྙེད་པའི་གོས་དེ་གཏན་པར་གདིང་བར་བྱ། ཡང་ན་གདིང་དུ་གཞུག་པར་བྱ་བ་འདི་ནི་དབྱར་ཚུལ་…

བརྟན་གྱི་བྱ་བ་གང་ཞེ་ན། འཁོར་གྱི་ནང་དུ་ཞུགས་པའི་དགེ་སློང་གནས་བརྟན་གྱིས་འཁོར་རྣམས་ལ་འདི་དག་ཇི་ལྟ་བུའི་གཏམ་ལ་དགའམ། འོན་ཏེ་ཅང་མི་སྨྲ་བ་ལ་དགའ་ཞེས་འཁོར་རྣམས་ལ་བརྟག་པར་བྱའོ། །དེ་སྟེ་གཏམ་ལ་དགའ་བ་དག་ཅིག་ཡིན་ན་ནི་དེ་དག་ལ་དེ་དང་མཐུན་པའི་གཏམ་བྱའོ། །དེ་སྟེ་མི་སྨྲ་བ་ལ་དགའ་བ་དག་ཅིག་ཡིན་ན་ནི་དེར་ཅང་མི་སྨྲ་བར་འདུག་པ…

ཡིན་ལ་མ་འདུས་པར་བྱེད་པ་དང་། ཆོས་བཞིན་མ་ཡིན་ལ་འདུས་པར་བྱེད་པ་དང་། ཆོས་བཞིན་ལ་མ་འདུས་པར་བྱེད་པ་དང་། ཆོས་བཞིན་ལ་འདུས་པར་བྱེད་པའོ། །དེ་ལས་ཆོས་བཞིན་བྱེད་པའི་གསོ་སྦྱིན་གྱི་ལས་དེ་ནི་འདི་ལྟ་སྟེ། ཆོས་བཞིན་བྱེད་པ་ཡིན་ནོ། །དེ་ནི་གསོ་སྦྱིན་གྱི་ལས་ཀྱི་བྱ་བ་ཞེས་བྱའོ། །སོ་སོར་ཐར་པའི་བྱ་བ་གང་ཞེ་ན། བཅུ་བཞིའམ། བཅོ་ལྔ…

ཡང་བཀླགས། མི་མངོན་པའི་ཆོས་གཉིས་པོ་ཡང་བཀླགས་ལ་ལྷག་མ་རྣམས་ནི་ཐོས་པ་བཞིན་ནོ་ཞེས་བསྒྲགས་པ་ཡང་སོ་སོར་ཐར་པ་བཀླགས་པ་ཡིན་ཏེ། འདི་ནི་སོ་སོར་ཐར་པ་ཀློག་པ་བཞི་པའོ། །རྒྱས་པར་སོ་སོར་ཐར་པ་ཀློག་པ་དང་ལྔ་སྟེ། འདི་ནི་སོ་སོར་ཐར་པ་ཀློག་པའི་བྱ་བའོ། །སོ་སོར་ཐར་པ་ཀློག་པར་བྱེད་པའི་བྱ་བ་གང་ཞེ་ན། སོ་སོར་ཐར་པ་ཀློག་པའི་དགེ་སློང…

བུའི་བྱ་བ་གང་ཞེ་ན། དགེ་སློང་གསར་བུས་གཙུག་ལག་ཁང་ཆག་ཆག་གདབ་པར་བྱ། ས་ཕྱག་པར་བྱ། ཕྱག་དར་དོར་བར་བྱ། ལྕི་བས་ཞལ་ཞལ་འཇམ་པོར་བྱུག་པར་བྱ། ཆུ་རྣམས་སོ་སོར་བཅུ་ཞིང་གཞག་པར་བྱ། སྟན་རྣམས་གདིང་བར་བྱ། ཟན་རྣམས་སྐོ་སར་དྲང་བར་བྱ། དུགས་ཁང་དུ་བསྒྲུབ་པའི་རྣམས་བྱས་ཏེ། དེར་ཤིང་བསྐྱ་བར་བྱ། འབྲུ་མར་གཞག་པར་བྱ། ས་དང་ཕྱེ་མ་གཞག་པར…

བཅས། འཇིགས་པ་དང་དབང་དུ་འགྱུར་བར་བཅས། ཡིད་དམན་པའི་སེམས་ཕྱགས་མ་ལྟ་བུར་བྱ། གནས་བརྟན་དང་བར་མ་དང་གསར་བུ་ལ་ཡང་བྱམས་པའི་སེམས་སུ་བྱ། ཕན་པའི་སེམས་དང་རྗེས་སུ་བརྩེ་བའི་སེམས་སུ་བྱ། ཕ་དང་བུ་དང་ཕུ་ནུ་བོ་ལྟ་བུར་འདུ་ཤེས་མངོན་དུ་གཞག་པར་བྱ། དགེ་སློང་དུགས་ཁང་གི་ནང་དུ་ཞུགས་ནས། གཏམ་སྣ་ཚོགས་མི་བྱ། གཏམ་མི་རིགས་པ་མི་བྱ། སྤ…

དེ་སྟེ་ཆུ་ཚ་ན་གྲོགས་ལ་ཡང་ཆུ་ཚའོ་ཞེས་སྦྲོན་ཅིག །ཤེས་བཞིན་དུ་ཁྲུས་བྱས་ལ་དུགས་ཁང་དེ་ན་ཁྲིའུ་དང་། རིལ་བ་དང་། ཉ་ཕྱིས་དང་། ཁྲུས་རས་དང་། དུགས་ཁང་གི་སྣོད་སྤྱད་གཞན་ཅི་ཡོད་ཀྱང་རུང་ལེགས་པར་བཀྲུས་ཏེ་གནས་་་གནས་སུ་གཞག་པར་བྱ་བ་འདི་ནི་དུགས་ཁང་དུ་ཁྲུས་བྱེད་པའི་བྱ་བ་ཞེས་བྱའོ། །དུགས་ཁང་དུ་གནས་བརྟན་གྱི་བྱ་བ་གང་ཞེ་ན། དུ…

ཅིག་སྤྱོད་པས་མཁན་པོ་ལ་སྟོན་པའོ་སྙམ་དུ་འདུ་ཤེས་མངོན་དུ་གཞག་པར་བྱ། རིམ་གྲོ་བྱ། མྱུར་དུ་ལྡང་བར་བྱ། མྱུར་དུ་འགྲོ་བར་བྱ། གུས་པར་བྱ། ཞུ་བར་བྱ་སྟེ། ལྷན་ཅིག་སྤྱོད་པས་མཁན་པོ་ལ་མ་ཞུས་ཀྱི་བར་དུ་སྤྱད་འབྲིམ་པའི་ལས་མི་བྱ། གཙུག་ལག་ཁང་སྐྱོང་གི་རེས་མི་བྱ། ལྷུང་བཟེད་ཀྱི་ལས་མི་བྱ། ཆོས་གོས་ཀྱི་ལས་མི་བྱ། སྔ་རེས་མི་བྱ། ཕ…

ཏམ། ཁ་བསྒྱུར་བ་ཞིག་ཏུ་གྱུར་ན་ཡང་དེ་ལ་བདག་གིས་མཁན་པོའི་ཆོས་གོས་ཀྱི་ལས་རང་གིས་་་བྱའོ་སྙམ་མམ། གཞན་ལ་བྱེད་དུ་གཞུག་གོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱ། དེ་སྟེ་མཁན་པོ་ན་བ་ཞིག་ཏུ་གྱུར་ན་ཡང་དེ་ལ་བདག་ཉིད་ཀྱིས་མཁན་པོ་ན་བའི་ནད་གཡོག་བྱའོ་སྙམ་མམ། གཞན་ལ་ནད་གཡོག་བྱེད་དུ་གཞུག་གོ་སྙམ་དུ་ལྷན་ཅིག་སྤ…

ལྷན་ཅིག་སྤྱོད་པས་མཁན་པོ་ལ་བྱ་བ་ཅི་དང་ཅི་ཡོད་ཀྱང་རུང་སྤྲོ་བ་བསྐྱེད་པར་བྱ་བ་དེ་བཞིན་དུ་་་མཁན་པོས་ཀྱང་ལྷན་ཅིག་སྤྱོད་པ་ལ་བྱ་བ་ཅི་དང་ཅི་ཡོད་ཀྱང་རུང་སྤྲོ་བ་བསྐྱེད་་་པར་བྱ་སྟེ། ཞུ་བ་རྣམས་ནི་མ་གཏོགས་སོ། །ལྷན་ཅིག་སྤྱོད་པས་མཁན་པོའི་སྟན་གདིང་བར་བྱ། རྐང་པ་བཀྲུ་བའི་ཆུ་དང་། ལྷམ་ཡང་བཤམས་ཏེ་ཕྱོགས་གཅིག་ཏུ་གཞག་པར་བྱ།…

དུ་ཕྱུང་ཤིག །ལྷན་ཅིག་སྤྱོད་པ་མཁན་པོའི་མདུན་དུ་སོང་ལ་ཟིལ་པ་ལ་སོགས་པ་བསལ་བར་བྱ། དེ་སྟེ་ཆུ་འགྲམ་མམ་གང་གཡང་ས་ཞིག་ན་མཁན་པོའི་ལག་པ་ནས་བཟུང་ཞིང་བརྟེན་པར་བྱ། དོང་ནས་གྲོང་འདབ་ཏུ་ཕྱིན་ན་སྦྱར་མ་དང་ལྷུང་བཟེད་དང་ཁར་གསིལ་དབུལ་བར་བྱ། ཕུལ་ཏེ་མཁན་པོའི་མདུན་དུ་བཏང་ལ་གྲོང་གི་ནང་དུ་འཇུག་པར་བྱའོ། །དེ་སྟེ་སྐས་སམ། ཐེམ་སྐས…