ལ་བབ་སྟེ། འདུ་བར་གྱུར་ན་ཡང་མཁན་པོའི་སྟན་ལྟེབས་ན་བརྐྱང་བར་བྱ། བརྐྱང་ན་ནི་ལེགས་པར་གདིང་བར་བྱ། དེ་ནས་དུས་སུ་བསྒོའམ། གཎྜཱི་བརྡུངས་ཀྱང་རུང་སྟེ། ལག་པ་གཡོན་པས་ནི་མཁན་པོའི་ལག་པ་ནས་བཟུང་། ལག་པ་གཡས་པས་ནི་མར་མེ་ཐོགས་ཏེ་མཁན་པོ་མདུན་དུ་བྱས་ལ་གསོ་སྦྱིན་གྱི་གནས་སུ་འདོང་བར་བྱའོ། །སོ་སོར་ཐར་པའི་མདོ་བཀླགས་ཟིན་ན་མཁན་པ…

གཏད་པར་བྱའོ། །དེ་སྟེ་མཁན་པོ་ཉིད་རུང་བ་མ་ཡིན་ལ་ཚུལ་དང་མི་ལྡན་ན་མ་ཞུས་པར་སོང་ཡང་བླ་སྟེ། འདི་ནི་ལྷན་ཅིག་སྤྱོད་པའི་བྱ་བ་ཞེས་བྱའོ། །སློབ་དཔོན་གྱི་བྱ་བ་གང་ཞེ་ན། སློབ་དཔོན་གྱིས་ཉེ་གཡོག་རྣམས་ཤེས་པར་བྱ་བ་ནས་སྔ་མ་བཞིན་ཏེ། ཕྱོགས་གང་ན་ཉེ་གཡོག་དེ་ཉོན་མོངས་ཤིང་འདུག་པ་ཞིག་ཏུ་གྱུར་ན་ཕྱོགས་དེ་ནས་དགུག་པར་བྱ། དགུག་ཏུ་…

ཡང་བླ་བའི་བར་དུ་སྟེ། འདི་ནི་དགེ་ཚུལ་ཕའི་བྱ་བ་ཞེས་བྱའོ། །ནན་ཏན་དུ་བྱ་བ་གང་ཞེ་ན། དེ་སྟེ་དགེ་འདུན་གྱི་ཀུན་དགའ་ར་བར་གནོད་པ་ཞིག་བྱུང་ན་དེར་དགེ་སློང་གིས་ཇི་ལྟར་དེ་མི་ཤོར་ཞིང་ཟིན་པར་བྱ། དེ་སྟེ་རྣམ་གྲངས་གང་གིས་ཀྱང་ཟིན་པར་མ་གྱུར་ན་གཞན་དག་ལ་ནི་བབ་བབ་ཏུ་སྨྲ་བར་མི་བྱའི། ཐོག་མར་རྒྱལ་པོའི་གནང་བ་རྣམས་ལ་བསྒོ་བར་བྱ།…

མི་བྱ། ཕན་པར་བྱེད་པ་དེ་ནི་གྲོང་དུ་འགྲོ་བར་བྱེད་པའི་བྱ་བ་ཞེས་བྱའོ། །གྲོང་དུ་འགྲོ་བའི་བྱ་བ་གང་ཞེ་ན། དགེ་སློང་གྲོང་དུ་འགྲོར་འདོད་ན་ཤེས་བཞིན་དུ་འགྲོ་བར་བྱ། དྲན་པ་ཉེ་བར་གཞག་པར་བྱ། སེམས་མི་གཡེང་བར་བྱ། དབང་པོ་བསྡམ་པར་བྱ། ཡིད་མི་གཡེང་བར་བྱ། སྔ་ཕྱི་ལ་འདུ་ཤེས་པ་དང་། བླ་འོག་ལ་འདུ་ཤེས་གཞག །དགེ་སློང་དྲན་པ་ཉམས་བཞ…

གནས་པ་དང་། ཚངས་པར་སྤྱོད་པ་ལ་གནས་པ་དང་། སྦྱིན་པ་དང་། དུལ་བ་དང་། སྡོམ་པ་དང་། སྐྱེས་བུ་དམ་པ་བསྙེན་པའི་ཆོས་ཉན་པ་དང། ཚུལ་བཞིན་ཡིད་ལ་བྱེད་པ་དང་། ཆོས་དང་རྗེས་སུ་མཐུན་པའི་ཆོས་ལ་ནན་ཏན་དུ་བྱེད་པ་དང་། ལམ་མ་ཡིན་པ་ལ་ལམ་མ་ཡིན་པར་དེ་ལྟར་ཡང་དག་པར་བསྒྲག་པར་བྱ། ཡེ་ཤེས་དང་ལྟ་བ་རྣམ་པར་སྦྱང་བར་བྱ་སྟེ། དེ་ནི་གྲོང་དུ་ཉེ་བ…

ན་ན་ཡང་གཡེལ་བར་མི་དོར་ཏེ། དེ་ནི་གཞི་ན་གནས་པའི་བྱ་བ་ཞེས་བྱའོ། །ངལ་བསོ་བའི་བྱ་བ་གང་ཞེ་ན། གློ་བུར་དུ་འོངས་པའི་དགེ་སློང་གིས་གཙུག་ལག་ཁང་དུ་འོངས་ན་དེས་གཞི་ན་གནས་པའི་དགེ་སློང་དག་ལས་མལ་སྟན་གྱི་རྣམས་་བརྐམ་ཞིང་རིངས་ཐབས་སུ་དགུག་པར་མི་བྱ། སྣང་བའི་གནས་སུ་འདུག་པར་བྱ། སྤྱོད་ལམ་བཟང་བར་བྱ། ལེགས་པར་བགོ་བར་བྱ། ལེགས་པར…

པ་ལ་ཡོན་ཏན་ལྔ་སྟེ། ཞག་གཅིག་གིས་བྲལ་བ་མེད། ཞག་བཅུའི་འདའ་བ་མེད། ཟླ་བ་གཅིག་གིས་འདའ་བ་མེད། ཇི་སྙེད་དུ་དགོས་པའི་གོས་རྣམས་བྱིན་གྱིས་མ་བརླབས་ཀྱང་འཆང་དུ་རུང་། སྟོད་གཡོགས་དང་་་མཐང་གོས་ཀྱིས་ལྗོངས་རྒྱུ་བར་རུང་ངོ་། །གཞན་ཡང་གཏན་པ་ལ་ཡོན་ཏན་རྣམ་པ་ལྔ་སྟེ། འདུས་ཤིང་ཟ་བ་མེད། ཡང་ཡང་ཟ་བ་མེད། ཕྱི་མ་ལ་མ་བསྒོ་བར་འགྲོ་བ་མེ…

དཔོན་གྱི་དྲུང་དུ་མ་ཡིན། བླ་མའི་དྲུང་དུ་མ་ཡིན། བླ་མར་བྱ་བའི་དྲུང་དུ་མ་ཡིན། གྲོང་གི་ནང་དུ་སྐྱེ་བོའི་མདུན་དུ་མ་ཡིན། ཕྱི་ཕྱིར་གཏང་བར་མི་བྱ། དེ་སྟེ་ཡང་ཕྱི་ཕྱིར་གཏོང་བ་ཞིག་ཏུ་གྱུར་ན་གནས་གུད་དུ་སོང་ལ་གཏང་བར་བྱའི། དེའི་རྐྱེན་གྱིས་གཞན་ལ་མི་བདེ་བར་འགྱུར་བར་མི་བྱ་སྟེ། འདི་ནི་འཕྱེན་གྱི་བྱ་བ་ཞེས་བྱའོ། །གཞར་བའི་བ…

སར་གནས་བརྟན་གྱི་བྱ་བ་ཞེས་བྱའོ། །བཤང་སའི་ཁོར་ཡུག་གི་བྱ་བ་གང་ཞེ་ན། དགེ་སློང་བཤང་སའི་ཉེ་འཁོར་ན་འགྲེང་བར་མི་བྱ། འདུག་པར་མི་བྱ། འཆག་པར་མི་བྱ། ལུང་བསྒོ་བར་མི་བྱ། ལུང་ནོད་པར་མི་བྱ། དྲན་པར་མི་བྱ། སླར་འདྲི་བར་མི་བྱ། རྣལ་འབྱོར་དང་ཡིད་ལ་བྱེད་པ་མི་བྱ། གཏམ་ལ་ཞུགས་ཤིང་མི་བྱ། ལྷུང་བཟེད་ཀྱི་ལས་མི་བྱ། ཆོས་གོས་ཀྱི་ལས…

བྱ་བ་ནི་མ་གཏོགས་སོ་ཞེས་བྱ་བའི་བར་དུ་སྟེ། དེ་ནི་གཅི་བའི་སའི་ཉེ་འཁོར་གྱི་བྱ་བ་ཞེས་བྱའོ། །བཀྲུ་བའི་བྱ་བ་གང་ཞེ་ན། དགེ་སློང་གིས་མ་བཀྲུས་ཀྱི་བར་དུ་སྟོན་པ་ལ་ལྟར་འགྲོ་བར་མི་བྱ། མཆོད་རྟེན་ལ་མ་ཡིན། མཁན་པོ་དང་། སློབ་དཔོན་ལ་མ་ཡིན། བླ་མ་ལ་མ་ཡིན། བླ་མར་བྱ་བ་ལ་མ་ཡིན་ཏེ། ཕྱག་མི་བྱ། ཁ་ཏོན་མི་བྱ། ལུང་མི་བསྒོ། བླང་བར་…

གཏོགས་པའི་བར་དུ་སྟེ། དེ་ནི་ཁྲུས་སའི་ཉེ་འཁོར་གྱི་བྱ་བ་ཞེས་བྱའོ། །མཆིལ་མའི་བྱ་བ་གང་ཞེ་ན། དེ་ནི་དགེ་སློང་གིས་སྒྲ་དང་བཅས་པར་མཆིལ་མ་དོར་བར་མི་བྱ། ལྕེ་དྲིལ་བར་སོས་མནན་པར་མི་བྱ། སྟོན་པའི་སྤྱན་སྔར་མ་ཡིན། མཆོད་རྟེན་གྱི་དྲུང་དུ་མ་ཡིན། མཁན་པོ་དང་། སློབ་དཔོན་གྱི་དྲུང་དུ་མ་ཡིན། བླ་མའི་དྲུང་དུ་མ་ཡིན། བླ་མར་གྱུར་པ…

ཡིན། སྒོ་ཁང་དུ་མ་ཡིན། བཤང་སར་མ་ཡིན། རྩིག་པའི་དྲུང་དུ་མ་ཡིན། ཤིང་དྲུང་དུ་མ་ཡིན། གཙུག་ལག་ཁང་གི་ཕྱག་དར་བྱ་བའི་ཁོར་ཡུག་ཏུ་མ་ཡིན། སྐྱེ་བོ་མང་པོ་འདུ་བ་ཐམས་ཅད་དུ་ཡང་སོ་ཤིང་འདོར་བར་མི་བྱ། དགེ་སློང་གིས་རྣམ་པ་གསུམ་དབེན་པར་བྱ་སྟེ། བཤང་བ་དང་། གཅི་བ་དང་། སོ་ཤིང་བཅའ་བའོ། །དགེ་སློང་གིས་སོ་ཤིང་འཆོས་ནས། དེ་བཞིན་དུ་མ…

པ་ནི་ལུས་དང་ངག་དང་ཡིད་དོ། །མཚན་ཉིད་ནི་ལས་སོ། །གླེང་གཞི་ནི་བསྒྲགས་པའོ། །ངོ་བོ་ཉིད་ནི་ཉེས་པའོ། །འབྲས་བུ་ནི་མཐོ་རིས་དང་ཐར་པའོ། །འདུལ་བ་གཞུང་དམ་པ་རྫོགས་ཏེ། ཨུ་པཱ་ལིས་ཀུན་དྲིས་པ་རྫོགས་སོ།། །།ཐམས་ཅད་མཁྱེན་པ་ལ་ཕྱག་འཚལ་ལོ། །འདུལ་བ་གཞུང་ནི་དམ་པ་འདི། །འཕགས་པ་ཉེ་བ་འཁོར་གྱིས་ནི། །མ་འོངས་པ་ཡི་གང་ཟག་གི །མ་རྟོགས་ལ…

པ་མེད། །མཱུ་ལ་ཞེས་པའི་སྒྲ་ཡི་དོན། །གཞི་དང་རྩ་བ་དངོས་པོ་ལའང་། །འཇུག་ཕྱིར་གཏམ་གྱི་གཞིར་ཡང་འགྱུར། །མ་ན་པི་ཀའི་སྒོ་དང་པོ། །ཚིགས་བཅད་བཅུ་ཡིན་གཉིས་པ་ལ། །ཚིགས་བཅད་བཅུ་དང་ལྷག་ཙམ་ཡོད། །ཤིན་ཏུ་ཕྲ་ཞིབ་ཆེ་བས་ན། །བྲམ་ཟེའི་བུ་མོ་ལྟ་བུ་ཞེས། །དོན་དང་མཐུན་པའི་མཚན་ཡིན་ནོ། །འདུལ་བ་མ་མོ་ལྟ་བུ་ལ། །བསྙེན་པར་རྫོགས་པའི་ཕུང…

པར་བཞེངས་པ་རྣམས་ལས་འདི་དག་ནི་མཁན་པོ་ཆེན་པོ་མཆིམས་ཀྱིས་དགེ་བའི་བཤེས་གཉེན་རྒྱ་འདུལ་བ་འཛིན་པ་ཞལ་བཞུགས་པའི་དུས་ན། དགེ་བའི་བཤེས་གཉེན་འདུལ་བ་འཛིན་པ་ཞིང་མོ་ཆེ་བ་བྱང་ཆུབ་སེང་གེས་གཉེར་མཛད་ནས། ལུང་ཕྲན་ཚེགས་ཀྱི་བམ་པོ་བཅུ་གཉིས་མ་ཚང་བ་དང་། གཞུང་བླ་མའི་ཞུ་བ་མ་རྫོགས་པ་བམ་པོ་བཅུ་གཉིས་དང་། སྡོམ་ཚིག་ཡི་གེ་ཚར་གཉིས་མ་ཚ…

རྐྱེན་ལ་བརྟེན་ནས། བདེ་བར་གཤེགས་པའི་གསུང་རབ་ཐོག་མཐའ་བར་དུ་དགེ་ཞིང་སྒྲོ་སྐུར་གྱི་མཐའ་དང་བྲལ་ལ་གཞུང་ལུགས་ངན་པའི་དྲི་མས་དབེན་པ་མདོ་སྡེ་དང་། རྒྱུད་སྡེའི་ཕྱོགས་སྔ་ཕྱིར་བོད་དུ་འགྱུར་རོ་ཅོག་རྣམས་མིའི་དབང་པོ་ཐོ་གེ་ན་ཐེ་མུར་གྱི་རིང་ལ། ཏི་ཤྲི་ཀུན་དགའ་རྒྱལ་མཚན་དཔལ་བཟང་པོ་བསྟན་པ་སྐྱོང་བའི་དུས། རྒྱལ་བའི་བསྟན་པ་ལྔ…

རྣམས་མཁས་པ་རྣམས་ཀྱིས་ཇི་ལྟར་མཛད་པ་ལྟར་བརྡ་དོན་མ་ནོར་བར་དག་པར་བགྱིས་ནས། གཞི་དུང་གི་ས་གཞི་ལྟར་དཀར་འཇམ་མཁྲེགས་པ་ལྷོ་རྒྱལ་པོ་ལྷ་ཁང་གི་ཤོ་གུ་ལ། དམ་ཆེ་ཞིང་མདངས་གསལ་བ་ཨུཏྤལ་སྔོན་པོ་ལྟ་བུ་རྒྱ་ནག་ཆེན་པོ་ལས་འོངས་པའི་་་སྣག་ཚས། འབུར་དཀྱུས་ཚུགས་གསུམ་ལ་མཁས་པའི་མཐར་ཕྱིན་པས་ཡི་གེའི་རིག་བྱེད་ལ་སློབ་དཔོན་གྱི་གོ་འཕང་ཐ…

བྲིས་ཤིང་། ཀ་ཅོག་ལ་སོགས་པས་མཛད་པའི་མཚན་བྱང་དཀར་ཆག་ལས་ཀྱང་རིམ་པ་དེ་ཁོ་ན་ལྟར་འབྱུང་བས་འདིར་ཡང་གཞུང་དམ་པ་མཇུག་ཉིད་དུ་བྲིས་སོ། །འདི་རྣམས་ཀྱི་བམ་པོའི་གྲངས་ནི་ཤ་ལོ་ཀ་སུམ་བརྒྱ་ལ་བམ་པོ་རེར་བྱས་ནས་ལུང་གཞི་ལ་བམ་པོ་བརྒྱ་དང་དགུ། དགེ་སློང་ཕའི་རྣམ་འབྱེད་ལ་བམ་པོ་བརྒྱད་བཅུ་རྩ་གསུམ་དང་བམ་པོ་སུམ་ཆ། དགེ་སློང་མའི་རྣམ་འ…

ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། རྒྱ་གར་སྐད་དུ། ཤ་ཏ་ས་ཧ་སྲི་ཀ་པྲཛྙཱ་པཱ་ར་མི་ཏཱ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། གླེགས་བམ་ཐོག་མ། བམ་པོ་དང་པོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་རི། བྱ་རྒོད་ཕུང་པོ་ལ་དགེ་སློང་ལྔ་སྟོང་ཙམ་གྱི་དགེ་སློང་གི་དགེ…

ཙམ་དང༌། དགེ་བསྙེན་ཕ་དང༌།དགེ་བསྙེན་མ་དང༌། ཤིན་ཏུ་མང་བ་ཀུན་ཀྱང་ཆོས་མཐོང་བ་ཤ་སྟག་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་ཐམས་ཅད་ཀྱང་གཟུངས་རབ་ཏུ་ཐོབ་པ། ཏིང་ངེ་འཛིན་རབ་ཏུ་ཐོབ་པ།སྟོང་པ་ཉིད་ཀྱིས་རྣམ་པར་སྤྱོད་པ། མཚན་མ་མེད་པའི་སྤྱོད་ཡུལ་ཅན། རྟོག་པ་མེད་པའི་སྨོན་ལམ་དང་ལྡན་པ། ཆོས་ཐམས་ཅད་ལ་མཉམ་པ་…