ཉེ་བར་ཞི་བ་དང༌། མི་སྣང་བའོ། །ཁུར་ཁྱེར་བ་གང་ཞེ་ན། གང་ཟག་ཅེས་བརྗོད་པར་བྱ་སྟེ། ཚེ་དང་ལྡན་པ་མིང་ནི་འདི་ལྟ་བུ། རུས་ནི་འདི་ལྟ་བུ། རིགས་ནི་འདི་ལྟ་བུ། ཁ་ཟས་ནི་འདི་ལྟ་བུ། བདེ་བ་དང་སྡུག་བསྔལ་ནི་འདི་ལྟ་བུ་དག་མྱོང་ཞིང་ཚེ་རིང་པོ་འམ་ཐུང་ངུ་འདི་ཙམ་ཞིག་ཏུ་གནས་ཏེ། ཚེའི་མཐའ་འདི་ཙམ་དུ་གྱུར་ཞེས་བྱ་བའོ། །དགེ་སློང་དག་ཁུར…

ནི་ལོག་པར་ལྟ་བ་ཞེས་བྱའོ་ཞེས་གསུངས་སོ། །འཇིག་རྟེན་དུ་གང་ཟག་གཅིག་སྐྱེ་བ་ན་སྐྱེའོ་ཞེས་བྱ་བ་ལ། གླེང་གཞི་ནི་མཉན་དུ་ཡོད་པ་ནའོ། །དགེ་སློང་དག་སྐྱེ་བོ་མང་པོ་ལ་ཕན་པ་དང༌། སྐྱེ་བོ་མང་པོ་ལ་བདེ་བ་དང༌། འཇིག་རྟེན་ལ་ཐུགས་བརྩེ་བའི་ཕྱིར་དང༌། ལྷ་དང་མི་རྣམས་ལ་ཕན་པ་དང་བདེ་བའི་ཕྱིར་འཇིག་རྟེན་དུ་གང་ཟག་གཅིག་སྐྱེ་བ་ན་སྐྱེ་སྟ…

གཉིས་པ་རེག་པའི་ཟས་དང༌། གསུམ་པ་ཡིད་ལ་སེམས་པའི་ཟས་དང༌། བཞི་པ་རྣམ་པར་ཤེས་པའི་ཟས་སོ། །དེའི་ཚེ་ཚེ་དང་ལྡན་པ་དབོ་ལས་སྐྱེས་བཅོམ་ལྡན་འདས་ཀྱི་རྒྱབ་ནས་བཅོམ་ལྡན་འདས་ལ་བསིལ་ཡབ་གཡོབ་ཅིང་འདུག་སྟེ། དེ་ནས་ཚེ་དང་ལྡན་པ་དབོ་ལས་སྐྱེས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅི་རྣམ་པར་ཤེས་པ་ཟས་སུ་ཟའམ། དབོ་ལས་སྐྱེ…

སྐྱེས་སྲེད་པ་པོ་སྲེད་པ་པོ་ཞེས་སྨྲ་ན་དྲི་བ་དེ་ལེགས་པར་འགྱུར་བ་ཞིག་ན་ང་དེ་སྐད་དུ་མི་སྨྲའོ། །བཙུན་པ་སྲེད་པ་པོ་ཞེས་མི་གསུང་ངམ། དབོ་ལས་སྐྱེས་དེ་བཞིན་ཏེ། ང་དེ་སྐད་དུ་མི་སྨྲའོ། །གལ་ཏེ་ངའི་དྲུང་དུ་འགའ་ཞིག་ཉེ་བར་འོངས་ཏེ་གང་གི་རྐྱེན་གྱིས་སྲེད་པ་བྱུང་ཞེས་འདི་ལྟར་འདྲིན་དྲི་བ་དེ་ལ་ངས་འདི་སྐད་དུ་ལུང་བསྟན་པར་བྱ་སྟ…

དེའི་ཚེ་ཀུན་དུ་རྒྱུ་བེའུའི་རིགས་བཅོམ་ལྡན་འདས་གང་ན་བ་དེར་ཉེ་བར་སོང་སྟེ་ཉེ་བར་སོང་ནས་བཅོམ་ལྡན་འདས་དང་ལྷན་ཅིག་ཅེས་བྱ་བ་ནས་ཀུན་དུ་རྒྱུ་བེའུའི་རིགས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གཽ་ཏ་མ་ཅི་ལུས་དེ་ཉིད་སྲོག་ཡིན་ནམ། བེ་འུ་ལུས་དེ་ཉིད་སྲོག་ཡིན་ནོ་ཞེས་ང་ལུང་མི་སྟོན་ཏོ། །གཽ་ཏ་མ་ཅི་ལུས་ལས་གཞན་ཞིག་སྲོག…

རླུང་ཡིན་པར་གདགས་ཏེ། རླུང་ནི་ཉེ་བར་ལེན་པས་མེ་འབར་ཞིང་རླུང་གི་ཉེ་བར་ལེན་པས་མེ་ལྕེ་ཁྱབ་པར་གྱུར་ཏོ། །གཽ་ཏ་མ་གང་གི་ཚེ་ལུས་འདི་ཡོངས་སུ་བཏང་བར་གྱུར་ཅིང་ཡིད་ཀྱི་རང་བཞིན་གྱི་ལུས་སེམས་ཅན་གཞན་དུ་སྐྱེ་བར་གྱུར་པ་དེའི་ཚེ་ཉེ་བར་ལེན་པའི་ཉེ་བར་ལེན་བ་ཅི་ཞིག་ཡིན་པར་ཉེ་བར་གདགས། བེའུ་དེའི་ཚེ་སྲེད་པ་ཉེ་བར་ལེན་པ་ཡིན་ནོ་ཞ…

ཅང་མི་གསུང་བར་བཞུགས་སོ། །དེ་ནས་ཀུན་དུ་རྒྱུ་བེའུའི་རིགས་འདི་སྙམ་དུ་སེམས་ཏེ། དགེ་སྦྱོང་གཽ་ཏ་མ་ལ་ལན་གཉིས་ལན་གསུམ་དུ་དྲིས་ཀྱང་ལུང་མ་བསྟན་ཏོ་ཞེས་རིག་ནས་སྟན་ལས་ལངས་ཏེ་སོང་ངོ༌། །དེའི་ཚེ་ན་ཚེ་དང་ལྡན་པ་ཀུན་དགའ་བོ་རླུང་ཡབ་ཐོགས་ཏེ་བཅོམ་ལྡན་འདས་ཀྱི་རྒྱབ་ན་བཅོམ་ལྡན་འདས་ལ་རླུང་ཡབ་གཡོབ་ཅིང་འདུག་གོ །དེ་ནས་ཚེ་དང་ལྡན…

ཞེས་བྱ་བ་ལ། བཅོམ་ལྡན་འདས་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་ཏེ། དེ་ནས་ཀུན་དུ་རྒྱུ་སྨྲ་བ་བཅོམ་ལྡན་འདས་གང་ན་བདེར་ཉེ་བར་སོང་སྟེ། ཉེ་བར་སོང་ནས་བཅོམ་ལྡན་འདས་དང་ལྷན་ཅིག་ཅེས་བྱ་བ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གཽ་ཏ་མ་ཅི་འཇིག་རྟེན་མཐའ་དང་བཅས་སམ། སྨྲས་པ་འཇིག་རྟེན་མཐའ་དང་བཅས་སོ་ཞེ…

འོན་ཏེ་འཇིག་རྟེན་ཕྱོགས་གཅིག །དེ་སྐད་ཅེས་གསོལ་པ་དང༌། ལན་གཉིས་ལན་གསུམ་གྱི་བར་དུ་ཡང་བཅོམ་ལྡན་འདས་ཅང་མི་གསུང་བར་བཞུགས་སོ། །དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་རྒྱ་བ་ན་རླུང་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་པས་སྨྲས་པ། སྨྲ་བ་ཁྱོད་ཀྱིས་བཅོམ་ལྡན་འདས་ལ་དང་པོར་དྲི་བ་དྲིས་པ་དེ་ཉིད་ད་ལྟར་རྣམ…

གསུངས་སོ། །མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་ཞེས་བྱ་བ་འབྱུང་བར་འགྱུར་རོ་ཞེས་བྱ་བ་ལ། རྒྱལ་པོ་དང་ཡང་དག་པར་ལྡན་པའི་ཚོམས་ཀྱི་བཅུ་པ་སྔོན་གྱི་མཐའ་དང་ཕྱི་མའི་མཐའི་མདོ་ལས་འབྱུང་བ་གནས་བརྟེན་མ་འགགས་པས་སྔོན་གྱི་མཐའ་ལས་བརྩམས་ཏེ། བཤད་པ་མཛོད་ཀྱི་གནས་བཞི་པ་འདི་ཉིད་དུ་འཕ…

དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། །ཚིག་འབྲུ་བཟང་པོ། །མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཚངས་པར་སྤྱོད་པ་ཡོངས་སུ་རྫོགས་པ་ཡང་དག་པར་གསལ་བ་འབྱེད་པའི་ཆོས་སྟོན་ཏོ། །འདི་ལྟ་སྟེ། ད་ལྟར་ང་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། །ཚིག་འབྲུ་བཟང་པོ། །མ་འདྲེས་པ། ཡོངས་སུ་རྫོགས་པ། ཡོངས་སུ…

ཚངས་པ་དང་བཅས་པའི་དགེ་སྦྱོང་དང་བྲམ་ཟེའི་སྐྱེ་དགུའི་ལྷ་དང་མིའི་འཇིག་རྟེན་འདི་ལས་མཐོང་བའི་ཆོས་ཉིད་ལ་རང་ཉིད་ཀྱིས་མངོན་པར་ཤེས་པ་ཕུན་སུམ་ཚོགས་པ་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་མངོན་སུམ་དུ་བྱས་ཤིང་མཁྱེན་པར་འགྱུར་བ་བཞིན་ནོ། །བདག་ཐོག་མར་དགེ་བ། བར་…

གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ། བླ་ན་མེད་པ་སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་ང་འཇིག་རྟེན་དུ་བྱུང་བ་བཞིན་ནོ། །དེ་ལྷ་དང་བཅས་པ་དང༌། བདུད་དང་བཅས་པ་དང༌། ཚངས་པ་དང་བཅས་པའི་དགེ་སྦྱོང་དང་བྲམ་ཟེའི་སྐྱེ་དགུ་ལྷ་དང་མིའི་འཇིག་རྟེན་འདི་ལས་…

བ་ལ། བཅོམ་ལྡན་འདས་ཆུ་བོ་ཅན་ན་མུ་ཛེ་ཀའི་སྤྱིལ་བུ་ན་བཞུགས་ཏེ། དེའི་ཚེ་ཆུ་བོ་ཅན་དུ་སྐྱེ་བོ་མང་པོ་དུས་ལས་འདས་པར་གྱུར་ཏེ། དགེ་བསྙེན་ཀད་ཀ་ཊ་དུས་ལས་འདས་ཤིང༌། ཀ་ཊ་མ་ཀ་ཊ་དང༌། ཀད་ཀ་ཤ་དང༌། སྤྱོད་པ་དང༌། ཉེར་སྤྱོད་དང༌། ལྟས་ཅན་དང༌། ཉེ་ལྟས་ཅན་དང༌། བཟང་པོ་དང༌། རབ་ཏུ་བཟང་པོ་དང༌། གྲགས་པ་དང༌། ཉེ་བར་གྲགས་པ་དང༌། གྲགས་སྦ…

དང། རབ་ཏུ་བཟང་པོ་དང༌། གྲགས་པ་དང༌། ཉེ་བར་གྲགས་པ་དང༌། གྲགས་སྦྱིན་དང༌། དགེ་བསྙེན་གྲགས་པའི་བླ་མ་དག་དུས་ལས་འདས་པར་གྱུར་ཏོ་ཞེས་ཐོས་ན། བཙུན་པ་དེ་དག་གི་འགྲོ་བ་ནི་གང༌། སྐྱེ་བ་ནི་གང༌། འཇིག་རྟེན་ཕ་རོལ་ནི་གང་ཞིག་ཡིན། དགེ་སློང་དག་དགེ་བསྙེན་ཀད་ཀ་ཊ་ནི་ཐ་མའི་ཆ་དང་མཐུན་པའི་ཀུན་དུ་སྦྱོར་བ་ལྔ་སྤངས་ཤིང་འཇིག་རྟེན་འདིར་ཕ…

པ་རེག་པར་མི་གནས་ཤིང༌། དེ་བཞིན་གཤེགས་པ་ལ་གནོད་པ་བྱས་པར་གྱུར་ཏེ། འོན་ཀྱང་སྐྱེས་པ་དག་འཆི་ཞིང་དུས་བྱེད་པར་འགྱུར་ཏེ། འདི་ལ་ངོ་མཚར་བ་ཅི་ཞིག་ཡོད་དེ། དེ་བཞིན་གཤེགས་པ་རྣམས་བྱུང་ཡང་རུང༌། དེ་བཞིན་གཤེགས་པ་རྣམས་མ་བྱུང་ཡང་རུང། ཆོས་རྣམས་ཀྱི་ཆོས་ཉིད་འདི་ནི་གནས་པ་སྟེ། ཆོས་ཉིད་གནས་པ་དེ་ཉིད་དེ་བཞིན་གཤེགས་པས་རང་ཉིད་ཀྱི…

འགག །སྐྱེ་བ་འགགས་པས་རྒ་བ་དང༌། ན་བ་དང༌། འཆི་བ་དང༌། མྱ་ངན་དང༌། སྨྲེ་སྔགས་འདོན་པ་དང༌། སྡུག་བསྔལ་བ་དང༌། ཡིད་མི་བདེ་བ་དང༌། འཁྲུག་པ་རྣམས་ཀུན་དུ་འགག་ཅིང༌། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་ཡང་དག་པར་འགག་པར་འགྱུར་རོ། །དགེ་སློང་དག་གཞན་ཡང་ཆོས་ཀྱི་མེ་ལོང་ཞེས་བྱ་བའི་ཆོས་ཀྱི་རྣམ་གྲངས་བསྟན་པར་བྱ་སྟེ…

སྐྱེད་པ་པོའམ་ཡང་དག་པར་སྐྱེད་པ་པོའམ། སློང་བ་པོའམ་ཀུན་ནས་སློང་བ་པོའམ། ཚོར་བ་པོའམ་རབ་ཏུ་ཚོར་བ་པོའམ། སྐྱེད་པ་དགེ་བ་དང་མི་དགེ་བའི་ལས་དེ་དང་དེ་དག་བྱས་ཤིང་བྱས་ནས་འབྲས་བུ་རྣམ་པར་སྨིན་པ་སོ་སོར་ཉམས་སུ་མྱོང་བར་བྱེད་ཅིང་གང་ཡང་ཕུང་པོ་འདི་རབ་ཏུ་སྤོང་ཞིང་མ་འོངས་པའི་ཕུང་པོ་གཞན་ལེན་པར་བྱེད་པ། ད་ལྟར་དེ་མེད་ཅིང་མ་བྱུང…

རགས་པའམ། ཕྲ་པའམ། དམན་པའམ། གྱ་ནོམ་པའམ། གང་ཐག་རིང་བའམ། གང་ཐག་ཉེ་བའམ། དེ་ཐམས་ཅད་བདག་མ་ཡིན་བདག་ཀྱང་དེ་དག་མ་ཡིན་ཞིང་དེ་དག་བདག་གི་མ་ཡིན་ནོ་ཞེས་ཡང་དག་པའི་ཤེས་རབ་ཀྱིས་བལྟ་བར་བྱའོ། །ཚོར་བ་གང་ཅི་ཡང་རུང་བ་དང༌། འདུ་ཤེས་གང་ཅི་ཡང་རུང་བ་དང་གང་ཡང་མཐོང་བ་དང་ཐོས་པ་དང་རྣམ་པར་ཤེས་པ་དང་ཐོབ་པ་དང་ཡོངས་སུ་ཚོལ་བ་དང་ཡིད་ལ་ཡི…

རྒྱ་གར་སྐད་དུ། ཨབྷི་དྷརྨ་མརྨ་པྲ་དཱི་པ་ནཱ་མ་བྲྀཏྟི། བོད་སྐད་དུ། ཆོས་མངོན་པའི་འགྲེལ་པ་གནད་ཀྱི་སྒྲོན་མ་ཞེས་བྱ་བ། སངས་རྒྱས་ལ་ཕྱག་འཚལ་ལོ། །གང་ཞིག་ཀུན་ལ་མུན་པ་གཏན་བཅོམ་ཞིང༌། །འཁོར་བའི་འདམ་ལས་འགྲོ་བ་དྲངས་མཛད་པ། །དོན་བཞིན་སྟོན་པ་དེ་ལ་ཕྱག་འཚལ་ནས། །ཆོས་མངོན་མཛོད་ཀྱི་བསྟན་བཅོས་རབ་བཤད་བྱ། །བསྟན་བཅོས་བྱེད་པར་འདོད་…