དམ་བཅས་པ་མངོན་སུམ་དང་འགལ་བ་མ་ཡིན་ནོ་སྙམ་པའི་དོགས་བ་བསུ་ནས་ཁྱད་པར་བརྗོད་པ་ནི་ཉེས་པ་བདག་ཏུ་ལྟ་བ་རྣམ་པར་འགགས་པ་བདག་མེད་པ་མཐོང་བ་དེའི་བདག་ཏུ་གྱུར་པ་ཉིད་ཀྱིས་འབྲེལ་མེད་ཕྱིར་ཏེ། ཉེ་བར་གནས་པའི་ཕྱིར་རོ། །དེ་ལྟར་མེ་དང་འབྲེལ་པའི་རྟག་པར་གནས་པ་མ་ཡིན་ནོ། །ཡང་ན་འབྲལ་བ་ཡིན་ཡང་དེས་བཟློག་པ་ཐམས་ཅད་ཡང་འབྱུང་བ་ནི་མ་ཡིན…

མཐོང་བས་སྐྱོ་བར་མི་འགྱུར་རོ་ཞེས་བྱ་བའི་དོན་ཏོ། །འོན་ཏེ་བདག་གཉིས་སུ་མེད་པར་སྨྲ་བ་དག་འཁོར་བ་པའི་སྐྱེ་བོ་ལ་གྲུབ་པའི་སྤྲོས་པ་ཐམས་ཅད་འཁྲུལ་པ་ཡིན་པའི་ཕྱིར་བདག་འབའ་ཞིག་མཐོང་བ་ཐར་པའི་བདག་ཉིད་ཡིན་པའི་ཕྱིར་ཐར་པའི་གམ་དུ་རྟོགས་པར་བྱེད་ན། འདིར་ཡང་གང་ཞིག་བདག་མཐོང་ཞེས་བྱ་བ་ཉིད་བཟླས་སོ། །བདེ་བ་དང་བདེ་བའི་སྒྲུབ་པར་བ…

འདོགས་པ་ཉིད་ཀླན་ཀར་འོས་པ་མ་ཡིན་ནོ། །གཞན་ལ་ནི་བདག་མཐོང་བ་ཡོད་པས་ཀླན་ཀར་འགྱུར་བ་ཉིད་དོ། །འོན་ཏེ་ཞེས་བྱ་བ་ལ་སོགས་པ་ནི་རྟོག་པ་སྔོན་དུ་བྱེད་པ་མ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ན་ཞེས་བྱ་བ་ནི་གཞན་གྱི་དོན་བྱེད་བ་ཉིད་བདེ་བ་ཡིན་ནོ་ཞེས་ཁས་ལེན་པ་ཡིན་ནོ། །དེ་ལྟ་ན་ཡང་ཞེས་བྱ་བ་ནི་ཐར་པ་མ་ཡིན་པ་ནའོ། །རང་གི་བདེ་…

ཡིན་ཡང་བདག་ཉིད་དགའ་བའི་རང་བཞིན་དུ་ཉེ་བར་གནས་པའི་ཕྱིར་མ་འོངས་པའི་བདེ་བ་ལ་འདོད་པའི་རང་བཞིན་གྱི་སྲེད་པར་མི་འགྱུར་བ་མ་ཡིན་ནམ་སྙམ་དུ་དོགས་བ་བསུ་ནས་བཤད་པ་ནི། ཡོན་ཏན་མཐོང་བ་ཞེས་བྱ་བའོ། །བུད་མེད་ལ་སོགས་པ་དེ་དང་དེས་བསྒྲུབས་པའི་བདེ་བ་ནི་དེ་མེད་པར་ཡིན་ཙམ་གྱིས་འབྱུང་བ་ཡང་མ་ཡིན་ནོ། །མངོན་པར་གསལ་བར་བྱ་བ་ཡང་གསལ་བར…

བླངས་པའོ། །དེའི་བློ་ཉིད་ཆགས་པ་ཡིན་ཏེ། བློའི་ཚད་མ་མེད་ན་ནི་བདག་མེད་པར་སྨྲ་བར་འགྱུར་རོ། །གལ་ཏེ་ཆགས་པ་ནི་བདག་དང་བདག་གིར་ལྟ་བ་ལས་གཞན་ཁོ་ནར་ཁས་ལེན་པ་མ་ཡིན་ནམ། དེ་ཡང་འཁོར་བའི་རྒྱུ་ཡིན་པས་ན་ཉེས་བ་དང་བཅས་པས་སྤང་བར་བྱ་བ་ཡིན་ནོ་སྙམ་དུ་དོགས་པ་ནི། འོན་ཏེ་བདག་དང་ཞེས་བྱ་བའོ། །དེ་ལ་ནི་བདག་གི་བ་ལའོ། །ཁས་བླངས་པ་འདི་…

ལེན་བ་སྤོང་བ་མཐོང་བ་ཉིད་ཡིན་ན་ཚུལ་འདི་ནི་ཞེན་པ་ལ་ཡང་ཡིན་པར་མི་འཐད་དོ། །གལ་ཏེ་དེ་དག་ཅེས་བྱ་བ་ནི་ཡུལ་ལ་བདག་གི་བདེ་བ་ལ་སོགས་པ་བསྒྲུབ་པ་མ་ཚང་བ་མེད་པ་ཡིན་ནའོ། །ཞེན་པའི་ཡུལ་ནི་བདག་དང་བདག་གི་བའོ། །དེའི་དངོས་པོ་ནི་ཉིད་དེ། ཡོན་ཏན་དང་ལྡན་པ་ཉིད་ཀྱིས་ཞེས་འབྲེལ་ཏོ། །དེ་མེད་པའི་ཕྱིར་ནི་ཡོན་ཏན་དང་ལྡན་པ་མེད་པའི་ཕྱི…

བྱེད་པ་དང༌། དེའི་འབྲས་བུ་ལོངས་སྤྱོད་པར་བྱེད་པ་ཉིད་ཀྱིས་ཆགས་པ་དང་བྲལ་བའི་ཡུལ་ཉིད་དུ་འདོད་ན། འོ་ན་ནི་འདི་ལ་རང་བཞིན་གཞན་མེད་པས་ཅི་ལྟར་ཐར་པར་འདོད་པ་རྣམས་ཀྱིས་བདག་ཤེས་པར་བྱ་བ་དང༌། བསམ་པར་བྱ་བ་དང༌། བསྒོམ་པར་བྱ་བར་ཅི་ལྟར་འགྱུར། སྤང་བར་བྱ་བ་ཉིད་དུ་ཤེས་པར་བྱ་བ་ཡིན་ན་ནི་བདག་མེད་པར་ལྟ་བ་ཐར་པའི་སྒྲུབ་བྱེད་དུ་འག…

པ་བདག་སྤང་བའི་ཡུལ་མ་ཡིན་པ་ཉིད་ནི་བདག་གི་བ་ལ་ཡང་མཚུངས་པ་ཡིན་ཏེ། དེས་ན་ཇི་ལྟར་འདིར་སྡུག་བསྔལ་བསྒོམ་པ་སྤོང་བའི་རྒྱུ་ཡིན་ཞེས་བསྟན་པའི་དོན་དུ་ལན་བརྗོད་པ་ནི། བདག་གི་བའི་བློ་བཅོམ་པས་འདིར་ཞེས་བྱ་བའོ། །འདིར་ཞེས་བྱ་བ་ནི་སྦྲུལ་གྱིས་བཟུང་བའི་ཡན་ལག་ལའོ།། དེ་མ་སྤངས་ན་ནི་རྣམ་པ་ཅི་ཞིག་ལྟར་སྤངས་པ་ཡང༌། སླར་ལེན་པར་འགྱ…

སོགས་པའི་འབྲེལ་པ་དེ་ཡང་རང་གི་བའི་བློའི་རྒྱུ་ཡིན་བ་དེས་ན། སྡུག་བསྔལ་བསྒོམས་པར་གྱུར་ཀྱང་རང་གི་བའི་བློ་དང་ཇི་ལྟར་འབྲེལ་ཏེ། ལོངས་སྤྱོད་ཀྱི་གཞི་ཡིན་པ་ལ་སོགས་པའི་བློ་ཉིད་ཀྱིས་རང་གི་བློ་ཡིན་པའི་ཕྱིར་རོ། །མཐོང་དུ་ཟིན་ཀྱང་ནི་སྡུག་བསྔལ་གྱི་རྒྱུ་ཉིད་དུ་ཤེས་ཀྱང་ངོ༌། །མའི་འདུ་ཤེས་ནི་མཐོང་བའི་མའི་རང་བཞིན་སྒྲོ་འདོ…

ནི་སུན་འབྱིན་པ་གཞན་ནོ། །བདེ་བའི་རང་བཞིན་པ་ལ་ཆེ་བ་མེད་པའི་ཕྱིར། སྡུག་བསྔལ་བ་ཉིད་དམ། ཕལ་ཆེ་བ་མ་ཡིན་མོད། དེ་ལྟ་ན་ཡང་དུག་དང་བཅས་པའི་ཟས་བཞིན་དུ། བླང་བྱ་བ་མ་ཡིན་པར་འགྱུར་ཏེ། ལུས་མཛེས་པ་ཡང་འཛིན་དག་གཅིག་གིས་སྐལ་བ་དན་པར་འགྱུར་རོ་ཞེས་བྱ་བའི་ཚུལ་གྱིས་སོ་སྙམ་དུ་དོགས་པ་བཤད་པ། སྡུག་བསྔལ་གྱི་ཆད་མེད་བ་ན། ཁྱད་པར་ཅན་…

སྲིད་པ་ཉིད་དེ་ཞེས་བྱ་བའོ། །ཇི་ལྟར་སྙམ་ན། བདག་དེ་ཞེས་གསུངས་སོ། །སྒོམ་པ་མེད་ཕྱིར་ཞེས་བྱ་བའི་མཐར་ཐུག་པ་ནི་གཏན་ཚིགས་སོ། །སྒོམ་པ་མེད་པར་ཅི་ལྟར་ཞེས་བཤད་པ་བདག་དེ་ནི་ཞེས་བྱ་བའོ། །དེས་ན་བསྒོམ་པ་དོན་ཏོ། །བསྒོམས་པ་དོན་དང་བཅས་པར་དོགས་པ་ནི། འོན་ཏེ་སྐྱེས་བུའི་ཞེས་བྱ་བའོ། །དོན་དམ་པ་སོ་ན་འདུག་གོ་ཞེས་ལན་བཏབ་བ་ནི། སོ…

བདག་གང་གིས་འདོད་ཆགས་ལ་སོགས་པ་མ་མྱོང་བ། དེ་ནི་འདོད་ཆགས་ཅན་ལ་སོགས་པར་མི་སྲིད་དོ། །འདི་སྙམ་དུ་བདག་གིས་འདོད་ཆགས་ལ་སོགས་པ་ཐ་དད་པ་མྱོང་བ་ཁོ་ནའོ། །དེས་ན་འདོད་ཆགས་ཅན་ལ་སོགས་པ་མ་མྱོང་བ་མ་ཡིན་ནོ་སྙམ་པའི་དོགས་པ་བསུ་བ་ནི། གལ་ཏེ་མྱོང་ཕྱིར་ཞེས་བྱ་བའོ། །ལན་དུ་ནི་བུད་མེད་ཅེས་བྱ་བའོ། །གལ་ཏེ་འདོད་ཆགས་ལ་སོགས་པ་ཐ་དད་པར…

བཅས་པར་འགྱུར་རོ། །འདུ་བ་དང་ལྡན་པ་ལས་ཁྱད་པར་ཡོད་པར་དོགས་པ་བསུ་བ་ནི་ཐ་དད་ཅེས་བྱ་བའོ། །འོ་ན་ཞེས་བྱ་བ་ནི་ལན་ན། །གལ་ཏེ་བདག་ལས་འདོད་ཆགས་ལ་སོགས་པ་ཐ་དད་པར་འདུ་བས་མ་རྟོགས་པ་ཡིན་ལ། ལྡན་པས་ནི་དེ་རྟོགས་པ་ཡིན་ནོ། དེའི་ཚེ་འདོད་ཆགས་ལ་སོགས་པ་ལས་བདག་ཐ་དད་པར་ཚད་མ་གང་ལས་འདོད་དེ། ཐ་དད་པ་སྒྲུབ་པའི་ཚད་མ་འགའ་ཡང་མེད་དོ་ཞེས…

གཟུགས་ལ་སོགས་པའི་ཡུལ་ཉིད་སྤྱོད་པ་པོར་འགྱུར་རོ་ཞེས་ལན་འདེབས་པ་ནི། སྤྱོད་པ་ཉམས་སུ་མྱོང་ལས་ཞེས་བྱ་བའོ། །ཡུལ་དམིགས་པ་ཉིད་ཡུལ་ལོངས་སྤྱོད་པ་ཡིན་ནོ་ཞེས་བྱ་བའི་དོན་ཏོ། །དེ་ཡང་ཞེས་བྱ་བ་ནི་ལོངས་སྤྱོད་པའོ། །འཇིག་རྟེན་གྱི་ཐ་སྙད་ནི། ཡུལ་ཡང་བློའི་གཞི་ཡིན་པས་ན་མཚུངས་སོ་ཞེས་བརྗོད་པ་ནི། ང་ལ་ཞེས་བྱ་བའོ། །དེ་ནི་འཇིག་ར…

བཞིན་གྱིས། འཛིན་པ་མེད་བར་དོགས་པ་བསུ་བ་ནི། གལ་ཏེ་ཞེས་བྱ་བའོ། །གནས་སྐབས་ནི་བདེ་བ་ལ་སོགས་པ་ཐ་དད་པའི་བདག་ཉིད་དོ། །དེའི་ངོ་བོ་ལས་གཞན་པ་ཞེས་བྱ་བ་ནི་ལན་ཏེ། གནས་ཀྱི་རང་བཞིན་ལས་ཐ་དད་པར་རོ། །བདེ་བ་ལ་སོགས་པ་ཐ་དད་པ་ཁོ་ན་དམིགས་ཀྱི། གནས་སྐབས་ཅན་ནི་མ་ཡིན་ནོ་ཞེས་བྱ་བའི་དོན་ཏོ། །གལ་ཏེ་རང་རིག་པའི་བདག་ནི་ཤེལ་ལྟར་ཤིན་ཏ…

ལྟར་འཐད་པར་དཀའ་སྙམ་ན། རིག་པའི་དངོས་པོ་ཞེས་བྱ་བའོ། །གཞན་གྱིས་གཞན་གྱི་བདག་མི་རིག་ན། གཞན་བདག་མེད་པར་འགྱུར་རོ། །གཉི་ག་རང་བཞིན་གཅིག་ཏུ་མ་རྟོགས་པའི་ཕྱིར་རོ་ཞེས་བྱ་བའོ། །རང་དང་གཞན་ནི་བདག་ནི་ཕན་ཚུན་རྗེས་སུ་མ་ཞུགས་པས་ཐ་དད་པ་ཉིད་ཅེས་དོགས་པ་བསུ་ན། རང་གི་བདག་ཀྱང་སྐད་ཅིག་སོ་སོར་རིག་པ་ཐ་དད་པའི་ཕྱིར་ཐ་དད་པར་འགྱུར་…

པ་ནི། གལ་ཏེ་ཐེར་ཟུག་ཅེས་བྱ་བའོ། །རྣམ་པར་འགྱུར་བ་མེད་པ་དང༌། དམིགས་པའི་རིམ་པ་མེད་པའི་གཏན་ཚིགས་གཉིས་ནི། རྟག་པ་ཉིད་སྒྲུབ་པར་བྱེད་པར་འདོད་པ་ཡིན་ནོ། །འཁོར་བ་དང་མྱ་ངན་ལས་འདས་པའི་རིམ་པ་དམིགས་པར་འདོད་ན་ནི་མི་རྟག་པ་ཉིད་དུ་འགྱུར་རོ་ཞེས་མཇུག་བསྡུས་ནས་སྟོན་པ་ནི་གང་གི་ཕྱིར་དེ་ལྟར་རྟག་པ་ཉིད་དུ་འགྱུར་བ་དེའི་ཕྱིར། ད…

པའི་རང་བཞིན་ཡིན་ཏེ། ཐམས་ཅད་ལ་དགག་ཏུ་མེད་པའི་ཕྱིར་རོ། །དངོས་པོ་གང་ཞིག་ཡུལ་དང་དུས་ཀྱིས་རྣམ་པར་བཅད་པ་མེད་པར་ཡོད་པ་དེ་ནི་རྟོག་པ་དང་ཁྱབ་པར་ཡང་འདོད་པ་ཡིན་པའི་ཕྱིར། བདག་ཀྱང་ཁྱབ་པ་ཉིད་དུ་བརྗོད་དོ་ཞེས་བྱ་བའི་དོན་ཏོ། །གལ་ཏེ་དེ་ལྟར་ན་ཞེས་བྱ་བ་ནི་ལན་ནོ། །གལ་ཏེ་བདག་གྲོལ་བ་ལ་འཁྲུལ་པ་མེད་པས་ན། གཞན་གྱི་བདག་ཉིད་དུ་ག…

ཉིད་ཡིན་ཏེ། དེ་ལྟར་ངོ་ཤེས་པའི་ཕྱིར་རོ་སྙམ་དུ་དོགས་པ་ནི། འོན་ཏེ་འདི་ཞེས་བྱ་བའོ། །ངོ་ཤེས་པས་ཐར་པ་དང་འཁོར་བ་དག་ཀྱང་གཅིག་ཉིད་དུ་སྒྲུབ་པོ་ཞེས་ལན་འདེབས་པ་ནི། དེ་ལྟ་ཡིན་ན་ཞེས་བྱ་བ་སྟེ། ངོ་ཤེས་པ་དང་མ་བྲལ་བའི་ཕྱིར་རོ། །གང་གི་ཕྱིར་ཐར་པ་དང་འཁོར་བ་དག་གཅིག་ཉིད་མ་ཡིན་པའི་ཕྱིར་རོ། །ནམ་མཁའ་བཞིན་དུ་ཞེས་བྱ་བ་ནི། ཅི་ལ…

བ་ཉིད་མ་སྐྱེས་པའི་ཕྱིར་ན། རྟོག་པ་དང་ལྡན་པའི་འཇུག་པ་ཉིད་འགལ་བ་ཡིན་ནོ་ཞེས་བྱ་བའི་དོན་ཏོ། །འཁོར་བའི་བདེ་བ་ནི་ཞེས་བྱ་བ་ནི་དོགས་པ་བསུ་བའོ། །དོགས་པའི་དོན་ནི་མྱ་ངན་ལས་འདས་པའི་བདེ་བ་ནི་འཁོར་བའི་བདེ་བ་ལས་ཁྱད་པར་དུ་གྱུར་པ་ཡིན་པས་ན། ཡོངས་སུ་ཚིམ་པ་སྐྱེད་པར་བྱེད་པ་ཡིན་ཏེ། དེས་ན་དེ་ཉིད་དོན་དུ་གཉེར་བར་བྱ་བ་ཡིན་ནོ།…