བ་ལ་སོགས་པའོ། །འདིར་གཞན་གྱི་མ་ཡིན་ནམ་ཞེས་བྱ་བར་ཡང་མ་ཡིན་ན་ཞེས་བྱ་བས་འཕགས་པའི་ལན་བརྗོད་པ་ནི། དོན་འདི་མ་གྲུབ་པའི་ཕྱིར་རོ་ཞེས་བྱ་བ་སྟེ། དབང་བསྐུར་མ་ཐག་ཏུ་དེ་འཇིག་གོ་ཞེས་བྱ་བའི་དོན་འདིའོ། །ཡང་ན་བྱེད་པ་མ་མཐོང་བ་ལས་འགྱུར་རོ་ཞེས་བྱ་བའོ། །ཡང་ན་སེམས་པ་ལས་ཐ་དད་པའི་འདུ་བྱེད་པས་ཡིན་ནོ་ཞེས་བྱ་བའོ། །མ་མཐོང་བའི་རྟ…

ཉམས་པས་ནི་ཞེས་བྱ་བའོ། །ལྷན་ཅིག་བྱེད་བ་མ་མཐོང་བ་བཅོམ་པའི་ཕྱིར་རོ། །འདི་ཡང་རྒྱུ་ཡིན་པ་ལ་ནི་རྩོད་པ་མེད་པའི་ཕྱིར་རོ། །བློ་ཙམ་ལས་འབྱུང་བ་ཡིན་ན་བྱེད་པ་རྣམས་ཁྱད་པར་མེད་པར་ཐལ་བའི་ཕྱིར་རོ་ཞེས་དོགས་པའོ། །གལ་ཏེ་ས་དང་ཆུ་དང་ས་བོན་གྱི་འདུས་པ་བཞིན་དུ་ཡོངས་སུ་འགྱུར་བ་ལ་ལྟོས་པའི་དབང་བསྐུར་བ་དང༌། བློ་དང་མ་མཐོང་བའི་ཚོ…

པའམ། འབྱུང་བའི་ཡོངས་སུ་འགྱུར་བ་ལས་འབྱུང་བས་འཆི་བ་ན་མེད་པར་འགྱུར་རོ་སྙམ་དུ་དོགས་པ་བསུ་ནས། གཉེན་པོ་དང་ནི་རང་གི་ཕྱོགས། །འགྲིབ་དང་འཕེལ་ན་འཕེལ་བའི་ཕྱིར། །ཞེས་གསུངས་སོ། །གཉེན་པོ་འགྲིབ་པ་ལས་དང་རང་གི་ཕྱོགས་འཕེལ་བ་ལས་ཉེས་པ་རྣམས་འཕེལ་བའི་ཕྱིར། ཉེས་རྒྱུན་རང་གི་ས་བོན་ཅན་ཡིན་ཏེ། རིགས་མཚུངས་པ་སྔོན་དུ་འགྲོ་བ་ཅན་ཡི…

དོགས་པའོ། །ལོངས་སྤྱོད་པའི་དུས་ན་ཡོད་པ་ཉིད་བྱེད་པའི་དུས་ན་ཡོད་པ་ཡིན་ན། བྱེད་པ་བོའི་དུས་ཉིད་ན་ལོངས་སྤྱོད་པ་པོ་ཉིད་འགལ་བ་ཡིན་ནོ་ཞེས་བརྗོད་པ་ནི། རྒྱུ་དང་འབྲས་བུའང་ཞེས་བྱ་བའོ། །དྲན་པ་དང་ལོངས་སྤྱོད་པ་དེ་དག་བདག་དེ་ལས་ཐ་དད་ན་ཡང་དེ་དང་འབྲེལ་པ་ལས་བྱེད་པ་པོ་དང་ཟ་བ་པོ་ཉིད་ཡིན་པར་མི་འགྱུར་རོ་ཞེས་བཤད་པ་ནི། ཐ་དད་ན…

ནོ་ཞེས་བཤད་པ་ནི། འདུ་བ་ནི་ཞེས་བྱ་བའོ། །རྣལ་འབྱོར་པས་ནི་འདུ་བ་ཡོད་ཀྱང་གཞན་གྱི་བདག་གི་བྱེད་པ་དང་ལོངས་སྤྱོད་པ་དག་དེ་ལས་ཐ་དད་པར་ཤེས་པ་ཡིན་པ་དེ་བཞིན་དུ་བདག་ཉིད་ཀྱི་ཡང་ཡིན་ནོ། །དེས་ན་གལ་ཏེ་དེ་དག་དང་གཞན་གྱི་བདག་འབྲེལ་ན། རང་གི་བདག་ལ་ཡང་དེ་ལྟར་ཅི་སྟེ་མི་རྟོགས། བདེ་བའི་འབྲས་བུ་སྐྱེད་པ་ལ་རྟག་པ་ལ་ནུས་པ་འགྲུབ་པ་…

པར་བྱེད་པ་ནི་བདག་དང་བཅས་པ་སྒྲུབ་པར་བྱེད་པ་ཡིན་ནོ་ཞེ་ན། འདི་འགོག་པ་ནི་དེ་ནི་མ་ཡིན་ཏེ་ཞེས་བྱ་བའོ། །ཉམས་སུ་མྱོང་བ་ལས་གཞན་གྱིས་དྲན་པ་དང་བྱེད་པ་པོ་ལས་གཞན་གྱིས་ལོངས་སྤྱོད་པའོ། །སོགས་པའི་སྒྲས་ནི་སྲོག་ལ་སོགས་པ་དང༌། འདུས་པ་ཉིད་ལ་སོགས་པ་ཡང་གཟུང་ངོ༌། །འདི་དག་ནི་བདག་པའི་གནོད་པར་བྱེད་པ་མ་ཡིན་ནོ་ཞེ་ན། ཅིའི་ཕྱིར་ཞ…

མཐོང་བ་ཙམ་ནི་ལྡོག་པ་མ་ཡིན་ཏེ། འོན་ཀྱང་བསྒྲུབ་པར་བྱ་བ་ལས་ལྡོག་པ་ལས་ཆོས་འགལ་བ་ཡིན་ཏེ། ཡོད་པ་དང་རྟག་པ་ཉིད་ཡིན་ནོ། །དེ་ལྟར་སྲོག་ལ་སོགས་པ་ནི་བདག་ལྡོག་པ་དང་འགལ་བ་མ་ཡིན་ནོ། །འདུས་པ་ཉིད་ཀྱང་མལ་ཆ་ལ་སོགས་པར་འདུས་པ་གཞན་གྱི་དོན་བྱེད་པ་ཉིད་ཀྱིས་ཁྱབ་པ་ཡིན་ནོ། །དེ་ཙམ་ཤེས་པར་འདོད་པ་ལ་ཐུག་པ་མེད་པ་ཡང་མ་ཡིན་ཏེ། འབྲས་བ…

གྱིས་བདག་ཐ་དད་པའི་ཕྱིར་རོ་ཞེས་སྨྲས་ཏེ། ཉེས་པ་འདིར་མི་འགྱུར་རོ་ཞེས་རྗེས་སུ་འཇུག་གོ །ཐ་དད་པ་དེ་ཉིད་ཅེས་བྱ་བ་ནི་ལེན་ནོ། །སྐྱེས་བུ་སོ་སོའི་བདག་རྣམས་ནི་བདག་ཉིད་དུ་ཁྱད་པར་ཡོད་པ་མ་ཡིན་ནོ་ཞེས་བྱ་བའི་དོན་ཏོ། །དེས་ན་བདག་ཏུ་སྨྲ་བ་གཞན་དུ་བདག་མེད་པར་སྨྲ་བ་རྣམས་ལ་ཡང་གཞན་ལས་དྲན་པ་སྐྱེ་བ་མ་ཡིན་ནོ་ཞེས་བརྗོད་པ་ནི། ཅི…

སུམ་མེད་ཕྱིར་ཞེས་གསུངས་སོ། །དེ་བས་ན་སྔ་མ་དང་ཕྱི་མ་ཉིད་དུ་རྟོགས་པ་ནི་མེད་པ་ཁོ་ནའོ། །ཁས་བླངས་ཀྱང་ཉེས་པ་འདི་ནི་འཇུག་གོ་ཞེས་གསུངས་པ་ནི། གལ་ཏེ་བདག་ནི་ཞེས་བྱ་བའོ། །གལ་ཏེ་བདག་གིས་སྔ་མའི་རང་བཞིན་དུ་དོན་དམ་པར་བདག་རིག་ན་དེའི་ཚེ། སྔ་མའི་མྱོང་བ་ད་ལྟར་ཡོང་པར་འགྱུར་རོ། །དེ་ལྟ་མ་ཡིན་ན་བདག་གིས་དེ་ལྟར་རྟོགས་པ་ནི་འཁྲ…

དུ་མཐོང་བའི་རྒྱུད་ཀྱང་གཅིག་ཏུ་འཛིན་པའི་འབྲས་བུ་ཉིད་ཀྱིས་དེ་ལྟར་མངོན་པར་རློམ་པའི་སྤྲལ་ཡིན་ནོ་ཞེས་བརྗོད་པ་ནི། གཅིག་པ་ཉིད་ཀྱིས་ཐ་སྙད་འདི་ཞེས་བྱ་བའོ། །འདི་ནི་དབང་པོ་དུ་མ་ལས་བྱུང་བའི་མཐོང་བ་རྣམས་དང༌། དེ་དྲན་པ་རྣམས་ཀྱིས་མཚམས་སྦྱོར་བའི་བག་ཆགས་ལས་སྐྱེད་པར་བཤད་པ་ཡིན་ནོ། །གཅིག་ཏུ་མི་སྣང་བར་རློམ་པའི་རྒྱུ་མཚན་ཡ…

རྒྱུ་ཡང་ཡུལ་ལམ་བག་ཆགས་ཀྱིས་ཡིན་པར་འགྱུར་ལ། དེ་ལ་ཡུལ་གྱིས་བསྐྱེད་པ་ལྟར་བག་ཆགས་ཀྱིས་བསྐྱེད་མ་བཟློག་པར་བྱ་བ་མ་ཡིན་པར་འགྱུར་རོ། །དེས་ན་ཅི་ལྟར་རྣམ་པར་བྱད་བར་འགྱུར་སྙམ་ན། དེ་ཉིད་ལ་ནི་ཞེས་གསུངས་ཏེ། བདེན་པ་བཞི་པོ་དེ་ཉིད་ལའོ། །སྒྲོ་བཏགས་པའི་རྣམ་པ་དེ་དག་དང་འགལ་བ་དོན་གྱི་དེ་ཉིད། དེ་ཡུལ་གྱི་དེ་ཁོ་ན་ཉིད་དེའི་རྣམ…

ཞེས་རྣམ་པར་དཔྱོད་པ་དང་ལྡན་པའི་སྐྱེས་བུ་ནི་རྣམ་པར་དག་པ་ཉིད་དུ་འགྱུར་རོ། །གང་གི་ཚེ་སྙམ་ན་བདག་མེད་པར་བསྟན་པར་འགྱུར་བས་ན་ཞེས་སྦྱར་རོ། །བསྟན་པ་ཉིད་ཇི་ལྟར་སྙམ་ན། གོམས་པ་ལས་ཞེས་གསུངས་སོ། །ཅི་ལྟར་ཐར་པ་ཡིན་ཞེས་བྱ་བ་ནི་བདག་ཏུ་འཛིན་པ་དང་སྲེད་པ་དག་ཁོ་ན་དང༌། བདག་མེད་པར་ལྟ་བ་དངོས་དང་བརྒྱུད་པས་འགལ་བ་ཡིན་གྱི་ཟིན་པའ…

འདི་ལྟར་ཞེས་གསུངས་སོ། །འབྲས་བུ་སྣ་ཚོགས་མཐོང་བའི་ཕྱིར་བདེ་བ་དང་སྡུག་བསྔལ་ལ་སོགས་པ་འབྲས་བུ་དུ་མའི་དངོས་པོ་ཉིད་གཞན་དུ་མི་འཐད་པས་ལས་རྣམས་ཀྱི་ནུས་པ་ཐ་དད་པ་རྗེས་སུ་དཔོག་པར་བྱེད་དེ། རྒྱུ་དེས་ན་དཀའ་ཐུབ་ཀྱི་ཉོན་མོངས་པ་རང་བཞིན་གཅིག་ཏུ་གྱུར་པ་འབྲས་བུ་དཔྱད་ཟིན་པ་ནི་ནུས་པ་སྣ་ཚོགས་དང་ལྡན་པའི་ལས་རྣམས་ཀྱི་ནུས་པ་ཟད་…

དེ་ལྟ་བུར་གྱུར་པས་ནུས་པ་འདྲེས་པས་ཟད་པས་ཅིར་འགྱུར་སྙམ་ན་ལྷག་མས་ཏེ། ལྷག་མར་བྱས་པ་བསྲབ་པར་བྱས་པར་འགྱུར་རོ། །དེས་ཀྱང་ཅིར་འགྱུར་སྙམ་ན་སྤོང་བར་འགྱུར་རོ། །གང་ལས་ཤེ་ན། ཉོན་མོངས་ནི་མེད་པའམ་སྟེ་ཉོན་མོངས་པ་མེད་པར་རམ། ཉོན་མོངས་པའི་ཆ་ལས་སོ། །གལ་ཏེ་ཞེས་བྱ་བ་ལ་སོགས་པའི་བཤད་པ་ནི་ཕྱོགས་སྔ་མ་འདི་ཉིད་བསྟན་པར་བྱེད་པའོ།…

དཀའ་ཐུབ་ཉིད་ལས་སོ། །བསོད་ནམས་དང་ཡེ་ཤེས་ཞེས་བྱ་བ་ནི་དཀའ་ཐུབ་ཀྱིས་ལས་མ་ལུས་པར་སྤངས་བར་བྱས་པ་གང་ཡིན་པ་དེ་ནི་གཞན་ཉོན་མོངས་པའི་ནུས་པའོ། །འོན་ཉོན་མོངས་པ་ཉིད་དཀའ་ཐུབ་ཡིན་ནོ་སྙམ་ན། ཉོན་མོངས་པ་ཉིད་ནི་ཞེས་གསུངས་སོ། །འོན་ཏེ་དཀའ་ཐུབ་དེ་ནི་ལས་ཀྱི་འབྲས་བུ་ཉིད་དོ་སྙམ་ན། ལས་ཀྱི་འབྲས་བུ་ཉིད་ཅེས་གསུངས་སོ། །ཅིའི་ཕྱིར་…

མེད་དམ་ཅི་ཉེས་བྱས་པ་ནི་ཕྱུགས་ཀྱི་སྡུག་བསྔལ་གྱིས་མ་ངེས་པའོ། །གལ་ཏེ་རྒྱལ་སྲིད་ལ་སོགས་བ་བདེ་བ་དོར་བ་ནི་ཞེན་པ་མེད་བར་གོམས་པ་དེའི་བདག་ཏུ་འགྱུར་བའི་ཕྱིར་གནོད་པར་བྱེད་བ་མ་ཡིན་ན། དེའི་ཚེ་དམྱལ་བ་ལ་སོགས་པ་སྡུག་བསྔལ་ཡང་བཏང་སྙོམས་གོམས་པའི་བདག་ཏུ་གྱུར་པ་ལས་གནོད་པར་བྱེད་པ་མ་ཡིན་ནོ། །དེས་ན་གདུངས་པས་ཅི་བྱ་ཞེས་བརྗོད…

དེའི་རྒྱུ་ཅན་ཡིན་པའི་ཕྱིར་རོ། །ཕུག་རོན་ལ་སོགས་པའི་འདོད་ཆགས་དང༌། སྦྲུལ་ལ་སོགས་པའི་ཞེ་སྡང་དང༌། སྲོག་ཆགས་ས་ཛ་གར་ལ་སོགས་པའི་གཏི་མུག་གི་ལས་ལས་སྐྱེ་བ་ཡིན་ཏེ། དེས་ན་འཁོར་བ་ཉིད་དོ་སྙམ་དུ་དོགས་ན་ལས་ལས་ནི་ཉེས་པ་འབྱུང་བ་མ་ཡིན་ཏེ། འོན་ཀྱང་བདག་ཏུ་ལྟ་བ་དང་བདག་གིར་ལྟ་བར་མངོན་བར་འདོད་པ་ཚུལ་བཞིན་མ་ཡིན་པ་ཡིད་ལ་བྱེད་པ…

བ་ཉམས་སུ་མྱོང་བ་ལས་འབྱུང་བ་ཡིན་ནོ། །དེ་ལྟ་མ་ཡིན་པར་དེ་ཞེས་བྱ་བ་ནི་སྙིང་རྗེས་སོ། །དེ་ནི་མ་ཡིན་ནོ་སྟེ་ཞེས་བྱ་བ་ནི་འཇུག་པའི་ཡུལ་འབྱུང་བར་འགྱུར་བ་ལ་བསམས་ནས་བརྗོད་པ་ཡིན་ནོ། །རང་གིས་རིག་པའི་ད་ལྟར་བ་ལ་དེ་དོན་དུ་གཉེར་བའི་རྣམ་པ་ཅན་མངོན་པར་འདོད་པ་མ་ཡིན་ཏེ། ཉེ་བར་གནས་པའི་ཕྱིར་རོ། །དུས་གཞན་དུ་འབྱུང་བ་ཉིད་ཀྱིས་ད…

པ་ཡིན་ནོ། །གལ་ཏེ་འདི་སྐྱོབ་པ་ཡིན་ན་དེ་ལས་སུ་དཔག་པར་འགྱུར་བ་བཞིན། འོན་ཀྱང་དེ་མེད་པར་ཡང་དེ་སྟོན་པར་འཐད་པ་ཡིན་ཏེ། རྗེས་སུ་དཔག་པས་མཐོང་བ་མི་སྟོན་པ་མ་ཡིན་ནོ། །དེས་ན་དེ་ལས་བསྟན་པར་མཁྱེན་པ་ལ་སོགས་པ་སུ་ཉིད་ཡིན་སྙམ་དུ་དོགས་ནས། རྗེས་སུ་དཔག་པ་ལས་ནི་ཞེས་གསུངས་ཏེ། འོན་ཀྱང་མངོན་སུམ་ཁོ་ན་ལས་ཡིན་ནོ་ཞེས་བྱ་བའི་དོན་ཏ…

སོགས་པ་ཤེས་པ་ལ་ནི་ཕྱིན་ཅི་ལོག་གི་རྒྱུ་སྲིད་པ་མ་ཡིན་ནོ་ཞེས་གསུངས་པ་ནི་འདྲ་བ་གཞན་དག་ཅེས་བྱ་བའོ། །ཐེ་ཚོམ་ལས་སྟོན་པ་ལ་ཡང་མི་སྲིད་དོ་ཞེས་བརྗོད་པ་ནི། ཐེ་ཚོམ་ཡང་ཞེས་གསུངས་སོ། །མངོན་སུམ་དུ་མཛད་པ་ལ་ནི་གཉི་ག་མཐོང་བ་ཡོད་པ་མ་ཡིན་ནོ་སྙམ་དུ་དགོངས་པའོ། །གལ་ཏེ་བདག་ཅག་ལྟ་བུ་ལ་རྗེས་སུ་དཔག་པ་ལས་ངེས་པ་ཡོད་པ་མིན་ནམ། ཅི་…