འཁྲུལ་པའི་རང་བཞིན་དུ་ཡོད་དོ་ཞེས་བྱ་བ་ནི། རྣམ་པར་གཞག་པ་གང་ཡིན་པ་དེའི་ཡུལ་ཅི་ལྟར་ཡིན། འོན་ཏེ་དང་བོ་ནི་འཁྲུལ་བའི་རང་བཞིན་ལ། མ་འཁྲུལ་བ་ཉིད་དུ་རྟོགས་ཏེ། དེས་འཁྲུལ་བ་ཉིད་དུ་ངེས་པ་མ་ཡིན་ནོ་ཞེས་དོགས་ན་གཞན་གྱི་ཞེས་བྱ་བའོ། །གལ་ཏེ་དེ་ཉིད་གཞན་གྱི་རང་གི་ངོ་བོར་རྟོག་ན། དེའི་ཚེ་རྟོགས་པ་འཁྲུལ་པར་འགྱུར་བ་ཡིན་གྱི། སྒ…

རྟོགས་པ་མེད་དོ་ཞེས་བརྗོད་ཀྱང་སྤྱི་ལ་སོགས་པར་འཛིན་པ་ནི་ལྡོག་པར་འགྱུར་བ་ཉིད་མ་ཡིན་ནམ། དེས་ན་གཞན་སེལ་བ་ཞེས་བསྟན་པས་ཅི་བྱ་ཞེ་ན། གལ་ཏེ་ཞེས་བྱ་བའོ། །གང་གི་ཕྱིར་སྒྲ་འཇུག་པའི་ཕྱིར་ཡོད་དོ་ཞེས་ཐ་སྙད་དུ་བྱེད་པ་དེ་ཉིད་ཀྱི་ཕྱིར། རྣམ་འགྲེལ་མཛད་པས་དེ་ཡང་ཞེས་གསུངས་ཏེ། སྒྲའི་དོན་རང་བཞིན་མེད་པ་ཉིད་བསྒྲུབ་པ་དང༌། དགག་པ…

མོད་ཀྱི་དེ་ལྟ་ན་ཡང་ཐ་སྙད་ནི་འགྲུབ་པོ་ཞེས་བྱ་བའི་དོན་ཏོ། །དེས་ན་སྒྲའི་དོན་ནི་རང་བཞིན་མེད་པ་ཁོ་ནའོ། །གལ་ཏེ་སྒྲའི་དོན་དངོས་བོའི་རང་བཞིན་ཉིད་ཀྱིས་ངོ་བོ་དང་བཅས་པ་ཡིན་ན་ཅི་སྐྱོན་སྙམ་ན། དེ་ལྟ་མིན་ན་ཞེས་བྱ་བའོ། །གལ་ཏེ་སྒྲའི་དོན་རང་བཞིན་མེད་པ་མ་ཡིན་གྱི། འོན་ཀྱང་དངོས་པོའི་རང་བཞིན་ཉིད་ཡིན་ན། དེའི་ཚེ་དོན་རྣམས་ཀ…

ནོ། །རྣམ་པར་དབྱེ་བ་མེད་པའི་ཕྱིར་ཞེས་བྱ་བ་ནི་ཐ་དད་པ་མེད་པའི་ཕྱོགས་ཀྱི་དབང་དུ་བྱས་པའི་ཕྱིར་རོ། །གལ་ཏེ་རྣམ་པར་དབྱེ་བ་མེད་ཀྱང་རྣམ་པར་དབྱེ་བར་ཅི་སྟེ་མི་དམིགས་ཞེན་དམིགས་པ་ཉིད་ཅེས་བྱ་བའོ། །འདིར་ནི་སྐབས་ཀྱིས་ཡང་དམིགས་པའི་སྒྲར་བརྗོད་དོ། །དེ་ཞེས་བྱ་བ་ནི་དམིགས་པ་རྣམ་པར་དབྱེ་བས་ནའོ། །གང་གི་ཕྱིར་དམིགས་པའི་རྣམ་པར…

ཡོད་དམ་ཞེ་ན། ལྡན་པ་ནི་ཞེས་བྱ་བའོ། །དེ་ལ་བསྡུ་བའི་རང་བཞིན་བརྗོད་པ་ནི། བསྡུ་བ་ནི་ཞེས་བྱ་བའོ། །ཅི་ལྟར་འདི་བསྡུ་བ་ཡིན་ཞེ་ན། ཆོས་ཞེས་བྱ་བའོ། །གང་གི་ཕྱིར་དེ་ལྟར་ལྡན་པ་རྣམ་པ་དུ་མ་ཡོད་པ་དེའི་ཕྱིར་སྐབས་འདིར་རོ། །གནོད་པའི་མཚན་ཉིད་ཅེས་བྱ་བ་ནི་གནོད་པར་བྱ་བས་དཔེན་པ་ཉིད་དོ། །སྔོན་པོ་གང་ལ་དེ་དང་འབྲེལ་པ་ཡོད་པ་ནི་ལྡ…

ཉིད་དེ་གཞན་ཡོད་པ་ལ་སོགས་པའི་རྟགས་ལས་སྐྱེས་པའི་རྗེས་སུ་དཔག་པས་ཅི་ལྟར་སྒྲུབ། དེས་ཀྱང་ཞེས་བྱ་བ་ནི་སྔར་གྱི་སྔོན་པོ་ངེས་པས་སོ། །གཞན་གྱིས་ནི་སྐད་ཅིག་ཉིད་དུ་རྗེས་སུ་དཔོག་པས་སོ། །གལ་ཏེ་སྔོན་གྱི་རྟོགས་བ་སྔོན་པོར་ངེས་པ་དེ་དམིགས་པ་དང་བཅས་པས་ཚད་མ་ཡིན་ནོ།། དེའི་ཚེ་སྔོན་པོ་ངེས་པའི་རང་བཞིན་ལ། ཅི་ལྟར་སྐད་ཅིག་ཉིད་གས…

དང་ཡོན་ཏན་ཞེས་བྱ་བ་ནི། ཨུཏྤལ་ཉིད་ཀྱི་རིགས་དང༌། སྔོན་པོའི་ཡོན་ཏན་ཨུཏྤལའི་སྔོན་བོའི་སྒྲ་དག་ལས་རྟོགས་པ་ཡིན་ནའོ། །དེ་ལྟར་ན་ཡང་གཞི་མཐུན་བ་མི་རྟོགས་སོ། །ཅི་ལྟར་ཞེ་ན། གཞི་བརྗོད་པའི་ཞེས་བྱ་བའོ། །སྔོན་པོ་དང་ཨུཏྤལའི་སྒྲ་དག་ནི་ཡོན་ཏན་དང་རིགས་རྗོད་པར་བྱེད་པ་ཡིན་ལ། གཞི་བརྗོད་པའི་སྒྲ་གསུམ་བ་ཡང་མེད་པས་སོ། །རྫས་ཉིད…

བརྗོད་པ་ནི། གང་དུ་ཞེས་བྱ་བའོ། །ཉེ་བར་གནས་པ་གང་དུ་དངོས་པོ་གནས་པ་དེར་ཅི་ལྟར་གཞན་ལྐོག་ཏུ་གྱུར་བ་ཉིད་དུ་རྟོགས། དབང་བོའི་བྱེད་བ་མེད་པའི་ཕྱིར་རོ་ཞེ་ན། དབང་བོ་ཞེས་བྱ་བའོ། །སྒྲ་ནི་དངོས་བོའི་རང་བཞིན་རྟོགས་པར་བྱེད་པར་ཁས་བླངས་པའི་ཕྱིར་རོ། །དོགས་པ་ནི་གསལ་བ་ཉིད་ཅེས་བྱ་བའོ། །གསལ་བ་ཉིད་མེད་པར་ཁས་བླངས་ནས་ཀྱང་ཉེས་པ་…

གཞན་ལས་བཟློག་པར་འཐད་ཅེ་ན། དེ་ལྟ་བུ་ཉིད་ཅེས་བྱ་བ་སྟེ་བཟློག་པར་གོས་པ་ཉིད་ནི། དེ་ལྟ་བུར་གྱུར་བ་མ་ཡིན་པར་ཏེ་བཟློག་པར་མི་ནུས་པའོ། །ཨུཏྤལའི་སྒྲས་ནི་ཨུཏྤལའི་མ་ཡིན་པ་ལས་ཟློག་པར་བྱེད་བ་ཡིན་ནོ་ཞེས་བྱ་བའི་དོན་ཏོ། །གང་ཕྱིར་ཞེས་བྱ་བ་ལ་སོགས་པའི་དོན་ནི་འདི་ཡིན་ཏེ། སྔོན་པོའི་སྒྲས་དངོས་པོའི་རང་བཞིན་རྟོགས་པའི་ཕྱིར། ཨ…

པའི་ཕྱིར་རོ། །འོན་ཀྱང་ཁྱད་པར་དེ་དག་ཉིད་ངེས་པར་མ་བརྟགས་པ་ནི་སྤྱི་ཡིན་ལ། ཁྱད་པར་ངེས་པར་མ་རྟོགས་པ་ཉིད་ཀྱང་སྤྱི་རྟོགས་པ་ཡིན་ནོ། །དེས་ནི་འདི་ཐེ་ཚོམ་གྱི་རང་བཞིན་ཡིན་པའི་ཕྱིར་ཅི་སྐད་བརྗོད་པའི་མཚན་ཉིད་ཅན་གྱི་སྤྱི་ལ་ཐེ་ཚོམ་ཟ་བ་ཁོ་ནའོ། །ཅི་ལྟར་ན་དེ་ལྟ་བུར་རྟོགས་པ་ཉིད་སྤྱི་རྟོགས་པ་ཡིན་ཞེ་ན། སྤྱི་ལ་ནི་ཞེས་བྱ་བའ…

པ་མིན་ནོ། །གཞན་ཡང་ཞེས་བྱ་བ་ནི་བ་ལང་ཉིད་ལ་གཞན་ཤིང་ཉིད་དུ་རྣམ་པར་རྟོག་པའོ། །རྣམ་པ་གཞན་གྱི་སྒོ་ནས་ཀྱང་སྤྱི་རྟོགས་པ་མི་རིགས་སོ་ཞེས་བརྗོད་པ་ནི། ཡང་ན་ཞེས་བྱ་བའོ། །སྐབས་ཉེ་བར་སྡུད་པ་ནི། དེས་ན་ཞེས་བྱ་བའོ། །ཁྱད་པར་གྱི་དབྱེ་བ་ཡོན་ཏན་དང༌། སྤྱི་ལ་སོགས་པ་རྣམས་སོ། །རྟགས་ཡིན་པ་དེས་ནའོ། །ཐེ་ཚོམ་མེད་པས་ཞེས་བྱ་བ་ནི་ང…

པའོ། །དེ་ལྟ་ཡིན་ན་ཞེས་བྱ་བའི་ལན་ལ་ནི་དོན་འདི་ཡིན་ཏེ། གལ་ཏེ་ཨུཏྤལ་ཉིད་དང་ལྡན་པ་ཁོ་ནར་རྟོགས་ཀྱི་དོན་བྱ་བ་བྱེད་པའི་ཨུཏྤལའི་གསལ་བ་མ་ཡིན་ན། དེའི་ཚེ་དེ་མ་གྲུབ་པས་ན་དེ་ལ་འཇུག་པར་མི་འགྱུར་རོ། །དེ་མེད་པས་དེ་ཐོབ་བར་ཡང་མི་འགྱུར་རོ། །ཁྱད་པར་ཁོན་དོན་བྱ་བ་བྱེད་པ་ཡིན་ནོ་ཞེ་ན། ཁྱད་པར་ཡན་འགར་བས་ནི་ཞེས་བྱ་བའོ། །ཚིག་ལ…

ཡིན་པས་སོ། །གཞན་གྱི་ནི་ཨུཏྤལའི་སྒྲས་གཞན་དུ་སྟེ་ཨུཏྤལ་ཉིད་དང་འབྲེལ་བར་བྱེད་པར་ཅི་ལྟར་འགྱུར། ལྷག་པ་བསྣན་བ་ཞེས་བྱ་བ་ནི། ཨུཏྤལ་ལྷག་པར་བསྣན་པ་ཙམ་ཞིག་ཨུཏྤལའི་སྒྲས་བྱེད་པ་ཡིན་གྱི། ཨུཏྤལའི་རང་བཞིན་དུ་ནི་མ་ཡིན་པའོ། །གཞན་ལས་ནི་ཨུཏྤལའི་སྒྲ་ལས་སོ། །འདི་སྐད་བརྗོད་པ་མ་ཡིན་ཏེ། ཨུཏྤལའི་སྒྲ་སྦྱར་བའི་སྔོན་རོལ་དུ་ནི་ཨ…

སྒྲོ་བཏགས་པའི་ཡུལ་གྱི་ཁྱད་པར་གཞན་གྱིས་བཟློག་པར་བྱ་བ་ནི་ཅིའང་ཡོད་པ་མ་ཡིན་ནོ། །དེའི་ཕྱིར་ཞེས་བྱ་བ་ནི་བཟློག་པར་བྱ་བ་མད་པའི་ཕྱིར་རོ། །དེས་ན་ཞེས་བྱ་བ་ནི་བདག་ཉིད་ཐམས་ཅད་ཀྱིས་བཟུང་བས་ནའོ། །ཚད་མ་གཞན་ནམ་སྒྲ་གཞན་གྱིས་ཁྱད་པར་གཞན་རྟོགས་པ་ནི་དོན་མེད་དོ། །གལ་ཏེ་ཞེས་བྱ་བ་ནི་གཞན་གྱི་ཕྱོགས་རྗེས་སུ་བརྗོད་པའོ། །དེའི་ཕ…

དེ་ལྟ་བུའི་ཆོས་ཅན་བསྟན་ནས། དགག་པ་དང་བསྒྲུབ་པའི་མཚན་ཉིད་ཀྱི་ཐ་སྙད་མེད་བའི་དོན་ཅན་ཅི་ལྟར་བསྟན་བ་དེ་ཁོ་ན་བཞིན་དུ་ཐ་སྙད་དེ་བསྟན་པ་དོན་ཐ་དད་པ་ལ་བརྟེན་པ་སྟེ། གཞན་སེལ་བ་ལ་མི་བདེན་བའི་དོན་ཅན་དུ་མ་བརྟགས་པར་ཁས་ལེན་པའི་ཐ་སྙད་བྱེད་པ་པོ་ནི་འཇིག་རྟེན་པའི་དོན་ལ་གནོད་པར་མི་འགྱུར་རོ། །ཅི་འདྲ་བ་ལ་ཞེ་ན། ཐོག་མེད་ཅེས་བྱ…

འདི་ཁོ་ན་ལ་བཞིན་དུ་ཞེས་བྱ་བ་ནི། སྒྲ་མི་རྟག་པ་ཉིད་དུ་ཁོ་བོས་སྔར་རྟོགས་ཏེ་རྟག་པར་ནི་མ་ཡིན་ནོ་ཞེས་བྱ་བ་དེ་ལྟ་བུར་རོ། །དེ་བཞིན་ཉིད་དུ་ཞེས་བྱ་བ་ནི་མི་རྟག་པ་ཉིད་འཛིན་པ་ཉིད་དུ་དུས་ཕྱིས་བྱུང་བའི་སྐད་ཅིག་མ་ཉིད་ཀྱི་རྗེས་སུ་དཔག་བས་ཐ་སྙད་ཀྱི་ཡུལ་ཉིད་དུ་འགྲུབ་བ་ཡིན་ནོ། །གང་ཞིག་ཅེ་ན། དེ་ཉིད་ཅེས་བྱ་བ་སྟེ་སྔར་གྱི་ད…

འོན་ཀྱང་དེས་ནི་མངོན་སུམ་ཁོ་ན་རྟོགས་པ་ཡིན་ནོ། །དེ་ཉིད་ཀྱི་ཕྱིར་རྣམ་པར་རྟོག་པ་མེད་པ་ཡིན་ནོ། །དངོས་པོའི་རྣམ་པར་རྟོག་པས་ཞེས་བྱ་བ་ནི་རྩོད་པ་སྨྲ་བའི་བསམ་པའི་དབང་གིས་བརྗོད་པ་ཡིན་ནོ། །འོ་ན་ཡིད་ཀྱི་མངོན་སུམ་གྱི་རང་བཞིན་ཅི་འདྲ་བ་ཞིག་ཡིན་ཞེ་ན། དེ་འདི་ཞེས་བྱ་བའོ། །དེས་ཞེས་བྱ་བ་ནི་ཡིད་ཀྱི་མངོན་སུམ་དུ་མངོན་པར་འདོ…

ནི་མིག་ལ་སོགས་པའི་ཤེས་པའི་འབྲས་བུ་ཅན་མ་ཡིན་པ་སྟེ། འདིས་ནི་འགྲིབ་པའི་རྣམ་པ་བརྗོད་དོ། །གཅིག་ཅེས་བྱ་བ་འདིས་ནི་གཞི་མཐུན་པའི་རྒྱུ་མཚན་ཐ་དད་པ་མེད་པ་ཉིད་བརྗོད་པའོ། །དེ་ཞེས་བྱ་བ་དེའི་འབྲས་བུ་ཅན་མ་ཡིན་པ་དག་ལས་དེའི་འབྲས་བུ་ཅན་ཉིད་ཀྱིས་ཐ་དད་པ་དང༌། དེ་ལས་ཞེས་བྱ་བ་དེའི་འབྲས་བུ་ཅན་དག་ལ་དེའི་འབྲས་བུ་ཅན་མ་ཡིན་པ་ཉིད…

རྣམ་པར་དཔྱད་པ་གང་དུ་དགོས་པ་སོམས་ཤིག །ཐ་དད་པའི་ཆོས་ཀྱིས་དོན་བྱ་བ་འགྲུབ་པ་མ་ཡིན་ནོ་ཞེས་བརྗོད་པ་ནི། བུར་མ་ཞེས་བྱ་བ་སྟེ། བུར་མ་ལ་ཐ་དད་པའི་མངར་བས་ནི་མངར་བའི་དོན་བྱེད་པ་ཡིན་པར་ནི་འཐད་པ་མ་ཡིན་ནོ། །བུ་རམ་གྱི་རང་བཞིན་དུ་གྱུར་པའི་མངར་བ་ཁོ་ནས་དོན་བྱ་བ་བྱེད་པར་མཐོང་བའི་ཕྱིར་རོ། །དེས་ན་ཐ་དད་པ་ཚོལ་བ་ནི་དོན་མེད་དོ…

བུམ་པ་ལ་སོགས་པ་ལ་ཡང་ཐེ་ཚོམ་ཟ་བར་འགྱུར་གྱི། མེད་པ་ནི་མ་ཡིན་ནོ། །འོན་ཏེ་བུམ་པ་ལ་ནི་མེད་པ་ཡིན་ཏེ། སངས་རྒྱས་པས་ཁས་བླངས་པའི་ཕྱིར་རོ་ཞེ་ན། ཁས་བླངས་ཞེས་བྱ་བའོ། །འཆད་པ་ནི་གསོན་པོའི་ཞེས་བྱ་བའོ། །འོན་ཏེ་ཡོད་དང་མེད་པ་ཉིད་དུ་ངེས་སོ་ཞེ་ན། ཐེ་ཚོམ་མི་ཟ་བ་ནི་ཞེས་བྱ་བའོ། །གཞན་གྱི་ཞེས་བྱ་བ་ནི། འདོད་པ་ལ་སོགས་པ་འདི་དག་…