མདངས་འོད་དུ་འབར་བར་བསྒོམ་ཞིང་༔ ཁྱད་པར་ཚེ་གཏོར་འདི་ཉིད་གུ་རུ་པདྨ་འོད་འབར་དུ་གསལ་བའི་ཐུགས་ཀའི་ཧྲཱིཿལ་ཚེ་ཡི་སྔགས་གཡས་སུ་འཁོར་བ་ལས་འོད་ཟེར་དཀར་སེར་དམར་ལྗང་དཔག་ཏུ་མེད་པ་ནམ་མཁའ་གང་བར་འཕྲོས་པས་ས་ཡི་བཅུད་ཐམས་ཅད་སེར་པོ་གསེར་ལྟ་བུ༔ ཆུ་ཡི་བཅུད་ཐམས་ཅད་དཀར་པོ་ཤེལ་ལྟ་བུ༔ མེ་ཡི་བཅུད་ཐམས་ཅད་དམར་པོ་པདྨ་རཱ་ག་ལྟ་བུ༔ ར…

ཕྱིར་ཐོན་ཤ་དང་ཁྲག་དང་དྲོད་དང་དབུགས་སེམས་ཀྱི་ཚེ་ཉམས་པ་ཐམས་ཅད་སོར་ཆུད་དེ༔ ས་ཡི་ཡོན་ཏན་རྫོགས་པས་ལུས་སྲ་ཞིང་བརྟན་པ་རྡོ་རྗེ་ཕ་ལམ་ལྟ་བུ༔ ཆུ་ཡི་ཡོན་ཏན་རྫོགས་པས་ལུས་སྣུམ་ཞིང་བག་དྲོ་བ་མར་གསར་བ་ཉི་མས་དྲོས་པ་ལྟ་བུ༔ མེ་ཡི་ཡོན་ཏན་རྫོགས་པས་ལུས་གསལ་ཞིང་བཀྲག་མདངས་ལྡན་པ་སྤྲིན་མེད་པའི་ཉི་མ་ལྟ་བུ༔ རླུང་གི་ཡོན་ཏན་རྫོགས…

བདུད་ལག་ནས་ལྕགས་སྒྲོག་ཁུག༔ བྱང་ཕྱོགས་གནོད་སྦྱིན་ལག་ནས་དྲིལ་བུས་ཁུག༔ སྟེང་ཕྱོགས་ཚངས་པ་བརྒྱ་བྱིན་ལག་ནས་ཁུག༔ འོག་ཕྱོགས་དགའ་བོ་འཇོག་པོའི་ལག་ནས་ཁུག༔ ཚེ་སྲོག་ཆད་པ་མཐུད་ལ་ཡར་བ་ཁུག༔ གས་པ་སྦྱོར་ལ་ཉམས་པ་ཐམས་ཅད་གསོས༔ འོད་ཟེར་དཀར་ལ་འཚེར་ཞིང་སྣུམ་ལ་འདྲིལ༔ སྤྱི་བོའི་གཙུག་ནས་ལུས་ལ་སིབ་སིབ་ཐིམ༔ འོད་འབར་འཆི་མེད་ཚེ་ཡ…

སྤྱི་བོར་བཞག་ལ་མདུན་བསྐྱེད་ཀྱི་གནས་ལྔ་ནས་འོད་ཟེར་དཀར་དམར་མཐིང་གསུམ་གོང་ལྟར་གྱི་དམིགས་པ་སྦྱར་ལ་ཚིགས་བཅད་འདི་སྐད་བརྗོད༔ ཧྲཱི༔ བུམ་པའི་ངོ་བོ་པདྨ་འོད་འབར་བཞུགས༔ འོད་ཟེར་དཔག་ཡས་ནམ་མཁའ་གང་བར་འཕྲོས༔ རྒྱལ་བ་རབ་འབྱམས་རིགས་གསུམ་མགོན་པོ་དང་༔ ས་ཆུ་མེ་རླུང་བཅུད་རྣམས་རང་མདོག་གསལ༔ ཤ་ཁྲག་དྲོད་དབུགས་ཉམས་པ་སོར་ཆུད་ནས…

ཤའི་རིལ་བུ་ཟོས་པས་འཇའ་ལུས་རྡོ་རྗེའི་སྐུ་ཐོབ་པ་ལྟར༔ རིལ་བུ་ཨོ་རྒྱན་ཚེ་དཔག་མེད་སྐུ་ཆུང་ལ་ཡན་ལག་དོད་པ་ཁ་ཤར་གྱི་སྒོ་ནས་བྱོན་སྙིང་པདྨ་འདབ་བརྒྱད་ཀྱི་སྟེང་དུ་རྟག་ཏུ་བཞུགས་པར་བསྒོམ༔ ཧཱུྃ༔ སྔོན་བྱོན་དུས་གསུམ་སངས་རྒྱས་ཐམས་ཅད་ཀྱིས༔ སྒྲུབ་རྫས་རིལ་བུ་འདི་ལ་བརྟེན་ནས་མཛད༔ གུ་རུའི་བྱིན་རླབས་རིལ་བུར་འདུ་འབྲལ་མེད༔ སྐ…

སྦྱིན༔ ཕྱི་ནང་བྱང་སེམས་ཁམས་རྣམས་འཕེལ་ཞིང་རྒྱས༔ བདེ་དྲོད་རང་འབར་ཚེ་ཡི་དབང་ཐོབ་ཤོག༔ སྲུང་བའི་གོ་བསྒོ་བ་ནི༔ མདུན་བསྐྱེད་པདྨ་འོད་འབར་གྱི་སྐུ་ལས་སྣ་ཚོགས་རྡོ་རྗེའི་ཕྲེང་བའི་ཆར་བབས་པས་ཁྱེད་རང་གི་ལུས་ལ་རྡོ་རྗེའི་གོ་ཁྲབ་ཞུ་ལུབས་སུ་གྱོན་ནས་འོད་ཟེར་ཆི་ལི་ལི་སྒོམ༔ ཚེ་ནས་རང་གི་ལག་ཏུ་ཐོགས་ལ༔ ཨོཾ་བཛྲ་རཀྵ་རཀ་ཧཱུྃ༔ …

རྒྱས་རབས་བདུན་རྒྱ༔ ཕྱག་རྒྱ་བདུན་གྱིས་རྒྱས་གདབ་བོ༔ ཨེ་མ་ཧོ༔ ཤེས་བྱའི་དོན་ལ་མ་རྨོངས་པའི༔ བླ་མ་དམ་པའི་བཀྲ་ཤིས་ཤོག༔ གང་ལ་བསམ་པ་དེ་ཡིས་འགྲུབ༔ ཡི་དམ་ལྷ་ཡི་བཀྲ་ཤིས་ཤོག༔ སྐུ་གསུང་ཐུགས་ཀྱི་བྷ་ག་ལ༔ ཕྱག་རྒྱ་ཆེན་པོའི་བཀྲ་ཤིས་ཤོག༔ བཀྲ་ཤིས་བརྗོད༔ ཚོགས་ཆད་མདོ་སོགས་བྱས་ནས་དཀྱིལ་འཁོར་བསྡུ༔ ཆོ་ག་སོགས་གཞུང་ནས་གསལ་ལྟར་…

བཀའ་རྫོགས་པ་ཆེན་པོར་ཡང་ཟབ་དཀོན་མཆོག་སྤྱི་འདུལ་ལས་དབང་དྲག་འབར་བའི་བྱུང་ཟློག་བཞུགས་སོ།།

གུ་རུ་བཛྲ་ག་རུ་ཊ་སིདྡྷི་ཧཱུྃ༔ དབང་དྲག་འབར་བའི་བྱུང་ཟློག་ནི༔ དམར་གཏོར་ཤ་ཁྲག་གིས་བརྒྱན་པ༔ དཔལ་བཤོས་རྣོ་ཞིང་དབལ་དང་ལྡན་པ་ལྔ་བཤམས༔ དགུག་གཞུག་སྤྱི་ལྟར་བྱ༔ སྨན་དང་བདུད་རྩི་རཀྟས་བྲན་ལ་འདི་སྐད་དོ༔ ཧཱུྃ༔ དྲག་པོ་པདྨ་ཐོད་ཕྲེང་སྤྱི་གཙུག་ནས༔ ཕྲིན་ལས་ལྷུན་གྲུབ་མཐའ་ཡས་རབ་ཁྲོས་པའི༔ སྤྱི་བོའི་གཙུག་ནས་ལྷ་འདྲེ་གཉན་པོ་…

ན་བཞུགས༔ མི་འགྱུར་འབར་བ་རྡོ་རྗེའི་བ་སྤུ་ལ༔ སྤྲུལ་པ་ཡང་སྤྲུལ་བྱ་ཁྱུང་མང་པོ་འགྱེད༔ རལ་གྲི་འབར་བའི་གཤོག་པ་གཡས་གཡོན་ལ༔ ཡེ་ཤེས་དབལ་གྱི་མེ་དགྲ་འབྲུག་སྟོང་ལྡིར༔ མཐའ་ཡས་ཁྲོས་པའི་ཁྱུང་ལ་ཕྱག་འཚལ་ལོ༔ ཁྱུང་ཆེན་རྭ་ཅོ་ལྡིང་བ་ཡིས་འབྱུང་བ་ཀུན་འཁྲུག་ལྟས་ངན་ཟློག༔ རིགས་ལྔའི་སངས་རྒྱས་དབུ་ལ་བརྒྱན༔ ཉོན་མོངས་ལས་ཀྱི་ལྟས་ངན…

ངན་ཟློག༔ གཡོན་གྱི་གཤོག་ཟུར་བཅུ་པོ་ལ༔ ཟ་བྱེད་ཁྲོ་མོ་བཅུ་རུ་ཤར༔ སྒྲོལ་བྱེད་ཡུམ་གྱི་ལྟས་ངན་ཟློག༔ ཁྱུང་གི་འཇུག་སྒྲོ་སྤྲུལ་པ་ཡིས༔ སྲིད་པའི་མ་མོའི་ལྟས་ངན་ཟློག༔ ཁྱུང་གི་སྡེར་མོ་བསྒྲད་པ་ཡིས༔ སྔགས་པའི་ཕུར་ཁའི་ལྟས་ངན་ཟློག༔ ཁྱུང་གི་ཟེར་སྒྲ་སྒྲོག་པ་ཡིས༔ རྦོད་གཏོང་ངན་པའི་ལྟས་ངན་ཟློག༔ ཁྱུང་གི་རྐན་སྒྲ་བརྡབ་པ་ཡིས༔ …

ལ༔ འགལ་རྐྱེན་བར་ཆད་ཞི་བ་དང་༔ མཐུན་རྐྱེན་བསམ་པ་མྱུར་དུ་སྒྲུབས༔ རྣལ་འབྱོར་བདག་ཅག་འཁོར་བཅས་ཀྱི༔ ཀླུ་གདོན་ཐམས་ཅད་བཟློག་ཏུ་གསོལ༔ སྨྱོ་ནད་ཐམས་ཅད་བསྒྱུར་དུ་གསོལ༔ རིམས་ནད་ཐམས་ཅད་བསལ་དུ་གསོལ༔ མི་མཐུན་གནོད་པའི་རྐྱེན་ངན་རྣམས༔ སྣང་བ་དགྲ་བོའི་ཡུལ་ལ་བྷྱོ༔ གནོད་པར་བྱེད་པའི་བགེགས་ལ་བྷྱོ༔ ཟ་བར་བྱེད་པའི་འདྲེ་ལ་བྷྱོ༔ …

གུ་རུ་དྲག་པོ་མེ་རླུང་འཁྱིལ་བའི་ལས་བྱང་གི་དམིགས་རིམ་རིག་སྔགས་འཆང་བའི་རྣལ་འབྱོར་པ་ཨ་རཱ་གས་སྦྱར་བ་བཞུགས་སོ།།

ན་མོ་གུ་རུ་པདྨ་ཀྲོ་ཏ་ཡེ། ལས་བྱང་རྒྱུན་ཁྱེར་དུ་བྱ་ཞིང་རྒྱུན་བསྙེན་བྱ་བའམ། མཚམས་བྱེད་ན་ཐུན་བཞི་ལ། ལས་བྱང་བཏང་ནས་བསྙེན་ཡང་རུང་སྟེ། ལས་བྱང་གི་མངོན་རྟོགས་ལ་གོ་ཆའི་ལྷ་རྒྱས་བསྡུས་གང་རུང་སྦྱར་བ་ཁོ་ནས་ཆོག །ཁྲོ་རྒྱལ་སྟོབས་འདུས་སོགས་ཁ་སབ་མི་དགོས་ཏེ། མངོན་རྟོགས་ཚར་གཅིག་གིས་བདག་བསྐྱེད་དཀྱིལ་འཁོར་ཆ་ཚང་། མདུན་གྱི་…

ཧད་པོར་བསྒོམས་ལ། བདག་མདུན་དཀྱིལ་འཁོར་གྱི་སོ་སོའི་ལྡིང་ཁང་ནས་བདག་མདུན་གྱི་གཙོ་བོའི་ཞལ་ཐད་ཀར་ཡོད་པར་བསྒོམ་མོ། །སྤྱན་འདྲེན་དུས་ཡེ་ཤེས་པོ་ཁ་བ་བུ་ཡུག་ལྟ་བུར་བདག་མདུན་སོ་སོ་ལ་བསྟིམ་ཞིང་། བདག་གི་ཐུགས་ཀ་ནས་མཆོད་པའི་ལྷ་མོ་གྲངས་མེད་པ་སྤྲོས་ནས་བདག་མདུན་སོ་སོ་ལ་མཆོད་པ་འབུལ། བསྟོད་དབྱངས་རོལ་མོ་དང་བཅས་པས་བསྟོད་པ་…

སེར་ལྟེམ་མེར་བསྒོམ། ཚེ་དཔག་མེད་ཀྱི་ཐུགས་ཀར་ཟླ་བའི་སྟེང་དུ་ཧྲཱིཿ དེ་ལ་སྔགས་ཀྱིས་བསྐོར་བ་ལས་འོད་ཟེར་འཕྲོས་པས། རང་གི་བླ་ཚེ་འཁྱམས་པ་དང་ལྷ་འདྲེས་ཁྱེར་བ་དང་འབྱུང་བ་ལྔའི་བཅུད་དང་སྣང་སྲིད་ལྷ་ཀླུ་མིའི་ཚེ་བསོད་ནམས་སངས་རྒྱས་བྱང་སེམས་ཀྱི་ཚེའི་དངོས་གྲུབ་ཐམས་ཅད་འོད་ཟེར་གྱིས་བསྡུས་ཕྱག་གི་བུམ་པར་ཞུགས་ནས། འཆི་མེད་བད…

སྒྲ་བསྒྲགས་པ་ཙམ་གྱིས་རྒྱ་བོད་ཀྱི་རིག་འཛིན་གྲུབ་ཐོབ་དཔའ་བོ་མཁའ་འགྲོ་ཐམས་ཅད་ཤོག་སྐྱ་རླུང་གིས་བསྐྱོད་པ་ལྟར་རང་དབང་མེད་པར་བྱོན་ཏེ་པདྨ་འབྱུང་གནས་ལ་བསྟིམ་ཞིང་བདག་ལ་དབང་བསྐུར་བྱིན་གྱིས་བརླབས་པའི་དགོངས་པ་གཏད། འོད་ཟེར་ཁ་དོག་སྣ་ལྔ་བྱུང་བ་བདག་གི་ལུས་ངག་ཡིད་གསུམ་ལ་ཐིམ་པས། ཕུང་པོ་ལྔ་གནས་འགྱུར་དུག་ལྔ་རྣམ་པར་དག་ཡེ…

ཕཊ༔ ཨ་ཧཱུྃ་ཧཱུྃ་ཕཊ༔ འབྲུ་ཉི་ཤུ་པ་ཡིག་ངོ་ཕྱིར་བསྟན་པ་གཡས་སུ་འཁོར། ཧཱུྃ་གཡོ་འགུལ་མེད་པའོ། །སྔགས་ཕྲེང་འཁོར་བཞིན་པ་ལས་འོད་ཟེར་འཕྲོས་པས། རྔ་ཡབ་གླིང་དུ་ཨོ་རྒྱན་རིན་པོ་ཆེའི་ཐུགས་ཀར་ཕོག །སྐད་ཅིག་གིས་གུ་རུ་དྲག་པོའི་སྐུར་གྱུར་བ་ལས། དེའི་སྐུ་ལས་གུ་རུ་དྲག་པོའི་སྐུ་ཆེ་ཆུང་སྣ་ཚོགས་པ། གསུང་སྔགས་ཕྲེང་བྱི་རུའི་ཕྲེང་…

ར་ར་འཁོར་བའོ། །དེ་དག་བདག་མདུན་བར་དུ་འཁོར་ཚེ་མེའི་ཚྭ་ཚྭ་འཕྲོས་པས་གནོད་བྱེད་ཐམས་ཅད་བསྲེགས་པར་བསྒོམས་ལ། སྔགས་ཨ་ཙིག་ཉི་ཤུ་པ་ཁོ་ན་གོང་ལྟར་བཟླའོ། །དེ་ལ་ཚན་ཆེར་བཟླའོ། །དེ་ནས་རང་དྲག་པོའི་དཔྲལ་བའི་འཇམ་དཔལ་གྱི་དཔྲལ་བའི་ནང་དུ་ཨོཾ་དཀར་པོ་ལ་སྔགས་གཡས་སུ་འཁོར་བ་ལས་འོད་ཟེར་དཀར་སེར་ཕྱོགས་བཅུར་འཕྲོས་པས་སངས་རྒྱས་ཐམས་ཅ…