མཆོག་ཅི་འདོད་པ་གསོལ་ཅིག་དང་སྦྱིན་ནོ། །ལྷ་གལ་ཏེ་ཐུགས་དང་འཐད་པར་གྱུར་ན་ལྷའི་ཡུལ་དུ་སུས་ཀྱང་མི་གཙེ་བར་མཆིས་པར་གསོལ། རྒྱལ་པོས་བློན་པོ་རྣམས་ལ་བསྒོ་བ་ཤེས་ལྡན་དག་དེང་ཕྱིན་ཆད་ཁྱེད་ཀྱིས་གཞོན་ནུ་རྣམས་ལ་བསྒོ་བར་བྱའི། གང་པོ་ལ་ནི་མ་ཡིན་ནོ། །ཇི་ཙམ་ན་ཚོང་པ་ལྔ་བརྒྱ་ཙམ་པ་རྒྱ་མཚོ་ཆེན་པོའི་གྲུ་བོ་ཆེ་གྲུབ་ནས་གྲོང་ཁྱེར་…

ལ་འདི་འདྲ་བས་ནི་མཛོད་དང་བང་པ་གང་བར་འདུག་གོ །དེ་རྣམས་ཀྱིས་སྨྲས་པ། གང་ཡང་རུང་མ་གང་ཡང་རུང་སྟེ། འོན་ཀྱང་འདི་བཙོངས་ཟིན་ཏོ། །སུ་ཞིག་ལ། གང་པོ་ལའོ། །གང་པོ་ལ་བཙོངས་ན་ཆེན་མོ་ཞིག་ཁུགས་མོད། དེ་རྣམས་ཀྱིས་སྨྲས་པ། དེས་ཐག་བཅད་པར་བྱིན་པ་གང་ཡིན་པ་དེ་ཁྱོད་ཀྱིས་རིན་དུ་ཡང་མི་བྱིན་ནོ། །དེས་ཐག་བཅད་པར་ཅི་བྱིན་གསེར་སུམ་འབུམ…

གསོལ། རྒྱལ་པོས་སྨྲས་པ། ཤེས་ལྡན་དག་གང་པོའི་ཤགས་བཟང་ངོ་། །དེ་རྣམས་སྐྱེངས་ནས་དེ་བཏང་ངོ་། །ཇི་ཙམ་དུས་གཞན་ཞིག་ན་རྒྱལ་པོ་ལ་རྫས་ཤིག་གི་དགོས་པ་བྱུང་ནས་དེས་ཚོང་པའི་ཚོགས་བཀུག་སྟེ་བསྒོ་བ། ཤེས་ལྡན་དག་ང་ལ་རྫས་ཆེ་གེ་མོ་ཞེས་བྱ་བ་ཞིག་དགོས་ཀྱིས་དེ་ང་ལ་ཕུལ་ཅིག །དེ་རྣམས་ཀྱིས་སྨྲས་པ། ལྷ་གང་པོ་ལ་མཆིས་སོ། །དེས་སྨྲས་པ། ང་…

ཤིག །ཚོང་པ་ལྔ་བརྒྱ་ཙམ་གྱིས་རྒྱ་མཚོ་ཆེན་པོར་འདོང་པའི་ཟོང་སྟ་གོན་བྱས་སོ། །དེ་ནས་དེད་དཔོན་གང་པོ་དགེ་མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་དག་བྱས་ཏེ་འཁོར་ཚོང་པ་ལང་བརྒྱ་དང་རྒྱ་མཚོ་ཆེན་པོར་ཞུགས་པ་ལས། གྲུ་བོ་ཆེ་གྲུབ་ནས། གྲོང་ཁྱེར་སློ་མ་ལྟ་བུར་འཁོར་ཏོ། །དེ་ལྟ་བུར་ལན་དྲུག་གི་བར་དུ་རྒྱ་མཚོ་ཆེན་པོར་ཞུགས་པ་…

པ། ཤེས་ལྡན་དག་སངས་རྒྱས་ཞེས་བྱ་བ་དེ་སུ་ཞིག་ཡིན། དེ་རྣམས་ཀྱིས་སྨྲས་པ། ཤཱཀྱའི་སྲས་དགེ་སློང་གཽ་ཏ་མ་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་ཡང་དག་པ་ཁོ་ནར་དང་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། དེད་དཔོན་དེ…

སྐྱེད་མོས་ཚལ་ན་སྡོད་དོ་ཞེས་སྤྲིང་བ་དང་། མགོན་མེད་ཟས་སྦྱིན་གྱིས་བསམས་པ། གདོན་མི་ཟ་བར་ཆུའི་བཞོན་པས་དུབ་ནས། ད་ནི་ཐང་གི་བཞོན་པས་འོངས་སོ་སྙམ་མོ། །དེ་ནས་དྲིས་པ། ཀྱེ་ནང་རྗེ་ཟོང་ཇི་སྙེད་ཅིག་ཁྱེར་ཏེ་འོངས། དེ་ལ་ཟོང་ག་ལ་ཡོད། རིམ་གྲོ་པ། །དང་གཉིས་པུ་སྟེ་དེ་དང་བདག་ཏུ་བས་སོ། །མགོན་མེད་ཟས་སྦྱིན་གྱིས་བསམས་པ། གང་བདག་…

བུའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཞབས་གཉིས་ལ་ཕྱག་བྱས་ཏེ། དེད་དཔོན་གང་པོ་དང་ལྷན་ཅིག་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེད་དཔོན་གང་པོ་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བས…

སྤུ་བྲེགས་ནས་གོས་ངུར་སྨྲིག་བགོས་ཏེ་ཡང་དག་པའི་དད་པས་ཁྱིམ་ནས་ཁྱིམ་མ་མཆིས་པར་རབ་ཏུ་བྱུང་བར་བགྱིད་པ་ཚངས་པར་སྤྱོད་པའི་མཐའ་བླ་ན་མ་མཆིས་པ་དེ་མཐོང་བའི་ཆོས་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས་བདག་གི་སྐྱེ་བ་ནི་ཟད་དོ། །ཚངས་པར་སྤྱོད་པ་ནི་སྤྱད་དོ། །བྱ་བ་ནི་བྱས་སོ། །སྲིད་པ་འདི་ལས་གཞན་མི་…

པར་ཤེས་པར་བྱ་བའི་ཆོས་སྡུག་པ་དང་། ཆགས་པ་དང་། དགའ་བ་དང་། ཡིད་དུ་འོང་བ་དང་། འདོད་པ་དང་། ལྡན་པ་དང་ཀུན་དུ་ཆགས་པར་འགྱུར་བ་རྣམས་ཡོད་ལ། དེ་དག་གལ་ཏེ་དགེ་སློང་གིས་ཤེས་ནས་ཞེས་བྱ་བ་ནས། མྱ་ངན་ལས་འདས་པ་ལས་རིང་དུ་གྱུར་པ་ཞེས་བྱའོ་ཞེས་བྱ་བའི་བར་སྔ་མ་བཞིན་ནོ། །གང་པོ་མིག་གིས་རྣམ་པར་ཤེས་པ་བྱ་བའི་གཟུགས་སྡུག་པ་དང་། ཆགས་པ…

གནས་པའི་ཡུལ་གྱི་མཐའི་མི་རྣམས་ནི་གཏུམ་པ། གཟུ་ལུམས་ཅན། རྩུབ་པ། གཤེ་བ། སྤྲོ་ཐུང་བ། འཕྱ་བ་ཡིན་ཏེ། གང་པོ་གལ་ཏེ་ཁྱོད་ལ་གྲོ་བཞིན་སྐྱེས་གནས་པའི་མཐའི་མི་རྣམས་མངོན་སུམ་དུ། སྡིག་པ་ཚོགས་པར་མི་དབྱུང་བའི་ཚིག་རྩུབ་པོས་གཤེ་བར་བྱེད། ཞེར་འདེབས་པར་བྱེད། འཕྱ་བར་བྱེད་ན། དེ་ལ་ཁྱོད་ཇི་སྙམ་བྱེད། བཙུན་པ་གལ་ཏེ་གྲོ་བཞིན་སྐྱེས…

ཁྱོད་ཐམས་ཅད་ཀྱིས་ཐམས་ཅད་དུ་སྲོག་དང་འབྲལ་བར་བྱེད་ན་དེ་ལ་ཁྱོད་ཇི་སྙམ་བྱེད། བཙུན་པ་གལ་ཏེ་བདག་ལ་གྲོ་བཞིན་སྐྱེས་གནས་པའི་མཐའི་མི་རྣམས་ཀྱིས་ཐམས་ཅད་ཀྱིས་ཐམས་ཅད་དུ་སྲོག་དང་འབྲལ་བར་བགྱིད་ན། དེ་ལ་བདག་ཉིད་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཉན་ཐོས་ལུས་རྣག་ཅན་འདིས། སྐྱེ་བ་དང་། ངོ་ཚ་བ་དང་། རྣམ་པར་སྨོད་པ་གང་དག་མ…

པའི་ཡུལ་གྱི་མཐའ་གང་ན་བ་དེར་ཆས་ཏེ། རིམ་གྱིས་རྒྱུ་ཞིང་སོང་བ་ན་གྲོ་བཞིན་སྐྱེས་11B གནས་པའི་ཡུལ་གྱི་མཐར་ཕྱིན་ཏོ། །དེ་ནས་ཚེ་དང་ལྡན་པ་གང་པོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། གྲོ་བཞིན་སྐྱེས་གནས་པའི་མཐར་བསོད་སྙོམས་ལ་ཞུགས་པ་རྔོན་པ་ཞིག་མདའ་གཞུ་ལག་ན་ཐོགས་ཏེ་རི་དགས་གཤོར་དུ་འགྲོ་བ་དེས་མཐོང་ནས་དེས་བ…

པ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། མངོན་སུམ་དུ་སྨྲ་བར་བྱ་བར་གྱུར་ཏོ་ཞེས་བྱ་བའི་བར་དུའོ། །ཇི་ཙམ་དུས་གཞན་ཞིག་ན་ཤིང་གི་རྣ་ཆ་ཅན་གྱི་ནུ་བོ་གཉིས་ལོངས་སྤྱོད་སྲབས་ཤིང་ཡོངས་སུ་ཟད་པས་གཏུགས་པར་གྱུར་ནས་དེ་གཉིས་ཀྱིས་སྨྲས་པ། བྱུར་ལྟ་བུ་དེ་བདག་ཅག་གི་ཁྱིམ་ནས་སོང་གིས་ཚུར་ཤོག་12A ལྷན་ཅིག་གནས་པར་བྱའོ། །དེ…

ཙན་དན་ས་མཆོག་གི་ཚལ་སྟ་རེ་ལྔ་བརྒྱ་ཙམ་གྱིས་འགུམས་ན་ཁྱོད་ཀྱི་ཕྲིན་ལས་སམ་བགྱི་བ་གང་ལགས་བ་དེ་མཛོད་ཅིག །དེ་ནས་གནོད་སྦྱིན་དབང་ཕྱུག་ཆེན་པོ་གནོད་སྦྱིན་རྣམས་ཀྱི་གནོད་སྦྱིན་གྱི་འདུན་མ་བྱས་ནས་མི་བཟོད་པ་སྐྱེས་ཏེ། རླུང་ནག་པོ་ཆེན་པོ་འཇིགས་སུ་རུང་བ་བསླངས་ནས་ཙན་དན་ས་མཆོག་གི་ཚལ་གང་ན་བ་དེར་ཆས་སོ། །ས་མཁན་གྱིས་སྨྲས་པ། ཤ…

འཕགས་པ་གང་པོ་དེ་ལ་ཕྱག་འཚལ་ལོ། །ཕྱག་འཚལ་ལོ་ཞེས་སྨྲས་སོ། །དེ་ནས་ཚེ་དང་ལྡན་པ་གང་པ་ལ་མངོན་པར་དགའ་བའི་ལྷ་གང་ཡིན་པ་དེ་དག་ཚེ་དང་ལྡན་པ་གང་པོ་གང་ན་བདེར་སོང་སྟེ་ཕྱིན་ནས་ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །འཕགས་པ་ཁྱོད་ཀྱིས་གཅན་ནི་སྡུག་བསྔལ་མི་བཟད་པ་ཉམ་ང་བར་གྱུར་གྱིས་དགོངས་སུ་གསོལ། དེས་བསམས་ཏེ། དེ་ནས་སེམས…

དེ་ཙན་དན་ས་མཆོག་གིས་བཀང་སྟེ་ཆས་པ་དང་རིམ་གྱིས་གྲོང་ཁྱེར་སློ་མ་ལྟ་བུར་ཕྱིན་ཏོ། །དེ་ནས་གང་པོས་ཕུ་བོ་ལ་སྨྲས་པ། གང་གི་མིང་གིས་གྲུ་བོ་ཆེ་གྲུབ་སྟེ་འོངས་པ་དེ་ནི་དེ་དབང་པས་ཁྱོད་ཀྱིས་རིན་པོ་ཆེ་ནི་ཚོང་པ་འདི་རྣམས་ལ་གོས་ཤིག །བདག་གིས་ནི་ཙན་དན་ས་མཆོག་འདི་རྣམས་ཀྱིས་བཅོམ་ལྡན་འདས་ཀྱི་ཕྱིར་ཙན་དན་གྱི་ཕྲེང་བའི་ཁང་བཟངས་བ…

བ་འདེབས་པ་ལ་ཞུགས་པ། ཚུལ་ཁྲིམས་རྣམ་དག་ཤིན་ཏུ་རྣམ་དག་བློ། །ཞལ་ཟས་དུས་སུ་རྟག་ཏུ་དོན་གཟིགས་པ། །མགོན་མེད་གྱུར་པ་རབ་ཏུ་གཟིགས་ནས་ནི། །ཤིན་ཏུ་ཐུགས་བརྩེར་མཛད་དེ་གཤེགས་པར་གསོལ། །དེ་ནས་མེ་ཏོག་དེ་རྣམས་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་ལྷ་རྣམས་ཀྱི་ལྷའི་མཐུས་མེ་ཏོག་གི་ཁང་བཟངས་སུ་བྱས་ཏེ། རྒྱལ་བུ་རྒྱལ་བྱེད་ཀྱི་…

དེ་ཤེས་རབ་ཀྱིས་རྣམ་པར་གྲོལ་བ་ཡིན་གྱི། དེས་རྫུ་འཕྲུལ་མ་བསྐྱེད་པས་དེ་འདི་སྙམ་དུ་སེམས་ཏེ་གང་གི་ཕྱིར་བདག་གིས་ཉོན་མོངས་པའི་ཚོགས་མཐའ་དག་བཙལ་ཅིང་བོར་ལ་སྤངས་ཤིང་སོ་སོར་སྤངས་ན། བདག་མུ་སྟེགས་ཅན་དང་ཐུན་མོང་བའི་རྫུ་འཕྲུལ་ལ་སྒྱིད་ལུག་གམ་སྙམ་ནས་དེས་བརྩོན་འགྲུས་ལ་གནས་ཏེ་རྫུ་འཕྲུལ་བསྐྱེད་པས་ཇི་སྲིད་ཚེ་དང་ལྡན་པ་ཀུན་…

བྱ་བའི་བར་གོང་མ་བཞིན་དུའོ། །རྒྱལ་པོས་གྲོང་ཁྱེར་སློ་མ་ལྟ་བུ་རྡོ་བ་དང་གསེག་མ་དང་གྱོ་མོ་རྣམས་སེལ་དུ་བཅུག་སྟེ། ཙན་དན་གྱི་ཆུས་ཆག་ཆག་བཏབ་དྲི་ཞིམ་པོའི་པོག་ཕོར་སྣ་ཚོགས་བཤམས། དར་གྱི་ཆུན་འཕྱང་མང་པོ་དཔྱངས། མེ་ཏོག་སྣ་ཚོགས་ཆལ་བར་བཀྲམ་སྟེ་དགའ་དགའ་ལྟར་བྱས་ཏེ་གྲོང་ཁྱེར་སློ་མ་ལྟ་བུ་ལ་སྒོ་བཅྭ་བརྒྱད་ཡོད་ལ་རྒྱལ་པོ་དེ་ལ…

འདས་ཀྱིས་གཙུག་ལག་ཁང་གི་ཕྱི་རོལ་དུ་ཞབས་གཉིས་བཀྲུས་ཏེ། གཙུག་ལག་ཁང་དུ་ཞུགས་ནས་གདན་བཤམས་པ་ཉིད་ལ་བཞུགས་ཏེ། སྐུ་དྲང་པོར་བསྲང་ནས་དགོངས་པ་མངོན་དུ་ཕྱོགས་པར་བཞག་གོ །ཇི་ཙམ་ན་བཅོམ་ལྡན་འདས་ཀྱིས་མངོན་པར་འདུ་བྱེད་པ་དང་བཅས་པའི་ཞབས་ཀྱིས་དྲི་གཙང་ཁང་དུ་བཞག་པ་དྲུག་ཏུ་གཡོས་པར་གྱུར་ཏེ། ས་ཆེན་པོ་འདི་གཡོས། རབ་ཏུ་གཡོས། ཀུན་…