ཁྱིམ་པར་ཁྱིམ་ན་གནས་པའི་སྐབས་མ་ཡིན་གནས་མ་ཡིན་ཏེ། དགའ་བར་བྱ་བའི་ཕྱིར་འདོད་པའི་ལོངས་སྤྱད་པ་ཡོངས་སུ་སྤྱོད་པའི་གནས་མ་ཡིན་ནོ། །ནམ་ཆོས་སྦྱིན་མ་དགྲ་བཅོམ་པ་མངོན་དུ་བྱས་པ་དང་དེའི་ཚེ་ཕ་མ་ལ་ཡབ་དང་ཡུམ་བདག་གིས་ནི་དགྲ་བཅོམ་པ་མངོན་དུ་བགྱིས་ཀྱིས་རྒྱལ་པོའི་ཀུན་དགར་དགེ་སློང་མའི་དབྱར་མོ་ཁང་དུ་མཆི་ན་གནང་བར་མཛོད་ཅིག་ཅེས་…

སློང་གི་དགེ་འདུན་དག་བདེ་བར་བཞུགས་པར་ཤེས་ནས་གཙང་ཞིང་བསོད་པའི་བཟའ་བ་དང་། བཅའ་བ་བདག་ཉིད་ཀྱི་ལག་གིས་དར་ཏེ་ཚིམ་པ་དང་། ཡང་དག་པར་བསྟབས་སོ། །དེའི་སྐབས་སུ་ཁྱིམ་བདག་རི་དགས་སྒྲས་མཛའ་བོ་དང་། ཕུ་ནུ་དང་། གཉེན་དང་། གཞོན་ནུ་དང་། བློན་པོ་དང་། གྲོང་ཁྱེར་པ་དང་། ལྗོངས་ཀྱི་སྐྱེ་བོ་མང་པོ་དང་། ལྷན་ཅིག་བུ་ས་ག་བསྲུང་བ་དང་། …

མ་བརྐྱང་བ་བཞིན་ནམ་མཁའ་ལ་འཕུར་ཏེ་རྣམ་པ་སྣ་ཚོགས་ཀྱི་ཆོ་འཕྲུལ་བསྟན་པ་དང་། དེ་ནས་ཁྱིམ་བདག་རི་དགས་སྒྲའི་མཛའ་བོ་དང་། ཕུ་ནུ་དང་། གཉེན་དག་དང་། གཞོན་ནུ་དང་། བློན་པོ་དང་གྲོང་ཁྱེར་པ་དང་། ལྗོངས་ཀྱི་སྐྱེ་བོ་མང་པོ་དང་། ཁྱིམ་བདག་རི་དགས་སྒྲའི་བུ་ས་ག་དང་། གཞན་ཡང་ལྟད་མོ་ལ་ལྷགས་པའི་སེམས་ཅན་དག་ངོ་མཚར་ཆེར་གྱུར་ནས་ཤིང་རྩ…

གཅོད་པ་སངས་རྒྱས་བཅོམ་ལྡན་འདས་ལ། བཙུན་པ་དགེ་སློང་མ་ཆོས་སྦྱིན་མས་ལས་ཅི་ཞིག་བགྱིས་ན་དེ་ཁྱིམ་ན་མཆིས་བཞིན་དུ་ཕྲིན་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོ་ཐོབ་ནས་དེ་ཉིད་དུ་དགྲ་བཅོམ་པ་མངོན་དུ་བགྱིས་ནས། བཅོམ་ལྡན་འདས་ཀྱིས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་གསུངས་ཞེས་གསོལ་པ་དང་། བཅོམ་ལྡན་འདས་ཀྱ…

དགུ་འདས་པ་དང་། དེ་ལས་བུ་མོ་ཞིག་བྱུང་སྟེ་དེ་ཞག་བདུན་གསུམ་ཉི་ཤུ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱ་ཆེར་བྱས་ཏེ། རིགས་དང་མཐུན་པའི་མིང་བཏགས་ནས། དེ་ནས་ལུས་ཆེར་གྱུར་པ་དེ་ན་རབ་ཏུ་འབྱུང་བར་འདོད་པས་དེའི་ཕ་མ་དག་གིས་རབ་ཏུ་འབྱུང་དུ་མི་སྟེར་རོ། །ཁྱིམ་དེ་ནི་དགེ་སློང་མ་རྒན་མོ་གཞན་ཞིག་རིགས་ལ་སྟོན་པར་བྱེད་ཅིང་…

ཅིང་ཁྱིམ་ན་འདུག་བཞིན་དུ་དགྲ་བཅོམ་པ་མངོན་དུ་བྱེད་པ་དང་། ཇི་ལྟར་བདག་གི་མཁན་མོ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་བསྔགས་པ་དེ་བཞིན་དུ་བདག་ཀྱང་ཤཱཀྱ་ཐུབ་པ། བཅོམ་ལྡན་འདས་ཤཱཀྱའི་རྒྱལ་པོས་ཆོས་ཀྱི་གཏམ་སྨྲ་བའི་ནང་ན་མཆོག་ཏུ་བསྔགས་པར་ཤོག་ཤིག་ཅེས་སྨྲས་སོ། །དགེ་ས…

མོ་ཁང་དུ་སོང་ནས་འཕྲེས་ཏེ་འདུག་གོ །དེའི་མཁན་མོས་མཐོང་ནས་གཞོན་ནུ་མ་ཁྱོད་ཅི་ཞིག་ཉེས་ན་འཕྲེས་ཏེ་འདུག་ཅེས་སྨྲས་པ་དང་། དེས་མཁན་མོ་སློབ་དཔོན་གྱིས་སྤྱོས་ན་ཇི་ལྟར་བྱ་མི་ཤེས་སོ་ཞེས་སྨྲས་སོ། །བུ་དེ་ལ་གཞན་ཅི་ཞིག་བྱར་ཡོད། སློབ་དཔོན་དང་། མཁན་པོ་ནི་བསྟན་པ་གནས་པར་བྱ་བའི་ཕྱིར་སྤྱོར་བར་ཟད་ཀྱི་སོང་ལ་བཟོད་པ་གསོལ་ཅིག་ཅེ…

འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་འབྲེག་མཁན་གྱིས་སྐྲ་བྲེགས་པ་དང་། དེ་ནས་འབྲེག་མཁན་གཞོན་ནུར་གྱུར་པས་དྲན་པ་ཉེ་བར་མི་འཇོག་གོ །དེས་དེ་དག་མཐོང་བ་དང་ཆགས་པར་གྱུར་ཏོ། །རྣམ་པ་དེ་ལྟ་བུར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སེམས་…

ལམ་གྱི་བཞི་མདོར་ནོར་རྣམས་བསོགས་ཏེ་འཁོད་ན་འབྲུག་ཀྱང་ཟེར་ཉི་མ་ཡང་ནུབ་ཏུ་ཉེ་ནས་དེའི་ཚེ་ཆར་པ་ཆུང་ཟད་ཅིག་བབ་པ་དང་། དེ་དག་ལག་པས་འགྲམ་པ་ལ་བརྟེན་ནས་རབ་ཏུ་སེམས་ཤིང་འཁོད་པ་དང་། སྦོམ་དགའ་མོས་མཐོང་སྟེ་སྨྲས་པ། བཞིན་བཟངས་ཆར་པ་ཡང་བབ་ན་སྲང་དུ་འཁོད་དེ་ཅི་བྱེད་ནོར་རྣམས་གནས་ཞིག་ཏུ་གཟུད་ན་ཅི་ཉེས། དེ་དག་གིས་འཕགས་མ་བདག་ཅ…

དགེ་སློང་མས་དབྱར་མོ་ཁང་གླར་བཏང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་མ་སྦོམ་དགའ་མོས་བྱིས་པ་གཞོན་ནུ་དག་ལུས་འཁྲུ་བའི་ནང་དུ་ཞུགས་ཏེ། སོ་ཕག་གིས་ལུས་དྲུད་ཅིང་ཁྲུས་བྱས་པ་དང་། དེ་དག་ཆགས་པར་གྱུར་ཏེ་ཀུན་ཏུ་ལྟ་ཞིང་གཏམ་དུ་འཛེར་བ་ནི་ཀྱེ་ལྟོས་ཤིག །དགེ་སྦྱོང་མགོ་རེག་མ་ཕ་བི་གྱད་ཆེན་…

འདས་ཀྱིས་བཀའ་སྩལ་པ། ལག་པ་གཅིག་པུ་མ་གཏོགས་པར་གཞན་ཅི་དང་ཅིས་ཀྱང་རུང་སྟེ། མ་ཕྱི་ཤིག་འཕྱི་ན་འདས་པ་དང་བཅས་པར་འགྱུར་རོ། །འདུལ་བ་ཕྲ་མོའི་དངོས་པོའི་སྒོ་བདུན་པ་རྫོགས་སོ།། །། བསྡུས་པའི་མདོ་སྡེ། དགེ་སློང་མ་ཡི་བཀུར་སྟི་བྲི། །བསྒོ་བ་དང་ནི་ལྕགས་ཀྱི་སྣོད། །བུད་མེད་གཉིས་ཀྱིས་བལྟ་བ་དང་། །དེ་བཞིན་ནག་པོ་ཨུ་དི་ཀ། །། ་མ…

རྟེན་དེ་དང་ཧ་ཅང་མི་རིང་བ་ཞིག་ན་ཚེ་དང་ལྡན་མ་ཨུཏྤ་ལའི་མདོག་ཤིང་དྲུང་ཞིག་ན་ཉིན་པར་གནས་པའི་ཕྱིར་འདུག་པ་དེས་དེ་དག་མཐོང་ནས་སྨྲས་པ། ཚེ་དང་ལྡན་པ་ཆུ་འཐུང་ཁྱེད་ཀྱིས་སུའི་མཆོད་རྟེན་ལ་ཕྱག་བགྱིས་པ་དགོངས་ཤིག །དེས་བསམས་པ་ཅིའི་ཕྱིར་ཚེ་དང་ལྡན་མ་ཨུཏྤ་ལའི་མདོག་ཅན་འདི་སྐད་ཅེས་ཚེ་དང་ལྡན་པ་ཆུ་འཐུང་ཁྱོད་ཀྱིས་སུའི་མཆོད་རྟེ…

ཤེས་སོ། །བཅོམ་ལྡན་འདས་ཀྱིས་འཁོར་སུན་འབྱིན་པར་བྱེད་པ་འཁོར་གྱི་ནང་དུ་གཞག་པར་མི་བྱའོ་ཞེས་ལེགས་པར་གསུངས་པ་ཡིན་པས། དེའི་ཕྱིར་དེ་ལ་བསམ་དུ་ཅི་ཡོད་ཀྱིས་ཚུར་ཤོག་འདོང་བར་བྱའོ། །དེ་དག་ཁྲོ་བས་ཀུན་ནས་དཀྲིས་པ་དེ་དག་དེ་གསད་པའི་ཕྱིར་མཚོན་ཆ་དང་ཁབ་དང་། སེང་ལྡེང་གི་ཕུར་བུ་དག་བླངས་ནས་དོང་ངོ་། །དེས་དེ་དག་རྒྱང་རིང་པོ་ནས་…

གིས་སྨྲས་པ། ཀྱེ་ཤེས་ལྡན་དག་དེ་ལྟར་དེར་ཟད་ནས་འདི་ལྟ་ཇི་ལྟར་བསྒྲུབ་པར་དཔྱད་པར་བྱའོ། །གཅིག་གིས་སྨྲས་པ། བསྒྲུབ་ཏུ་ཅི་ཡོད་བཅོམ་ལྡན་འདས་ལ་གསོལ་དུ་ཟད་མོད། གཅིག་གིས་སྨྲས་པ། བཅོམ་ལྡན་འདས་ལ་གསོལ་ཅི་དགོས། བདག་ཅག་འདུས་ལ་ཅི་ལྟར་དགེ་སློང་མ་འགའ་ཡང་རྒྱལ་བྱེད་ཀྱི་ཚལ་དུ་འོང་བར་མི་གཞུག་པར་ཁྲིམས་སུ་བྱའོ། །དེ་དག་འདུས་ནས…

སྒོ་བ་ལ་དྲིས་ནས་གཙུག་ལག་ཁང་དུ་འོང་དུ་བཅུག་ལ་གདམས་ངག་ནི་བཀྱིག་པར་བྱའོ་ཞེས་བཀའ་སྩལ་པ་དང་། དགེ་སློང་མ་རྣམས་ཀྱིས་ཇི་སྐད་དུ་དྲིས་ནས་ནང་དུ་འཇུག་པར་མི་ཤེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་གཙུག་ལག་ཁང་དུ་མི་འཇུག་པར་འདི་སྐད་ཅེས་འཕགས་པ་དག་བདག་ཅག་གཙུག་ལག་ཁང་དུ་འཇུག་གིས་མཁྱེན་པར་མཛོད་ཅིག་ཅེས་སྨྲོས…

གནས་པར་བྱ་བའི་ཕྱིར་གཤེ་བ་ཡིན་པས་བཟོད་པ་གསོལ་དུ་ཟད་མོད། དེ་ལ་ཅི་ཞིག་ཤེས་པར་བྱར་ཡོད། ལེགས་ཀྱིས་བཟོད་པར་གསོལ་དུ་མཆིའོ། །དེ་རྒྱལ་བྱེད་ཀྱི་ཚལ་དུ་སོང་ནས་དགེ་སློང་དེའི་རྐང་པ་གཉིས་ལ་གཏུགས་པ་དང་། དགེ་སློང་དེས་དེ་ལ་འགོངས་ཏེ་སོང་ངོ་། །དགེ་སློང་མ་དེ་སྤོབས་པ་མེད་པར་གྱུར་ནས་དགེ་སློང་མའི་དབྱར་ཁང་དུ་འོངས་པ་དང་། དགེ…

དོགས་པའི་གནས་གསུམ་གྱིས་དགག་དབྱེ་བྱའོ་ཞེས་བཀའ་སྩལ་པ་དང་། དབྱར་གནས་པའི་དགེ་སློང་གིས་དགེ་འདུན་ལ་གནས་གསུམ་གྱིས་དགག་དབྱེ་བྱས་ནས་ཡང་གསོ་སྦྱོང་བྱེད་དོ། །དེ་ལས་ཁ་ཅིག་གིས་སྨྲས་པ། ཚེ་དང་ལྡན་པ་དག་རྣམ་པར་དག་པར་བྱ་བའི་ཕྱིར་གསོ་སྦྱོང་བྱ་བ་ཇི་ལྟ་བར་དགག་དབྱེ་ཡང་དེ་ལྟ་བུ་ཡིན་པར་བདག་གིས་མཐོང་ངོ་། །དེའི་ཕྱིར་གསོ་སྦྱོང…

རྣམས་འཁོད་པ་ན་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བྱེད་པའི་ཕྱོགས་དེར་ནི་མང་དུ་ཉན་པར་ཡང་ང་མི་འདོད་ན་འགྲོ་ཞིང་གནས་པ་ལྟ་ཅི་སྨོས་ཏེ། དེར་ནི་ང་མི་འགྲོའོ། །དགེ་སློང་དག་གང་ན་ཆོས་གསུམ་པོ་རྣམ་པར་སྤངས་ཤིང་ཆོས་གསུམ་པོ་མང་དུ་བྱེད་པ་སྟེ། ཆོས་གསུམ་པོ་རྣམ་པར་སྤངས་པ་གང་ཞེ་ན། མ་ཆགས་པ…

མི་དགེ་བའི་རྩ་བ་མང་དུ་བྱེད་པ་དང་། གཏི་མུག་མི་དགེ་བའི་རྩ་བ་མང་དུ་བྱེད་པ་སྟེ། ཆོས་གསུམ་པོ་འདི་དག་མང་དུ་བྱེད་པ་དང་། དགེ་སློང་དག་ཕྱོགས་གང་ན་དགེ་སློང་རྣམས་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བར་བྱེད་པ་དང་། དགེ་སློང་དག་དེ་ན་ཆོས་གསུམ་པོ་རྣམ་པར་སྤངས་ཤིང་ཆོས་གསུམ་མང་ད…

ཀྱིས་བཟོད་པ་གསོལ་ལོ། །གཞན་དག་གིས་ནི་གཅིག་ལ་གཅིག་ཡང་དག་པར་དགའ་བར་བྱོས་ལ་དགག་དབྱེ་གྱིས་ཤིག །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་ལོ་ལྔ་པ་དང་། གཙུག་ཕུད་ཀྱི་དུས་སྟོན་ཆེན་པོ་བྱའོ་ཞེས་བཀའ་སྩལ་པ་དང་། བྲམ་ཟེ་དང་། ཁྱིམ་བདག་དད་པ་ཅན་རྣམས་ཕན་ཚུན་འགྲན་ཅིང་བྱེད་དོ། །དེའི་ཚེ་དགེ་སློང་དང་དགེ་སློང་མ་རྣམས་ཀྱི་…