ཅིག་ཏུ་གསོ་སྦྱོང་བྱེད་པ་དང་། དེ་དང་དེ་དག་ལྷན་ཅིག་ཏུ་འདུ་འཛིའི་གཏམ་ཟེར་ཞིང་། ཡུན་རིང་དུ་འདུག་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་དགེ་སློང་དང་། དགེ་སློང་མ་རྣམས་ལྷན་ཅིག་གཙུག་ལག་ཁང་དུ་གསོ་སྦྱོང་མ་བྱེད་ཅིག །དགེ་སློང་དང་། དགེ་སློང་མ་རྣམས་ལ…

པའི་དགེ་སློང་མ་གཉིས་གཏང་བར་བྱའོ། །དེ་དག་གིས་ཟླ་བ་ཕྱེད་ཅིང་སོང་ལ་ཡོངས་སུ་དག་པ་བརྗོད་པར་བྱའོ། །བཅོམ་ལྡན་འདས་ཀྱིས་གསོ་སྦྱོང་ལེན་པའི་དགེ་སློང་མ་གཉིས་གཏང་བར་བྱའོ་ཞེས་བཀའ་སྩལ་པ་དང་། དགེ་སློང་མ་སྤོབས་པ་མེད་པ་དག་བཏང་སྟེ། དེ་དག་བག་ཁུམས་ནས་ཡོངས་སུ་དག་པ་བརྗོད་མ་ནུས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ…

འདས་ཀྱིས་གསོལ་བ་བཏབ་པའི་དགེ་སློང་གང་ཡིན་པའི་མདུན་དུ་དགེ་སློང་མ་དེ་དག་ཡོངས་སུ་དག་པ་རྗོད་ཅིག་ཅེས་བཀའ་སྩལ་ནས། གསོལ་བ་བཏབ་པའི་དགེ་སློང་དེ་སྒོ་ཁང་ན་སྡོད་དོ། །ཇི་ཙམ་ན་དགེ་སློང་མ་དག་དེའི་དྲུང་དུ་ཉེ་བར་འོང་བར་བརྩམས་པ་དང་། དེས་མ་རེག་མ་རེག་ཤིག་ཅེས་སྨྲས་ནས་འབྲོས་པར་བརྩམས་སོ། །དེ་དག་གིས་དེའི་རྗེས་སུ་སྐད་ཅིག་ཙམ་…

རེག་པར་གནས་སམ་ཞེས་ཞུ་ཞིང་གསོ་སྦྱོང་གིས་ཡོངས་སུ་དག་པ་ཡང་བརྗོད་པར་བྱའོ། །དེས་ཇི་སྐད་བརྗོད་པར་བྱ་བ་མ་ཤེས་ནས་ཅང་མ་སྨྲས་སོ། །དེ་དག་གིས་སྨྲས་པ། ཀྱེ་མ་འཕགས་པ་ཐབས་ཡིན་ནོ་ཞེས་ཀྱང་མི་གསུང་ངམ། གྱི་ན་མཇལ་ཏོ་ཞེས་སྨྲས་ནས་སོང་ངོ་། །དགེ་སློང་མ་དེ་དག་ཀྱང་དབྱར་ཁང་དུ་འོངས་སོ། །གདམས་ངག་འབོགས་པའི་དགེ་སློང་དེ་ཡང་ཕྱི་ཞིག་…

གང་འདུག་པ་དེ་ཁོ་ན་ལ་ཁྱོད་ཀྱིས་བརྗོད་དོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཡིན་པ་དེ་ནི་དགེ་སློང་མའི་གདམས་ངག་འབོགས་པའི་དགེ་སློང་དེའི་མིང་མ་དྲིས་པས་ཡིན་ནོ། །དེ་ལྟ་བས་ན་དགེ་སློང་མའི་གདམས་ངག་འབོགས་པ་དེའི་མིང་དྲི་བར་བྱའོ་སྙམ་དུ་བསམས་ནས། དགེ་ས…

ཁབ་ཀྱི་བྲམ་ཟེ་སློང་མོ་པ་གཞན་ཞིག་འཁྱམ་ཞིང་ཁྱིམ་གཞན་ཞིག་ཏུ་ཞུགས་ནས་སྨྲས་པ། བདེ་ལེགས་སུ་གྱུར་ཅིག །སློང་མོ་བྱིན་ཅིག་ཅེས་སྨྲས་པ་དང་། ཁྱིམ་བདག་མོས་སྨྲས་པ་བྲམ་ཟེ་ཅུང་ཟད་ཀྱང་མེད་ཀྱིས་སོང་ཤིག་ཅེས་བྱས་པ་དང་། དེ་ཕྱིར་བྱུང་སྟེ་སོང་ངོ་། །སྐྱེ་དགུའི་བདག་མོ་ཆེན་མོ་གཽ་ཏ་མཱི་ཡང་ཁྱིམ་དེར་བསོད་སྙོམས་ཀྱི་ཕྱིར་ཞུགས་སོ། …

ཁ་གཡོགས་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་མ་དག་གིས་ལྷུང་བཟེད་ཀྱི་ཁ་གཡོགས་བཅང་བར་བྱའོ་ཞེས་གསུངས་པ་དང་། དགེ་སློང་མ་དག་གིས་ལྷུང་བཟེད་ཀྱི་ཁ་གཡོགས་ཅི་འདྲ་བ་དེ་མ་ཤེས་ཏེ། དེའི་སྐབས་དགེ་སློང་དག་ལ་བཟླས་སོ། །དགེ་སློང་དག་གིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་ཀྱི་ཁ་གཡོགས་ནི་ལྷུང་བ…

དགའ་མོས་སྨྲས་པ། མཚན་བཟངས་མ་དེ་ཤེས་ཏེ། དེའི་དུས་ལས་འདས་པས་བཟོའི་གནས་དང་། ལས་ཀྱི་གནས་ངེས་པར་ངས་མི་ཤེས་པ་མེད་དོ། །དེ་དག་གིས་འཕགས་མ་དེ་བཞིན་དུ་བརྒྱུས་ཏེ་སྩལ་བར་ཅི་གནང་དེས་སྨྲས་པ། མཚན་བཟངས་མ་གལ་ཏེ་བཟའ་བའི་རིན་སྦྱིན་ནམ། དེས་སྨྲས་པ། འཕགས་མ་ལེགས་པར་འབུལ་ལོ། །ཤིན་ཏུ་དབུལ་གྱིས་རྒྱུས་ཤིག་དེས་ལྷུང་བཟེད་བཞག་སྟེ།…

པ་དང་། གཙུག་ཕུད་ཀྱི་དུས་སྟོན་དང་། དུས་སྟོན་ཆེན་པོ་དང་ལོ་ལྔའི་དུས་སྟོན་དག་བྱུང་བར་གྱུར་ཏེ་ཀོ་ས་ལའི་རྒྱལ་པོ་གསལ་རྒྱལ་དང་བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་བྱེད་མ་དང་། ཁྱིམ་བདག་མགོན་མེད་ཟས་སྦྱིན་དང་། རི་དགས་འཛིན་གྱི་མ་ས་ག་དང་། ཞལ་ཏ་བ་རྒན་རབས་དང་། དགེ་བསྙེན་མ་རྫུ་འཕྲུལ་ཅན་གྱི་མ་དང་། ཁྱིམ་བདག་གཏུམ་པོ…

སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མ་དད་པ་རྣམས་འཕྱ་བའི་གཞི་ནི་ཚུལ་མ་ཡིན་པ་དེ་དག་སྟེ། དེ་ལྟ་བས་ན་དགེ་སློང་མ་རྣམས་ཀྱིས་སྒོ་ཁང་དང་། ཁྱམས་སུ་འདུག་སྟེ་མེ་ཏོག་བརྒྱུ་བར་མི་བྱའོ། །དགེ་སློང་མ་དག་སྒོ་ཁང་དང་ཁྱམས་སུ་འདུག་སྟེ་ཕྲེང་བ་རྒྱུད་ན་འགལ་ཚབས་ཅན་དུ་འགྱུར་རོ། །གཞན་…

ནོ། །འདིར་ནི་ཚོད་མ་བླང་ངོ་། །འཕགས་མ་དེ་བཞིན་དུ་གཞན་དག་ཀྱང་ཞོག་དང་། གལ་ཏེ་ན་ཚོད་མ་མང་དུ་རྙེད་ཀྱང་སྲིད་དོ་ཞེས་སྨྲས་པ་དང་། དེ་ཅང་མི་སྨྲ་བར་འདུག་པ་དེའི་སྐབས་དེ་དགེ་སློང་རྣམས་ཀྱིས་ཐོས་ཏེ་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཡིན་པ་ནི་དགེ་སློང་མས་ཁར་བའི་སྣོད་བཅངས་པས་ཡིན་ཏེ། དེ་ལྟ…

ཁྱོད་ཀྱིས་ཆུང་མ་དག་བཟའ་བ་དང་། བསྒོ་བ་སྦྱར་ཞིང་ལས་བྱེད་དུ་གཞུག་མི་ནུས་སམ་གང་གི་ཕྱིར་རང་ཉིད་ཁྱིམ་གྱི་འཚོ་ཚིས་དག་བྱེད། དེས་སྨྲས་པ། སྟེན་གྲོགས་བདག་གིས་ནུས་མོད་ཀྱི། འོན་ཀྱང་བདག་གིས་ཆུང་མ་གཅིག་བླངས་ན་དེ་རང་གི་ལས་ཀྱིས་དུས་ལས་འདས་སོ། །དེ་བཞིན་དུ་གཉིས་པ་དང་། གསུམ་པ་དང་བདུན་གྱི་བར་དུ་ཆུང་མ་བླངས་ན་དེ་དག་ཀྱང་རང…

ལ་ཞིག་སུ་ཡང་མི་འབུལ་ཏོ། །དེས་སྨྲས་པ། ཅི་འདི་སྐད་ཟེར་བ་ལས་ངས་ཅུང་ཟད་མ་ཉེས་སམ། དེས་འདི་ལྟར་རྒྱས་པར་བཤད་པ་དང་། སྦོམ་དགའ་མོས་སྨྲས་པ། མཚན་བཟངས་མ་དེ་ལྟ་ན་ཅིའི་ཕྱིར་སླར་མི་བཅོས། དེས་སྨྲས་པ། འཕགས་མ་བདག་ནི་མ་འཚལ་ན་མཁྱེན་པ་ལྟ་མཆིས་སམ། སྦོམ་དགའ་མོས་སྨྲས་པ། མཚན་བཟངས་མ་ཤེས་ཏེ་དེའི་དུས་ལས་འདས་པས་བཟོའི་གནས་དང་ལས་ཀ…

འཚོ་བ་འཕྲོག་པའོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་ཐོས་ཏེ་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། དགེ་སློང་མ་སྦོམ་དགའ་མོའི་སྤྱོད་པ་ནི་དགེ་སྦྱོང་གི་ཚུལ་མ་ཡིན་པ་བྱེད་དོ། །དེ་ལྟ་བས་ན་དགེ་སློང་མས་ཆང་གི་ལས་མི་བྱའོ་སྙམ་དུ་མཁྱེན་ནས་བཀའ་སྩལ་པ། དགེ་སློང་དག…

ངོ་། །ཇི་ལྟར་ཁྱིམ་བདག་དེ་དུས་ལས་འདས་པ་སྦོམ་དགའ་མོས་ཐོས་ནས་དེ་རིངས་པ་རིངས་པར་འོངས་ཏེ་དེས་དེའི་ཁྱིམ་དུ་སྒོ་བཅད་ནས་རྒྱས་བཏབ་སྟེ། དེ་ཕྱོགས་གཅིག་ཏུ་གནས་ཏེ་འདུག་གོ །ཇི་ཙམ་ན་དེ་དག་གིས་བསྲེགས་ཏེ་འོངས་ནས་དེ་དག་གིས་སྨྲས་པ། ཁྱིམ་འདི་སུས་རྒྱས་བཏབ། སྦོམ་དགའ་མོས་སྨྲས་པ། གང་དབང་བ་དེས་རྒྱས་བཏབ་བོ། །དེ་དག་གིས་སྨྲས་པ…

ཅད་ངས་བྱིན་ཏེ། ཚོང་ཁང་གཅིག་པུ་ལས་མ་ལུས་པས་ཅུང་ཟད་ཀྱང་སྦྱིན་དུ་མེད་དོ། །དེས་སྨྲས་པ། སྦྱིན་བདག་གླང་པོ་ཆེའི་སྣ་ལྟར་འཕང་བསྟོད་དེ་ཁྱོད་ཀྱི་དྲུང་དུ་འོངས་ན་ཇི་ལྟར་རེ་ཐག་ཆད་དེ་འགྲོ། དེས་སྨྲས་པ། འཕགས་མ་ཚོང་ཁང་གཅིག་པུ་ལས་མ་ལུས་སོ་ཞེས་མ་སྨྲས་སམ། གལ་ཏེ་དེ་བཞེད་ན་ཁྱིམ་དེ་སྣོམས་ཤིག །དེས་སྨྲས་པ་ཁྱིམ་བདག་དེ་བཞིན་དུ…

ཐོས་ཏེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་རྣམས་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་མ་རྣམས་ཀྱིས་ཚོང་ཁང་གླར་གཏོང་ཞིང་བླང་བར་མི་བྱའོ། །དགེ་སློང་མས་ཚོང་ཁང་གླར་གཏོང་ཞིང་ལེན་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་སྔ་དྲ…

དེ་ལྟ་བས་ན་དགེ་སློང་མས་ལྷའི་གཟུགས་འཆང་བར་མི་བྱ་བར་མཁྱེན་ནས་བཀའ་སྩལ་པ། དགེ་སློང་དག་ལྟས་མ་མོ་དེ་དག་འཕྱ་བའི་གཞི་ནི་སྦོམ་དགའ་མོའི་ཚུལ་བཞིན་མ་ཡིན་པའི་སྤྱོད་པ་སྟེ། ཉེས་དམིགས་གང་ཡིན་པ་ནི་དགེ་སློང་མས་ལྷའི་གཟུགས་འཆང་བ་ཡིན་པས་དེ་ལྟ་བས་ན་དགེ་སློང་མ་རྣམས་ཀྱིས་ལྷའི་གཟུགས་བཅང་བར་མི་བྱའོ། །དགེ་སློང་མས་ལྷའི་གཟུགས་བ…

གཞིར་གྱུར་གྱིས། དེ་བས་ན་དགེ་སློང་མ་རྣམས་ཀྱིས་བུད་མེད་ཁྲུས་བྱས་ཟིན་པ་ལ་ཡང་ཁྲུས་ཀྱི་ཕྱེ་མ་མགོ་ལ་གཏོར་བར་མི་བྱའོ། །དགེ་སློང་མས་བུད་མེད་ཁྲུས་བྱས་པ་ལ་ཡང་ཁྲུས་ཀྱི་ཕྱེ་མ་མགོ་ལ་གཏོར་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་ཁྲུས་བྱ་བར་འདོད་དེ་དགེ་སློང་མ་དག་དང་ལྷན་ཅིག་ཨ་ཛི་ར་བ་ཏིར་སོང་…

གིས་ལྷུང་བཟེད་ཐམས་ཅད་ཞ་ཉེས་དཀྲིས་པ་བྲམ་ཟེ་དང་། ཁྱིམ་བདག་གིས་མཐོང་སྟེ། ཨེ་མའོ་འཕགས་མ་དག་འདི་ཅི་ཡིན་ཞེས་དྲིས་པ་དང་། དེ་དག་གིས་སྨྲས་པ། ཤེས་ལྡན་དག་བཅོམ་ལྡན་འདས་ཀྱིས་རྗེས་སུ་གནང་ངོ་། །དེ་དག་གིས་སྨྲས་པ། འཕགས་མ་ཨེ་མའོ་བཅོམ་ལྡན་འདས་ཀྱིས་ལྷུང་བཟེད་ཐམས་ཅད་ཞ་ཉེས་གཡོགས་ཤིག་ཅེས་དེ་སྐད་གསུང་ངམ་བྱུང་རྒྱལ་དུ་མ་ཟེར།…