ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང༌། ཁྱིམ་བདག་རྣམས་ཀྱིས་ཡི་དགས་རྣམས་མཐོང་ནས་འབྲོས་པར་བརྩམས་པ་དང༌། བཅོམ་ལྡན་འདས་ཀྱིས་བཀའ་སྩལ་པ། ཤེས་ལྡན་དག་ཅིའི་ཕྱིར་འབྲོས། དེ་རྣམས་ཀྱིས་གསོལ་པ། བཅོམ་ལྡན་འདས་ཡི་དགས་འོ་ནི་དག་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཚུར་ཤོག་འདི་དག་ནི་ཁྱེད་ཅག་གི་ཉེ་དུ་ཡིན་ནོ། །གལ་ཏེ་…

ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །དགེ་སྦྱོང་གཽ་ཏ་མ་འདོད་ཞེན་ཆེའམ་འདོད་ཞེན་ཆུང་བ་དང༌། དེའི་ཉན་ཐོས་རྣམས་འདོད་ཞེན་ཆེའམ། འདོད་ཞེན་ཆུང་བ་ངས་ཁྱེད་ཅག་ཡིད་ཆེས་པར་བྱའོ། །དེ་ནས་བྲམ་ཟེ་སྨྲ་འདོད་ཀྱི་སེང་གེས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང༌། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གཽ་ཏམ་དགེ་སླ…

དད་པར་གྱུར་ཏོ། །དེ་ནས་དེ་དད་པ་སྐྱེས་ནས་ཕྱོགས་མཐའ་དག་ཏུ་སྒྲ་བསྒྲགས་པ། ཤེས་ལྡན་དག་དགེ་སྦྱོང་གཽ་ཏ་མ་ནི་འདོད་ཞེན་ཆུང་ཞིང་དེའི་ཉན་ཐོས་རྣམས་ཀྱང་འདོད་ཞེན་ཆུང་བ་ཡིན་ནོ། །དེ་ནས་དེས་མུ་སྟེགས་ཅན་རྣམས་བུ་རམ་ལ་ལོངས་སྤྱོད་དུ་གཞུག་བའི་ཕྱིར་མགྲོན་དུ་བོས་པ་དང༌། དེ་རྣམས་ཀྱིས་བུ་རམ་བག་མེད་པར་བླངས་ནས་ཁ་ཅིག་གིས་ནི་ལོངས་…

དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་སྨྲ་འདོད་ཀྱི་སེང་གེའི་གཙུག་ལག་ཁང་དྲི་དང་མེ་ཏོག་གི་ཕྲེང་བ་དང༌། བདུག་པ་དང༌། ཕྱེ་མ་རྣམས་ཀྱིས་གཏོར་ལ་གནས་མལ་ལ་ཡང་བདུག་པས་བདུག་ཅིང་མེ་ཏོག་དྲི་ཞིམ་པོས་བརྒྱན་པའི་མེ་ཏོག་གི་གདུགས་བྲེས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་…

གྱི་སྲིད་པ་ཐ་མ་མི་རྣམས་སུ་སྐྱེས་པ་ན་ལུས་རུལ་བའི་དྲི་མནམ་པས་སེམས་རྩེ་གཅིག་པ་མ་གྲུབ་པའོ། །དྲི་ཞིམ་པོའི་དྲི་མནམ་པ་དང༌། སེམས་མཉམ་པ་ཐོབ་ནས་སྡུག་པས་རྣམ་པར་གྲོལ་བར་གྱུར་ཏོ། །གལ་ཏེ་འདི་ལ་ཐབས་འདི་མ་བྱས་པར་གྱུར་ན། དྲོ་བར་གྱུར་པ་ཡང་འདིས་བསྐྱེད་པར་མི་འགྱུར་རོ། །དེ་ལྟ་བས་ན་རྗེས་སུ་གནང་སྟེ། གཞན་གང་ཞིག་སྡུག་པ་འདི་…

ནོར་ཅན་གྱིས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འབྲམ་ན་ཁང་པ་བརྩེགས་པའི་གནས་ན་བཞུགས་སོ་ཞེས་ཐོས་སོ། །ཐོས་ནས་ཀྱང་ཡངས་པ་ཅན་ནས་བྱུང་ནས་བཅོམ་ལྡན་འདས་གང་ན་བ་དེར་སོང་སྟེ་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོ…

གནངས་གདུགས་ཚོང་གསོལ་ལོ། །དེ་ནས་ཚེ་དང་ལྡན་པ་ཀུན་དགའ་བོ་ནང་བར་སྔར་ལངས་ཏེ། ལྷུང་བཟེད་དང་ཆོས་གོས་ཐོགས་ནས། ཁྱིམ་བདག་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས་ཤར་སྒོ་ནས་ཞུགས་པ་དང༌། ཇི་ཙམ་ན་གདན་མ་བཤམས་ཤིང་ཞལ་ཟས་རྣམས་སྟ་གོན་མ་བྱས་པ་མཐོང་ནས། དེ་ནས་ཁྱིམ་བདག་ནོར་ཅན་ལ་འདི་སྐད་ཅེས་སྨྲས་སོ། ཁྱིམ་བདག་ཁྱོད་ཀྱིས་སང…

ནས་གདན་ལས་བཞེངས་ཏེ་གཤེགས་སོ། །ནོར་ཅན་གྱི་ཆུང་མས་ཀྱང་ཞལ་ཟས་རྣམས་སྟ་གོན་བྱས་སོ། །དེ་ནས་ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ་ལྷུང་བཟེད་དང་ཆོས་གོས་ཐོགས་ནས་ཁྱིམ་བདག་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས་ལྷོ་སྒོ་ནས་ཞུགས་ན་གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པར་མཐོང་ངོ༌། །མཐོང་ནས་ཀྱང་ནོར་ཅན་…

མ་ལ་ཆོས་བཤད་པ་མཛད་ནས་གཤེགས་སོ། །ནོར་ཅན་གྱི་བུས་ཀྱང་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་སོ། །དེ་ནས་ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ་ལྷུང་བཟེད་དང་ཆོས་གོས་ཐོགས་ཏེ་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས་ལྷོ་སྒོ་ནས་ཞུགས་ན་གདན་མ་བཤམས་ཤིང་ཞལ་ཟས་སྟ་གོན་མ་བྱས་པ་མཐོང་ངོ༌། །མཐོང་ནས་ཀྱང་ནོར…

ཁྱིམ་བདག་རྣམས་བཅོམ་ལྡན་འདས་གང་ན་བ་དེར་སོང་སྟེ་ལྷགས་པ་དང༌། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་པ་དང༌། བཅོམ་ལྡན་འདས་ཀྱིས་ཡངས་པ་ཅན་གྱི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་ཡ…

པ། འཕགས་པ་ཅི་སྟེ་དེ་སྐད་གསུང༌། གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པ་མཐོང་ངོ༌། །འཕགས་པ་ཆབ་སྒོ་གང་ནས་ཞུགས་ནུབ་ནས་སོ། །འཕགས་པ་བྱང་ནས་ཞུགས་ཤིག །དེས་བྱང་ནས་ཞུགས་ནས་ཇི་ཙམ་ན་ལྷའི་གདན་བཤམས་ཤིང་ལྷའི་ཞལ་ཟས་སྟ་གོན་བྱས་པ་མཐོང་ངོ༌། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ནོར་ཅན་གྱི་མནའ་མའི་སྤ…

ཁྱོད་འབའ་ཞིག་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་བར་འོས་ཀྱི། ཁོ་བོ་ཅག་ནི་མ་ཡིན་ནོ། །དེས་དེ་རྣམས་ལ་རིན་པོ་ཆེ་དག་བྱིན་པ་དང་དེ་རྣམས་ཀྱིས་མ་བླངས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ་དང༌། རིན་པོ་ཆེ་འདི་དག་ནི་རྙེད་པར་དཀའ་བ་ཡིན་གྱིས་ལོང་ཤིག །དེ་རྣམས་ཀྱིས་བླངས་པ་ལས་གང་གིས་ཅི་འདྲ་བ་བླངས་པ…

ཅན་གྱི་མནའ་མ་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ།། །།འདུལ་བ་གཞི། བམ་པོ་ལྔ་བཅུ་བདུན་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ་བཙུན་པ་ནོར་ཅན་དང༌། ནོར་ཅ…

དམན་པ་དང༌། ངན་པ་ལ་སྙིང་བརྩེ་བ་དང༌། གནས་མལ་བས་མཐའ་ལ་བརྟེན་པ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བས་ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན་ཉི་མ་ནུབ་ཀའི་དུས་སུ་བཱ་རཱ་ཎ་སཱིར་ཕྱིན་ནས་མེ་ཏོག་ཕྲེང་རྒྱུད་མཁན་དེའི་ཁྱིམ་གྲོང་ཁྱེར་གྱི་སྒོ་ན་འདུག་པ་དེའི་ལྡུམ་རར་ནུབ་མོ་གནས་བཏབ་སྟེ་མེའི་ཁམས་…

མིའི་གཡང་འབབ་པར་གྱུར་ཅིག །འདི་ལྟ་བུའི་ཆོས་རྣམས་ཀྱང་ཐོབ་ནས་འདི་བས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཀྱི། མི་མཉེས་བར་བྱེད་པར་མ་གྱུར་ཅིག་ཅེས་བྱས་སོ། །དེ་ནས་རང་སངས་རྒྱས་ཀྱིས་དེ་རྣམས་ལ་སྙིང་བརྩེ་བར་རྫུ་འཕྲུལ་བྱས་ནས་རྒྱལ་པོའི་ཁབ་ཀྱི་སྟེང་ནས་ཕར་ཆས་ཏེ་སོང་བ་དང༌། དེའི་གྲིབ་མ་རྒྱལ་པོའི་སྟེང་དུ་བབ་པ་ལས་དེ…

སྤྱན་སྔ་ནས་ཀྱང་བདེན་པ་མཐོང་བར་བྱས་ཏེ། ང་རང་སངས་རྒྱས་བྱེ་བ་བརྒྱ་སྟོང་བས་ཁྱད་པར་དུ་འཕགས་པའི་སྟོན་པ་འདི་དག་གིས་མཉེས་པར་བྱས་ཀྱི་མི་མཉེས་པར་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་ནི་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའ…

མ་གཉིས་སམ་གསུམ་གྱི་བར་དུ་འདས་སོ། །ཡངས་པ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱི་འཁོར་རྒྱ་ཆེན་པོ་མུ་གེ་དང་བཅས་པའི་དུས་བྱུང་ནས་དེ་རྣམས་ཀྱི་ཉེ་དུ་ངག་ཟས་ཀྱི་ཕྱིར་ཉི་མ་རེ་རེ་ཞིང་འོང་བས་དེ་དག་གིས་གཙེས་པར་གྱུར་ནས་དགེ་སློང་རྣམས་ལ་སྨྲས་པ།འཕགས་པ་དག་མུ་གེ་དང་བཅས་པའི་དུས་བྱུང་བས་བདག་ཅག་གི་ཉེ་དུ་དག་སྐྲུར་མཆིས་ཏེ་དེ་ར…

སྡོམ་ནི། ནང་བུ་ཅན་དང་ཟས་དག་དང༌། །གཡར་ཚུས་ལྷག་པ་དག་དང་ཡང༌། །ཚལ་གྱི་འབྲས་བུ་ཆུ་སྐྱེས་དང༌། །པད་མའི་རྩ་དང་ལུག་དག་གོ །གླེང་གཞི་ནི་མཉན་ཡོད་ནའོ། །མཉན་ཡོད་ན་དགེ་སློང་ནང་བུ་ཅན་ཞིག་ཡོད་པ་དེས་སྨན་པ་ལ་དྲིས་པ། བཞིན་བཟངས་ཁོ་བོ་ལ་སྨན་སྟོན་ཅིག །དེས་ནད་ཀྱི་གཞི་དྲིས་ནས་སྨྲས་པ། འཕགས་པ་ཐུག་པ་གསོལ་ཅིག་དང་སོས་པར་འགྱུར་རོ…

ཁྭའི་རྟུག་པས་དེ་མ་རུང་བར་བྱས་པས་དགེ་སློང་དེ་ཕོངས་པར་གྱུར་པའི་སྐབས་དེ་དགེ་སློང་རྣམས་ལའོ། །དགེ་སློང་རྣམས་ཀྱིས་ནི་བཅོམ་ལྡན་འདས་ལ་གསོལ་པ་དང༌། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་རུང་བའི་གནས་བསྐོ་བར་བྱའོ། བཅོམ་ལྡན་འདས་ཀྱིས་རུང་བའི་གནས་བསྐོ་བར་བྱའོ་ཞེས་བཀའ་སྩལ་པ་དང༌། དགེ་སློང་རྣམས་ཀྱིས་ཅི་…

ཅད་འདུག་ཅིང་མཐུན་པར་གྱུར་པ་དང༌། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་ཐམས་ཅད་ལགས་པ་ནང་མཚམས་དང་ཕྱི་རོལ་ཉེ་འཁོར་འདོམ་གང་དང་བཅས་པ་འདི་དགེ་འདུན་གྱི་རུང་བའི་གནས་སུ་བསྐོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང༌། དགེ་འདུན་གྱིས་གནས…