བཞི་པའི་ཚིགས་སུ་བཅད་པ་གཅིག་འཛིན་པ་གང་ཡིན་པ་དེ་ལ་ཡང་ཆོས་ཀྱི་རྙེད་པ་སྦྱིན་པར་བྱ་ཞིང༌། དེས་ཀྱང་ལོངས་སྤྱད་པར་བྱ་སྟེ། འདི་ལ་ནི་འགྱོད་པར་ནི་མི་བྱའོ། །རྩོད་པའི་གཞི་རྫོགས་སོ།། །། འདུལ་བ་གཞི། བམ་པོ་བརྒྱད་བཅུ་པ། དགེ་འདུན་དབྱེན་གྱི་བསྡུས་པའི་སྡོམ་ནི། མང་པོས་བཀུར་དང་ལྷག་གཡོས་དང༌། །བ་གམ་རྙིངས་དང་བཟང་པོ་དང༌། །འཁོ…

ཎ་སཱིར་སའི་བདག་པོ་དང་འབུམ་མོ། །དམག་གིས་མི་ཚུགས་པར་ས་འཛིན་དང་འབུམ་མོ། །མི་ཐི་ལར་ལྷ་ཆེན་པོ་དང་བརྒྱད་ཁྲི་བཞི་སྟོང་ངོ༌། །ཡང་མི་ཐི་ལར་ལྷ་ཆེན་པོ་ནས་བཟུང་སྟེ་མུ་ཁྱུད་ནས་ཤིང་རྟ་སྲ་བའི་བར་བརྒྱད་ཁྲི་བཞི་སྟོང་ངོ༌། །ཀུན་དུ་སྣང་བར་ནམ་མཁའི་བདག་པོ་དང༌། ཀླུ་མཉམ་སྐྱོང་དང་བདུན་ཁྲི་བདུན་སྟོང་ངོ༌། །བཱ་རཱ་ཎ་སཱིར་ཀྲྀ་ཀཱི…

ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བྱའོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་སེར་སྐྱའི་གཞིའི་ཤཱཀྱ་རྣམས་ཀྱིས་འདི་སྐད་ཅེས་ག…

རིགས་རྒྱུད་ལས་བརྩམས་ནས་ཆོས་ཀྱི་གཏམ་གླེང་བར་ནུས་པ་སུ་ཡོད་སྙམ་མོ། །དེའི་ཚེ་ཚེ་དང་ལྡན་པ་མཽད་གལ་གྱི་བུ་ཆེན་པོ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ང་རྒྱབ་བསྙུང་བས་རེ་ཞིག་དེ་བསལ་གྱིས། ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི…

བུ་ཆེན་པོས་སེར་སྐྱའི་གཞིའི་ཤཱཀྱ་རྣམས་ལ་སྨྲས་པ། གཽ་ཏ་མ་དག་འཇིག་རྟེན་འདི་འཇིག་ཅིང་འཇིག་རྟེན་ཞིག་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་རྣམས་དེ་ན་ཡིད་ལས་བྱུང་བའི་གཟུགས་ཕུན་སུམ་ཚོགས་པ་དབང་པོ་མ་ཉམས་ཤིང་མ་ཚང་བ་མེད་པ། ཡན་ལག་དང་ཉིང་ལག་ཐམས་ཅད་དང་ལྡན་པ། ཁ་དོག་བཟང་པོས་གནས་པ། རང་གི་འོད་ཅན…

བ་ཡང་འཇིག་རྟེན་དུ་མི་འབྱུང་སྟེ། རྒྱུ་སྐར་རྣམས་ཀྱང་མེད། སྐད་ཅིག་དང༌། ཐང་ཅིག་དང༌། ཡུད་ཙམ་ཡང་མེད། མཚན་མོ་དང་ཉིན་མོ་ཡང་མེད། ཟླ་བ་དང༌། ཟླ་བ་ཕྱེད་དང༌། དུས་ཚིགས་དང༌། ལོ་རྣམས་ཀྱང་འཇིག་རྟེན་དུ་འབྱུང་བ་མེད་དོ། །སྐྱེས་པ་དང་བུད་མེད་དུ་མངོན་པ་ཡང་མེད་ཀྱི། གཞན་དུ་ན་སེམས་ཅན་སེམས་ཅན་ཞེས་བྱ་བའི་གྲངས་སུ་འགྲོའོ། །དེ་ནས…

ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན་ཁོ་བོ་ནི་ཁ་དོག་དང་ལྡན་ནོ། ཁྱོད་ནི་ཁ་དོག་ངན་བ་ཅན་ཡིན་ནོ་ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། ཁ་དོག་གི་མངོན་པའི་ང་རྒྱལ་ཅན་དེ་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །…

སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་ས་ཞག་ནུབ་པར་གྱུར་ཏོ། །གཽ་ཏ་མ་དག་ས་ཞག་དེ་ནུབ་པར་གྱུར་པ་ན་སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས་ཀྱི་ཧུད་བྲོ་བ་ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ་མྱ་ངན་གྱིས་སྡུག་བསྔལ་བར་བྱེད་དོ། །དཔེར་ན་ད་ལྟར་མི་རྣམས་སྡུག་བསྔལ་བ་དང༌། ཡིད་མི་བདེ་བ་འགའ་ཞིག་གི…

སྨྲ་ཞིང་སྨྲེ་སྔགས་འདོན་ལ་མྱ་ངན་དང་སྡུག་བསྔལ་བར་གྱུར་ཏོ། །དཔེར་ན་ད་ལྟར་མི་རྣམས་འགའ་ཞིག་ལ་ཚིག་དྲག་པོའི་ཚར་གཅད་པས་ཚར་གཅད་པར་འདོད་པ་ན་སྔོན་གྱི་ཡི་གེ་དང༌། ཚིག་དང༌། ཚིག་འབྲུ་དེ་དག་ཉིད་རྗེས་སུ་བཟླས་ཤིང་འདི་སྐད་ཅེས། མདུན་ནས་ཕར་སོང་མདུན་ནས་ཕར་སོང་ཞེས་སྨྲ་བ་དེ་བཞིན་དུ་སེམས་ཅན་དེ་རྣམས་མྱུ་གུའི་ཚལ་ནུབ་པ་དང་ཚོགས…

ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་དོ། །སེམས་ཅན་ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་པ་ཡིན་གྱིས། ཀྭའི་སེམས་ཅན་ཁྱོད་ཀྱིས་ད་ཇི་ལྟར་སེམས་ཅན་སུན་དབྱུང་ཞེས་སྨྲའོ། །དཔེར་ན་ད་ལྟར་མི་རྣམས་བག་མ་བླངས་པ་ན་ཕྱེ་མ་དང༌། དྲི་དང༌། ཕྲེང་བ་དང༌། གོས་དང༌། འབྲས་ཡོས་ཀྱིས་གཏོར་ནས་འདི་སྐད་ཅེས་བག་མ་བདེ་བར་གྱུར་ཅིག་ཅེས་ཟེར་བ་…

སཱ་ལུའི་ཆེད་དུ་འདོང་བར་བྱེད་དོ། །དེ་ནས་སེམས་ཅན་སྙོམ་ལས་ཀྱི་རང་བཞིན་ཅན་ཞིག་གིས་ནང་པར་གྱི་སཱ་ལུ་ནུབ་མོ་བླངས་སོ། །དེ་ནས་སེམས་ཅན་ཞིག་གིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན་ཁྱོད་ཚུར་སཱ་ལུའི་ཕྱིར་འདོང༌། དེ་ནས་སེམས་ཅན་དེས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན་ཁྱོད་རང་གི་སཱ་ལུ་ལ་སོམས་ཤི…

ལག་དང་ཉིང་ལག་ཐམས་ཅད་དང་ལྡན་པ། ཁ་དོག་བཟང་པོས་གནས་པ། རང་གི་འོད་དང་ལྡན་པ། ནམ་མཁའ་ལ་འགྲོ་ཞིང་དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་ལ། བདག་ཅག་སའི་བཅུད་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏོ། །བདག་ཅག་སའི་བཅུད་ལ་ཁམ་གྱི་ཟས་ཀྱི་རིམ་གྱིས་ཟོས་ཏེ། གང་གི་ཚེ་བད…

ལ་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་ས་ཞག་དེ་ནུབ་པར་གྱུར་ཏོ། །ས་ཞག་དེ་ནུབ་པ་ན་མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་དེ་ཟས་སུ་ཟ་བ་ལ་ཚེ་རིང་ཞིང་ཡུན་རིང་དུ་གནས…

མ་དག་འདི་ནི་འཇིག་རྟེན་དུ་མུ་ཐུག་བྲེ་བའི་ལས་ཀྱི་མཐའ་རྣམས་བྱུང་བའི་རྩོམ་པ་དང་པོ་ཡིན་ནོ། །དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་མ་ཡིན་ཏེ། དེ་ལ་རྒྱལ་བའི་དབང་པོའི་ཆོས་ལ་འདི་ནི་ཆོས་ཀྱི་གཙོ་བོ་ཡིན་ནོ། །དེ་ནས་སེམས་ཅན་ཞིག་གིས་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་སོ། །སེམས་ཅན་གཞན་ཞིག་གིས་སེམས་ཅན…

ཚུར་དྲངས་ནས། ཇི་ཙམ་ན་འཁོར་གྱི་ནང་དུ་ཡང་བྱུང་ནས་ཅིའི་ཕྱིར་སྤྱོ། །ཀྭའི་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིགཐདེ་ནས་སེམས་ཅན་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་སཱ་ལུའི་ཕྱིར་ཕར་འདྲེན་ཚུར་འདྲེན་ཞིང་ཇི་ཙམ་ན་འཁོར་གྱི་ནང་དུ་སྦྱོ་བ་ཡང་སྣང་བས། མ་ལ་བདག་ཅག་ཚོགས་ཤིང་འདུས་ལ་བདག་ཅག་གི་ནང་ན་སེམས་ཅན་ལྷག་པར…

ཁྲིམས་ཉམས་སུ་བླངས་ཏེ་གནས། ཤེས་རབ་ཉམས་སུ་བླངས་ཏེ་གནས་པས་རྒྱལ་པོ་རྒྱལ་པོ་ཞེས་བྱ་བར་གྲགས་སོ། །གཽ་ཏ་མ་དག་རྒྱལ་པོ་མང་པོས་བཀུར་གྱི་ཚེ་མི་རྣམས་ཀྱི་མིང་སེམས་ཅན་སེམས་ཅན་ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་མང་པོས་བཀུར་བའི་བུ་འོད་མཛེས་ཞེས་བྱ་སྟེ། གཽ་ཏ་མ་དག་རྒྱལ་པོ་འོད་མཛེས་ཀྱི་ཚེ་མི་རྣམས་ཀྱི་མིང་ཚུར་ཤོག་ཚུར་…

པ་ཡིན་ནོ།། །།བར་སྡོམ་ལ། སེམས་ཅན་ཚུར་ཤོག་སྨེ་བ་ཅན། །སྤྲིན་མགྲིན་དང་ནི་དེ་བཞིན་དུ། །ཏ་ལའི་རྐང་དང་ཡིད་ལས་སྐྱེས། །སྔོན་གྱི་དེ་དྲུག་བསྡུས་པ་ཡིན། །གཽ་ཏ་མ་དག་རྒྱལ་པོ་ང་ལས་ནུའི་བརླ་གཡས་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན་ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད…

དབང་ཕྱུག་ལ་དབང་བྱེད་དུ་འཇུག་གོ །གཽ་ཏ་མ་དག་རྒྱལ་པོ་མཛེས་ལྡན་གྱི་རྐང་པ་གཡོན་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན་ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང༌། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་བཅུ་རྩ…

ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་དགྲ་འདུལ་གྱི་བུ་དང༌། ཚ་བོ་དང༌། ཡང་ཚ་དང༌། སུམ་ཚའི་རྒྱུད་རྒྱལ་པོ་ལྔ་ཁྲི་བཞི་སྟོང་ཡུལ་དམག་གིས་མི་ཚུགས་བར་བྱུང་ངོ༌། །དེ་རྣམས་ཀྱི་ཐ་མ་ནི་རྒྱལ་པོ་མ་རྒྱལ་བ་ལས་རྒྱལ་བ་ཞེས་བྱ་བ་བྱུང་སྟེ། མ་རྒྱལ་བ་ལས་རྒྱལ་བར་བྱེད་པས་ན་མ་རྒྱལ་བ་ལས་རྒྱལ་བ་མ་རྒྱལ་བ་ལས་རྒྱལ་བ་ཞེས་བྱ་བར་གྲགས་ས…

གཽ་ཏ་མ་དག་རྒྱལ་པོ་རྒྱལ་སྡེའི་བུ་དང༌། ཚ་བོ་དང༌། ཡང་ཚ་དང༌། སུམ་ཚའི་རྒྱུད་རྒྱལ་བོ་ཁྲི་བརྒྱད་སྟོང་གྲོང་ཁྱེར་ཙམ་པར་བྱུང་སྟེ། དེ་རྣམས་ཀྱི་ཐ་མ་ནི་རྒྱལ་པོ་ཀླུའི་ལྷ་ཞེས་བྱ་བ་བྱུང་ངོ༌། །གཽ་ཏ་མ་དག་རྒྱལ་པོ་ཀླུའི་ལྷའི་བུ་དང༌། ཚ་བོ་དང༌། ཡང་ཚ་དང༌། སུམ་ཚའི་རྒྱུད་རྒྱལ་པོ་ཉི་ཁྲི་ལྔ་སྟོང་གྲོང་ཁྱེར་ཏ་ལའི་ཕྲེང་དུ་བྱུང་ས…