བྱའོ། །ལངྒ་ལི་ཡའི་ཤིང་«་་་་་འོ་ལམ་སེ་འདྲ་བ་སྦུབས་ཅན། »བཏོན་ལ་རང་གི་གནས་«དགོན་པ་སོགས་»སུ་བསྐྱེད་པར་བྱའོ། །འདི་«ཝརཱཧྲཱིར་བསམས་ལ་»ཟླ་བ་དྲུག་ཏུ་སོ་སོར་«ཤིང་དེ་ལ་ཉི་མ་རེ་རེ་»བཞིན་མཆོད་པར་བྱའོ། །ཕྱག་རྒྱ་ཆེན་པོའི་འབྲས་བུ་བདག་ལ་སྩོལ། «ཅིག་གསོལ་བ་གདབ།» སོ་སོར་ཡང་དག་པར་མཆོད་པ་དང་ཕྱག་བྱའོ། །འདིར་ཟླ་བ་དྲུག་ཏུ་ཡ…

གྱེན་དུ་གཟིགས། །གཡས་གཡོན་ཕྱག་ཞབས་རྩེན་པའི་གར་གྱིས་མི་རྟོག་བདེ་ཆེན་ཟུང་འཇུག་ཚུལ། །མཁའ་འགྲོ་དཔག་མེད་འཕྲོ་འདུའི་ལུས་ཅན་སྲིད་གསུམ་བདེ་བས་ཚིམ་མཛད་མ། །གྲངས་མེད་མཁའ་འགྲོའི་གཙོ་ལ་བཏུད་དེ་དེ་ཡི་བསྙེན་སྒྲུབ་ཆོ་ག་བཤད། །དབང་ཐོབ་དམ་ཚིག་རྣམ་དག་ཅིང༌། །རྗེས་གནང་ཆོ་གས་རྒྱུད་དག་པ། །ལུང་དང་མན་ངག་ལྡན་པ་ཡི། །རྣལ་འབྱོར་ཅ…

སྔ་མ་ལྟར་མཛད་པས། རང་གི་སྙིང་གའི་བྂ་ལས་འོད་འཕྲོས་པས་རང་གི་ལུས་དང་ཁམས་གསུམ་ཐམས་ཅད་གང་བས་ཁམས་གསུམ་ཐམས་ཅད་འོད་དུ་ཞུ། མེ་ལོང་ལ་ཧས་བཏབ་པ་ལྟར་རིམ་གྱིས་བསྡུས་ཏེ་རང་གི་ལུས་ལ་ཐིམ། ལུས་ཀྱི་རྐང་པ་གཉིས་བརླ་ལ། དེ་ལྟོ་བ་ལ། དེ་སྐེད་པ་ལ། དེ་སྙིང་ག་ལ། ལག་པ་གཉིས་དཔུང་པ་ལ། དེ་སྙིང་ག་ལ། དེ་མགྲིན་པ་ལ། དེ་མགོ་བོ་ལ། དེ་སེམ…

བ་གདབ། ནོངས་པ་བཟོད་པར་གསོལ། ཡི་གེ་བརྒྱ་པའི་མཐར་བཛྲ་མུཿས་གཤེགས་སུ་གསོལ། གཏོར་མ་གཙང་སར་བཏང་ཞིང་དགེ་བ་བསྔོ། འདི་ནི་ལས་དང་པོ་པའི་དབང་དུ་བྱས་པ་སྟེ། སེམས་ཅུང་ཟད་བརྟན་ནས་གཏོར་མ་ཡིད་ཀྱིས་བསམས་ཏེ་ཕུལ་ཀྱང་རུང་གསུངས་སོ། །སྤྱོད་ལམ་ལ་འཇུག་པའི་ཚེ་རང་རྗེ་བཙུན་མ་ཕྱག་མཚན་མེད་པའི་སྐུར་བསམ་ཞིང༌། དཔའ་མོའི་གོ་ཆ་དང་ཚོམ་ར…

རྗེས་སུ་གཟུང་བའི་ཆོ་ག་ནི། ནག་པོའི་ཕྱོགས་ཀྱི་ཚེས་བཅུ་ལ་དབེན་ཞིང་ཡིད་དང་མཐུན་པའི་གནས་ཁང་ཕྱགས་དར་དང་སྐྱང་ནུལ་བྱས་པར་བླ་བྲེ་དང་རྒྱན་དགྲམ། བྲིས་སྐུ་ལ་སོགས་པའི་རྟེན་བཤམ། མཎྜལ་གྱི་གཞི་བ་བྱུང་ལྔ་དང་དྲི་བཟང་བདུད་རྩི་དང་བཅས་པས་བྱུག དེར་རྡུལ་ཚོན་དམར་པོས་ཆོས་འབྱུང་གྲུ་གསུམ་བྲིས་པའི་དབུས་སུ་རེ་ཁཱ་དཀར་པོས་པདྨ་འདབ…

ཡིད་ཀྱིས་སྙིང་གའི་བྂ་ལས་འཕྲོས་པའི་བོད་ཀྱིས་རང་འདྲའི་ཡེ་ཤེས་སྤྱན་དྲངས་ནས་ཛཿཧཱུྃ་བཾ་ཧོཿས་དགུག་གཞུག་བྱའོ། །དེ་ནས་དབང་བསྐུར་ཏེ་མི་བསྐྱོད་པས་དབུར་བརྒྱན་པའམ། ཡང་ན་དབུ་རྒྱན་རང་ཆས་སུ་བསམ་མོ། །བསྐྱེད་པའི་རིམ་པའོ།། །།དེའི་ལྟེ་བར་འཁོར་ལོ་ཟུར་དྲུག་པའི་གཡས་གཡོན་གྱི་ཟུར་བཞི་ལ་དགའ་བ་འཁྱིལ་པ་དང་བཅས་པའི་དབུས་སུ་བྂ་ཡ…

སངས་རྒྱས་ཐམས་ཅད་ཀྱི་ཡེ་ཤེས་འཇུག་པར་བསམ་ཞིང༌། ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ། ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཞེས་ཅི་ནུས་བཟླའོ། །བསྙེན་པའི་གྲངས་ནི་འབུམ་བྱའོ་གསུངས་ནའང་འབུམ་ཕྲག་གསུམ་མམ་བཞི་བཟླ་སྟེ། ཡི་གེ་སུམ་ཅུ་རྩ་གཉིས་ལ། །བཟླས་བསྒོམ་སུམ་འབུམ་བྱ་བར་བཤད། །ཅེས་དང༌…

པའི་ངང་ལས་ཐོད་པའི་སྣོད་རྣམས་སུ་ཨོཾ་ཨཱཿཧཱུྃ་ལས་མཆོད་ཡོན་ལ་སོགས་པ་ངོ་བོ་བཟང་ཞིང་རྒྱ་ཆེ་བར་བསྐྱེད་ལ་སོ་སོའི་སྔགས་དང་འབྲུ་གསུམ་བརྗོད་པས་བྱིན་གྱིས་བརླབ། དེ་ནས་མཎྜལ་བསངས་ཤིང་སྦྱངས་ཏེ། སྟོང་པའི་ངང་ལས་ཆོས་འབྱུང་གི་ནང་དུ་རྗེ་བཙུན་མ་སྒྲུབ་ཐབས་ལྟར་ཡན་ལག་བཞི་རྫོགས་སུ་བསྐྱེད་པའི་སྟེང་དུ་བླ་མ་དང༌། ཁོར་ཡུག་ཏུ་དཔའ་…

གཞུག་པར་འཚལ་ལགས་ན། །ཇི་ལྟར་རྒྱལ་བ་ཀུན་གྱིས་ཁྱོད། །ཡེ་ཤེས་རྒྱ་མཚོར་བྱིན་བརླབས་པ། །དེ་བཞིན་དུ་ནི་ཡེ་ཤེས་རོལ། །སེམས་ཅན་འདི་ལ་བྱིན་བརླབ་རིགས། །ཞེས་ལན་གསུམ་གྱིས་གསོལ་བ་བཏབ་པས་གཙོ་མོས་གནང་བ་བྱིན་པར་བསམ་མོ། །དེ་ནས་བུམ་པ་བསངས་ཤིང་སྦྱངས་ཏེ། སྟོང་པའི་ངང་ལས་པད་ཟླའི་གདན་ལ་བྷྲཱུྂ་ལས་རིན་པོ་ཆེའི་བུམ་པ་ཡངས་ཤིང་རྒྱ…

ཙམ་མ་གྲུབ་ན་ཡིད་ཀྱིས་དེ་ལྟར་བསམ་ཞིང༌། དངོས་སུ་མཎྜལ་ལན་བཞི་དབུལ། རྗེ་བཙུན་མ་ལ་གསོལ་བ་ཐོབ་ཅེས་བསྒོས་ལ། ལྷ་མོ་ལུས་ངག་ཡིད་ཀྱིས་སུ། །ཡེ་ཤེས་རྒྱ་མཚོ་ཁྱོད་ཕྱག་འཚལ། །ཇི་ལྟར་སངས་རྒྱས་སྟོབས་ཆེན་གྱིས། །ཐམས་ཅད་ཡེ་ཤེས་བྱིན་བརླབས་པ། །དེ་བཞིན་བདག་རྒྱུད་དག་ལ་ཡང༌། །ཡེ་ཤེས་རྒྱུན་གྱིས་མཛད་དུ་གསོལ། །ཞེས་ལན་བཞི་བརྗོད་དུ…

སངས་རྒྱས་ཐམས་ཅད་རྣལ་འབྱོར་མའི་རྣམ་པས་ལུས་ལ་ཐིམ་ནས་སངས་རྒྱས་ཐམས་ཅད་ཀྱི་ཡེ་ཤེས་ཞུགས་པར་དཔོན་སློབ་གཉིས་ཀས་བསྒོམ་ཞིང་གུ་གུལ་ལ་སོགས་པའི་རྫས་ཀྱི་དུད་པས་བདུག ཌཱ་མ་རུ་ལ་སོགས་པའི་རོལ་མོའི་སྒྲ་དྲག་པོ་བྱ་ཞིང་ཨོཾ་གསུམ་མའི་སྔགས་བརྗོད། དེ་ལྟར་དམིགས་པ་དེ་དག་སྤོགས་ཤིང་ཕབ་པས་ལུས་ངག་ཡིད་གསུམ་ལ་ཡེ་ཤེས་བབས་པའི་རྟགས་ཅི་…

ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྂ། ཙཀྲ་ཝཱི་ར་སྟྭཾ་ཨ་བྷི་ཥིཉྩ་མི། བཛྲི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དབང་བསྐུར་བས་སློབ་མའི་ལུས་ཐམས་ཅད་བྱང་ཆུབ་སེམས་ཀྱི་ཆུ་རྒྱུན་གྱིས་གང༌། ཆུ་ལྷག་མ་ཡར་ལུ…

མའི་སྒྲུབ་ཐབས་མཁའ་སྤྱོད་སྒྲུབ་པ་དང༌། རས་བྲིས་བྲི་ཐབས་དང་བཅས་པ་ཚར་གཅིག་བཤད་ལ་སྒྲུབ་པར་གདམས། སློབ་མས་དམ་ཚིག་དང་སྡོམ་པ་མདོར་བསྡུས་ཏེ་ཁས་བླང་བ་དང༌། ལུས་ལོངས་སྤྱོད་ཐམས་ཅད་གཏང་རག་ཏུ་ཕུལ་ལ། དངོས་སུ་ཅི་འབྱོར་པའི་ཡོན་ཕུལ་ཞིང་བཀའ་དྲིན་ཆེ་བ་ལགས་སོ་ཞེས་ཚིག་གི་གཏང་རག་དབུལ་ལོ། །དེ་ནས་གཏོར་མ་གཏོང་ན་སྐབས་འདིར་བཏང་ལ…

བ་ཀུན་གྱི་དངོས། །མཁྱེན་བརྩེ་བསིལ་བའི་འོད་ཚོགས་རབ་མངའ་བ། །མཚུངས་མེད་བླ་མའི་ཞབས་ལ་ཕྱག་འཚལ་ནས། །གྲངས་མེད་མཁའ་འགྲོའི་གཙོ་ལ་བསྟོད་པར་བགྱི། །གདོད་ནས་རྣམ་དག་ཆོས་དབྱིངས་ནམ་མཁའ་ལ། །གློ་བུར་དྲི་མའི་རྡུལ་གྱིས་མ་གོས་ཤིང༌། །མཁའ་ལྟར་མཐའ་ཡས་བརྟན་གཡོ་ཀུན་གྱི་དངོས། །མཁའ་སྤྱོད་ཆོས་ཀྱི་སྐུ་ལ་ཕྱག་འཚལ་ལོ། །ཟུང་འཇུག་བདེ་…

ཁྱོད་ཀྱི་བྱིན་རླབས་རྗེས་སུ་གནང་བ་ཐོབ། །དད་དང་བརྩོན་པས་བསྒྲུབ་ཅིང་གསོལ་འདེབས་ན། །འདི་ལ་ཁྱེད་ཀྱི་ཐུགས་རྗེ་ཅིས་མི་འཇུག །འོན་ཀྱང་སྐལ་ངན་བདག་བློའི་ཉེས་པ་ཡིས། །ཚེ་འདིར་རྗེས་སུ་འཛིན་པའི་སྐལ་མེད་ན། །འཆི་ཁའམ་བར་དོར་ཁྱོད་ཀྱིས་རྗེས་བཟུང་ནས། །མཁའ་སྤྱོད་གནས་སུ་འཁྲིད་པར་མཛད་དུ་གསོལ། །ཁྱོད་ཐུགས་ཡེ་ཤེས་རྒྱ་མཚོར་བདག…

པའི་ཡིག་ཆར་སྐུ་འབྲི་མ་ཐུབ་ན་ཚོན་ཕུང་ཙམ་གྱིས་ཆོག་པ་དང༌། མཆོད་པ་དང༌། བུམ་པ་བཅའ་བ་སོགས་ཀྱང་སྤྱི་ལྟར་བྱས་པས་ཆོག་པར་གསུངས་པ་སྤྲོས་པ་བསྡུས་པའི་ཚེ་དགོངས་པར་མངོན་ནའང༌། རྒྱ་གཞུང་ལས་སྔ་མ་ལྟར་འབྱུང་བས་ལེགས་སོ། །གཞན་ཡང་ཆོ་ག་གཞན་དང་མ་འབྲེལ་ན་སྔོན་འགྲོ་གཏོར་མ་དང༌། སློབ་དཔོན་གྱི་མདུན་དུ་ཌཱ་མ་རུ་དང༌། ཚོགས་ཀྱི་མཆོད་…

སྭ་བྷཱ་ཝས་སྦྱངས། སྟོང་པའི་ངང་ལས་ཆོས་འབྱུང་གི་ནང་དུ་ནས། མི་བསྐྱོད་པས་དབུར་བརྒྱན་ཞེས་པའི་བར་བདག་བསྐྱེད་བཞིན་ལ། རང་ཉིད་ཅེས་པའི་ཚིག་དོར། ཨ་བྷི་ཥིཉྩ་ཏུ་མཱཾ་སོགས་ཀྱི་མལ་དུ། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ་ཞེས་བསྒྱུར། མདུན་བསྐྱེད་ཀྱི་སྟེང་གི་ནམ་མཁར་བླ་མ་དང༌། ཁོར་ཡུག་ཏུ་དཔའ…

རྒྱུད་བསྐུལ། ཨོཾ་བུདྡྷ་ཌཱ་ཀི་སོགས་གཏོར་མ་དབུལ། ཨོཾ་སརྦ་ཌཱ་ཀི་སོགས་ཀྱིས་བསྟབ་པ་བྱ། གཏོར་མ་གཅིག་ལས་མེད་ན་གཏོར་མ་སོ་སོར་འབུལ་བའི་སྔགས་རྣམས་སྦྲེལ། མཐར་ཨོཾ་བཛྲ་ཨརྒྷཾ་སོགས་ཀྱིས་ཕྱི་མཆོད། ཨོཾ་ཨཱཿཧཱུྃ་གིས་ནང་མཆོད། མི་བསྐྱོད་རྡོ་རྗེ་ཡེ་ཤེས་ཆེ་སོགས་དེ་ཉིད་ལྔ་པའམ། ཇི་སྙེད་རྡོ་རྗེ་མཁའ་འགྲོ་མ་སོགས་ཤློ་ཀ་གཅིག་གིས…

པར་ལྡན་པའི་སློབ་མ་ཉེར་ལྔ་མན་ཟུང་དུ་མ་གྱུར་པ་རྣམས་ཁྲུས་བྱ། ཕྱག་དང་འཇུག་པའི་ཡོན་ཕུལ་ཏེ་རང་རང་གི་གྲལ་དུ་འཁོད་པ་ལ་སློབ་དཔོན་གྱིས། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་བྱིན་རླབས་ཀྱི་བཀའ་ཟབ་མོ་གསན་ལ་དོན་ཚུལ་བཞིན་དུ་ཉམས་སུ་བླང་བར་བགྱི…

ཅད་རིག་པར་རང་གིས་བྱིན། །དེ་བཞིན་བདག་ལའང་མགོན་པོ་ཀྱེ། །ད་ལྟ་ཉིད་དུ་སྦྱིན་པར་རིགས། །ཞེས་པས་གསོལ་བ་བཏབ་ནས། རྒྱུད་དག་པར་བྱ་བའི་སླད་དུ་དམིགས་པ་འདི་བཞིན་མཛོད། དཀྱིལ་འཁོར་གྱི་དབུས་ན་བཞུགས་པའི་བླ་མ་དང་རྗེ་བཙུན་རྡོ་རྗེ་རྣལ་འབྱོར་མ་གཉིས་སུ་མེད་པ་ལ་གཞན་ཡང་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་ཚོ…