ཨོཾ་སྭ་སྟི་སིདྡྷཾ། གཉིས་མེད་ཡེ་ཤེས་རྡོ་རྗེ་ཡིས། །གཟུང་འཛིན་བདུད་སྡེ་འཇིགས་བྱེད་པ། །བླ་མ་འཇམ་དཔལ་ཁྲོས་པ་ལ། །བཏུད་ནས་དེ་ཡི་རྗེས་གནང་འབྲི། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། གནས་དབེན་པར་སྟེགས་བུའི་དབུས་སུ་མཎྜལ་གྱི་ཁར་ཚོམ་བུ་གཅིག དེའི་མདུན་དུ་མཆོད་གཏོར། སློབ་དཔོན་གྱི་མདུན་དུ་རྡོར་དྲིལ་ན…

པའི་བཅོམ་ལྡན་འདས་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་པའི་རྗེས་སུ་གནང་བ་སྒྲུབ་པ་ལ་སློབ་དཔོན་གྱི་བྱ་བ་རྣམས་གྲུབ་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ། ཐོག་མར་སློབ་དཔོན་ལ་དཔལ་རྡོ་རྗེ་འཇིགས་བྱེད་དངོས་ཡིན་སྙམ་པའི་མོས་གུས་དང་ལྡན་པས་རྗེས་གནང་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཞིག་འབུལ་བར་ཞུ། དེ་ལྟར་མཎྜལ་ཕུལ…

བྱད་དུ་བཅུག་པ་སོགས་སྤང་བྱ་མི་མཐུན་པའི་ཚོགས་དང༌། དེར་མ་ཟད་རྣམ་སྨིན་གདོས་བཅས་ཀྱི་ལུས་ཀྱང་མི་དམིགས་པར་སྦྱངས་ཏེ་འོད་ཀྱི་གོང་བུ་རེ་རེར་གྱུར། དེ་ཉིད་ལ་དམིགས་ཏེ་སློབ་དཔོན་གྱིས། ཨོཾ་ཤཱུ་ནྱ་ཏཱ་སོགས་དང༌། ཞེས་བརྗོད་པས་འོད་ཕུང་བརྟན་གཡོའི་ཆོས་དང་བཅས་འོད་གསལ་སྟོང་ཉིད་ནམ་མཁའི་དབྱིངས་ལྟ་བུར་གྱུར་པའི་མོས་པ་མཛོད། དེའ…

འཁོར་གྱི་སྟེང་དུ་རྡོ་རྗེའི་ལྟེ་བར་ཧཱུྃ་མཐིང་ནག་གི་མཐར་སྔགས་ཕྲེང་སྐར་མ་ལྟ་བུས་བསྐོར་བ་དང༌། ཁྱེད་རང་རྣམས་ཀྱི་ཐུགས་ཀར་ཉི་མ་ལ་རྡོ་རྗེའི་ལྟེ་བར་ཧཱུྃ་མཐིང་ནག་རེ་གསལ་བཏབ་ནས། སློབ་དཔོན་ལ་གུས་འདུད་བྱས་པས། སློབ་དཔོན་གྱི་ཐུགས་ཀའི་སྔགས་ཕྲེང་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་སྔགས་ཕྲེང་གཉིས་པ་ལན་གསུམ་བྱུང༌། ས…

རྡོ་རྗེ་ལ་ཐིམ་པས། སངས་རྒྱས་ཐམས་ཅད་ཀྱི་ཐུགས་རྡོ་རྗེའི་བདག་ཉིད་ང་ཡིན་སྙམ་དུ་བསྒོམས་ལ་ཅུང་ཟད་རེ་མཉམ་པར་འཇོག་པར་ཞུ། དེས་རྗེས་གནང་གི་དངོས་གཞི་གྲུབ་ནས། མཇུག་གི་ཆོས་དམ་ཚིག་ཁས་བླང་སོགས་སྤྱི་ལྟར་བྱས་ལ་སློབ་མ་རྣམས་རང་གནས་སུ་བཏང༌། གསུམ་པ་ནི། སློབ་དཔོན་གྱིས་མཆོད་པ་གསོས་བསང་སྦྱངས་བྱིན་རླབས། མཆོད་བསྟོད། བཟོད་གསོལ…

གྲུབ་ཆེན་མི་ཏྲ་ཛོ་ཀིའི་ལུགས་ཀྱི་འཕགས་པ་ཐུགས་རྗེ་ཆེན་པོ་སེམས་ཉིད་ངལ་བསོའི་སྒྲུབ་རྗེས་མན་ངག་དང་བཅས་པ་བཞུགས་སོ།།

རྒྱ་གར་སྐད་དུ། ཨཱརྻཱ་ཨ་བ་ལོ་ཀེ་ཤྭ་ར་སཱ་དྷ་ནཾ། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས། རྗེ་བཙུན་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སྟོང་ཉིད་སྙིང་རྗེ་ལས་བྱུང་བ། །རྣམ་ལྔ་བྱང་ཆུབ་ཆེ་བདག་ཉིད། །སྐུ་གསུང་ཐུགས་ཀྱི་ཐུགས་དག་པ། །འཇིག་རྟེན་མགོན་པོ་མཁས་པས་བསྒྲུབ། །པདྨ་ཟླ་དབུས་གཞོན་ནུའི་སྐུ། །ས…

༈ །ཇོ་བོ་ཁ་སརྤ་ཎིའི་མན་ངག་ལ་དོན་གསུམ་སྟེ། སྔོན་འགྲོ་དང༌། དངོས་གཞི་དང༌། རྗེས་སོ། །དང་པོ་སྐྱབས་འགྲོ་དང་སེམས་བསྐྱེད་སྔོན་དུ་བཏང་བའོ། །གཉིས་པ་ནི། པདྨ་དང་ཟླ་བའི་གདན་ལ་རང་ཇོ་བོ་ཁ་སརྤ་ཎི་སྐུ་མདོག་དཀར་པོ། ཞལ་གཅིག་ཕྱག་གཉིས་པ་གཡས་མཆོག་སྦྱིན་དང་གཡོན་པདྨ་འདབ་བརྒྱད་བསྣམས་པ། ཞབས་གཡོན་སྐྱིལ་ཀྲུང་དང་གཡས་བརྐྱང་བ། རི…

ཤྲཱི་ལོ་ཀ་ནཱ་ཐ་ས་པ་རི་ཝཱ་ར་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་མ་རཀྵ་རཀྵ་ཧཱུྃ། ཞེས་ལན་གསུམ་བརྗོད་པས་ཇོ་བོ་འཁོར་དང་བཅས་པའི་ལྗགས་འོད་ཟེར་གྱི་སྦུ་གུས་བདུད་རྩི་དྲངས་ནས་གསོལ་བས་མཉེས་པར་བསམ་མོ། །དེ་ནས་སྨོན་ལམ་གདབ། མདོ་འདོན་ནོ། །རྗེ་མི་ཏྲ་ཛོ་ཀིའི་གདམས་པ༌།། ༈ །བླ་མ་ནོར་བུ་རིན་ཆེན་དང༌། །དངོས་གྲུབ་སྟེར་བའི་ཡི་དམ་ལྷ། །…

མཛད་པ་དགྱེས་བཞིན་དུ་འཛུམ་མུལ་ལེ་མཛད་ནས་བདག་ལ་བྱིན་གྱིས་རློབ་རློབ་ལྟར་བཞུགས་པར་བསམ། དེ་ནས་རང་གི་སྙིང་འདི་ངོ་བོ་ཉིད་ཀྱིས་རྩེ་མོ་ཐུར་ལ་བསྟན་པའི་ཚུལ་དུ་གནས་ཀྱང༌། སྒོམ་དུས་སུ་པདྨ་དམར་པོ་འདབ་མ་སྟོང་དང་ལྡན་པ་ཁ་གྱེན་ལ་བསྟན་པ། འདབ་མ་རེ་ལ་ཨ་རེ་རེ་ཡོད་པ། དབུས་ཀྱི་ལྟེ་བ་ལ་ཐུགས་རྗེ་ཆེན་པོ་སྐུ་ཆེ་ཆུང་གི་ཚད་སོར་བཞ…

པའི་ཚིག་གིས་གཞན་གྱི་དོན་དུ་གསོལ་བ་གདབ། དེ་ནས་རང་གིས་མོས་པ་དུང་པ་བྱ་སྟེ། དཔེར་ན་སྤྲ་བ་རླན་དང་བྲལ་བ་ལ་མེ་རྩོལ་མེད་དུ་འབྱུང་བ་དང་འདྲའོ། །དེ་ལྟར་མོས་པ་དྲག་པོ་བྱས་པའི་སྟོབས་ཀྱིས་སྤྱི་བོའི་བླ་མའི་ཐུགས་ཀ་ནས་འོད་ཟེར་གྱི་རྒྱུན་དཀར་དམར་བྱུང་སྟེ་སྤྱི་བོ་ནས་ཨ་བ་དྷུ་ཏི་ན་མར་ཞུགས་ཐུགས་ཀའི་ཐུགས་རྗེ་ཆེན་པོ་ལ་ཐིམ་པས…

བསྔོའོ། །རྣལ་འབྱོར་དབང་ཕྱུག་ཆེན་པོ་ཤྲཱི་ཛ་ག་ཏ་མི་ཏྲཱ་ཨཱ་ནནྡའི་གདམས་པ་ཐུགས་རྗེ་ཆེན་པོའི་རྒྱུན་གྱི་ཡི་དམ་རྫོགས་སོ།། ༈ །ཇོ་བོ་ཁ་སརྤ་ཎིའི་སྙིང་གི་མུན་སེལ་གྱི་གདམས་ངག་ལ། དང་པོ་ལུས་བཀྲུས་ལ། ལུས་ཀྱི་བྱུག་པ་ལ་སོགས་པ་བྱ་སྟེ། མཆོད་པའི་རྫས་བཤམ། སྡིག་པ་བཤགས་པ་ལ་སོགས་པ་གཙོར་བྱས་པའི་ཆོས་སྤྱོད་ཅི་ནུས་བྱ། དེ་ནས་པདྨ…

ཚོགས་ཐམས་ཅད་དག་པར་བསམ། དེ་ནས་དེ་ཁོ་ན་ཉིད་ཀྱི་ཏིང་ངེ་འཛིན་ལ་མཉམ་པར་བཞག་སྟེ། དེའང་སྣང་བ་ལྷའི་གཞལ་ཡས་ཁང༌། ལུས་ལྷ་སྐུ། ངག་སྔགས། ཡིད་ཏིང་ངེ་འཛིན་དྲི་མེད་དོ། །སོར་བཞག་དྲན་པ་མ་ཡེངས་ན། །སྣ་ཚོགས་སྣང་བ་རང་གྲོལ་འགྱུར། །རང་གྲོལ་དབྱེ་བ་མེད་གོམས་པས། །འཛིན་པ་ཐམས་ཅད་སྤྲོས་བྲལ་རྟོགས། །མི་རྟོགས་འགྲོ་ལ་བརྩེ་ཆེན་གྱི། །…

སྟོང་པའི་ངང་ལས་པད་ཟླའི་གདན་ལ་རང་སྐད་ཅིག་གིས་ཇོ་བོ་ཁ་སརྤ་ཎི་སྐུ་མདོག་དཀར་པོ་ཞལ་གཅིག་ཕྱག་གཉིས། གཡས་མཆོག་སྦྱིན་དང༌། གཡོན་གདན་ལ་བརྟེན་པས་པདྨ་དཀར་པོ་འདབ་མ་བརྒྱད་པ་ཡུ་བ་དང་བཅས་པ་འཛིན་པ། ཞབས་གཡས་བརྐྱང་བའི་སྐྱིལ་ཀྲུང་ཕྱེད་པའི་རོལ་པས་བཞུགས་པ། དར་དང་རིན་པོ་ཆེས་བརྒྱན་པ། རི་དྭགས་ཀྱི་པགས་པས་ནུ་མ་གཡོན་པ་བཀབ་པ། ཐུ…

བཤམ། མཆོད་པ་བྱིན་རླབས་དང༌། བདག་བསྐྱེད་སྔོན་དུ་འགྲོ་བས། ཚོམ་བུ་སྭ་བྷཱ་ཝས་སྦྱང༌། སྟོང་པའི་ངང་ལས་པད་ཟླའི་གདན་ལ་སྐད་ཅིག་གིས་ཇོ་བོ་ཁ་སརྤ་ཎི་སོགས་ནས། སེམས་ཅན་ཐམས་ཅད་ཀྱི་དོན་མཛད་པར་གྱུར། སྔགས་ཅི་ནུས་བཟླ། ཨོཾ་ཤྲཱི་ལོ་ཀ་ནཱ་ཐ་ས་པ་རི་ཝཱ་ར་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད། སྐྱོན་གྱིས་མ་གོས་སྐུ་མདོག་…

པ་ཐུགས་རྗེ་ཆེན་པོའི་རྗེས་གནང་སྩལ་དུ་གསོལ་སྙམ་པའི་འདུན་པས་འདིའི་རྗེས་ཟློས་ཀྱང་གསུངས་ཤིག སློབ་དཔོན་དགོངས་སུ་གསོལ། བདག་ལ་འཕགས་པ་ཐུགས་རྗེ་ཆེན་པོའི་རྗེས་གནང་མ་ལུས་པ་སྩལ་དུ་གསོལ། རྗེས་གནང་གི་གཞི་དགོད་པའི་སླད་དུ། སྭ་བྷཱ་ཝ་སོགས། ཕྱི་ནང་གི་དངོས་པོ་ཐམས་ཅད་མི་དམིགས་ཏེ་སྟོང་པ་ཉིད་དུ་གྱུར་པའི་ངང་ལས། པད་ཟླའི་གདན་…

པས་ཡིད་ཀྱི་སྡིག་སྒྲིབ་དག ཐུགས་ཀྱི་བྱིན་རླབས་ཞུགས། ཐུགས་ཀྱི་རྗེས་སུ་གནང་བ་ཐོབ་པའི་མོས་པ་མཛོད། སོ་སོའི་མཐར་སྔགས་བཟླ་ཞིང་སྤོས་རོལ་ཀྱང་ཕྱག་ལེན་དུ་མཛད། བཞི་པ་མཐའ་རྟེན་སྔགས་ཀྱི་དངོས་གྲུབ་བསྒྲུབ་པའི་སླད་དུ་བཟླས་ལུང་སྦྱིན་པ་ནི། སློབ་དཔོན་གྱི་སྙིང་གར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདཀར་པོ། དེ་ལས་སྔགས་ཀྱི་…

ཅིང་མེ་ཏོག་འཐོར། རྗེས་དམ་ཚིག་ཁས་བླང༌། གཏང་རག་གི་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་སྤྱི་ལྟར་བྱས་ལ་སློབ་མ་རྣམས་ཀྱིས། སློབ་དཔོན་གྱི་མདུན་བསྐྱེད་ལ་མཆོད་བསྟོད། ནོངས་བཤགས་སྤྱི་ལྟར་བྱས་ལ་མི་དམིགས་པར་བསམ། བསྔོ་སྨོན་བཀྲ་ཤིས་བྱའོ། །གསུམ་པ་མན་ངག་གི་ངེས་པ་མདོ་ཙམ་བཤད་པ་ལ་གསུམ། བསྐྱེད་རིམ་གྱི་ཡན་ལག ར…

ཡེ་ཤེས་ཀྱི་འོད་ཟེར་འཕྲོས་ཏེ། དེའང་ངག་ཏུ་ཨོཾ་ཞེས་པས་ཐོག་དྲངས་ནས་ཨ་ཨཱ་ལ་སོགས་པ་བརྗོད་པས། དེ་མ་ཐག་ཏུ་སྤྱི་བོའི་འཁོར་ལོ་འུ་རུ་རུ་འཁོར་ཏེ། དེའི་འོད་ཟེར་གྱི་རྩལ་དཀར་པོ་ཁོ་རོ་རོ་འཁོར་ཞིང་འབར་བ་འཕྲོས་པས། ས་བླའི་སེམས་ཅན་ཐམས་ཅད་ཀྱི་དོན་བྱས་ཤིང་ཚུར་འདུས་པ་དང༌། རང་ཉིད་ས་བླར་སྐྱེས་པ་དང་སྐྱེ་བའི་སྒྲིབ་པ་ཐམས་ཅད་དག…

གདམས་ངག་དག་བརྒྱུད་ལྡན་གྱི་བླ་མ་ལས་ཉམས་འཁྲིད་ཟབ་མོ་ལེགས་པར་མནོས་ཏེ་ཉམས་སུ་བླང་བ་ནི་ཚུལ་འདིའི་མན་ངག་གི་ཉིང་ཁུར་གྱུར་པ་ཡིན་ནོ། །གསུམ་པ་ལས། རྒྱུན་གྱི་རྣལ་འབྱོར་མན་ངག སྙིང་གི་མུན་སེལ་གྱི་མན་ངག ཕྱི་ནང་གསང་གསུམ་གྱི་མན་ངག བགེགས་འདུལ་བའི་མན་ངག་སོགས་མང་དུ་ཡོད་པ་ལས། སྔ་མ་གཉིས་ཡིག་རྙིང་ལས་ཤེས། ཕྱི་ནང་གསང་གསུམ་ག…