ལྷ་ཚངས་པ། །རླུང་ལྷ་སྣ་ཚོགས་དབང་ཕྱུག་མཆོད་མ། །འབྱུང་པོ་རོ་ལངས་དྲི་ཟ་རྣམས་དང༌། །གནོད་སྦྱིན་ཚོགས་ཀྱིས་མདུན་ནས་བསྟོད་མ། །ཞེས་སོ། ༈ །བདུན་པ་རྒོལ་བ་འཇོམས་པའི་སྒྲོལ་མ་ནི། པདྨ་སེར་པོ་དང་ཉི་མའི་གདན་ལ་ཏུ་ལས་སྒྲོལ་མ་སྐུ་མདོག་ནག་མོ་ན་བཟའ་སེར་པོ་བསྣམས་པ། དྲག་མོ་དབུ་སྐྲ་གྱེན་དུ་བརྫེས་པ། ཞལ་གཅིག་ཕྱག་བཞི་གཡས་ཀྱི་དང…

རྣམས་ལ་རིན་པོ་ཆེའི་ཆར་འབེབས་པ། ཞབས་རོལ་པའི་སྟབས་ཀྱིས་བཞུགས་པ། རིགས་བདག་དོན་གྲུབ། བསྟོད་པ། ཕྱག་འཚལ་དཀོན་མཆོག་གསུམ་མཚོན་ཕྱག་རྒྱའི། །སེར་མོས་ཐུགས་ཀར་རྣམ་པར་བརྒྱན་མ། །མ་ལུས་ཕྱོགས་ཀྱི་འཁོར་ལོས་བརྒྱན་པའི། །རང་གི་འོད་ཀྱི་ཚོགས་རྣམས་འཁྲུགས་མ། །ཞེས་སོ། ༈ །བཅུ་པ་མྱ་ངན་སེལ་བའི་སྒྲོལ་མ་ནི། པདྨ་དམར་པོ་དང་ཟླ་བ་ལས་…

ཁྲོད་ནས་འོད་དཔག་མེད་ལས། །རྟག་པར་ཤིན་ཏུ་འོད་རབ་མཛད་མ། །ཞེས་སོ། ༈ །བཅུ་གསུམ་པ་ཡོངས་སུ་སྨིན་པར་མཛད་པའི་སྒྲོལ་མ་ནི། པདྨ་དམར་པོ་དང་ཉི་མའི་གདན་ལ་བྷྲཱུཾ་ལས་སྒྲོལ་མ་དམར་མོ་དྲག་མོའི་སྐུ་ཅན། ཕྱག་གཡས་ཀྱི་དང་པོས་རལ་གྲི། གཉིས་པས་མདའ། གཡོན་གྱི་དང་པོས་འཁོར་ལོ། གཉིས་པས་གཞུ་འཛིན་པ། ཞབས་གཡས་བརྐྱང་གི་སྟབས་ཀྱིས་བཞུགས་པ…

བླུགས། པདྨའི་སྟེང་ན་པུསྟི་འཛིན་པ། རིགས་བདག་འོད་དཔག་མེད། བསྟོད་པ། ཕྱག་འཚལ་བདེ་མ་དགེ་མ་ཞི་མ། །མྱ་ངན་འདས་ཞི་སྤྱོད་ཡུལ་ཉིད་མ། །སྭཱ་ཧཱ་ཨོཾ་དང་ཡང་དག་ལྡན་མས། །སྡིག་པ་ཆེན་པོ་འཇོམས་པ་ཉིད་མ། །ཞེས་སོ། ༈ །བཅུ་དྲུག་པ་ཆགས་པ་འཇོམས་པའི་སྒྲོལ་མ་ནི། པདྨ་དམར་སེར་དང་ཉི་མའི་གདན་ལ་ཧཱུྃ་ལས་སྒྲོལ་མ་སྐུ་མདོག་དམར་མོ་ཞལ་གཅིག་…

སྡུག་བསྔལ་སྲེག་པའི་སྒྲོལ་མ་ནི། པདྨ་དཀར་པོ་དང་ཉི་མའི་གདན་ལ་ཛ་ལས་སྒྲོལ་མ་སྐུ་མདོག་དཀར་མོ་ཞལ་གཅིག་ཕྱག་གཉིས་ཀྱིས་ཐུགས་ཀར་མེ་ཐབ་བསྣམས་པ། ཞབས་གཡས་ཅུང་ཟད་བརྐྱང་པའི་སེམས་དཔའི་སྐྱིལ་ཀྲུང་གིས་བཞུགས་པ། རིགས་བདག་རྣམ་སྣང༌། བསྟོད་པ། ཕྱག་འཚལ་ལྷ་ཡི་ཚོགས་རྣམས་རྒྱལ་པོ། །ལྷ་དང་མིའམ་ཅི་ཡིས་བསྟེན་མ། །ཀུན་ནས་གོ་ཆ་དགའ་བའི…

ཤིན་ཏུ་ལེགས་ཤིང་སོ་སོའི་ལས་ཚོགས་སྒྲུབ་པའི་སྔགས་དང་བྱ་ཚུལ་སོགས་རྒྱ་གཞུང་དུ་གསལ་ལོ། །པཎ་ཆེན་ཉི་མ་སྦས་པའི་བཞེད་པའི་སྲོལ། །ཕྱག་འཚལ་ཉེར་གཅིག་སྒྲུབ་ཐབས་རྗེས་གནང་བཅས། །གསལ་བར་བཀོད་འདིས་ལུགས་འདིའི་བཀའ་སྲོལ་རྣམས། །མི་ཉམས་མཆོག་ཏུ་དར་བའི་རྒྱུར་གྱུར་ཅིག །ཅེས་རྗེ་བཙུན་མ་ཉེར་གཅིག་བླ་མེད་ལྟར་བཀྲལ་བ་སློབ་དཔོན་ཆེན་པ…

སྒྲུབ་པའོ། །དང་པོ་ནི་སྟན་བདེ་བ་ལ་འདུག་ནས། མཆོད་པ་དང༌། གཏོར་མ་སྔོན་དུ་འགྲོ་བ་ཅན་བྱས་ཏེ། རང་སྐད་ཅིག་གིས་སྒྲོལ་མར་བསམས་པའི་སྙིང་གར་པདྨ་དང་ཟླ་བའི་སྟེང་དུ་ཏཱྃ་བསམས་པ་ལས་འོད་ཁ་དོག་སྣ་ཚོགས་པ་འཕྲོས་པས་མདུན་གྱི་ནམ་མཁའི་གནས་སུ་བླ་མ་དང༌། སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་འཁོར་གྱིས་བསྐོར་བ་སྤྱན་དྲངས། ཡང་ས…

གདན་ལ་བཞུགས་པའོ། །དེ་ནས་སྙིང་གའི་ཏཱྃ་ལས་འོད་འཕྲོས་པས་པོ་ཏ་ལ་ནས་ཡེ་ཤེས་སེམས་དཔའ་སྤྱན་དྲངས་ལ་བསྟིམ། དབང་བསྐུར་གྱི་ལྷ་སྤྱན་དྲངས་ཏེ། གསོལ་བ་བཏབ་ནས་དབང་བསྐུར་ཏེ་དོན་ཡོད་གྲུབ་པས་དབུར་བརྒྱན་པར་བསམས་ལ། སྙིང་གར་པདྨ་དང་ཟླ་བའི་སྟེང་གི་ཏཱྃ་ལ་ཡི་གེ་བཅུ་པས་བསྐོར་བར་བསམས་ནས་ཡི་གེ་བཅུ་པ་ཉིད་བཟླ་བར་བྱའོ། །དེ་ལྟར་ཐུན…

ཁ་དོག་དང་འོད་ཟེར་ཡང་དམར་པོར་བྱ་ཞིང་ཆེ་གེ་མོ་བ་ཤྱཾ་ཀུ་རུ་ཧོའི་སྔགས་ཀྱི་སྤེལ་ཚིག་དང་བཅས་པ་བཟླས་ཏེ། ཆོ་ག་ལྷག་མ་ནི་སྔ་མ་བཞིན་བྱས་ན་དབང་དང་འགུགས་པའི་ལས་འགྲུབ་པར་འགྱུར་རོ། །ལོངས་སྤྱོད་རྒྱས་པ་ལ་སོགས་པའི་ལས་ལ་རྗེ་བཙུན་མ་སེར་མོ་དང༌། འཁོར་ལོ་དང༌། ཡི་གེའི་ཁ་དོག་དང༌། འོད་ཟེར་ཡང་སེར་པོར་སྤྲོ་ཞིང་པུཥྚིཾ་ཀུ་རུ་ཨོཾ…

ཐབས་ཀྱི་བརྗེད་བྱང༌།། ༈ །སོ་སོའི་སྒྲུབ་ཐབས་བཞུགས། ཨོཾ་སྭ་སྟི། ཡི་དམ་ལྷ་ལ་ཕྱག་འཚལ་ལོ། །སྤྱིའི་སྒྲུབ་ཐབས་བཞིན་བསྙེན་པ་ཡོངས་སུ་རྫོགས་ནས་སྒྲུབ་པ་དང་ལས་སྦྱོར་གྱི་དུས་ཀྱི་རྣལ་འབྱོར། ཕྱག་འཚལ་ཉེར་གཅིག་གི་མངོན་པར་རྟོགས་པ་རྣམས་ཀྱི་སྤྱིའི་མངོན་པར་རྟོགས་པ་ནི་འདི་ཡིན་ཏེ། ཚོགས་བསག་པའི་ཞིང་མདུན་གྱི་ནམ་མཁར་སྤྱན་དྲངས…

པུསྟིའོ། །གསུམ་པ་རིན་པོ་ཆེའི་རིགས་ཀྱི་སྒྲོལ་མ་ནི་རེ་ལས་བསྐྱེད་པར་བྱའོ། །བཞི་པ་ལས་ཀྱི་རིགས་ནི་ཏུཏ་ལས་བསྐྱེད་པར་བྱའོ། །ལྔ་པ་གསུང་གི་རིགས་ནི་ཏཱ་ལས་སོ། །དྲུག་པ་གསུང་གི་རིགས་ནི་རེ་ལས་སོ། །བདུན་པ་རིན་པོ་ཆེའི་རིགས་ནི་ཏུ་ལས་སོ། །སྐྱེ་གནས་ཀྱི་སྟེང་ན་ཞགས་པ་བསྣམས་པ་ཞེས་བྱ་བ་ནི་པདྨའོ། །བརྒྱད་པ་ལས་ཀྱི་རིགས་ནི་རེ…

བས་སོ། །སྒྲུབ་ཐབས་སོ་སོའི་མངོན་པར་རྟོགས་པའི་བརྗེད་བྱང༌།། ༈ །བསྟོད་པ་འདོན་ཐབས་ཀྱི་བརྗེད་བྱང་བཞུགས། ཨོཾ་སྭ་སྟི། ཐུན་མཚམས་སུ་ཕྱག་འཚལ་ཉེར་གཅིག་པ་གདོན་པར་འདོད་པས། ཐོག་མར་སེམས་ཅན་ཐམས་ཅད་སྲིད་པའི་སྡུག་བསྔལ་ཆེན་པོ་ནས་བསྒྲལ་ལ། རྫོགས་པའི་སངས་རྒྱས་ཀྱི་གོ་འཕང་ལ་དགོད་པར་བྱ་སྙམ་དུ་སེམས་བསྐྱེད། དེ་ནས་མདུན་གྱི་ནམ་མ…

ཅན་དཔག་ཏུ་མེད་པ་བསྒྲལ་བར་བྱའོ། །ཞེས་གསུངས་སོ། །དེའི་ཚེ་དེ་བཞིན་གཤེགས་པ་ཐམས་ཅད་ཀྱི་ངོ་བོར་གྱུར་པ་དཔལ་རྣམ་པར་སྣང་མཛད་ཀྱིས་བསྟོད་པ་ནི་ཕྱག་འཚལ་སྒྲོལ་མ་ཞེས་བྱ་བ་ལ་སོགས་པ་ཇི་ལྟར་བྱུང་བའི་ལོ་རྒྱུས་ཀྱི་སྒོ་ནས་བསྟོད་པ་དང༌། གཉིས་པ་རྒྱན་དང་འོད་ཟེར་གྱི་སྒོ་ནས་བསྟོད་པ་དང༌། གསུམ་པ་སྐུ་མདོག་དང་ཕྱག་མཚན་དང་ཕ་རོལ་ཏུ་…

བརྗོད་པའི་གང་ཟག་ལ་ཕན་ཡོན་གྱི་ཚོགས་རྣམས་འབྱུང་བར་བསྟན་ཏོ། །བསྟོད་པ་འདོན་པའི་ཐབས་ཀྱི་བརྗེད་བྱང༌། །སྤྱིའི་སྒྲུབ་ཐབས་དང༌། སོ་སོའི་མངོན་པར་རྟོགས་པའི་རབ་ཏུ་གསལ་བ་དང༌། ཉི་ཤུ་རྩ་གཅིག་འདོན་པའི་ཆོ་ག་འདི། །བྱས་པའི་དགེ་དེས་འགྲོ་རྣམས་སངས་རྒྱས་ཤོག །སྤྱི་དང་སོ་སོའི་མངོན་པར་རྟོགས་པ་དང༌། བསྟོད་པ་འདོན་པའི་ཐབས་ཀྱི་བརྗ…

བར་མདུན་བསྐྱེད་ལྟར། རང་གི་སྙིང་ག་ནས་སྔགས་ཀྱི་ཕྲེང་བ་གཟུངས་ཐག་ལ་བརྟེན་ནས་སོང༌། བུམ་པའི་ལྷའི་ཐུགས་ཀར་ཞུགས་པས་ཐུགས་རྒྱུད་བསྐུལ། སྐུ་དང་སྔགས་ཕྲེང་ལས་བདུད་རྩིའི་རྒྱུན་བབས་པས་བུམ་པ་གང་བར་བསམས་ལ་བཟླས་པ་ཅི་ནུས་མཐར་མཆོད་བསྟོད་དང་ཡི་གེ་བརྒྱ་པ་བརྗོད། ཨོཾ་ཨཱཿཧཱུྃ་གིས་མཆོད་ཡོན་ཕུལ་བས་བུམ་པའི་ལྷ་མོ་འོད་དུ་ཞུ་བའི་…

དེས་རྗེ་བཙུན་མ་འཕགས་མ་སྒྲོལ་མའི་གསུང་གི་རྗེས་སུ་གནང་བ་ཐོབ་སོགས་སྦྲེལ་ལོ། །གཞན་ཡང་ཡིག་རྙིང་དང་སྒྲུབ་ཐབས་རིན་འབྱུང་སོགས་ལས་དཀར་མོ་ཟླ་མདངས། གསེར་མདོག་ཅན། ཧཱུྃ་སྒྲ་སྒྲོག་མ། བཀྲ་ཤིས་སྣང་བ། ཁྲོ་གཉེར་གཡོ་བའི་སྒྲོལ་མ་རྣམས་ཞབས་ཀྱི་བཞུགས་སྟངས་དམིགས་བསལ་མེད་པས་རྡོ་རྗེའི་སྐྱིལ་ཀྲུང་དུ་མཛད། རིན་འབྱུང་ལས་དགུ་པ་མཆ…

པར་རྟོགས་པ་བསྒོམས་ནས། སྔགས་ཡི་གེ་བཅུ་པ་འབུམ་ཕྲག་བཅུ་གསུམ་བཟླ་བར་བྱའོ། །གཉིས་པ་ནི། དེ་ལྟ་བུའི་རྩ་བའི་བསྙེན་པ་སྔོན་དུ་སོང་བས་ལས་ཀྱི་ལྷ་མོ་ཉི་ཤུ་རྩ་གཅིག་པོ་སོ་སོའི་སྒྲུབ་ཐབས་ཇི་སྐད་བཤད་པ་བཞིན་བསྒོམས་ལ་བཟླས་པ་རབ་ཁྲི་ཕྲག་བཞི། འབྲིང་ཁྲི། ཐ་མའང་སྟོང་ཕྲག་བཞི་རེ་བཟླས་པས་ལས་བསྒྲུབ་པ་ལ་དབང་བ་ཡིན་ནོ། །གསུམ་པ་ལས…

ཐབས་བཅས། །གསལ་བྱེད་སྐལ་བཟང་ཉེར་མཁོ་བའི། །ཚུལ་འདིས་གཞན་ལ་སྨན་གྱུར་ཅིག །ཅེས་གཞུང་སྔ་མ་དག་ལས་ཉེར་མཁོའི་ཚུལ་མདོ་ཙམ་བཏུས་པ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་མངྒ་ལཾ་བྷ་བ་ཏུ།། ༈ །གྲུབ་ཆེན་ཉི་མ་སྦས་པའི་ལུགས་ཀྱི་སྒྲོལ་མ་སྤྱི་སྒྲུབ་ཀྱི་མངོན་རྟོགས་རྣལ་འབྱོར་ཉེར་མཁོ་ཞེས་བྱ་བ་བཞུགས་…

ཨཱཏྨ་ཀོ྅ཧཾ། ཞེས་པས་གཟུང་འཛིན་གྱི་ཆོས་ཐམས་ཅད་སྟོང་པར་བསམས་ལ་བློ་གཞག་གོ །གཉིས་པ་དངོས་གཞི་ལ་གཉིས། ལྷ་བསྒོམ་པ་དང༌། སྔགས་བཟླ་བའོ། །དང་པོ་ལ་བཞི་ལས། དང་པོ་དམ་ཚིག་པ་བསྐྱེད་པ་བསྙེན་པའི་ཡན་ལག་ནི། དེ་ནས་བྱང་ཆུབ་ཀྱི་སེམས་རྗེས་སུ་དྲན་པའི་སྟོབས་ཀྱིས་གཟུགས་ཀྱི་སྐུར་ལངས་ལ་སེམས་ཅན་གྱི་དོན་བྱའོ་བསམས་པས་མཚམས་སྦྱར་ཏེ། …

བཛྲ་ས་མཱ་ཛཿ ཨོཾ་བཛྲ་པུཥྤེ་ཨཱཿཧཱུྃ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་སོགས་དང༌། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག ཆུའི་ལྷག་མ་ཡར་ལུད་པ་ལས་དོ…