བྱ་བར་བཤད། །དེ་ནི་དངོས་གྲུབ་བསྒྲུབ་དུས་ཡིན། །ཚོགས་སོགས་གསང་སྔགས་ནུས་འབྱིན་ལ། །རང་གི་ནུས་པ་དང་སྦྱར་ཏེ། །ཅི་རིགས་པར་ནི་བྱ་བ་ཡིན། །དགྲ་བགེགས་ཚར་གཅོད་བྱིན་སྲེག་ལ། །སྔོན་དུ་བསྙེན་པའི་ཡི་གེ་ཡི། །གྲངས་ཀྱི་བརྒྱད་འགྱུར་སོང་བ་ཡིས། །སྦྱིན་སྲེག་བྱས་ན་ངེས་པར་འགྲུབ། །དེ་ལ་རྡོ་རྗེ་གཏུམ་པོའི་སྦྱིན་སྲེག་ནི་གསུམ་སྟེ།…

དྲངས་ཏེ། དེ་ལ་གཉིས་སུ་མེད་པར་བསྟིམ། དེ་ནས་དངོས་སམ་ཡིད་ཀྱིས་མཆོད་པ་ལྔས་མཆོད་ལ། དེ་ལ་ཡང༌། ཨོཾ་ཨགྣ་ཡེ་བཛྲ་པུཥྤེ་ཧཱུྃ། ཞེས་པ་ལ་སོགས་པ་བརྗོད་ཅིང་དབུལ། དེ་ནས་གཡོན་པས་མེ་ཏོག་བཟུང་ལ། གཡས་པའི་མཐེ་བོང་དང་སྲིན་ལག་གི་རེ་རེ་བླངས་ལ། ཨོཾ་ཨགྣ་ཡེ་མི་མ་ཡིན་པའི་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་ལན་བདུན་གྱི་…

བསྐྱེད་ལ། ནད་པ་ལ་སོགས་པ་རྩ་ན་ཡོད་ན་དེའི་སྲིན་ལག་ནས་བཟུང་ལ། ལག་པ་གཡས་པས་བསྲེག་རྫས་དེ་ལ་བསྐོར་ཞིང༌། བསྲེག་རྫས་ལྷག་མ་བདུན་ནམ། ལྔ་ལ་སོགས་པ་ཅི་འབྱོར་བ་སྔ་མ་ཉིད་ཀྱིས་དབུལ། དངོས་སམ་ཡིད་ཀྱིས་མཆོད་པ་ལྔས་མཆོད་ལ། གསོལ་བ་བཏབ་སྟེ། རང་རྒྱུད་པ་རང་གི་གནས་སུ་གཤེགས་སུ་གསོལ། དམ་ཚིག་པ་རང་ལ་བསྡུས་ལ། ཐལ་བ་ལ་རེག་ན་བར་ཆད་ཆ…

བྲམ་ཟེའི་རྒྱུན་བཞག་གི་མེའམ་མར་མེ་ལ་སོགས་པས་བྱ། རྒྱས་པ་ལ་རྒྱལ་པོའི་ཁྱིམ་གྱི་མེའམ། དགེ་འདུན་གྱི་བསྲོ་ཁང་གི་མེའམ། ཁྱིམ་བདག་གི་མེས་བྱའོ། །དབང་ལ་སྨད་འཚོང་མའི་མེའམ། ཀུན་ཏུ་རྒྱུས་ལམ་དུ་བུས་པའི་མེས་བྱའོ། །དྲག་པོ་ལ་ཤན་པའི་ཁྱིམ་གྱི་མེའམ། རྡོ་གཙུབས་པ་ལས་བྱུང་བའི་མེས་བྱའོ། །ཞི་བ་ལ་རྒྱན་དང་གོས་དཀར་པོ་གྱོན་ནས་ཁ་ཤ…

པར་དུ་ཏིལ་གྱི་གཟུགས་བརྙན་ལ་བརྟེན་ཏེ། དགྲ་བགེགས་ཚར་གཅོད་པའི་སྦྱིན་སྲེག་བྱེད་པར་འདོད་ན། ཤིན་ཏུ་གནག་ཅིང་གསང་བའི་ས་ཕྱོགས་སུ། མུ་ཟི་ནག་པོའམ། དུར་ཁྲོད་ཀྱི་སོལ་བ། ཐབ་གྲུ་གསུམ་ངོས་རེ་རེ་ལ་སོར་ཉི་ཤུ་པ་བྲུས་ལ་དེ་ལ་བྱུག དེའི་གྲ་གསུམ་དུ་རོ་བསྲེགས་པའི་རྡོ་གསུམ་བཞག དེར་གདུག་པ་ཅན་གྱི་ཤིང་བརྩིག་གོ །དེ་ནས་ཏིལ་ནག་གི་…

དེ་བཞིན་དུ་བྲིས་པའི་ལིངྒ་ཡང་སྔར་བཞིན་བྱས་ལ། སྔར་གྱི་དང་བསྲེས་ལ་གཞག་གོ །དེ་ནས་ཐབ་ཏུ་པྃ་རྃ་ལས། པད་ཉིའི་སྟེང་དུ། རྃ་ལས་བགྲང་ཕྲེང་རྃ་གྱིས་མཚན་པ་དེ་ཡོངས་སུ་གྱུར་པ་ལས། མེ་ལྷ་ཤིན་ཏུ་གནག་ཅིང་རྔམ་པའི་ཆ་ལུགས་ཅན། ཞལ་གཅིག་ཕྱག་གཉིས་བགྲང་ཕྲེང་དང༌། དབྱུག་པ་འཛིན་པ་བསྐྱེད་ལ། རང་གི་སྙིང་གའི་ས་བོན་གྱི་འོད་ཀྱིས་ཡེ་ཤེས་…

རྫས་ལྷག་མ་ཅི་འབྱོར་པས་མཆོད། ཕྲིན་ལས་བཅོལ་ཏེ་ཡེ་ཤེས་པ་གཤེགས་སུ་གསོལ། དམ་ཚིག་པ་རང་ལ་བསྡུ། དེའི་མཚན་མོ་ཐབ་དེ་ལ་སུ་ཡང་རེག་ཏུ་མི་གཞུག་གོ །དེའི་ནངས་པར་ཤོག་བུའམ་རས་ལ་ལིངྒ་བྲིས་ཏེ། དེའི་ནང་དུ་ཐལ་བ་དེ་ནས་བག་ཙམ་ཞིག་གཏུམས་ཏེ་སྐུད་པ་ནག་པོའམ་སྔོན་དམར་གྱིས་རྒྱ་གྲམ་དུ་དཀྲིས་ལ། རང་ལྷའི་ང་རྒྱལ་བརྟན་པོ་དང་ལྡན་པས་ཟམ་པ…

བས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་འཁོར་ལོ་དཔག་ཏུ་མེད་པ་བཀུག་ལ་བསྟིམ། དེ་ནས་ལག་པ་གཡས་པས་ཀྱང་དེ་ལ་བཀབ་པས། གཡོན་པའི་འོད་ཀྱིས་གཡས་པ་ལའང་འཁོར་ལོ་གཅིག་བྱུང་བར་བསམས་ཏེ། དེ་གཉིས་ཀྱི་བར་དུ་ཡུངས་ཀར་བླུགས་པས། དེ་གཉིས་ཀྱི་བྱིན་རླབས་ཀྱིས་ཡུངས་ཀར་དེ་ལྕགས་ཀྱི་ཐུ་ལུམ་འབར་བར་བསམས་ཏེ། ཡི་གེ་བཅུ་པའི་…

ལ་ལས་རླུང་གི་སྟེང་དུ་བཞག ལ་ལས་རྒྱབ་ནས་ཐོ་བས་རྡུང་བ་ལ་སོགས་པའི་ཚུལ་གྱིས་འབྱུང་པོ་དེ་བཀུག་སྟེ་གཟུགས་བརྙན་ལ་བསྟིམས་ལ། ངག་ཏུ། ཨོཾ་ཙཎྜ་མ་ཧཱ་རོ་ཥ་ཎ་གནོད་བྱེད་ཆེ་གེ་མོ་ཚིནྡ་ཚིནྡ་ཧཱུྃ་ཕཊ། ཅེས་བཟླ་ཞིང༌། གཡས་པའི་རལ་གྲིའི་ཕྱག་རྒྱས་གཟུགས་བརྙན་དེའི་རྐང་པ་ནས་བཟུང་སྟེ། ལུས་ཐམས་ཅད་ཟད་ཀྱི་བར་དུ་རིམ་གྱིས་གཏུབས་པར་བྱས…

གཡུལ་དུ་འཇུག་པའི་དུས་སུ་རང་གཏུམ་པོའི་རྣལ་འབྱོར་ལ་གནས་ཏེ། སྒོ་ནས་ཕྱིར་འགྲོ་བའི་དུས་སུ་དབུགས་གང་ནས་རྒྱུ་བལྟས་ལ། གཡས་ནས་རྒྱུ་ན་རྐང་པ་གཡོན་པས་ཐེམ་པ་མནན་ལ་གཡས་པས་སྔོན་ལ་འདོར། གཡོན་ནས་རྒྱུ་ན་གཡས་པས་ཐེམ་པ་མནན་ལ་གཡོན་པས་སྔོན་ལ་འདོར་བའི་དུས་སུ། གཡོན་པས་སྙིང་གར་སྡིག་མཛུབ་བྱས་ལ་གཡས་པས་རལ་གྲི་འདེབས་པའི་ཚུལ་དུ་བ…

མ་ཧཱ་མ་གྲ་བ་ལ་ཀ དྷུ་ན་དྷུ་ན། ཊི་ནི་ཊི་ནི། ལ་ད་ལ་ད། བིགྷཱན། མཱ་ར་མཱ་ར་ཡ། དུཥྚཱན་བྷཀྵ་ཡ། སརྦཾ་ཀུ་རུ། ཀི་རི་ཀི་རི། མ་ཧཱ་བི་ཤ་བཛྲེ། སྥོ་ཊ་ཡ་སྥོ་ཊ་ཡ། ཧཱུྃ་ཧཱུྃ་ཧཱུྃ། ཨཾ་ཨཾ་ཨཾ། ཧཾ་ཧཾ་ཧཾ། ཨ་ཙ་ལ་ཙེ་ཏ། སྥོ་ཊ་ཡ། སྥོ་ཊ་ཡ། ཧཱུྃ་ཧཱུྃ། ཨ་ས་མ་ནི་ཏ་ཀ་རཱ་ཊ། མ་ཧཱ་པ་ལ་ཤ་ཏཱ་ཡ། ཙེཊྚ་ཡ། པ་ར་མནྟ་ན། ཨཾ་ཧཾ་ཨཾ་ཤུ། དྷྱཻ་ཏུ་ལོ…

ཨོཾ་མ་ཧཱ་མནྡྷ་པ་ལ་ཀཱ་ཡ་ཧཱུྃ་ཕཊ། ཨོཾ་བིགྷྣན་མཱ་ར་ཡ་ཧཱུྃ་ཕཊ། ཨོཾ་ས་མ་ཡཱནྡྷན་བ་ཏ་ས་ཧཱུྃ་ཕཊ། ཨོཾ་མ་ཧཱ་བི་ཤྭ་བཛྲ་སྥོ་ཋ་ཡ་བྷ་ཧཱུྃ་ཕཊ། ཨོཾ་ཏྲི་པ་ལི་ཏི་པ་རཾ་ཀ་ནརྟ་ཀ་ཧཱུྃ་ཕཊ། ཨོཾ་ས་མནྟི་ཀ་ཏ་ཧཱུྃ་ཕཊ། ཨོཾ་མ་ཧཱ་མ་ལ་ཤ་ཏཱ་ཡ་སརྦ་བིགྷྣན། བི་ནཱ་ཡ་ཀ་དྱ་བྱ་ད། ཨོཾ་དྷ་ར་ཀ་སྱ། རཀྵཾ། དི་གཾ་ཀུརྺནྟུ་ཕཊ་སྭཱ་ཧཱ། དེའི་ཕྱི་རོལ་…

ཕྲེང་བ་ཅན། །རྡོ་རྗེའི་སྐུ་ལ་ཕྱག་འཚལ་བསྟོད། །དཔལ་ལྡན་ནང་ནས་ཐུགས་རྗེའི་རང་བཞིན་ལས། །བདུག་པ་འདུལ་ཕྱིར་ཁྲོ་ཚུལ་སྟོན་མཛད་ཅིང༌། །ཆོས་ཉིད་མི་འགྱུར་སྐུ་མདོག་མཐིང་ནག་སྔོ། །བཅོམ་ལྡན་མི་གཡོ་མགོན་ལ་ཕྱག་འཚལ་བསྟོད། །འཕགས་པ་མི་གཡོ་བའི་ཐུགས་གཉིས་སུ་མེད་པའི་ཡེ་ཤེས་ཀྱི་རྒྱུད་ནས་འབྱུང་པ་རྫོགས།། ༈ །མི་གཡོ་བ་སྔོན་པོའི་ས…

གསུམ་དང་ལྡན་པའི་གཡས་པ་སྟེང་དུ་གཟིགས་པས་ལྷའི་བུའི་བདུད་ཚར་གཅོད་པ། གཡོན་པ་འོག་ཏུ་གཟིགས་པས་ཀླུ་གཉན་ས་བདག་འཇོམས་པ། དབུས་མ་ཐད་ཀར་གཟིགས་པས་བགེགས་རིགས་ཐམས་ཅད་ཚར་གཅོད་པ། ཀླུ་གཉན་ས་བདག་དབང་དུ་འདུས་པའི་བརྡར་སྦྲུལ་དཀར་པོས་སེ་རལ་ཁ་བྱས་པ། དབུ་སྐྲ་གནག་པའི་ཐོར་ཚུགས་ནག་པོ་སྤྱི་བོར་བཅིངས་པ། རིན་པོ་ཆེའི་རྒྱན་དང་དར་སྣ…

མཐར་བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་བདུད་བཞི་ལ་སོགས་པའི་བར་ཆད་ཐམས་ཅད་ཉེ་བར་ཞི་བ་དང༌། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། གདན་འོད་ཟེར་གྱི་རྣམ་པར་གྱུར་ནས་རང་ལ་ཐིམ་པར་བསམ། དགེ་བ་འདི་ཡིས་མྱུར་དུ་བདག །ཅེས་སོགས་ཀྱིས་བསྔོ་བ་དང་སྨོན་ལམ་བྱའོ། །རྗེས་གནང་བྱེད…

གསུམ་བརྗོད་དུ་གཞུག རྗེས་གནང་གི་གཞི་དགོད་པའི་སླད་དུ། སྭ་བྷཱ་ཝས་སློབ་མའི་ཕུང་ཁམས་སྐྱེ་མཆེད་གཟུང་འཛིན་ཐ་མལ་དུ་སྣང་བ་ཐམས་ཅད་མི་དམིགས་པའི་སྟོང་པར་བསམ། སྟོང་པའི་ངང་ལས་སྒྲུབ་ཐབས་ལྟར་མི་གཡོ་བ་སེམས་དཔའ་སུམ་བརྩེག་ཏུ་བསྐྱེད། སློབ་དཔོན་གྱི་སྙིང་ག་ནས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་བྱང་སེམས་རྣམས་དང་མདུན་བས…

དགོངས་སུ་གསོལ། བདག་མིང་འདི་ཞེས་བགྱི་བས་དུས་ད་ནས་བཟུང་སྟེ་ཇི་སྲིད་སྙིང་པོ་བྱང་ཆུབ་ལ་མཆིས་ཀྱི་བར་དུ་རྗེ་བཙུན་མི་གཡོ་བ་ཡི་དམ་གྱི་ལྷར་བཟུང་བར་བགྱིའོ། །ཞེས་ལན་གསུམ། དེས་རྗེ་བཙུན་གྱི་གསུང་གི་བྱིན་རླབས་ཞུགས། ངག་གི་བར་ཆད་ཞི་བར་བྱས། ངག་རྗེ་བཙུན་གྱི་གསུང་དང་ནུས་པ་མཉམ་པར་བྱིན་གྱིས་བརླབས་པ་ཡིན་སྙམ་དུ་མོས། བྱིན་…

ཏེ་སོགས་ལན་གསུམ། སློབ་དཔོན་གྱིས་མདུན་བསྐྱེད་ལ་མཆོད་བསྟོད་བཟོད་གསོལ་བྱས་ལ། ཡེ་ཤེས་པ་གཤེགས་སུ་གསོལ། དམ་ཚིག་པ་རང་ལ་བསྡུ། གནས་གསུམ་བསྲུང༌། དགེ་བ་བསྔོ། བཀྲ་ཤིས་བྱའོ། །རྗེ་བཙུན་མི་གཡོ་བ་གཏུམ་པོ་སྔོན་པོའི་སྒྲུབ་ཐབས་རྗེས་གནང་གི་ཆོ་ག་དང་བཅས་པ་འདི་ཡང་སློབ་མ་རྣམས་ཀྱི་དོན་དུ་བཙུན་པ་དཀོན་མཆོག་ལྷུན་གྲུབ་ཀྱིས་ཨེ་ཝ…

དེ་ནས་བརྒྱུད་པ་བར་མ་ཆད་པ་ལས་བྱོན་པའི་རྗེས་སུ་གནང་བ་ཟབ་མོ་སྒྲུབ་པ་ལ། སློབ་དཔོན་གྱི་བྱ་བ་རྣམས་གྲུབ་ནས། ཁྱེད་རྣམས་ཀྱི་ངོ་སྐལ་དུ་གྱུར་པ་མཎྜལ་འབུལ་བ། གསོལ་བ་འདེབས་པ། རྒྱུད་དག་པར་བྱ་བ། ཐུན་མོང་མ་ཡིན་པའི་གསོལ་བ་གདབ་པ་རྣམས་སྔོན་དུ་འགྲོ་དགོས་པས། ཐོག་མར་སློབ་དཔོན་ལ་རྗེ་བཙུན་མི་གཡོ་བ་དངོས་ཡིན་སྙམ་པའི་མོས་གུས་ད…

ལུང་ཟབ་མོ་སྩལ་དུ་གསོལ་སྙམ་པའི་ཡིད་ཀྱིས་སྙིམ་པ་མེ་ཏོག་དང་བཅས་ཐལ་མོ་སྦྱར་ཏེ་སྔགས་འདིའི་རྗེས་ཟློས་ལན་གསུམ་མཛོད། ན་མཿཙཎྜ་སོགས། སློབ་དཔོན་གྱིས་ཀྱང་སྔགས་ཀྱི་དངོས་གྲུབ་བྱིན་པའི་མོས་པ་མཛོད་ཅེས་བརྗོད་ལ། སྔགས་ལན་བདུན་བཟླ་བཞིན་པས་སློབ་མའི་ལག་པ་གཡས་པའི་ཁྱོར་བར་ཆུ་བླུགས་ལ་འཐུང་དུ་གཞུག ཡང་སྔགས་འདིའི་རྗེས་ཟློས་ལན་…