ཤྲཱི་ལཀྵྨཱི་སིདྡྷི་རསྟུ། སངས་རྒྱས་ཐམས་ཅད་གཅིག་བསྡུས་པ། །བླ་མའི་ཞབས་ལ་ཕྱག་བཙལ་ནས། །མགྱོགས་པར་དགའ་ལ་ཕན་བྱའི་ཕྱིར། །རབ་གནས་ཆོ་ག་མདོར་བསྡུས་བཤད། །ཆོས་ཀྱི་རྒྱལ་པོ་འཕགས་པ་རིན་པོ་ཆེས་ཡུ་གུར་གྱི་བནྡེ་སཾ་གྷ་མི་ཏྲའི་དོན་དུ་མཛད་པའི་རབ་གནས་མདོར་བསྡུས་པ་ལག་ཏུ་བླང་བའི་རིམ་པ་ནི། སྦྱོར་བ་རབ་ཏུ་གནས་བྱའི་རྟེན་གང་ཡིན་…

ནམ་མཁའི་མཐའ་ཀླས་པར་གྱུར། ཅེས་དང༌། སོ་སོའི་ཕྱག་རྒྱ་དང་བཅས་པས། ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱ་དྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ་ཞེས་སོགས་ཀྱི་མཐར། དྷརྨཱ་ར་ཎི་ཏ་དང་རོལ་མོ་བྱས་ཏེ་བྱིན་དབབ། དེ་ནས་བདག་བསྐྱེད་ཚེ་དཔག་མེད་སོགས་གང་ལ་མོས་ཤིང་བསྙེན་པ་སོང་བ་ཞིག་གི་བསྒོམ་བཟླས་རྫོགས་པར་བྱ། བུམ་པ་བསང་སྦྱངས། སྟོང་པ…

གང་བར་གྱུར། ཅེས་དང་སྔགས་ཅི་ནུས་བཟླས་ལ་མཆོད་བསྟོད་བྱ། སྤྱི་ལྟར་ཨོཾ་ཨཱཿཧཱུྃ་གིས་མཆོད་ཡོན་ཕུལ་བའི་རྐྱེན་གྱིས་ཡེ་ཤེས་པ་གཤེགས། དམ་ཚིག་པ་ཞུ་བའི་ཆུ་བདུད་རྩིར་གྱུར་པར་བསམ་པའམ། བླ་མེད་ཡིན་ན་དམ་ཡེ་ཕྱེ་མི་དགོས་པས། ཨོཾ་ཨཱཿཧཱུྃ་གིས་མཆོད་ཡོན་ཕུལ་བའི་རྐྱེན་གྱིས་བུམ་པའི་ལྷ་འོད་དུ་ཞུ་བའི་ཆུ་བདུད་རྩིར་གྱུར་པར་བསམ། རྣ…

བསྐོར་ཞིང༌། ཨོཾ་སུམྦྷ་ཞེས་སོགས་ལན་གསུམ་བྱས་ནས། བདེ་བར་གཤེགས་པའི་རྟེན་རྣམས་ལ་རབ་ཏུ་གནས་པར་བྱེད་པ་ལ་མི་མཐུན་པར་བྱེད་པའི་གདོན་བགེགས་གང་ཡིན་པ་ཐམས་ཅད་གཏོར་མ་ལམ་རྔན། ཏིང་ལོ་ལམ་སྒྲོན། ཆང་བུ་ལམ་རྒྱགས་ཀྱི་ཚུལ་དུ་ཁྱེར་ལ། སའི་ཕྱོགས་འདིར་མ་གནས་པར་གཞན་དུ་སོང་ཤིག ཅེས་བརྗོད་ལ་ཕྱིར་དོར་བ་ཞི་དྲག་ཕྱེད་མས་སྦྱང་བ་དང༌། …

དབང་དུ་སྡུད་ལ་ཕྱག་འཚལ་བསྟོད། །ལྷག་པའི་ཡེ་ཤེས་རོལ་པ་སྟོན་མཛད་ཅིང༌། །བསྡིགས་པའི་མཚོན་ཆ་སྣ་ཚོགས་ཕྱག་ན་བསྣམས། །ཉོན་མོངས་དུག་ཆེན་རྩད་ནས་འཇོམས་མཛད་པ། །སྦྲུལ་གདུག་རྒྱན་གྱིས་བརྒྱན་ལ་ཕྱག་འཚལ་བསྟོད། །བསྐལ་པ་མེ་ལྟར་འབར་བའི་ཀློང་དཀྱིལ་ན། །དཔའ་བོ་སྟངས་སྟབས་བརྐྱང་བསྐུམ་ཚུལ་དུ་བཞུགས། །ཉི་ཟླ་འབར་བའི་སྤྱན་གྱི་སྡང་མི…

འདིར་མ་གནས་པར་རང་རང་གི་གནས་སུ་སོངས་ཤིག གལ་ཏེ་མི་འགྲོ་ན་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ལས་བྱུང་བའི་ཁྲོ་བོའི་རྡོ་རྗེ་ཡེ་ཤེས་ཀྱི་མེ་འབར་ཞིང་རབ་ཏུ་འབར་བ་འདིས། ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་འགྱུར་རོ། །ཞེས་བརྗོད་ལ། རྟེན་གུ་གུལ་གྱིས་བདུག ཡུངས་ཀར་གྱིས་བྲབ། ངག་ཏུ…

ལ་སྐུ་ཁྲུས་གསོལ། །ཨོཾ་སརྦ་སོགས། དེ་བཞིན་དུ། སྦྱིན་པའི་གནས་སུ། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ། སེར་སྣའི་གནས་སུ། ཁྲིམས་འཆལ། ཁོང་ཁྲོའི། ལེ་ལོའི། རྣམ་གཡེང༌། ཤེས་འཆལ་རྣམས་སྦྱར་བ་དང༌། ཆུ་བོ་དྲུག་གིས་ཁྲུས་བྱས་པས། །བག་ཆགས་རྣམ་དྲུག་སྦྱངས་ནས་ནི། །གང་ལ་ཉེས་པ་མི་མངའ་ཞིང༌། །ཁྲུས་ལེགས་མཛད་ལ་ཕྱག་འ…

སྐུ་རྟེན་དང༌། མཆོད་རྟེན་རྣམས་སྟོང་པའི་ངང་ལས་ཨོཾ་ལས་རིན་པོ་ཆེའི་ཁྲི། པྃ་ལས་པདྨ། ཨ་ལས་ཟླ་བའི་གདན་གྱི་སྟེང་དུ། ཨོཾ་ལས་རྣམ་པར་སྣང་མཛད་དཀར་པོ་ཞལ་གཅིག་ཕྱག་གཉིས་པ། བྱང་ཆུབ་མཆོག་གི་ཕྱག་རྒྱ་ཅན། དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་ཅིང༌། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ་བསྐྱེད། པུསྟི་སོགས་གསུང་ར…

སོགས་སྦྱངས། རྟ་བབས་དང༌། རྡོ་རིང་དང༌། སྐྱེ་མོས་ཚལ་དང༌། རྫིང་བུ་ལ་སོགས་པ་རྣམས་སྟོང་པའི་ངང་ལས་ཨོཾ་ཨཱཿཧཱུྃ་ཡོངས་སུ་གྱུར་པ་ལས་ལྷ་རྫས་ལས་གྲུབ་པའི་དངོས་པོ་དེ་དང་དེའི་རྣམ་པ་ཅན་དུ་གྱུར་ཅེས་པས་བསྐྱེད་དོ། །དེ་ནས་ལྷ་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ་རྣམས་ཀྱི་བྱིན་གྱིས་བརླབས…

རྗེས་སུ་བརྩེ་བས་དགོངས་སུ་གསོལ། །ཀུན་གྱིས་འདི་ལ་བྱིན་བརླབ་ཅིང༌། །འདི་ཉིད་དུ་ནི་བཞུགས་པར་རིགས། །ཞེས་ལན་གསུམ་བརྗོད་ནས་ལག་པ་གཉིས་རྡོ་རྗེ་བསྡམས་པ་ལས་མཛུབ་མོ་གཉིས་ཀྱི་རྩེ་མོ་བཀུག་པ་ལྕགས་ཀྱུའི་ཕྱག་རྒྱ་དང༌། དེ་ཉིད་ལས་རྩེ་མོ་གཉིས་སྦྱར་བ་ཞགས་པའི་དང༌། ཡང་དེ་ཉིད་ལས་མཛུབ་མོ་གཉིས་གཅིག་ལ་གཅིག་འདུད་པ་ལྕགས་སྒྲོག་གི་…

གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་དབང་བསྐུར་བས་སྐུ་ཐམས་ཅད་གང༌། དྲི་མ་ཐམས་ཅད་དག ཆུའི་ལྷག་མ་ཡར་ལུད་པ་ལས་རང་རང་དང་འདྲ་བའི་རིགས་བདག་གིས་དབུར་བརྒྱན་པར་བསམ། བུམ་པ་མེད་ན་ཕྱག་རྒྱས་དབང་…

ཞལ་ཟས་དང༌། ནཻ་ཝི་དྱ། རོལ་མོ་དང༌། ཤབྡ་རྣམས་སྦྱར་བ་སོ་སོའི་ཕྱག་རྒྱ་དང་བཅས་ཏེ་མཆོད། རྡོ་རྗེ་དྲིལ་བུ་དཀྲོལ་ཞིང༌། ཨོཾ་བཛྲ་དྷརྨཱ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙ་ལི་ནི། པྲཛྙཱ་པཱ་ར་མི་ཏ་ནཱ་ད་སཾ་བྷ་ཝེ། བཛྲ་སཏྭ་ཧྲྀ་ད་ཡ་སནྟོ་ཥ་ཎི་ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཨ་ཁཾ་སྭཱ་ཧཱ་ཞེས་བརྗོད་ཅིང་རོལ་མོ་བ…

པས་བསྟོད་དོ། །གསེར་གྱི་ཐུར་མའམ་རྡོ་རྗེས་སྤྱན་དབྱེ་བའི་ཚུལ་བྱ་ཞིང༌། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང༌། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐར་ཐུག་གྱུར་པའི་སེམས་ཅན་རྣམས། །སངས་རྒྱས་ཡེ་ཤེས་སྤྱན་ནི་ཐོབ་པར་ཤོག །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ནི་སྭཱ་ཧཱ། ཞེས་བརྗོད་པས་ཡེ་ཤེས་ཀྱི་སྤྱན་ར…

གཉིས་ཉེར་སྤྱོད་རོལ་མོར་བཅས་རྒྱ་ཆེར་བཤམས་པ་རྣམས་ལྷ་རྫས་ལས་གྲུབ་པ་ས་དང་ནམ་མཁའ་བར་སྣང་ཁྱབ་པར་བྱིན་གྱིས་བརླབས་ལ། གོང་དུ་སྨོས་པའི་ཚིགས་སུ་བཅད་པ་སྔགས་དང་ཕྱག་རྒྱ་དང་བཅས་པས་དབུལ། འདོད་ཡོན་རྣམ་པ་ལྔའི་རྫས་གྲུབ་ན་དངོས་སུ་བཟུང་བའམ། དབྱིབས་སུ་བྲིས་པ་དབུལ་ཞིང༌། རྒྱལ་བ་ཟག་མེད་འབྱོར་ལ་དབང་བསྒྱུར་ཡང༌། །འགྲོ་བའི་དོན་…

ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། རྡོ་རྗེ་སློབ་དཔོན་བདག་གིས་དཀོན་མཆོག་གི་རྟེན་འདི་རྣམས་ལ་རབ་ཏུ་གནས་པ་བགྱིས་པའི་མཐུས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན་རྣམ་པར་བཞུགས་པའི། སངས་རྒྱས་བཅོམ་ལྡན་འདས་ཐམས་ཅད་འཁོར་བ་ཇི་སྲིད་དུ་མྱ་ངན་ལས་མི་འདའ་བར་བཞུགས་ནས། སེམས་…

འོད་དཔག་མེད་ཞུ་བ་ལས་ལུང་དང་རྟོགས་པའི་ཆོས་དཀོན་མཆོག་གི་རང་བཞིན་གླེགས་བམ་གྱི་གཟུགས་སུ་གྱུར། ཐུགས་རྟེན་ལ། མི་བསྐྱོད་པ་ཞུ་བ་ལས་ཕྱག་མཚན་སོ་སོའི་རྣམ་པར་གྱུར། ཅེས་སོ་སོར་སྦྱར་བའམ། བསྡུ་ན། བསྐྱེད་པའི་ལྷ་རྣམས་འོད་དུ་ཞུ་བ་ལས་རྟེན་སོ་སོའི་རྣམ་པ་ཇི་ལྟ་བར་གྱུར། ཅེས་བརྗོད་ཀྱང་རུང༌། དཀྱིལ་ཐང་ནི་སྐུ་རྟེན་གྱི་ཞར་ལ་ད…

བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ཞིང༌། །དགེ་འདུན་ལ་ཡང་ཕྱག་འཚལ་ལོ། །ཞེས་དང༌། མཆོད་རྟེན་ལ། སྣ་ཚོགས་པདྨ་ཟླ་བའི་གདན་སྟེང་དུ། །སྣ་ཚོགས་རིན་ཆེན་ཁམས་ལས་གྲུབ་པ་ཡི། །སྤྲུལ་པའི་མཆོད་རྟེན་སྣ་ཚོགས་རྒྱན་གྱིས་སྤྲས། །ཆོས་སྐུའི་རང་བཞིན་ཅན་ལ་ཕྱག་འཚལ་ལོ། །ཞེས་དང༌། ལྷ་ཁང་དང་མཆོད་རྟེན་གྱི་ནང་གི་རིགས་ལྔ་སོགས་ལ…

སྙིང་ག་ནས་འོད་ཟེར་འཕྲོས་པས་དཔལ་རྡོ་རྗེ་ནག་པོ་ཆེན་པོ་ལ་རྡོ་རྗེའི་ཆོས་སྐྱོང་བའི་སྲུང་མ་རྒྱ་མཚོའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿས་གཏོར་མགྲོན་སྤྱན་དྲངས། ཨོཾ་པདྨ་ཀ་མ་ལཱ་ཡ་སྟྭཾ་གྱིས་གདན་དབུལ། ཨོཾ་ཤྲཱི་བཛྲ་མ་ཧཱ་ཀཱ་ལ་ས་པ་རི་ཝཱ་ར་ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་སོགས་ལན་གསུམ་སྔགས་དང་ཕྱག་རྒྱར་བཅས་པས་གཏོར…

གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་གདབ་འདྲའི་སྤྱན་མངའ་བ། །དེ་ནི་འཇིག་རྟེན་དགེ་བའི་བཀྲ་ཤིས་དང་པོ་ཡིན། །དེ་ཡིས་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མི་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །དེ་ནི་འཇིག་རྟེན་དགེ་བའི་བཀྲ་ཤིས་གཉིས་པ་ཡིན། །དགེ་འ…

རང་གནས་སུ་འཁོར་བ་དང༌། སྤྲོ་ན་སླར་ཡང་བརྟན་བཞུགས་དང༌། བཀྲ་ཤིས་གང་རིགས་བརྗོད་པར་བྱའོ།། ༈ །དེ་ནས་ཡོན་བདག་བསྒོ་བ་ནི། སྦྱིན་བདག་གིས་བླ་མ་ཡོན་གྱིས་མཉེས་པར་བྱས་ནས། རྟེན་དང་སློབ་དཔོན་གྱི་བར་དུ་སྟན་བཟང་པོ་ལ་གོས་རྒྱན་གཟབ་འཕྱོར་དང་བཅས་ཐལ་སྦྱོར་གྱིས་མེ་ཏོག་བཟུང་ནས་གུས་པའི་ཚུལ་གྱིས་འཁོད་པའི་མདུན་དུ་བླ་མ་བཞེངས་ཤིང…