རུས་སྦལ་ཙཀྲའི་གདམས་པ་བདོག །གཟའ་བདུད་གཡུལ་ངོ་དེ་ནས་བཟློག །ཁྱབ་འཇུག་ཇི་ལྟར་དགྱེས་དགྱེས་མཛོད། །ངག་ལ་བྱིན་གྱིས་མ་བརླབས་པས། །བཟླས་པ་རྣམས་ལ་ནུས་མ་བྱུང་། །ཨཱ་ལི་ཀཱ་ལིའི་གདམས་པ་བདོག །མི་འགྲུབ་སྙམ་པའི་དོགས་པ་མེད། །ཅེས་མགུར་བརྒྱད་པོ་འདི་ཁྱུང་པོས་ཚོགས་གྲལ་དུ་གསུངས་པའོ། །དེ་ལ་དང་པོ་ཐིམ་པ་རྣམ་གསུམ་གྱི་གདམས་ངག་ཉམ…

སངས་རྒྱ་བ་ལ་ཐེ་ཚོམ་མེད། ཐིམ་པ་རྣམ་གསུམ་ཿ མགུར་གཉིས་པའི་དོན་ནི། རང་ཉིད་ལ་དཔེ་དཀར་རམ། རྒྱལ་པོ་ལ་སོགས་པའི་གདུག་རྩུབ་ཆེ་བ་བྱུང་ན། སྐྱབས་འགྲོ་སེམས་བསྐྱེད་སྔོན་དུ་སོང་བས། བལ་སྐུད་སུམ་སྒྲིལ་མཐོ་གསུམ་པ་ཅིག་གསང་བ་རྡོ་རྗེའི་དཀྱིལ་དུ་སེ་ཆིངས་བྱས་ལ། སྐུད་པའི་སྣེ་གཉིས་སྐེ་རགས་ལ་བརྟོད་དེ། རྡོ་རྗེའི་ཁ་གྱེན་དུ་བསྟན…

བྱ་བ་བན་བོན་གྱི་རྦོད་ཁ་བསྲུང་ན། ཆུ་མིག་ལྐུག་པ་ཁ་བྱང་བསྟན་ཅིག་ཏུ་རྡོ་ལེབ་ནག་པོ་གཅིག་བཅུག་ལ་བཞག དེ་མཐུ་བྱེད་པ་བྱུང་བ་དང་། རྡོ་ལེབ་ལ་རང་གི་གྲིབ་མ་དང་ཁ་རླངས་མ་ཤོར་བར་བྱས་ཏེ། དར་རམ་རས་ཀྱི་ཁ་ལ་བླངས་ཏེ་མེ་ལ་བསྲོས་ནས། ལ་མཚལ་གྱི་མྱུ་གུས་༼ཁྑཧཱུྃ༽བྲིས་ལ། ཡང་སྔར་གྱི་ཆུ་མིག་ཏུ་ས་ལ་སྦྱར་ལ་གཞུག་གོ །དེ་ལྟར་བྱས་ན་ངན…

བྷནྡྷ། ལྕེ་རེ་བྷནྡྷ། ན་ར་སིཾ། ཀ་ན་ཙ་ཀོ་རི། སི་ཏི་མི་རི། ཧི་ར་བྷོ་རི། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་པ་འདི་སྦལ་པའི་རྒྱབ་ཏུ་གདབ་བོ། །སྔགས་འདི་བཅུ་བཅུས་སེར་བ་ཞག་རེ་ཐུབ་བོ། །བརྒྱ་བཟླས་ན་ཞག་བཅུ། སུམ་བརྒྱས་ཟླ་བ་གཅིག་དྲུག་བརྒྱས་ཟླ་བ་གཉིས། དགུ་བརྒྱས་ཟླ་བ་གསུམ་ཐུབ་བོ། །ཡང་སྔགས་བཅུས་ཆང་ཚོད་རེ་ཐུབ་བོ། །ཞིང་ཡང་དེ་…

གྱི་སྤྱི་བོར་རྩ་བའི་བླ་མ་བསྒོམ། དེའི་ཐུགས་ཀ་ནས་འོད་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཡི་དམ་གྱི་ལྷ་ཚོགས་དང་། ཡེ་ཤེས་ཀྱི་ཆོས་སྐྱོང་དང་བཅས་པ་ཐམས་ཅད་བླ་མ་དེ་ལ་བསྟིམ་མོ། །དེ་ནས་སྙིང་ཁོང་རུས་པའི་གཏིང་ནས་གསོལ་བ་གདབ་པར་བྱ་སྟེ། བླ་མ་སངས་རྒྱས་རིན་པོ་ཆེ། །བདག་གི་སྐྱེ་བ་འདི་དང་སྐྱེ་བ་གཞན་དག་ཏུ། …

དགེའོ། ༈ །རིག་འཛིན་ཁྱུང་པོ་རྣལ་འབྱོར་གྱིས་མཛད་པའི་རབ་གནས་བཀའ་རྒྱ་མ་བཞུགས་སོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་ཕྲག་བདུན་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཕྱག་འཚལ་ལོ། །དགྲ་བཅོམ་པ་རྣམས་ལ་ཕྱག་འཚལ་ལོ། །ཕྱིར་མི་འོང་…

ཀྱི་ཚིགས་སུ་བཅད་པ་ཅི་རིགས་བརྗོད་པར་བྱའོ། །སརྦ་དཱ་སུ་པྲ་མངྒ་ལཾ་བྷ་ཝ་ཏུ། ༈ །རབ་གནས་བཀའ་རྒྱ་མ་བཞུགས། །ན་མོ་གུ་རུ་བཛྲ་ཏཱ་རཱ་ཡཻ། རབ་གནས་བཀའ་རྒྱ་མའི་ཞལ་གདམས་འདི་ལ། སྔོན་འགྲོ། དངོས་གཞི། རྗེས་གསུམ་ལས། དང་པོ་ནི། གང་ལ་རབ་ཏུ་གནས་པར་བྱ་བའི་རྟེན་ལ་དར་སེར་ལ་སོགས་པས་བཀབ་སྟེ་བཞག དེ་ཡང་རང་ཉིད་སྐྱབས་འགྲོ་སེམས་བསྐྱེད་…

ལྕགས་རི་བར་ནི་རོལ་མཚོས་བརྒྱན། །རིན་ཆེན་དཔག་བསམ་ཤིང་དང་འདོད་འཇོའི་བ། །རྒྱལ་སྲིད་སྣ་བདུན་རིན་ཆེན་གཏེར་བརྒྱད་དང་། །མ་རྨོས་ལོ་ཏོག་ཡན་ལག་བརྒྱད་ལྡན་ཆུ། །ཕྱི་ནང་གསང་གསུམ་མཆོད་སྤྲིན་བསམ་མི་ཁྱབ། །དགའ་དང་སྤྲོ་བ་སྐྱེད་པའི་མཎྜལ་འདི། །དོན་གཉིས་སྒྲུབ་པར་བྱེད་པའི་རྣལ་འབྱོར་པས། །བརྩོན་པའི་སྟོབས་ཀྱིས་བླ་མ་ཡི་དམ་དང་།…

ཅན་རྣམས་ཀྱིས་མཐོང་ཐོས་དྲན་རེག་ཚེ། །མཛེས་ཤིང་ཡིད་འོང་ལྟ་བས་མི་ངོམས་ཤིང་། །མི་མཐུན་ཕྱོགས་བྲལ་ཀུན་དང་མཐུན་པར་ཤོག །བདག་ནི་མཁའ་མཉམ་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་དཔུང་གཉེན་གྱུར་ནས་ཀྱང་། །གང་ལ་གང་འདོད་རེ་བ་ཐམས་ཅད་ཀུན། །ཚུལ་བཞིན་བདག་གིས་མ་ལུས་སྐོང་བར་ཤོག །བདག་ལ་ཕན་པར་འདོད་པའི་གྲོགས་རྣམས་དང་། །ལུས་ང…

ཚད་མེད་ཀྱིས། །འགྲོ་རྣམས་མ་ལུས་སྨིན་ཅིང་གྲོལ་བྱེད་ཤོག །ལྷ་འདྲེ་སྟོབས་ལྡན་དྲེགས་ཅན་མ་ལུས་ཀུན། །བསྙེན་སྒྲུབ་རྦད་བསྐུལ་སྐད་ཅིག་མི་དགོས་པར། །སྲོག་སྙིང་དབུལ་ཞིང་བྲན་བཞིན་ཉན་པ་དང་། །མཐུ་སྟོབས་ཕུན་ཚོགས་བསྟན་པ་བསྲུང་བར་ཤོག །བདག་གིས་བྱམས་དང་སྙིང་རྗེ་མངོན་གྱུར་ཏེ། །ཁམས་གསུམ་སེམས་ཅན་མ་ལུས་ཐམས་ཅད་ཀུན། །གཅིག་ལ་གཅ…

སྤྲུལ་ནས། །འགྲོ་ཀུན་རེ་སྐོང་ཆོས་ཀྱི་རྒྱལ་སྲིད་སྐྱོང་། །མཁའ་མཉམ་ཞིང་ཁམས་ཀུན་ལ་དབང་བསྒྱུར་ནས། །སེམས་ཅན་མ་ལུས་བདེ་ལ་འགོད་པར་ཤོག །མ་འོངས་དུས་སུ་ནད་མཚོན་བསྐལ་པ་ཡིས། །སེམས་ཅན་སྡུག་བསྔལ་ཉམ་ཐག་གྱུར་པའི་ཚེ། །བདག་ནི་སྨན་མཆོག་རྒྱལ་པོར་གྱུར་ནས་ཀྱང་། །སྐད་ཅིག་ཉིད་ལ་སྡུག་བསྔལ་ཞི་བྱེད་ཤོག །མུ་གེའི་བསྐལ་པས་བཀྲེས་སྐ…

བྱང་ཆུབ་མཆོག་མོས་དད་པ་རབ་བསྐྱེད་དེ། །གང་གིས་འདེབས་པ་དེ་ལ་ཡོངས་རྫོགས་ཤོག །ཕྱོགས་བཅུ་དུས་གསུམ་འཁོར་འདས་ཐམས་ཅད་ཀྱི། །བཀྲ་ཤིས་བདེ་ལེགས་ཕུན་སུམ་ཚོགས་པ་ཀུན། །རྒྱུན་ཆད་མེད་པ་ཆུ་བོའི་གཞུང་བཞིན་དུ། །བདག་གཞན་ཕྱོགས་རྣམས་ཀུན་ཏུ་ཁྱབ་པར་ཤོག །འཕགས་པ་སྨོན་ལམ་གྱི་རྒྱལ་པོ་རྫོགས་སོ། །ཿཨྠྀི བཀྲ་ཤིས་བཀའ་རྒྱ་མ་བཞུགས་སོ།།…

རྣམ་སྲས་དཀར་པོ་ཚེ་འཕེལ་གྱི་སྒྲུབ་ཐབས་རྗེས་གནང་ལས་ཚོགས་དང་བཅས་པ་བཞུགས་སོ།།

ཨོཾ་སྭ་སྟི། རྣམཾ་ཀུན་སྐྱེ་མེད་རྟོག་པའི་མྱུ་གུ་ནི། །རིན་ཆེན་མཾང་གང་འགྲོ་ལ་འདོད་འཇོའི་སླད། །ཐཾོས་པའི་མོད་ལ་ཚེ་ཡི་མཆོག་སྟེར་བའི། །སྲཾས་ཀྱི་ཐུ་བོའི་ཚུལ་འཛིན་མགོན་པོས་སྐྱོངས། །ཞེས་མཆོད་པར་བརྗོད་ནས། འདིར་རྣམ་སྲས་དཀར་པོ་ཚེ་འཕེལ་གྱི་སྒྲུབ་པ་ལ་གཉིས། རང་གིས་སྒྲུབ་པ་དང་། གཞན་རྗེས་སུ་འཛིན་པའོ། །དང་པོ་ལ་གཉིས། སྦ…

མདུན་གཉིས་ལས་དང་པོ་ནི། མཆོད་པ་བྱིན་རླབས་སྤྱི་ལྟར་སྔོན་དུ་འགྲོ་བས་སྐྱབས་སེམས། ཚད་མེད་བཞི་བསྒོམ། སྭ་བྷཱ་ཝས་སྟོང་པར་སྦྱང་། སྟོང་པའི་ངང་ལས་བྷྲཱུྃ་ལས་བྱུང་བའི་གཞལ་ཡས་ཁང་གྲུ་བཞི་སྒོ་བཞི་རྟ་བབས་བང་རིམ་བཞི་དང་བཅས་པ། དེའི་ནང་འཁོར་ས་རིམ་པ་གསུམ་ལ། ཕྱི་མ་ལ་གནོད་སྦྱིན་བྱེ་བའི་ཚོགས་དང་། བར་པ་ལ་སྟོབས་ཆེན་སུམ་ཅུ་རྩ…

རྩེན། བྱང་ཤར་དུ་པི་ཙི་ཀུཎྜ་ལི། ཐམས་ཅད་ཀྱང་སྐུ་མདོག་དཀར་པོ་ཞལ་གཅིག་ཕྱག་གཉིས་པ། ཕྱག་གཡས་ན་ཚེ་འགུགས་པའི་ལྕགས་ཀྱུ་དང་། གཡོན་ན་འཆི་མེད་བདུད་རྩིས་གང་བའི་བུམ་པ་བསྣམས་ཤིང་རྟ་དཀར་པོ་ལ་ཆིབས་པ། གཙོ་འཁོར་ཐམས་ཅད་ཀྱི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་གཙོ་བོ་ལ་པདྨ་འདབ་མ་བརྒྱད་དང་། འཁོར་རྣམས་ལ་འདབ་མ་བཞི་རེ་ཡོད་པའི…

བསྣམས། །འཆི་མེད་སྩོལ་ལ་ཕྱག་འཚལ་ལོ། །ཞེས་པས་བསྟོད། དུང་ཆོས་ཀྱི་མཆོད་ཡོན་བླུགས་པའི་རྐྱེན་གྱིས་བུམ་ནང་གི་རྟེན་དང་བརྟེན་པར་བཅས་པ་ཐམས་ཅད་འོད་དུ་ཞུ་བ་ལས་བྱུང་བའི་བདུད་རྩིས་བུམ་པ་གང་བར་གྱུར་པར་བསམ། བུམ་པ་དེ་རང་གི་སྤྱི་བོར་བཞག་ནས་བླ་མ་དང་ཡི་དམ་དབྱེར་མེད་པས་དབང་བསྐུར་བས་འཆི་མེད་ཚེའི་དངོས་གྲུབ་ཐོབ་པར་བསམ་མོ། …

དུ་གཞུག ཆུ་རྒྱུན་དེ་སྙིང་གའི་ཎི་དང་ཧཱུྃ་ལ་ཐིམ་པས་བདེ་སྟོང་གཉིས་མེད་རྒྱུད་ལ་སྐྱེས་པར་བསམས་ལ་མཉམ་པར་བཞག གཏོར་མ་ལྷར་གསལ་བ་སློབ་མ་རྣམས་ཀྱི་སྤྱི་བོར་བཞག་ལ་ཡི་གེ་བདུན་མ་དང་། བླ་མ་རྣམས་ཀྱི་མཚན་ནས་བརྗོད་ཅིང་བཀའ་བསྒོ་ནན་ཏན་དུ་བྱས་པས། རྣམ་སྲས་ཀྱིས་ཀྱང་ཞལ་གྱིས་བཞེས་ཤིང་འོད་དུ་ཞུ་ནས་སློབ་མའི་སྤྱི་བོ་ནས་ཐིམ་པར་བ…

པར་བྱ། །འཁོར་གྱི་གནོད་སྦྱིན་ཀྵ་ལས་བསྐྱེད། །ཀུན་ཀྱང་སྐུ་མདོག་དཀར་པོ་ལ། །གཡས་པ་ཀུན་ནས་ལྕགས་ཀྱུ་ཐོགས། །གཡོན་པ་ཤེལ་གྱི་བུམ་པ་བསྣམས། །ཁ་རྒྱན་གསེར་གྱི་རྡོ་རྗེ་ལ། །ནང་ན་ཚེ་ཡི་བདུད་རྩིས་གང་། །ཀུན་གྱིས་འཇིག་རྟེན་གང་བར་བསྒོམ། །སྤྱན་དྲངས་བཞུགས་ལ་གཉིས་མེད་བསྟིམ། །དེ་བས་བདག་དང་གནོད་སྦྱིན་གྱི། །ཐུགས་ལས་འོད་འཕྲོས་…

པོའི་ཚེ་སྒྲུབ་ནི། །བར་ཆད་བྱུང་བ་གཅིག་ཀྱང་མེད། །ཚེ་ཡང་ཚངས་པ་དག་དང་མཉམ། །། གཏོར་མ་འབུལ་བར་འདོད་ན། མདུན་དུ་རྒྱལ་པོ་འཁོར་བཅས་མངོན་རྟོགས་ལྟར་བསྐྱེད། དེ་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པ་ཨཱཿདམར་པོ། ཐུགས་ཀར་ཧཱུྃ་སྔོན་པོ་བསམ། རང་ཉིད་ཕྱག་ན་རྡོ་རྗེར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པའི་སྣ་ལ་ཁྲོ་བོ…