འབུམ་ཕྲག་གསུམ་སྔགས་གཞན་དང་མི་བསྲེ་བར་བཟླའོ། །སྔགས་ནི་འདིའོ། །གུ་རུ་མ་ཧཱ་ཀཱ་ལ་ཧ་རི་ནི་ས་སིདྡྷི་ཛཿ«་་་་་བླ་མ་ནག་པོ་ཆེན་པོ་དང་མཁའ་འགྲོ་སྡེ་བཞིའི་དངོས་གྲུབ་སྩོལ། ཞེས་པར་འགྱུར་རོ།།» ཡིག་འབྲུ་བཅུ་གསུམ་གནས། གི་གུ་བཞི། ཞབས་ཀྱུ་གཉིས། ཁམས་གསུམ་དབང་སྡུད་ཀྱི་སྙིང་པོའོ། །རྟགས་ནི། བླ་མ་དངོས་སུ་བྱོན་པ་དང་། རིག་མ་མ…

ཕེབས་པ་ཡིན། ཡི་གེ་ཐིག་ལེ་འོད་དུ་ཡལ་ཏེ་སོང་བའི་ངང་ལ་ཇི་ཙམ་གནས་གྱི་བར་ལ་འཇོག བཞག་པའི་ངང་ནས་རིག་པ་དེ་རིག་སྟོང་། འགྱུ་བ་དེ་འགྱུ་སྟོང་། མ་སྒྲིབ་པར་གསལ་བ་དེ་གསལ་སྟོང་། ཡིན་མིན་གྱི་མཐའ་དང་བྲལ་བས་རྨི་ལམ་གྱི་སྣང་བ། སྒྱུ་མའི་རང་བཞིན་ཞེས་པ་ལ་ངོ་སྤྲད། དེ་རྣམས་རྫོགས་པའི་རིམ་པའོ། །དེའི་སྟེང་དུ་ཉལ་འཆག་འགྲོ་འདུག་གི…

རིན་ཆེན་བརྩོན་འགྲུས་རྒྱལ་མཚན། དེ་ལས་རིམ་པར་བརྒྱུད་པའོ། ༈ །མགོན་དཀར་གྱི་བསྟོད་པ་བཞུགས་སོ། །མགོན་པོ་ཡིད་བཞིན་ནོར་བུ་ལ་ཕྱག་འཚལ་ལོ། །ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་གཅིག་བསྡུས་རྗེ་བཙུན་སྤྱན་རས་གཟིགས། །དེ་ཡི་སྤྲུལ་པ་ཕྱག་དྲུག་མགོན་པོ་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །མགོན་པོ་ཡིད་བཞ…

ནོར་བུ་ལ་བསྟོད་པ། དགོས་འདོད་འབྱུང་བ་ཞེས་བྱ་བ་ཁྱུང་པོ་རྣལ་འབྱོར་པས་སྦྱར་བ་རྫོགས་སོ། ༈ །ཡིད་བཞིན་ནོར་བུའི་ལོ་རྒྱུས་བཞུགས་སོ། །ན་མོ་གུ་རུ། བླ་མ་མཻ་ཏྲི་པ་ཀོ་ས་བྷི་ཀྵིའི་དུར་ཁྲོད་ན་བཞུགས་པའི་དུས་སུ། གྲུབ་ཆེན་རཱ་ཧུ་ལས་གསེར་སྲང་བདུན་ཕུལ་ནས། བོད་ལ་ལོངས་སྤྱོད་ཆུང་བས། ནོར་སྒྲུབ་མྱུར་བ་རྟགས་མཚན་ཆེ་བའི་གདམས་པ་ཅ…

ཉོན་མོངས་པ་རགས་པ། གདུག་པ་ཆེར་སོང་འདུག་པས། ད་ནི་བདག་གིས་སེམས་ཅན་རེ་འགའ་ཙམ་ཡང་སྒྲོལ་བར་མི་ནུས་པར་འདུག་སྙམ་ནས། སེམས་བསྐྱེད་བཏང་བ་དང་། དབུ་ཚལ་པ་སྟོང་དུ་གས་པར་གྱུར་ཏོ། །དེ་ན་སྣང་བ་མཐའ་ཡས་བྱོན་ནས། རིགས་ཀྱི་བུ་དེ་ལྟ་བུའི་སེམས་བསྐྱེད་ལས་གཞོལ་བ་ནི་ཤིན་ཏུ་མ་ལེགས་པས། དེའི་བཤགས་པ་ལ་སེམས་བསྐྱེད་སྔར་ལས་རྒྱ་ཆེ་བ་ཞ…

བསྡེབས་ཏེ། རིགས་ཀྱི་བུ་སེམས་ཅན་གྱི་རེ་བ་ཚུལ་བཞིན་དུ་སྐོང་བའི་སྤྱོད་པ་འདི་ཤིན་ཏུ་ལེགས་སོ། །སངས་རྒྱས་ཐམས་ཅད་ཀྱི་ཐུགས་ཀྱི་གསང་བ་ལས་བྱུང་བ། བཅོམ་ལྡན་འདས་གཤིན་རྗེ་གཤེད་པོས་ཉིད་ཡི་མཐུ་དང་ལྡན་པར་བྱའོ། །གསང་བའི་ཁྲོ་བོ་དབང་གི་རང་བཞིན་དང་ལྡན་པར་བྱའོ། །དེ་ཉིད་ཀྱི་ཞི་བ་དང་རྒྱས་པར་འགྱུར་རོ། །སངས་རྒྱས་ཐམས་ཅད་ཀྱི་…

མདངས་ཆགས་པ། ཞལ་གཅིག་ཕྱག་དྲུག་སྤྱན་གསུམ་པ། ཕྱག་དྲུག་གཡས་ཀྱི་དང་པོ་ན་གྲི་གུག བར་པ་ན་ཡིད་བཞིན་གྱི་ནོར་བུ། ཐ་མ་ན་ཌ་མ་རུ་དྲག་ཏུ་འཁྲོལ་བ། གཡོན་གྱི་དང་པོ་ན་ཐོད་པའི་ནང་དུ་བུམ་པ་རིན་པོ་ཆེ་སྣ་ཚོགས་ཀྱིས་གང་བ་བརླ་གཡོན་པ་ལ་བརྟེན་ཏེ་འཛིན་པ། བར་པ་ན་རྩེ་གསུམ། ཐ་མ་ན་ལྕགས་ཀྱུ་བསྣམས་པ། སྐུ་སྟོད་ལ་རིན་པོ་ཆེའི་རྒྱན་དུ་མ…

འཁྲིགས་པའི་དུར་ཁྲོད་ནས། །དྲི་བཞོན་གྱིས་བསྐྱོད་སྤྲིན་དཀར་ཕུང་པོ་བཞིན། །ཕྱག་ན་པདྨོའི་རྣམ་རོལ་བསྟན་སྲུང་མཆོག །མགོན་དཀར་འདོད་རྒུའི་ཆར་འབེབས་གནས་འདིར་གཤེགས། །ལྷན་སྐྱེས་བླ་མ་ཡིད་བཞིན་ནོར་བུ་ཡི། །བཀའ་སྒྲུབ་ཕྱོགས་བཅུའི་འཇིག་རྟེན་དབང་དུ་སྡུད། །རྣལ་འབྱོར་མཆོག་ལ་དངོས་གྲུབ་མྱུར་སྩོལ་བའི། །ཚོགས་བདག་ཌཱ་ཀིའི་ཚོགས་…

ཆེན་པོ། དྲི་དམ་པ། རོ་དམ་པ། རེག་བྱ་དམ་པ། འདི་ཉིད་འབུལ་ཞིང་བསྔོ་བའི་གནས་སུ་གྱུར་པ་ནི་མགོན་པོ་ཡིད་བཞིན་གྱི་ནོར་བུ་རིགས་བཞིའི་མཁའ་འགྲོའི་ཚོགས་དང་བཅས་པ་རྣམས་ལ་འབུལ་ལོ། །ཕྲིན་ལས་ཞུ་ཞིང་གསོལ་བ་ནི། བླ་མ་དམ་པའི་བཀའ་དང་དམ་ལས་མ་འདའ་བར། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། ཁྱད་པར་དུའང་རྣལ་འབྱོ…

སྐམ་པ་དང་ནི་རློན་པ་དང་། ཁུ་བ་དུར་ཁྲོད་རུས་པའི་ཚོགས། །མི་ཟད༴ དཔལ་ལྡན༴ བདག་གི༴ ཚོགས་ཀྱི་བྱེ་བྲག་འབུལ་བ་ནི། །བལྟ་ན་མཛེས་ཤིང་མཉན་ན་སྙན། །བསྣམ་ན་ཡིད་འོང་མྱ་ངན་ཞིམ། །རེག་ན་འཇམ་པའི་མཆོད་པའི་ཚོགས། །ཅི་འབྱོར་བ་ནི་བདག་འབུལ་གྱི། །མི་ཟད༴ དཔལ་ལྡན༴ བདག་གི༴ སྤྱན་གཟིགས་བྱེ་བྲག་འབུལ་བ་ནི། །མེ་ཏོག་ལ་སོགས་མཆོད་པའི་ཚོག…

དུ་བྱོན། །ཁྱེད་སྲིད་འཕགས་པའི་སྤྲུལ་པ་སྟེ། །བསིལ་བ་ཚལ་གྱི་དུར་ཁྲོད་དུ། །དཔག་བསམ་ཤིང་གཅིག་རྩ་བར་གནས། །མཁའ་འགྲོ་འབུམ་གྱི་འཁོར་དང་བཅས། །ཆོས་ཀྱི་ངང་ལས་མ་གཡོས་ཀྱང་། །དེ་རིང་ཡིད་བཞིན་ནོར་བུ་བཞིན། །འཁོར་བཅས་གནས་འདིར་གཤེགས་སུ་གསོལ། །མ་ཧཱ་ཀཱ་ལ་ཐུགས་རྗེའི་གཏེར། །མཐུ་ཆེན་རྒྱལ་པོ་ཡིད་བཞིན་མགོན། །དགོས་འདོད་ཀུན་འབ…

དགྱེས་པའི་མཆོད་པ་འབུལ་བ་ནི། ཧཱུྃ། གནས་ཁང་རིན་ཆེན་ཤེལ་གྱི་ཁེབས། །འོད་དཀར་དྲི་མེད་རྣམ་པར་འགྲོ། །གཡུ་ཡི་རྒྱ་ཕིབས་ཆུ་ཤེལ་ཏོག །མུ་ཏིག་དྲྭ་བ་ནོར་བུས་སྤྲས། །གསེར་གྱི་གདུགས་དང་རྒྱལ་མཚན་བཙུགས། །ཕྱོགས་བཅུར་དངུལ་གྱི་བ་དན་གཡོ། །རིན་ཆེན་སྣ་ལྔ་གཅལ་དུ་བཀྲམ། །མོས་པའི་ཕོ་བྲང་བརྗིད་པ་འདི། །བླ་མ་ཡིད་བཞིན་མགོན་པོ་དང་། …

རིན་ཆེན་རྒྱན་དང་ནོར་བུའི་དོ་ཤལ་དང་། །པདྨའི་དྲྭ་བ་མི་མགོའི་ཅོད་པན་འཛིན། །སྟག་གི་ཤམ་ཐབས་དར་གྱི་ལྷབ་ལྷུབ་ཅན། །ཀུན་ནས་གླང་ཆེན་ཀོ་རློན་རབ་གྱོན་ཅིང་། །གསེར་གྱི་གཡེར་ཁས་ཕྱག་ཞབས་རྣམ་པར་མཛེས། །སིལ་སིལ་ཕྱོགས་ཀུན་ཁྱབ་མཛད་དེ་ལ་འདུད། །ཞབས་གཉིས་འགྲོ་ཚོམ་མེ་དཔུང་འབར་དབུས་བཞུགས། །རཱ་གའི་མདངས་འཛིན་དབང་སྡུད་ཌཱ་ཀིའི་ཚ…

ས་ལས་རབ་སྐྱེས་སྣ་ཚོགས་ཌཱ་ཀི་མ། །སྣ་ཚོགས་མདངས་འཛིན་སྣ་ཚོགས་འོད་ཟེར་འཕྲོ། །སྣ་ཚོགས་ལས་གྲུབ་ལྕགས་ཀྱུ་རྣམ་པར་འཕྱར། །སྣ་ཚོགས་རྡོ་རྗེས་སྣ་ཚོགས་དངོས་གྲུབ་སྟེར། །སྣ་ཚོགས་རྒྱན་ལྡན་སྣ་ཚོགས་འཁོར་གྱིས་བསྐོར། །གར་སྒྱུར་སྣ་ཚོགས་ལས་མཛད་མ་ལ་འདུད། །གཞན་ཡང་འཁོར་ནི་འཇིག་རྟེན་འདས་པ་དང་། །མ་འདས་མཚམས་ཀྱི་ནོར་ལྷ་དབང་གི་ལྷ…

དང་བཅས་པ། །ས་གཞི་གང་བར་བཅས་པ་དང་། །བ་དན་ཤེལ་གྱི་ཡུ་བ་ཅན། །ཕྱོགས་བཅུར་གཡབ་ཅིང་ཕྱོགས་རྣམས་འགེངས། །འཕན་དཀར་མུ་ཏིག་དྲྭ་བས་གཡོགས། །མཛེས་པའི་ཕྱེ་མ་ཕུར་མ་ནི། །བར་སྣང་འགེངས་ཤིང་རྣམ་པར་མཛེས། །གཞན་ཡང་སྣ་ཚོགས་ལས་གྲུབ་པའི། །གསེར་གྱི་རི་མོས་སྤྲས་ཤིང་མཛེས། །རྣམ་དཔྱོད་ཕུན་ཚོགས་མ་ཚང་མེད། །བླ་བྲེ་སྣ་ཚོགས་རྣམ་པར་བཀྲ།…

ཟླ་ཡིད་བཞིན་ནོར་བུའི་འོད། །ལྷ་ཡི་འོད་དང་མར་མེའི་རིགས། །གླིང་བཞི་གསལ་བྱེད་ཐམས་ཅད་དང་། །ག་བུར་ཆུ་དང་གུར་གུམ་ཆུ། །བསིལ་བྱེད་དགེ་བའི་དྲི་མཆོག་དང་། །པུཥྤེ་ཀ་དང་ཤིང་འབྲས་དང་། །ནས་འབྲས་གྲོ་ཏིལ་སོ་སྲན་དང་། །བཅུད་དང་ལྷ་ཡི་ཞལ་ཟས་སོགས། །རི་རབ་ལས་ལྷག་ཕུན་ཚོགས་དང་། །ལྷ་ཡི་རྔ་ཆེན་བརྗིད་པའི་སྒྲ། །གསང་བའི་རྔ་ཆུང་སྙ…

དང་། །འཇིགས་མེད་བདུད་འདུལ་དམག་དཔོན་དང་། །འཛད་མེད་གཏེར་ཆེན་བུམ་པ་དང་། །ནམ་མཁའི་མདོག་མཚུངས་གསེར་མདོག་དང་། །བནྡྷུ་མརྒད་མདོག་མཚུངས་དང་། །ཀིངྴུ་དབང་སྔོན་སྟོན་ཟླའི་མདོག །མརྒད་ཨིནྡྲ་ནཱི་ལའི་མདོག །གུར་གུམ་དུད་ཀ་གཡང་ཊིའི་མདོག །ཤེལ་མདོག་དུང་མདོག་ལི་ཁྲིའི་མདོག །མེ་ཤེལ་གཡུ་དང་བྱི་རུའི་མདོག །སྣ་ཚོགས་མདོག་ཅན་ཡིད་…

བཞེས་ཤིག་རོལ་ཅིག་དགྱེས་པར་རོལ། །མཚན་ལྡན་ཀ་ལི་བདུད་རྩིས་བཀང་། །བདེ་ཆེན་སྟེར་བའི་རྫས་མཆོག་འདི། །ལྷ་ཆེན་མགོན་པོ་དགྱེས༴ བཞེས་ཤིག་རོལ་ཅིག༴ རིན་ཆེན་གཞོང་པ་རིན་ཆེན་དང་། །ཟས་དང་བཅུད་དང་འབྲུས་བཀང་ནས། །ལྷ་ཆེན༴ བཞེས་ཤིག༴ གཏེར་ཆེན་བུམ་པ་སྟོང་གསུམ་གང༴ སྣ་ཚོགས་ནོར་གྱིས་གཏམས་པ་འདི༴ ལྷ་ཆེན༴ བཞེས་ཤིག༴ བདུད་བཞི་ཚར་གཅ…

ཕྱི་ནང་གསང་བའི་མཆོད་སྤྲིན་ནི། །དཔག་མེད་མཁའ་ཁྱབ་དང་བཅས་པ། །དམིགས་བྲལ་དམིགས་པས་རབ་བཅད་ནས། །འགྲོ་བའི་སྡུག་བསྔལ་སེལ་ཕྱིར་དུ། །ལྷ་ཆེན་མགོན་པོ་ཁྱོད་ལ་འབུལ། །མ་ཧཱ་ཀཱ་ལའི་ཐུགས་དམ་བསྐང་། །ཡིད་བཞིན་མགོན་པོའི༴ ཐུགས་རྗེའི་གཏེར་ཆེན༴ བཛྲ་ཌཱ་ཀིའི༴ རཏྣ་ཌཱ་ཀིའི༴ པདྨ་ཌཱ་ཀིའི༴ ཀརྨ་ཌཱ་ཀིའི༴ བུདྡྷ་ཌཱ་ཀིའི༴ གྲངས་མེད་ཌཱ་ཀ…

པ་དང་། །དཔལ་འབྱོར་སྙན་གྲགས་རྒྱས་པ་དང་། །ལོངས་སྤྱོད་ཕུན་སུམ་ཚོགས་པ་དང་། །ལོ་ཐོག་འབད་མེད་འབྱུང་བ་དང་། །འབྲུ་དང་ཟས་ནོར་འཕེལ་བ་དང་། །རྐང་བཞི་མཐའ་དབུས་རྒྱས་པ་དང་། །རང་གཞན་དོན་གཉིས་འགྲུབ་གྱུར་ནས། །འཆི་མེད་ལོངས་སྐུ་འགྲུབ་པ་ཡི། །ཕྲིན་ལས་ད་ལྟ་འགྲུབ་པར་མཛོད། །དངོས་གྲུབ་ད་ལྟ་སྩོལ་བ་དང་། །བྱིན་གྱི་མྱུར་དུ་རློབ་…