ནུ་གོས་དཀར་ཅན་གྱིས་པུསྟེ། མཚོན་ཆ། ཤེལ་ཕྲེང༌། འོ་ཐུག་སོགས་སྟེར་བ། ཉི་ཟླ་ཤར་བ། སྒྲོན་མེ་སྦར་བ། མེ་ཏོག་རྒྱས་པའི་དགའ་ཚལ་དུ་ཕྱིན་པ་སོགས་དགེ་ཞིང་ཤིས་པའི་མཚན་མ་འབྱུང་བ་དང༌། དངོས་སུ་འཆད་རྩོད་རྩོམ་གསུམ་དང༌། གཞུང་འཛིན་པ་སོགས་ལ་སྔར་ལས་བློ་གྲོས་ཀྱི་འཇུག་པ་གསལ་བར་འགྱུར་རོ། །གཉིས་པ་ནི། དེ་ལྟར་མཚན་མ་རྙེད་ནས་ཀྱང་འོ…

རི་བོས་བསྐོར་བ་སོགས་ཞིང་གི་བཀོད་པ་ཕུན་སུམ་ཚོགས་པའི་དབུས་སུ། འོག་ཏུ་བདུད་རྩི་འོ་མའི་རྒྱ་མཚོ་ལ་མེ་ཏོག་སྣ་ཚོགས་པ་དག་གིས་ཁྱབ་པར། ངང་ངུར་ལ་སོགས་པའི་ཆུ་བྱས་བརྒྱན་པའི་འགྲམ་དུ་ནེའུ་གསེང་ལ་གླང་པོ་ཆེ་ཐལ་དཀར་གྱི་ཚོགས་གནས་པ། མཚོའི་དབུས་ན་པདྨའི་སྡོང་པོ་ཡལ་ག་ལོ་མ་གསེར་ལས་བྱས་པའི་རྩེ་མོར་པདྨ་དཀར་པོ་ཆེས་ཡངས་པའི་ལྟེ…

བྲི། བྲིས་ཟིན་མ་ཐག རས་བྲིས་ཤར་དུ་དགྲམ། མཆོད་པ་རྒྱ་ཆེན་པོ་བཤམ། ལྷར་བསྐྱེད་མཆོད་བསྟོད་སྤྱན་དབྱེ་བྱ། བརྟན་བཞུགས་ཀྱི་མེ་ཏོག་འཐོར་ཞིང་ཤིས་པ་བརྗོད་དོ། །ཉི་མ་གཅིག་ལ་སྐུ་འབྲི་བ་ནས་བཟུང་སྟེ་རབ་གནས་དང་བཅས་པའི་བར་གྲུབ་ན་ལེགས་སོ། །གཉིས་པ་སྒྲུབ་པ་དངོས་ནི། ཡོད་ན་སྐུ་གདུང་དང་བཅས་པའི་མཆོད་རྟེན་ཀྱང་བཤམ། སྔར་གྱི་བྲིས…

ཕོག་པས་འཁོར་ལོ་གཡས་དང༌། ཡིག་འབྲུ་གཡོན་དུ་འཁོར་ཏེ་མི་ཤེས་པའི་མུན་པ་སངས། ཤེས་རབ་ཀྱི་སྣང་བ་རྒྱས་པར་བསམས་ལ་ཐུན་བཞིར་སྒོམ་བཟླས་ལ་བརྩོན་པར་བྱ། ཐུན་མཚམས་རྣམས་སུ་མཆོད་བསྟོད་མཎྜལ་འབུལ། དེའང་མཎྜལ་གྱི་གསོལ་གདབ། རྗེ་བཙུན་འཇམ་པའི་དབྱངས་ཀྱི་ལྷ་ཚོགས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བཞེས་ན…

གིས་དབྱངས་ཅན་གྱི་ངག་ཐོབ་པར་འགྱུར་རོ། །ཞེས་གསུངས་པས། ཞག་ཉི་ཤུ་རྩ་གཅིག་བསྒྲུབས་པས་དངོས་དང་རྨི་ལམ་གྱི་རྟགས་རྣམས་ཡང་ཡང་འབྱུང་ཞིང་བརྟན་པར་འགྱུར་རོ། །གལ་ཏེ་མ་བྱུང་ན་བསྐྱར་ཐང་གཅིག་གམ། གཉིས་སམ་ཇི་ལྟར་སྒྲིབ་པ་ཆེ་ཞིང་བུལ་ནའང་ལན་བདུན་ཚུན་ལ་རྟགས་གཉིས་མི་འབྱུང་མི་སྲིད་དེ། སྤོབས་ཆོག་དང་བཅས་པའོ། །རྟགས་བཟང་ངན་གང་བྱ…

གཉིས་ཀའི་དོན་གྱི་བཅུད་ཕྱུང་བ་འཇམ་མགོན་སངས་རྒྱས་ཕུན་ཚོགས་ཀྱིས་མཛད་པའི་ལས་ཚོགས་རྣམས་གསལ་བར་བཤད་པ་འདོད་དོན་ལྷུན་གྲུབ་སོགས་ལས་རྟོགས་པར་བྱ་ཞིང༌། གཞན་ཡང༌། གཞུང་ལུགས་འཆད་པ་ན་མགྲིན་པ་དུང་དཀར་པོ་གཡས་སུ་འཁྱིལ་པར་གྱུར་པའི་ནང་ཐམས་ཅད་ཨཱ་ལི་ཀཱ་ལིས་གང་བ་ལས་འོད་ཟེར་དམར་པོ་ལྕགས་ཀྱུའི་རྣམ་པ་ཅན་འཕྲོས་པས། སངས་རྒྱས་བྱང་…

ནམས་ཅན་ཐམས་ཅད་ཀྱི་ཤེས་རབ་དང༌། ཡོན་ཏན། ནོར་བུ་དང༌། སྨན་དང༌། སྔགས་ལ་སོགས་པ་བརྟན་གཡོའི་དྭངས་བཅུད་ཐམས་ཅད་ཨཱ་ལི་ཀཱ་ལིའི་རྣམ་པར་བསྡུས་ནས་ཐུགས་ཀའི་ས་བོན་ལ་ཐིམ་པས་སྤོབས་པའི་གཏེར་ཆེན་པོ་བརྒྱད་གྲོལ་བར་བསམ་ལ། རིག་སྔགས་ཀྱི་རྒྱལ་པོ་བཟླ་བཞིན་དུ་རྩོམ་ན་ཚིག་དོན་ཕུན་སུམ་ཚོགས་པས་མཁས་པ་རྣམས་ཡིད་འཕྲོག་པར་འགྱུར་རོ། །མཁས…

བ་མཆོག་ཏུ་རྒྱས་པའི་རྒྱུར་གྱུར་ཅིག། ༈ །འཇམ་དཔལ་དཀར་པོ་དཔའ་བོ་གཅིག་གྲུབ་ཀྱི་ཆོས་སྐོར་ལས། བསྙེན་སྒྲུབ་ཁ་སྐོང་གི་སྦྱིན་སྲེག་ཡེ་ཤེས་འོད་སྣང་བཞུགས་སོ། །ཨོཾ་སྭ་སྟི། བསྙེན་པའི་ཁ་སྐོང་སྦྱིན་སྲེག་གི་ཆོ་ག་ལ། སྦྱོར་དངོས་རྗེས་གསུམ་ལས། དང་པོ་ནི། འདིའི་བསྙེན་པ་རྫོགས་ནས་དབེན་པའི་གནས་སུ་ཡར་ངོའི་ཚེས་གྲངས་གཟའ་སྐར་སྦྱོ…

ཆུ་གཉིས་སྔོན་འགྲོའི་ཉེར་སྤྱོད་བཤམ། རང་གི་གཡས་ཐབ་ཀྱི་གཡོན་ནས་ཕར་ཡམ་ཤིང་འོ་མ་ཅན་གྱི་ཤིང་སོགས་མཐེའུ་ཆུང་གི་སྦོམ་ཕྲ་མཐོ་གང་གི་ཚད་ཅན་གང་དགོས་དང༌། རྩི་མར་གྱི་མར་ཁུ་གསར་པ་དང་མེ་ཏོག་དཀར་པོ་དུག་ཤིང་སོགས་མ་ཡིན་པ་དྲི་བཟང་བ་གང་རྙེད་དང༌། དྲི་ཞིམ་པོ་སེར་པོས་ཀྱང་རུང་གསུངས། སྤྲོ་ན་བསྲེག་རྫས་སྡིག་པ་ཞི་ཕྱིར་ཏིལ། བགེག…

མི་འདའ་བ་ལ་བསླབ། དཔལ་འབར་ལ་གོང་དུ་བཤད་པའི་མེ་སྦར་ཏེ། གུས་པའི་ཚུལ་གྱིས་ཐབ་ཀྱི་གཡས་ནས་ཟླུམ་པོར་བསྐོར་ཞིང༌། ཨོཾ་ཝཱ་ཀྱེ་སོགས་ཡི་གེ་དྲུག་པ་ལན་གསུམ་བརྗོད། ཨོཾ་བཛྲ་ཛྭ་ལ་རཾ་གྱིས་ཐབ་ཀྱི་ཏིང་ལོ་སྦར། རྩྭ་སྐམ་པོ་གཞན་དང་བཅས་ཏེ་མེ་སྦར། ཁུ་ཚུར་གཉིས་བཅངས་པའི་མཐེ་བོང་རྐྱོང་བ་བྱང་ཆུབ་མཆོག་གི་ཕྱག་རྒྱས་དགང་བླུགས་བཟུང་ལ…

རྩེ་མོ་མ་ཉམས་པ་ཐབ་དང་ཡོ་བྱད་རྣམས་ཀྱི་འབགས་པ་དང་མ་དག་པ་སེལ་བའི་ནུས་པ་དང་ལྡན་པར་གྱུར། ཨོཾ། ཀུ་ཤ་འདི་ནི་བཟང་ཞིང་དགེ །ས་ལས་སྐྱེས་པའི་སྙིང་པོ་མཆོག །ཚངས་པ་ཡི་ཡང་དག་བྱེད་ཡིན། །དཀོན་མཆོག་གསུམ་གྱི་དག་བྱེད་དེ། །དེས་བདག་ལ་གེགས་མེད་ཅིང་ཞི་བར་མཛོད་ཅིག །ཨོཾ་བཛྲ་ས་ཏྭ་ཨཱཿ ཞེས་བརྗོད་ཅིང་ཐབ་ཀྱི་མདུན་ནས་གཡས་སྐོར་གྱིས་…

སྭཱ་ཧཱས་ཀུ་ཤ་རྣམས་འབུལ། དེ་ཡང་སྔགས་དེ་རྣམས་གསུམ་ཙམ་རེ་བརྗོད་དེ་བྱིན་གྱིས་བརླབས་ནས། ཨགྣཱ་ཡེ། འབའ་ཞིག་གིས་འབུལ། གོང་ལྟར་ཡང་ཉེར་གཅིག་ལ་སོགས་པ་ཅི་འབྱོར་བའི་མཐར། བདག་གིས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཞི་བ་དང་བློ་གྲོས་ཕུན་སུམ་ཚོགས་པ་སྩལ་ཏུ་གསོལ། ཞེས་པའི་སྤེལ་ཚིག་སྡེ་ཚན་རེ་རེའི་མཐར་བར…

རྣམས་གོང་དང་འདྲ། རྫས་རྣམས་ཀྱི་གོ་དོན་ཡམ་ཤིང་གཟི་བརྗིད་ཆེ་བའི་ཆེད་དུ་འབུལ། མར་བདུད་རྩིར་གྱུར་པ་ཞལ་དུ་འབུལ། མེ་ཏོག་མངར་གསུམ་དང་མར་ཁུས་ཉུགས་པ་དབུ་ལ་ཕུལ་བས་དངོས་གྲུབ་སྩོལ་བར་བསམ། སྐབས་སུ་ཡམ་ཤིང་དང་མར་རྣམས་མེའི་ཚོད་དང་སྦྱར་ལ་ཕུལ། མེ་ཏོག་ཁོ་ན་ལ་གྲངས་བཟུང་སྟེ། ལྷ་སྔགས་འབའ་ཞིག་གིས་བསྙེན་པ་གང་སོང་གི་བཅུ་ཆ་འབ…

མུཿས་ཡེ་ཤེས་པ་གཤེགས། ཐབ་ཀྱི་རྡུལ་ཅུང་ཟད་དཔྲལ་བར་བྱུགས་ལ། དམ་ཚིག་པ་རང་ལ་ཐིམ། མར་དགང་བླུགས་གང་ཐབ་ཏུ་ཕུལ་ལ། ཨོཾ་བཛྲ་ཛྭ་ལ་རྃ། མེ་ལྷ་ཞལ་ཕྱག་གི་རྣམ་པར་གྱུར་ཅེས་བརྗོད། སྔར་ལྟར་བསྲེག་རྫས་ལྷག་མ་རྣམས་བཅུ་གཅིག་སོགས་ཕུལ། བྱོན་སྐྱེམས་ལྟར་མར་དགང་བླུགས་བདུན་ཚན་གསུམ་ཕུལ། གཏོར་མ་ཨོཾ་ཨཱཿཧཱུྃ་ལན་གསུམ་གྱི་བྱིན་གྱིས་བརླ…

ཆེད་དུ་ཆོས་སྨྲ་བའི་བཙུན་པ་སངས་རྒྱས་ཕུན་ཚོགས་ཀྱིས་ཆོས་གྲྭ་ཆེན་པོ་ལྷུན་གྲུབ་སྟེང་དུ་སྦྱར་བའི་ཡི་གེ་པ་ནི་ཉེ་བར་གནས་པ་ཤེས་རབ་ལྷུན་གྲུབ་ཀྱིས་བགྱིས་སོ། །ཤུ་བྷ་མསྟུ་སརྦ་ཛཱ་ག་ཏཱཾ།། ༈ །འཇམ་དཔལ་དཀར་པོ་དཔའ་བོ་གཅིག་གྲུབ་ཀྱི་ཆོས་སྐོར་བློ་གྲོས་པདྨོ་ཁ་འབྱེད་ལས། ལས་ཚོགས་རྣམས་གསལ་བར་བཤད་པ་འདོད་དོན་ལྷུན་གྲུབ་བཞུགས། ས…

རང་གི་ལྕེ་སྟེང་གི་ཨ་ལ་ཐིམ་པས། ལུས་ཐམས་ཅད་ཨ་དཀར་པོས་ཁེངས་པར་བསམས་ལ་བཟླས་པ་བྱའོ། །འདིའང་ལོ་ཟླ་ལ་སོགས་པར་འབད་པས་མི་བརྗེད་པའི་གཟུངས་ཐོབ་པར་འགྱུར་རོ། །གསུམ་པ་རྩོད་པ་བྱ་ཐབས་ནི། རང་ཉིད་འཇམ་དཔལ་གྱི་ང་རྒྱལ་བརྟན་པོར་བྱས་ལ་ལག་པ་གཡས་པའི་མཐེ་བོང་ལ་རལ་གྲི་སྔོ་སངས་ཡུ་བ་ལ་ཨས་མཚན་ཅིང༌། གྲི་རྩེ་ལ་མེ་འབར་བ་ཅིག་བསྒོམས་…

བཀྲམ་པའི་དྲུང་དུ་ཁ་ཤར་དུ་ཕྱོགས་པས་སྟན་བདེ་བ་ལ་འདུག བྲིས་སྐུ་མེད་ན་ཉི་ཟླ་གང་ཡིན་ལ་རྒྱབ་གཏད། སྐྱབས་འགྲོ་ནས་བརྩམས་ཏེ་སྒྲུབ་ཐབས་ལྟར་ཉམས་སུ་བླང༌། མཆོད་བསྟོད་མཎྜལ་འབུལ། གྲོགས་ཀྱིས་གཟས་བཟུང་ངོ་ཟེར་མ་ཐག སྔར་གྱི་སྲན་མ་ལྕེ་འོག་ཏུ་བཅུག་ཏེ་ཟླ་ཉི་ལ་མི་ལྟ་བར་རྩེ་གཅིག་པས་སྒོམ་བཟླས་ལ་འབད་ན་ནུས་པ་ཅན་ལ་སྲན་མ་ལས་མྱུ་ག…

ཀྱིས་བསྔགས་ཏེ། མར་རམ། འོ་མའམ། ཞུན་མར་རམ། ཏིལ་མར་དང་ལྷན་ཅིག་བཏུང༌། དེ་ནས་ཐོ་རངས་རེ་བཞིན་ཤུ་དག་ར་ཏི་གཅིག་ལྷག་པ་དང་ཆེར་ལྷག་པ་བཏང་སྟེ་གོམས་སུ་བཅུག་ནས། དེ་ནས་ཞོ་ཕྱེད་དུ་ལོངས་པའི་ཚད་ནི་པཎྜི་ཏ་དཱ་ན་ཤཱི་ལས་སྲན་མ་གཅིག་ཡིན་གསུངས་པས། ཞོ་ཕྱེད་རེ་ལ་གོང་ལྟར་བསྔགས་ཏེ་ཟླ་བ་གཅིག་གི་བར་དུ་འཐུངས་ན་གླེན་པ་དག་ནི་རིག་པ་མ…

དངུལ་ཟངས་གསུམ་སྟེ་འདི་དག་སྲབ་མོར་བརྡུངས་པ། »གྱིས་དཀྲིས་པ། གཟའ་འཛིན་དུས་སུ་སྔར་བཞིན་བསྒྲུབ། དཔྲལ་བར་ཐིག་ལེ་བྱས་པས་རང་སུས་ཀྱང་མི་མཐོང་བའི་མི་སྣང་འགྲུབ། དགུ་པ་རྐང་བྱུགས་ནི། ཤིང་ཤལྨཱ་ལིའི་ཁུ་བ་དང༌། དགེ་འབྱུང་གི་འགྲེལ་པར་གོ་རོ་ཙ་ན་ཞེས་འབྱུང་བ་ལ། བི་བྷཱུ་ཏི་ཙནྡྲས་གིའུ་ཝཾ་དུ་བཞེད་ཅིང༌། དཱ་ན་ཤཱི་ལ་ནི། སྔོ་ག…

ལ་མེ་སྦར། བུད་མེད་ཀྱི་ཐོད་པས་བཅད་དེ་དུད་པ་བླངས་ལ་སྣག་ཚ་བཞིན་སྦྱར་ཞིང༌། གསང་སྔགས་བཟླ། དེས་མིག་ལ་བྱུགས་ན་འཇིག་རྟེན་གསུམ་མཐོང་བར་འགྱུར་ཞིང༌། དཔྲལ་བར་ཐིག་ལེ་བྱས་ན་བདག་སུས་ཀྱང་མི་མཐོང་ལ། རྐང་པ་ལ་བྱུགས་ན་རྐང་མགྱོགས་འགྲུབ་ཅིང༌། རྫས་དེ་གང་ལ་རེག་པའི་སྐྱེ་བོ་དེ་བདག་གི་དབང་དུ་འགྱུར་རོ། །ཞེས་བཞེད་དོ། །རྒྱུད་ལས།…