ལྡན་ཅིང༌། ཁྱད་པར་འཆད་རྩོད་རྩོམ་གསུམ་དང་གཟུངས་དང་སྤོབས་པ་སོགས་ཡིད་ལ་ཇི་ལྟར་འདོད་པའི་ཤེས་རབ། དེ་ཉིད་བསྡུས་ཏེ་སྙིང་གའི་ཧྲཱིཾཿལ་ཐིམ་པས་གང་འདོད་པའི་ཤེས་རབ་ཀྱི་མཐུ་ཕུལ་དུ་བྱུང་བས་ལུས་ངག་ཡིད་གསུམ་གྱི་རྒྱུད་ཡོངས་སུ་གང་བར་བསམས་ལ། ཧྲཱིཾཿ ཞེས་པའི་རིག་པ་འབྲུ་གཅིག་པ་ཉིད་བཟླས་པའི་སྐྱོན་རྣམས་སྤངས་ཏེ་རྩེ་གཅིག་ཏུ་བཟ…

ཅི་རིགས་པ་བཟླ། གང་ལྟར་ཡང༌། དགེ་བ་འདི་ཡི་མྱུར་དུ་བདག །སྒྲ་དབྱངས་ལྷ་མོ་འགྲུབ་གྱུར་ནས། །སོགས་བསྔོ་བ་དང་སྨོན་ལམ་གྱིས་རྒྱས་གདབ་སྟེ། ཆོས་དང་མཐུན་པའི་སྤྱོད་ལམ་གྱིས་གནས་པར་བྱའོ། །ཡང་བསྙེན་པ་སོགས་ཀྱི་ཚེ་ལྟས་འཚུབས་པར་བྱུང་ན། གོང་གི་འཇམ་དབྱངས་བསྒོམ་པའི་ཚབ་ཏུ་སྐད་ཅིག་གིས་མི་གཡོ་བར་གསལ་བཏབ་ལ་བཟླས་པ་ཇི་ལྟར་རིགས་པ…

༼རི་མོ་ཡོད།༽

སྒྲ་དབྱངས་ལྷ་མོ་དབྱངས་ཅན་མ་དཀར་མོའི་སྒྲུབ་ཐབས་ལས་ཚོགས་དང་བཅས་པ་བཞུགས་སོ།། རིང་བརྒྱུད་བྲམ་ཟེ་ཕུར་བུའི་ལུགས།།

སྭ་ར་སྭ་ཏཱི། སྟོང་པའི་ངང་ལས་པདྨ་དང༌། །དྲི་མེད་ཟླ་བའི་དཀྱིལ་འཁོར་དབུས། །རང་ཉིད་ལྷ་མོ་སྐུ་མདོག་དཀར། །ཕྱག་གཉིས་དྲི་ཟའི་པི་ཝང་སྦྲེང༌། །ཞབས་གཉིས་ཙོག་པུར་མཉམ་པར་བཞུགས། །སྟོད་སྨད་དར་དཀར་ན་བཟའ་གསོལ། །རིན་ཆེན་རྒྱན་གྱིས་སིལ་ཁྲོལ་ཅན། །ཆགས་པའི་ཉམས་དང་ལྡན་པ་ཡི། །སྙིང་ནི་པདྨ་འདབ་བརྒྱད་པ། །ལྟེ་བར་ལྗང་སེར་ཟེའུ་འབྲུ…

ཡང་ན་དམིགས་པ་འདི་བཞིན་བྱ། །ཡི་གེ་ཐམས་ཅད་མགོ་མཇུག་བཟློག །འདར་ཞིང་འཁྲབ་ལས་ཧྲཱིཾཿའཕྲོས་ཏེ། །ལྟེ་བ་ནས་བུད་ཁར་འཇུག་གོ །ཧྲཱིཾཿགི་ཕྲེང་བའི་འོད་ཟེར་གྱིས། །འཕགས་དང་མཁས་པ་ནོར་བུའི་རིགས། །རྒྱལ་པོ་བློན་པོ་བཅས་པ་དང༌། །གཞོན་ནུ་མ་ལ་སོགས་པ་ཡི། །མཐུ་དང་ནུས་པ་གཟི་བརྗིད་དང༌། །ཚེ་དང་བསོད་ནམས་པྲཛྙཱ་སོགས། །རང་དབང་མེད་པར་…

བཞིན་བྱེད་ཀྱིས་གཞན་དུ་སྡིག །རང་ལྕེ་འཁོར་ལོར་བསྒོམ་པས་ཆོག །འགྲན་ཟླ་དེ་ཡི་ཡར་རྐན་ལ། །ལྕགས་ཀྱི་འཁོར་ལོ་རྩིབས་བརྒྱད་པ། །མར་རྐན་ཟངས་ཀྱི་འཁོར་ལོ་བསྒོམ། །ལྕེ་ལ་གསེར་གྱི་རྡོ་རྗེ་འབར། །རྒྱ་གྲམ་ཆེན་པོས་མནན་པར་བསྒོམ། །དེ་རྣམས་ལྟེ་བར་ཡི་གེ་ཧྲཱིཾཿ། །ནག་པོས་མི་འགྱུར་བསྡམས་པར་བསམ། །དེ་ཡི་ཁོང་པར་གསེར་གྱི་ནི། །མཆོད་…

རྣམས་གང༌། །དུག་རྣམས་སྒོ་ནས་བུད་པར་བསམ། །ངག་ཏུ་མིང་རུས་ཆེ་གེ་མོའི། །བི་ཥ་ཤཱནྟིངྐུ་རུ་སྭཱ་ཧཱ། །ཞེས་པའི་གསང་སྔགས་བཟླས་གྱུར་ན། །དུག་གིས་ཟིན་ནས་ཤི་ལ་ཐུག །ཐམས་ཅད་སོས་པར་ཐེ་ཚོམ་མེད། །གཞན་ཡང་བྱིས་པ་བཙས་མ་ཐག །རྐེད་པ་ཉི་གྲིབ་ཕྱེད་མར་བྱ། །གི་ཧཾ་རྒྱ་སྐྱེགས་འདྲེས་པ་ཡིས། །ལྕེ་ལ་དབྱངས་ཅན་འཁོར་ལོ་དགོད། །དགུག་གཞུག་བ…

མ་རྒྱལ་མཚན་དང༌། །རྡོ་རྗེ་རྒྱལ་མཚན་ཞེས་པར་ཡང༌། །ཁོ་བོའི་བླ་མ་དག་གིས་གསན། །དེ་ལས་ཐོས་ཏེ་ཡི་གེར་བྲིས། །འདི་ནི་ལྷ་མོ་དེ་ཉིད་ཀྱིས། །རྗེས་སུ་བཟུང་བའི་བློ་གྲོས་ཅན། །བི་ཛ་ཞེས་པའི་མིང་ཅན་གྱིས། །མ་སྦས་གསལ་བར་བཀོད་པའོ། །ཞལ་ནས་ཞལ་དང་སྙན་ནས་སྙན། །ཐུགས་ནས་ཐུགས་སུ་བརྒྱུད་པ་འདི། །ཡི་གེར་བཀོད་པ་བཟོད་གསོལ་ཞིང༌། །འགྲོ…

དབྱངས་ཅན་དཀར་མོའི་སྒྲུབ་ཐབས་མན་ངག་དང་བཅས་པ་ཤེས་རབ་ཀྱི་སྣང་བ་རྒྱས་བྱེད་ཅེས་བྱ་བ་བཞུགས་སོ།།

འཇིག་རྟེན་མེས་པོའི་ཞལ་གྱི་ཆུ་སྐྱེས་ལས། །ལེགས་འཁྲུངས་ངང་པའི་བུ་མོ་དབྱངས་ཅན་མ། །བདག་གི་ཡིད་མཚོར་རྟག་ཏུ་རོལ་ཅིག་དང༌། །ཁྱོད་ཉིད་སྒྲུབ་པའི་རིམ་པ་བདག་གིས་བཤད། །དེ་ཡང་ལྷ་མོ་དབྱངས་ཅན་མ་དཀར་མོ་སྒྲུབ་པར་འདོད་པས་སྐྱབས་འགྲོ་སེམས་བསྐྱེད་སྔོན་དུ་བཏང༌། རང་སྐད་ཅིག་གིས་ལྷ་མོ་དབྱངས་ཅན་མར་གསལ་བའི་ཐུགས་ཀའི་ཧྲཱིཾཿལས་འོད…

ཏུ་གྱུར་པར་བསམ། སྟོང་པའི་ངང་ལས་པྃ་ལས་པདྨ་དཀར་པོ་འདབ་མ་བརྒྱད་པའི་ལྟེ་བར་ཨ་ལས་ཟླ་བའི་དཀྱིལ་འཁོར་དཀར་བསིལ་ཉ་གང་བའི་སྟེང་དུ་རང་གི་སེམས་ཉིད་ཡི་གེ་ཧྲཱིཾཿདཀར་པོ། དེ་ལས་འོད་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་མི་ཤེས་པའི་མུན་པ་བསལ། ཤེས་རབ་ཀྱི་སྣང་བ་ལ་བཀོད། ཚུར་འདུས་ཡོངས་སུ་གྱུར་པ་ལས་རང་ཉིད་ལྷ་མོ་དབྱངས་ཅན་…

དམར་པོ། ཐུགས་ཀར་ཧཱུྃ་མཐིང་གིས་མཚན་པ། རང་གི་སྙིང་གྱེན་དུ་བསླངས་པའི་ནང་དུ་སྲོག་གི་ངོ་བོ་ཡི་གེ་ཨོཾ་དཀར་པོའི་ནཱ་ད་ལས་འོད་ཟེར་དཀར་པོ་ལྕགས་ཀྱུ་ལྟ་བུ་དབུགས་ཕྱིར་རྒྱུ་བ་དང་ལྷན་ཅིག་ཏུ་སྣ་བུག་གཡས་པ་ནས་འཕྲོས་ཏེ་ལྷོ་ཕྱོགས་ཀྱི་རྒྱ་མཚོ་ཆེན་པོའི་འགྲམ་དྲི་ཟ་དགའ་བའི་ཚལ་ཞེས་བྱ་བ་ན་ལྷ་མོ་དབྱངས་ཅན་མ་བཞུགས་པའི་ཤངས་བུག་ག…

བསམ་ཞིང༌། ཧྲཱིཾཿརེ་རེ་བརྗོད་པའི་རིང་ལ་བསྐོར་བ་རེ་འཁོར་བ་འགལ་མེའི་འཁོར་ལོ་ལྟ་བུར་མྱུར་དུ་འཁོར་བའི་འོད་ཟེར་གྱིས་ཐོགས་མེད་ནས་ཀྱི་སྡིག་སྒྲིབ་ཐམས་ཅད་དང༌། ཁྱད་པར་མི་ཤེས་པའི་མུན་པ་ཐམས་ཅད་བསལ། བློ་གྲོས་ཀྱི་སྣང་བ་ཐོགས་མེད་དུ་རྒྱས་པར་བསམས་ནས་བཟླ། ཡང་འཁོར་ལོའི་ལྟེ་བའི་ཧྲཱིཾ་ཡིག་ལས་འོད་ཟེར་དཔག་ཏུ་མེད་པར་འཕྲོས། …

བསྒྲུབས་པས་རྟགས་འབྱུང་སྟེ། དངོས་སུ་སྔར་བས་དྲན་པ་གསལ་ཞིང་ལྕེ་བདེ་བ་དང༌། གཞུང་མང་དུ་འཛིན་ནུས་པ་དང༌། སྙན་ངག་རྩོམ་འདོད་པ་སོགས་དང༌། རྨི་ལམ་དུ་བུ་མོ་ཡིད་དུ་འོང་བ་རྒྱན་གྱིས་བརྒྱན་པས་དཀར་གསུམ་གྱི་ཟས་བྱིན་པ་དང༌། ཤིང་ཐོག་དང་རྩི་སྨན་སོགས་བྱིན་པ་ཟོས་པ་དང༌། ཐོད་ལེ་ཀོར་དང་ཤིང་བཟང་པོ་ལ་སོགས་པའམ། རིན་པོ་ཆེ་དང་མེ་ཏོ…

ཕུང་པོ་ལྟར་མཛེས་སྐུ། །སྟོན་ཀའི་ཟླ་བ་ལན་བརྒྱར་ཕྱིས་པའི་ཞལ། །ཨུཏྤལ་ནགས་ཚལ་ཉེ་བར་འཕོས་པའི་སྤྱན། །བཅུ་དྲུག་ལང་ཚོའི་དཔལ་མངའ་ཁྱོད་ལ་འདུད། །ཞལ་ནས་དབྱངས་གསལ་ཕྲེང་བའི་གླུ་དབྱངས་དང༌། །ཕྱག་གཉིས་དྲི་ཟའི་ཕང་འགྲོའི་སྒྲ་སྙན་གྱིས། །ཀུན་གྱི་རྣ་བའི་བཅུད་ལེན་རྒྱས་མཛད་མ། །ཞབས་གཉིས་ཙོག་པུའི་ཚུལ་གྱིས་འགྱིང་ལ་འདུད། །ཧྲཱིཾ…

བོ་དོང་པཎ་ཆེན་ཕྱོགས་ལས་རྣམ་རྒྱལ་ནས་བརྒྱུད་པའི་དབྱངས་ཅན་དཀར་མོའི་སྒྲུབ་ཐབས་གེགས་སེལ་རྗེས་གནང་བསྟོད་པ་དང་བཅས་པའི་སྐོར་རྣམས་བཞུགས་སོ།།

ལྷ་མོ་དབྱངས་ཅན་མ་ལ་ཕྱག་འཚལ་ལོ། །དབྱངས་ཅན་མ་སྒྲུབ་པར་འདོད་པས་སྡིག་ཏོ་མི་དགེ་བ་སྤང༌། ཚངས་པར་སྤྱད། ཁྱད་པར་རྫུན་མི་སྨྲ། ཤ་ཆང་སྒོག་བཙོང་ལ་སོགས་པའི་བཟའ་བཏུང་སྤང༌། ཁྲུས་དང་གཙང་སྦྲ་བྱ། ཟས་དང་སྐོམ་དང་གནས་གཙང་བ་ལྟ་བུར་བླང་ངོ༌། །དེ་ལྟ་བུའི་གང་ཟག་དེས་ཐོ་རངས་ཀྱི་དུས་སྔ་བ་ལ་སོགས་པར་བདེ་བའི་སྟན་ལ་མཉམ་གཞག་གི་སྤྱོད་…

བུར་དུ་བྱུང་བའི་ལྷ་མོ་མེ་ཏོག་དང༌། བདུག་པ་དང༌། མར་མེ་དང༌། བྱུག་སྤོས་ཐོགས་པ་རྣམས་ཀྱིས་གང་བར་བསྒོམ་ཞིང༌། ཨོཾ་པྲྀ་ཏཱི་དེ་ཝཱི་ཧྲཱིཿདེ་བྱ་པུཥྤེ་ཧཱུྃ། ནས་བི་ལེ་པ་ནི་ཧཱུྃ། ཞེས་པའི་བར་སྔགས་རྣམས་རིམ་པ་བཞིན་དུ་ཤིབ་བུར་བརྗོད་དོ། །མེ་ཏོག་གི་ཆར་དབབ། བདུག་སྤོས་ཀྱིས་བདུག མར་མེས་སྣང་བ་གསལ་བར་བྱས། བྱུག་སྤོས་ཀྱིས་བྱུག…